02. ágú. 2017 - 20:00Davíð Már Kristinsson

Atlavík ´84

Stærsta ferðahelgi ársins nálgast nú óðfluga, sjálf verzlunarmannahelgin. Skemmtanaþyrstir unglingar, ungmenni og stundum fullorðið fólk þeisast á útihátíðir en fjölskyldurnar leita í fjölskylduhátíðir.

Ég held reyndar að það séu fáar útihátíðir eftir en margar fjölskylduhátíðir hafa sprottið upp eins og á Akureyri, í Nesskaupsstað, Unglingalandsmótin svo dæmi séu tekin

Hver man ekki eftir útihátíðum eins og t.d Uxa ´95, Eldborg 2001, Halló Akureyri, Atlavík ´84 og Viðey ´84?

Ég var nú reyndar ekki fæddur þegar tvær síðast nefndu voru haldnar og þegar Uxi var haldin var ég 8 ára að nálgast 9 aldursárið. Held nú reyndar að fæstir sjái eftir flestum þessum hátíðum sem sumar hverjar misheppnuðust allhrapalega í heild sinni. Uxi og Eldborg voru bara 1 ár en Halló Akureyri lifði heil 7 ár en var svo slaufað eftir hátíðina ´99 bæjarbúum á Akureyri almennt til mikillar gleði

Sjálfur hef ég aldrei verið neinn útihátíðarmaður. Mér finnst ekki heillandi tilhugsun að gista einhvers staðar í tjaldi, í allra veðra von og allra síst að vera innan um endalaus drykkjulæti þar sem fleiri þúsund manns eru á litlum bletti, vera illa sofinn og vera hugsanlega algjörlega lerkaður andlega og líkamlega svo þegar haldið er heim á leið á mánudeginum. Þetta er bara ekki fyrir mig. Því miður. Svona getur maður nú verið skrýtinn að hafa þetta ekki í sér.

Ég óska öllum góðrar skemmtunar um helgina, vona að veðurguðirnir verði hliðhollir öllum landshornum og vona að allir skemmti sér vel og fallega og komi klakklaust og heilt út úr helginni, bæði frá vegunum og áfangastöðunum og sé með frábærar minningar í farteskinu




14.júl. 2017 - 19:41 Davíð Már Kristinsson

Jákvæð teikn á lofti

Nýlega bárust fregnir af því að Handknattleikssamband Íslands hefði framlengt samning sinn við Olís sem aðalstyrktar aðili efstu deildar á Íslandi. Efsta deild karla og kvenna mun því heita áfram Olís deildin en 1. deild karla og kvenna fær í fyrsta skipti nafn en þær munu heita Grill 66 deildin.
17.jún. 2017 - 22:37 Davíð Már Kristinsson

Úrslitaleikur á móti Úkraínu

Eftir töluverða útreikninga og úrslit síðustu umferðar er það ljóst að Ísland kemst áfram á næsta heimsmeistaramót með sigri á Úkraínu í Laugardalshöllinni, annað kvöld kl. 18:45. Horfurnar með það voru ekki góðar í upphafi en sem betur fer eigum við ennþá mjög góða von að sjá Ísland keppa á enn einu stórmótinu í handbolta í janúar næstkomandi.
10.maí 2017 - 17:28 Davíð Már Kristinsson

Rýnt í úrslitaeinvígi FH og Vals

Nú er komið að því að úrslitaeinvígið er að hefjast í Olís deild karla og eru það lið FH og Vals sem mætast í úrslitaeinvíginu þetta árið. FH endaði í 1. sæti í deildinni og urðu deildarmeistarar en Valur endaði í 7. sæti og unnu bikarmeistaratitlinn. Bæði þessi lið spila knallharða og gífurlega sterka 6-0 vörn þar sem vel er tekið á því og notaður til þess mikill þungi og kraftur. Valur spilar líka stundum með Ými Gíslason fyrir framan í 5-1 vörn og falla niður í 6-0 er lið leysa inn á móti þeim Sóknarlega eru þessi lið bæði mjög öguð og eru góð í þessu svokallaða framhaldsspili. Þau velja oft ekki fyrsta séns og láta boltann ganga 2-4 sinnum oftar til að fá opnun.
18.apr. 2017 - 22:21 Davíð Már Kristinsson

Undanúrslit Olís deildar kvenna að hefjast

Frábært tímabil hjá Stjörnunni. Deildarmeistarar og bikarmeistarar. Eru með besta hópinn í deildinni - með allsvakalega breidd. Það eru fullt af stelpum sem geta komið inná af bekknum og breytt gangi leiksins
07.apr. 2017 - 18:25 Davíð Már Kristinsson

8-liða úrslit í Olís deild karla að hefjast

Eftir gríðarlega jafna og spennandi deildarkeppni í vetur þar sem á köflum allir gátu unnið alla er komið að úrslitakeppni

Þetta er mín spá fyrir 8 liða úrslit Olís deildar karla
14.des. 2016 - 11:17 Davíð Már Kristinsson

Spáin fyrir 16.umferðina í Olís-deildinni

Handknattleiksþjálfarinn Davíð Már spáir fyrir um 16. umferð Olís deildar karla sem hefst á morgun fimmtudag. Valsararnir hafa verið á fínni siglingu heilt yfir undanfarið en voru hundslappir í síðasta leik þar sem þeir töpuðu sannfærandi á móti Stjörnunni eftir að hafa komist m.a 11-4 yfir. Þeir geta notað Stjörnu leikinn sem mikla hvatningu til að snúa dæminu aftur við.



Davíð Már Kristinsson
Akureyskur Vesturbæingur. Starfsmaður Reykjavíkurborgar. Þjálfari. Leikari. Sjálfstætt starfandi. Pistlahöfundur fyrir Pressan.is