16. jún. 2012 - 21:00Björn Ingi Hrafnsson

Bóndinn á Bessastöðum

Fyrir nokkrum vikum, þegar útlit var fyrir að sjö frambjóðendur yrðu í komandi forsetakosningum, var ég að hugsa um að setja saman pistil og stinga upp á því að við tækjum upp sama system og margar þjóðir, nefnilega að hafa tvær umferðir í kosningum um þjóðhöfðingjann til næstu fjögurra ára.

Mér fannst einhvern veginn ómöguleg tilhugsun að fylgi myndi dreifast (misjafnlega þó) á milli sjö frambjóðenda og á endanum yrði einn valinn, væntanlega með stuðningi minnihluta kjósenda. Til þess að koma í veg fyrir að slíkt gerist hafa margar þjóðir þann háttinn á að hafa tvær umferðir, þá seinni meðal tveggja efstu. Niðurstaðan úr slíkri kosningu er jafnan nokkuð afgerandi og stærri hluti þjóðarinnar fær þann þjóðhöfðingja sem hann kaus, en ekki akkúrat höfuðandstæðinginn.

En þetta var semsé fyrir nokkrum vikum.

Þá var staðan þannig í skoðanakönnunum að Þóra Arnórsdóttir sjónvarpskona og gamall félagi minn úr stúdentapólitíkinni var með umtalsvert forskot á aðra frambjóðendur, þar á meðal sjálfan forsetann! Þetta var auðvitað ótrúleg staða og sýndi umtalsverða óánægju með óbreytt ástand, það er varla hægt að horfa framhjá því.

En nú er allt í einu einsog síðan séu liðin mörg ár...

Skoðanakönnun Fréttablaðsins og Stöðvar 2 sýnir nú að Ólafur Ragnar er stunginn af þegar kemur að fylgi meðal landsmanna, hann fær 58%. Þóra Arnórsdóttir mælist með 28%, Ari Trausti Guðmundsson með 8%, Herdís Þorgeirsdóttir með 4% og Hannes og Andrea fá sitt prósentið hvort.

Og þar af leiðandi er engin ástæða til að hafa áhyggjur af því að fylgislaus forseti verði kosinn.

Þetta er auðvitað svo sláandi staða, að hætt er við að síðustu vikur baráttunnar geti orðið eitt stórt antiklímax. Það er auðvitað fræðilegur möguleiki að allt breytist og þjóðin snúi baki við forsetanum sínum á mettíma, en hver trúir því í raun og veru að slíkt muni gerast?

Egill Helgason orðar þetta svo á Eyjunni í dag:

Ólafur Ragnar Grímsson virðist vera kominn með öruggt forskot í forsetakosningunum. Sigurinn blasir við honum. Það er bara spurning hvað hann verður stór.

Og hann bætir við:

Það verður ekki séð að Þóra, sem flaug hátt í skoðanakönnunum fyrstu vikurnar, eigi neitt svar við þessu. Málflutningur hennar hefur verið óskýr og hikandi – kannski er ekki von á öðru, hún er í hlutverki sem hún þekkir í raun ekki. Stuðningsmenn hennar virðast hafa haldið að það væri nóg að sýna hana til að sigra í kosningunum. Þeir ofmátu Þóru og vanmátu Ólaf.

Það er erfitt að mótmæla þessu.

Auðvitað getur enn eitthvað breyst. Ástþór datt út, kannski detta fleiri frambjóðendur út. En varla mun það einhverju skipta? Margir í kringum mig hafa nú þegar gert upp hug sinn. Er hægt að fá þá til að skipta um skoðun?

Kosningabaráttan hefur hingað til verið fremur róleg. Uppákomurnar eru heldur litlausar. Herdís frænka mín vildi ekki láta taka mynd af sér í hlutverki forsetans, taldi slíkt óviðeigandi. Sama manneskja sá ekkert athugavert við það að taka þátt í að halda á lofti fótbolta með öðrum frambjóðendum fyrir okkur á Pressunni. Mér fannst hún standa sig vel í því.

Það fer ekki mikið fyrir auglýsingum, frambjóðendur eru á ferðalagi og reyna að hitta sem flesta. Mér sýnist að Ólafur Ragnar og Þóra fari þar fremst í flokki og bóndinn á Bessastöðum sé þar í essinu sínu, hitti mikinn fjölda fólks á hverjum degi og heilli marga. Enn fleiri heillist þó af Dorrit, sem sé stjarnan hvar sem hún kemur og landsmenn greinilega elski hana.

Kosningabaráttan hefur þannig að mestu farið siðsamlega fram. Ég tek þó eftir að margir úr hópi stuðningsmanna Þóru dreifa ákaft á milli sín grínmyndum af forsetanum, eða reyna að sýna hann í neikvæðu ljósi. Að einhverju leyti má kenna þetta við neikvæðar auglýsingar, sem menn þekkja úr bandarískri pólitík.

Mér sýnist að Íslendingar kunni lítt að meta svona aðferðir. Á sínum tíma birtu Hafskipsmenn heilsíðuauglýsingar nánast á kjördag þegar Ólafur Ragnar var fyrst í framboði og ætluðu þannig að klekkja á honum. Sýna hver hann væri í raun og veru með neikvæðum auglýsingum, eða negative ads. Atlagan mistókst gjörsamlega, samúðin féll með Ólafi Ragnari fyrir hinar smekklausu árásir og hann vann góðan sigur.

Neikvæð skilaboð virkuðu ekki 1996 og þau virka heldur ekki nú. Þess vegna sýnist mér að fylgi við Ólaf Ragnar Grímsson aukist í jöfnu hlutfalli við neikvæðan áróður gegn honum. Og það er algjörlega borðleggjandi að þjóðin mun ekki láta Hallgrím Helgason (sjá HÉR) segja sér hvern hún eigi að kjósa sem forseta, þótt hann beiti hræðsluáróðri gegn bóndanum á Bessastöðum sem hann eitt sinn unni svo mjög.

Egill Helgason sér lokadaga baráttunnar svona fyrir sér:

Það er ólíklegt að nokkuð breytist úr þessu. Frambjóðendur eru búnir að fara með rullurnar sínar í sjónvarpi. Það er varla von á miklum tíðindum úr þeirri átt. Gunnar Helgi Kristinsson stjórnmálafræðingur segir í Fréttablaðinu að Þóra þurfi að breyta kosningabaráttu sinni, en það er spurning hvernig það ætti að gerast. Hún gæti reynt að fara af meiri hörku í Ólaf Ragnar, en óvíst er að það myndi skila árangri. Gæti jafnvel haft þveröfug áhrif. 




08.mar. 2014 - 15:17 Björn Ingi Hrafnsson

Kæra Hanna Birna

Mig langaði að senda þér fáeinar línur þar sem ég hef trú á að þú gætir með jákvæðum hætti haft áhrif á mál sem hefur valdið mér talsverðu hugarangri undanfarna daga.
03.mar. 2014 - 15:05 Björn Ingi Hrafnsson

Ókeypis ráð til Gunnars Braga

Ég hef starfað við fjölmiðla með hléum í aldarfjórðung eða svo. Inn á milli starfaði ég í heimi stjórnmálanna, bæði sem aðstoðarmaður ráðherra og sem kjörinn fulltrúi. Ég tel mig því hafa nokkra þekkingu á hvort tveggja og þeirri spennu sem getur verið á milli stjórnmálamanna og fjölmiðlamanna í hita leiksins hverju sinni.
18.jan. 2014 - 20:11 Björn Ingi Hrafnsson

Til varnar Birni Braga

Í fyrsta lagi: Við skulum alveg viðurkenna strax að brandarinn hans Björns Braga í EM-horninu um slátrun íslenska landsliðsins og nasista á Austurríkismönnum var einstaklega ófyndinn, ósmekklegur og óviðeigandi. Ég svitnaði þegar ég heyrði sjónvarpsmanninn segja þetta í beinni útsendingu og trúði satt að segja ekki mínum eigin eyrum.
10.des. 2013 - 19:11 Björn Ingi Hrafnsson

Skynsamleg ráðstöfun

Það fór eins og spáð var á þessum vettvangi í gær, að ekki væri pólitískur stuðningur við hugmyndir meirihluta fjárlaganefndar um að skerða barnabætur í því skyni að fjármagna aukin útgjöld til heilbrigðiskerfisins.
09.des. 2013 - 23:10 Björn Ingi Hrafnsson

Eru framsóknarmenn sammála Vigdísi?

Vigdís talar eins og sá er langt til hægri við Sjálfstæðisflokkinn. Talar hún fyrir aðra þingmenn Framsóknarflokksins? Um miðjan síðasta áratug var ég í einhver ár fulltrúi annars oddvita ríkisstjórnarinnar í svonefndum ríkisfjármálahópi. Það var mjög leynilegur hópur sem fundaði að sumri þegar veðrið var gott og skoðaði fjárreiður ríkisins og velti fyrir sér möguleikum til sparnaðar og hagræðingar.
04.des. 2013 - 11:28 Björn Ingi Hrafnsson

Stöndum vörð um lögregluna

Við Íslendingar erum enn að melta voðafregn mánudagsmorgunsins, að maður féll eftir skotbardaga við lögreglu. Það er þyngra en tárum taki, að svo hafi þurft að fara í fyrsta sinn sem lögreglan þurfti að grípa til þeirra skotvopna sem sérsveitin hefur undir höndum og færir okkur óþægilegan sannleik um þann veruleika sem blasir við lögreglumönnunum okkar dag hvern við þeirra skyldustörf.
30.nóv. 2013 - 19:57 Björn Ingi Hrafnsson

Þeir stóðust prófið

Stjórnarsáttmálinn og ný ríkisstjórn var handsöluð á Laugarvatni. Aðalmálið var skuldamálin. Sex mánuðum seinna eru kynntar tillögur sem sæta miklum tíðindum. Fróðlegt væri að sjá sem fyrst nýjar mælingar á fylgi við stjórnmálaflokkana og ríkisstjórnina. Ég gæti trúað að mikill byr sé í seglum ríkisstjórnarflokkanna nú eftir langþráða kynningu dagsins á aðgerðum fyrir skuldsett heimili. Þar stóðust formenn stjórnarflokkanna prófið með miklum glans.
20.jún. 2013 - 22:14 Björn Ingi Hrafnsson

Skynsemin og veiðigjaldið

Hvað sem okkur finnst um veiðigjald og skatta almennt, liggur fyrir, að bæði Framsóknarflokkur og Sjálfstæðisflokkur lofuðu því fyrir kosningar að breyta veiðigjaldinu, kölluðu það landsbyggðarskatt og hétu því að jafna því frekar innan útgerðarinnar, því það bitnaði illa á ákveðnum aðilum en vóg létt í pyngju annarra.
06.apr. 2013 - 08:20 Björn Ingi Hrafnsson

Þjóðargersemi

Það er gæfa hverrar þjóðar að eiga listamann einsog Þórhall Sigurðsson, listamann sem kynslóðir hafa alist upp við að hlæja að og hlæja með, listamann sem fær okkur til að líða betur við nánast hvaða aðstæður sem er.
31.mar. 2013 - 16:41 Björn Ingi Hrafnsson

Skítkast virkar ekki

Kosningabaráttan hefst formlega með fullum krafti strax eftir páska, en undanfarnar vikur hefur krafturinn í henni stigmagnast og vafalaust hefur pólitík komið til umræðu í fermingarveislum og páskaboðum um land allt undanfarna daga.
17.mar. 2013 - 21:30 Björn Ingi Hrafnsson

Sannleikurinn gerir okkur frjáls

Ég horfði á sláandi frásögn þeirra Ásdísardætra í Sjálfstæðu fólki Jóns Ársæls nú í kvöld. Faðir misnotaði fimm dætur sínar um langt árabil, seldi þær og beitti konu sína ofbeldi. Saga þessara systra er svo ótrúleg og sláandi að manni fallast eiginlega bara hendur. Allt samfélag okkar brást þeim systrum. Slíkt má ekki gerast aftur.
06.mar. 2013 - 18:11 Björn Ingi Hrafnsson

Kæru Stefán og Jón Viðar

Kæru Stefán og Jón Viðar, þið sem gegnið störfum lögreglustjórans á höfuðborgarsvæðinu og slökkviliðsstjórans á sama svæði.
09.jún. 2012 - 08:00 Björn Ingi Hrafnsson

Einhverra hluta vegna

Ég get vottað það persónulega með margvíslegum hætti að Alþingi Íslendinga er bæði ósköp venjulegur íslenskur vinnustaður og jafnframt í hæsta máta óvenjulegur.
24.okt. 2011 - 16:00 Björn Ingi Hrafnsson

Fall og upprisa Þráins

Þráinn Bertelsson er maður sem lifir og hrærist í mörgum víddum – í lífi og listum.
Við munum öll grínmyndirnar hans sem fengu fádæma aðsókn í íslenskum kvikmyndahúsum og lifa enn góðu lífi í dag, ekki síst gegnum samtöl og frasa sem urðu landsþekktir á einni nóttu.
12.júl. 2011 - 11:35 Björn Ingi Hrafnsson

Amma Dreki

Fermingarmyndir endast jafnan ákaflega illa. Þessi er engin undantekning. En samt eru fáar myndir mér kærari, af augljósum ástæðum. Í dag eru liðin áttatíu og fimm ár frá því Runólfi Jónssyni Dagssyni útvegsbónda og Guðrúnu Sigurðardóttur húsfreyju á Hellissandi fæddist lítil stúlka. Þetta var 12. Júlí árið 1926, sumarið var fallegt á fátæku landi sem glímdi við margvísleg bágindi, stúlkan fékk nafnið Elín og hún var amma mín, heilög kona í minni tilveru. Mig langar aðeins að minnast hennar með fáum orðum.
24.des. 2009 - 14:00 Björn Ingi Hrafnsson

Hin helga nótt

Ætli jólin séu ekki einmitt nú kærkomin hvíld fyrir íslenska þjóð frá átakamálum sem kljúfa hana í herðar niður, eilífum áhyggjum, neikvæðum fréttum og almennri togstreitu í samfélaginu?
05.okt. 2009 - 00:00 Björn Ingi Hrafnsson

Fellur draumastjórn forsetans?

Nú þegar virðulegir stjórnmálafræðiprófessorar stíga nú fram og telja stjórnarsamstarfið ekki einungis í uppnámi heldur jafnvel að því sé hreinlega sjálfhætt, er ekki úr vegi að fara aftur í tímann um nokkra mánuði.
30.sep. 2009 - 14:42 Björn Ingi Hrafnsson

Þjóðstjórn

Þann 30. september 2008, nákvæmlega upp á dag fyrir ári síðan, birtist þessi frétt sem ég skrifaði á forsíðu Fréttablaðsins.
25.jún. 2009 - 22:31 Björn Ingi Hrafnsson

Meistari Jackson

Enginn getur tekið það frá Michael Jackson, sem lést óvænt úr hjartaslagi í kvöld, að þar fór einhver merkasti tónlistarmaður samtímans, goðsögn í lifanda lífi og manneskja í eilífri innri baráttu við sjálfa sig.

Björn Ingi Hrafnsson
Blaðamaður í ríflega aldarfjórðung. Ritstjóri Pressunnar. Útgefandi og stjórnarformaður Vefpressunnar ehf.  bjorningi@pressan.is
Sigurvin Ólafsson
Sigurvin Ólafsson - 15.8.2014
Slæm Lýsing
Aðsend grein
Aðsend grein - 15.8.2014
Virðing og samfélagsleg auðgun
Sigurður G. Guðjónsson
Sigurður G. Guðjónsson - 26.8.2014
Maðurinn með hattinn, hann á engan aur
Jón Steinar Gunnlaugsson
Jón Steinar Gunnlaugsson - 23.8.2014
Skylda til tilkynningar um hljóðritun
Hannes Hólmsteinn Gissurarson
Hannes Hólmsteinn Gissurarson - 16.8.2014
Örlagasögur af Íslandi sagðar erlendis
Vilhjálmur Birgisson
Vilhjálmur Birgisson - 14.8.2014
Þöggun leiðir til fordóma
Jón Steinar Gunnlaugsson
Jón Steinar Gunnlaugsson - 22.8.2014
Hvaðan eru upplýsingar DV?
Vilhjálmur Birgisson
Vilhjálmur Birgisson - 22.8.2014
Breyting sem bitnar á þeim tekjulægstu
Hannes Hólmsteinn Gissurarson
Hannes Hólmsteinn Gissurarson - 15.8.2014
Athugasemdir við fyrirlestra mína
Hannes Hólmsteinn Gissurarson
Hannes Hólmsteinn Gissurarson - 23.8.2014
Blómið í hóffarinu
Þórhallur Heimisson
Þórhallur Heimisson - 14.8.2014
Kristin talnaspeki: Talan tveir
Vilhjálmur Birgisson
Vilhjálmur Birgisson - 19.8.2014
Þessu óréttlæti verður að linna
Fleiri pressupennar