01. feb. 2010 - 19:00Björgvin G. Sigurðsson

Orkan og endurreisnin

Fjöldi tækifæra blasir nú við okkur í hagkvæmri nýtingu endurnýjanlegra orkulinda Íslands. Ákvörðun umhverfisráðherra um að Suðvesturlína fari ekki í sameiginlegt mat á umhverfisáhrifum markar þáttaskil við uppbygging atvinnutækifæra á Suðurnesjum og orkunýtingu á svæðinu. Með henni er óvissunni eytt um horfur í stærstu uppbyggingarverkefnum sem áætlanir eru uppi um.

Nú fer allt á fulla ferð við uppbyggingu nýrra atvinnutækifæra á Suðurnesjum. Bæði við lagningu línunnar sem er mikil framkvæmd en þó sérstaklega í tengslum við nýtingu á þeirri miklu vistvænu orku sem við búum yfir. Sameiginlega munu fyrirhugað álver, virkjanir því tengdar og gagnaverið á Ásbrú skapa á fjórða þúsund störf á uppbyggingartíma. Nú eru allar forsendur fyrir því að fara á fulla ferð með þessar stóru framkvæmdir og þær miklu erlendu fjárfestingar sem því fylgja.

Auðvitað liggur til grundvallar að orkufyrirtækjunum takist að fjármagna verkefnin í því óvissuástandi sem nú ríkir og því mikið undir að eyða henni sem allra fyrst og skapa traust á Íslandi sem fjárfestingarkosti.

Til að varpa ljósi á þá fjölmörgu kosti sem við búum yfir í orkunýtingu og nýfjárfestingum er gagnlegt að fara yfir svið þeirra verkefna sem stjórnvöld undir forystu iðnaðarráðherra vinna nú að. Til að undirstrika stærðirnar sem um ræðir er að fjármálaráðuneytið metur það svo í þjóðhagsspá sinni að stækkun álversins í Straumsvík og bygging álversins í Helguvík muni auka landsframleiðsluna um 4,2% að raungildi og kosta yfir 400 milljarða króna á tímabilinu 2009-2015.

Fjárfestingasamningurinn vegna álversins varð að lögum í fyrra vor og nú er Alþingi að ljúka vinnu við fjárfestingasamning vegna gagnaversins. Hann var undirritaður í iðnaðarráðuneytinu fyrir nokkrum mánuðum og nú er iðnaðarnefnd Alþingis að ljúka við umfjöllun um hann. Þar skiptir einnig miklu máli innkoma stærsta fjárfestingarsjóðs á Bretlandi í Verne Global. Gangi þetta eins og efni standa til eftir þessa skynsamlegu ákvörðun ráðherra þá gengur batinn í atvinnumálum hratt fram á næstu mánuðum og það mikla atvinnuleysi sem nú er á Suðurnesjunum fer hratt niður. Þá fylgir nýrri Suðvesturlínu aukið raforkuöryggi á Suðurnesjunum sem nú er langt frá því að vera viðunandi.

Með gagnaveri Verne Global er talið að afleidd störf vegna þess gætu orðið um 330 til viðbótar við þau tvö hundruð störf sem verða til annars vegar á sjö ára byggingatíma og hins vegar í gagnaverinu sjálfu. Hér er um að ræða hátæknistörf, einkum fyrir háskólamenntað fólk á sviði tæknimenntunar og verkfræði auk starfa í byggingariðnaði. Í heildina má ætla að uppbygging gagnavers á Suðurnesjum myndi skapa ríflega 500 störf þegar allt er talið, á svæði þar sem um 1.500 manns eru nú án atvinnu. Það er því mikið í húfi að verkefnið komist til framkvæmda og að iðnaðarnefnd vinni málið hratt og örugglega.

Komið hefur fram að áætlanir Verne Global gera ráð fyrir því að skatttekjur fyrirtækisins til hins opinbera muni nema um 14 milljörðum króna á þessum áratug í formi tekjuskatts fyrirtækisins og starfsfólks þess, fasteignagjalda og annarra gjalda. Auk þess er gert ráð fyrir því að fyrirtækið kaupi raforku fyrir um 30-36 milljarða króna og eru ótaldar tekjur innlendra fyrirtækja sem munu njóta góðs af viðskiptum við Verne þegar fram í sækir.

Skynsamleg og sjálfbær orkunýting er forsenda og drifkraftur endurreisnar samfélagsins og eflingar atvinnulífsins. Endurnýjanlegar orkulindir eru sóknarfæri okkar og sérstaða sem þjóðar til þess fá hingað nauðsynlega erlenda fjárfestingu. Fjárfestingar í endurnýjanlegum orkulindum landsins geta breytt samdrætti í vaxtarskeið og unnið gegn atvinnuleysi og framkvæmdafalli í byggingariðnaði og orkugeira. Þar liggja sóknarfærin.




(26-31) Michelsen: Útskriftir - maí
27.maí 2016 - 15:53 Björgvin G. Sigurðsson

Vinstra megin við miðju

Björgvin G. Sigurðsson, ritstjóri Suðra.
Landslag stjórnmálanna hefur breyst umtalsvert í sviptingum síðustu ára. Sjálfstæðisflokkurinn sem ríkti yfir landi og þjóð stóran hluta 20 aldarinnar var sjaldan fjarri 40% fylgi. Af þeim stalli stjórnaði flokkurinn í skjóli sundrungar vinstra megin miðjunnar, sameinuð fylking hægriaflanna í landinu sem náði langt út fyrir raðir hefbundinna hægri flokka.

28.apr. 2016 - 19:41 Björgvin G. Sigurðsson

Málskotið markaði tímasmót

Fyrirkomulag forsetaembættisins í íslenskri stjórnskipan er næsta einstakt og á sér ekki beinan samjöfnuð. Finnar hafa sama háttinn á og kjósa þjóðhöfðingja í beinni kosningu sem fer með tiltekið framkvæmdavald, einkum á sviði utanríkismála. Aðrir forsetar, kosnir beinni kosningu, eru handhafar framkvæmdavaldsins og skipa sínar ríkisstjórnir sem starfa í þrígreindu ríkisvaldi með þingi og dómstólum.

15.mar. 2016 - 11:56 Björgvin G. Sigurðsson

Vítahringur vaxtaokursins

Kostnaðurinn við krónuhagkerfið er ánauð á íslenskri alþýðu. Vaxtaokrið er fylgifiskur örmyntarinnar, vegna kostnaðar þjóðfélagsins við að halda úti sjálfstæðri mynt. Þetta fyrirkomulag er þverbrestur í lífskjörum vinnandi fólks í landinu en peningaelítan og útgerðin gerir allt sitt upp í evrum og dollurum og lifir fyrir vikið í annarri vaxtaveröld en alþýðan.
11.feb. 2016 - 15:49 Björgvin G. Sigurðsson

Baráttan um nýtt Breiðholt

Fyrirheit um breytingar á húsnæðismarkaði virðast enn hyllingar einar. Síðustu kosningar til Alþingis snerust að stórum hluta um húsnæðismál: Endurgreiðslu verðbóta, bann verðtryggingar á fasteignalán og róttækar breytingar á fyrirkomulagi húsnæðismála. Breyttu kerfi þar sem nýr leigumarkaður liti dagsins ljós með sanngjörnu fyrirkomulagi kaupleigu og búseturéttar sem valkosti við séreignastefnuna.
26.okt. 2015 - 19:02 Björgvin G. Sigurðsson

Fíkniefni og frelsissvipting

Refsistefnan í ávana- og fíkniefnamálum hefur ekki skilað tilætluðum árangri. Óhóflega er gengið í refsidómum þar sem oftar en ekki er um að ræða fárveika fíkla. Fíklar eru sjúklingar og þeim að hjálpa til heilsu en ekki dæma til refsinga.
20.okt. 2015 - 18:20 Björgvin G. Sigurðsson

Framtíðinni skotið á frest

Nú þegar kjörtímabilið er rúmlega hálfnað er mikilvægt að halda því til haga að fyrirheit um þjóðaratkvæðagreiðslu um framhald umsóknar Íslands að Evrópusambandinu hafa ekki gengið eftir. Möguleg aðild Íslands að sambandinu og myntbandalaginu er án efa mesta stærsta og mikilvægasta hagsmunamál þjóðarinnar um áratugaskeið, jafnvel frá lýðveldisstofnun. Með því að setja umsókna á ís frestast það m,a. um mörg ár að leiða til lykta valkosti landsins í gjaldmiðils- og peningamálum.
12.sep. 2015 - 12:10 Björgvin G. Sigurðsson

Kjör Corbyns og vinstri sveiflan í Verkamannaflokknum

Stórsigur Jeremy Corbyn í leiðtogakjöri breska Verkamannaflokksins markar margvísleg þáttaskil. Tímanna tákn í uppgjöri eftirhrunsára fjármálakreppunnar og þunganum í stigvaxandi kröfu almennings um aukinn jöfnuð og vernd gegn yfirgangi markaðsaflanna
08.júl. 2015 - 16:22 Björgvin G. Sigurðsson

Rósin og hnefinn - síðustu dagar Samfylkingarinnar?

Þegar ég var á sautjánda ári tók ég afgerandi afstöðu til stjórnmála sem hefur mótað allt mitt lífshlaup síðan. Hafði ekki fyrr en í aðdraganda kosninganna 1987 velt stjórnmálum verulega fyrir mér en fann um leið og áhuginn vaknaði að ég var eindreginn jafnaðarmaður. Vinstri sinnaður sósíaldemókrati.
21.feb. 2014 - 22:40 Björgvin G. Sigurðsson

Lengi skal flokkinn reyna

Látum vera „verðtryggingarbannið“ og „skuldaleiðréttinguna“ sem varð að litlu öðru en millifærslu á séreignasparnaði inn á húsnæðislán, en slit á viðræðum við ESB er hreint og klárt voðaverk. 
Yfirgnæfandi meirihluti landsmanna vill ljúka viðræðum og kjósa um samning. Þá lofaði formaður Sjálfstæðisflokksins að þjóðaratkvæðagreiðsla færi fram um það hvort viðræðum skyldi lokið eða þeim slitið. Þeim orðum gengur hann nú á bak.
09.ágú. 2013 - 18:00 Björgvin G. Sigurðsson

Ofsi teboðsins og aðildarviðræðurnar

Framhald viðræðna  við Evrópusambandið um aðild er án nokkurs vafa mikilvægasta verkefni stjórnmálanna. Í því felst stærsta hagsmunamál almennings og fyrirtækja í landinu; framtíð án hafta, verðtryggingar og æðisgenginna sveiflna í verðmæti gjaldmiðilsins. Stöðugleiki í verðlagi og lágir viðvarandi vextir. 
09.júl. 2013 - 15:18 Björgvin G. Sigurðsson

Lukkuleg ákvörðun Letta og ógæfa Íslands

Þess í stað lesum við um heimóttarlega þvermóðskuna í ríkisstjórn hægri flokkanna, sérstaklega Framsóknarflokksins, um að þeirra mat sé, þvert á vilja um 80% þjóðarinnar sem vill kjósa um áframhald aðildarviðræðnanna, að Íslandi sé betur borgið utan ESB en innan. Aukaaðildin í gegnum EES með öllum sínum stórbrotnu göllum og lýðræðishöllum sé málið áfram.
29.maí 2013 - 10:31 Björgvin G. Sigurðsson

Harðlína í málum hælisleitenda

 Ákvörðun Útlendingastofnunar og innanríkisráðuneytis um að senda Króatana úr landi er bæði grimmileg gagnvart því fólki og röng ákvörðun.
22.maí 2013 - 15:01 Björgvin G. Sigurðsson

Verðlaus gjaldmiðill og verðtrygging í nefnd

Fátt kemur á óvart við lestur sáttmála hægri flokkanna. Væntingar án fordæma í skuldaniðurfærslum verða að óljósri von langt inn í framtíðinni.
08.maí 2013 - 11:09 Björgvin G. Sigurðsson

Þá þekki ég Ögmund illa

Þetta er hið versta mál þar sem Martins bíður ekkert nema óvissa og líklega hörmuleg örlög, endi hann aftur í heimalandi sínu. Engin réttlæting er að mínu mati fyrri því að íslensk stjórnvöld skjóti sér á bak við Dyflinnarreglugerðina og senda manninn aftur til Ítalíu þar sem litlar líkur eru á að mál hans verði tekið fyrir á næstu árum og mun hann því lifa við áframhaldandi óvissu.
26.apr. 2013 - 14:00 Björgvin G. Sigurðsson

Skilvirk stefna í skólamálum

Aðgerðir gegn miklu brotthvarfi úr framhaldskólum landsins og efling verk og tæknináms er á meðal brýnustu verkefna okkar í skólamálum.
10.apr. 2013 - 13:30 Björgvin G. Sigurðsson

Sanngjörn skuldaskil og alvöru leigumarkaður

Sanngjörn skuldaskil gagnvart þeim sem eru með verðtryggð húsnæðislán er eitt stærsta úrlausnarefni næstu missera. Sparnaður landsmanna var varinn þegar mest gekk á og útilokað er að gera þetta átakatímabil upp með réttlátum hætti nema að mæta frekar vanda þeirra sem skuldsettu sig fyrir húsnæði árin fyrir  kreppu.
04.apr. 2013 - 10:04 Björgvin G. Sigurðsson

Helguvík og Bakki – jafnræðis verður gætt

Uppbygging á iðnaðarsvæðinu í Helguvík skiptir miklu máli til að skjóta nýjum og traustum stoðum undir atvinnulíf á Suðurnesjum til framtíðar.
01.apr. 2013 - 19:46 Björgvin G. Sigurðsson

Íslenski hesturinn í Evrópu

Ég ætla að taka ómakið af ráðherrunum. Enda mikilvægt að það rétta komi skýrt fram í þessu mikilvæga máli þar sem sérstaða og verndun íslenska hestastofnsins er flestum Íslendinugum mjög mikilvæg og kæmi aldrei til álita að fórna því.
26.mar. 2013 - 12:37 Björgvin G. Sigurðsson

Uppgjör Guðmundar- og Geirfinnsmála

Frá því að falskar játningar í Guðmundar- og Geirfinnsmálum voru þvingaðar fram með harðræði, pyntingum og kúgunum hefur dómsmorðið sem framið var á sakborningum í málinu hvílt þungt á okkur sem þjóð. Það voru mikil vonbrigði þegar endurupptökubeiðni Sævars var hafnað fyrir 16 árum. Krafan um réttlæti stand í bili og lítið þokaðist.
22.mar. 2013 - 12:00 Björgvin G. Sigurðsson

Leiðin að upptöku evru

Í aðdraganda kosninganna 2009 boðaði formaður Sjálfstæðisflokksins „trúverðuga leið að upptöku evru" með stuðningi AGS og ESB. Hjáleið að myntbandalaginu án aðildar að Evrópusambandinu sjálfu. Hugmyndin var ein margra óraunhæfra um þægilega skyndilausn á gjaldmiðilsmálum okkar, enda hefur ekkert heyrst af henni síðan.

Björgvin G. Sigurðsson
Þingmaður Samfylkingarinnar.
Jón Steinar Gunnlaugsson
Jón Steinar Gunnlaugsson - 19.5.2016
Að sýna sjálfum sér virðingu
Jón Sigurðsson
Jón Sigurðsson - 21.5.2016
Icesave - enn og aftur
Hannes Hólmsteinn Gissurarson
Hannes Hólmsteinn Gissurarson - 27.5.2016
Vanþekking og vanstilling fréttamanns
Akureyri vikublað
Akureyri vikublað - 24.5.2016
Ekkert djók heldur lífsins alvara
Vilhjálmur Birgisson
Vilhjálmur Birgisson - 18.5.2016
Íslenskt verkafólk yfirgefið
Hannes Hólmsteinn Gissurarson
Hannes Hólmsteinn Gissurarson - 22.5.2016
Dósentsmálið 1937
Hannes Hólmsteinn Gissurarson
Hannes Hólmsteinn Gissurarson - 21.5.2016
Nordau á Íslandi
Hannes Hólmsteinn Gissurarson
Hannes Hólmsteinn Gissurarson - 25.5.2016
Icesave-málið, Jón og menntamennirnir
Björgvin G. Sigurðsson
Björgvin G. Sigurðsson - 27.5.2016
Vinstra megin við miðju
Aðsend grein
Aðsend grein - 27.5.2016
Aftur heim
Þórhallur Heimisson
Þórhallur Heimisson - 29.5.2016
Áskorun til alþingismanna
Fleiri pressupennar