01. feb. 2010 - 19:00Björgvin G. Sigurðsson

Orkan og endurreisnin

Fjöldi tækifæra blasir nú við okkur í hagkvæmri nýtingu endurnýjanlegra orkulinda Íslands. Ákvörðun umhverfisráðherra um að Suðvesturlína fari ekki í sameiginlegt mat á umhverfisáhrifum markar þáttaskil við uppbygging atvinnutækifæra á Suðurnesjum og orkunýtingu á svæðinu. Með henni er óvissunni eytt um horfur í stærstu uppbyggingarverkefnum sem áætlanir eru uppi um.

Nú fer allt á fulla ferð við uppbyggingu nýrra atvinnutækifæra á Suðurnesjum. Bæði við lagningu línunnar sem er mikil framkvæmd en þó sérstaklega í tengslum við nýtingu á þeirri miklu vistvænu orku sem við búum yfir. Sameiginlega munu fyrirhugað álver, virkjanir því tengdar og gagnaverið á Ásbrú skapa á fjórða þúsund störf á uppbyggingartíma. Nú eru allar forsendur fyrir því að fara á fulla ferð með þessar stóru framkvæmdir og þær miklu erlendu fjárfestingar sem því fylgja.

Auðvitað liggur til grundvallar að orkufyrirtækjunum takist að fjármagna verkefnin í því óvissuástandi sem nú ríkir og því mikið undir að eyða henni sem allra fyrst og skapa traust á Íslandi sem fjárfestingarkosti.

Til að varpa ljósi á þá fjölmörgu kosti sem við búum yfir í orkunýtingu og nýfjárfestingum er gagnlegt að fara yfir svið þeirra verkefna sem stjórnvöld undir forystu iðnaðarráðherra vinna nú að. Til að undirstrika stærðirnar sem um ræðir er að fjármálaráðuneytið metur það svo í þjóðhagsspá sinni að stækkun álversins í Straumsvík og bygging álversins í Helguvík muni auka landsframleiðsluna um 4,2% að raungildi og kosta yfir 400 milljarða króna á tímabilinu 2009-2015.

Fjárfestingasamningurinn vegna álversins varð að lögum í fyrra vor og nú er Alþingi að ljúka vinnu við fjárfestingasamning vegna gagnaversins. Hann var undirritaður í iðnaðarráðuneytinu fyrir nokkrum mánuðum og nú er iðnaðarnefnd Alþingis að ljúka við umfjöllun um hann. Þar skiptir einnig miklu máli innkoma stærsta fjárfestingarsjóðs á Bretlandi í Verne Global. Gangi þetta eins og efni standa til eftir þessa skynsamlegu ákvörðun ráðherra þá gengur batinn í atvinnumálum hratt fram á næstu mánuðum og það mikla atvinnuleysi sem nú er á Suðurnesjunum fer hratt niður. Þá fylgir nýrri Suðvesturlínu aukið raforkuöryggi á Suðurnesjunum sem nú er langt frá því að vera viðunandi.

Með gagnaveri Verne Global er talið að afleidd störf vegna þess gætu orðið um 330 til viðbótar við þau tvö hundruð störf sem verða til annars vegar á sjö ára byggingatíma og hins vegar í gagnaverinu sjálfu. Hér er um að ræða hátæknistörf, einkum fyrir háskólamenntað fólk á sviði tæknimenntunar og verkfræði auk starfa í byggingariðnaði. Í heildina má ætla að uppbygging gagnavers á Suðurnesjum myndi skapa ríflega 500 störf þegar allt er talið, á svæði þar sem um 1.500 manns eru nú án atvinnu. Það er því mikið í húfi að verkefnið komist til framkvæmda og að iðnaðarnefnd vinni málið hratt og örugglega.

Komið hefur fram að áætlanir Verne Global gera ráð fyrir því að skatttekjur fyrirtækisins til hins opinbera muni nema um 14 milljörðum króna á þessum áratug í formi tekjuskatts fyrirtækisins og starfsfólks þess, fasteignagjalda og annarra gjalda. Auk þess er gert ráð fyrir því að fyrirtækið kaupi raforku fyrir um 30-36 milljarða króna og eru ótaldar tekjur innlendra fyrirtækja sem munu njóta góðs af viðskiptum við Verne þegar fram í sækir.

Skynsamleg og sjálfbær orkunýting er forsenda og drifkraftur endurreisnar samfélagsins og eflingar atvinnulífsins. Endurnýjanlegar orkulindir eru sóknarfæri okkar og sérstaða sem þjóðar til þess fá hingað nauðsynlega erlenda fjárfestingu. Fjárfestingar í endurnýjanlegum orkulindum landsins geta breytt samdrætti í vaxtarskeið og unnið gegn atvinnuleysi og framkvæmdafalli í byggingariðnaði og orkugeira. Þar liggja sóknarfærin.




08.júl. 2017 - 17:00 Björgvin G. Sigurðsson

Paradís skotið á frest

Við andlát og útför Helmuts Kohl, fyrrverandi kanslara Þýskalands, rifjaðist rækilega upp sú stórkostlega hugsjón sem býr að baki stofnunar Evrópusambandsins. Það þurfti pólitíska risa, frá hægri og vinstri, á borið við kanslarann og Francois Mitterrand, fyrrum forseta Sósíalistaflokksins í Frakklandi, til að hrinda henni að fullu í framkvæmd.
27.jún. 2017 - 09:38 Björgvin G. Sigurðsson

Í kröppum krónudansi

Mikil og hröð styrking krónunnar hefur grafið undan útflutningsgreinum okkar og skyndilega eru blikur á lofti í ferðaþjónustunni. Gengisbreytingarnar koma harkalega niður á greininni sem á sama tíma hefur verið í fordæmislausum uppbyggingarfasa, til að mæta auknum gestakomum til landsins.
26.maí 2017 - 07:00 Björgvin G. Sigurðsson

Hin nýja miðja

Árangur Emmanuels Macron í frönsku forsetakosningunum á dögunum var afgerandi sigur umburðarlyndis, klassískrar velferðarstefnu og frjálsyndis yfir þjóðernisöfgum og hægri harðlínu Marine LePen. Hinsvegar er það mikið áhyggjuefni að meira en þriðjungur kjósenda studdi öfgaflokkinn Front National og spurt verður að leikslokum ef Macron lendir í vanda með að uppfylla væntingarnar.
11.maí 2017 - 18:00 Björgvin G. Sigurðsson

Skaðlegar skattahækkanir

Áform ríkisstjórnarflokkanna um að hækka virðisaukaskatt á ferðaþjónustuna koma illa við greinina, sem á sama tíma glímir við gengisstig krónunnar sem brennir upp ábatann af þessum stærsta atvinnuvegi landsins. Gangi skattahækkanir Sjálfstæðisflokks, Viðreisnar og Bjartrar framtíðar eftir er ört vaxandi grein í viðkvæmri stöðu greitt þungt högg.
10.maí 2017 - 08:47 Björgvin G. Sigurðsson

Við erum öll ein fjölskylda

Hryllingurinn og angistin sem milljónir barna í Sýrlandi og Jemen búa við dag hvern í stigmagnandi stríðsátökunum er fjarri okkur hér í friðsæld og velmegun Vesturlandanna. Hagsæld og friður byrgja sýn á mannlegan harmleikinn, nema þegar honum bregður fyrir í fréttamiðlunum.
28.apr. 2017 - 07:00 Björgvin G. Sigurðsson

Lýðræðið og listamenn skrumsins

Í ólgu alþjóðastjórnmálanna í kjölfar fjármálahamfaranna fyrir áratug eru víða blikur á lofti um framtíð og þróun lýðræðisins. Sjálfum grundvelli vestrænna samfélaga. Heimspekin hefur það hlutverk að hugsa gagnrýnið um kjarna hvers máls og greina innstu rök tilverunnar. Sjá í henni merkingu, tilgang og hvað felist á bak við leiktjöld samtímans. Stjórnspekin er þannig einkar mikilvægt tæki til þess að rannsaka hver þróun samfélagsins er hverju sinni.
03.mar. 2017 - 07:00 Björgvin G. Sigurðsson

Glæpur og refsing í Guðmundar- og Geirfinnsmálum

Guðmundar- og Geirfinnsmál eiga sér enga hliðstæðu í íslenskri sögu og hefur harmleikurinn vakið athygli langt úr fyrir landhelgi Íslands. Hysterían sem greip um sig náði langt inní fjölmiðla og stjórnmál landsins á áttunda áratugnum og er sérstakur kapítuli í hörmungarsögunni allri. Eftir því sem lengra líður frá dómunum blasir við hvílíkur skelfingarferill átti sér stað, allt frá handtökum sakborninga þar til dómur gekk í Hæstarétti árið 1980.

18.feb. 2017 - 07:00 Björgvin G. Sigurðsson

Trump og tónarnir frá þriðja ríkinu

Framrás popúlískra rasistaflokka í kjölfar kreppu og vantrausts á hefðbundnum stjórnmálum hófsemi, mannúðar og lýðræðis er sláandi. Flestir hefðu talið óhugsandi fyrir nokkrum mánuðum að maður með málflutning og framgöngu Donalds Trump yrði kosinn forseti Bandaríkjanna eða að meirihluti kjósenda í Bretlandi kysi með úrgöngu úr ESB, eftir lengsta samfellda skeið hagsældar og friðar í álfunni.
05.feb. 2017 - 07:00 Björgvin G. Sigurðsson

Ferðaþjónustan tekur flugið

Fjölgun ferðafólks til landsins hefur haft ómæld áhrif á þjóðlífið. Fyrir það fyrsta dró ferðaþjónustan vagninn úr stöðnun og kreppu eftirhrunsáranna, og skóp hagvöxt og gjaldeyri sem dreifir sér um samfélagið allt. Uppbyggingin á sér stað víða um land og skapar mörgum mikil tækifæri við atvinnusköpun af ýmsu tagi. Hvort heldur er í gistingu, veitingasölu eða afþreyingu af ýmsu tagi.
22.jan. 2017 - 07:00 Björgvin G. Sigurðsson

Bjartar vonir og brostin fyrirheit

Engin leið er að segja til um það nú hvernig nýrri ríkisstjórn farnist landstjórnin, þó nauman hafi hún meirihlutann. Gangi efnahagsmálin vel og ekki gefi alvarlega á bátinn með verðbólguskoti og gengisfalli þá hefur nýja hægri stjórnin allar forsendur til þess að sitja út kjörtímabilið, nema óvænt átök rísi í millum flokkanna, út af til dæmis landbúnaðar- eða Evrópumálum. Ekkert bendir hinsvegar til þess að svo verði.
22.des. 2016 - 18:00 Björgvin G. Sigurðsson

Ógnaröldin í Aleppó

Ógnaröldin í Aleppó varpar djúpum skugga á helgihaldið í allsnægtum Vesturlanda sem nú búa við lengsta friðarskeið og mestu hagsæld í sögunni. Ólýsanlegur hryllingurinn er óraunverulegur okkur sem lifum forréttindi friðar og nútíma velferðarsamfélags.

16.des. 2016 - 13:11 Björgvin G. Sigurðsson

Kárason fer á kostum

Einar Kárason er einn af risum íslenskra bókmennta og margir sem bíða nýrra bóka frá kappanum með eftirvæntingu. Rithöfundarferill Einars er fádæma farsæll og líkast til hefur engin íslensk skáldsaga náð öðrum eins vinsældum og Þar sem djöflaeyjan rís/Gulleyjan/Fyrirheitna landið. Trílógía Eyjabókanna sem kom út 1983-1989. Kostulegar sögur sem lifa t.d. með okkur í formi söngleikja og sígildrar bíómyndar Friðriks Þórs Friðrikssonar.

10.des. 2016 - 07:00 Björgvin G. Sigurðsson

Ár trúðsins

Uppgangur nýfasista og þjóðernissinnaðra popúlista hefur verið ævintýralegur árin eftir alþjóðlegu fjármálakreppuna, þó Ísland sé blessunarlega eitt fárra landa að mestu ósnortið af þeirri andstyggilegu pólitík. Stærsta breytingin á landslagi stjórnmálanna hér heima er sú að enn á ný eru sósíaldemókratar skiptir í marga flokka og hreyfingar, og eru fyrir vikið sundraðir og áhrifalitlir.

11.nóv. 2016 - 13:02 Björgvin G. Sigurðsson

List hins mögulega

Sjaldan hafa eftirmál kosninga til Alþingis á Íslandi skilað jafn mikilli óvissu um næstu ríkisstjórn. Í öllum þingkosningum síðustu 20 ára hefur það ýmist legið fyrir hvert yrði líklegasta módelið eða það fljótlega tekið á sig mynd.
22.okt. 2016 - 07:00 Björgvin G. Sigurðsson

Clinton og leiðin í Hvíta húsið

Leið Hillary Rodham Clinton að kosningunum um næsta forseta Bandaríkjanna er stórbrotin og litrík. Allt frá fyrstu árum hennar og Bills í Little Rock í Arkansas til þess að hún er fáeina metra frá því að verða fyrsta konan í Hvíta húsinu og annar Demókratinn í röð hefur Hillary vakið verðskuldaða athygli og lengi verið orðuð við embættið.

06.okt. 2016 - 07:30 Björgvin G. Sigurðsson

Flokkar í flóknum málum

Staða stjórnmálaflokkanna er flókin í aðdraganda kosninga til Alþingis  í lok október. Helst er að Vinstri grænir sigli lygnan sjó, enda verið ágæt samstaða um menn og málefni í flokknum eftir hatrömm átök og klofning á síðasta kjörtímabili. Nýju framboðin eru mörg og hart er keppt um athygli kjósenda og málefnalega sérstöðu.

24.sep. 2016 - 07:00 Björgvin G. Sigurðsson

Fátækragildrur á fasteignamarkaði

Aldrei hafa önnur eins fyrirheit verið gefin um nýja tíma á íbúðamarkaði og fyrir síðustu kosningar. Ekkert af þeim fyrirheitum gekk eftir, að því er virðist. Leigumarkaðurinn er sama svívirðan og áður. Ekkert bólar á nýja Breiðholtinu félagsmálaráðherrans og verðtrygging er ekki undantekning á útleið heldur almenn og ríkjandi regla í lánaviðskiptum.

13.sep. 2016 - 18:00 Björgvin G. Sigurðsson

Sit hjá að þessu sinni

Ég hef tilkynnt valnefnd vegna uppstillingar á framboðslista Samfylkingarinnar í Suðurkjördæmi að ég gefi ekki kost á mér að þessu sinni.

Frá því ég gerði hlé á framhaldsnámi mínu erlendis árið 1999 til að taka þátt í stofnun nýrrar hreyfingar jafnaðarmanna hef ég gegnt margvíslegum trúnaðarstörfum fyrir hreyfinguna, m.a setið á þingi og í ríkisstjórn, og allt til þessa dags verið virkur í grasrót flokksins. 

09.sep. 2016 - 15:00 Björgvin G. Sigurðsson

Fjárfest í innviðum ferðaþjónustunnar

Krafturinn í ferðaþjónustunni síðustu misserin hefur knúið íslenska hagkerfið áfram. Án þeirrar miklu aukningar sem er í heimsóknum erlendra feðamanna til landsins væri líklega stöðnun eða samdráttur í efnhagslífinu.

27.ágú. 2016 - 15:00 Björgvin G. Sigurðsson

Verðtryggt vaxtaokur; plástrar á svöðusár

Loforðið mikla um tafarlaust afnám á verðtryggingu lánsfjár þótti mörgum ansi bratt, en Framsókn stóð á því fastar en fótunum að það yrði ráðist í það strax að loknum kosningum. Nú líður að lokum kjörtímabilsins og lítið er um efndir. Við blasir verðtryggð króna um fyrirsjáanlega framtíð.


Björgvin G. Sigurðsson
Björgvin Guðni er ritstjóri Suðra, landshlutablaðs Vefpressunnar.

Björgvin sat á Alþingi fyrir Samfylkinguna á árunum 2003 til 2013 og var viðskiptaráðherra á árunum 2007 til 2009.

Kristjon Kormakur Guðjonsson
Kristjon Kormakur Guðjonsson - 14.7.2017
Ég barði nauðgarann minn
Jón Steinar Gunnlaugsson
Jón Steinar Gunnlaugsson - 15.7.2017
Undirheimafólkið
Vilhjálmur Birgisson
Vilhjálmur Birgisson - 19.7.2017
Enn eitt hneykslismálið
Hannes Hólmsteinn Gissurarson
Hannes Hólmsteinn Gissurarson - 15.7.2017
Ábyrgðin á óeirðunum 2008–9
Vilhjálmur Birgisson
Vilhjálmur Birgisson - 17.7.2017
Brot úr ræðu á Sumarþingi fólksins
Kristinn Karl Brynjarsson
Kristinn Karl Brynjarsson - 16.7.2017
Rógburður þingmanns
Davíð Már Kristinsson
Davíð Már Kristinsson - 14.7.2017
Jákvæð teikn á lofti
Magnús Þór Hafsteinsson
Magnús Þór Hafsteinsson - 15.7.2017
Smábátafloti á hverfanda hveli
Arnaldur Máni Finnsson
Arnaldur Máni Finnsson - 15.7.2017
Gömul speki og ný
Elín Ósk Arnarsdóttir
Elín Ósk Arnarsdóttir - 16.7.2017
Breyttu um lífstíl!
Hannes Hólmsteinn Gissurarson
Hannes Hólmsteinn Gissurarson - 22.7.2017
Samábyrgð Íslendinga eða Breta?
Börkur Gunnarsson
Börkur Gunnarsson - 25.7.2017
Konan mín er á túr
Þórhallur Heimisson
Þórhallur Heimisson - 19.7.2017
Skipperinn í Skálholti
Fleiri pressupennar