28. júl. 2011 - 14:00Björgvin G. Sigurðsson

Ný stjórnarskrá í þjóðaratkvæði

Skipan stjórnlagaráðs eftir ógildingu hæstaréttar á kosningu stjórnlagaþings var gæfuspor. Ráðið náði þegar góðu skriði við vinnu sína eftir skipan þess. Störf stjórnlagaráðs hafa verið opin og áhugavert að fylgjast með þeim. Starfsemin hefur gengið vel og á skömmum tíma liggur fyrir frumvarp að nýrri stjórnarskrá sem afhent er forseta Alþingis.

Þau hafa unnið vel og haft sóma af starfi stjórnlagaráðs.

Auðvitað má hafa langt mál um útfærslu einstakra atriða í frumvarpinu. Fólk hefur t.d. eðlilega ólíkar skoðanir á því hve margir atkvæðisbærra manna eigi að geta krafist þjóðaratkvæðis. Hvort þingmenn segji af sér þingmennsku á meðan þeir gegna ráðherraembætti. Hvort landið skuli vera eitt kjördæmi eða fleiri og hvort kjósa beri forsætisráðherra beint eða af Alþingi. 

Meginmálið nú er þetta: Frumvarp að nýrri stjórnarskrá liggur fyrir og  það á að mínu mati að ganga beint til þjóðaratkvæðis. Þegar tilhlýðilegri kynningu á efni þess er lokið gagnvart almenningi.

Ef farin væri sú leið að taka frumvarpið upp á Alþingi, og útfæra eða breyta einstökum atriðum þess, er hætta á að langan tíma tæki að koma breytingum á stjórnarskrá í þjóðaratkvæðagreiðslu. Litróf skoðana á þeim atriðum sem ég nefndi hér að ofan, svo ekki sé talað um auðlindamál og margt annað, er nánast endalaust.  Því er heppilegast að tillaga stjórnlagaráðs gangi óbreytt til þjóðaratkvæðagreiðslu. Frumvarp þess er heilstæð tillaga að nýrri stjórnarskrá og eðlilegast að hún gangi sem slík milliliðalaust til þjóðarinnar.

Sjálfur hef ég á síðastliðnum áratug tekið þátt í flutningi ýmissra mála sem snúa að lýðræðisþáttum stjórnarskrárinnar. Því gleðilegra þykir mér að sjá fram komin drög að nýrri stjórnarskrá þar sem mörg þau mál ná fram að ganga. Sum ekki en svoleiðis er það.

Haustið 2000 fluttum við nokkrir þingmenn Samfylkingarinnar t.d. þingsályktun um aukið beint lýðræði. Nokkrum árum síðar þingsályktun um beina kosningu forsætisráðherra, sem byggði á fyrsta þingmáli Bandalags jafnaðarmanna frá 1983. Þá fyrir tveimur árum frumvarp um að landið yrði gert að einu kjördæmi. Mál sem áður höfðu barist fyrir og flutt stórkratarnir Héðinn Valdimarsson, Jón Baldvinsson og Guðmundur Árni Stefánsson.

Skoðanir á þessum þáttum og flestum hinna 114 greina frumvarps stjórnlagaráðs erufjölbreyttar og ólíkar. Þvert á flokka og stéttir. Tillaga ráðsins er ákveðin niðurstaða eða málamiðlun á flórunni allri og því eðlilegast að þjóðin ákveði næstu skref í beinni kosningu um frumvarpið.




(21-31) NRS Gluggar og gler mars 2016
27.maí 2016 - 15:53 Björgvin G. Sigurðsson

Vinstra megin við miðju

Björgvin G. Sigurðsson, ritstjóri Suðra.
Landslag stjórnmálanna hefur breyst umtalsvert í sviptingum síðustu ára. Sjálfstæðisflokkurinn sem ríkti yfir landi og þjóð stóran hluta 20 aldarinnar var sjaldan fjarri 40% fylgi. Af þeim stalli stjórnaði flokkurinn í skjóli sundrungar vinstra megin miðjunnar, sameinuð fylking hægriaflanna í landinu sem náði langt út fyrir raðir hefbundinna hægri flokka.

28.apr. 2016 - 19:41 Björgvin G. Sigurðsson

Málskotið markaði tímasmót

Fyrirkomulag forsetaembættisins í íslenskri stjórnskipan er næsta einstakt og á sér ekki beinan samjöfnuð. Finnar hafa sama háttinn á og kjósa þjóðhöfðingja í beinni kosningu sem fer með tiltekið framkvæmdavald, einkum á sviði utanríkismála. Aðrir forsetar, kosnir beinni kosningu, eru handhafar framkvæmdavaldsins og skipa sínar ríkisstjórnir sem starfa í þrígreindu ríkisvaldi með þingi og dómstólum.

15.mar. 2016 - 11:56 Björgvin G. Sigurðsson

Vítahringur vaxtaokursins

Kostnaðurinn við krónuhagkerfið er ánauð á íslenskri alþýðu. Vaxtaokrið er fylgifiskur örmyntarinnar, vegna kostnaðar þjóðfélagsins við að halda úti sjálfstæðri mynt. Þetta fyrirkomulag er þverbrestur í lífskjörum vinnandi fólks í landinu en peningaelítan og útgerðin gerir allt sitt upp í evrum og dollurum og lifir fyrir vikið í annarri vaxtaveröld en alþýðan.
11.feb. 2016 - 15:49 Björgvin G. Sigurðsson

Baráttan um nýtt Breiðholt

Fyrirheit um breytingar á húsnæðismarkaði virðast enn hyllingar einar. Síðustu kosningar til Alþingis snerust að stórum hluta um húsnæðismál: Endurgreiðslu verðbóta, bann verðtryggingar á fasteignalán og róttækar breytingar á fyrirkomulagi húsnæðismála. Breyttu kerfi þar sem nýr leigumarkaður liti dagsins ljós með sanngjörnu fyrirkomulagi kaupleigu og búseturéttar sem valkosti við séreignastefnuna.
26.okt. 2015 - 19:02 Björgvin G. Sigurðsson

Fíkniefni og frelsissvipting

Refsistefnan í ávana- og fíkniefnamálum hefur ekki skilað tilætluðum árangri. Óhóflega er gengið í refsidómum þar sem oftar en ekki er um að ræða fárveika fíkla. Fíklar eru sjúklingar og þeim að hjálpa til heilsu en ekki dæma til refsinga.
20.okt. 2015 - 18:20 Björgvin G. Sigurðsson

Framtíðinni skotið á frest

Nú þegar kjörtímabilið er rúmlega hálfnað er mikilvægt að halda því til haga að fyrirheit um þjóðaratkvæðagreiðslu um framhald umsóknar Íslands að Evrópusambandinu hafa ekki gengið eftir. Möguleg aðild Íslands að sambandinu og myntbandalaginu er án efa mesta stærsta og mikilvægasta hagsmunamál þjóðarinnar um áratugaskeið, jafnvel frá lýðveldisstofnun. Með því að setja umsókna á ís frestast það m,a. um mörg ár að leiða til lykta valkosti landsins í gjaldmiðils- og peningamálum.
12.sep. 2015 - 12:10 Björgvin G. Sigurðsson

Kjör Corbyns og vinstri sveiflan í Verkamannaflokknum

Stórsigur Jeremy Corbyn í leiðtogakjöri breska Verkamannaflokksins markar margvísleg þáttaskil. Tímanna tákn í uppgjöri eftirhrunsára fjármálakreppunnar og þunganum í stigvaxandi kröfu almennings um aukinn jöfnuð og vernd gegn yfirgangi markaðsaflanna
08.júl. 2015 - 16:22 Björgvin G. Sigurðsson

Rósin og hnefinn - síðustu dagar Samfylkingarinnar?

Þegar ég var á sautjánda ári tók ég afgerandi afstöðu til stjórnmála sem hefur mótað allt mitt lífshlaup síðan. Hafði ekki fyrr en í aðdraganda kosninganna 1987 velt stjórnmálum verulega fyrir mér en fann um leið og áhuginn vaknaði að ég var eindreginn jafnaðarmaður. Vinstri sinnaður sósíaldemókrati.
21.feb. 2014 - 22:40 Björgvin G. Sigurðsson

Lengi skal flokkinn reyna

Látum vera „verðtryggingarbannið“ og „skuldaleiðréttinguna“ sem varð að litlu öðru en millifærslu á séreignasparnaði inn á húsnæðislán, en slit á viðræðum við ESB er hreint og klárt voðaverk. 
Yfirgnæfandi meirihluti landsmanna vill ljúka viðræðum og kjósa um samning. Þá lofaði formaður Sjálfstæðisflokksins að þjóðaratkvæðagreiðsla færi fram um það hvort viðræðum skyldi lokið eða þeim slitið. Þeim orðum gengur hann nú á bak.
09.ágú. 2013 - 18:00 Björgvin G. Sigurðsson

Ofsi teboðsins og aðildarviðræðurnar

Framhald viðræðna  við Evrópusambandið um aðild er án nokkurs vafa mikilvægasta verkefni stjórnmálanna. Í því felst stærsta hagsmunamál almennings og fyrirtækja í landinu; framtíð án hafta, verðtryggingar og æðisgenginna sveiflna í verðmæti gjaldmiðilsins. Stöðugleiki í verðlagi og lágir viðvarandi vextir. 
09.júl. 2013 - 15:18 Björgvin G. Sigurðsson

Lukkuleg ákvörðun Letta og ógæfa Íslands

Þess í stað lesum við um heimóttarlega þvermóðskuna í ríkisstjórn hægri flokkanna, sérstaklega Framsóknarflokksins, um að þeirra mat sé, þvert á vilja um 80% þjóðarinnar sem vill kjósa um áframhald aðildarviðræðnanna, að Íslandi sé betur borgið utan ESB en innan. Aukaaðildin í gegnum EES með öllum sínum stórbrotnu göllum og lýðræðishöllum sé málið áfram.
29.maí 2013 - 10:31 Björgvin G. Sigurðsson

Harðlína í málum hælisleitenda

 Ákvörðun Útlendingastofnunar og innanríkisráðuneytis um að senda Króatana úr landi er bæði grimmileg gagnvart því fólki og röng ákvörðun.
22.maí 2013 - 15:01 Björgvin G. Sigurðsson

Verðlaus gjaldmiðill og verðtrygging í nefnd

Fátt kemur á óvart við lestur sáttmála hægri flokkanna. Væntingar án fordæma í skuldaniðurfærslum verða að óljósri von langt inn í framtíðinni.
08.maí 2013 - 11:09 Björgvin G. Sigurðsson

Þá þekki ég Ögmund illa

Þetta er hið versta mál þar sem Martins bíður ekkert nema óvissa og líklega hörmuleg örlög, endi hann aftur í heimalandi sínu. Engin réttlæting er að mínu mati fyrri því að íslensk stjórnvöld skjóti sér á bak við Dyflinnarreglugerðina og senda manninn aftur til Ítalíu þar sem litlar líkur eru á að mál hans verði tekið fyrir á næstu árum og mun hann því lifa við áframhaldandi óvissu.
26.apr. 2013 - 14:00 Björgvin G. Sigurðsson

Skilvirk stefna í skólamálum

Aðgerðir gegn miklu brotthvarfi úr framhaldskólum landsins og efling verk og tæknináms er á meðal brýnustu verkefna okkar í skólamálum.
10.apr. 2013 - 13:30 Björgvin G. Sigurðsson

Sanngjörn skuldaskil og alvöru leigumarkaður

Sanngjörn skuldaskil gagnvart þeim sem eru með verðtryggð húsnæðislán er eitt stærsta úrlausnarefni næstu missera. Sparnaður landsmanna var varinn þegar mest gekk á og útilokað er að gera þetta átakatímabil upp með réttlátum hætti nema að mæta frekar vanda þeirra sem skuldsettu sig fyrir húsnæði árin fyrir  kreppu.
04.apr. 2013 - 10:04 Björgvin G. Sigurðsson

Helguvík og Bakki – jafnræðis verður gætt

Uppbygging á iðnaðarsvæðinu í Helguvík skiptir miklu máli til að skjóta nýjum og traustum stoðum undir atvinnulíf á Suðurnesjum til framtíðar.
01.apr. 2013 - 19:46 Björgvin G. Sigurðsson

Íslenski hesturinn í Evrópu

Ég ætla að taka ómakið af ráðherrunum. Enda mikilvægt að það rétta komi skýrt fram í þessu mikilvæga máli þar sem sérstaða og verndun íslenska hestastofnsins er flestum Íslendinugum mjög mikilvæg og kæmi aldrei til álita að fórna því.
26.mar. 2013 - 12:37 Björgvin G. Sigurðsson

Uppgjör Guðmundar- og Geirfinnsmála

Frá því að falskar játningar í Guðmundar- og Geirfinnsmálum voru þvingaðar fram með harðræði, pyntingum og kúgunum hefur dómsmorðið sem framið var á sakborningum í málinu hvílt þungt á okkur sem þjóð. Það voru mikil vonbrigði þegar endurupptökubeiðni Sævars var hafnað fyrir 16 árum. Krafan um réttlæti stand í bili og lítið þokaðist.
22.mar. 2013 - 12:00 Björgvin G. Sigurðsson

Leiðin að upptöku evru

Í aðdraganda kosninganna 2009 boðaði formaður Sjálfstæðisflokksins „trúverðuga leið að upptöku evru" með stuðningi AGS og ESB. Hjáleið að myntbandalaginu án aðildar að Evrópusambandinu sjálfu. Hugmyndin var ein margra óraunhæfra um þægilega skyndilausn á gjaldmiðilsmálum okkar, enda hefur ekkert heyrst af henni síðan.

Björgvin G. Sigurðsson
Þingmaður Samfylkingarinnar.
Jón Steinar Gunnlaugsson
Jón Steinar Gunnlaugsson - 19.5.2016
Að sýna sjálfum sér virðingu
Jón Sigurðsson
Jón Sigurðsson - 21.5.2016
Icesave - enn og aftur
Hannes Hólmsteinn Gissurarson
Hannes Hólmsteinn Gissurarson - 27.5.2016
Vanþekking og vanstilling fréttamanns
Akureyri vikublað
Akureyri vikublað - 24.5.2016
Ekkert djók heldur lífsins alvara
Vilhjálmur Birgisson
Vilhjálmur Birgisson - 18.5.2016
Íslenskt verkafólk yfirgefið
Hannes Hólmsteinn Gissurarson
Hannes Hólmsteinn Gissurarson - 22.5.2016
Dósentsmálið 1937
Hannes Hólmsteinn Gissurarson
Hannes Hólmsteinn Gissurarson - 21.5.2016
Nordau á Íslandi
Hannes Hólmsteinn Gissurarson
Hannes Hólmsteinn Gissurarson - 25.5.2016
Icesave-málið, Jón og menntamennirnir
Björgvin G. Sigurðsson
Björgvin G. Sigurðsson - 27.5.2016
Vinstra megin við miðju
Aðsend grein
Aðsend grein - 27.5.2016
Aftur heim
Þórhallur Heimisson
Þórhallur Heimisson - 29.5.2016
Áskorun til alþingismanna
Hannes Hólmsteinn Gissurarson
Hannes Hólmsteinn Gissurarson - 30.5.2016
Skýring óháðs sérfræðings á bankahruninu
Fleiri pressupennar