30. jan. 2012 - 15:00Björgvin G. Sigurðsson
Krónan kostar sitt
Fórnarkostnaður fámennrar þjóðar við að halda úti sjálfstæðri mynt í svo gott sem landamæralausum heimi nútímaviðskipta er hár. Tugmilljarða kostnaður fyrir heimili og fyrirtæki ár hvert, þegar allt leikur í lyndi, en við fall gjaldmiðils í kreppu margafaldast kostnaðurinn við krónuna og kemur fram á mörgum sviðum. Lánin hækka, matur og eldsneyti einnig og almennt dregur úr kaupmætti fólks. Fyrir utan fasta tollinn sem kemur fram í viðvarandi hærri vöxtum á lánsfjármagn.
Þetta er vel dregið saman í leiðara Fréttablaðsins í dag. Þar kallar höfundur jafnframt eftir því að stjórnmálaflokkarnir skýri afstöðu sína og komi fram með valkosti við það ógnarástand sem við búum við nú. Ekki óhófleg krafa í ljósi alvarleika málsins en við blasir um leið vanmáttur flokkanna flestra við að fóta sig í úrlausn þess.
Samfylkingin hefur einn flokka svarað því hvert hún stefnir í þessu stærsta hagsmunamáli þjóðarinnar. Aðild að ESB og upptaka evru í framhaldi af því er okkar markmið og eini sjáanlegi valkosturinn við núverandi stöðu.
Um þetta munu næstu kosningar snúast að miklu leyti og þessu áttar almenningur sig á. Það skýrir held ég að meirihlutinn vill ljúka aðildarviðræðum við ESB og fá samninginn í þjóðaratkvæði í stað þess að slíta viðræðum og búa áfram við það ástand sem ríkir.
Yfirspenntur og allt of sterkur gjaldmiðill var birtingarmynd á kerfisbresti sem hlóð upp skelfilegum aðstæðum sem enduðu með ósköpum eftir nokkurra ára falskt góðæri. Hagfræðingar hafa lengi haldið því fram að það þurfi að lágmarki 3-4 milljónir manna til að standa undir kostnaði við eigin gjaldmiðil. Án þess baklands sé sjálfstæð mynt í alþjóðlegu hagkerfi undirseld hverskonar braski spákaupmanna. Á kostnað hins almenna skuldara og sparifjáreiganda.
Þetta eru staðreyndirnar sem blasa við okkur eftir dýrkeypta reynslu. Hverjar eru leiðirnar út? Eftir áralanga umræðu um einhliða upptöku annarra þjóða mynta liggur svarið fyrir: innganga í ESB og upptaka evru eða króna í höftum og verðtryggingu.
Jens Stoltenberg forsætisráðherra Noregs svaraði því afdráttarlaust í upphafi árs 2009 hvort Íslandi stæði til boða að taka upp norsku krónuna. Nei, sagði hann. Evran er myntsamstarf Evrópuþjóða sem kjósa eða þurfa á samstarfi við aðrar þjóðir að halda um gjaldmiðilinn. Einhliða upptaka er ekki valkostur.
Stærstu álitaefnin í aðildarviðræðunum við Evrópusambandið eru að tryggja að Ísland haldi fullum yfirráðum yfir fiskimiðinum, helst með sérstöku fiskveiðistjórnarsvæði. Skapa landbúnaðinum og landsbyggðinni traustan stuðning til að mæta afnámi tollverndarinnar og semja um tenginu krónu við evru í kjölfar aðildar að ESB.
Gangi þetta fram er góður samningur í höfn. Önnur samningsatriði eru léttari vegna aukaaðildar okkar að sambandinu í gegnum EES samninginn.
Hvort við berum gæfu til að yfirgefa það meingallaða fyrirkomulag sem EES er með því að gerast aðilar að ESB kemur í ljós fyrr en síðar. Nú eru eiginlegar samningaviðræður að hefjast og ekki óvarlegt að áætla að á næsta ári liggi samningur fyrir.
Fljótlega eftir það fer fram þjóðaratkvæðagreiðsla þar sem kosið um samninginn. Kosið um það hvort við köstum af okkur krónuhlekkjunum með því að taka upp umgjörð peningamála sem skýtur traustum stoðum undir íslenskt samfélag og varnar þar með komandi kynslóðum frá kollsteypum og gengisfellingum fortíðar.
22.maí 2013 - 15:01
Björgvin G. Sigurðsson
Fátt kemur á óvart við lestur sáttmála hægri flokkanna. Væntingar án fordæma í skuldaniðurfærslum verða að óljósri von langt inn í framtíðinni.
08.maí 2013 - 11:09
Björgvin G. Sigurðsson
Þetta er hið versta mál þar sem Martins bíður ekkert nema óvissa og líklega hörmuleg örlög, endi hann aftur í heimalandi sínu. Engin réttlæting er að mínu mati fyrri því að íslensk stjórnvöld skjóti sér á bak við Dyflinnarreglugerðina og senda manninn aftur til Ítalíu þar sem litlar líkur eru á að mál hans verði tekið fyrir á næstu árum og mun hann því lifa við áframhaldandi óvissu.
26.apr. 2013 - 14:00
Björgvin G. Sigurðsson
Aðgerðir gegn miklu brotthvarfi úr framhaldskólum landsins og efling verk og tæknináms er á meðal brýnustu verkefna okkar í skólamálum.
10.apr. 2013 - 13:30
Björgvin G. Sigurðsson
Sanngjörn skuldaskil gagnvart þeim sem eru með verðtryggð húsnæðislán er eitt stærsta úrlausnarefni næstu missera. Sparnaður landsmanna var varinn þegar mest gekk á og útilokað er að gera þetta átakatímabil upp með réttlátum hætti nema að mæta frekar vanda þeirra sem skuldsettu sig fyrir húsnæði árin fyrir kreppu.
04.apr. 2013 - 10:04
Björgvin G. Sigurðsson
Uppbygging á iðnaðarsvæðinu í Helguvík skiptir miklu máli til að skjóta nýjum og traustum stoðum undir atvinnulíf á Suðurnesjum til framtíðar.
01.apr. 2013 - 19:46
Björgvin G. Sigurðsson
Ég ætla að taka ómakið af ráðherrunum. Enda mikilvægt að það rétta komi skýrt fram í þessu mikilvæga máli þar sem sérstaða og verndun íslenska hestastofnsins er flestum Íslendinugum mjög mikilvæg og kæmi aldrei til álita að fórna því.
26.mar. 2013 - 12:37
Björgvin G. Sigurðsson
Frá því að falskar játningar í Guðmundar- og Geirfinnsmálum voru þvingaðar fram með harðræði, pyntingum og kúgunum hefur dómsmorðið sem framið var á sakborningum í málinu hvílt þungt á okkur sem þjóð. Það voru mikil vonbrigði þegar endurupptökubeiðni Sævars var hafnað fyrir 16 árum. Krafan um réttlæti stand í bili og lítið þokaðist.
22.mar. 2013 - 12:00
Björgvin G. Sigurðsson
Í aðdraganda kosninganna 2009 boðaði formaður Sjálfstæðisflokksins „trúverðuga leið að upptöku evru" með stuðningi AGS og ESB. Hjáleið að myntbandalaginu án aðildar að Evrópusambandinu sjálfu. Hugmyndin var ein margra óraunhæfra um þægilega skyndilausn á gjaldmiðilsmálum okkar, enda hefur ekkert heyrst af henni síðan.
17.mar. 2013 - 14:20
Björgvin G. Sigurðsson
Nú er hart spunnið um ágreining innan Samfylkingarinnar um stjórnarskrármálið. Nýjum formanni er þar eignuð sú staða sem uppi er; að illa gangi að lenda málinu og tryggja þannig lúkningu heildarendurskoðunar stjórnarskrárinnar. Þessi spuni er bæður rangur og ósanngjarn.
06.mar. 2013 - 11:50
Björgvin G. Sigurðsson
Lögfesting Alþingis á Barnasáttmála Sameinuðu þjóðanna fyrir skömmu var mikilvægt lagastetning sem mun hafa víðtæk áhrif til bóta á réttarstöðu barna.
05.feb. 2013 - 17:08
Björgvin G. Sigurðsson
Á Landsfundi Samfylkingarinnar um liðna helgi var samþykkt framsækin og fjölbreytt menntastefna flokksins. Tekur stefnumótunin til allra sviða menntamálanna og leggur grunn að nýrri sókn í menntamálum nú þegar rofar til í ríkisfjármálum. Stikla ég hér á eftir yfir nokkur af helstu atriðum ályktunarinnar en hún er ítarleg og efni í nokkar greinar.
16.jan. 2013 - 17:07
Björgvin G. Sigurðsson
Ákvörðunin um að opna ekki kaflana um sjávarútveg og landbúnað á þeim vikum sem eru til þingkosninga var skynsamleg. Um það snýst ákvörðunin um að hægja á ferlinu einsog það er kallað. Ekki neitt annað.
21.okt. 2012 - 16:27
Björgvin G. Sigurðsson
Versti þáttur kvótakerfisins og sá sem skapaði hinar hörðu deilur snýr að sölu veiðiheimilda. Á því eigum við að taka nú. Skora ég á allra flokka fólk að taka höndum saman til að stemma stigu við því fráleita fyrirkomulagi að það sé í valdi örfárra einstaklinga hverju sinni að selja veiðiheimildir í burtu frá byggðunum með þeim afleiðingum að þær geti orðið ein rjúkandi rúst.
05.okt. 2012 - 16:12
Björgvin G. Sigurðsson
Annar þáttur í háu brottfalli framhaldsskólanema væri sú einfalda staðreynd að við hefðum í of miklum mæli haldið atvinnulífinu utan við skólakerfið. Segja mætti að skólar annars vegar og atvinnulífið hins vegar hafi gert þegjandi samkomulag um að halda hvoru öðru aðskildu frá hinu.
27.ágú. 2012 - 09:36
Björgvin G. Sigurðsson
Gefum fólkinu frið til þess að ljúka störfum sínu. Umsókn Alþingis um aðild landsins að ESB stendur enda óhögguð. Þá er þess skemmt að minnast að Alþingi hafnaði tillögu á þinginu fyrr á þessu ári að slíta viðræðum. Þar var umboð samninganefndarinnar endurnýjað með afdráttarlausum hætti.
06.jún. 2012 - 21:46
Björgvin G. Sigurðsson
Alþingi Íslendinga hefur frá endurreisn þess einkennst af miklum og oft illvígum átökum. Um það bera annálar og þingtíðindi fyrri tíma glöggt vitni. En allt hefur sín takmörk. Áföllum síðustu ára fylgdi krafa um málefnalegri vinnubrögð. Aukna vandvirkni við lagasmíð og aukna samstöðu og samvinnu þvert á flokka óháð tímabundinni stöðu í meiri- eða minnihluta hverju sinni.
31.maí 2012 - 14:54
Björgvin G. Sigurðsson
Fram að þessu hafa ekki verið tök á að mæta kostnaði fyrirtækja og stofnana vegna vinnustaðanáms en með tilkomu sjóðsins skapast tækifæri til þess ásamt því að bæta verulega aðgengi nemenda að þessum hluta iðn- og starfsnáms.
24.maí 2012 - 08:53
Björgvin G. Sigurðsson
Markmið þeirrar tugmilljarða fjárfestingaáætlunar sem stjórnarflokkarnir kynntu fyrir nokkru er fyrst og fremst að styðja við hagvöxt, efla innviði samfélagsins og fjölbreytni í atvinnulífi. Áætlunin er liður í fjölbreytilegum fjárfestingum í mörgum greinum og er ætlað að hraða efnahagsbata og hagvexti í landinu: Snúa vörn í sókn og tryggja framgang margra sprotagreina sem þarf að taka sérstaklega utan um. Ekki síst þeirra sem heyra til nýsamþykktrar tillögu um græna hagkerfið.
23.apr. 2012 - 14:47
Björgvin G. Sigurðsson
Fyrir nokkru sameinaðist allsherjar- og menntamálanefnd um flutning tillögu um aðgerðir gegn skipulagðri glæpastarfsemi. Þar er lagt til að Alþingi álykti að fela innanríkisráðherra að undirbúa heildstæða aðgerðaráætlun gegn skipulagðri glæpastarfsemi hér á landi í samvinnu við hlutaðeigandi ráðuneyti og stofnanir, auk allsherjar- og menntamálanefndar Alþingis. Aðgerðaráætlunin liggi fyrir svo fljótt sem verða má og eigi síðar en 1. október 2012.
20.apr. 2012 - 11:49
Björgvin G. Sigurðsson
Hreyfingin flytur nú tímabæra þingsályktun þar sem lagt er til að Alþingi lýsi þungum áhyggjum af vaxandi ofbeldi og kúgun kínverskra yfirvalda gagnvart tíbesku þjóðinni. Átök sem m.a. leiddu til þess að 33 munkar og nunnur kveiktu í sér frávita af örvæntingu árið 2011. Þá er lagt til að kínversk stjórnvöld hætti að þvinga tíbeskan almenning til aðlögunar að kínverskri menningu og hverskyns hverkví verði tafarlaust aflétt.