30. apr. 2011 - 15:00Björgvin G. Sigurðsson

Alþingi ákvarði um flutning Gæslunnar

Nú er hart tekist á um hvort flytja skuli Landhelgisgæsluna suður með sjó. Um margt blasa kostir flutningsins við enda aðstaða þar framúrskarandi fyrir framtíðarstarfsemi Gæslunnar. En það eru alltaf átök um slíkan flutning þó einungis sé um 50 km að ræða innan sama atvinnusvæðis. Rökin eru fyrst og fremst fagleg en um leið kemst aðstaða sem varð til við brotthvarf hersins í langþráð not með þeim kostum sem því fylgja fyrir samfélagið suður með sjó sem hefur verið plagað af atvinnuleysi frá því að herinn fór fyrir 5 árum.

Samstaða þingmanna og sveitarstjórnarmanna þvert á flokka um flutning Landhelgisgæslunnar til Suðurnesja byggist einkum á tvennu; aðgerð til að efla atvinnustig á svæðinu og því að aðstaða sem framtíðaraðsetur Gæslunnar er ákjósanleg í Reykjanesbæ. Á þessum forsendum lögðum við allir 10 þingmenn kjördæmisins fram þingsályktun um flutning LHG til Suðurnesja og ríkisstjórnin fyrirskipaði innanríkisráðuneytinu að láta fara fram hagkvæmnisathugun á flutningnum.

Nú hefur sú athugun litið dagsins ljós. Fyrst sem frétt í Fréttablaðinu og síðar var hægt að nálgast hana á vefnum. Þannig var tryggt að "hagvæmnisathugunin" lifði nokkkuð lengi í umræðunni áður en nokkur gæti kynnt sér hana með gagnrýnum hætti.

Eftir fyrstu yfirferð yfir hana orkar margt í henni tvímælis og forsendur fyrir matinu þarfnast ítarlegrar skoðunar. Þetta þarf að leggjast miklu betur yfir og fá annað óháð mat á hagkvæmni flutnings LHG á Reykjanesið. Sú vinna verður á forræði Alþingis og allsherjanefndar. Ekki ráðuneytisins.

Svo háttar til að síðasta þingmál sem var mælt fyrir áður en páskahlé hófst var áðurnefnd þingsályktun. Oddný G. Harðardóttir þingkona Samfylkingarinnar mælti fyrir málinu fyrir hönd hópsins og nú er það komið til allsherjarnefndar þar sem Róbert Marshall fer með forystuna.

Því hefur nefndin óskorað svigrúm til þess að ráðast nú þegar í aðra, óháða og vandaða athugun á framtíðarverustað Landhelgisgæslunnar. Flutningur Gæslunnar er því á forræði Alþingis sem mun leiða málið til lykta eftir vinnu þingnefndarinnar.

Innanríkisráðuneytið hefur skilað málinu af sér með þessum umdeilda hætti. Nú er það á forræði þings og þingnefndar. Leiði önnur og ítarlegri athugun í ljós að flutningur Gæslunnar sé bæði hagkvæmur og skynsamlegur út frá faglegum forsendum jafnt og efnahagslegum er því ekkert til fyrirstöðu að Alþingi ákveði að stofnunin skuli flutt á Reykjanesið.

Við munum því ekki láta útspil innanríkisráðuneytisins stöðva málið. Sérstaklega þar sem svo heppilega háttar að það er komið til þingsins í formi ályktunar okkar þingmannanna tíu. Nú hefst sá þáttur málsins og við skulum spyrja að leikslokum. Alþingi hefur síðasta orðið. Ekki ráðherra. Því er brýnt að hraða vinnu nefndar og þings og leiða málið til lykta á málefnalegum forsendum.



11.maí 2017 - 18:00 Björgvin G. Sigurðsson

Skaðlegar skattahækkanir

Áform ríkisstjórnarflokkanna um að hækka virðisaukaskatt á ferðaþjónustuna koma illa við greinina, sem á sama tíma glímir við gengisstig krónunnar sem brennir upp ábatann af þessum stærsta atvinnuvegi landsins. Gangi skattahækkanir Sjálfstæðisflokks, Viðreisnar og Bjartrar framtíðar eftir er ört vaxandi grein í viðkvæmri stöðu greitt þungt högg.
10.maí 2017 - 08:47 Björgvin G. Sigurðsson

Við erum öll ein fjölskylda

Hryllingurinn og angistin sem milljónir barna í Sýrlandi og Jemen búa við dag hvern í stigmagnandi stríðsátökunum er fjarri okkur hér í friðsæld og velmegun Vesturlandanna. Hagsæld og friður byrgja sýn á mannlegan harmleikinn, nema þegar honum bregður fyrir í fréttamiðlunum.
28.apr. 2017 - 07:00 Björgvin G. Sigurðsson

Lýðræðið og listamenn skrumsins

Í ólgu alþjóðastjórnmálanna í kjölfar fjármálahamfaranna fyrir áratug eru víða blikur á lofti um framtíð og þróun lýðræðisins. Sjálfum grundvelli vestrænna samfélaga. Heimspekin hefur það hlutverk að hugsa gagnrýnið um kjarna hvers máls og greina innstu rök tilverunnar. Sjá í henni merkingu, tilgang og hvað felist á bak við leiktjöld samtímans. Stjórnspekin er þannig einkar mikilvægt tæki til þess að rannsaka hver þróun samfélagsins er hverju sinni.
03.mar. 2017 - 07:00 Björgvin G. Sigurðsson

Glæpur og refsing í Guðmundar- og Geirfinnsmálum

Guðmundar- og Geirfinnsmál eiga sér enga hliðstæðu í íslenskri sögu og hefur harmleikurinn vakið athygli langt úr fyrir landhelgi Íslands. Hysterían sem greip um sig náði langt inní fjölmiðla og stjórnmál landsins á áttunda áratugnum og er sérstakur kapítuli í hörmungarsögunni allri. Eftir því sem lengra líður frá dómunum blasir við hvílíkur skelfingarferill átti sér stað, allt frá handtökum sakborninga þar til dómur gekk í Hæstarétti árið 1980.

18.feb. 2017 - 07:00 Björgvin G. Sigurðsson

Trump og tónarnir frá þriðja ríkinu

Framrás popúlískra rasistaflokka í kjölfar kreppu og vantrausts á hefðbundnum stjórnmálum hófsemi, mannúðar og lýðræðis er sláandi. Flestir hefðu talið óhugsandi fyrir nokkrum mánuðum að maður með málflutning og framgöngu Donalds Trump yrði kosinn forseti Bandaríkjanna eða að meirihluti kjósenda í Bretlandi kysi með úrgöngu úr ESB, eftir lengsta samfellda skeið hagsældar og friðar í álfunni.
05.feb. 2017 - 07:00 Björgvin G. Sigurðsson

Ferðaþjónustan tekur flugið

Fjölgun ferðafólks til landsins hefur haft ómæld áhrif á þjóðlífið. Fyrir það fyrsta dró ferðaþjónustan vagninn úr stöðnun og kreppu eftirhrunsáranna, og skóp hagvöxt og gjaldeyri sem dreifir sér um samfélagið allt. Uppbyggingin á sér stað víða um land og skapar mörgum mikil tækifæri við atvinnusköpun af ýmsu tagi. Hvort heldur er í gistingu, veitingasölu eða afþreyingu af ýmsu tagi.
22.jan. 2017 - 07:00 Björgvin G. Sigurðsson

Bjartar vonir og brostin fyrirheit

Engin leið er að segja til um það nú hvernig nýrri ríkisstjórn farnist landstjórnin, þó nauman hafi hún meirihlutann. Gangi efnahagsmálin vel og ekki gefi alvarlega á bátinn með verðbólguskoti og gengisfalli þá hefur nýja hægri stjórnin allar forsendur til þess að sitja út kjörtímabilið, nema óvænt átök rísi í millum flokkanna, út af til dæmis landbúnaðar- eða Evrópumálum. Ekkert bendir hinsvegar til þess að svo verði.
22.des. 2016 - 18:00 Björgvin G. Sigurðsson

Ógnaröldin í Aleppó

Ógnaröldin í Aleppó varpar djúpum skugga á helgihaldið í allsnægtum Vesturlanda sem nú búa við lengsta friðarskeið og mestu hagsæld í sögunni. Ólýsanlegur hryllingurinn er óraunverulegur okkur sem lifum forréttindi friðar og nútíma velferðarsamfélags.

16.des. 2016 - 13:11 Björgvin G. Sigurðsson

Kárason fer á kostum

Einar Kárason er einn af risum íslenskra bókmennta og margir sem bíða nýrra bóka frá kappanum með eftirvæntingu. Rithöfundarferill Einars er fádæma farsæll og líkast til hefur engin íslensk skáldsaga náð öðrum eins vinsældum og Þar sem djöflaeyjan rís/Gulleyjan/Fyrirheitna landið. Trílógía Eyjabókanna sem kom út 1983-1989. Kostulegar sögur sem lifa t.d. með okkur í formi söngleikja og sígildrar bíómyndar Friðriks Þórs Friðrikssonar.

10.des. 2016 - 07:00 Björgvin G. Sigurðsson

Ár trúðsins

Uppgangur nýfasista og þjóðernissinnaðra popúlista hefur verið ævintýralegur árin eftir alþjóðlegu fjármálakreppuna, þó Ísland sé blessunarlega eitt fárra landa að mestu ósnortið af þeirri andstyggilegu pólitík. Stærsta breytingin á landslagi stjórnmálanna hér heima er sú að enn á ný eru sósíaldemókratar skiptir í marga flokka og hreyfingar, og eru fyrir vikið sundraðir og áhrifalitlir.

11.nóv. 2016 - 13:02 Björgvin G. Sigurðsson

List hins mögulega

Sjaldan hafa eftirmál kosninga til Alþingis á Íslandi skilað jafn mikilli óvissu um næstu ríkisstjórn. Í öllum þingkosningum síðustu 20 ára hefur það ýmist legið fyrir hvert yrði líklegasta módelið eða það fljótlega tekið á sig mynd.
22.okt. 2016 - 07:00 Björgvin G. Sigurðsson

Clinton og leiðin í Hvíta húsið

Leið Hillary Rodham Clinton að kosningunum um næsta forseta Bandaríkjanna er stórbrotin og litrík. Allt frá fyrstu árum hennar og Bills í Little Rock í Arkansas til þess að hún er fáeina metra frá því að verða fyrsta konan í Hvíta húsinu og annar Demókratinn í röð hefur Hillary vakið verðskuldaða athygli og lengi verið orðuð við embættið.

06.okt. 2016 - 07:30 Björgvin G. Sigurðsson

Flokkar í flóknum málum

Staða stjórnmálaflokkanna er flókin í aðdraganda kosninga til Alþingis  í lok október. Helst er að Vinstri grænir sigli lygnan sjó, enda verið ágæt samstaða um menn og málefni í flokknum eftir hatrömm átök og klofning á síðasta kjörtímabili. Nýju framboðin eru mörg og hart er keppt um athygli kjósenda og málefnalega sérstöðu.

24.sep. 2016 - 07:00 Björgvin G. Sigurðsson

Fátækragildrur á fasteignamarkaði

Aldrei hafa önnur eins fyrirheit verið gefin um nýja tíma á íbúðamarkaði og fyrir síðustu kosningar. Ekkert af þeim fyrirheitum gekk eftir, að því er virðist. Leigumarkaðurinn er sama svívirðan og áður. Ekkert bólar á nýja Breiðholtinu félagsmálaráðherrans og verðtrygging er ekki undantekning á útleið heldur almenn og ríkjandi regla í lánaviðskiptum.

13.sep. 2016 - 18:00 Björgvin G. Sigurðsson

Sit hjá að þessu sinni

Ég hef tilkynnt valnefnd vegna uppstillingar á framboðslista Samfylkingarinnar í Suðurkjördæmi að ég gefi ekki kost á mér að þessu sinni.

Frá því ég gerði hlé á framhaldsnámi mínu erlendis árið 1999 til að taka þátt í stofnun nýrrar hreyfingar jafnaðarmanna hef ég gegnt margvíslegum trúnaðarstörfum fyrir hreyfinguna, m.a setið á þingi og í ríkisstjórn, og allt til þessa dags verið virkur í grasrót flokksins. 

09.sep. 2016 - 15:00 Björgvin G. Sigurðsson

Fjárfest í innviðum ferðaþjónustunnar

Krafturinn í ferðaþjónustunni síðustu misserin hefur knúið íslenska hagkerfið áfram. Án þeirrar miklu aukningar sem er í heimsóknum erlendra feðamanna til landsins væri líklega stöðnun eða samdráttur í efnhagslífinu.

27.ágú. 2016 - 15:00 Björgvin G. Sigurðsson

Verðtryggt vaxtaokur; plástrar á svöðusár

Loforðið mikla um tafarlaust afnám á verðtryggingu lánsfjár þótti mörgum ansi bratt, en Framsókn stóð á því fastar en fótunum að það yrði ráðist í það strax að loknum kosningum. Nú líður að lokum kjörtímabilsins og lítið er um efndir. Við blasir verðtryggð króna um fyrirsjáanlega framtíð.

08.júl. 2016 - 12:00 Björgvin G. Sigurðsson

Sögulegar sviptingar

Westminister í Lundúnum.
23.jún. 2016 - 10:51 Björgvin G. Sigurðsson

Hæstiréttur heimili endurupptöku Guðmundar- og Geirfinnsmála

Guðmundar- og Geirfinnsmálin hafa sviðið réttlætistilfinningu flestra frá því að dómar féllu á efsta dómstigi fyrir 36 árum. Ungt óreglufólk var dæmt í langa tukthúsvist á einstaklega hæpnum forsendum, eftir rannsóknaraðferðir sem virðast eiga meira skylt við pyntingar og falskar játningar en nokkuð annað.

11.jún. 2016 - 12:00 Björgvin G. Sigurðsson

Flokkarnir finna taktinn

Stjórnmálaflokkarnir og þær hreyfingar sem hugsa til framboðs eru óðum að safna mönnum og málefnum saman og undirbúa þingkosningar í haust. Færri komast upp með að ganga óbundinir til kosninga og við færumst nær því að kjósa á milli tveggja ólíkra blokka til hægri og vinstri þar sem afstaðan til grundvallarmála er ólík. 


Björgvin G. Sigurðsson
Björgvin Guðni er ritstjóri Suðra, landshlutablaðs Vefpressunnar.

Björgvin sat á Alþingi fyrir Samfylkinguna á árunum 2003 til 2013 og var viðskiptaráðherra á árunum 2007 til 2009.

Hannes Hólmsteinn Gissurarson
Hannes Hólmsteinn Gissurarson - 13.5.2017
Í landi morgunkyrrðarinnar
Akureyri vikublað
Akureyri vikublað - 14.5.2017
Sumarið er tíminn
Kristinn H. Gunnarsson
Kristinn H. Gunnarsson - 15.5.2017
Stofnanaofbeldi
Magnús Þór Hafsteinsson
Magnús Þór Hafsteinsson - 14.5.2017
Umskiptingarnir
Indíana Ása Hreinsdóttir
Indíana Ása Hreinsdóttir - 19.5.2017
Mikilvæg fyrirmynd
Sigurður Jónsson
Sigurður Jónsson - 18.5.2017
Er allt sem byrjar á einka rosalega slæmt?
Arnaldur Máni Finnsson
Arnaldur Máni Finnsson - 19.5.2017
Umbreytingavorin
Hannes Hólmsteinn Gissurarson
Hannes Hólmsteinn Gissurarson - 20.5.2017
Einangrað eins og Norður-Kórea?
Guðrún Margrét Guðmundsdóttir
Guðrún Margrét Guðmundsdóttir - 22.5.2017
Vandræðalega bekkjarpartýið!
Elín Ósk Arnarsdóttir
Elín Ósk Arnarsdóttir - 22.5.2017
Hvít sem mjólk
Akureyri vikublað
Akureyri vikublað - 21.5.2017
Samskipti
Fleiri pressupennar