03. mar. 2011 - 20:00Þórarinn Jón Magnússon
Klíka Þorgeirs Ástvaldssonar
Klíkuskapur kom Þorgeiri Ástvaldssyni á forsíðu Samúels. Hann var í samfloti við tvær flottar stelpur. Hann varð að láta sér nægja að vera í bakgrunni. Mynd: Björgvin Pálsson
Á þessu ári eru liðin 30 ár síðan Klíkan söng um Fjólublátt ljós við barinn. Í Klíkunni voru þau Þorgeir Ástvaldsson, Bryndís Scheving og Dagný Emma Magnúsdóttir. Bryndís er fædd í Reykjavík en býr núna í Garðabæ. Emma, sem er fædd og uppalin í Hafnarfirði, flutti hins vegar fyrir 15 árum í miðborg Christchurch, næst stærstu borgar Nýja Sjálands. En þar varð gríðarlegur jarðskjálfi í lok síðasta mánaðar eins og kunnugt er af fréttum.Dagný Emma hafði meiri áhuga á leiklist og listmálun og söng ekki inn á fleiri plötur en þessa einu.
Himinn og jörð hét platan og deildu margir af vinsælustu söngvurum landsins með sér söngnum á plötunni, en lögin voru öll eftir
Gunnar Þórðarson.
Móðir söngkonunnar HeruÞó að Dagný Emma hafi ekki sungið mikið eftir þetta hefur talsvert verið sungið á heimili hennar árum saman. Hún á nefnilega dótturina Heru Hjartardóttur sem hefur notið mikilla vinsælda sem söngkona og sungið inn á nokkrar plötur sem hlotið hafa lofsamlega dóma og eftirsótt verðlaun. Af Dagnýju Emmu er það að segja, að hún málar í dag af kappi, en hún stundaði um tíma nám við Handíða- og myndlistarskólann. Hún hefur einnig sent frá sér barnabók sem hún skrifaði og myndskreytti og hefur sagan verið færð á svið. Þess má geta, að Dagný Emma er formaður Íslendingafélagsins á Syðri-Eyju Nýja-Sjálands. Til að sjá hvað Dagný Emma er að sýsla í dag má
SMELLA HÉR.Dóttir hljóðfæraleikarans Árna Scheving Bryndís bjó frá átta til ellefu ára aldurs með foreldrum sínum í smábænum Coca á Flórída. Hún átti ekki langt að sækja sönghæfileikana, en faðir hennar var hinn vinsæli hljóðfæraleikari
Árni Scheving. Hann lést árið 2007. Tveimur árum áður en Bryndís gekk í Klíkuna tók hún þátt í fyrstu Hollywood-keppni Samúels og diskóteksins vinsæla.
Eftir að hafa sungið í Klíkunni gaf Bryndís sig ekki meira að söngnum frekar en Emma. Fór hún í sjúkraliðanám sem og í Kennaraháskólann og er í dag kennari við Hraunvallaskóla.
Þannig komst Þorgeir á forsíðu Samúels Lagið Fjólublátt ljós við barinn aflaði Klíkunni miklla vinsælda, sem urðu meðal annars til þess að sjálfur SAMÚEL heiðraði tríóið með forsíðumynd. Þannig atvikaðist það að Þorgeir Ástvaldsson komst á forsíðu tímarits sem yfirleitt skartaði bara kvenfólki á frontinum. Þorgeir hafði þó unnið sér það til frægðar að syngja árið áður lagið Ég fór í fríið auk þess að vera þá þegar orðinn afar vinsæll útvarpsmaður.
09.maí 2011 - 22:00
Þórarinn Jón Magnússon
Pressan birtir hér nokkrar vel valdar myndir sem fimm ljósmyndarar tóku af Emmu Lovísu Fjelsted meðan á Samkeppni Samúels stóð síðastliðinn vetur og að keppni lokinni. En það eru ekki bara íslenskir ljósmyndarar sem hafa sýnt Emmu áhuga, Samúel hafa borist fyrirspurnir um hana frá erlendum atvinnuljósmyndurum, sem hafa áhuga á að mynda hana.
19.apr. 2011 - 20:00
Þórarinn Jón Magnússon
Eins og aðrir þátttakendur Samkeppni Samúels 2010 hefur
Alda Guðrún Jónasdóttir verið önnum kafin við fyrirsætustörf síðan keppninni lauk. Pressan hefur safnað saman í syrpu myndum af Öldu sem teknar voru af fimm ljósmyndurum. Alda lætur sér fyrirsætustörfn vel líka, enda segir hún að sér líði afskaplega vel í stúdíóinu og gæti vel hugsað sér að starfa alfarið sem fyrirsæta.
15.apr. 2011 - 18:00
Þórarinn Jón Magnússon
Hulda Lind Kristinsdóttir hefur notið mikilla vinsælda sem ljósmyndafyrirsæta og sýningarstúlka síðan hún tók þátt í Samkeppni Samúels á síðasta ári, en þar hlaut hún annað sæti. Sjáðu nýjar ljósmyndir af henni sem teknar voru af fjórum ljósmyndurum.
10.apr. 2011 - 10:00
Þórarinn Jón Magnússon
Kristín Erla Tryggvadóttir er að læra bifvélavirkjun. Með náminu starfar hún sem bensínafgreiðslurmaður á N1. Hún var á meðal þátttakenda í Samkeppni Samúels í fyrra. Sjáðu áður óbirtar myndir af Kristínu Erlu hér á Pressunni teknar af sex ljósmyndurum.
17.mar. 2011 - 18:00
Þórarinn Jón Magnússon
David Duke, fyrrum leiðtogi Ku Klux Klan, er ákafur aðdáandi íslensku þjóðarinnar eins og Samúel komst að raun um þegar hann átti við hann viðtal fyrir 17 árum. Hann reyndist vel að sér um land og þjóð og hafði ákveðnar skoðanir á menningu þjóðarinnar og framtíð. Fáeinum vikum áður en viðtalið fór fram gekk í gildi fríverslunarsamnningur milli Bandaríkjanna, Kanada og Mexíkó, en sá samningur var Duke mikill þyrnir í augum og varaði hann Íslendinga ákaft við því að vera of ginkeypta fyrir nánu Evrópusamstarfi.
15.mar. 2011 - 17:00
Þórarinn Jón Magnússon
Samúel fór mörgum fögrum orðum um tækniundur sem honum var kynnt haustið 1985. Fullu nafni hét það Vasasímanúmerasjálfveljari. Síðan er liðinn rúmur aldarfjórðungur og Samúel löngu hættur að nota græjuna, sem hafði vissulega auðveldað honum lífið - um stund.
12.mar. 2011 - 14:00
Þórarinn Jón Magnússon
Pressan birtir annan hluta samantektar Samúels á ummælum fréttamanna árið 1979 um helstu viðmælendur þeirra á Alþingi. Hér kemur fram hvers vegna fréttamönnunum fannst Geir Hallgrímsson verstur viðmælenda og Svavar Gestsson bestur. Auk þess eru birt nokkur ummæli um Gunnar Thoroddsen og Lúðvík Jósepsson, en sá síðarnefndi þótti sérlega varasamur sökum þess hve lyginn hann var.
10.mar. 2011 - 09:00
Þórarinn Jón Magnússon
Óli Jó var forsætisráðherra og Steingrímur Hermanns ráðherra landbúnaðar, dóms- og kirkjumála. Albert Guðmundsson var að hefja sitt fimmta ár á þingi fyrir Sjálfstæðisflokkinn, en Ólafur Ragnar hafði setið þar tæpt ár fyrir Alþýðubandalagið. Þetta var í janúar 1979. Samúel fékk kollega sína á dagblöðunum fimm sem og á ríkisfjölmiðlunum til að segja skoðanir sínar á umtöluðustu þingmönnunum. Pressan rifjar hér upp ummæli þeirra um fjóra áðurnefnda þingmenn og birtir síðar ummæli um þá sem þóttu bestu og verstu viðmælendurnir.
12.jan. 2011 - 12:00
Þórarinn Jón Magnússon
Julian Assange hefur verið hundeltur vegna uppljóstrana hans á WikiLeaks um stríðsrekstur Bandaríkjamanna undanfarin ár. Það mætti því ímynda sér að bandaríska leyniþjónustan hafi velt líka vöngum yfir Völvu Vikunnar þegar hún sagði frá Persaflóastríðinu tveimur árum ÁÐUR en það skall á. Þegar spádómur Völvunnar rættist vaknaði gríðarlegur áhugi erlendra fjölmiðla á þessari dularfullu spákonu á norðurhjara veraldar. Þess voru dæmi að erlend dagblöð birtu spádóma hennar allt að mánuði áður en þeir birtust í Vikunni. Þórarinn Jón Magnússon fyrrverandi ritstjóri rifjar upp áratug sinn með Völvunni.
09.des. 2010 - 09:00
Þórarinn Jón Magnússon
Lagið
Je t'aime... moi non plus tók að hljóma árið 1969, nánar tiltekið í júlímánuði þegar fyrsta tölublað Samúels rann í gegnum prentvélarnar. Prentararnir fengu ekki að heyra lagið í útvarpi. Flutningur þess var bannaður af siðgæðisvörðum Ríkisútvarpsins eins og raunar flestra útvarpsstöðva annars staðar í heiminum. Núna fær það loks að hljóma á öldum íslenska ljósvakans og þá sem jólalag með stunum Baggalúts og nautnafullum, íslenskum texta.
23.nóv. 2010 - 14:10
Þórarinn Jón Magnússon
Elín Hraundal lauk námi í hönnun frá FB í vor og fer til náms við virtan listaháskóla í Mílanó eftir fáeinar vikur. Í sumar hlaut hún mikið lof fyrir þátt sinn í Freak Show 2 sem þeir félagarnir Haffi Haff og Páll Óskar gengust fyrir á Nasa. Hún jók líka á hróður sinn með glæsilegu innleggi á lokahófi Samkeppni Samúels á Broadway síðastliðið föstudagskvöld. Sjáðu myndir af djarflegri hönnun hennar fyrir stúlkurnar í Samkeppni Samúels.
19.nóv. 2010 - 08:00
Þórarinn Jón Magnússon
Úrslit Samkeppni Samúels.is ráðast á glæsilegu lokahófi í kvöld, föstudagskvöld, á Broadway. Kemur þá í ljós hver þessara tíu stúlkna fær iQ frá Toyota til afnota í heilt ár, fer í spennandi módelmyndatöku erlendis og það sem er óvenjulegt í fegurðarsamkeppni; hún tekur krýningar- stólinn með sér heim, en hann er frá CASA og kostar litla hálfa milljón króna. Sjáðu myndir af keppendunum.
08.nóv. 2010 - 17:00
Þórarinn Jón Magnússon
Playboy ljósmyndarinn Marcel Indik, sem á sæti í dómnefnd Samkeppni Samúels 2010, er búsettur í Los Angeles eins og Berglind Ólafsdóttir, formaður dómnefndarinnar. Hann hefur að sjálfsögðu myndað þessa leyndardómsfullu fyrirsætu okkar sem hefur gert það svo gott í Hollywood án þess að hafa viljað flíka því í íslenskum fjölmiðlum. Sjáðu sýnishorn af myndunum sem Marcel Indik hefur tekið af henni og Angelinu Jolie.
04.nóv. 2010 - 11:00
Þórarinn Jón Magnússon
Á mótmælafundi fyrir framan Alþingishúsið er þess krafist í gær að Alþingi samþykki utanþingsstjórn. Í tilefni af því rifjar Pressan það upp, að Kristján Eldjárn var kominn á fremsta hlunn með að mynda utanþingsstjórn í forsetatíð sinni. Samúel hafði fengið nóg af óstjórninni hálfu öðru ári áður og birti þá tillögu að utanþingsstjórn. Forvitnilegt að skoða tillöguna í dag, rúmum þremur áratugum síðar.
02.nóv. 2010 - 08:00
Þórarinn Jón Magnússon
Karítas Ósk Þorsteinsdóttir er síðasta stúlkan sem Samúel kynnir til þátttöku í Samkeppninni 2010, en úrslit keppninnar ráðast í netkosningu sem dómnefnd skipuð fimm dómurum frá fjórum heimsálfum skoðar og leggur mat á. Niðurstaðan verður kunngerð á glæsilegu lokahófi á Broadway 19. þessa mánaðar.
30.okt. 2010 - 14:00
Þórarinn Jón Magnússon
„Maður stimplar sig inn árið 1967 og út 2000,” sagði Björgvin
Halldórsson í viðtali sem Samúel tók við söngvarann fyrir hátt í þremur
áratugum. Annað hvort hefur Bo gleymt að rífa af
dagatalinu eða hann kann ekki á stimpilklukku. Hann sýnir alla vega ekki
á sér neitt fararsnið nema síður sé.
28.okt. 2010 - 11:00
Þórarinn Jón Magnússon
Samúel birti hér á Pressunni mynd af Snjólaugu Þorsteinsdóttur fyrir
skömmu þar sem hún var talin á meðal fallegustu kvenna landsins í
upphafi nýrrar aldar. Myndbirtingin af Snjólaugu vakti vægast sagt mikil
viðbrögð og var Samúel óspart kvattur til þess að birta fleiri myndir
af henni. Hér eru þær.
23.okt. 2010 - 17:00
Þórarinn Jón Magnússon
Alda Guðrún Jónasdóttir er næst síðasta stúlkan sem kynnt er til þátttöku í Samkeppni Samúels sem lýkur með glæsilegu lokahófi á Broadway 19. nóvember. Keppt er um verðlaun sem eru samtals að verðmæti tvær milljónir króna. Þar á meðal eru afnot af iQ frá Toyota í heilt ár. Krýningarstóllinn, sem er ítölsk hágæðahönnun frá CASA og kostar um hálfa milljón króna, verður eign sigurvegarans.
10.okt. 2010 - 19:00
Þórarinn Jón Magnússon
Hera Rún Ragnarsdóttir hefur bæst í hóp keppenda í Samkeppni Samúels sem lýkur með glæsilegri lokahátíð á Broadway föstudaginn 19. nóvember næstkomandi. Hera Rún er hrútur og segir margt passa við sig sem sagt er um fólk fætt í því merki.