Nokkur orð um Icesave

Undarlegt er það, hversu stundum er hægt að snúa hlutum gersamlega á haus.  Það var áberandi í viðtali við Þór Saari alþingismann í útvarpinu nú í kvöld.  Var þar rætt við þingmanninn um Icesave-málið og fyrirhugaða þjóðaratkvæðagreiðslu um helgina. 

Réttmæt gagnrýni ESB á íslenska dómskerfið

Framkvæmdastjórn Evrópusambandsins hefur ákveðið að leggja til við leiðtogaráð ESB að viðræður hefjist við Ísland um aðild að sambandinu.  Nú hefur það út af fyrir sig legið fyrir í nokkurn tíma, eftir að Alþingi samþykkti síðasta sumar að sækja um aðild að ESB, að framkvæmdastjórnin myndi senda leiðtogaráðinu tillögu sína um aðildarviðræður. 

Endurreisn – í boði Sjálfstæðisflokksins?

Formaður Sjálfstæðisflokksins, Bjarni Benediktsson, hefur kastað sauðargærunni og lýsir því nú fjálglega yfir í fjölmiðlum að þjóðaratkvæðagreiðslan um Icesave muni snúast um líf eða dauða ríkisstjórnarinnar.  Fram að þessu hafa forystumenn flokksins ítrekað haldið því fram að svo sé ekki.  Nú á bersýnilega að tjalda öllu sem til er í þágu þeirra þröngu flokkshagsmuna að koma ríkisstjórninni frá svo Sjálfstæðisflokkurinn geti sest í stjórnarráðið – eina ferðina enn – og tekið að sér landsstjórnina.  Og þá væntanlega haldið áfram þar sem frá var horfið á haustdögum 2008.

Upp úr hjólförunum

Það er ný staða í Icesave-málinu. Forseti Íslands synjaði lögum frá Alþingi staðfestingar eins og kunnugt er og í samræmi við 26. gr. stjórnarskrárinnar er nú hafinn undirbúningur að þjóðaratkvæðagreiðslu um lögin. Þau hafa raunar þegar öðlast gildi en þjóðin ákveður hvort þau skuli halda gildi sínu eða falla úr gildi. Líklegt er að þjóðaratkvæðagreiðslan fari fram í lok febrúar og í síðasta lagi 6. mars.

Aftur kemur vor í dal

Nóbelsskáldið var sannast sagna óviðjafnanlega skarpskyggn á sálartetur þjóðar sinnar og hvaða Íslendingur finnur ekki Bjart í sjálfum sér, svona á köflum að minnsta kosti. Mér hefur fundist þetta vera sérlega áþreifanlegt undanfarið ár, þegar við höfum gengið í gegnum miklar þrengingar og erfiðleika, efnahagslega, pólitískt, félagslega, siðferðilega. Og stoltið oft svolítið sært, ekki síst í samskiptum við aðrar þjóðir.

Siðlausir launabónusar

Við Íslendingar höfum undanfarið ár gengið í gegnum miklar þrengingar og erfiðleika, efnahagslega, pólitískt, félagslega, siðferðilega.  Um leið verðum við að vinna okkur út úr þeim vanda sem við blasir og móta nýja sýn á grundvelli annarra gilda en réðu för í aðdraganda hrunsins.

Þjóðin er til vinstri, Þorsteinn!

Í hartnær tvo áratugi fór Sjálfstæðisflokkurinn með forystu í landsstjórninni hér á landi.  Að frumkvæði Alþýðuflokksins sáluga var þáverandi nýkjörinn formaður Sjálfstæðisflokksins, Davíð Oddsson, leiddur til valda í kjölfar kosninganna 1991.  Það var gert þrátt fyrir að 3ja flokka mið-vinstri stjórnin sem þá sat, hafi haldið meirihluta sínum og þá tiltölulega nýverið komið á þjóðarsáttarsamningum og unnið bug á áralangri verðbólgu. 

Að telja upp á tíu

Viðbrögð sem komið hafa m.a. úr ranni stjórnarandstöðunnar nú þegar rætt er um viðbrögð Breta og Hollendinga í Icesave-málinu, benda til að hollt væri að hafa í gildi þá góðu reglu að telja upp á tíu áður en menn hlaupa til með óígrundaðar yfirlýsingar.

Að loknu löngu þingsumri

Daginn fyrir höfuðdag var fundum Alþingis frestað til 1. október. Einu lengsta sumarþingi í sögunni var lokið. Þetta hefur verið lærdómsríkt sumar og sannarlega tekið á taugarnar, gengið á þrekið. En umfram allt hefur þetta sumar verið viðburðaríkt og örlagaríkt fyrir land og þjóð.

„Sáð er í veikleika, en upp rís í styrkleika“

Ísland á í margháttaðri baráttu um þessar mundir.  Fátt er einfalt eins og málum er nú háttað og má ugglaust með sanni segja að það séu engir góðir kostir í stöðunni.  Við erum að glíma við Icesave-skuldirnar, það eru deilur við nágrannaþjóðir okkar um meðferð þeirra, við erum í samningum við Alþjóðagjaldeyrissjóðinn og hinar Norðurlandaþjóðirnar um lánafyrirgreiðslu.

Þjóðin ræður för

Það er bersýnilegt að nú er verið að reyna að telja þjóðinni trú um að hún muni ekki leiða ESB-málið til lykta í þjóðaratkvæðagreiðslu. Er því haldið fram að þjóðin fái ekki að ráða málinu af því að atkvæðagreiðslan verði leiðbeinandi en ekki bindandi. Má jafnvel sjá einstaka þingmenn halda því fram að þeir hafi aldrei heyrt minnst á leiðbeinandi eða ráðgefandi þjóðaratkvæðagreiðslu fyrr. Rétt eins og þeir séu hins vegar alvanir svokölluðum bindandi þjóðaratkvæðagreiðslum!

Sannfærður um að þjóðin velur rétta leið

Alþingi hefur nú ákveðið að hefja skuli viðræður við Evrópusambandið um hugsanlega aðild Íslands að því. Þetta var vissulega umdeild ákvörðun og hún gekk þvert á alla flokka nema Samfylkinguna, sem um árabil hefur haft þá stefnu að Ísland eigi að ganga í ESB.

Þjóðin ráði örlögum aðildarsamnings

Talsverð umræða hefur farið fram um það hvort þjóðaratkvæðagreiðsla um aðild Íslands að ESB eigi að vera bindandi eða leiðbeinandi.  Þótt vissulega sé unnt að hafa á þessu ýmsar skoðanir er nauðsynlegt fyrir umræðuna að nokkur lykilatriði séu á hreinu.

Icesave er íslenskt klúður – en hver er ábyrgur?

Umræðan um Icesave-samningana hefur tekið ýmsar sérkennilegar myndir. Þegar mál af þessum toga kemur upp, er eðlilegt að það vakni margvíslegar spurningar um efnis- og formhliðar málsins. Miklu varðar að umræðan sé málefnaleg og byggð á traustum og réttum upplýsingum en ekki slagorðum og órökstuddum dylgjum. Því miður hefur skort á að stjórnvöld hafi gert þjóðinni nægilega vel grein fyrir því hvað í samningunum felst og hvaða leiðir, ef einhverjar, voru færar út úr þeim ógöngum sem Icesave-skuldbindingarnar sannarlega eru. Gagnrýnendur samninganna hafa heldur ekki gert með trúverðugum hætti grein fyrir því hvernig þeir hefðu staðið að málum, hvaða leiðir þeir hefðu valið og hvaða afleiðingar það hefði þá haft í för með sér.

ESB-málin í nefnd!

Þá eru komnar fram á Alþingi tvær þingsályktunartillögur er varða tengsl Íslands og Evrópusambandsins.  Utanríkisráðherra mælti fyrir annarri þeirra, hin er sameiginleg tillaga þingmanna Framsóknarflokks og Sjálfstæðisflokks.  Eftir fyrri umræðu um tillögurnar á fimmtudag og föstudag var þeim vísað til utanríkismálanefndar til umfjöllunar.

Að stýra neyslu

Nokkurt fjaðrafok hefur orðið vegna hugmynda Ögmundar Jónassonar heilbrigðisráðherra um sérstaka skattlagningu sykraðra gosdrykkja og etv. einnig annarrar óhollustu.  Hafa bæði forsvarsmenn iðnaðarins og jafnvel formaður Neytendasamtakanna brugðist hart við og mótmælt öllum áformum um meinta neyslustýringu.

Góðar óskir fylgja nýrri stjórn

Ný ríkisstjórn Vinstri grænna og Samfylkingar hefur tekið til starfa.  Hún á fyrir höndum mörg risavaxin og erfið verkefni.  Meginstarfið á næstu mánuðum og misserum mun lúta að því að koma atvinnulífinu á réttan kjöl og treysta og tryggja hag heimila og fjölskyldna í landinu.  Ekkert mál má skyggja á þetta brýna viðfangsefni.

Byggjum réttlátt þjóðfélag!

Það var sannarlega hressandi að standa á Austurvelli 1. maí þar sem skiptust á skin og skúrir. Að þessu sinni fóru 1. maí hátíðarhöldin fram á Austurvelli en undanfarin ár hefur Ingólfstorg verið nýtt í því skyni. Tengslin við mótmæli almennings í vetur, búsáhaldabyltinguna, voru augljós.  Baráttudagur verkalýðsins fór fram í skugga kreppu og alvarlegasta atvinnuástands sem við Íslendingar höfum staðið frammi fyrir um áratugaskeið.