Wise valið samstarfsaðili ársins í fjórða sinn: „Mikill heiður og ánægja“

Fyrirtækið Wise hefur hlotið viðurkenninguna „Samstarfsaðili ársins á Íslandi 2017“ hjá Microsoft Corporation. Fyrirtækið var heiðrað ásamt fleiri samstarfsaðilum Microsoft á heimsvísu fyrir yfirburði í þróun og útfærslu á þjónustumiðuðum lausnum sem eru byggðar eru á tækni frá Microsoft.

 „Það er okkur mikill heiður að sæma Wise titlinum „Samstarfsaðili ársins á Íslandi 2017“ (e. Country Partner of the Year 2017). Wise hefur fært sameiginlegum viðskiptavinum okkar framúrskarandi lausnir og þjónustu og er frábært dæmi um þá yfirburði sem við sjáum eingöngu hjá okkar bestu samstarfsaðilum,“ sagði Ron Huddleston, aðstoðarforstjóri One Commercial Partner hjá Microsoft Corp.

Fyrirtækin voru valin úr hópi fleiri en 2800 samstarfsaðila í 115 löndum víðs vegar um heiminn og voru viðurkenningar veittar í nokkrum flokkum fyrir árangursríkt samstarf við Microsoft, nýsköpun, aukna ánægju viðskiptavina og ekki síst fyrir að laða að nýja viðskiptavini. Wise var sérstaklega hlaðið lofi fyrir nýsköpun og framúrskarandi sérþekkingu á sviðinu sem leiði til yfirburða hugbúnaðarlausna, ásamt góðu samstarfi við Microsoft á Íslandi.

Það er mikill heiður og ánægja að hljóta þessa viðurkenningu frá Microsoft. Lykillinn að þessum árangri og velgengni Wise ásamt vexti á markaðnum er frábært starfsfólk. Wise býður viðskiptavinum sínum um allan heim ráðgjöf við þróun, innleiðingar og hönnun sérlausna auk staðlaðra kerfa svo sem launa, banka, innheimtu, verkbókhalds, sjávarútvegs og sveitarfélaga. Við einbeitum okkur að Dynamics NAV og sérlausnum okkar fyrir flestar greinar atvinnulífsins,

segir Jón Heiðar Pálsson, sviðsstjóri sölu- og markaðssviðs Wise. Hann bætir við:

Öll fyrirtæki stór og smá geta nú nýtt sér ýmsar leiðir sem við bjóðum upp á; svo sem áskrift að hugbúnaði í Microsoft Azure skýinu eða geta rekið eigin hugbúnað á hefðbundinn hátt. Samþætting við Office 365, Power BI og Wise Analyzer gerir lausnaframboð Wise einstakt og er stór þáttur í því að við vinnum þessi verðlaun nú í fjórða skiptið.

Wise er sjálfstæður söluaðili Microsoft Dynamics NAV og gullsamstarfsaðili Microsoft. Wise var stofnað árið 1995 og er í dag einn stærsti söluaðili Dynamics NAV á Ísland. Hjá Wise starfa um 80 metnaðarfullir starfsmenn. Viðskiptavinir fyrirtækisins eru um 500 talsins víðs vegar um heiminn.