21. nóv. 2010 - 12:32Marta María

Risavaxið Lanvin partý H&M í New York: Tryllingslegar flíkur sem krydda tilveruna

Þann 23. nóvember næstkomandi lendir Lanvin línan í H&M. Mikill spenningur er fyrir línunni enda hefur hönnun Lanvin átt upp á pallborðið hjá tískuskvísum síðustu misseri. Þær sem hafa hingað til ekki haft tækifæri eða efni á að eignast flík eða fylgihlut frá Lanvin fá tækifæri til þess núna.

Í tilefni af komu línunnar í H&M var blásið til risaveislu og tískusýningar á skemmtistað í New York. Í þetta teiti var kanónum úr tískubransanum boðið ásamt þeim sem meira mega sín í þessum bransa

Það má búast við því að það myndist raðir fyrir utan H&M verslanir víðsvegar um heim þegar Lanvin lendir þar í næstu viku. Þær sem hafa smekk fyrir fallegri hönnun og elska svolitla spennu ættu að reyna að vera á staðnum þegar H&M opnar dyrnar.

H&M hefur boðið upp á fatalínur frá þekktum hönnuðum í nokkur ár og hefur spenningurinn alltaf verið mikill. Það ber þó að stíga hægt um gleðinnar dyr því það er auðvelt að missa vitið í öllu atinu.

Undirrituð var stödd í Kaupmannahöfn þegar Karl Lagerfeld hannaði línu fyrir H&M árið 2004. Æsingurinn var svo mikill að ég var næstum því búin að festa kaup á svörtum pallíettusmóking jakka og var farin að rífa mig úr spjörunum inni í miðri verslun því allir mátunarklefar voru fullir.

Í hita leiksins fannst mér fyrrnefndur jakki eiga heima í fataskápnum þótt hann passaði ekki alveg yfir axlirnar og ég væri eins og Elton John á slæmum degi. Pallíettusmóking jakkinn hefði kannski gert góða hluti ef ég væri poppstjarna en gerði minna fyrir venjulegan blaðamann sem skrifaði greinar frá níu til fimm.

Left Right



19.feb. 2011 - 08:00 Snæfríður Ingadóttir

Hera og Sigga Kling á leið í lystisemdaferð til New York: Hvítvín, gleði og fótsnyrting

Sigga og Hera elska New York og vilja fá gott fólk með í lystisemdaferð þangað í vor. Sjá nánar á heimasíðu Expressferða. Söngkonan Hera Björk og spákonan Sigga Kling ætla með hóp af góðu fólki í helgarferð til New York í maí. Markmiðið er að njóta vorsins berleggjaðar, súpa léttvín, borða góðan mat, tæma budduna í skemmtilegum verslunum og fara á gospel messu.
06.feb. 2011 - 19:20

Vá! Borgin sem (næstum) allir elska í myndbandi sem heillað hefur heimsbúa - MYNDBAND

Ætli New York borg Bandaríkjanna sé ekki ein af borgum heimsins sem flestir heimsbúar elska og væru til í að heimsæka? Að minnsta kosti er hún vel þekkt, vinsæll tökustaður sjónvarpsþátta og kvikmynda og þaulsetinn áfangastaður nemenda, menningarfrömuða og rithöfunda.

06.nóv. 2010 - 12:00 Snæfríður Ingadóttir

Allt á hvolfi í New York: Kaffið kemur fyrir mann vitinu -MYNDIR

Öfugsnúið kaffihús. Bækur á gólfinu og gólfið á veggnum. Það tekur mann örlitla stund að ná áttum á D´espresso  í New York. Nálægt Grand Central Station í New York er kaffibarinn D ´espresso. Þeim sem þangað koma veitir ekki af sterkum kaffibolla – þó ekki væri nema til að hjálpa sér við að ná áttum á staðnum.
04.nóv. 2010 - 18:00 Marta María

Kim Kardashian lenti í trylltum aðdáendum: Lögreglan kom og bjargaði málunum – MYNDIR

Kardashian systur í stuði. Ofurbomban Kim Kardashian er orðin svo eftirsótt að það þurfti að kalla lögregluna til þegar hún mætti í opnun á splunkunýrri verslun sinni. Verslunin DASH er í eigu Kim og systra hennar Khloe og Kourtney. Þegar verslunin opnaði í New York í gær varð allt vitlaust.
04.nóv. 2010 - 08:00 Marta María

Eyddu tíma í bókabúðum og upplifðu nýjar víddir

McJ í New York er skemmtileg. Það er eitthvað við að það að skoða erlendar bækur í erlendum bókabúðum. Það fer vellíðunartilfinning um kroppinn við það eitt að fletta nýjum bókum, dást að þeim, láta sig dreyma um þær og jafnvel festa kaup á þeim. Þegar ég er á ferðalögum erlendis finnst mér gaman að eyða löngum tímum í bókabúðum því ég hef sjaldnast tíma til þess í hversdagslegu amstri.
08.okt. 2010 - 08:00 Snæfríður Ingadóttir

Gufubað úr gulli sem jafnar orkuflæðið: 5 hæða lúxus spa í New York- MYNDIR

Gufubað úr ekta gulli sem kemur jafnvægi á huga og sál. Gull hefur ekki bara verið notað sem skart og  skiptimynt  í gegnum aldirnar. Það er líka talið hafa heilunaráhrif á huga, líkama og sál. Sannaðu til eftir heimsókn í gyllta gufubaðið í Spa Castle í New York þar sem gestum er lofað tífaldri orku eftir að hafa starað á gullið.
03.okt. 2010 - 10:00 Marta María

Langar þig að hitta frægt fólk eða langar þig bara í góðan mat? Heitustu veitingastaðirnir í NY

Pastis er vinsæll hjá fræga fólkinu. Það getur verið erfitt að rata á réttu veitingastaðina í stórborg eins og New York. Fallegar innréttingar og flott lýsing endurspegla oft ekki matseðilinn, því miður. Ef þig langar að upplifa töfra á disknum þínum eða rekast á frægar poppstjörnur, stjönuleikara eða snyrtivörudívur þá skaltu halda áfram að lesa.
29.sep. 2010 - 08:00 Snæfríður Ingadóttir

Hvað er svona geggjað við New York? Fleiri svör frá íslenskum konum

Söngkonan Heiða Ólafsdóttir bjó  í New York þegar hún stundaði nám við Circle in the Square Theater School. Henni finnst borgin æðisleg. New York á sér marga aðdáendur sem hreinlega fá sæluhroll þegar nafn borgarinnar heyrist. En hvað er það nákvæmlega sem er svona geggjað við þessa marglofuðu borg? Ferðapressan fékk nokkra New York aðdáendur til þess að útskýra málið um daginn en hér birtast svör fleiri „New York fíkla“.

26.sep. 2010 - 08:00 Snæfríður Ingadóttir

Hvað er eiginlega svona geggjað við New York? Íslenskar konur svara

Rithöfundurinn Tobba er ein þeirra íslensku kvenna sem elska New York. New York á sér marga aðdáendur sem hreinlega fá sæluhroll þegar nafn borgarinnar heyrist. En hvað er það nákvæmlega sem er svona geggjað við þessa marglofuðu borg? Ferðapressan fékk nokkra New York aðdáendur til þess að útskýra málið.