03. okt. 2010 - 10:00Marta María

Langar þig að hitta frægt fólk eða langar þig bara í góðan mat? Heitustu veitingastaðirnir í NY

Pastis er vinsæll hjá fræga fólkinu.

Pastis er vinsæll hjá fræga fólkinu. Mynd: MM

Það getur verið erfitt að rata á réttu veitingastaðina í stórborg eins og New York. Fallegar innréttingar og flott lýsing endurspegla oft ekki matseðilinn, því miður. Ef þig langar að upplifa töfra á disknum þínum eða rekast á frægar poppstjörnur, stjönuleikara eða snyrtivörudívur þá skaltu halda áfram að lesa.

Unnendur indverskar matargerðar ættu ekki að missa af því að borða á veitingastaðnum Spice Market sem er á 403 W. 13th St (9th Ave).

Staðurinn er eins og sannur ævintýraheimur. Hann er á tveimur hæðum og góðum kvöldum er hann þétt setinn af svölu fólki. Innréttingarnar eru í takt við matinn, indverskar og smart, en samt með eitursvölu yfirbragði. Á efri hæðinni er bar og er gaman að fá sér drykk eða drykki áður en máltíðin hefst. Á staðnum er boðið upp á kryddaðar möndlur áður en fólki er vísað til borðs og er undirrituð ennþá að hugsa um dásamlega bragðið af þeim. Matgæðingar ættu að splæas á sig kenjum kokksins en um er að ræða ævintýralega máltíð þar sem hver rétturinn rekur annan. HÉR er hægt að skoða síðu staðarins.

The Spotted Pig er á 314 W. 11th Street. Hann er í Greenwich hverfinu þar sem er mikið af girnilegum og svölum veitingastöðum. Á staðnum er hægt að fá morgunverð, hádegisverð og kvöldverð. Staðurinn er þekktur fyrir djúsí hamborgara og bestu frankar í heimi. Það er ekki hægt að panta borð á The Spottetd Pig. Á þessum slóðum heldur fræga fólkið sig og því vert að hafa augun opin um leið og þú rennir niður mat undir itölskum áhrifum. HÉR eru nánari upplýsingar.

Balthazar er einn frægasti veitingastaðurinn í New York. Hann er í SoHo, 80 Spring St, en sú gata er mjög skemmtileg. Undirrituð ætlaði varla að nenna að heimsækja staðinn vegna fordóma en læknaðist á þeim um leið og fæti var stigið inn. Ekki minnkaði álitið á staðnum þegar ég áttaði mig á því að snyrtivörugyðjan, Bobbi Brown, sæti við hliðina á mér. Áður en ég vissi af vorum við farnar að spjalla um allt frá snyrtivörum upp í efnahagsástandið á Íslandi. Hún sagði mér að hún elskaði Balthazar og færi gjarnan á staðinn þegar hana langaði í steik og bearnaise sósu. Svo laumaði hún því að mér að hún stælist alltaf til að fá sér Crème brûlée þegar hún heimsækti staðinn. Bobbi fullyrti að þeir gerðu bestu útgáfuna af þessum eftirrétti í allri New York borg.

Ef þig langar að rekast á fræga fólkið þá er þetta staðurinn.

Pastis er annar frægur veitingastaður í New York. Hann er í eigu sömu aðila og Balthazar og er yfirbragðið ekkert ósvipað. Staðurinn laðar til sín frægt fólk. Jude Law og Sienna Miller voru á staðnum á dögunum og skvísurnar í Beðmálum í borginni borðuðu einnig á staðnum í nokkrum þáttum. Ef vel viðrar er gaman að sitja úti, en annars er góð stemning innandyra. Lauksúpa staðarins var að gera góða hluti og einnig kjúklingasalati. HÉR er hægt að skoða staðinn nánar.

Ef þig langar að borða huggulegan hádegisverð innan um fína New York búa er staðurinn Isabella's algerlega málið. Staðurinn er á 359 Columbus Ave (upper west), við hliðina á Central Park. Þegar ég heimsótti staðinn var hann þéttsetinn af efnuðum Ameríkönum í ljósum laugardagsbuxum með peysurnar á öxlunum. Í fylgd þeirra voru fallegar eiginkonur með vel blásið ár og risastóra demanta. Ég fór strax að elska staðinn þegar ég fékk brauð til að narta í með bleiku smjöri. Það fannst mér svalt.

Left Right



19.feb. 2011 - 08:00 Snæfríður Ingadóttir

Hera og Sigga Kling á leið í lystisemdaferð til New York: Hvítvín, gleði og fótsnyrting

Sigga og Hera elska New York og vilja fá gott fólk með í lystisemdaferð þangað í vor. Sjá nánar á heimasíðu Expressferða. Söngkonan Hera Björk og spákonan Sigga Kling ætla með hóp af góðu fólki í helgarferð til New York í maí. Markmiðið er að njóta vorsins berleggjaðar, súpa léttvín, borða góðan mat, tæma budduna í skemmtilegum verslunum og fara á gospel messu.
06.feb. 2011 - 19:20

Vá! Borgin sem (næstum) allir elska í myndbandi sem heillað hefur heimsbúa - MYNDBAND

Ætli New York borg Bandaríkjanna sé ekki ein af borgum heimsins sem flestir heimsbúar elska og væru til í að heimsæka? Að minnsta kosti er hún vel þekkt, vinsæll tökustaður sjónvarpsþátta og kvikmynda og þaulsetinn áfangastaður nemenda, menningarfrömuða og rithöfunda.

21.nóv. 2010 - 12:32 Marta María

Risavaxið Lanvin partý H&M í New York: Tryllingslegar flíkur sem krydda tilveruna

Þann 23. nóvember næstkomandi lendir Lanvin línan í H&M. Mikill spenningur er fyrir línunni enda hefur hönnun Lanvin átt upp á pallborðið hjá tískuskvísum síðustu misseri. Þær sem hafa hingað til ekki haft tækifæri eða efni á að eignast flík eða fylgihlut frá Lanvin fá tækifæri til þess núna.
06.nóv. 2010 - 12:00 Snæfríður Ingadóttir

Allt á hvolfi í New York: Kaffið kemur fyrir mann vitinu -MYNDIR

Öfugsnúið kaffihús. Bækur á gólfinu og gólfið á veggnum. Það tekur mann örlitla stund að ná áttum á D´espresso  í New York. Nálægt Grand Central Station í New York er kaffibarinn D ´espresso. Þeim sem þangað koma veitir ekki af sterkum kaffibolla – þó ekki væri nema til að hjálpa sér við að ná áttum á staðnum.
04.nóv. 2010 - 18:00 Marta María

Kim Kardashian lenti í trylltum aðdáendum: Lögreglan kom og bjargaði málunum – MYNDIR

Kardashian systur í stuði. Ofurbomban Kim Kardashian er orðin svo eftirsótt að það þurfti að kalla lögregluna til þegar hún mætti í opnun á splunkunýrri verslun sinni. Verslunin DASH er í eigu Kim og systra hennar Khloe og Kourtney. Þegar verslunin opnaði í New York í gær varð allt vitlaust.
04.nóv. 2010 - 08:00 Marta María

Eyddu tíma í bókabúðum og upplifðu nýjar víddir

McJ í New York er skemmtileg. Það er eitthvað við að það að skoða erlendar bækur í erlendum bókabúðum. Það fer vellíðunartilfinning um kroppinn við það eitt að fletta nýjum bókum, dást að þeim, láta sig dreyma um þær og jafnvel festa kaup á þeim. Þegar ég er á ferðalögum erlendis finnst mér gaman að eyða löngum tímum í bókabúðum því ég hef sjaldnast tíma til þess í hversdagslegu amstri.
08.okt. 2010 - 08:00 Snæfríður Ingadóttir

Gufubað úr gulli sem jafnar orkuflæðið: 5 hæða lúxus spa í New York- MYNDIR

Gufubað úr ekta gulli sem kemur jafnvægi á huga og sál. Gull hefur ekki bara verið notað sem skart og  skiptimynt  í gegnum aldirnar. Það er líka talið hafa heilunaráhrif á huga, líkama og sál. Sannaðu til eftir heimsókn í gyllta gufubaðið í Spa Castle í New York þar sem gestum er lofað tífaldri orku eftir að hafa starað á gullið.
29.sep. 2010 - 08:00 Snæfríður Ingadóttir

Hvað er svona geggjað við New York? Fleiri svör frá íslenskum konum

Söngkonan Heiða Ólafsdóttir bjó  í New York þegar hún stundaði nám við Circle in the Square Theater School. Henni finnst borgin æðisleg. New York á sér marga aðdáendur sem hreinlega fá sæluhroll þegar nafn borgarinnar heyrist. En hvað er það nákvæmlega sem er svona geggjað við þessa marglofuðu borg? Ferðapressan fékk nokkra New York aðdáendur til þess að útskýra málið um daginn en hér birtast svör fleiri „New York fíkla“.

26.sep. 2010 - 08:00 Snæfríður Ingadóttir

Hvað er eiginlega svona geggjað við New York? Íslenskar konur svara

Rithöfundurinn Tobba er ein þeirra íslensku kvenna sem elska New York. New York á sér marga aðdáendur sem hreinlega fá sæluhroll þegar nafn borgarinnar heyrist. En hvað er það nákvæmlega sem er svona geggjað við þessa marglofuðu borg? Ferðapressan fékk nokkra New York aðdáendur til þess að útskýra málið.