08. okt. 2010 - 08:00Snæfríður Ingadóttir

Gufubað úr gulli sem jafnar orkuflæðið: 5 hæða lúxus spa í New York- MYNDIR

Gufubað úr ekta gulli sem kemur jafnvægi á huga og sál.

Gufubað úr ekta gulli sem kemur jafnvægi á huga og sál. Mynd: Spa Castle

Gull hefur ekki bara verið notað sem skart og  skiptimynt  í gegnum aldirnar. Það er líka talið hafa heilunaráhrif á huga, líkama og sál. Sannaðu til eftir heimsókn í gyllta gufubaðið í Spa Castle í New York þar sem gestum er lofað tífaldri orku eftir að hafa starað á gullið.

Spa Castle er ekkert venjulegt „spa“. Fyrir það fyrsta minnir  það stærðarlega séð meira á verslunarmiðstöð en heilsulind því það eru heilir 100,000 fermetrar og fimm hæðir.

Það eru heldur ekki margar heilsulindir sem státa af gufubaði úr skíru gulli. Gullslegna gufan er ein af mörgum gufuböðum hússins sem hvert um sig hefur sitt þema og lækningamátt. Gullgufan er til að mynda sögð koma jafnvægi á líkama, sál og huga og auka orkuflæðið í líkamanum.

Í öðru sauna-herbergi er hægt að leggjast flatur á salt frá Himalaya sem jafnar blóðþrýstinginn. Eins kallast eitt gufubað hússins Iceland en það er ískalt og er ætlast til þess að menn hiti sig upp í hinum gufunum áður en farið er þangað inn.

Auk gufubaðanna býður Spa Castle upp á allskyns snyrti- og nuddmeðferðir á borð við sænskt nudd, ilmolíumeðferðir og  steinanudd. Boðið er upp á parameðferðir og eins er boðið upp á   kynjaskipt gufuböð og laugar á fyrstu hæð hússins, en restin af heilsulindinni er fyrir bæði kynin.

Á efstu hæðinni er líkamsræktarstöð þar sem gestir hafa útsýni yfir Whitestone Bridge af hlaupabrettinu. Eins er stór útisundlaug í húsinu með allskonar vatnsnuddi.

Þar sem heilsulindin er það stór þá þarf að gefa sér góðan tíma til þess að njóta lystisemdanna. Og ef garnirnar fara að gaula þá er úr nógu að velja, hvort sem menn vilja bjórglas, frosið jógúrt, starbuck-kaffi, sushi, ítalskan mat, salat eða orkudrykki.

Hér fyrir neðan má sjá nokkrar myndir frá Spa Castle.



Left Right



19.feb. 2011 - 08:00 Snæfríður Ingadóttir

Hera og Sigga Kling á leið í lystisemdaferð til New York: Hvítvín, gleði og fótsnyrting

Sigga og Hera elska New York og vilja fá gott fólk með í lystisemdaferð þangað í vor. Sjá nánar á heimasíðu Expressferða. Söngkonan Hera Björk og spákonan Sigga Kling ætla með hóp af góðu fólki í helgarferð til New York í maí. Markmiðið er að njóta vorsins berleggjaðar, súpa léttvín, borða góðan mat, tæma budduna í skemmtilegum verslunum og fara á gospel messu.
06.feb. 2011 - 19:20

Vá! Borgin sem (næstum) allir elska í myndbandi sem heillað hefur heimsbúa - MYNDBAND

Ætli New York borg Bandaríkjanna sé ekki ein af borgum heimsins sem flestir heimsbúar elska og væru til í að heimsæka? Að minnsta kosti er hún vel þekkt, vinsæll tökustaður sjónvarpsþátta og kvikmynda og þaulsetinn áfangastaður nemenda, menningarfrömuða og rithöfunda.

21.nóv. 2010 - 12:32 Marta María

Risavaxið Lanvin partý H&M í New York: Tryllingslegar flíkur sem krydda tilveruna

Þann 23. nóvember næstkomandi lendir Lanvin línan í H&M. Mikill spenningur er fyrir línunni enda hefur hönnun Lanvin átt upp á pallborðið hjá tískuskvísum síðustu misseri. Þær sem hafa hingað til ekki haft tækifæri eða efni á að eignast flík eða fylgihlut frá Lanvin fá tækifæri til þess núna.
06.nóv. 2010 - 12:00 Snæfríður Ingadóttir

Allt á hvolfi í New York: Kaffið kemur fyrir mann vitinu -MYNDIR

Öfugsnúið kaffihús. Bækur á gólfinu og gólfið á veggnum. Það tekur mann örlitla stund að ná áttum á D´espresso  í New York. Nálægt Grand Central Station í New York er kaffibarinn D ´espresso. Þeim sem þangað koma veitir ekki af sterkum kaffibolla – þó ekki væri nema til að hjálpa sér við að ná áttum á staðnum.
04.nóv. 2010 - 18:00 Marta María

Kim Kardashian lenti í trylltum aðdáendum: Lögreglan kom og bjargaði málunum – MYNDIR

Kardashian systur í stuði. Ofurbomban Kim Kardashian er orðin svo eftirsótt að það þurfti að kalla lögregluna til þegar hún mætti í opnun á splunkunýrri verslun sinni. Verslunin DASH er í eigu Kim og systra hennar Khloe og Kourtney. Þegar verslunin opnaði í New York í gær varð allt vitlaust.
04.nóv. 2010 - 08:00 Marta María

Eyddu tíma í bókabúðum og upplifðu nýjar víddir

McJ í New York er skemmtileg. Það er eitthvað við að það að skoða erlendar bækur í erlendum bókabúðum. Það fer vellíðunartilfinning um kroppinn við það eitt að fletta nýjum bókum, dást að þeim, láta sig dreyma um þær og jafnvel festa kaup á þeim. Þegar ég er á ferðalögum erlendis finnst mér gaman að eyða löngum tímum í bókabúðum því ég hef sjaldnast tíma til þess í hversdagslegu amstri.
03.okt. 2010 - 10:00 Marta María

Langar þig að hitta frægt fólk eða langar þig bara í góðan mat? Heitustu veitingastaðirnir í NY

Pastis er vinsæll hjá fræga fólkinu. Það getur verið erfitt að rata á réttu veitingastaðina í stórborg eins og New York. Fallegar innréttingar og flott lýsing endurspegla oft ekki matseðilinn, því miður. Ef þig langar að upplifa töfra á disknum þínum eða rekast á frægar poppstjörnur, stjönuleikara eða snyrtivörudívur þá skaltu halda áfram að lesa.
29.sep. 2010 - 08:00 Snæfríður Ingadóttir

Hvað er svona geggjað við New York? Fleiri svör frá íslenskum konum

Söngkonan Heiða Ólafsdóttir bjó  í New York þegar hún stundaði nám við Circle in the Square Theater School. Henni finnst borgin æðisleg. New York á sér marga aðdáendur sem hreinlega fá sæluhroll þegar nafn borgarinnar heyrist. En hvað er það nákvæmlega sem er svona geggjað við þessa marglofuðu borg? Ferðapressan fékk nokkra New York aðdáendur til þess að útskýra málið um daginn en hér birtast svör fleiri „New York fíkla“.

26.sep. 2010 - 08:00 Snæfríður Ingadóttir

Hvað er eiginlega svona geggjað við New York? Íslenskar konur svara

Rithöfundurinn Tobba er ein þeirra íslensku kvenna sem elska New York. New York á sér marga aðdáendur sem hreinlega fá sæluhroll þegar nafn borgarinnar heyrist. En hvað er það nákvæmlega sem er svona geggjað við þessa marglofuðu borg? Ferðapressan fékk nokkra New York aðdáendur til þess að útskýra málið.