22. maí 2010 - 11:45Steingrímur Sævarr Ólafsson

Amsterdam – Frá kaffibolla til „kaffihúsa“ og allt þar á milli

Þú veist alveg hvenær þú ert í Rauðahverfinu

Þú veist alveg hvenær þú ert í Rauðahverfinu

Viltu bjór, Sjéniver, eða  reykja kannabis? Viltu sitja á útikaffihúsum og sötra léttvín, fá þér ekta hollenskan bjór eða dansa við dúndrandi diskó eða teknó?  Rjúkandi espresso eða borða hasskökur?  Það er sama hverju leitað er að, Amsterdam býður upp á það í skemmtanalífinu.

Þegar rökkva tekur kvikna ljósin í borginni – og þau eru ekki bara rauð, þó nóg sé af þeim.  Svæðið handan við Dam torg er þekkt svæði, Rauðahverfið, og þar fyllist allt þegar kvölda tekur. Fjöldi ferðamanna heimsækir hverfið, skoðar vændiskonur sem stilla sér þar út í glugga eða heimsækja einhvern af hinum fjölmörgu veitingastöðum, pöbbum og verslunum.  Það er af nógu að taka í Rauða hverfinu er rétt að minna menn á að fara varlega þar, ekki veifa seðlaveskjum, kreditkortum eða verðmætum á borð við myndavélar og dýra farsíma.  Vasaþjófar sækja gjarnan á þá staði þar sem fjöldi ferðamanna er mikill og það á vissulega við um Rauðahverfið.

Varahugavert er að taka myndir í Rauðahverfinu. Sumir staðir hafa merkingar í gluggum sem gefa til kynna að ekki megi taka myndir og raunar er sagt að besta reglan við Rauðahverfið sé að taka engar myndir og vera ekki alveg eins og fíll í postulínsbúð í forvitni og umgengni. Þeir sem reyna að taka myndir geta jafnvel lent í því að einhver af fjölmörgum starfsmönnum í hverfinu einfaldlega taka myndavélina af þér, eyða myndum og jafnvel vísa þér úr hverfinu.  

Á svæðinu í kringum Leidseplein er má finna leikhús, fjölda kaffihúsa, kvikmyndahúsa, spilavíti og veitingahúsa, svo einhver dæmi séu tekin og er tilvalið að setjast þar niður og njóta mannlífsins, sem er fjölbreytt þar sem annars staðar í borginni.

Svipaða sögu má segja um Rembrandtplein. Torgið er umkringt kaffihúsum og klúbbum og þar er ætíð fjölbreytt flóra skemmtilegra einstaklinga til að fylgjast með.

Hin víðfrægu „kaffihús“ sem merkt eru sem „Coffeeshop“ eru svo sér kafli í Amsterdam.  Þau eru einu staðirnir þar sem löglegt er að kaupa og neyta kannabisefna.  Ekki kaupa slík efni eða neyta á götum úti. Það er nóg af „kaffihúsum“ fyrir þá sem vilja gera slíkt í borginni.  Flest eru þau tiltölulega hreinleg og örugg og flest eru opin til miðnættis, einstaka jafnvel lengur.

Vændi er löglegt í Amsterdam og hefur verið skattlagt af yfirvöldum frá 1996 og það er áberandi í Rauðahverfinu. Sem fyrr er varúð besta reglan.

Séniver er síðan sérkafli í sögu Hollands og þar með Amsterdam.  Hollenskt gin er það kallað á ensku og er óhætt að segja að með bjórnum sé Sjéniver þjóðardrykkur landsins.  Það er hægt að fá fjölmargar tegundir af þessum fyrrum tískudrykk á Glaumbæjarárum Íslendinga og hann er ýmist drukkinn sem snafs eða í gosi eða djús.  Hægt er að fá hann seigfljótandi, ljósan eða dökkan og það er hægt að fullyrða að þegar maður er í Amsterdam er varla hægt að yfirgefa borgina án þess að prófa einiberjadrykkinn Sjéniver.

Það er sem sagt af nógu að taka þegar sterkir og veikir vímugjafar eru til umræðu í Amsterdam, hvort menn vilja sitja á kaffishúsum, pöbbum, diskótekum, hinni tegundinni af „kaffihúsum“ eða glápa á lifandi söluvöru í búðargluggum.  Það er í Amsterdam.
Left Right



28.jún. 2010 - 06:10 Snæfríður Ingadóttir

Töff hönnunarhótel í Amsterdam: Klósettið út á miðju gólfi í gegnsæju röri -MYNDIR

Á Citizen M hótelinu í Amsterdam pissar maður í klósett sem er staðsett í gegnsærri súlu út á miðju gólfi á hótelherberginu. Hönnunin er smart, en þú vilt kannski ekki deila slíku herbergi með hverjum sem er. Á Citizen M hótelinu í Amsterdam snýst allt um rétta „lúkkið“.  Herbergin eru pínuítil en afar nýtískuleg með opnu salerni og sturtu. Með hverju herbergi fylgir lítið tæki sem passar upp á að rétta stemmingin sé á staðnum.

21.jún. 2010 - 13:00 Snæfríður Ingadóttir

Fullkominn dagur í Amsterdam: Framúrstefnulegir skartgripir, bíó og pönnukökur

Það er margt spennandi að gerast í hönnun í Amsterdam, ekki síst í skartlist. Mörg skartgripagallerí selja afar framúrstefnulega hluti. „Allir sem fara til Amsterdam verða að fá sér hollenska pönnuköku með stroop,“ segir Rannveig Gissurardóttir kennari í Waldorfskólanum í Lækjarbotnum. Sjálf þræðir hún líka alltaf skartgalleríin þegar hún er í borginni og fer gjarnan í bíó.
14.jún. 2010 - 17:30 Steingrímur Sævarr Ólafsson

Hvað er hægt að gera í Amsterdam?

Síkjasiglingar eru frábær leið til að skoða Amsterdam Fyrir utan frábær söfn, fjölbreytta flóru veitingastaða og ótrúlegt magn skemmtistaða og pöbba - er fjölmargt hægt að gera í hinni margbreytilegu Amsterdamborg. Þar er fátt sem er ómögulegt.
08.jún. 2010 - 11:00 Snæfríður Ingadóttir

8 hlutir sem þú verður að smakka í Amsterdam: Má bjóða þér smá bleikt á brauðið?

Litríkt sykurskraut er notað sem álegg ofan á brauð í Hollandi. Litríkt kökuskraut ofan á brauð, pönnukökur með sírópi og hollenskur lakkrís er meðal þess sem ferðamenn í Hollandi verða að smakka.
19.maí 2010 - 08:30 Snæfríður Ingadóttir

Stærsti flóamarkaður Amsterdam: Inni á veturna, úti á sumrin

Um 700 sölubásar eru á stærsta flóamarkaði Amsterdam, IJ-Hallen. Einu sinni í mánuði er risastór flóamarkaður haldinn í norðurhluta Amsterdam. Markaðurinn er stærsti flóamarkaður borgarinnar og þar er hægt að kaupa allt milli himins og jarðar. Ekki spillir umhverfið fyrir þar sem markaðurinn er haldinn í iðnaðarhverfi sem gaman er að skoða.
16.maí 2010 - 08:00 Steingrímur Sævarr Ólafsson

Amsterdam – Borg bragðlaukanna

Persónuleg þjónusta er í hávegum höfð á Blue Pepper Viltu indónesískan, argentínskan, tælenskan, japanskan, indverskan eða hollenskan sælkeramat?  Safaríkar steikur eða gómsæta grænmetisrétti? Þá þarftu ekki að leita lengi í Amsterdam því fáar borgir hafa jafn marga og jafn fjölbreytta veitingahúsaflóru á jafn litlu svæði.  Það eru yfir 1000 veitingastaðir í borginni sem þjóna bragðlaukunum eins og best verður á kosið og verðið er jafn mismunandi og staðirnir eru margir.
12.maí 2010 - 08:00 Steingrímur Sævarr Ólafsson

Amsterdam – Menningar-, safna- og listaborg

Ein fjölmargra sjálfsmynd af Van Gogh Fyrir áhugamenn um listir og söfn þá er af nógu að taka í Amsterdam.  Meira að segja fyrir mann eins og mig, sem telst nú seint í flokki áhugasömustu manna um málverk og listasögu, er aðdráttarafl safnanna í Amsterdam of mikið og ég stenst aldrei mátið að kíkja inn á safn eða tvö.
10.maí 2010 - 15:00 Steingrímur Sævarr Ólafsson

Amsterdam – Litla stóra borgin

Þeir kunna að nota ljós og liti í Amsterdam Það er óhætt að segja að fáar borgir í Evrópu séu jafn líflegar og stífluborgin við ánna Amstel. Fyrir þá sem ekki hafa leitt hugann að því, þá er nafnið Amsterdam einmitt dregið af orðunum „dam“ eða stífla og ánni Amstel – og ætti því kannski frekar að heita Amsteldam.
08.maí 2010 - 13:00 Snæfríður Ingadóttir

Kaffi og hvaðeina: Kaffihús þar sem allt er til sölu

EItt skemmtilegasta kaffihús Amsterdam er Latei. Þar er allt til sölu. Á kaffihúsinu Latei í Amsterdam færðu ekki bara gott kaffi, kökur, súpur og samlokur heldur geturðu nánast keypt allt sem er þar inni. Borðin, bollarnir, ljósin, myndirnar á veggnum – allt er til sölu.