27. ágú. 2011 - 07:00Ásdís Björg Jóhannesdóttir

Opinn skógur að Fossá í Hvalfirði opnaður- Vigdísarlundur vígður

Myndin tengist ekki fréttinni.

Myndin tengist ekki fréttinni.

Laugardaginn 27. ágúst fer fram opnun skógarins að Fossá í Hvalfirði, þar sem hann verður formlega tekinn inn í verkefnið Opinn skóg. Af því tilefni er boðað til hátíðar í skóginum og hefst hún kl. 14:00.

 
Ögmundur Jónasson innanríkisráðherra mun opna skóginn formlega. Auk þess mun Vigdís Finnbogadóttir vera viðstödd vígslu Vigdísarlundar í skóginum.
 
Flutt verða ávörp, boðið upp á söng og tónlist, skemmtun fyrir yngri kynslóðina og hollar og góðar veitingar.

Dagskráin verður sem hér segir:
Dagskrá:
Lúðrasveit leikur við samkomutjald frá kl. 13:45 en dagskráin hefst þar kl. 14:00.
1. Ávarp. Eiríkur Páll Eiríksson, formaður Fossár, skógræktarfélags.
Gengið frá samkomutjaldi að Vigdísarlundi.
Karlakór Kópavogs syngur.
2. Vigdísarlundur formlega opnaður. Vigdís Finnbogadóttir flytur ávarp.
3. Óður til skógarins. Einleikur á flautu: Brynhildur Ásgeirsdóttir.
4. Ávörp flytja:
   Ögmundur Jónasson innanríkisráðherra
   Magnús Gunnarsson, formaður Skógræktarfélags Íslands
   Bragi Michaelsson, formaður Skógræktarfélags Kópavogs
   Fulltrúi styrktaraðila Opinna skóga 2011 (Arion banka og Skeljungs)
Karlakór Kópavogs syngur.
5. Barnadagskrá við samkomutjald í umsjón Skógræktarfélags Mosfellsbæjar og Skátafélagsins Mosverja.
6. Kaffiveitingar í samkomutjaldinu í umsjón skógræktarfélaganna, auk þess sem boðið verður upp á grænmeti frá garðyrkjubændum.
Harmonikkuleikur á meðan á veitingum stendur.
Skátar úr Skátafélaginu Kópum úr Kópavogi verða í útilegu með tjaldbúðir á Fossá þessa helgi.
Allir velkomnir,
Hvetjum sem flesta til að mæta í Opinn skóg.
 
 
Nánari dagskrá á heimasíðu Skógræktarfélags Íslands er hér: www.skog.is.



14.apr. 2013 - 09:00

Viltu kenna börnum ensku í Brasilíu í sumar eða hugsa um dýr í Indlandi?

Ef þú ert háskólanemi eða nýútskrifaður stúdent geturðu valið á milli fjölda spennandi starfa í gegnum AIESEC. Hvernig væri t.d. að kenna börnum ensku í Brasilíu í sumar?  Eða hugsa um dýr í Indlandi. Gríptu tækifærið! Nýttu sumarið og öðlastu ómetanlega lífsreynslu.
12.feb. 2013 - 21:00

Undirskriftalisti afhentur gegn skertu ferðafrelsi á Íslandi

Í dag, þriðjudaginn 12. febrúar, afhenti Áhugahópur um ferðafrelsi forseta Alþingis, Ástu R. Jóhannesdóttur, undirskriftir sem safnast hafa á vefsíðunni www.ferdafrelsi.is, undanfarnar vikur. Afhentar voru rúmlega 14 þúsund undirskriftir en vefsíðan verður áfram opin um óákveðinn tíma og hafa nú nær 16 þúsund manns skrifað undir mótmælin.
14.feb. 2012 - 13:00

Ný könnun um ferðalög Íslendinga í fyrra - Siglufjörður kemur sterkur inn

Niðurstöður úr könnun sem Ferðamálastofa lét MMR gera í síðasta mánuði liggja fyrir en þar var spurt um ferðalög Íslendinga á árinu 2011 og ferðaáform þeirra í ár. Niðurstöður benda til að álíka margir hafi verið á faraldsfæti innanlands og áður en breytingu má sjá á heimsóknum til einstakra staða. Þá halda utanferðir áfram að færast í aukana.
03.feb. 2012 - 09:45

Erlendir gestir í janúar aldrei verið fleiri

Erlendir gestir í janúar hafa aldrei verið fleiri og í ár, eða frá því Ferðamálastofa hóf talningar í Leifsstöð fyrir áratug. Um 26 þúsund erlendir gestir fóru frá landinu í nýliðnum janúarmánuði og er um að ræða 3.900 fleiri brottfarir en á árinu 2011. Erlendum gestum fjölgaði því um 17,5% í janúarmánuði á milli ára. 
22.des. 2011 - 10:00

Ítalir dást að landinu okkar - Voru í fylgd með íslenskri stúlku í sumar - MYNDBAND

Íris Ann var að útskrifast úr mastersnámi í ljósmyndun og sjónlist í Mílanó á Ítalíu. Hún vann í sumar að ítölskum sjónvarpsþætti sem heitir "Shuffolato" sem snýst um að ferðast til mismunandi landa og kynna hvert land fyrir sig á öðruvísi hátt en gengur og gerist. 


03.des. 2011 - 19:00 Ásdís Björg Jóhannesdóttir

Ísland í heildarmynd- Sjáðu þessa vefsíðu

Komin er ný vefsíða þar sem hægt er að sjá Íslandi frá öðru sjónarhorni en áður. Maður að nafni Peter Molnár hefur hannað síðuna svo fólk geti skoðað 360 gráðu mynd af nokkrum þekktum ferðamannastöðum á Íslandi.






01.des. 2011 - 07:00 Ásdís Björg Jóhannesdóttir

The Iceland Wiki Guide - Ný handbók á vefnum fyrir ferðamenn

Nýlega var opnuð á svokölluð Wiki síða fyrir erlenda ferðamenn á vefsvæði IcelandTravelBlog.net.

24.nóv. 2011 - 21:30

Frostrósir lofa kakói, pönnsum og konfekti - Syngja á Reykjavíkurflugvelli á morgun

Frostrósir hefja tónleikaferð sína á morgun föstudag í flugstöðinni á Reykjavíkurflugvelli. 

Frostrósir munu fljúga af stað með Flugfélagi Íslands frá Flugstöðinni á Reykjavíkurflugvelli föstudaginn 25. nóvember. Þau munu kl. 10:00 taka nokkur vel valin Frostrósalög órafmagnað. 


01.sep. 2011 - 16:00 Ásdís Björg Jóhannesdóttir

Kjötsúpuhátíð á Hvolsvelli- Góð leið til að byrja haustið

Mynd úr safni frá fyrri hátíðum: Þorsteinn Jónsson, úr hrepparígnum Hin árlega Kjötsúpuhátíð Rangárþings eystra fer fram núna um helgina 3. september á Hvolsvelli. Hátíðin verður með örlítið breyttu sniði frá því í fyrra en dagskráin er frábær og tilvalið að skella sér í bíltúr með fjölskylduna og kíkja á Hvolsvöll. Góð leið til að byrja haustið.
30.ágú. 2011 - 09:00 Ásdís Björg Jóhannesdóttir

Grill og gaman á Básum: Ferð með útivist að gosstöðvum í september

Úr myndasafni utivist.is Ef þú hefur ekki enn séð gosstöðvarnar á Fimmvörðuhálsi er tækifæri til þess í september.
Sýna eldri fréttir