03. feb. 2010 - 09:00Snæfríður Ingadóttir

Með ferðamenn á prjónunum: Ný íslensk ferðaþjónusta

Prjónakonan Ragnheiður Eiríksdóttir skipuleggur prjónaferðir til Íslands ásamt Heléne Magnússon.

Prjónakonan Ragnheiður Eiríksdóttir skipuleggur prjónaferðir til Íslands ásamt Heléne Magnússon.

Erlendir ferðamenn verða lokkaðir til Íslands með lopa og lykkjum í sumar á vegum Knitting Iceland sem ætlar að bjóða upp á sérstakar prjónaferðir til landsins. Ferðirnar eru stílaðar inn á prjónaáhugafólk og snýst dagskráin að mestu leyti um íslenskar prjónahefðir í bland við náttúruupplifanir, menningu og mat.

Það eru þær Ragnheiður Eiríksdóttir, hjúkrunarfræðingur, og Heléne Magnússon, lögfræðingur, sem standa á bak við fyrirtækið Knitting Iceland en báðar hafa þær mikinn áhuga á prjónaskap. Þær hafa áður látið til sín taka á því sviði, Ragnheiður gaf út dvd-diskinn “Prjónum saman” fyrir jólin og eftir Heléne liggja nokkrar bækur um prjónaskap. (Sjá nánar um Heléne hér og Ragnheiði hér)

Lúxus prjónaferð

Fyrsti hópurinn á vegum Knitting Iceland kemur til landsins í júní og verður í viku. „Þetta er lúxusferð þar sem allt er innifalið,“ segir Ragnheiður. „Þátttakendur munu sitja námskeið í íslenskum prjónahefðum þar sem þeir verða fræddir um prjón með lopa, rósaleppaprjón og íslensku sjölin.“ Ragnheiður og Heléne munu sjálfar sjá um kennsluna auk þess sem þær fá gestakennarann Evelyn A. Clark til liðs við sig.

„Við verðum með bækistöð í Borgarfirðinum en þaðan verður farið í margskonar dagsferðir. Markmiðið er að þátttakendur fari fróðari tilbaka.“ Meðal þess sem er á dagskránni er heimsókn í íslenskt fjárhús þar sem íslenska kindin verður skoðuð, heimsókn í Álafoss, Ullarselið á Hvanneyri og heimsókn í Textílsetur Íslands.

Prjónaferðir vinsælar erlendis

Að sögn Ragnheiðar eru prjónaferðir vel þekkt fyrirbæri í prjónaheiminum og eru í sama flokki og golfferðir eða vínsmökkunarferðir. „Svona ferðir eru t.d. mjög vinsælar í Skotlandi og á Bretlandseyjum enda sterk prjónahefð á þessum svæðum. Þegar fólk er komið á kaf í þetta áhugamál vill það kafa dýpra og skoða prjónahefðir ákveðinna svæða betur.“ Hún segir prjónamenningu Íslands afar heillandi. Hér eigi t.d. allir einhverjar minningar tengdar prjóni en slíkt er ekki sjálfgefið í öðrum löndum. Íslenski lopinn hefur líka mikla sérstöðu og erlendu prjónafólki finnst hann afar áhugaverður. “Þó hann stingi aðeins þá hefur hann eftirsóknarverða eiginleika. Hann er bæði léttur og einangrandi og hefur líka þessi löngu hár svo ekki er nauðsynlegt að spinna hann.”

Pjónaáhugi fer vaxandi í heiminum

Markaðssetning á prjónaferðum Knitting Iceland er nú í fullum gangi erlendis og segir Ragnheiður að áhuginn fyrir fyrstu ferðinni sé mikill. „Prjónaáhugi fer vaxandi í heiminum. Ég held það sé vegna þess að það eru svo margir í skrifstofustörfum sem skilja ekkert áþreifanlegt eftir sig. Mannfólkið hefur hinsvegar þörf fyrir að búa til eitthvað áþreifanlegt og sækir því í prjónana þar sem prjónaskapur er svo auðveldur og takmarkalaus. Breiddin er líka svo mikil, prjónið getur verið mikil heilaleikfimi eða fullkomin afslöppun.“

Ýmislegt fleira er líka í gangi hjá þeim stöllum. Fleiri prjónadiskar og bækur eru að koma út og verið er að þýða diskinn “Prjónum saman” á ensku.  Áhugasamir geta fylgst með á Facebook
Left Right



19.des. 2013 - 09:30

Þjónusta fyrir ferðamenn stóreykst með opnun nýrrar upplýsingamiðstöðvar á Hellu

Á myndinni eru Arnar Freyr Ólafsson og Elías Rúnar Kristjánsson, eigendur South Door South Door opnaði formlega upplýsingamiðstöðina í Árhúsum á Hellu föstudaginn 13.desember síðastliðinn. South Door hefur starfrækt upplýsingamiðstöð í Fossbúð í Skógum undanfarin tvö ár í góðri samvinnu við ferðaþjónustuaðila og ferðamenn á svæðinu og á liðnu sumri tók South Door við rekstri Árhúsa á Hellu.
03.ágú. 2013 - 09:00 Eva Gunnbjörnsdóttir

Stefán: „Ég held ekki Eistnaflug aftur ef einhverjum er nauðgað eða laminn í stöppu“

Ég fer ekki heim til mín að telja peninga brosandi og hugsa Vúhú 100 þúsund kall! Svo er einhver laminn í döðlur eða nauðgað. Það á bara ekkert skylt við skemmtun, vinnu eða neitt,“ segir Stefán Magnússon framkvæmdastjóri tónlistarhátíðarinnar Eistnaflug.

02.ágú. 2013 - 16:00

Að ferðast á Íslandi: þetta er það sem þú þarft að vita!

Verslunarmannahelgin er ein mesta ferðahelgi ársins enda hátíðarhöld víða. Á Íslandi er veður ófyrirsjáanlegt, náttúran viðkvæm og einnig geta vegir verið varasamir, þrátt fyrir að þeir séu flestir góðir. Hér eru ágætis áminningar áður en haldið er af stað:
01.ágú. 2013 - 13:45

Veðrið um verslunarmannahelgina: Hvað segja veðurfræðingar?

Hvar verður þú um helgina? Hvar er best að vera um verslunarmannahelgina? Veröldin hringdi í Hrafn Guðmundsson, veðurfræðing á Veðurstofu Íslands, og átti við hann gott spjall um veðurspána fyrir verslunarmannahelgina. Að sjálfögðu fengum við hann til að spá í kortin.
19.júl. 2013 - 15:00 Eva Gunnbjörnsdóttir

Sirkús Íslands safnar fyrir fyrsta sirkústjaldi Íslandssögunnar

Nú er sirkúsinn farinn úr Vatnsmýrinni og margir þegar farnir að sakna hans. Enn fleiri naga sig í handabökin fyrir að hafa farið í sirkús á meðan tækifæri gafst.
13.júl. 2013 - 09:00 Eva Gunnbjörnsdóttir

Brimbrettaiðkun á Íslandi allan ársins hring - sport, lífstíll, menning - myndir!

Ég hef orðið þess heiðurs aðnjótandi að kynnast sportinu, menningarkimanum og lífstílnum að brima. Margir þeirra alvöru brimara á Íslandi gætu jafnvel orðið óánægðir með að ég skrifi um sportið, þeim er það heilagt. Aðrir munu verða óánægðir með að vera kallaðir brimarar, þeir eru „sörfarar“ og ekkert annað!
03.júl. 2013 - 09:00

Ferðalög - er hægt að taka hundinn með?

Ert þú að skipuleggja ferðalag og spá í hvort hundurinn þinn geti komið með?

Það getur verið gaman að taka hundinn í ferðalag hafir þú gert ráð fyrir öllu. Hins vegar getur verið betra fyrir dýrið þitt að vera í „gæludýrapössun“ ef ekki er búið að skipuleggja ferðalagið með hundinn í huga. Ef þú ákveður að taka hundinn með er ekkert annað í stöðunni en að byrja að skipuleggja fríið. Að verða sér úti um merkiól með kennimarki hundsins er góð byrjun. Einnig er gott að rifja upp það sem hundurinn hefur lært í hundaþjálfun svo hann hagi sér vel á ferðalaginu. Svo er að skipuleggja samgöngumáta, gistingu og þá hluti sem þú vilt gera með hundinum þínum í fríinu.

21.jún. 2013 - 15:15

Mest spennandi áfangastaðir Evrópu: Norðurland í 3 sæti

Norðurland er í þriðja sæti á topplista hinnar heimsþekktu ferðasíðu Lonely Planet sem áfangastaður ársins í Evrópu fyrir árið 2013. Listinn var kynntur í gær á sjónvarpsstöðinni CNN. Þetta er enn eitt hrósið fyrir land og þjóð en í október á síðasta ári setti hin þekkta ferðasíða Ísland í sjöunda sæti yfir mest spennandi áfangastaði í heiminum fyrir árið 2013.
14.jún. 2013 - 10:51

Flugfélag Íslands býður fargjöld án skatta og gjalda í sumar

Tilboðið verður í gildi frá 14. – 18. júní en ferðatímabilið er hásumarið eða 18.júní – 18.ágúst. Dagana 14. – 18. júní mun Flugfélag Íslands bjóða öll fargjöld innanlands án skatta og gjalda sé bókað á netinu.  Eina sem þarf að gera er að fara inná vef félagsins og slá inn flugsláttinn SUMAR.  Þetta er gert til að koma til móts við landsmenn sem vilja nýta sér flugið innanlands í sumar.
14.apr. 2013 - 09:00

Viltu kenna börnum ensku í Brasilíu í sumar eða hugsa um dýr í Indlandi?

Ef þú ert háskólanemi eða nýútskrifaður stúdent geturðu valið á milli fjölda spennandi starfa í gegnum AIESEC. Hvernig væri t.d. að kenna börnum ensku í Brasilíu í sumar?  Eða hugsa um dýr í Indlandi. Gríptu tækifærið! Nýttu sumarið og öðlastu ómetanlega lífsreynslu.