Stundar þú líkamsrækt en léttist ekki neitt? Fitbook gæti verið málið fyrir þig

Mynd: Fitbook.com

Stundarðu líkamsrækt en gengur samt ekki allt of vel að léttast? Borðarðu kannski einfaldlega of mikið? Ef svarið er já þá er fundin leið til þess að fylgjast með neyslunni á ótrúlega einfaldan hátt; með því að skrá sig á nýjan, íslenskan matarvef www.fitbook.com.

Það að vera á Fitbook.com er lítið mál. Þú gefur upp kyn, aldur, hæð og þyngd. Þú setur þér markmið og kerfið reiknar samstundis út hversu margar hitaeiningar þarf til þess að ná settu marki.

Eftir það kemur matardagbókin að góðu gagni. Í hana er skráð allt sem viðkomandi borðar og á augabragði kemur í ljós hversu margar hitaeiningar hann hefur innbyrt. Einnig er hægt að velja sér matarplan við hæfi; t.d. auðvelt og fljótlegt, grænmetisfæði eða kolvetnaskert fæði og upp sprettur tillaga að vikuskammti. Vilji fólk ekki allt sem þarna stendur má henda einu út og setja annað inn, en gæta þess aðeins að hitaeiningafjöldinn raskist ekki.

Dagur segir að hér sé án efa á ferðinni stærsti matargagnagrunnur á Íslandi með næringarinnihaldi matvara. Upphafið rekur hann til þess að í Keili voru nemendur látnir vinna næringarfræðiverkefni og nota til þess matarvef frá Matís. Degi fannst vefurinn hefði mátt vera fullkomnari og vildi gjarnan fá betra tæki og tól fyrir sjálfan sig að nota svo að hann fór að hugleiða hvernig það mætti verða.

Dagur hefur bætt þúsundum íslenskra matvæla við grunninn og gerði hann það m.a. með því að afla upplýsinga af umbúðum hinna ýmsu matvara. Þar fyrir utan er fitbook.com tengdur erlendum gagnagrunnum. Fólk fær upplýsingar um allt milli himins og jarðar með því einu að slá inn vöruheitið og upplýsingarnar birtast á skjánum.

Á fitbook.com eru uppskriftir, einfaldar og flóknar, og fer þeim stöðugt fjölgandi. Hægt er að slá inn ósk um einfalda uppskrift með fáum hitaeiningum eða aðra flóknari og síðan er hægt að setja inn tímann sem taka á að búa matinn til. Mikið af uppskriftunum eru erlendar en þeim íslensku fer stöðugt fjölgandi.

Nú geta þeir sem áhuga hafa á að bæta mataræði sitt prófað fitbook.com ókeypis í 30 daga en eftir það kostar 600 krónur á mánuði að vera fastur áskrifandi að vefnum. Dagur opnaði vefinn í janúar og er hann bæði á íslensku og ensku.

Móttökur verið mjög góðar og þegar hafa fjölmargir skráð sig inn þótt vefurinn hafi ekki verið kynntur opinberlega fyrr en nú. Þess má geta að þátttakendur í námskeiðinu: Þinn líkami, þinn lífsstíll, fá ókeypis aðgang á meðan á námskeiðinu stendur.

Þeir sem hafa áhuga á að tengja mataræðið við ákveðið æfingaprógramm geta valið sér prógramm við hæfi á vefnum, allt frá því að ætla bara að æfa sig heima án tækja upp í að vera í þjálfun undir handleiðslu einkaþjálfara á líkamsræktarstöð.

Þjálfarinn getur þá tengst síðu þess sem hann er að þjálfa og fylgst með honum og veitt honum frekari leiðbeiningar í gegnum tölvuna.

Einnig svarar Dagur sjálfur fyrirspurnum fólks á vefnum eftir því sem þær berast og geta þær jafnt tengst mataræði sem líkamsrækt enda er hann eins og áður sagði með einkaþjálfarapróf frá ÍAK. Hér mætti líka minna á að vefurinn gagnast ekki bara þeim sem vilja léttast, fólk getur viljað halda réttri þyngd og sumir þurfa jafnvel að þyngjast.