14. okt. 2017 - 20:00

Flugræninginn og dularfulla fallhlífin: Sagan á bak við eitt undarlegasta mál bandarískrar flugsögu

Eitt dularfyllsta mál bandarískrar flugsögu er atvik sem varð um borð í flugvél Northwest Orient-flugfélagsins þann 24. nóvember árið 1971. Þann dag rændi maður, sem er enn ófundinn 45 árum síðar, flugvél flugfélagsins og tókst á ótrúlegan hátt að komast undan með 200 þúsund Bandaríkjadali með því að stökkva út úr flugvélinni. DV rifjar hér upp þessa mögnuðu sögu og nýlega opinberun sem gæti varpað ljósi á málið.

„Fröken, þú ættir að líta á miðann“

Þessi dagur byrjaði eins og allir aðrir dagar. Farþegar sem voru á leið í hefðbundið 30 mínútna áætlunarflug milli borganna Portland og Seattle innrituðu sig og var einn þeirra maður að nafni Dan Cooper. 

Cooper þessi, sem var með svarta skjalatösku meðferðis, hafði keypt sér miða aðra leiðina frá Portland til Seattle. Að svo búnu gekk hann um borð og settist í sæti 18C þar sem hann kveikti í sígarettu, pantaði sér Bourbon-viskí og sódavatn. Þegar allir voru búnir að fá sér sæti gerðu flugstjórarnir sig reiðubúna til flugtaks. Um það leyti sem vélin var að hefja sig til flugs rétti Cooper flugfreyju, sem sat rétt hjá, miða. Flugfreyjan, Florence Schaffner, taldi að á miðanum væri einfaldlega að finna símanúmer einmana manns og stakk hún miðanum, ólesnum, ofan í tösku. „Fröken, þú ættir að líta á miðann. Ég er með sprengju,“ sagði dularfulli maðurinn, Dan Cooper, við flugfreyjuna. Hún dró miðann upp, renndi yfir hann og sá að maðurinn var ekki að grínast. Í kjölfarið hófst atburðarás sem er lyginni líkust.

Hvað nákvæmlega stóð á miðanum er ekki enn vitað með fullu þar sem Dan tók miðann til baka. Schaffner sagði þó síðar að á honum hefðu komið fram upplýsingar um að sprengju væri að finna í skjalatöskunni. Schaffner settist hjá Cooper og spurði hvort hún mætti líta ofan í töskuna. Cooper varð við beiðninni og opnaði hana nægjanlega mikið til að Schaffner sæi víra og annað tilheyrandi. Í kjölfarið útlistaði Cooper hverjar kröfur hans væru: Hann vildi fá 200 þúsund Bandaríkjadali í peningum (rúmlega eina milljón dala, ríflega 100 milljónir króna á núverandi gengi), tvær fallhlífar og að eldsneytisbíll yrði staðsettur á flugbrautinni í Seattle þegar vélin myndi lenda. Þar vildi hann fá peningana og fallhlífarnar áður en vélin myndi hefja sig aftur til flugs. 

Ýmsar kröfur

Schaffner fór með þessi skilaboð til flugstjóra vélarinnar, William Scott, sem hafði umsvifalaust samband við flugturninn í Seattle. Öðrum 36 farþegum sem um borð voru var tilkynnt að komunni til Seattle yrði seinkað vegna smávægilegra tæknivandamála. Forstjóri Northwest-flugfélagsins var settur í málið og hann heimilaði að orðið yrði við kröfum Coopers. Hvatti hann um leið starfsmenn flugfélagsins til að vinna með Cooper og verða við öllum hans óskum. Vélin hringsólaði yfir Seattle næstu tvo tímana á meðan bandaríska alríkislögreglan, FBI, skoðaði málið og á meðan unnið var að því að útvega peningana og fallhlífarnar sem Cooper vildi. 

Þegar allt var klappað og klárt var Cooper tilkynnt að nú væri allt klárt fyrir lendinguna í Seattle. Klukkan 17.39 að staðartíma var vélinni lent í Seattle. Að svo búnu sagði Cooper flugstjóranum að aka vélinni á afskekktan stað á flugvellinum og slökkva ljósin í flugstjórnarklefanum svo leyniskyttur lögreglu sæju ekki inn í klefann. Tina Mucklow, önnur flugfreyja í áhöfn vélarinnar, tók við peningunum og fallhlífunum og í kjölfarið fengu allir farþegar að fara frá borði.

Þar með er ekki öll sagan sögð því Cooper, sem virtist hafa skipulagt ránið í þaula, sagði flugstjóranum hver næstu skref yrðu þegar búið var að fylla vélina af eldsneyti. Scott átti að fljúga vélinni í suðaustur áleiðis að Mexíkóborg á eins litlum hraða og hann kæmist upp með. Hann mátti ekki fara hærra en í 10 þúsund feta hæð og krafðist þess þar að auki að hjólin yrðu niðri alla leiðina. Scott tjáði Cooper að vélin væri þannig úr garði gerð að hún kæmist ekki lengra en þúsund mílur, 1.600 kílómetra, án þess að þurfa að lenda og taka eldsneyti. Þeir skeggræddu þetta í dágóða stund og komust að þeirri niðurstöðu að farsælast væri að lenda vélinni í Reno í Nevada. 

Á bak og burt

Vélin hélt af stað klukkan 19.40 að staðartíma og var búin að vera í loftinu í rúmar 20 mínútur þegar viðvörunarljós kviknuðu í flugstjórnarklefanum. Ljósið gaf til kynna að dyr, aftarlega í vélinni, hefðu opnast og skyndilega féll þrýstingurinn. Scott hélt ferð sinni áfram og um klukkan 22 lenti vélin í Nevada. Vopnaðir lögreglumenn frá FBI sátu um vélina og leit leiddi í ljós að Cooper var á bak og burt. Í vélinni fundust tvær fallhlífar af fjórum og því er ljóst að Cooper stökk frá borði með peningana meðferðis.

Þó að liðin séu 45 ár frá atvikinu hefur Cooper, eða maðurinn sem sagðist heita Dan Cooper, ekki fundist. FBI rannsakaði málið í þaula; fjöldi fólks var yfirheyrður en allt kom fyrir ekki. Lögreglu tókst ekki að hafa upp á manninum dularfulla sem virtist vita sitthvað um flug, flugrán og samskipti við lögreglu. FBI gekk meira að segja svo langt að endurskapa atburðarásina í þeirri von að það gæti varpað ljósi á hvenær Cooper stökk út og hvar hann lenti á jörðu niðri. Samkvæmt þeim skoðunum stökk Cooper frá borði klukkan 20.13 og lenti á jörðu niðri í grennd við St. Helens-fjall. Umfangsmikil leit á svæðinu, bæði á landi og úr lofti, leiddi hins vegar ekkert í ljós. Þetta var svo endurtekið þegar fór að vora árið 1972 en, eins og áður, fannst ekkert. 

Leitin sett í nýtt samhengi

Þetta leiddi til þess að FBI fór að endurskoða þær reikningsaðferðir sem notaðar voru til að áætla líklegan lendingarstað flugræningjans. Flugstjórinn, Scott, sagði síðar að hann hafi flogið vélinni austar en menn upphaflega héldu sem setti leitina í annað samhengi. Flugsérfræðingar reiknuðu líka út að sterkir vindar umrætt kvöld hefðu verið misreiknaðir. Tekið var tillit til nær allra mögulegra og ómögulegra þátta en allt kom fyrir ekki. 

FBI brá á það ráð, áður en Cooper fékk peningana afhenta, að skrá niður númerin á seðlunum sem hann fékk auk þess að mynda þá. Árið 1972 fundust nokkrir þessara seðla en átta ár liðu þar til fleiri litu dagsins ljós. Það gerðist í febrúar 1980 þegar átta ára piltur, Brian Ingram að nafni, var á ferðalagi með fjölskyldu sinni skammt frá Vancouver í Kanada, rétt norðan við fylkismörk Washington-ríkis. Þar fann hann við árbakka einn þrjár töskur af illa förnum peningaseðlum. Rannsókn FBI leiddi í ljós að þarna var kominn fram hluti ránsfengsins, nokkur þúsund Bandaríkjadalir. Þetta setti rannsókn málsins í uppnám og bjó í raun til fleiri spurningar en það svaraði. Missti Cooper peningana þegar hann stökk úr vélinni? Ákvað hann að grafa hluta ránsfengsins? Hvers vegna fundust bara þessar þrjár töskur? Rannsókn málsins hélt áfram næstu árin en án þess að einhverjar haldbærar upplýsingar kæmu fram. Enn þann dag í dag eru samtals 9.710 peningaseðlar enn ófundnir. 

Það var svo sumarið 2016 að FBI tilkynnti að stofnunin myndi hætta rannsókn á málinu á þeim forsendum að tíma starfsmanna væri betur varið í aðkallandi verkefni dagsins í dag. Lögregla mun þó áfram taka við upplýsingum um málið, ef einhverjar berast, þá sérstaklega hvað varðar þá peningaseðla sem enn er saknað. 

En þó að rannsókn FBI sé formlega lokið eru enn til ævintýramenn sem vilja leysa málið í eitt skipti fyrir öll. Í fyrravetur birti vefsíða, True Ink, öll skjöl málsins í þeirri von að einhver þarna úti helli sér í málið og kafi ofan í það. „Við birtum öll skjölin og viljum fá hjálp frá almenningi,“ segir Goeffrey Gray, stofnandi veftímaritsins. Það er því aldrei að vita nema gátan leysist þó líkurnar séu ekki ýkja miklar. 

---

Hver var Dan Cooper?


Mikið hefur verið skrifað og skrafað um flugræningjann dularfulla og sérfræðingar FBI í atferlisfræði teiknuðu upp það sem þeir töldu vera líklega mynd af manninum.

Samkvæmt þeim kenningum þekkti Cooper vel til á Seattle-svæðinu eins og glögglega kom fram í samtölum hans við flugstjóra vélarinnar. Í þeim kom einnig fram að hann þekkti borgina Tacoma úr lofti og vissi að McChord-flugherstöðin var í 20 mínútna akstursfjarlægð frá Seattle-Tacoma flugvellinum. Taldi FBI að Cooper hefði mögulega verið í bandaríska flughernum. FBI taldi að fjárhagsstaða Coopers hefði verið bágborin sem varð til þess að hann var tilbúinn að ganga jafn langt og raun ber vitni. FBI komst einnig að því að nafnið Dan Cooper kom úr belgískri teiknimyndasögu sem fjallar einmitt um kanadískan flughermann, Dan Cooper að nafni, sem lenti í alls konar ævintýrum þar sem fallhlífar komu við sögu.

Umrædd saga var aldrei gefin út á ensku og af því leiðir að Cooper hafði að líkindum einhver tengsl við Evrópu eða Kanada þar sem hægt var að nálgast myndasöguna. Og þar sem Cooper tók skýrt fram að hann vildi bandaríska seðla drógu menn þá ályktun að mögulega væri hann erlendur ríkisborgari, líklega frá Kanada – að öðrum kosti hefði hann ekki tekið þetta fram. Þá drógu menn þá ályktun að Cooper væri mjög skipulagður að eðlisfari og með þekkingu á flugvélum og flugáætlunum. FBI taldi hins vegar að Cooper væri reynslulítill fallhlífarstökkvari þar sem varafallhlífin sem hann tók með sér var kirfilega lokuð og saumuð saman. Reyndir fallhlífarstökkvarar hefðu ekki stokkið án þess að tryggja að allt væri í lagi. Þá taldi FBI ólíklegt að Cooper hefði lifað stökkið af. Hann hafi ekki verið með hjálm eða höfuðhlífar og kuldinn, mínus 57 gráður á Celsíus í loftinu, hafi líklega verið óbærilegur.





05.jan. 2018 - 11:45

Þrjár frumsýningar á bílasýningu Heklu

Það verður allsherjar bílaveisla laugardaginn 6. janúar, milli klukkan 12 og 16, þegar Hekla heldur sína árlegu bílasýningu í glæsilegum salarkynnum við Laugaveg 170 – 174. Til sýnis verður allt það nýjasta og ferskasta frá Audi, Mitsubishi, Skoda og Volkswagen en aðalnúmer dagsins eru Skoda Karoq, Volkswagen T-Roc, Polo, Skoda Octavia RS245 og Octavia Scout.
22.des. 2017 - 17:00

Svona geturðu bætt heilsu þína og það á aðeins tíu sekúndum

Tímaritið Women's Health Magazine tók saman lista yfir ráð sem bæta heilsu þína á tíu sekúndum hvert. Tíu atriði sem gætu virst smávægileg en skipta máli í stóra samhenginu.
07.des. 2017 - 13:00

Hvernig starfar minnið?

Jacopo Annese við University of California í San Diego, BNA, skoðar hér þunna skífu af heila frá látnum manni með minnisstol. Hvernig ber heilinn sig að við að varðveita minningar? Vísindamenn hafa um áraraðir reynt að skýra hvernig við erum fær um að muna mikilvæga hluti en gleyma öðrum. Og á síðustu árum hafa ótal rannsóknir á bæði heilbrigðum manneskjum og persónum með alvarlegt minnisstol hjálpað fræðimönnum að afmarka svarið.
06.des. 2017 - 13:50

Kormákur fær nóg af ofbeldi eiginkonu sinnar

Vefurinn er önnur glæpasaga Magnús Þórs Helgasonar en fyrir jólin 2016 kom út eftir hann glæpasagan Bráð. Það er Óðinsauga sem gefur út.

06.des. 2017 - 10:00

Ný jólaauglýsing Pepsi Max í Evrópu tekin upp á Íslandi

Íslenskir brimbrettakappar á LED-lýstum brettum eru í aðalhlutverki í nýrri jólaauglýsingu Pepsi MAX sem verður sýnd um alla Evrópu nú á aðventunni. Að stíga á brimbretti í ísköldum íslenskum sjó er varla fyrsta jólahefðin sem fólki dettur í hug, en það er þó raunin í nýju auglýsingunni þar sem fólk er hvatt til að prófa eitthvað nýtt þessi jólin.
05.des. 2017 - 13:11

Jólaútgáfa af Brennivíni á markaðinn: Aukin framleiðsla og sala

Sérstök jólaútgáfa af Brennivíni komin á markaðinn og ber hún nafnið „Brennivín Jólin 2017“.  Líkt og undanfarin ár er um einkar metnaðarfulla útgáfu að ræða en að þessu sinni hefur Brennivínið fengið að þroskast í notuðum sérrítunnum sem fluttar voru til landsins sérstaklega í verkið, en varan er blanda af mismunandi mikið þroskuðu víni. 

04.des. 2017 - 10:00 Kynning

Híf opp! Gamansögur af íslenskum sjómönnum

Nýverið kom út hjá Bókaútgáfunni Hólum bókin Híf opp! og inniheldur hún gamansögur af íslenskum sjómönnum. Höfundur bókarinnar er Guðjón Ingi Eiríksson og hefur hann leitað efnis víða.
03.des. 2017 - 09:00 Kynning

Æviminningar Magna skipstjóra: Lestu kafla úr þessari heillandi ævisögu

Fyrir stuttu kom út hjá Bókaútgáfunni Hólum ævisaga Magna Kristjánssonar, skipstjóra frá Neskaupstað.  Það er Ragnar Ingi Aðalsteinsson frá Vaðbrekku sem skráði og hér á eftir verður gripið niður í einn kafla bókarinnar, „Jólatúrinn – og jólapakki frá besta vininum“:

02.des. 2017 - 14:45

Anna – Eins og ég er: Lestu kafla úr bókinni

Í bókinni Anna – Eins og ég er er fjallað um ótrúlegt lífshlaup Önnu Kristjánsdóttur vélfræðings sem var ein af fyrstu Íslendingunum til að láta leiðrétta kyn sitt. Hún vissi frá blautu barnsbeini að hún hefði fæðst í röngum líkama.

29.nóv. 2017 - 16:00

5 árangursríkar leiðir til að auka sjálfstraust barna

Að hafa gott sjálfstraust er ómetanlegt og foreldrar hafa mikið um það að segja að börn þeirra fari út í lífið með gott og heilbrigt sjálfstraust. Hér eru nokkur dæmi sem Ladyzona birti sem leið fyrir foreldra til að auka sjálfstraust barna sinna.
26.nóv. 2017 - 20:00

Furðulegar staðreyndir um drauma

Draumar eru oft á tíðum einkennileg fyrirbæri og margir telja að þeir séu fyrirboðar einhvers - góðs eða ills. Hér að neðan gefur að líta ýmsar einkennilegar staðreyndir um drauma.
26.nóv. 2017 - 18:00

Er kynlífið þreytt? Níu frábær frygðaraukandi ráð sérfræðinganna

Þegar nýjabrumið er horfið úr sambandinu er hætta á að kynlífið verði litlaust og rútínukennt. Nokkrir af helstu kynlífsfræðingum heims gefa hér sitt uppáhalds ráð svo pör geti haldið áfram að njóta vills kynlífs til hins ýtrasta.
26.nóv. 2017 - 15:00

Klæðskerinn fljúgandi

Austurríski klæðskerinn, Franz Reichelt, fann upp stóra yfirhöfn, sem hann nefndi “fallhlífarfrakkann”, sem var úr þunnu efni með miklu vænghafi. Hann starfaði í Frakklandi og var þekktur undir viðurnefninu “klæðskerinn fljúgandi”.
26.nóv. 2017 - 11:00

30 skref að grænni lífsstíl

Ef öll hús í Bandaríkjunum myndu skipta yfir í sparperur hefði það sömu áhrif á ef ein milljón bíla yrðu fjarlægðar af götunum.
25.nóv. 2017 - 18:00

Nokkrar frábærar jólamyndir sem stytta biðina

Er biðin óbærileg? Þá er ekkert betra á aðfangadegi en að hlamma sér í sófann og horfa á góða jólamynd sem gerir biðina eftir aðfangadagskvöldi bærilegri og kemur fólki í jólaskap. Hér eru nokkrar góðar myndir sem eru taldar með bestu jólamyndum allra tíma.
25.nóv. 2017 - 15:00

Stærsti loftsteinn sem fundist hefur á jörðinni

Hoba-steinninn í Namibíu er stærsti loftsteinn sem hefur fundist á jörðinni. Hann er einnig stærsti náttúrulegi járnklumpurinn sem vitað er um.
25.nóv. 2017 - 11:00

Minningar um mannkynið geymdar til ársins 8113

Árið 1940 var ýmsum munum úr hversdagslífinu á þeim árum, ásamt meistaraverkum í bókmenntum og listum, komið fyrir í læstri grafhvelfingu í Georgíufylki í suðurríkjum Bandaríkjanna. Menn reistu hvelfinguna þar sem þeir óttuðust útrýmingu mannkyns. Hvelfinguna má ekki opna fyrr en árið 8113.
22.nóv. 2017 - 16:00 Kynning

Boðtækni kynnir: Einfaldar sorppressur í úrvali

Pressurnar frá Ekobal eru einfaldar í notkun. Boðtækni ehf býður uppá pressur í hinum ýmsu stærðum sem henta bæði fyrirtækjum eða félagasamtökum. Pressurnar koma úr smiðju Ekobal og eru í senn áreiðanlegar, traustar og endingagóðar. Með því að nota pressurnar er hægt að minnka rúmmál á pappa ca. fimmfalt og á plasti ca. tífalt.
22.nóv. 2017 - 13:19 Kynning

Tölvutek: Jólagjöfin í ár! Star Wars drónar!

Tölvutek hefur fengið í sölu glæsilega dróna í takmörkuðu upplagi og eru þeir á frábæru tilboði næstu daga, hafa lækkað úr 29.990 niður í 19.990 kr. Tilboðið gildir út mánudaginn 27. nóvember.

17.nóv. 2017 - 20:00

Varúð: 20 verstu jólagjafirnar

Nú er aðeins rúmur mánuður til jóla og eru margir eflaust farnir að leiða hugann að jólagjöfum fyrir vini og vandamenn. Ef þú ert ekki búinn að kaupa gjafirnar þá eru hér nokkur dæmi um það sem ber að varast við jólagjafainnkaupin. Það er betra að lesa listann yfir því ekki viltu gefa gjöfina sem gæti eyðilagt jólin.
16.nóv. 2017 - 22:00

Fótboltaleikur dauðans

Árið 1942 var Kiev, höfuðborg Úkraínu, undir járnhæl nasista. Nokkrir knattspyrnumenn Dynamo Kiev komu saman og stofnuðu lið og kepptu á móti þýskum herdeildum þar sem hart var barist. Frægasti leikurinn var við liðið Flakelf, sem skipað var hermönnum úr Luftwaffe. Úkraínumennirnir léku stórkostlega í leiknum og það hafði afdrifaríkar afleiðingar.
16.nóv. 2017 - 21:00

Hann var dæmdur í fangelsi fyrir hrottalegan glæp: Síðan kom í ljós að hann var saklaus eftir 46 ár í fangelsi

Wilbert Jones, 65 ára karlmaður í Baton Rouge í Louisiana í Bandaríkjunum, er laus úr fangelsi, tæplega 50 árum eftir að hann var dæmdur í lífstíðarfangelsi fyrir mannrán og nauðgun. 
16.nóv. 2017 - 20:00

Úrsúla sýnir Sigurbjörgu stuðning: „Gamla konan grét mikið og var óhuggandi“ – Dó stuttu síðar

„Seinna þegar ég var komin í annað húsnæði vildi ég heimsækja hana en þá var mér tjáð að hún hefði skyndilega látist skömmu áður.“ Þetta segir Úrsúla Jünemann, kennari á eftirlaunum og leiðsögumaður, í aðsendri grein í Fréttablaðinu í dag.

15.nóv. 2017 - 21:00

Þessi mynd var kveikjan að morðrannsókn

Meðfylgjandi mynd ber kannski ekki mikið yfir sér. Staðreyndin er sú að þessi mynd varð til þess að ákæra var gefin út á Englandi á hendur 71 árs karlmanni, David Dearlove, vegna gruns um að hann hafi banað stjúpsyni sínum, Paul Booth, árið 1968. 

15.nóv. 2017 - 20:00

Breskur ævintýramaður hvarf á Papúa Nýju-Gíneu

Ekkert hefur spurst til breska ævintýramannsins Benedict Allen í nokkrar vikur, eða frá því að hann fór frá Bretlandi í ferðalag um eyríkið Papúa Nýju-Gíneu í Suðvestur-Kyrrahafi. 
14.nóv. 2017 - 13:00 Kynning

The Saga Bites: Fiskisnakk fyrir fólk á ferðinni

The Saga Bites sækir innblástur í sögur víkinga á Íslandi. The Saga Bites er ný vara sem kom á markað ekki alls fyrir löngu. Um er að ræða íslenskan þorsk sem hefur verið þurrkaður í einum háþróaðasta þurrkunarklefa á Íslandi, sem gerir það að verkum að bitarnir verða bæði stökkir og bragðgóðir – og minna um leið á eitthvað sem kalla mætti fiskisnakk.
02.nóv. 2017 - 10:20 Kynning

Fjáröflun.is: Einfaldar einstaklingum og hópum að fara í fjáraflanir

„Við stofnuðum fjáröflun.is í byrjun árs og viðbrögðin hafa verið vonum framar. Hugmyndin  á bak við fjáröflun.is var að einfalda allt ferlið fyrir einstaklinga og hópa við fjáraflanir og það hefur tekist mjög vel. Í gegnum tíðina hefur vinna við fjáraflanir oft verið að leggjast á foreldrana sem hafa þurft að halda utan um pantanir og fjármagn en það vandamál heyrir nú sögunni til.
29.okt. 2017 - 20:00

Ráðgátan um dauða Jam Master Jay

Nú þegar fimmtán ár eru liðin síðan Jam Master Jay, liðsmaur rapptríósins Run DMC, var myrtur er lögregla engu nær um að leysa málið. 
29.okt. 2017 - 16:00

Mel B vill launahækkun

Kryddpían fyrrverandi Mel B vill launahækkun ef hún á að halda áfram sem dómari í America's Got Talent. Söngkonan, sem er 42 ára, er sögð óska eftir tuttugu prósenta hækkun frá Simon Cowell en hún stendur þessa dagana í skilnaði við Stephen Belafonte. 
25.okt. 2017 - 17:30

Gulli trylltist þegar Jóhannes hringdi: „Nú hringi ég bara á lögregluna“ - hlustaðu á upptökuna

Eitt þekktasta símaat útvarpssögunnar, hvorki meira né minna, er þegar Jóhannes Ásbjörnsson reyndi að ná sambandi við Gulla nokkurn. Sá sem svaraði hét Friðgeir og var ekki skemmt yfir hverju símtalinu á fætur öðru frá Jóhannesi. Símtölin áttu sér stað í þætti Jóhannesar og Sigmars Vilhjálmssonar, eða Simma og Jóa. Fyrir neðan má hlusta á símtalið sem ættu að fá alla til að hið minnsta brosa út í annað. Dæmi eru um að menn haldi að hrekkurinn sé leikinn en Pressan hefur það staðfest að svo er ekki. Nú þegar stjórnmálin hafa heltekið landann er ágætt að rifja upp þennan magnaða hrekk og gleyma sér í augnablik.
25.okt. 2017 - 11:00

Björgvin Halldórsson lagður í einelti: „Ég er alls ekki hrokafullur“

Það er ekki laust við að töffaraímynd hafi fylgt þér í gegnum tíðina og þú ert þekktur fyrir að vera snöggur að svara fyrir þig. Er töffaraskapurinn brynja eða kannski bara leikur?

13.okt. 2017 - 10:00 Kynning

Nýjar vörur frá geoSilica slá í gegn: Kísilsteinefnið inniheldur hreinan jarðhitakísil

geoSilica hefur eflt vöruþróun á síðustu misserum. Kísilsteinefnið geoSilica inniheldur hreinan jarðhitakísil sem unninn er úr jarðhitavatni Hellisheiðarvirkjunar. Læknisfræðilegar rannsóknir hafa leitt í ljós að kísill gegnir mikilvægu hlutverki í mannslíkamanum og er honum nauðsynlegur.
12.okt. 2017 - 10:00 Kynning

Marteinn rannsakar dularfullt mannshvarf: Umsátur er næstum því óbærilega spennandi

Umsátur eftir Róbert Marvin er drungaleg, ófyrirsjáanleg og stundum nánast óbærilega spennandi glæpasaga sem gerist í litlu þorpi á Vesturlandi. Dreifbýlislöggan Marteinn fer fyrir tilviljun að rannsaka gamalt mannshvarfsmál sem virðist tengjast ýmsum óvæntum uppákomum sem verða í litla samfélaginu.
29.sep. 2017 - 16:40 Kynning

Sólgleraugnadagar í Eyesland - 20% afsláttur

Fjölbreytt úrval í boði! Nú eru sólgleraugnadagar í Eyesland gleraugnaverslun og 20% afsláttur af öllum sólgleraugum. Fjölbreytt úrval er í boði svo allir ættu að finna eitthvað við sitt hæfi. Eyesland leggur metnað sinn í að bjóða góðar vörur á góðu verði og því ætti engan að undra að finna má sólgleraugu frá 2900 kr. og upp úr eftir því hvað er valið.
22.sep. 2017 - 09:00 Kynning

Boðleið inn í framtíðina: „Engin verk eru of stór eða of lítil“

Boðleið er í samstarfi við fjórtán endursöluaðila í Noregi. Boðleið þjónusta er tæknifyrirtæki sem býður heildarlausn í net- og símamálum fyrir fyrirtæki og stofnanir. Boðleið var stofnað í október 2001 með samninga við NEC og Panasonic um sölu og þjónustu á símalausnum þeirra á Íslandi. Ári síðar voru starfsmenn orðnir fjórir og viðskiptavinum fjölgaði stöðugt ásamt því að þjónusta við önnur símkerfi jókst.
17.sep. 2017 - 20:00 Guðrún Ósk Guðjónsdóttir

Algengustu draumarnir og hvað þeir þýða

Draumar geta veitt okkur furðulega innsýn í undirmeðvitundina og reynist oft erfitt að ráða þá. 
Hér eru nokkrir af algengustu draumunum og hvað þeir gætu þýtt fyrir þig. Þetta er einungis lauslegur leiðarvísir, aðeins dreymandinn sjálfur getur túlkað hvað sé í gangi í hausnum hans. 
15.sep. 2017 - 10:00 Kynning

Hágæði og hagstætt verð: Heitir pottar og saunavörur

Fyrirtækið Goddi, Auðbrekku 19 Kópavogi, er með afar fjölbreytt vöruúrval og er meðal annars framarlega í sölu á heitum pottum, lokum yfir heita potta, infrarauðum saunaklefum og hitaklefum, auk hefðbundinna gufubaða og ýmiss konar búnaðar þeim tengdum.
08.sep. 2017 - 10:50

Stórsókn þýska gæðagripsins: 311% söluaukning á Audi

Næstum fjórir af hverjum 10 nýjum tengiltvinnbílum á árinu eru af gerðinni Mitsubishi Outlander PHEV. Þýski bílarisinn AUDI hefur slegið í gegn á árinu en AUDI er nú næst stærsta vörumerkið í sölu á tengiltvinnbílum fyrstu átta mánuði ársins 2017. Þannig er AUDI A3 e-tron næst söluhæsti tengiltvinnbílinn og jókst salan um 128% frá sama tíma í fyrra.
07.sep. 2017 - 14:45

Hversu há er upplausn mannsaugans?

Augað virkar ekki á sama hátt og myndavél, en ef við gætum einbeitt sjóninni að öllu sjónsviðinu í einu væri upplausnin hátt í 600 megadílar. Er hægt að mæla skerpu sjónarinnar í dílum eins og gildir um stafrænar myndavélar? Hæfni mannsaugans til að greina sundur tvo punkta er skilgreind sem horn þar eð skerpan fer eftir fjarlægðinni milli augna og hlutar. Þetta horn er um 0,005 gráður og við getum því aðgreint 200 punkta á einnar gráðu bili.
06.sep. 2017 - 11:00 Kynning

Heilsaðu haustinu mjúkri röddu: Vilt þú vinna kassa af Voxis?

Er ekki kominn tími til að hætta þessum endalausu hóstaköstum? Í tilefni þess að haustið er nú gengið í garð hér á Fróni ætlar Pressan í samvinnu við SagaMedica að gefa fimm heppnum lesendum kassa af Voxis hálstöflum. Þann 12. september drögum við svo út fimm heppna vinningshafa og látum þá vita. Taktu þátt!
05.sep. 2017 - 14:50 Kynning

Öryggismyndavélar frá Boðtækni: Eina sem þú þarft er þráðlaust net

Myndavélarnar eru mjög notendavænar og auðveldar í notkun. Boðtækni býður upp á mjög góðar þráðlausar háskerpumyndavélar frá Zmodo. Þessar myndavélar eru gríðarlega vinsælar og auðveldar í notkun. Um er að ræða nokkrar gerðir af wifi myndavélum sem hægt er að koma fyrir hvar sem er, til að fylgjast með hverju sem er. Það eina sem þarf er rafmagnstengill og þráðlaust net.
01.sep. 2017 - 14:30 Kynning

Tölvutek 11 ára: Afmælisveisla á heimsmælikvarða – og þér er boðið!

Þér er boðið í veislu! 11 ára afmælisveisla Tölvuteks verður flautuð á laugardaginn 2. september kl. 12:00 í Hallarmúlanum. Þennan sama dag í fyrra mættu þúsundir fólks í 10 ára afmæli Tölvuteks og tóku þátt í einstökum viðburði sem að sjálfsögðu verður endurtekinn í ár. Kynntu þér dagskrána hér!
01.sep. 2017 - 10:00 Kynning

Loksins gæludýraverslun í Vesturbæinn: Gæludýr.is opnar sína fjórðu verslun – Opnunarhátíð á laugardaginn

„Við verðum með fullt af opnunartilboðum, þrautabraut fyrir hundana, vörukynningar fyrir hunda sem geta fengið að smakka og svo ætlar grillvagninn frá Veisluspjóti að grilla pylsur ofan í tvífætlingana. Ennfremur verða happadrætti og alls konar húllum hæ.“

31.ágú. 2017 - 10:50 Kynning

geoSilica á kynningarafslætti alla Ljósanótt

Nýju vörurnar frá geoSilica Nýverið hefur geoSilica þróað þrjár nýjar vörur þar sem íslenskur kísill er sem fyrr í aðalhlutverki. Þessar vörur eru nú komnar í sölu og það á kynningarafslætti til 17. september. Um er að ræða Renew, Repair og Recover en allar hafa þessar vörur mismunandi virkni.
31.ágú. 2017 - 10:15 Kynning

Brauð & co: Grundvallarforsenda fyrir góðum degi

Eitt heitasta fyrirtækið í bakarísbransanum í dag er Brauð & co. Frá því fyrsta bakaríið var opnað á Frakkastíg í miðbæ Reykjavíkur í fyrra, hafa tvö önnur Brauð & co bakarí risið. Fyrirtækið opnaði þar á meðal nýjan stað í Mathöllinni á Hlemmi á dögunum og hefur staðnum verið afar vel tekið.
30.ágú. 2017 - 16:40 Kynning

Jómfrúin: Kantine smörrebröd og hin heilaga þrenning

„Okkur finnst gaman að leika okkur hér á Hlemmi og spila eftir eyranu. Við erum ekki með neinn matseðil, erum bara með stóran kæli sem við fyllum á og seljum úr. Í smurbrauðsfræðunum heitir þetta kantine smörrebröd, þetta er tilbúið þegar það er keypt, en niðri í Lækjargötu erum við meira að matreiða fyrir hvern og einn viðskiptavin eftir pöntun.“
30.ágú. 2017 - 11:40 Kynning

Þá var kátt í höllinni: Te og kaffi Micro Roast

Það hefur heldur betur verið kátt í Mathöllinni að undanförnu. Þar opnaði Te og kaffi nýjan Micro Roast stað þar sem tilraunagleði og kaffinördismi eru allsráðandi, ásamt hækkuðu þjónustustigi í vali á kaffipökkum og drykkjaúrvali.
29.ágú. 2017 - 16:17 Kynning

Bánh Mí: Ekta víetnamskar samlokur slá í gegn

„Það er frábært að vinna í Mathöllinni. Það er svo einstakt andrúmsloft hérna, tónlistin er frábær og þetta er staður þar sem fólk kemur saman," segir Anna María Trang Davíðsdóttir hjá víetnamska staðnum Bánh Mí.
18.ágú. 2017 - 10:20 Kynning

Vogir og vönduð framleiðslukerfi frá Boðtækni

Boðtækni ehf er rótgróið og framsækið tæknifyrirtæki. Boðtækni ehf er rótgróið og framsækið tæknifyrirtæki sem sérhæfir sig í lausnum á sviði límmiða og öllu því sem þeim fylgja. Hvort sem um er að ræða miðana sjálfa, prentara, hugbúnað eða skanna. Fyrirtækið leggur mikla áherslu á góða og vandaða þjónustu fyrir einstaklinga jafnt sem fyrirtæki, Boðtækni býður gæðavörur á samkeppnishæfu verði. Fyrirtækið hefur verið starfrækt frá upphafi árs 2002 og hefur því mikla reynslu á þessu svið.