11. maí 2012 - 11:05
Casa Playa Las Lomas I-05 í Perú eftir Vértice architects - sérstakt hús sem er komið er fyrir á einhvers konar kletti! Þetta hús var hannað í fyrstu röðinni á Lomas del Mar ströndinni í Cerro Azul, 120 km suður af Lima.
Því er komið fyrir á kletthæð sem nær 48 metra hæð yfir sjó. Það hefur 180° útsýni yfir Kyrrahafið og þvílíkt útsýni yfir strandir í austur og norður.
Meginmarkið arkítektanna var að finna besta útsýni sem gat fundist og þá sérstaklega frá stofu sem og aðal svefnherberginu. Stofu og eldhúsi er haldið sem mjög opnu svæði þar sem svo er hægt að ganga út á yndislega verönd þar sem ílöng sundlaug er einnig staðsett.
Stiginn er gerður úr náttúrulegri steypu og er staðsettur útfrá eldhúsinu. Aðalefni notuð í húsið er steypa, hvít málning á veggjum, burstað stál, gler og granít.
Húsið er mjög minimalískt og nær eflaust ekki til allra en með ströndina og klettana í kring finnst mér það virkilega sjarmerandi og einnig aðdáunarvert hversu vel arkítektarnir náðu að “planta“ því einfaldlega á þennan klett.
Opið, hátt til lofts og hentar því fullkomlega fyrir gestagang til dæmis!
Hér er hægt að skoða meira frá þessum arkítektum : www.verticearquitectos.com
JÞE