12. jún. 2012 - 10:35Gunnar Bender

Töluvert af laxi kominn í Kjósina

,,Við opnun Laxá í Kjós 20 og Grímsá 22, þetta styttist verulega og það er komið töluvert af laxi allavega í Kjósina,"sagði Jón Þór Júlíusson, við spurðum um stöðuna hjá Hreggnasa.

En veiðin togast áfram þessa dagana. Straumarnir í Borgarfirði hafa gefið 10 laxa, Ferjukotseyrar 3 laxa, Norðurá í Borgarfirði er komin í milli 55 og 60 laxa og Blanda er í 53 löxum.





28.júl. 2016 - 20:17 Gunnar Bender

Mikið af fiski um alla á

Sylvía Lorange átti morgunvaktina í Elliðaánum í gærmorgun. Vatnshiti mikill og sól og hiti gerðu veiðina krefjandi en þessi unga aflakló landaði 68sm grálúsugum hæng í sjávarfossi og var sátt við Elliðaárnar eftir daginn enda alin upp í Árbænum, nánast á bakkanum.

Mikið er af fiski um alla á og talsvert af nýjum fiski á neðsta svæðinu, tökur voru grannar og því var ekki fleiri löxum landað eftir vaktina af henni. Faðir Sylvíu kvartaði ekki, það er ekkert betra en að veiða með
börnunum sínum sagði hann stoltur af dóttur sinni og kvaddi.

28.júl. 2016 - 20:15 Gunnar Bender

Blússandi gangur Ytri-Rangá

,,Það er búið að vera mikið líf í Rangánum og menn að njóta einstakrar veiði í veðurblíðunni síðustu daga,“ sagði Reynir Friðriksson er við spurðum hann um stöðuna í Ytri Rangá sem er alveg með toppsætið í veiðinni þessa dagana.

,,Í morgun voru komnir 3175 úr Ytri Rangá og þar af 2580 af svæðinu frá Djúpósi að Árbæjarfossi, við sáum 90 laxa í gær og mikill fiskur að ganga en við erum að sjá  stóra fiska í bland við smálaxinn sem hefur verið að ganga undanfarna daga þannig að framhaldið lofar mjög góðu,“ sagði Reynir sem er að fara að gæta í Ytri Rangá strax í næstu viku.

26.júl. 2016 - 23:01 Gunnar Bender

Besta byrjun í Skógá frá upphafi

,,Þetta er besta byrjun frá upphafi, en  yfir 20 laxar komnir á land.  Mikið af vænum fisk og laxinn  kominn um alla á,“ sagði Guðmundur Arnarsson er við spurðum hann frétta af Skógánni. Til samanburðar voru komnir 12 laxar á land á sama tíma met árið 2008.

 ,,Davíð Stefán Guðmundsson veiðimaður lenti í hörku slag við einn stóran og eru sögur af fleiri viðureignum þar sem laxinn hefur haft betur. Þar af einn bolta sem ég slóst við í 15-20 mínútur áður en hann sleit 25 punda línuna.  Þetta væri eins og góð lygasaga.....en við náðum myndbandi af slagsmálunum - virkilega góð skemmtun."

,,Sleppingar hafa gengið vel.  Tvær sleppi tjarnir eru nú við ánna og núna verið sleppt  um 28-30 þúsund seiðum árlega,“  sagði Guðmundur og ætlaði að renna fyrir fisk í Skógá eftir nokkra daga.

 

 

26.júl. 2016 - 11:24 Gunnar Bender

Laxá í Dölum að komast í 400 laxa

„Hollið sem var að hætta núna, landaði 85 löxum og það var veitt á 4 stangir. Þetta er meiriháttar hvernig Laxá er að koma til baka með þessa frábæra veiði,“ sagði Jón Þ Júlíusson við Laxá í Dölum. En áin er að komast í 400 laxa og veiða og sleppa er greinileg að skila sér í ánni.

,,Það er gaman að sjá hvernig áin er að koma til baka,“sagði Jón ennfremur við Laxá í Dölum. Það er kominn lax víða um ána og mikið á nokkrum stöðum. Lax var stökkva i Pappanum þegar keyrt var framhjá
ánni í gær.

Mynd. Laxá í Dölum er að komast í 400 laxa og þessi veiddist fyrir  nokkrum dögum.

25.júl. 2016 - 21:09 Gunnar Bender

Maríulaxinn hjá Einari í lóninu

„Þetta var gaman, fiskurinn tók vel í og þetta var barátta,“ sagði Einar Mathiesen sem veiddi maríulaxinn sinn í lóninu í Hvolsá og Staðarhólsá í Dölum í fyrradag á spúninn og fiskurinn var 5,5 punda.

En Hvolsá og Staðarhólsá hafa gefið 41 lax og um 70 bleikjur.

,,Hann negldi sér á spúninn laxinn og ég var með hann á í einar 10 mínútur. Tryggvi sonur minn hjálpaði mér að landa laxinum,“ sagði Einar himinn lifandi með fyrsta laxinn sinn. Og örugglega ekki þann síðasta.

Mynd. Einar Mathiesen með maríulaxinn sinn, 5,5 pund fisk. Mynd G,Bender.

25.júl. 2016 - 20:52 Gunnar Bender

Presturinn fór á kostum í bleikjunni

„Þetta var meiriháttar, bleikjan tók og tók, skemmtilegir fiskar,“ sagði Þór Hauksson prestur Árbæjarkirkju, en hann veiddi hverja bleikjuna af annarri í Hvolsá í Dölum á stuttum tíma í fyrrakvöld. Allt tveggja til þriggja punda bleikjur.

„Maður hefur beðið eftir þessu augnabliki lengi, þegar fiskur tekur hjá manni. Þetta er meiriháttar gaman. Fiskarnir tóku vel og það varfjör að glíma við þá hvern af öðrum. Þetta stóð yfir svona einn og hálfan tíma,“ sagði Þór ennfremur, hress með veiðina á bleikjunni.

Hvolsá og Staðarhólsá í Dölum hafa gefið 42 laxa og 70 bleikjur, það er mikið af  laxi í lóninu.

 „Það er hellingur af fiski hérna, hann er alltaf stökkva,“ sagði Leifur Benediktsson skömmu eftir að hann landaði 9 punda laxi í lóninu á rauða franses.

Mynd. Þór Hauksson með bleikjur sem hann veiddi á stuttum tíma íHvolsá í Dölum í fyrradag. Mynd Ingvar

24.júl. 2016 - 17:33 Gunnar Bender

Ungir veiðimenn á Fáskrúðfirði

Alvar Joseph Shaddock 6 ára upprennandi veiðimaður á Fáskrúðsfirði skrapp niður á höfn í vikunni með frænkum sínum Elínborgu Maríu og Ásrúnu Ólöfu Frostadætrum. Alvar veiddi 4 fiska og frænkurnar 2.

Aflinn var svo steiktur á pönnu þegar heim var komið og þótti þetta besti fiskur í heimi. Þar sem allur fiskur var étinn upp er verið að huga að öðrum túr seinna í vikunni.

21.júl. 2016 - 20:38 Gunnar Bender

Ráðherra í bleikju og urrriða

,,Ég var í Svarfaðardalsá og veiðin gekk vel, enda fátt skemmtilegra en að veiða á þessum árstíma,“ sagði Kristján Þór Júlíusson  heilbrigðisráðherra  sem var á veiðislóðum og veiddi bæði urriða og bleikju ýmsar flugur.

,,Við feðgar voru á veiðislóð og settum í 20-25 bleikjur, áin er meiriháttar,“ sagði Kristján  Þór á veiðum  í dag.

21.júl. 2016 - 20:32 Gunnar Bender

Ytri Rangá að stinga af

Laxveiðin er allt í lagi þessa dagana en mætti samt vera betri. Eins árs laxinn lætur ekki mikið á sér bera og fiskurinn sem er fyrir tekur illa. En það er rigningu. Ytri Rangá er langefsta sætinu þessa dagana með 2500 laxa, síðan kemur Eystri Rangá 1640 laxa, svo  Blanda með 1500 laxa, næst Miðfjarðará með 1460 laxa og svo Þverá í Borgarfirði 1166.

Það þarf nýjan lax og rigningu, það er heila málið þessa dagana víða.

.

21.júl. 2016 - 20:29 Gunnar Bender

Klikkað að gera

,,Það er klikkað að gera hjá okkur og rúmlega það þessa dagana. Enda margar laxveiðiár hérna í kringum okkur og þar veiðist vel,“ sagði Torfi Sigurðsson hjá Fiskási á Hellu, er við heyrðum í honum í dag. En
margir vilja láta reykja laxana sína þessa daga um leið og þeir hafa veitt þá.

,,Hérna í kringum eru fengsælustu veiðiárnar Ytri og Eystri Rangárnar og þar veiðist vel þessa dagana,“ sagði Torfi ennfremur um stöðuna, í reykmálum á Hellu.

21.júl. 2016 - 16:28 Gunnar Bender

Átta laxar á land í síðasta holli

,,Veiðin gengur ágætlega hjá okkur ú Hvolsá og Staðarhólsá í Dölum, en síðasta holl veiddi 8 laxa og eitthvað af bleikju,“ sagði Þórarinn Birgir Þórarinsson í Hvítadal er við spurðum um veiðina á svæðinu.

,,Það er lónið sem er mest að gefa af fiski og þar eru laxar. Bleikjan er líka alltaf að gefa sig aðeins. Við erum heppnir með að það er töluvert af sköflum ennþá í Brekkudalnum og það hefur sitt að segja fyrir Hvolsána. Bara hellingur af þeim ennþá. Veiðimenn hafa séð töluvert af fiski en mest í lóninu,“ sagði Þórarinn ennfremur.

Miðá hefur verið að gefa laxa og bleikjur, Hörðudalsáin líka. Veiðimenn sem voru í Efri-Haukadalsá fyrir skömmu veiddu vel af bleikju. Geiradalsá hefur verið að gefa lax og bleikjur. Mest er af fiski í lóninu og veiðimenn sem voru þar í kvöld misstu bolta lax í lóninu, vel vænan fisk.

20.júl. 2016 - 20:32 Gunnar Bender

Hörkubolti sem slapp

,,Ég held að þetta sé  sá stærsti sem ég sett í um ævina og hann slapp, það dró fyrir sólu þegar hann stökk,“ sagði Halldór Gunnarsson sem var að koma úr Jöklu fyrir fáum dögum og sá stóri slapp af eftir
töluverða baráttu.

,,Ég veit ekki nákvæmlega hvað hann var stór en hann var vænn og ég réð ekkert við hann. Jöklan er skemmtileg og virkilega gaman að veiða þarna. Á örugglega eftir að fara þarna aftur,,“ sagði Halldór
ennfremur.

20.júl. 2016 - 20:29 Gunnar Bender

Tveir feitir maðkar - fimm laxar á land

Maðkaskorturinn er algjör þessa dagana og maðkurinn er kominn í 200 kall stykkið. Við fréttum af einum sem átti veiðileyfi þar sem mátti veiða á maðk en vandamálið var að hann átti engan maðk og hann hafi ekki séð svoleiðis í marga mánuði.

Hann fór út í garð hjá sér með skóflu að vopni og hóf mokstur um tíma en fann lítið, jú tvo maðka reyndar þokkalega stóra og setti þá í krukku. Síðan fór hann í veiðitúrinn og tókst að klippa maðkana í sundur og  setja minna en helming þeirra í einu. Og það virkaði, hann veiddi 5 laxa á þessa tvö maðka, með lagni.

En það var enginn afgangur eftir að maðknum en hann náði fimm löxum. Hann þurfti að fara bakvið stein til að beita á!

20.júl. 2016 - 20:26 Gunnar Bender

Gylfi lunkinn með stöngina

Landliðsmaðurinn Gylfi Þór Sigurðsson þykir gaman að veiða og það kom berlega í ljós þegar hann birti mynd af sér með vígalegan fisk sem hann veiddi í Karabíska hafinu og hann hefur jafnvel veitt fiskinn á flugu.

Gylfi Þór hefur töluverðan áhuga á veiði en kemst kannski mikið í veiði. Hann sagði í viðtali i vetur að hann hefði áhuga á stangveiði og þá laxveiði. Fátt róar mann meira niður en smá veiði og það er greinilega svoleiðis hjá Gylfa.

18.júl. 2016 - 22:00 Gunnar Bender

Bleikjan að gefa sig í Brúará

„Veiðin í Brúará hefur verið fín undanfarið, sjóbleikjan hefur verið að sýna sig og staðbundna að sjálfsögðu líka,“sagði Árni Kristinn Skúlason sem var árbakkanum eins og flesta dagana á sumrin.

 Árni heldur áfram. „Svo heyrði ég af laxi sem kom á land núna um daginn þannig það eru spennandi tímar framundan. Litlar púpur andstreymis með tökuvara hafa verið að gefa best, fiskur er út um alla á en getur erfitt er að fá hann til að taka. Þar sem laxinn er kominn þá bið ég veiðimenn um að sleppa öllum laxi sem þeir veiða vegna hve veikur stofninn er, sama gildir um stóru staðbundnu bleikjuna,“ sagði Árni og var búinn að setja í enn eina bleikjuna. Og sleppti henni skömmu seinna.


18.júl. 2016 - 21:56 Gunnar Bender

Boltafiskur í Laxá í Hrútafirði

,,Sonur minn Natan Theodórsson var að veiða með maðk í Brúarkvörn í Laxá í Hrútafirði og náði þessum 102 cm hæng eftir 30 mín eltingaleik,“sagði Theodór Erlingsson sem var veiðislóð í Hrútafirði um helgina.

,,En fiskurinn var þannig tekin að hægt var að sleppa honum og og það var fyrir öllu að geta sleppt fisknum aftur í ána. Já, þetta var skemmtilegt barátta við fiskinn hjá stráknum,“ sagði Theodór ennfremur.

17.júl. 2016 - 11:06 Gunnar Bender

Vantar ennþá smálaxinn

Veiðin togast upp þessa dagana en meira mætti vera af smálaxinum í laxveiðiánum, hann lætur aðeins bíða eftir sér ennþá. Og laxinn sem er fyrir í veiðiánum tekur illa sumarstaðar. Það þarf kannski breyttveður og vætu.

Ytri-Rangá er búinn að ná toppsætinu með 1800 laxa, síðan kemur Eystri Rangá með 1500 laxa. Blanda er rétt komin yfir 1300 laxa, Miðfjarðará hefur gefið 1100 laxa og Þverá í Borgarfirði hefur gefið 1030 laxa.


17.júl. 2016 - 11:03 Gunnar Bender

Ekkert lát á maðkaleysinu

Ekkert lát er á maðkaleysinu og mjög erfitt að fá þann slímuga. Það er hægt að tína einn og einn maðk, ekki mikið meira. Dýrasta verðið fyrir stykkið er yfir 200 krónur og  sá sagði sem keypti þá maðka borgaði þá glöðu gleði, hann varð  að fá maðk fyrir veiðitúrinn.

Jón Þ Einarsson talar aðeins um maðkleysið á facebook og segir að 36 laxar hafi veiðst á flugur í Elliðaánum en fjórir á maðkinn síðustu daga. Flugan veiði bara frábærlega. Margt til hjá í þessu hjá Jóni.

15.júl. 2016 - 12:47 Gunnar Bender

Veiðihús Laxár á Ásum stækkað

Ragnheiður Elín Árnadóttir, iðnaðar- og viðskiptaráðherra, tók í gær fyrstu skóflustunguna að stækkun á veiðihúsi Laxár á Ásum ásamt Páli Á. Jónssyni, formanni Veiðifélags árinnar. Við sama tilefni skrifaði Veiðifélagið undir samning við Loftorku um vinnu við stækkun á húsinu. Stækkun veiðihússins kemur í framhaldi af því að Rarik er að leggja niður Laxárvatnsvirkjun sem nýtt hefur vatnið í efri hluta árinnar frá 1932.

 Við breytingarnar þrefaldast vatnsmagnið í efri helmingi árinnar og það skapar tækifæri til að fjölga stöngum í ánni um tvær. Stækkun hússins er nauðsynleg þróun til þess að koma til móts við óskir viðskiptavina Laxárinnar um fyrsta flokks aðbúnað. Stækkunin felur í sér að mögulegt verður að taka á móti stærri hópum en tveimur herbergjum er bætt við og aðstaða starfsmanna er bætt. Áætlað er að breytingu verði lokið vorið 2017.

,,Laxveiði hefur til margra ára verið mikilvæg tegund ferðamennsku þar sem erlendir stangveiðimenn koma hingað til lands og njóta einveru í íslenskri náttúru með veiðistöng í hönd. Þessi ferðamennska er ekki alltaf mjög sýnileg en ferðamennirnir njóta oft á tíðum fimm stjörnu þjónustu allan sólarhringinn. Nákvæmar tölur liggja ekki fyrir um hverju veiðiferðamennska er að skila til þjóðarbúsins, en samkvæmt tölum frá Ferðamálastofu frá árinu 2014 voru um 1,4% ferðamanna að koma til Íslands til þess að veiða. Við eigum ekki nýlegar rannsóknir um heildarvirði stangveiða en uppreiknaðar tölur frá rannsókn sem unnin var 2004 sýna að í dag gæti það verið um 16 milljarðar á ári.“ segir Ragnheiður Elín Árnadóttir, iðnaðar- og viðskiptaráðherra.

,,Laxá á Ásum er ein þeirra áa þar sem konungbornir og frægir sem ófrægir hafa sótt heim til margra ára og notið þar nálægðar við íslenska náttúru. Talið er að í kringum 1.100 manns hafi alla eða stærstan hluta af sinni afkomu af stangveiði. Svo má ekki gleyma því að þetta eru ferðamenn sem eyða miklu, koma á einkaþotum, leigja þyrlur og þurfa alls konar þjónustu sem við hin skiljum ekki,“ segir Páll Á. Jónsson, formaður Veiðifélags Laxár á Ásum.

Ríki og sveitarfélög hafa einnig töluverðar tekjur af ferðamönnum sem stunda stangveiði, svo sem af launagreiðslum, greiddum arði af leigutekjum og fasteignagjöldum. Margir þessara aðila eru náttúruverndarsinnar og leggja því mikið upp úr sjálfbærni og veiðum við náttúrulegar aðstæðum.

 ,,Við sleppum laxinum til þess að tryggja sjálfbærni, við eigum í mikilli samkeppni við aðra um þennan hóp, t.d. hafa þeir mikið sótt til Rússlands og Suður-Ameríku.“ segir Páll.

Í upphafi árs voru tilkynntar miklar breytingar á þjónustu og sölufyrirkomulagi veiðileyfa í ánni auk þess sem nýr rekstraraðili tekur við á næsta ári. Sturla Birgisson, matreiðslumeistari og veiðimaður, tekur við rekstri á ánni frá 2017-2021. Með samningnum við hann breytist sú þjónusta sem veiðimönnum verður boðið upp á í fimm stjörnu þjónustu allan veiðitímann. Þá er átt við morgunmat, hádegismat og dýrindis kvöldmat eins og Sturlu einum er lagið.

14.júl. 2016 - 23:01 Gunnar Bender

Bubbi í bullandi stórfiski í Aðaldalnum

Veiðin hefur gengið ævintýralega vel hjá Bubba Morthens á Nessvæðinu í Aðaldal en hann segir að hann hafi aldrei lent í öðru eins. Hann veiddi 3 laxa yfir 20 pund. Laxana veiddi hann á fluguna Metalikku.

,,Ég hef aldrei lent í annarri eins veiði,“ segir Bubbi um veiðistöðuna á Nessvæðinu í Laxá í Aðaldal.