Sjóbirtingskvöld hjá SVFR

Lax við lax í Elliðaánum

Svo virðist sem laxinn sé  heldur betur að hellast inní Elliðaárnar og veiðimaður sem var þarf fyrir nokkrum sá marga laxa.

 ,,Það voru laxar á Breiðunni og í Fossinum, töluvert af fiski,“ sagði Elías Pétur Þórarinsson sem kíkti í vikunni og í sama streng tók veiðimaður sem hringdi í vikunni.

,, Það voru margir laxar að ganga á flóðinu þegar ég skoðaði stöðuna,“ sagði veiðimaður sem sagðist ekki eiga veiðileyfi í ánni fyrr en í ágúst.

Elliðaárnar verða opnaðar á fimmtudaginn og mun Reykvíkingur ársins opna þær í boði Borgarstjórans Jóns Gnarr. Verður spennandi að sjá hver það verður í ár.

Stórfiskur slapp í Brennunni

,,Við fórum flotta ferð í Brennuna og veiddum vel. Ég missti lax vel fyrir 20 pundin,“ sagði  Guðmundur M. Jensson en hann var að koma úr Brennunni í Borgarfirði og missti þann stóra.

 ,,Það var hellings líf þarna á svæðinu,“ sagði Guðmundur ennfremur. Brennan hefur gefið 20 laxa.

 ,,Það eru komnir 12 laxar á hádegi í dag úr Þverá og í morgun veiddust 4 laxar. Þetta er í góðu lagi,“ sagði Ingólfur Ásgeirsson á leiðinn úr Þverá í dag.

 ,,Það var hellings líf þarna og veiðimenn misstu nokkra laxa,“ sagði Ingólfur ennfremur.

Þverá í Borgarfirði opnar á morgun

Þverá í Borgarfirði verður opnuð formlega í fyrramálið og líklegt að þar veiðst fljótlega laxar. En góður gangur hefur verið í Brenni rétt fyrir neðan Þverána og veiðimenn sem voru þar fyrir nokkrum dögum veiddu nokkra laxa. En Starir með Davíð, Ingólf og Halldór eru með Þverá og Kjarrá á leigu, lík og Brennuna.

Kjarrá opnar á 15 júní og verður örugglega fjör þar fyrstu daga veiðitímans. 

Hrygnan að loka

,,Við erum með rosalega útsölu þessa dagana enda er verslunin að hætta eftir nokkra daga," sagði Kristín Reynisdóttir en hún opnaði veiðibúðina Hrygununa fyrir þremur árum í Síðumúlanum en hefur ákveðið að loka henni

,,Það er búið að vera klikkun á útsölunni enda 40 til 70% afsláttur af öllum vörum," sagði Kristín ennfremur þegar hún var á fullu við afgreiðslustörfin í gær Allir voru að versla fyrir veiðisumarið mikla.

Blanda ennþá lituð

Þó það sé búið að veiða 13 laxa í Blöndu er áin ennþá verulega lituð og það mun taka nokkra daga að áin hreinsi sig. Það gæti orðið veisla þegar áin losar sig við drulluna. Fiskurinn hefur verið að taka eins og staðan er núna. En á myndunum sést að áin er verulega lituð.

Ekki er ólíklegt að töluvert sé komið af fiski í Blöndu en erfitt er að finna hann í þessu mikla vatni. En áin minnkar með hverjum deginum.

Allt annað hljóð í veiðimönnum en fyrir viku

Veiðin hefur byrjað betur en margir áttu von, reyndar áttu menn alls ekki von á mikilli veiði. Norðurá hefur gefið 30 laxa og Blanda er komin með 15 laxa. Lítið hefur frést af Straumunum í Borgarfirði ennþá en Brennan hefur gefið einn lax.

Stórfiskur veiddist í Djúpavatni

,,í gær veiddist  stórurriði í Djúpavatni og var fiskurinn tæp 12 pund og 76 cm og eru það frábærar fréttir,“sagði Vilborg Reynisdóttir formaður Stangaveiðifélags Hafnarfjarðar.Þetta er líklega einn af stærri fiskum sem veiðst hafa í Djúpavatni.

 ,,Þetta lofar svo sannarlega góðu með sumarið,“sagði Vilborg í samtali við Veiðipressuna.

Hægt er að kaupa  veiðileyfi í Djúpavatn á leyfi.is .

Byrjunin lofar svo sannarlega góðu

,,Það veiddust 9 laxar allavega í dag sem er mjög gott," sagði Bjarni Júlíusson formaður Stangaveiðifélags Reykjavíkur í viðtali við Veiðipressuna fyrr í kvöld  en fyrsti dagurinn var að kveldi kominn við Norðurá.

,,Það sluppu allavega 7 laxar, svo dagurinn var góður veiðilega séð. Veiddi fisk á Stokkhylsbrotinu og hann var 80 sentimetrar og sá fallegasti sem ég hef séð í Norðurá, þykkur og flottur," sagði Bjarni ennfremur.

Stjórn Stangaveiðifélags Reykjavíkur veiðir fram að hádegi á morgun, fimmtudag, í ánni

Fyrsti lax sumarsins kominn á land í Norðurá

Fyrsti laxinn á þessu veiðitímabili er kominn á land. Norðurá í Borgarfirði opnaði árla morguns og það var Bjarni Júlíusson, formaður Stangaveiðifélags Reykjavíkur sem setti í fyrsta laxinn þegar klukkan var rétt rúmlega sjö í morgun. Aðstæður voru ekki góðar en mikið vatn er í ánni en engu að síður landaði Bjarni fyrsta laxinum sem var um 72 cm hrygna.

Þá nokkur fjöldi veiðimanna og gesta var samankominn við Norðurár við opnunina í morgun. Spennandi verður að fylgjast með framhaldinu í ánni í dag. Eins bíða margir hvernig þetta veiðisumar verði eftir slaka veði í fyrrasumar.

Laxveiðin byrjar í fyrramálið

Það skiptir miklu máli að laxveiðin byrjaði vel eins og fyrra fyrir veiðimenn og aðra þetta sumarið.

Enginn vildi borga tvær milljónir

 ,,Það vildi enginn kaupa opnunarhollið svo stjórn félagsins opnar ána á miðvikudags morguninn. Við reyndum eins og við gátum að selja,“ sagði Bjarni Júlíusson formaður Stangaveiðifélags Reykjavíkur, en stjórn félagsins neyðist til að opna. Enginn vildi kaupa fyrsta hollið í ánni þó fyrsta verð væri lækkað verulega.

Fyrsti laxinn kominn í Elliðaárnar

Í gærkvöldi renndi fyrsti lax sumarsins upp í Elliðaárnar og stoppaði í rennunni fyrir neðan Fossinn. Þetta hefur verið líklega svona 6-7 punda lax en fyrstu laxarnir hafa yfirleitt sést kringum 20.maí í ánni svo laxinn er seinn þetta árið.

Sumardagar Veiðihornsins

Sumardagar Veiðihornsins verða haldnir á ný fyrstu helgina í júní.  Síðasta sumar voru sumardagarnir haldnir í samstarfi við Simms en að þessu sinni verða þeir haldnir í samstarfi við Sage, Rio og Redington.

Af þessu tilefni koma í heimsókn tveir af bestu flugukösturum veraldar í dag.  Þetta eru þeir Jerry Siem sem er yfir stangahönnuður hjá Sage og Simon Gawesworth frá Rio. 

Jerry hefur verið með puttana í grafíti í áratugi og óhætt er að fullyrða að enginn veit meira um grafít og flugustangagerð en Jerry.  Jerry kastar flugulínu tugi metra án þess að nota flugustöng.  Maður sem getur það hefur skilning á eðlisfræðinni og veit hvað skilur á milli góðra flugustanga og annarra.

Simon Gawesworth er nafnið á bak við Rio flugulínurnar.  Simon er einn virtasti leiðbeinandi í fluguköstum í dag og hefur haldið námskeið og sýningar út um allan heim.  Eftir Simon liggur frábært kennsluefni í fluguköstum bæði á bókum og DVD.

Jerry Siem og Simon Gawesworth eru stærstu nöfn í fluguveiðiheiminum sem komið hafa til Íslands árum saman.  Það er mikill heiður að fá þessa menn til landsins.  Auk þeirra Jerry Siem og Simon Gawesworth verður Marc Bale einn æðsti yfirmaður Sage á staðnum en Marc mun segja frá Sage flugstöngunum, Rio línunum og Redington veiðivörunum.

Á Sumardögum Veiðihornsins verða einnig fjölmargir viðburðir.

·         Ótrúlega góð tilboð á öllum Sage stöngum, öllum Rio línum og öllum vörum frá Redington en bara þessa helgi.

·         Helstu veiðileyfasalar landsins kynna veiðimöguleika sumarsins.

·         Steingrímur Einarsson verður á staðnum með Einarsson hjólið.  Eldri gerðir verða á sérstöku tilboði

·         Ingimundur Bergsson kynnir Veiðikortið 2013

·         Einar Guðnason segir frá námskeiðum Veiðiheims

·         Engilbert Jensen hnýtir leynivopnin

·         Úlfar Finnbjörnsson, matreiðslusnillingur,  heitreykir lax og silung

·         Happdrættispottur fullur af frábærum vinningum.  Veiðileyfi, Redington stangasett og.fl.  Aðalvinningur er Sage ONE að verðmæti 120 þúsund.

Laxinn seinn á ferðinni í Elliðaánum

Veiðimenn eru farnir að kíkja eftir laxi í Elliðaánum en lax hefur ekki sést ennþá. Lax var oft kominn í Elliðaárnar kringum 20 .maí og í fyrra var hann kominn á þessum tíma í þó nokkru mæli í Fossinn meðal annars.

Sumarið í fyrra byrjaði líka frábærlega. Verður spennandi að sjá hvenær laxinn mætir í Elliðaárnar þetta sumarið.

Hérna áður fyrr komu fyrstu laxarnir aldrei seinna en 20.maí en hvenær koma þeir í sumar?

Rafvirkinn fór á kostum á Þingvöllum

Veiðin á Þingvöllum hefur verið fín og hann Sebastian rafvirki  veiddi vel þar fyrir skömmu. Hann mokveiddi af stórfiski og var alsæll með veiðiferðina í vatnið.

En er erfitt er að segja til um veiðitölur á Þingvöllum en líklega hafa veiðst um 200 vænir urriðar. Sem mjög góð veiði.

En rafvirkinn snjalli  var við veiðar einn morguninn fyrir skömmu og veiddi nokkra væna. ,,Hann fyllti kistuna heima hjá sér,“ sagði heimildarmaðurinn okkar um veiðina hjá honum. Kannski aðeins orðum aukið,  en hann veiddi vel af fallegum fiski.

Veiðiflugur hafa tekið við LOOP umboðinu á Íslandi

Þegar forsvarsmenn LOOP leituðu til okkar og báðu okkur að taka við merkinu þá gátum við ekki annað en samþykkt það þar sem LOOP hefur verið eitt vinsælasta veiðimerki landsins undanfarna áratugi. Að auki smell passar það inn í búðina hjá okkur og verður frábær viðbót við það sem fyrir er hjá okkur. Við munum halda áfram því góða starfi á Íslandi sem unnið hefur verið og halda LOOP áfram sem vinsælasta og besta veiðimerki landsins.

LOOP hefur verið eitt vinsælasta stangarmerkið á Íslandi í ára tugi og hafa framleitt margar ótrúlega góðar flugustangir í gegnum árin. LOOP var stofnað af Crister Sjöberg og Tony Karpestam 1979. Þeir áttu eftir að gera LOOP að einu stærst og eftirsóttasta fluguveiði merki heims.

Göran Andersson er almennt álitinn mentorin í Skandinavísku stangar hönnuninni og nýtur ótrúlegrar virðingar sem hönnuður á veiðivörum og flugustöngum. Nú hefur hann komið með enn eina stangar línuna Andersson Signature sem hefur fengið frábærar viðtökur.

Flaggskip LOOP í dag er Cross1 stöngin sem hefur fengið frábæra dóma frá veiðimönnum og gagnrýnendum flugustanga.

Flugulínurnar frá LOOP þekkja allir og hafa þær almennt verið taldar með bestu flugulínum sem völ er á. Við munum bjóða þær til sölu áfram á Íslandi og við munum leggja mesta áherslu á Opti línuna ásamt Evotec og skothausum og running línum fyrir tvíhendur.

Í hjólum eru LOOP sterkir og við munum bjóða Opti hjólið, Evotec og Xact ásamt Classic tvíhenduhjólum. LOOP hefur lagt mikla áherslu á fallega hönnun á sínum vörum og eru fluguhjólin gott dæmi um það.

Veiðivon í Mörkinni og Veiðiflugan á Reiðarfyrði munu einnig selja LOOP veiðivörurnar og eru aðdáendur LOOP sem eru fjöl margir á Íslandi bent á þessar tvær búðir ásamt Veiðiflugum á Langholtsvegi.

Yfir fimm hundruð fiskar í Hlíðarvatni

Byrjunin lofar svo sannarlega góðu fyrir sumarið og fiskurinn er líka vel haldinn og vænn sem veiðimenn hafa verið að veiða.

Hlíðarvatn í Selvogi er fornfrægt veiðivatn og staðan í því í fyrra var áhyggjuefni en núna er staðan allt önnur og veiðimenn að fá fína veiði um allt vatnið. Það er auðvitað miklu skemmtilega fyrir alla nema kannski fiskana. En mörgum þeirra er líka sleppt.

Búið að rifta samningum við Pálma og félaga

Samkvæmt heimildum Veiðipressunnar hefur samningum við Pálma Gunnarsson og félaga um Eldavatn í Meðalandi verið rift en veiðifélagið gerði fyrir skömmu samning við þá til sjö ára og áttu þeir að greiða næstum 28 milljónir, 4 milljónir á ári.

Stangaveiðiheimurinn er að taka breytingum

Stangaveiðiheimurinn er að ganga í gengnum miklar  breytingar þessa mánuði. Góðar laxveiðiár leigjast ekki lengur.  Þrátt fyrir að að það hafi verið talað við alla sem hafa selt veiðileyfi í gegnum árin en fáir höfðu áhuga.

Norðurá í Borgarfirði er engin meðal laxveiðiá. Stangaveiðifélag  Reykjavíkur hefur haft ána á leigu í 66 ár og það er búið í bili þrátt fyrir að þeir hafi boðið milljónir fyrir ána. Það dugðir  ekki. Veiðifélagið hafnaði 85 milljóna tilboði frá Stangaveiðifélaginu og situr með ána óleigða og engar milljónir.  

Engin veit hvað tekst að selja fyrir veiðileyfi fyrir mikið í ánni 2014. Einar Sigfússon er hörkuduglegur sölumaður veiðileyfa en dugir það til.  Og engin veit hvað veiðist mikið af laxi í ánni á sumri komanda. Spurningamerkin er stór og mikil. Eftir situr veiðifélag Norðurár með sárt ennið. Stangaveiðiheimurinn er að breytast, það er málið.

Einar aðstoðar veiðifélag Norðurá á næsta ári

Svo virðist sem Veiðifélag Norðurár hafi gefist uppá að finna einhvern til að leigja ána og fengið Einar Sigfússon leigutaka Haffjarðarár til að hjálpa þeim að selja veiðileyfin sumarið 2014.

Einar leigir ekki ána heldur aðstoðar veiðifélagið við að selja daga í ánni en yfir þúsund stangir eru til sölu á hverju ári. Veiðifélagið var búið að ræða við helling af aðilum um að leiga en enginn treysti sér í það. Verður fróðlegt að sjá hvernig þetta samstarf gengur og þetta er fyrsta skrefið á breytingum á veiðiheiminum. Hver veit?

Ein besta silungsveiðibyrjun í fjölda ára

Byrjunin í silungsveiðin núna í vötnum allavega í kringum Reykjavík er sú besta í lengri tíma og þarf að fara mörg ár aftur í tímann til að finna eins  góða byrjun.Veiðin hefur verið frábær í Hlíðarvatni í Selvogi, stórar og fallegar bleikjur hafa verið að gefa sig.

 ,,Við sáum stóra og væna fiska í vatninu í vikunni, fiskurinn er fyrir hendi,“ sagði Vilborg Reynisdóttir formaður Stangaveiðifélags Hafnarfjarðar sem var á veiðislóðum í vatninu og veiðimenn voru að fá og sjá stóra fiska.

Og veiðin á Þingvöllum hefur verið góð í stóra urriðanum, hver stór fiskur á fætur öðrum hefur verið að veiðast. 10 til 15 punda urriðar. Og veiðimenn sem voru í  Úlfljótsvatni fengu væna fiska og eitt og eitt skot hefur komið í Vífilsstaðavatni. Byrjunin í silungsveiðin lofar svo sannarlega góðu.

Þarf 30% lækkun á veiðileyfunum strax

 ,,Það þarf hellingslækkun á veiðileyfum ef ekki á illa að fara í sumar. Markaðurinn stendur ekkert undir þessu lengur. Veiðin hefur minnkað og enginn veit hvernig veiðin verður þegar fyrstu veiðiárnar opna Norðurá og Blanda,“ sagði veiðimaður sem þekkir markaðinn út og inn.

,,Leiguverðið er orðið alltof hátt og enginn býður í laxveiðiár sem losna,“ sagði manninum sem var mikið niðri fyrir  og þetta eru orð að sönnu.

Veiðileyfi fyrir allavega milljarð ef ekki meira eru laus. Og engin veit hvernig veiðin verður í sumar. Ekki einu sinni fiskifræðingarnir sem allt vita, venjulega.

Leiguverð er orðið alltof hátt, veiðimenn bíða og bíða. Eitthvað verður að gerast. Veiðileyfaverð er orðið alltof hátt og sumarið í sumar er það stærsta í veiðinni um árabil. Enginn veit neitt hvað gerist.

Verður stjórn Stangaveiðifélagsins að neyðast til að opna Norðurá?

Stemningin fyrir stangaveiði hefur oft verið meiri en núna, flestir eru að bíða og sjá hvað gerist í veiðinni. Hvort laxinn muni skila sér í árnar.  Leigutakar segja markaðinn þungan þessa dagana og hefur verið það síðan veiðinni lauk síðasta haust. Veiðin verður að vera góð í sumar annars gæti illa farið

Og stjórn Stangaveiðifélags Reykjavíkur segist hafa hug á að selja opnunarhollið í ánni þetta árið.  Holl sem kostar líklega um 2,5 miljónir en áhuginn fyrir að kaupa hollið er víst ekki mikill. Og eins og staðan er núna verður líklega stjórnin að neyðast til að opna ána, áhuginn fyrir að kaupa hollið virðist vera lítill. En það er 23 dagar þangað til áin opnar , svo það er ekki öll nótt úti. Einhverjir vilja kannski kaupa.

Halldór heldur áfram að setja í þá stóru

Veiðimenn halda áfram að setja í væna og fallega urriða  á Þingvöllum og einn af þeim er Halldór Gunnarsson, en hann veiddi 15 punda urriða í fyrra dag.

 ,,Við fengum alls þrjá  og misstum einn og allir fengu líf aftur eftir að hafa setið fyrir í myndatök,“ sagði Halldór sem hefur sannarlega verið í stórfiski á Þingvöllum síðustu daga eins og fleiri.

 Það skiptir bara miklu máli að sleppa fisknum aftur, það er ekki svo mikið til að svona stórum fisk og hann er ekki endalaus.

Halldór gerði fína ferð í Þingvallavatn

,,Þar sem ég var með tvö leyfi ætlaði ég að henda út maðki, og vera á flugu á meðan maðkurinn fengi að liggja úti,” sagði Halldór Gunnarsson sem veiddi vel á Þingvöllum í gær.

,,Urriðinn var hinsvegar alveg sólginn í maðkinn og mátti ég hafa mig allan við. Ég landaði þarna 4 urriðum, 5.5 pund, 7 pund, 9 pund, og 11.5 pund á stuttum tíma. Þarna var einnig maður að veiða við hliðina á mér sem tók nokkra væna líka, auk þess að missa nokkra. Sá stærsti sem sá náungi tók var eitthvað yfir 13pundin. Nú er bara að fara að kíkja á bleikjuna fyrst hún er farin að sig,” sagði Halldór ennfremur.

Veiðin er fín á Þingvöllum þessa dagana, stórir urriðar og bleikjan byrjuð að sýna sig, er hægt að hafa þetta betra?

Enginn vill kaupa opnunarhollið ennþá

Eins og við greindum frá fyrir fáum dögum virðist enginn vilja kaupa opnunarhollið í Norðurá í Borgarfirði en stjórn Stangaveiðifélagsins fékk heimild aðalfundar til að selja hollið .

Hefur stjórn félagsins verið að skoða hvort ekki séu einhverjir áhugasamir sem væru reiðubúnir að greiða sanngjarnt verð  fyrir það. En svo virðist  ekki vera .

Engin almennileg  tilboð  hafa borist  frá þeim sem stjórnin hefur reynt að ræða við Og okkar  heimildir  segja að opnunarhollið verði auglýst  alveg á næstunni og verður spennandi að sjá hvort einhver vill kaupa gull hollið í Norðurá í Borgarfirði. Þetta hefði selst fyrir 5-6 árum síðan STRAX

María veiddi boltafisk

Veiðin í Hlíðarvatni í Selvogi hefur verið mjög góð síðan vatnið opnaði fyrir nokkrum dögum og fiskurinn er fallegur og vel haldinn.

María Petrína Ingólfsdóttir veiddi 62cm. og 2,650 gr.  bleikju í vatninu í gærmorgun. Tók  bleikjan  Killer og var veiðimaðurinn  óratíma að landa fisknum . Alveg dýrlegt veður sól og fínn hiti í Botnavíkinni. 

Þetta er ánægjuleg tíðindi fyrir Hlíðarvatnið og sýnir að fiskurinn er til í vatninu og það verulega vænn.

Bleikjan að hellast inn á hverju flóði

,,Þetta er allt að koma og síðustu daga hafa veiðst á milli 30 og 40 bleikjur, þær stærstu um 4 pund,“ sagði Þröstur Elliðason um stöðuna á silungasvæðinu í Breiðdalsá sem er allt að koma til þessa dagana.

,,Bleikjan er greinilega að hellast inná hverju flóði og það hefur sést töluvert,"sagði Þröstur ennfremur.

Feiknagangur í Hlíðarvatni

,, Bleikjan sem ég veiddi var 2,51 kg og 59 cm. löng. Fiskurinn tók toppflugupúpuna hans Engilberts Jensen í Botnavíkinni af Réttarnesinu,“ sagði Árni Árnason sem var á veiðislóðum í Hlíðarvatn þar sem veiðin hefur gengið vonum framar.

,,Ég var þarna seinni part dags í gær í frábæru veðri. Vorflugan var að koma upp og stóra toppflugan sýndi sig einnig ásamt smærra mýi. Himbriminn sýndi sundæfingar, baksund og flugsund í Botnavíkinni eftir að ég fékk bleikjuna þannig að ekki var mikil ró yfir víkinni næst á eftir.“

,,Ég fór um vatnið og ég held að allir hafi verið að fá fisk og yfirleitt vænan,“ sagði Árni ennfremur.

30 mínútna barátta við urriða í Þingvallavatni

,,Ég er farinn aftur sagði,“ Ríkharður Hjálmarsson en hann veiddi urriða í Þingvallavatni í gær og hann ætlaði að fara strax aftur til veiða.. Fiskurinn í gær var 84 cm og tók  fluguna svarta Skottu. Þetta var barátta í 30 mínútur sagði Ríkharður ennfremur.

Veiðin togast áfram á Þingvöllum þessa dagana. Það hefur aðeins hlýnað og veiðimenn mega veiða á næturnar. Til þess er líka leikurinn gerður.