17. jún. 2012 - 13:24Gunnar Bender

,,Líst vel á sumarið"

,,Það hefur verið töluvert af gera hérna á veiðisafninu við Ferjukot, alltaf einhverjir að koma og skoða," sagði Þorkell Fjeldsted er við hittum hann við Ferjukot í Borgarfirði í gærkveldi en Þorkell sagði í samtali við Veiðipressuna að sér litist vel á sumarið.

,,Ég held að þetta verði gott sumar,"sagði Þorkell og fór að sýna veiðimönnum safnið sem er það merilegasta í veiðisögunni.

 

 

Mynd: Þorkell Fjeldsted í Ferjukoti í Borgarfirði.

 

 




22.sep. 2014 - 14:34 Gunnar Bender

Dregur að lokum sumars

Það stefnir í að laxveiðiár Strengja, Jöklusvæðið, Breiðdalsá og Hrútafjarðará endi allar í um 300 löxum hver en það má veiða í þeim öllum til loka september. En það er lítið bókað á næstunni fyrir austan svo það kemur í ljós hvort sú tala náist á þeim slóðum.

Hrútafjarðaráin er aftur á móti fullbókuð til lokadags 30. september.  En ennþá er þó einhver nýr lax að ganga bæði í Breiðdalsá og svo einnig í Kaldá sem er hliðará Jöklu. En Jökla sjálf fór á yfirfall snemma í september líkt og sumarið 2013 en veiði heldur áfram þó í hliðaránum Kaldá, Fögruhlíðará og Laxá.

22.sep. 2014 - 14:04 Gunnar Bender

Glæsilegur endir í Ásunum

 ,,Við Óli Ben voru síðasta daginn í  Laxá á Ásum og fengum 4 laxa, 3 urriða og einn mink,“ sagði Bergþór Pálsson en hann var að loka ánni þetta árið.

,,Það veiddust 1006 laxar þetta sumarið,“ sagði Beggi ennfremur. Lokatölurnar úr Ásunum er góðar og það veiddist vel líka í Ósasvæðinu en þar veiddist hellingur af silungi og allavega 6 laxar. Laxá á Ásum hefur verið stíga upp eftir rólegheit síðustu árin en aðeins veitt á flugu í ánni.

21.sep. 2014 - 13:51 Gunnar Bender

,,Ég var ansi nálægt því að fá fisk"

,,Það var nokkrum sinnum tekið vel í hjá mér sérstaklega ofarlega í Hvolsá á tveimur stöðum og líka  í Staðarhólsánni,“ sagði séra Þór Hauksson prestur í Árbæjarkirkju en hann fór eins og fleiri fisklaus heim eftir veiðiferð í Hvolsá og Staðarhólsá í Dölum. þrátt fyrir heiðarlega tilraun í veiðiskapnum.

En séra Þór hefur ekki riðið feitum hesti frá veiðinni síðustu  árin og en nánast fisklaus þrátt fyrir góða tilburði á bökkum ánna.

,,Ég held að þetta sé að að koma og ég fái bráðum fyrsta fiskinn og líklega fyrsta laxinn. Ég var í fiski enda með tvo góða gæta sem sögðu mér til, allavega annar en hinn hló bara mest annan tímann.  Veiðin er skemmtileg og minn tími í veiðinni mun koma,“ sagði Þór og lét sér í léttu rúmi liggja þó  svo hann væri fisklaus eftir nokkra veiðitúra.

 

21.sep. 2014 - 13:08 Gunnar Bender

,,Þetta var svakalega gaman"

,,Það voru nokkrir fiskar þarna í hylnum og hann tók fljótlega og ég var snöggur að landa honum. Þetta var svakalega gaman,“ sagði Tryggvi Mathiesen hann hann veiddi maríulaxinn sinn í Hvolsá í Dölum í gærdag á maðkinn og var óheppinn skömmu seinna þegar missti á sama veiðistað miklu stærri lax en maríulaxinn.

,,Í hylnum var bæði laxar og bleikjur, sumar vel vænar,“ sagði Tryggvi en hann var sá eini sem veiddi lax í hollinu sem var að hætta í Hvolsá og Staðarhólsá í Dölum.  En árnar hafa gefið 110 laxa og um 300 bleikjur.

 

21.sep. 2014 - 13:02 Gunnar Bender

Árni Baldursson ekkert af skafa af hlutunum

,,Það var hálfgerð jarðarfararstemning á skrifstofunni hjá okkur allt árið 2013. Það er varla hægt að segja að síminn hafi hringt. Nú þegar veiðin er jafnvel verri er brjálað að gera, það er "Wall Street" ástand á skrifstofunni,“ sagði Árni Baldursson í samtali við Flugufréttir um helgina.

Árni sagðist ekki hafa hugmynd um það af hverju veiðimenn bregðast við á þennan hátt. Kannski var ástandið það slæmt að menn trúa ekki að það komi annað viðlíka ár, eða kannski hefur fólk það bara aðeins betra en fyrir einu til tveimur árum.

,,Þessi staða kemur mér á óvart, en árið 2013 var það versta í 28 ára sögu fyrirtækisins. Árið í ár er hins vegar það besta og næsta ár stefnir í að vera jafnvel enn betra." segir Árni Baldursson og ekkert að skafa af hlutnum í samtali við Flugufréttir um helgina.

Einar Sigfússon  sölumaður veiðileyfa í Norðurá  í Borgarfirði talar í  allt öðrum og  í miklu mýkri tón um veiðistöðuna í enn einu viðtalinu í veiðiþætti Morgunblaðsins um helgina . Eða eins og einn veiðimaðurinn orðaði ,,Hann er alltaf í viðtali þarna.“

20.sep. 2014 - 11:13 Gunnar Bender

,,Fiskurinn getur verið vænn"

Veiðin í Svalbarðsá í Þistilfirði hefur verið töluvert betri en fyrir ári síðan en núna eru komnir á milli 320-330 laxar úr ánni. En fyrir ári síðan veiddust 306 laxar. Og laxveiðin hefur verið vænn í ánni í sumar.

,,Það er alltaf gaman að veiða í ánni og fiskurinn getur verið vænn,“ sagði Júlíus Jóhannsson sem var í Svalbarðsá fyrr í sumar og veiddi væna laxa.

Árnar í Þistilfirðinum hafa verið að gefa vel í sumar eins og Sandáin. Og ekki hefur tekist að setja í stóra boltann sem ennþá syndir um ána og fæst alls ekki til að taka agn veiðimanna.

 

17.sep. 2014 - 22:25 Gunnar Bender

Besta veiðisaga ársins: Sæþór veiddi maríulaxinn með höndunum

Sæþór Jónsson með maríulaxinn sinn sem hann tók með höndunum einum ,,Við vorum að koma úr Affallinu sjö félagarnir. Þetta er okkar fyrsta skipti hérna og var þessi ferð alveg svakalega skemmtileg,“ segir Halldór Gunnarsson.
17.sep. 2014 - 10:04 Gunnar Bender

Nils ennþá í stórfiski

Nils Folmer Jorgensen setti í enn einn stórfiskinn í sumar og núna í Viðidalsá í Húnavatnssýslu en laxinn var 106 sentimetrar. Þetta er ekki fyrsti stórfiskurinn sem Nils landar áður hafði hann veitt stóra í Laxá í Aðaldal og Vatnsdalsá.

Fyrr í sumar hafði hann veitt rígvæna urriða í Þingvallavatni.Og hann er ekki hættur, langt frá því.

 



16.sep. 2014 - 13:57 Gunnar Bender

Óskar og félagar veiddu vel

,,Við vorum að koma úr Reykjadalsá í Borgarfirði og fengum 18 laxa,“ sagði Óskar Færseth en hann hefur veitt nokkra fiskana um ævina og í sumar þó nokkra. Reykjadalsá hefur gefið 105 laxa og fiskarnir hjá þeim félögum veiddust víða um ána. Í nokkrum fljótum eins Reykholtsfljóti, Grímsstaðafljóti og Breiðafljóti.

Það hentar kannski vel að kalla flesta hyljina  í ánni fljót. Þetta verður að teljast ágæt veiði á svæðinu miðað við annað í Borgarfirðinum í veiðinni. Og 18 laxar er bara snilld.

15.sep. 2014 - 11:49 Gunnar Bender

Veiðiveislan byrjuð í Stóru Laxá

September virðist vera mánuðurinn  í Stóru-Laxá í Hreppum,  en hann er  detta inn á hverju ári með frábæra veiði. Stóra Laxá hefur gefið 455 laxa og holl erlendra veiðimanna sem var þar um daginn veiddi 23 laxa á tveimur vöktum sem verður að teljast feiknagott.

,,Þetta er allt í lagi hérna á bökkum Stóru Laxár, fiskurinn er hérna fyrir hendi,“ sagði veiðimaður sem var að landa laxi í Bergsnösinni. Í fyrra veiddust yfir 1700 laxar en það veiðist varla nánast núna. En veiðiveislan stendur yfir í Stóru-Laxá og verður örugglega eitthvað áfram.

 

15.sep. 2014 - 09:18 Gunnar Bender

Búið að vera snarklikkað veður

,,Við fengum tvo laxa, 13 og 6 punda og misstum aðra tvo,“ sagði Halldór Gunnarsson sem var í Affallinu í gær en veðurfarið var langt frá því að vera gott.

,, Það er búið að vera snarklikkað veður í og mikið rok. Við fengum fiska mest í kringum sleppitjörnina en það er töluvert af fiski. Affallið hefur gefið 325 laxa,“ sagði Halldór og vonaði að veðurfarið yrði betra á morgun. Spáin er jú aðeins betri.

14.sep. 2014 - 13:10 Gunnar Bender

Laxá á Ásum fengsælasta veiðiáin

Við skulum aðeins rýna í veiðistöðuna eins og hún er núna. Eystri-Rangá hefur gefið 2300 laxa en hún er líka með 18 stangir, Ytri-Rangá er með 2100 laxa en 20 stangir. Blanda er stopp þessa dagana vegna yfirfalls en hefur gefið 1901 lax með 14 stangir, Miðfjarðará er á fleygiferð ennþá og hefur gefið 1510 laxa en hún er  með 10 stangir. Laxá á Ásum hefur gefið 950 laxa  og er með 2 stangir.

Ef við reiknum þetta út er auðvitað Laxá á Ásum besta laxveiðiáin landsins miðað við stangafjölda og burstar þetta. Eins og sagt er á fótboltamáli. Það fer ekki á milli mála. Flestir laxar segja ekki ekki allt stundum.

 

 

13.sep. 2014 - 10:06 Gunnar Bender

Laxá á Ásum að ná fyrri hæðum

Veiðin í Laxá á Ásum hefur verið góð það sem af sumri en áin er að komast í þúsund laxa eftir einhverja daga en áin er núna í 960 löxum. Auðvitað er Laxá á Ásum fengsælasta veiðiá landsins en aðeins veitt á tvær stangir í henni.Veiðin  hefur verið jöfn og góð í sumar.

,,Við fengum góða veiði í ánni, allt á fluguna, enda ekki leyft annað og það var fiskur víða um ána,“ sagði veiðimaður sem var þar fyrr í sumar og veiddi vel í soðið.

Ósasvæðið Laxár  hefur líka gefið vel, bæði af bleikju og fallegum urriða. Stærstu urriðarnir eru kringum 10 pundin.

 

12.sep. 2014 - 10:39 Gunnar Bender

Veislan heldur áfram hjá Bubba

Mynd: Bubbi Morthens með lax yfir 20 pundin í Laxá í gær.

,,Ég landaði þremur löxum á stuttum tíma í Aðaldalnum,“, sagði Bubbi Morthens sem heldur áfram að setja í stóra laxa í Laxá í Aðaldal þetta sumarið. Hann hefur þá landað nokkrum vænum.

11.sep. 2014 - 09:34 Gunnar Bender

Spennandi fyrirlestrar um urriðann

,,Það var mikill heiður fyrir okkur félagana að vera fulltrúar Íslands á ráðstefnunni Intercontinental Trout Masterclass sem haldin var í Tolmin í Slóveníu fyrir skömmu,“ sögðu þeir Elías Pétur Þórarinsson og Þorsteinn Stefánsson  sem voru á henni með alþingismanninum Össuri Skarphéðinssyni  En þar var fjallað um verndun urriðastofna víða um heim og komu þangað fulltrúar frá ýmsum löndum, allt frá Íslandi til Írans.

,,Á hverjum degi voru spennandi fyrirlestrar, meðal annars frá Össuri Skarphéðinssyni sem talaði um hinn magnaða Þingvallaurriða. Eftir fyrirlestrana fengum við svo að sletta úr klaufunum og fara að veiða fram að kvöldmat. Nálægt bænum Tolmin er vatnakerfi árinnar Soca, sem er þekkt sem síðasta athvarf hins fræga marmaraurriða sem getur orðið ógnarstór,“ sögðu þeir félagar.

,, Við veiddum vel en náðum þó ekki að krækja í marmaraurriða en bættum það upp með stórum villtum regnbogasilungum. Þetta var hreint út sagt frábær vika, bæði skemmtileg og lærdómsrík. Núna er svo næsta skref hjá okkur að halda áfram verndun Þingvallaurriðans sem við Íslendingar erum svo heppnir að eiga,“ sögðu þeir félagar ennfremur.

10.sep. 2014 - 10:12 Gunnar Bender

Veiddu sama laxinn tvisvar sama daginn

Það getur ýmislegt skeð í veiðinni eins og sannaðist fyrir skömmu í Krossá í Bitrufirði þegar Fannar Vernharðsson og Þormóður Guðbjartsson voru að veiða í ánni. En Fannar var að veiða í ánni ofarlega og setti í 19 punda lax á þýska Snældu og landaði fisknum eftir skemmtilega viðureign.

En veiðifélagi hans hans Þormóður Guðbjartsson fór í sama hyl seinna og daginn og renndi. Hann setur í fisk og landar honum og kemur þá í ljós að þetta var sami laxinn og Fannar hafði veitt nokkrum tímum áður. Þetta sýnir bara hvað laxinn er fljótur að gleyma.

Þeir félagar fengu fína veiði í ánni enda hafði rignt og það skipti öllu fyrir veiðina.

 

09.sep. 2014 - 09:14 Gunnar Bender

Hvað gerist næsta sumar í laxveiðinni?

Það er farið að síga á seinni hlutann í veiðiskapnum, allavega laxveiðinni, en sjóbirtingurinn er að byrja á fullu þessa dagana. Og laxveiðin hún er frammi október í nokkrum veiðiánum. Sumarið í sumar hefði mátt vera betra, það er allir sammála um.

Laxarnir eru færri og örlaxarnir eru miklu fleiri en af er látið. Einhverjar veiðiár skrá þá ekki  eitt  pund heldur toga þá upp í þrjú pundin. Og það hefur viðgengist  í nokkur sumur. Auðvitað er það bara plat en viðgengst samt.

,,Við ætlum að sjá til með næsta sumar, þetta er alls ekki gott. Það eru margir ennþá laxlausir eftir sumarið þrátt fyrir marga túra og góða,“ sögðu veiðimenn sem ég hitti fyrir norðan heiða og vildi endilega taka smáspjall um veiði. Ég var alveg til í það. Veiði er veiði.

,,Ætli við séum ekki bara eins og margir  veiðimennirnir, við ætlum að sjá hvað gerist næsta sumar, hvað laxinn muni skila sér mikið í árnar,“ sögðu þeir og héldu áfram spjallinu.

Laxveiði er skemmtileg en það þarf að veiðast, til þess er leikurinn gerður. Það vita allir.

 

 

07.sep. 2014 - 21:52 Gunnar Bender

Veiddi maríulaxinn sinn í Hörðudalsánni

„Þrátt fyrir að heildarlaxveiðin í sumar hafi verið undir væntingum, þá hafa margir lent í ævintýrum og skemmtilegum uppákomum sem ekki gleymast. Auk þess hafa nýir veiðimenn á meðal æskunnar rennt fyrir lax og fengið sinn Maríulax.

Það gerði þessi unglingur, Gunnlaugur Örn Stefánsson, 14 ára frá Vopnafirði, og landaði þessum fallega laxi í Hörðudalsá og auðvitað beit hann bakuggann af og át, eins og glöggt má sjá af myndinni.  Ekki skiptir endilega mestu máli í veiðinni fjöldi fiska, heldur einstakar uppákomur sem minningin geymir og gerir veiðina svo eftir sóknarverða.

07.sep. 2014 - 21:47 Gunnar Bender

Hreindýraskyttur út um allar koppagrundir

,,Það hefur gengið vel við náðum dýrinu,“  sögðu hreindýrakallar sem við hittum á Jökuldalnum við Skjöldólfsstaði þar sem hreindýramenn voru i hópum helgina og á hlaðinu hittum við aðra veiðimenn sem líka höfðu náð dýrum.

,,Þetta er gekk rosaleg vel enda fín skilyrði og töluvert af dýrum, veðrið er frábært,“  sögðu þeir og biðu spenntir eftir stórballinu með Geirmundi Valtýsson sem styttist í um kvöldið.

Hreindýraveiðarnar ganga vel, veðurfarið hefur verið gott á svæðinu og það er spáð blíðu næstu daga. Við létum okkur hverfa enda búnir með ballkvótann.

 

 

07.sep. 2014 - 14:36 Gunnar Bender

Fjörið að byrja á sjóbirtingsslóðum

Sjóbirtingstíminn er að ganga í garð, veiðimenn færa sig austar og ennþá austar þessa dagana. Já, fjörið er að byrja á sjóbirtingsslóðunum. Varmá hefur aðeins verið að detta inn síðustu daga og veiðimenn sem hafa reynt fengu nokkra fiska.

Veiðimenn sem voru í Fossálunum fyrir fáum dögum veiddu sex birtinga frá 4 uppí 6 pund. En á nokkrum dögum varð áin mórauð en í dag þegar keyrt var framhjá henni var hún fín og enginn litur á henni. En engir veiðimenn sáust á svæðinu.

Veiðimenn voru að berja Geirlandsá og veiðimenn sem voru í Vatnamótunum veiddu lítið fyrir fáum dögum. En allt getur gerst á stuttum tíma og fiskurinn mætt í torfum.

 

04.sep. 2014 - 16:15 Gunnar Bender

,,Allir fóru glaðir heim“

,,Ég var ásamt frábærum mönnum að veiðum í Breiðdalnum fyrir fáum dögum,, sagði Hörður Heiðar Guðbjörnsson sem var á veiðislóðum.

Hörður sagði að það hefði að sjálfsögðu smá strik í reikninginn að þegar við komum tók á móti okkur hávaða rok með mikilli rigningu tók á móti þeim við komuna þannig að við vorum stutt fyrsta daginn, en samt sem áður veiddi Þórarinn Sigþórsson tvo laxa þennan dag.

,,Daginn eftir var lítið annað hægt að gera en að bíða eftir að það sjatnaði í ánni sem það og gerði en í raun má segja að við höfum misst af rúmlega einum veiðidegi vegna mikilla vatnavaxta. En þrátt fyrir þetta létu menn þetta ekki hafa mikil áhrif á sig og landaði hollið 30 löxum, flestum stórum, en vitanlega hefðum við viljað hafa þá fleiri en fórum samt sem áður glaðir heim,“ sagði Hörður i lokin.

 

 

 

04.sep. 2014 - 10:33 Gunnar Bender

Hvað gerðist með laxa á Dalasvæðinu?

 ,,Það er ótrúlegt að rýna í veiðitölurnar í laxveiðiánum á Dalasvæðinu, já í Dölunum, Haukadalsá, Miðá, Laxá í Dölum, Fáskrúð, Flekkudalsá og Krossá. Það er eins og það hafi orðið hamfarir þarna á milli ára,“ sagði veiðimaður sem veiðir mikið á þessu svæði og þekkir það vel.

 ,,Ég held að engin hafi átt von á þessu eftir þetta flotta sumar í fyrra,“  sagði veiðimaðurinn úr Dölunum. Og það er ýmislegt til í þessu. Hrunið í Miðá, Haukadalsá, Laxá í Dölum og fleiri ám á svæðinu er mikið.  Næsta sumar verður stórt spurningarmerki, hvernig verður veiðin á svæðinu?

 

 

02.sep. 2014 - 10:23 Gunnar Bender

Haust og vetur er komið út

Síðustu þrjú ár hefur Veiðihornið gefið út veglegt blað á vorin með stangaveiðivörum en gefur nú í fyrsta sinn einnig út haustblað með skotveiðivörum. 

Blaðið sem er 24 síður og prentað í 2.000 eintökum sýnir brot af vöruúrvali Veiðihornsins fyrir skotveiðimenn ásamt vörulýsingum og verði.

Veiði 2014 – Haust og vetur má nálgast í Veiðihorninu Síðumúla 8.

 

02.sep. 2014 - 09:22 Gunnar Bender

Sumarið sem flestir vilja gleyma og þó

,,Það áttur flestir von á góði laxveiðisumri en alls ekki allir. Ég er búinn að veiða 6 laxa og þeir allir eru yfir 15 pundin og tveir yfir 20 pundin. Hvers vegna ætti ég að gleyma sumrinu,“ sagði veiðimaður sem ég hitti á Egilsstaðaflugvelli í dag. Hann var að koma af hreindýraveiðum og hann var sæll með veiðisumarið.

,,Vinur minn er búinn að fara í einn veiðitúr og hann fékk tvo 20 punda,“ sagði hann og vildi halda áfram. Ég stoppaði hann, þú ert ekki á Suðurlandinu. ,,Nei, rétt er það, það bjargar reyndar öllu,“ sagði veiðimaðurinn sem hverf síðan á braut.

Sumarið er farið að styttast í annan endann, laxarnir voru miklu, miklu færri en síðasta sumar. Það hafa allir orðið varir við en það eru margir sem vilja ekkert gleyma þessu sumri. Það er þeirra mál. Það er tekið að rigna, fiskurinn er ennþá að ganga, sumrið ekki er úti ennþá. Það er reyndar það góða í stöðunni. Ennþá geta veiðst LAXAR.

 

31.ágú. 2014 - 20:29 Gunnar Bender

Breiðdalsá varð að stórfljóti á nokkrum tímum

,,Áin er orðin að stórfljóti og það skeði á stuttum tíma, en áður hafði þó Þórarinn Sigþórsson veitt tvo laxa í Manndrápshylnum á stuttum tíma,“ sagði Þröstur Elliðason er hann var að færa laxakistu á Skammadalsbreiðunni þegar vatnið var heldur betur farið að aukast í ánni.

,,Það verður örugglega fjör þegar áin sjatnar og veiðimenn geta rennt aftur fyrir laxa í ánni,“ sagði Þröstur í lokin.

 

31.ágú. 2014 - 14:42 Gunnar Bender

Vatnið hefur aukist verulega

,,Það er mikið af fiski víða í ánum, enda hefur vatnið aukist verulega  og fiskurinn hreyft sig úr lóninu, það rignir hérna verulega núna,“ sagði Kristjón Sigurðsson er við spurðum um stöðuna í Hvolsá og Staðarhólsá í Dölum. En áin hefur gefið 110 laxa og 250 bleikjur.

,,Laxveiðin hefur verið allt í lagi hjá okkur í sumar og veiðimenn sem voru fyrir skömmu sáu helling af fiski í lóninu, hann hefur hreyft sig úr því eftir þessar miklu rigningar síðustu daga. Áin hefur gefið 110 laxa og bleikjuveiðin hefur verið fín, yfir 250 bleikjur,“ sagði Kristjón ennfremur.

 

 

31.ágú. 2014 - 14:36 Gunnar Bender

Breiður og spikaður höfðingi

,,Þó veiðitímabilinu sé að ljúka á Þingvöllum og hægst hefur á tökum þá getur haustveiðin verið skemmtileg ef menn sýna þolinmæði og veiða inn í kvöldið því urriðinn sýnir sig þó nokkuð,“ sagði Halldór Gunnarsson sem var á veiðislóðum.

,,Ég dró þennan höfðingja úr vatninu í gær og mældist hann 68cm. En hann var svo breiður og spikaður að hann var á við venjulegan 75-76cm fisk. Ummálið var hinsvegar því miður ekki tekið.Hann kom að vísu ekki upp úr þjóðgarðinum, en það er ekkert sem segir að ekki sé hægt að krækja í einn svona þar líka. Þessi fékk vissulega líf eftir að hafa verið myndaður fram og til baka,“ sagði Halldór ennfremur.

 

31.ágú. 2014 - 14:29 Gunnar Bender

Jökla komin í 260 laxa

,,Við erum búnir að veiða yfir  260 laxa en áin er fara á yfirfall á allra næstu dögum,“ sagði Þröstur Elliðason er við spurðum um Jöklu en laxar voru að koma í ána í morgun.

En það var byrjað að veiða með maðki og spúnn á svæði eitt í Jöklu í fyrradag. Og það hafa veiðst yfir 30 laxar.

 

 

29.ágú. 2014 - 14:44 Gunnar Bender

Tveggja tíma barátta við laxinn

,,Það kom aldrei til greina annað en sleppa fisknum þó svo ég hefði ekki tekið mynd af honum,“ sagði Jón Ingi Kristjánsson sem veiddi stærsta laxinn  í sumar í laxveiðiánum, 119 sentimetra lax í Soginu Sun Ray keilu og sleppti honum aftur.

,,Þetta var tveggja tíma barátta og mjög skemmtileg,“ sagði Jón Ingi hógværðin uppmáluð eftir baráttuna við stórfiskinn í Soginu þar sem hann hefur veitt þá nokkra í gengnum árin. En kannski ekki svona rosalega stóra.

 

28.ágú. 2014 - 20:10 Gunnar Bender

Veiðibúðinn við Lækinn stendur fyrir Laxveiðiferðum til Bandaríkjanna

Bandaríkin eru himnaríki veiðimannsins enda ótrúlega margar ár til að veiða í og ótal margar tegundir af laxi og silung. Ólíkt Íslandi, er fiskur að ganga úr sjó í árnar u.þ.b. 11 af 12 mánuðum ársins og þar fyrir utan er að finna staðbundin fisk. Einnig er fjölbreytnin töluvert meiri en í Kyrrahafinu er að finna 5 mismunandi tegundir af laxi ásamt ógrynni af silungstegundum og síðan ekki síst er þar að finna hinn víðfræga Stálhaus.

Árni Jónsson, umsjónarmaður ferðarinnar og eigandi Veiðibúðarinnar við Lækinn segir að meginmarkmið ferðarinnar sé að kynna fyrir veiðimönnum og -konum möguleikann á að lengja stangveiðitímabilið og kynnast nýjum veiðislóðum og veiðiaðferðum.

„Bandaríkin eru að öðrum ólöstuðum mekka veiðimennsku í heiminum, hvort sem um stang- eða skotveiði er að ræða, og vægt til orða tekið að Bandaríkjamenn séu veiðióðir. Þar að auki er náttúran sem veitt er í stórfengleg,“ segir Árni.

Þeir sem að hafa áhuga á að kynna sér þetta betur geta haft samband í síma 555-6226, sent okkur tölvupóst: arnijons@live.com eða haft samband í gegnum facebook síðu Veiðibúðarinnar við Lækinn.


Sigurður G. Guðjónsson
Sigurður G. Guðjónsson - 08.9.2014
Hið ritstjórnarlega sjálfstæði
Ragnar H. Hall
Ragnar H. Hall - 15.9.2014
Jón Steinar og Kjarninn
Jón Steinar Gunnlaugsson
Jón Steinar Gunnlaugsson - 16.9.2014
Óheppinn hæstaréttarlögmaður
Hannes Hólmsteinn Gissurarson
Hannes Hólmsteinn Gissurarson - 13.9.2014
Feysknir innviðir?
Ragnar H. Hall
Ragnar H. Hall - 17.9.2014
Aðstoð við Jón fræðimann
Hannes Hólmsteinn Gissurarson
Hannes Hólmsteinn Gissurarson - 15.9.2014
Svíþjóð: Vinstri menn sigruðu ekki
Aðsend grein
Aðsend grein - 18.9.2014
Landsbyggðarvæl?
Brynjar Nielsson
Brynjar Nielsson - 09.9.2014
Við hvað eru blaðamenn DV hræddir?
Jón Steinar Gunnlaugsson
Jón Steinar Gunnlaugsson - 18.9.2014
Eins manns kenning
Fleiri pressupennar