06. apr. 2012 - 11:38Gunnar Bender

Hverjir eiga að ákveða agnið?

,,Þetta  er alveg ný stefna í öllum samingum núna að tekið fram hvaða agn sé leyfileg. Þetta var ekki svona hérna áður, þeir sem tóku ána á leigu ákváðu þetta sjálfir," sagði veiðimaður sem hafi samband og var að lesa um útboðið á Gljúfurá í Húnavatnssýslu sem var birt í blöðunum í gær.

Þeir sem eru að taka dýrar laxveiðiár á leigu eiga að ákveða þetta sjálfir og enginn annar. Svona var líka með Haukadalsá í Dölum og Þverá í Borgarfirði fyrir skömmu.

,,Það þarf ekki að hafa vit fyrir þessu lið. Það ákveður þetta bara sjálft hvað það gerir, menn eru að borga fleiri milljónir á ári og það er þeirra val," sagði veiðimaðurinn í lokin. Allt annað en ánægður með þessa nýju stefnu í útboðsmálunum.




19.okt. 2014 - 19:06 Gunnar Bender

Erlendir veiðimenn halda uppi verðinu

Veiðileyfamarkaðurinn veltir á hverju ári 12-13 milljörðum, og að stórum hluta eru þetta erlendir veiðimenn sem kaupa bestu tímana í veiðiánum á hverju ári.

Íslenskir veiðimenn keppa ekkert um þau verð sem þessir erlendu veiðimenn eru að versla fyrir, 500-600 þúsund dýrustu dagarnir í veiðiánum  eins og Selá í Vopnafriði og Laxá á Ásum. Svo mikil er aðsóknin í Laxá á Ásum að hún er full seld næsta sumar og færri komast að en vilja. Tveir stangir og yfir þúsund laxar, það er ekki amaleg veiði.

Besti tíminn í laxveiðiánum eru  dagar  erlendir veiðimenn kaupa þessa dagana, en  dagarnir sem Íslendingar hafa verslað fara hægar. Þeir ætla að bíða og sjá hvort leyfin muni lækka.

Engin veit hvernig veiðin verður næsta sumar, ekki einu sinni fiskifræðingarnir,  sem eiga að vita  allt það er staðan núna. Næsta sumar er stórt spurningamerki. Hvernig mun laxinn skila sér? 

 

 

19.okt. 2014 - 18:23 Gunnar Bender

Fiskar í stórum torfum - myndasyrpa

,,Þetta var gaman að sjá þetta, ég hef aldrei séð þetta áður hérna á þessum tíma,“ sagði Karl Óskarsson bílasali sem var einn af þeim fjölmörgu  sem mættu og horfðu á urriðadansinn við Öxará í gær á Þingvöllum og í sama streng tók Einar Guðmundsson prentarinn snjalli.

,,Það var verulega gaman að sjá alla þessa fiska hérna synda um ána, það er nóg af þeim.“

Já, sjónin var tignarleg, fullt af fallegum fiskum komna í hrygningarhugleiðingar, syndandi þarna í stórum torfum. Jóhannes Sturlaugsson fór yfir stöðuna og fræddi liðið í meira en klukkutíma en þetta er 12 árið sem þessi sýning fer fram og alltaf mæta fleiri og fleiri og þá ekki síst þeir yngri

Við skulum kíkja á nokkra sem mættu. Jóhann Rafnsson, Stefán Kristjánsson, Elías Pétur Þórarinsson, Þröstur Elliðason, Oddur Hjaltason, Bjössi og Dísa, Steingrímur Davíðsson, Gyða Guðmundsdóttir,Jón Gunnar Benjamínsson, Jón Skelfir, Ómar Smári,  Þórir Traustason og Valgerður Bjarnadóttir svo fáir séu nefndir.

18.okt. 2014 - 12:22 Gunnar Bender

Brjálað stuð við Varmá

Fín veiði hefur verið í Varmá í Hveragerði síðustu daga og veiðimenn verið að veiða vel af fiski. Margir hafa verið að fá laxa og einhverjir sína fyrstu í sumar. Laxarnir eru  vel vænir margir hverjir.

,,Ég er engan lax búinn að fá í sumar en fékk tvo í Varmánni,“ sagði veiðimaður sem var í sjöunda himni með laxveiðina í Varmá.

Sjóbirtings og bleikjuveiðin hefur verið ágæt þarna líka. Vænir birtingar hafa verið innan um. Við fréttum af veiðimönnum sem voru í Vatnamótunum en veiðin var frekar róleg hjá þeim, einn og einn sjóbirtingur en þeir voru frekar smáir flestir. En eins og veiðimaðurinn orðaði það. Veiðin var róleg en veðurfarið var mjög gott.

16.okt. 2014 - 13:01 Gunnar Bender

Fræðsluganga á vegum Þjóðgarðsins á Þingvöllum

Hin árlega fræðsluganga Urriðadans á vegum Þjóðgarðsins á Þingvöllum og Laxfiska er næsta laugardag. Þessar göngur hafa vaxið með hverju árinu og fleiri og fleiri mætt til að skoða fyrirbærin á staðnum.

,,Jú, það er rétt að þetta er á laugardaginn," sagði Jóhannes Sturlaugsson er við heyrðum  í honum  En gangan verður að vanda í umsjón Jóhannesar Sturlaugssonar hjá Laxfiskum og hefst klukkan14:00 á bílastæðinu þar sem Valhöll stóð klukkan  14.00 á laugardaginn.

Gangan spannar stutta og þægilega gönguleið upp með hrygningarsvæði urriðans og er gangan við allra hæfi. Enda fátt skemmtilegra en að skoða bolta urriðan sem syndir um Öxarána.

16.okt. 2014 - 09:30 Gunnar Bender

,,Stærsti fiskurinn sem ég hef veitt“

,,Við vorum að koma úr Varmá við Hveragerði og fengum nokkra fiska. Þetta var meiriháttar gaman, veiddi þarna minn stærsta fisk um ævina,“ sagði Ómar Smári Óttarsson sem var skýjunum með veiðitúrinn, sá stærsti á land hjá honum.

,,Já, þetta er minn stærsti fiskur um ævina, 17-18 punda fiskur og hann tók þýska Snældu í Reykjafossi í fyrsta kasti. Þetta var gaman,“ sagði Ómar Smári  enn fremur en þeir veiddu þrjá aðra fiska í veiðiferðinni í Varmá.

Varmá hefur verið að gefa töluvert af laxi og einnig bleikjur og sjóbirtinga. Og það er ennþá verið að veiða þarna, fiskurinn er að taka og veiðimenn að fá fína fiska. Til þess er leikurinn gerður. Þess vegna er auðvitað hægt að veiða áfram fiska þarna.

15.okt. 2014 - 15:11 Gunnar Bender

Eins og sæmilega góð laxveiðiá

ION Hótel, sem var með eins árs samning um svæðið sem Orkuveitan á við Þingvallavatn, hefur verið leigt þeim aftur og núna til þriggja ára. Leiguverið er 13,7 milljónir fyrir þessi þrjú næstu  ár. Þetta verður að teljast góð upphæð fyrir silungsveiðisvæði við Þingvallavatn. 

Meðalgóð laxveiðiá með 120 löxum eins og Hvolsá og Staðarhólsá í Dölum er leigð fyrir þessa upphæð. Erlendum veiðimönnum eru seld veiðileyfi þarna fyrir háar upphæðir og komast víst færri að en vilja við veiðina. Þarna veiðst bolta urriðar á hverju sumri.

 

15.okt. 2014 - 10:37 Gunnar Bender

Styttist í að rjúpnaveiðin byrji fyrir alvöru

Það styttist í að rjúpnaveiðarnar hefjist en veiðarnar mega byrja næsta föstudag, 25. október, og veiðimenn ætla strax á rjúpu fyrsta daginn sem má byrja

,,Ég byrja strax fyrsta daginn," sagði Eggert Skúlason er við heyrum í honum og í sama streng tóku fleiri.

,,Það er pakkað á rjúpuna hjá okkur í Jöklusvæðinu og í Breiðdal allar helgar,“ sagði Þröstur Elliðason er við spurðum um stöðuna á rjúpunni. Staðan á rjúpunni er góð núna, mikið virðist vera af henni. Það á víð um næstum allt landið.

,,Ég hef sjaldan séð svona mikið af fugli eins og núna," sagði skotveiðimaður fyrir norðan en hann hafi verið á ferðinni á Austurlandi líka og þar var hellingur af fugli líka.

En Umhverfis- og auðlindaráðherra hefur auglýst fyrirkomulag rjúpnaveiða til næstu þriggja ára . Veitt verður á fjórum þriggja daga helgum, föstudag, laugardag og sunnudag. Rjúpnaveiðar hefjast nú í ár föstudaginn 25. október. Umhverfisstofnun fagnar því að veiðifyrirkomulag næstu þriggja ára liggi fyrir. Verulegt óhagræði hefur fylgt því fyrir veiðimenn og hlutaðeigandi að ekki hafi verið ljóst fyrr en skömmu áður en veiði hefst hvernig fyrirkomulaginu verði háttað.

Rjúpnaveiðar verða heimilar eftirfarandi daga á þessu ári:

·         Föstudaginn 24. október til sunnudags 26. október. Þrír dagar. 

·         Föstudaginn 31. október til sunnudags 2. nóvember. Þrír dagar.

·         Föstudaginn 7. nóvember til sunnudags 9. nóvember. Þrír dagar. 

·         Föstudaginn 14. nóvember til sunnudags 16. nóvember. Þrír dagar.

 Veiðimenn eru hvattir til að gæta fyllsta öryggis á rjúpnaveiðum, gera ferðaáætlun og láta vita af henni, kanna veðurspá og huga vel að viðeigandi klæðnaði og öryggisútbúnaði og ennfremur að sýna hófsemi við veiðarnar.

Já, fjörið er að byrja mikið er af rjúpum víða um land og það er allavega hægt að veiða sér í jólamatinn. Til þess er leikurinn gerður.




12.okt. 2014 - 22:25 Gunnar Bender

Hvað gerist í laxveiðinni næsta sumar?

Veiðimenn eru hugsi þessa dagana, veiðin var slöpp í sumar, færri fiskar á stöngina, miklu miklu  færri.  Við erum að tala um 30 þúsund færri laxa á milli ára og það munar um minna. Og enginn veit neitt um ástæðuna, en auðvitað er hægt að giska og giska endalaust. Laxinn kemur ekki þrátt fyrir það, það er bara málið.

Og hvernig verður veiðin næsta sumar? Það er stórt spurningamerki, Laxá í Aðaldal gaf stóra og fallega laxa í sumar en nánast ekkert að smálaxi. Hvað gerist í ánni næsta sumar, kemur lítið sem ekkert af stórlaxi á sumri komanda ána. Þetta eru auðvitað allt spurningamerki. Norður -og Austurlandið gaf væna fiska en lítið af smálaxi, það er áhyggjuefni fyrir næsta sumar.

Sumarið var líka slæmt á Vesturlandi en hvað gerist í veiðiám eins og Laxá í Leirársveit, Grímsá, Norðurá, Þverá, Langá, Laxá í Dölum og Haukadalsá. Veiðin er stór spurningarmerki á þessum landssvæði eins og aflatölurnar á sumri komanda. 

Veiðimenn eru hugsi, áreigendur eru líka hugsi, það er staðan núna. Engin veit neitt, góð veiði fyrir ári síðan, slöpp í sumar, en hvað gerist næsta sumar? Það er heila málið. Enginn fæst til að spá fyrir um áframhaldið.

 

09.okt. 2014 - 21:22 Gunnar Bender

Oft hefur veiðin verið meiri

Laxveiðitímabilinu er nú lokið í flestum ám landsins. Enn er þó veitt í ám þar sem uppistaðan í veiðinni er lax úr sleppingum gönguseiða en þar stendur veiði til 20. október.  Bráðabirgðatölur yfir stangveiði á laxi sumarið 2014 sýna að það veiddust alls um 32.400 laxar.


09.okt. 2014 - 15:47 Gunnar Bender

Fyrst var það bleikjan og í kjölfarið kom laxinn

,,Hún var 68 sentimetrar, flott bleikja en síðan veiddist lax og það var annar laxinn í Brunná í sumar,“ sagði Jónas Jónasson sem var að koma úr Brunná í Kelduhverfi fyrir nokkrum dögum.

,,Það hafa veiðst þarna næstum 300 bleikjur og tveir laxar, Brunnáin er  mjög skemmtileg veiðiá,“ sagði Jónas ennfremur. Skömmu áður hafði hann verið í Litlu í Kelduhverfi og nokkrum dögum áður að loka Mýrarkvíslinni, þar veiddu 100 laxar í sumar. Margir voru laxarnir vænir vænir.

 

08.okt. 2014 - 10:19 Gunnar Bender

Kynlífið byrjað hjá laxfiskunum

,,Hrygningin byrjar fyrr hjá löxunum fyrir norðan og austan en fyrir sunnan,“ sagði Þröstur Elliðason sem hefur verið að ná klakfiskum  úr laxveiðiánum sínum Hrútafjarðará, Jöklu og Breiðdalsá síðustu daga.

,,Já, þetta er byrjað eða alveg að byrja þessa dagana. Það sama verður ekki sagt um suðurlandið í veiðiám eins og Elliðaánum. Það er ekki fyrr en í janúar,“ sagði Þröstur og handleik flotta hrygnu úr Hrútafjarðará. Fjör var að byrja, tíminn var kominn.

Nokkru neðar í ánni við Dumbafljótlið var hængur  og hrygna að koma sér fyrir. Kynlífið hjá laxfisknum var næst dagskrá, eins gott að trufla þá ekki mikið. Það skipti miklu máli að aðgerðin heppnaðist. Ég lét mig hverfa.

 

06.okt. 2014 - 12:41 Gunnar Bender

Laxá Í Refasveit gaf 200 laxa

Ein er sú laxveiðiá sem lítið sem ekkert hefur verið talað um í allt sumar og það er Laxá á Refasveit. En nýir leigutakar tóku ána á leigu og fréttir hafa ekki verið margar, nánast bara  engar.

En eftir krókaleiðum komst Veiðipressan í veiðitölurnar en í kringum 200 laxar veiddust í sumar nánast uppá fisk. Sem verður að teljast allt í lagi en fyrsti laxinn á sumri veiddist  í Flaumi en þegar leið  á sumarið fór veiðin að dreifast um ána.

Við sögðum frá því fyrr í sumar að boltalax hefði sést í Göngumannahyl en hann náðist víst ekki á land. En það var reynt mikið í hann en hann tók alls ekki.

04.okt. 2014 - 11:07 Gunnar Bender

Stefán Sig í bullandi samkeppni við Laxá

Heimildir Veiðipressunnar herma að Stefán Sigurðsson að strax eftir að Stefán Sigurðsson sagði upp hjá Laxá hafði hann ætlað að fara í samkeppni meðal annars við Laxá. Enda kemur það berlega í ljós þegar heimasíðan hjá fyrirtæki hans og Hörpu er skoðuð, Iceland Outfitters.

Þetta var bara bullandi samkeppni við Laxá meðal annars, með  stanga- og skotveiði í bland. Stefán sagði í samtali við Veiðipressuna að hann væri að skoða stöðuna.

 

 

03.okt. 2014 - 09:28 Gunnar Bender

Veiðimenn streyma úr stangaveiðinni

Laxveiðin í sumar  hefur oft verið betri, miklu betri,  fullt var af lausum dögum og veiðimenn margir hverjir  ekki fengið  ekki lax. Stangaveiðifélag Reykjavíkur brá á það ráð  fara að selja hálfa daga í Leirvogsá núna í ágúst og september. Sem er reynda ekki galin hugmynd bara vegna þess að veiðileyfin seldust ekki. Leirvogsá var laxveiðiá  þar sem færri komast að en vildu fyrir 5-6 árum. Svona hefur stangveiðin breyst verulega í tímans ráðs,  það er ekki á vísan að róa.

En það er komin upp ný staða, aldrei hafa fleiri veiðimenn hætt í stangveiðinni og farið önnur sport.  Innlendi veiðileyfamarkaðurinn minnkar og minnkar með árunum, það er staðreynd.

,,Auðvitað er margir að hugsa sín mál með veiðina, þetta er dýrt  sport og þegar lítið veiðst verður þetta ekki eins skemmtilegt,“ sagði veiðimaður í vikunni og bætti við að margir af sínum vinum eru hættir í veiðinni og farnir í annað sport. Það er staðan núna, þeir gætu auðvitað komið aftur sagði veiðimaðurinn sem var búinn að fá allavega sjö laxa í  sumar og tvo væna.

Veiðimenn streyma úr sportinu þessa dagana, dýr veiðileyfi og minni veiði. Flóttann verður auðvitað að stoppa, fátt er skemmtilegra en að renna fyrir lax og silung en það verður að vera einhver heilbrú í  málinu. Ekkert bendir til þess að veiðileyfin muni lækka neitt. Þrátt fyrir lélega laxveiði. Það er staðan núna. 

02.okt. 2014 - 16:27 Gunnar Bender

Tommi Za hættur hjá Veiðiflugum

,,Ég byrjaður að vinna hjá Veiðihorninu, stærstu og flottustu veiðibúð landsins og þar fást flottustu merkin,, segir Tommi Za veiðimaður á facebook síðunni sinni í dag, en hann  hætti  fyrir fáum  vikum hjá Veiðiflugum á Langholtsvegi, eftir nokkurra ára vinnu þar.

Þetta er þykja þó nokkur tíðindi í veiðiheiminum að Tommi Za skyldi byrja að vinna þarna af öllum búðunum  í veiðinni. 

01.okt. 2014 - 10:00 Gunnar Bender

Klikkað veður við Andakílsá

,,Það var klikkað veður við Andakílsá,“ sagði leigubílstjóri sem átti leið um Hafnarfjall og uppí Skorradal í gær þegar veðurfarið var sem verst. En þrátt fyrir það voru veiðimenn að veiða síðasta daginn í ánni og veiddi  nokkra laxa.

En Andakílsá endaði í 109 löxum sem verður að teljast verulega slöpp veiði þetta sumarið.

 

 

01.okt. 2014 - 09:57 Gunnar Bender

Hrútafjarðará endaði í 280 löxum

,,Síðustu veiðimennirnir voru að klára veiðina í Hrútafjarðará og veiddu væna fiska, Ármótunum.  þau gáfu  vel af stórfiski í lokin, tvö bolta,“ sagði Þröstur Elliðason sem var með lokatölurnar úr ánni á þessu sumri. En áin endaði í 280 löxum þessa sumarið.

,,Þetta er allt í lagi veiði í Hrútu og áin gaf marga væna fiska. Það veiddust líka 40 bleikjur og sumar voru vænar,“sagði Þröstur í lokin.

29.sep. 2014 - 21:32 Gunnar Bender

Endar Svartá í 300 löxum

Veiðin hefur gengið ágætlega i Svartá  en núna eru komnir næstum 300 laxar og veiðimenn sem voru þarna fyrir skömmu veiddu nokkra laxa.

,,Það voru laxar á nokkrum stöðum, þetta var allt í lagi,“ sagði veiðimaður sem var að koma úr ánni.

 ,,Fórum fyrst í Blöndu og fengum nokkra laxa og síðan í Svartá og fengum líka nokkra laxa,“ sagði veiðimaðurinn.

Lítið hefur frést af Laxá á Refasveit, núll fréttir. En veiðin hefur víst verið góð í henni og veiðimenn sem voru fyrir þó nokkru síðan veiddi 17 laxa og sögðu að töluvert væri að fiski í ánni og sumar vel vænir. Það var víst bolti í Göngumannahylnum en tók ekki neitt. Hann var flykki.

27.sep. 2014 - 16:49 Gunnar Bender

Fangar á Litla-Hrauni fá að fara í veiði Vola

Núna í sumar hefur verið tekið upp sú nýbreytni að leyfa föngum á Litla-Hrauni að fara í veiði Vola, sem er steinsnar frá Litla-Hrauni. En DV greinir frá þessu í daga og fer ítarlega yfir málið. 

Mest veiðist af silungi í Vola en einn og einn lax. Eitthvað hefur veiðst en þetta er nýbreytnin á Hrauninu og fá  fangarnir fá að veiða í ákveðin tíma. Þetta er alls ekki galinn hugmynd og fínt að fá aðeins fjölbreytni í annars litlaust rimlalífið á svæðinu.

Veiðiskapinn geta líka allir stundað, útiveran er góð og stundum tekur fiskurinn. Hugmyndin er langt frá því að vera galin.

27.sep. 2014 - 08:50 Gunnar Bender

Léleg laxveiði alls ekki ávísun á lækkun veiðileyfa

Þótt það sé gaman að veiða þá fer glansinn af veiðiskapnum ef fiskana vantar í árnar. Sumarið 2014 var ömurlegt laxveiðisumar og breytir engu þótt menn reyni að tala það upp - tölurnar segja allt sem segja þarf.

Flugufréttir hafa sett tölur frá Angling.isupp í töflu og greint stöðuna út frá veiði per stöng 2013 og svo 2014. Sumarið 2013 var reyndar mjög gott og fallið er því mikið. Aðeins Svalbarðsá bætir sig á milli ára og Laxá á Ásum og Ormarsá eru á pari. Aðrar ár hrynja og má nefna að veiðin í til að mynda Grímsá, Hítará, Norðurá og Þverá er um eða innan við þriðjungur af því sem hún var í fyrra, Langá skilaði aðeins 21% af því sem veiddist þá og Álftá 14%. Veiði er ekki alls staðar lokið en nú er löngu ljóst að sumarið 2014 var afspyrnuslappt.

Auðvitað er þetta staðan eftir sumarið.laxveiðin var ekki góð. Flugufréttir ræða  aðeins um málið í dag eins og það liggur á borðinu núna.  En þetta hefur gerst áður  að veiðin hefur verið slöpp og ekki hafa veiðileyfin lækkað verulega.

Margar laxveiðiár eru með samninga til marga ára, auðvitað er hægt að fara frammá lækkun.Það verður auðvitað reynt og Veiðipressan hefur heimildir fyrir því að einhverjir séu byrjaðir að semja.  En það virkar bara alls ekki alltaf.  Dýrustu dagarnir í sumar og næsta sumar lækka ekkert, 500-600 þúsund króna dagar. Þeir munu halda verðgildinu, erlendir veiðimenn eru að borga þá. Þeir halda upp verðinu. Það er málið.

,,Ég hef heyrt þetta áður ekkert lækkar,“ sagði veiðimaður sem við ræddum við í dag og sama streng tók annar. É man aldrei neinum risalækkunum, þó veiðin hafi dottið niður í einhverri veiðiánni. Það er bara staðan,“ sagði veiðimaðurinn ennfremur.

En hrunið er mikið, laxinn kom ekki eða kemur allavega ekki úr þessu. Sumar laxveiðiárnar hafa hrundið stjarnfræðilega niður.

26.sep. 2014 - 09:33 Gunnar Bender

Nær ekki Laxá í Dölum tvö hundruð löxum?

Það var enginn draumur að eiga veiðileyfi í Dölunum í sumar, í næstum því flestum laxveiðiánum á svæðinu. Eins og Laxá í Dölum sem aðeins hefur gefið 191 lax og Haukadalsá sem endaði í 183 löxum. En þegar kíkt var í hylinn fyrir ofan veiðihúsið um daginn í Haukadalsá, var hellingur af laxi  þar og ennþá nýir fiskar að koma uppá brotið.

Laxinn kemur kannski bara svona svakalega seint þetta árið. Aldrei að vita. Í Ytri-Rangá eftir að maðkurinn kom aftur úti hefur  hún stungið Eystri-Rangá af en Yrti hefur gefið 2670 laxa en Eystri er með 2440 laxa. Blanda kemur síðan í næsta sæti fyrir neðan, miðað við fjölda laxa.

En ennþá er hægt að veiða fiska. Sumarið er ekki úti ennþá.

24.sep. 2014 - 21:03 Gunnar Bender

Léttleikinn skiptir öllu máli í veiðitúrnum

,,Ég held að þessi veiðimaður eigi metið í sumar, hann hefur ekki fengið lax í sjö veiðitúrnum. Sumar laxveiðiárnar eru ekki að verri endanum sem hann fór í, rándýrar en samt er hann við hestaheilsu og ætlar ekki að selja strangarnir sínar,“ sagði veiðimaður sem var mikið að spá í sumar sem ég hitti.

,,Ætli hann hafi ekki eytt allavega 500-600 þúsund í veiðileyfi og hann missti einn lax annað var það ekki,“ sagði.En sumarið áður veiddi vinur inn 37 laxa svo þetta hefur verið skellur fyrir hann, eftir alla þessa laxa,“ sagði vinurinn sem reyndar lenti ekki í þessu fiskleysi.

Já, er nokkuð til í þessu en veiðin er bara svona. Það skiptir miklu máli að hafa húmorinn í lagi, veiðin er stundum slöpp eins og gengur og gerist. Veiðimenn verða að bíta í það súra epli, einn fiskur eða bara enginn. Það kemur sumar eftir þetta sumar en spurningin er hvort laxinn komi. Það er heila málið sem vilja helst vita en enginn getur svarað. Við skulum sjá til.

 

23.sep. 2014 - 13:23 Gunnar Bender

Þarf ekki að kvarta yfir Staðaránni

,,Það þarf ekki að kvarta í Staðaránni hjá mér, það hefur verið fín veiði, stundum meira segja mok. Veiðin hefur aðeins minnkað eftir að leið á sumarið,“ sagði Gunnar F. Jónsson er við spurðum um heita svæðið í Staðaránni fyrir neðan brúna.

,,Veiðimenn voru að fá stóra fiska á tímabili og þó nokkuð af þeim. Sumarið hefur gott. Núna hefur komið smærri fiskur uppí ána. Vatnasvæði Lýsu hefur gefið 2 laxa og eitthvað af silungi,“ sagði Gunnar ennfremur.

Við fréttum af veiðimönnum sem voru þarna í Staðaránni um daginn og sögðu svæðið skemmtilegt. Þeir fengu fína veiði.

23.sep. 2014 - 10:31 Gunnar Bender

Vatnið frábært í ánni og verður enn betra

,,Við erum búnir að fá tvo tíu  punda og einn minni í dag þetta er bara frábært hérna,“ sagði Siggi Kalli sem var við veiðar í Fossálnum fyrir austan Kirkjubæjarklaustur. En sjóbirtingsveiðin virðist vera að byrja á fullu þessa dagana. og birtingurinn er að mæta á staðinn. Veiðin hefur líka gengið veil  í Jónskvíslinni síðustu tvö daga.

,,Við misstum fjóra væna fiska en vatnið er frábært  i ánni núna og verður ennþá betra á morgun. Það verður veisla á morgun hjá félögunum,“ sagði Siggi Kalli kátur í veiðinni.

22.sep. 2014 - 14:34 Gunnar Bender

Dregur að lokum sumars

Það stefnir í að laxveiðiár Strengja, Jöklusvæðið, Breiðdalsá og Hrútafjarðará endi allar í um 300 löxum hver en það má veiða í þeim öllum til loka september. En það er lítið bókað á næstunni fyrir austan svo það kemur í ljós hvort sú tala náist á þeim slóðum.

Hrútafjarðaráin er aftur á móti fullbókuð til lokadags 30. september.  En ennþá er þó einhver nýr lax að ganga bæði í Breiðdalsá og svo einnig í Kaldá sem er hliðará Jöklu. En Jökla sjálf fór á yfirfall snemma í september líkt og sumarið 2013 en veiði heldur áfram þó í hliðaránum Kaldá, Fögruhlíðará og Laxá.

22.sep. 2014 - 14:04 Gunnar Bender

Glæsilegur endir í Ásunum

 ,,Við Óli Ben voru síðasta daginn í  Laxá á Ásum og fengum 4 laxa, 3 urriða og einn mink,“ sagði Bergþór Pálsson en hann var að loka ánni þetta árið.

,,Það veiddust 1006 laxar þetta sumarið,“ sagði Beggi ennfremur. Lokatölurnar úr Ásunum er góðar og það veiddist vel líka í Ósasvæðinu en þar veiddist hellingur af silungi og allavega 6 laxar. Laxá á Ásum hefur verið stíga upp eftir rólegheit síðustu árin en aðeins veitt á flugu í ánni.

21.sep. 2014 - 13:51 Gunnar Bender

,,Ég var ansi nálægt því að fá fisk"

,,Það var nokkrum sinnum tekið vel í hjá mér sérstaklega ofarlega í Hvolsá á tveimur stöðum og líka  í Staðarhólsánni,“ sagði séra Þór Hauksson prestur í Árbæjarkirkju en hann fór eins og fleiri fisklaus heim eftir veiðiferð í Hvolsá og Staðarhólsá í Dölum. þrátt fyrir heiðarlega tilraun í veiðiskapnum.

En séra Þór hefur ekki riðið feitum hesti frá veiðinni síðustu  árin og en nánast fisklaus þrátt fyrir góða tilburði á bökkum ánna.

,,Ég held að þetta sé að að koma og ég fái bráðum fyrsta fiskinn og líklega fyrsta laxinn. Ég var í fiski enda með tvo góða gæta sem sögðu mér til, allavega annar en hinn hló bara mest annan tímann.  Veiðin er skemmtileg og minn tími í veiðinni mun koma,“ sagði Þór og lét sér í léttu rúmi liggja þó  svo hann væri fisklaus eftir nokkra veiðitúra.

 

21.sep. 2014 - 13:08 Gunnar Bender

,,Þetta var svakalega gaman"

,,Það voru nokkrir fiskar þarna í hylnum og hann tók fljótlega og ég var snöggur að landa honum. Þetta var svakalega gaman,“ sagði Tryggvi Mathiesen hann hann veiddi maríulaxinn sinn í Hvolsá í Dölum í gærdag á maðkinn og var óheppinn skömmu seinna þegar missti á sama veiðistað miklu stærri lax en maríulaxinn.

,,Í hylnum var bæði laxar og bleikjur, sumar vel vænar,“ sagði Tryggvi en hann var sá eini sem veiddi lax í hollinu sem var að hætta í Hvolsá og Staðarhólsá í Dölum.  En árnar hafa gefið 110 laxa og um 300 bleikjur.

 

21.sep. 2014 - 13:02 Gunnar Bender

Árni Baldursson ekkert af skafa af hlutunum

,,Það var hálfgerð jarðarfararstemning á skrifstofunni hjá okkur allt árið 2013. Það er varla hægt að segja að síminn hafi hringt. Nú þegar veiðin er jafnvel verri er brjálað að gera, það er "Wall Street" ástand á skrifstofunni,“ sagði Árni Baldursson í samtali við Flugufréttir um helgina.

Árni sagðist ekki hafa hugmynd um það af hverju veiðimenn bregðast við á þennan hátt. Kannski var ástandið það slæmt að menn trúa ekki að það komi annað viðlíka ár, eða kannski hefur fólk það bara aðeins betra en fyrir einu til tveimur árum.

,,Þessi staða kemur mér á óvart, en árið 2013 var það versta í 28 ára sögu fyrirtækisins. Árið í ár er hins vegar það besta og næsta ár stefnir í að vera jafnvel enn betra." segir Árni Baldursson og ekkert að skafa af hlutnum í samtali við Flugufréttir um helgina.

Einar Sigfússon  sölumaður veiðileyfa í Norðurá  í Borgarfirði talar í  allt öðrum og  í miklu mýkri tón um veiðistöðuna í enn einu viðtalinu í veiðiþætti Morgunblaðsins um helgina . Eða eins og einn veiðimaðurinn orðaði ,,Hann er alltaf í viðtali þarna.“

20.sep. 2014 - 11:13 Gunnar Bender

,,Fiskurinn getur verið vænn"

Veiðin í Svalbarðsá í Þistilfirði hefur verið töluvert betri en fyrir ári síðan en núna eru komnir á milli 320-330 laxar úr ánni. En fyrir ári síðan veiddust 306 laxar. Og laxveiðin hefur verið vænn í ánni í sumar.

,,Það er alltaf gaman að veiða í ánni og fiskurinn getur verið vænn,“ sagði Júlíus Jóhannsson sem var í Svalbarðsá fyrr í sumar og veiddi væna laxa.

Árnar í Þistilfirðinum hafa verið að gefa vel í sumar eins og Sandáin. Og ekki hefur tekist að setja í stóra boltann sem ennþá syndir um ána og fæst alls ekki til að taka agn veiðimanna.

 


Sigurður G. Guðjónsson
Sigurður G. Guðjónsson - 16.10.2014
Réttarhöld í Kastljósi
Hannes Hólmsteinn Gissurarson
Hannes Hólmsteinn Gissurarson - 13.10.2014
Jónas trúgjarnastur? Illgjarnastur!
Hannes Hólmsteinn Gissurarson
Hannes Hólmsteinn Gissurarson - 11.10.2014
Fróðleg ferð til New York
Ágúst Borgþór Sverrisson
Ágúst Borgþór Sverrisson - 18.10.2014
Enginn munur á virkum í athugasemdum og elítunni
Aðsend grein
Aðsend grein - 15.10.2014
Þjófagengi í jakkafötum
Hannes Hólmsteinn Gissurarson
Hannes Hólmsteinn Gissurarson - 17.10.2014
Netið gleymir engu
Brynjar Nielsson
Brynjar Nielsson - 15.10.2014
Ættu að íhuga að fara í annað lið
Hannes Hólmsteinn Gissurarson
Hannes Hólmsteinn Gissurarson - 07.10.2014
Kynni af forsetaframbjóðanda í Brasilíu
Guðlaugur Þór Þórðarson
Guðlaugur Þór Þórðarson - 08.10.2014
Samkeppni er góð, líka í mjólkuriðnaði!
Þórhallur Heimisson
Þórhallur Heimisson - 14.10.2014
Trúarpælingar IV – Jesús, óskilgetinn!
Þórhallur Heimisson
Þórhallur Heimisson - 08.10.2014
Trúarjátningarpælingar
Hannes Hólmsteinn Gissurarson
Hannes Hólmsteinn Gissurarson - 20.10.2014
Sigurjón og Elín sýknuð
Fleiri pressupennar