04. sep. 2012 - 15:30Gunnar Bender

Hellingur eftir af veiðitímabilinu

,Sjóbirtingurinn er farinn að ganga fyrir austan, veiddum nokkra góða í Skaftánni og fengum nokkra nýja laxa fyrir austan líka. Veiðitíminn er langt frá því að vera búinn, það er hellingur eftir,"sagði veiðimaður sem veiddi 7 punda sjóbirtinga og tvo 7 punda laxa, allt nýgengið.

Eitthvað hefur verið að koma af fiski í Laxá í Dölum og fiskurinn sem var í ánni hefur dreift sér um hana. Miðá í Dölum er komin vel yfir 330 laxa og það hefur veiðst hellingur af bleikjum.

,,Auðvitað eru menn súrir en sumarið er ekki búið, veiðitíminn er ekki úti ennþá," sagði veiðimaður sem var í Elliðaánum og hann fékk lax en sleppti honum aftur. Það er um að gera fyrir veiðimenn að sleppa laxinum þessa dagana, það er svo lítið af honum sumstaðar. Það skulum við hafa í hugsa þessa dagana.

 

Mynd. Ástþór Reynir Guðmundsson með sjóbirting úr Húseyjarkvísl sem hefur gefið 100 laxa og helling af silungi.




02.maí 2015 - 22:27 Gunnar Bender

Fyrsta bleikjan komin á land

,,Þetta var skemmtilegt, hún tók í fyrsta kasti fluguna BÍBÍ,“ sagði Þröstur Elliðason leigutaki Breiðdalsár sem veiddi fyrstu bleikjuna á sumrinu við ós árinnar.

 ,, Við sáum fleiri fiska en þeir tóku ekki og þeir voru vænir,“ sagði Þröstur skömmu eftir að fiskurinn kom á land. Bleikjan er greinilega mætt. Hennar tími er komin.

Það er ekki hægt að segja að veðurfarið sé gott það fraus í lykkjunni, en það er spáð aðeins hlýrra. Það eru líka allir að bíða eftir því.

 

02.maí 2015 - 17:57 Gunnar Bender

,,Við erum að byrja veiðina,,

,,Við erum að byrja veiðina hérna í Brunná á eftir. Ég var hérna fyrir skömmu síðan og fengum þá bleikju og urriða,“ sagði  Matthías Hákonarson er við heyrðum í honum á bökkum árinnar.

,,Það eru fáir sem nýta sér vordaga ì Brunnà en þar veiði ég mest à vorin og eru urriðarnir og sjòbirtingarnir margir mjög stórir og sprækar bleikjur líka inn à milli. Einungis er veitt  um helgar í apríl og maí þannig að hver hópur fær ánna vel hvílda,,“ sagði  Matthías ennfremur.

Lausa daga er hægt að finna à aðeins 7500 kr stöngina innà kaupaleyfi.is og veiðivon er töluverð.

01.maí 2015 - 23:38 Gunnar Bender

Rúmur mánuður þangað til laxveiðin byrjar

 Það eru ekki nema rétt mánuður þangað til laxveiðin byrjar í Norðurá, Straumunum og Blöndu.  Fyrstu laxarnir eru að ganga í Hvítá í Borgarfirði þessa dagana , stóru laxarnir en enginn veit hvernig laxveiðin verður í sumar.

Fáir hafa viljað spá fyrir um veiðina. En einn af þeim sem er viss  um veiðina er séra Gunnlaugur Stefánsson formaður veiðifélags Breiðdalsár.

,,Þetta verður gott sumar fyrir veiðimenn, það er mín tilfinning,“ sagði Gunnlaugur og ætlaði að renna eitthvað fyrir lax í sumar.

Tíðarfarið er ekki gott víða ennþá, snjóaði í Breiðdal í morgun og erfitt að hafa áhuga á veiði í þessum kulda. Það átti samt að reyna með kvöldið, það hafi aðeins hlýnað. Það var heila málið.

 

01.maí 2015 - 12:40 Gunnar Bender

Fékk forláta flugustöng og hólk sem afi hans smíðaði

Daníel Máni á Blönduósi fékk betur flotta flugustöng í fermingagjöf um síðustu helgi þegar afi hans Jón Albert Óskarsson gaf honum stöng og hólk sem hann hafði smíðað fyrir fermingarbarnið.

Og þetta vakti ekki neina smá ánægju hjá fermingarbarninu. Handfangið er úr korki, rósavið og hreindýrshorni. Sage stöng (plankinn). Stöngin er svo merkt með nafni Daníels. Nafnið er grafið í hólkinn sem er búinn til úr gegnheilu parket.

Fermingabarnið var rosalega  ánægt með stöngina og mun örugglega reyna hana fljótlega þegar fer að  hlýna í kringum Blönduós og fiskurinn að taka.

 


29.apr. 2015 - 09:59 Gunnar Bender

Hótelstýra með veiðibakteríu

Gyða Sigríður Einarssdóttir hefur tekið við rekstri Hótel Húnavalla. Fyrir hana er svæðið tilvalið enda má segja að hótelið sé í hjarta veiðiparadísar fyrir norðan. Við hittum Gyðu og tókum hana tali.

„Þetta verður vonandi bara skemmtilegt að taka við hótelinu á Húnavöllum yfir sumar tímann, en ég búin að fá það til leigu næstu tíu árin. Þarna er stutt í alvöru veiði," sagði Gyða Sigríður Einarsdóttir í samtali, þegar styttist í veiðina og veiðisumarið.

Gyða Sigríður er ein af þeim sem þykir gaman að renna fyrir lax og veiða silung en hún hefur veitt marga sjóbirtinga og nokkra laxa í gegnum árin, vítt og breitt
um landið.

„Staðurinn er fallegur og stutt í veiðilendur, t.d. út á Skaga, en þar eru mörg góð veiðivötn og lækir. Einnig er stutt i vötn eins og Hópið, Laxárvatn og Svínavatn sem eru stutt frá hótelinu.Laxveiðiár eru allt í kring þarna og má þar nefna ár eins og Blanda, Laxá Refasveit, Svartá, Laxá á Ásum, Vatndalsá og Víðidalsá svo dæmi séu tekin. Svæðið hefur upp á mikla möguleika að bjóða og stutt í náttúruna, hvort sem það er veiðiskapur eða annað skemmtilegt."

Heldurðu að þú komist eitthvað í veiði samhliða hótelrekstrinum?

„Ég mun örugglega skreppa með synina að veiða og þá líklega í silung, jafnvel út á Skaga eða inn í Langadal í Móbergstjörnina, en þar er gaman að renna fyrir bleikjur hefur mér verið sagt og mig langar til að prófa,” sagði Gyða Sigríður.

„Ég reyni alltaf að fara að veiða á hverju sumri í laxi enda veiði skemmtileg," sagði Gyða og laumaði að okkur einni veiðisögu í lokin en sögusviðið er Grenilækur.

,,Mér dettur þessi veiðisaga núna  þar sem við veiddum í svarta myrkri. Þetta var í október, rétt fyrir lokun veiðitímabilsins í sjóbirtingnum, fyrir 18 árum síðan. Við vorum tvö að veiða með og áttum saman tvær stangir í Grenilæk. Það var mjög kalt þennan dag, hvít jörð um morguninn og ýmist rigning eða slydda yfir daginn. Við urðum lítið vör yfir daginn og ákváðum að færa okkur upp efsta veiðistaðinn á svæði fimm, Hávarðarhyl, undir kvöld í ljósaskiptunum. Strax í fyrsta kasti var sjóbirtingur á og þannig gekk þetta í rúma klukkustund og sumir létu virkilega hafa fyrir sér með löngum löndunartíma og miklum sporða köstum. Við notuðum bílljósin til að hafa einhverja birtu síðasta klukkutímann í fjörinu. Þetta er klárlega aflamet hjá mér á skömmum tíma og var stærstisjóbirtingurinn var 13 pund” sagði," Gyða Sigríður að lokum.

Á Húnavöllum er boðið upp á gistingu í 28 herbergjum ásamt svefnpokaplássi í sameiginlegu rými. Tjaldstæði, útisundlaug, heitur pottur, leiksvæði fyrir börn, úti sparkvöllur og íþróttahús sem mikið er notað fyrir ættarmót, er á staðnum.
29.apr. 2015 - 09:49 Gunnar Bender

Síðasta opna húsið hjá SVFR

Eftir rúma viku verður síðasta opna húsið hjá Stangaveiðifélagi Reykjavíkur og þar mun Ingvi Hrafn Jónsson sjónvarpsstjóri renna í gegnum Langá á Mýrum  eins og honum er einum lagið.

En Ingvi Hrafn þekkir Langá manna best eftir að hafa veitt og leigt ána til fjölda ára. Enda hafa fáir séð eins marga laxa í ánni í gengum tíðina og Ingvi Hrafn. Frásögin verður örugglega krydduð með mörgum góðum veiðisögum af bökkum árinnar. Við höfum líka heyrt að talað verði fram og til baka um Haukadalsá í Dölum á þessu síðasta húsi.

26.apr. 2015 - 12:47 Gunnar Bender

Kuldatíðin stöðvar ekki veiðimennina

Þrátt fyrir kuldatíð og áframhaldandi sömu spá. stoppar það ekki veiðimenn. Veiðimenn hafa verið duglegir á Þingvöllum og veiðin  hefur verið allt í lagi.

,,Ég var fyrir fáum dögum og veiddi fjóra en það var kalt, tveir voru yfir 10 pund,“ sagði veiðimaður sem ég hitti á förnum vegi. Í Þorsteinsvík hefur gengið ágætlega og nokkrir vænir komnir á land.

Fáir voru við Elliðavatn í fyrradag einn og einn en veiðin var ekki mikil. Við Hlíðarvatn í Selvogi var verið að tína rusl og renna aðeins um helgina. Veiðin byrjar þar 1.maí formlega. 

 

24.apr. 2015 - 10:44 Gunnar Bender

Landssamband Stangaveiðifélaga hefur sent ráðherra harðort bréf

Landssamband stangaveiðifélaga (LS) vill með bréfi þessu koma á fram færi sjónarmiðum sínum varðandi dreifingu norskra laxastofna hér á landi, meðal annars vegna fyrirhugaðs laxeldis í Ísafjarðardjúpi og Eyjafirði.

Þann 24. mars 2015 sendi Landssamband veiðifélaga þér bréf þar sem gerð er krafa um að lokað verði fyrir eldi á norskum eldislaxi í Eyjafirði og Ísafjarðardjúpi.  Í bréfinu er vísað til samkomulags frá október 1988 sem stjórnvöld og allir hagsmunaaðilar stóðu að með undirritun sinni.  Landssamband stangaveiðifélaga var aðili að þessu samkomulagi og tekur undir allar kröfur Landssambands veiðifélaga sem fram koma í bréfi þeirra.  Landssamband stangaveiðifélaga krefst þess að samkomulagið verði virt og að Eyjafirði og Ísafjarðardjúpi verði lokað fyrir eldi á laxi af norskum uppruna.

Nýlegt dæmi þar sem laxar sluppu úr kvíum á Vestfjörðum og veiddust í Patreksfirði í júlí 2014 sýnir að lítið má út af bregða ef ekki á illa að fara. Skýrsla Veiðimálastofnunar frá því í september sama ár staðfestir að þeir tugir laxar sem voru rannsakaðir voru allir með nokkuð þroskaða kynkirtla og virðast flestir hafa stefnt á hrygningu það haustið. Þetta eru váleg tíðindi, ekki þarf að fjölyrða um afleiðingarnar ef kynblöndun norskra eldislaxa og íslenska laxastofnsins yrði að veruleika. Fjöldi laxa sem sluppu í þessu tilfelli eru á reiki, ekki er loku fyrir það skotið að þeir skipti þúsundum og eigi jafnvel eftir að sjást á svipuðum slóðum í sumar.

Oft er sagt að náttúran eigi að njóta vafans, það á svo sannarlega við í þessu efni. Við gerum þá lágmarkskröfu til stjórnvalda að ráðuneytið virði það samkomulag sem við stóðum að í góðri trú og fulltrúi ráðuneytisins undirritaði ásamt öllum hagsmunaaðilum.  Með lokun þeirra svæða sem að framan greinir fyrir eldi á frjóum norskum laxi er stigið skref í þá átt að vernda íslenska laxastofna.  Sú skylda hvílir lögum samkvæmt einnig á stjórnvöldum.

 
F.h. Landssambands stangaveiðifélaga
Viktor Guðmundsson formaður LS
23.apr. 2015 - 13:21 Gunnar Bender

Kalt við Elliðavatn – fiskar ekki í tökustuði

Veiðimenn eiga góðar minningar frá veiðum í Elliðavatni og þar hefja margir þeirra veiðiferillinn. Það var einmitt í morgun sem vatnaði var opnað formlega á þessu tímabili. Nokkrir veiðimenn voru mættir á staðinn þegar fréttamann bar að garði. Það var létt yfir mönnum þrátt fyrir kuldann, menn báru sig vel og fannst fyrir mestu að draga fram veiðigræjurnar og renna fyrir fisk.

,,Ég er búinn að vera út á engjunum í allavega tvo tíma en ekki orðið var ennþá, það er alls ekki ekki svo kalt,, sagði Daníel Karl Egilsson, sem var við veiðar í Elliðavatni í morgun en var ennþá fisklaust þegar við hittum hann.,

Daníel Karl sagði Útiveruna góða og hann ætlaði að reyna annarsstaðar í vatninu," sagði veiðimaðurinn  og hélt á aðrar slóðir við vatnið.

Þegar við komum við vatnið voru ekki margir kannski 6-7 að veiða, reyna en fiskurinn var alls ekki í tökustuði enda ekki nema þriggja stiga hiti við vatnið. Geir Thorsteinsson var á þessum slóðum snemma í morgun og veiddi fimm góða fiska. Það var aðeins veiði.En hvar var sumarið?

 

23.apr. 2015 - 13:07 Gunnar Bender

Bleikjustofninn er að styrkjast

,,Brúará hefur ekki verið uppá sitt besta fyrsta mánuð veiðitímabilsins. Hún hefur verið vatnsmikil og lituð,“ sagði veiðimaðurinn Árni Kristinn Skúlason , er við spurðum hann um Brúará og veiðina í sumar þar.

,,En fiskurinn tekur þrátt fyrir að aðstæður séu slæmar, hvítar straumflugur hafa gefið mér vel þegar áin er lituð. Oft er best að veiða djúpt og láta fluguna sleikja botninn. Þau svæði sem gefa helst fiska í þessum aðstæðum að mínu mati eru Hrafnaklettar, út frá vatnsmælinum og Breiðbakki

Ekki vera að veiða bara á svæðum sem eru lamin nær stanslaust allt tímabilið. Ég veiði sjálfur best í svæðinu í kringum Dynjanda, frá beygjunni fyrir ofan hann og alveg niður að Hrafnaklettum. Þar eru fullt af strengjum og hyljum sem geyma alltaf fiska.

En ég er mjög bjartsýnn á sumarið. Um leið og það byrjar að hlýna og áin hreinsar sig byrjar bleikjan að taka. Bleikjustofninn er að styrkjast með hverju ári að mínu mati og hvet ég alla veiðimenn sem eiga leið í Brúará að sleppa öllum stórum bleikjum til að hjálpa stofninum að stækka,"sagði Árni Skúli ennfremur.

 

22.apr. 2015 - 16:17 Gunnar Bender

Veiðin byrjar í Elliðavatni í fyrramálið

Veiðin byrjar klukkan sjö í fyrramálið í Elliðavatni og eiga veiðimenn örugglega eftir að fjölmenna þrátt fyrir kalda spá á morgun og næstu daga. Elliðavatn var alltaf opnað 1.maí en nú hefur því verið breytt og það er sumardagurinn fyrsti. Það eru kannski ekki allir að fýla það en veiðin er að byrja og það er fyrir mestu fyrir alla.

Eitthvað hefur verið að togast upp úr Vífilsstaðavatni og líka Kleifarvatni þrátt fyrir erfiðar aðstæður við vatnið. Einn og einn góður silungur á stöngina. Veiðimenn voru í Meðalfellsvatni og fengu en ekki stóra.

Ungir og áhugasamir veiðimenn við Elliðavatn, Aron Eiríksson, Ingvar Skúlason og Viktor Sigurðsson. Mynd. G.Bender

21.apr. 2015 - 16:34 Gunnar Bender

Spáð er skítakulda næstu daga

Þeir voru margir sem ætluðu að renna fyrir silung á allra næstu dögum, bæði á Þingvöllum og síðan opnar Elliðavatnið á sumardaginn fyrsta. En veðurspáin er allt annað en góð, það er spáð skítakulda kringum sumardaginn fyrsta.

,,Við ætlum að kíkja á Þingvelli," sagði Hugó Bender, veiðimaður með mikla  veiðidellu og margir ætla að kíkja upp að Elliðavatni og taka úr sér hrollinn eða fá hroll í kroppinn. 

Í gær voru  þó nokkir veiðimenn á Þingvöllum að reyna en veiðin gekk rólega. Fiskurinn var alls ekki í neinu tökustuði, kannski ekki skrítið. En það var reynt og það fyrir mestu. Þá er von.

Á myndinni er Halldór Gunnarsson með 67cm sjóbirting af köldum bökkum Varmár. Veðurspáin næstu daga er ekki góð.

20.apr. 2015 - 21:30 Gunnar Bender

Fyrstu fiskarnir komnir á land í Þingvallavatni

Veiðin byrjaði í Þingvallavatni  í morgun og voru veiðimenn snemma á fótum sumir hverjir enda margir sem ekki  hafa  alls ekki getað beðið mikið lengur. Aðstæður við vatnið hefur aðeins lagast og ísinn á hröðu undan haldi en því er spáð að það kólni verulega  í vikunni.

En veiðimenn kalla ekki allt ömmu sína og láta sig hafa þetta. Fyrstu fiskarnir eru komnir á land í vatninu, en veiðimaðurinn Rasmus var á fleygiferð í morgun í frekar leiðinlegu veðri. Hann var búinn að fá tvo þegar hann var myndaður við vatnið.

19.apr. 2015 - 20:13 Gunnar Bender

Gæti orðið erfitt að veiða á Þingvöllum á morgun

 Veiðin byrjar á Þingvöllum á morgun og aðstæður hafa oft verið  miklu betri en núna eftir mikla kuldatíð í vetur. En eins og sést inná síðunni hjá Veiðikortinu í dag er mikill ís á vatninu ennþá en staðan er  best  líklega við Arnarfellið. Já, mikill ís er ennþá á vatninu en stendur vonandi til bóta.

 ,,Ég kíkti aðeins á vatnið í vikunni og það var hellingur af ís víða en vakir,“ sagði Atli Arason einn af þeim sem ætlar að renna fyrir fisk á fyrstu dögunum sem það má. Biðin er allavega á enda það þarf bara að koma flugunni niður um ísinn.

 

16.apr. 2015 - 14:15 Gunnar Bender

Skiptir öllu máli að hafa góðan leiðsögumann

Það sem skiptir öllu máli i veiðinni þegar veiðimenn eru að reyna nýjar laxveiðiár er að hafa góðan leiðsögumann sem þekkir ána. En ekki að vaða á stað og eyða næstum öllum tímanum í að leita af ánni og fá ekki neitt Í gegnum tíðina höfum við  eignast marga góða leiðsögumenn, sem þekkja laxveiðiána og halda  tryggð við þær. Þekkja hvern hyl og stein í ánni.

Ég man eftir að fyrir mörgum árum fór ég í Hallá við Skagaströnd við þriðja mann og áttum alla ána. Við  fengum stór stórkostlegan  veiðimann á Skagaströnd, Bernódus Ólafsson til að sýna okkur hana eftir hádegi eftir að við höfum ekki séð bröndu í henni fyrir hádegi og vorum á leiðinni heim. En Benni sýndi okkur ána og á flestum stöðum voru laxar og við fengum laxa. Það skiptir miklu að láta segja sér til og það skilar sér margfalt. Þetta eiga menn að hafa í huga. góður leiðsögumaður skiptir öllu máli.

14.apr. 2015 - 19:07 Gunnar Bender

Fengu 35 fiska - áin orðin lituð

,,Við vorum að koma úr Geirlandsánni í dag, búnir að vera að síðan á laugardaginn," sagði Hilmar Jónasson sem var veiðislóðum síðustu daga.

,,Túrinn byrjaði kaldur i byyrjun með miklum vindi og gerði það okkur ansi erfitt fyrir fyrsta daginn en takan var þó þokkaleg og komu nokkrir á land þá.  Sunnudagurinn var mun betri veðurfarslega og jókst þá takan, það birti vel og hlýnaði og gekk allt betur hjá mönnum og fiski en hann fór greinilega á hreyfingu.  Helstu staðir hjá okkur voru Ármót og Húshylur. Áin var svo í miklum vexti í morgun og var orðin lituð þegar við fórum.Við enduðum í ca. 35 fiskum og var þar stór fiskur í meirihluta, við vorum að taka töluvert af fiski 75-90 cm, virkilega gaman.  Flugurnar voru helstar lítil flæðamús og black ghost, allt frekar klassískt í þeim efnum," sagði Hilmar ennfremur

13.apr. 2015 - 13:24 Gunnar Bender

Kuldalegt við Grímsá í Borgarfirði

,,Við byrjuðum veiðina um klukkan 10 fyrir hádegi og  veðrið var ágætt til að byrja með en versnaði eftir sem leið á daginn og við hættum um fjögur leytið,"sagði  Sigurður Kristjánsson sem var við veiðar í Grímsá í Borgafirði fyrir fáum dögum.

,,Þá  vorum við búnir að landa níu sjóbirtingum og setja í töluvert fleiri. Við veiddum á margskonar straumflugur en birtingurinn virtist helst vilja bjartari liti, svosem appelsínugult, rautt og hvítt. Fiskurinn var á bilinu 45 – 55 cm og skemmtilegur viðureignar. Vorum mest á neðstu veiðistöðunum því það var skjólsælla þar en á efri stöðunum," sagði Sigurður ennfremur

Meðfylgjandi myndir tók Róbert Cabrera.

13.apr. 2015 - 13:19 Gunnar Bender

Fallegt við Tungulækinn - mynd dagsins

Það er víða fallegt við Tungulækinn fyrir austan, en hann rennur út í Skaftána og hefur gefið helling af fiski þar sem af er. Halldór Ólafur Halldórsson við veiðar í læknum fyrir fáum dögum. Mynd G.Bender
11.apr. 2015 - 16:32 Gunnar Bender

,,Eigum eftir að koma þarna aftur"

Veðurfarið hefur verið allt annað en gott síðustu daga, umhleypingar og skítatíð en það stendur allt til bóta. Það á að hlýna og það skiptir miklu fyrir marga, ekki bara veiðimenn, heldur  alla landsmenn. Og það er verið að berja hinar og þessar ár þessa dagana.

,,Við fengum allar tegundir af veðri, snjó á degi tvö og mikinn vind. rosalegan vind á degi þrjú og síðan logn og sól á degi fjögur,“  sagði Óskar Bjarnason sem var í Húseyjarkvísl fyrir fáum dögum. 

,,Við fengum og 26 fiska. marga á milli 60 – 70 cm og nokkra yfir 70 cm. Líka nokkra staðbundna frá 40 - 56 cm. Frábær veiði,sökklínur og flotlínur með sink tip. blackghost aðallega og svo nokkrar heimatilbúnar með hvítu í. Rosalega skemmtileg á og geðveikir fiskar,sterkir. Frábært veiðihús og öll aðstaða. Eigum eftir að koma þarna aftur,,“sagði Óskar ennfremur.

11.apr. 2015 - 08:32 Gunnar Bender

,,Fæ yfirleitt fisk á þessum stað“

Veiðin í Tungulæk hefur verið mjög góð síðan lækurinn opnaði og margir vænir fiskar komið á land, Þrátt fyrir kulda og trekk hafa veiðimenn verið að fá góða veiði. 

 ,,Þetta er fyrsti fiskurinn í sumar, þriggja punda sjóbirtingur og það var gaman að veiða hérna,“ sagði Jón Skelfir  goðsögnin í veiðinni sem var við veiðar í Tungulæk í vikunni  og  hann  veiddi  þar fyrsta fiskinn  sinn í sumar  í kulda og trekki.

 ,,Ég fæ yfirleitt alltaf fisk hérna á þessum stað þegar ég hef rennt hérna, staðurinn er góður,, sagði Jón ennfremur og hélt áfram að kasta flugunni. Fiskurinn var að vaka. en  takan var ekki mikil.