07. sep. 2017 - 10:00Kynning

Le Kock: „Við eldum mat sem kokkar vilja borða“

Frá vinstri: Karl Óskar Smárason, Knútur Hreiðarsson og Markús Ingi Guðnason

Frá vinstri: Karl Óskar Smárason, Knútur Hreiðarsson og Markús Ingi Guðnason

Le Kock er nýlegur staður í Ármúla 42 sem sérhæfir sig í götumat eða því sem á ensku er kallað Street Food. Þrír matreiðslumeistarar sem allir eiga sér bakgrunn á fínum veitingastöðum eiga og reka staðinn og búa þar til frá grunni hamborgara, samlokur og kleinuhringi.

Þetta er matur sem í hugum margra flokkast undir skyndibita en á Le Kock er kappkostað að vinna allan mat frá grunni og hafa einungis í honum ferskt gæðahráefni. Árangurinn er sá að máltíðin er ávallt upplifun og þannig á það að vera þegar um alvöru „Street Food“ er að ræða:

„Street Food erlendis er upplifun, matur með persónulegu yfirbragði. Engar keðjur heldur litlir, fjölskyldureknir staðir og allur matur unninn frá grunni. Við Íslendingar þurfum að komast á þessar heilbrigðu slóðir í okkar matarmenningu,“ segir Knútur Hreiðarsson, einn þriggja eigenda staðarins.

Knútur lærði sín kokkafræði á Hótel Holti og er því hér kominn í allt öðruvísi umhverfi, sem hann hefur skapað sjálfur, ásamt þeim Karli Óskari Smárasyni og Markúsi Inga Guðnasyni. Karl Óskar var skólaður á Vox og Markús, sem lærði sín fræði í Bandaríkjunum, starfaði á hinum fræga stað Koks í Færeyjum en sá staður hlaut Michelin-stjörnu og segir Knútur að Markús hafi átt stóran þátt í þeim merka áfanga. Samanlagt hafa þeir félagar 30 ára reynslu af störfum í eldhúsum veitingahúsa.

„Við komu úr allt annarri átt en þeirri sem við höfum farið með þennan stað í. Núna erum við að elda matinn sem okkur sjálfa langar til að borða. Við höfum alltaf verið að vinna fyrir aðra og vissulega hefur það verið áhugavert sem við höfum verið að gera þar, en þetta er það sem við sjálfir erum spenntastir fyrir. Þetta er maturinn sem okkur langar til að elda og við eldum mat sem kokkar vilja borða,“ segir Knútur.

 

Hamborgarar og samlokur eru borin fram í hamborgarabrauði staðarins, sem er kartöflubrauð

Hann segir að Le Kock byggi alfarið á hugmyndafræðinni um götumat – Street Food – og þetta sé matur sem hægt væri að bera fram úr matarvagni. „Upphaflega ætluðum við að hafa þetta matarvagn, en þessi niðurstaða, að opna stað hérna í Ármúlanum, reyndist raunhæfari. En hugmyndin um matarvagn er alls ekki út af borðinu og kann að verða næsta skref.“

Áhersla á gott vinnuumhverfi

Le Kock var opnaður í júní og segir Knútur að viðtökurnar hafi farið fram úr björtustu vonum:

„Það er búið að vera bókstaflega allt brjálað að gera. Bara hérna í dag, á þriðjudegi, þá var biðröð út á götu í hádeginu,“ segir Knútur. Hann segir að það sé langmest að gera í hádeginu en kvöldverðartíminn sé líka að taka við sér. En klárlega hefur Le Kock slegið í gegn sem hádegisverðarstaður hjá vinnandi fólki á þessu líflega svæði í borginni, í kringum Ármúla, Síðumúla, Skeifuna og víðar.

Le Kock er opinn mánudaga-laugardaga frá kl. 11:30 til 21:00, en lokað er á sunnudögum. Eldhúsið er síðan lokað í tvo tíma í eftirmiðdaginn, frá kl. 15 til 17, en þá er hvíldartími starfsfólks. Staðurinn er samt opinn þann tíma og boðið upp á kleinuhringi sem búnir eru til á staðnum.

„Okkar trú er sú að til að starfsfólkið sýni sitt besta þá þurfi því að líða vel hjá okkur. Til að svo geti orðið þarf það að fá sinn tíma til að setjast niður, borða og slaka á. Við eigendurnir tökum þá afgreiðsluna á meðan. Ef maður er að vinna með fólki í 12 tíma á dag er mikilvægt að skapa fjölskylduvænt umhverfi.“

Kleinuhringirnir á Le Kock eru bakaðir á staðnum

Knútur segir að erfitt sé að fá gott þjónustufólk til starfa í veitingageiranum og því sé mjög mikilvægt að skapa fólki gott vinnuumhverfi til að halda í besta fólkið og fá það til að sýna sínar bestu hliðar:

„Við viljum ekki láta græðgina blinda okkur og freista þess að kreista út nokkra þúsundkalla í viðbót í veltu með því að bjóða upp á heitan mat á þessum tíma dags. Það margborgar sig að hafa úthvíldara og ánægðara starfsfólk, sem getur kúplað sig út hluta af deginum og hlaðið batteríin,“ segir Knútur.

Kartöflubrauð bakað á staðnum og ýmis önnur sérstaða

Ljóst er að Knútur og félagar eru að gera eitthvað rétt því Reykvíkingar eru sólgnir í matinn á Le Kock. Áhersla á ferskleika og persónulega matargerð gerir máltíðina að upplifun. Í boði eru tvær gerðir af hamborgurum og fjórar af samlokum auk kleinuhringja sem gerðir eru á staðnum. Hamborgararnir og samlokurnar eru borin fram í sérstöku hamborgarabrauði sem þeir félagar baka, svokölluðu kartöflubrauði.

Allar sósur eru búnar til á staðnum og það sama gildir um öll krydd sem þarna er að finna í kryddstaukum. Mikil áhersla er lögð á ferskleika alls hráefnis og grænmetið kemur frá Flúðum:

„Fjölskylda Kalla er með gróðurhús þar og við leggjum áherslu á að taka bara svokallað „ljótt“ grænmeti, þ.e.a.s. grænmeti sem annars væri hent vegna útlitsgalla. Þetta grænmeti er yfirleitt miklu betra og með þessu vinnum við gegn matarsóun,“ segir Knútur.

Þeir félagar leggja mikla áherslu á umhverfisvæna starfshætti, allt sorp er flokkað á Le Kock og eingöngu er notast við lífrænar umbúðir.

Spurður hver sé vinsælasti rétturinn á Le Kock segir Knútur að það sé annar hamborgararétturinn: „Hann heitir því sérstaka nafni Tilboð frá síðustu öld. Ég er ekki feiminn við að viðurkenna að við sækjum þar innblástur í Hamborgarabúlluna. En með djúpri virðingu fyrir henni þá tökum við borgarann á annan stað með því að hafa enn meiri gæði í hráefninu, en um leið er okkar borgari dálítið dýrari.“

Knútur lætur þess getið í lokin að merki staðarins og heitið Le Kock hafi ekkert að gera með kjúkling. „Haninn er signature fyrir franska matreiðslu og fyrir fína matreiðslu yfirleitt. Með þessu viljum við undirstrika að við erum matreiðslumeistarar þó að við séum að bjóða fólki upp á fljótlegan og hverdagslegan mat.“




19.nóv. 2017 - 17:30

Fimm ástæður til að drekka kaffi

Næringarfræðingurinn og rithöfundurinn Glenn Matten vill hreinsa kaffi af ásökunum um að vera óhollt fyrir heilsuna. Í grein sem hann ritar á Huffington Post segir hann það allt of algengt að öfgafullir næringarfræðingar hendi fram vandræðalegum staðreyndum um neysluvenjur, hvað sé að best að innbyrða og hvað beri að forðast.
19.nóv. 2017 - 15:00

Töfrafræin ótrúlegu

Chia-fræ hafa verið vinsæl meðal þeirra sem hugsa um heilsuna enda eru þau talin í hópi tíu öflugustu ofurfæðutegunda heims en einnig eru þau sögð vera eitt best geyma leyndarmál næringarfræðinnar. Tilurð fræjanna er talið mega rekja allt aftur til 3.500 fyrir Krist en þau eru talin hafa verið hluti af fæðu Maja og Asteka. 
19.nóv. 2017 - 12:00

Hvernig eldar maður lax í uppþvottavél?

Í bókinni, Þú ert snillingur. Heilræðabók um hvernig við getum einfaldað daglegt líf okkar og um leið sparað stórfé, er að finna ótal heilræði, allt frá því að elda lax í uppþvottavélinni í það hvernig góðra vina fundir geta styrkt ónæmiskerfið.
18.nóv. 2017 - 21:00

Þessi matur hjálpar þér að sofna

Sértu í vafa um hvort þú eigir að fá þér bita á kvöldin fyrir svefninn þá eru hér fimm matvæli sem gætu hjálpað. Kirsuber eru náttúruleg uppspretta hormónsins melatóníns sem stýrir lífklukku okkar og þar með svefni.
18.nóv. 2017 - 20:00

10 mýtur um koffínneyslu

Það er spurning hvort kaffidrykkja sé góð til að koma okkur af stað aftur eða hvort hún sé hreinlega heilsuskaðleg. Í Politiken eru settar fram nokkrar mýtur um koffín og Marta Axestad Petersen, vísindamaður hjá Matvælastofnun Danmerkur, var fengin til að meta þær.
18.nóv. 2017 - 13:30 Sælkerapressan

Twix bollakökur sem gera mann brjálaðan

Ókei, það er reyndar ekki neitt Twix súkkulaði í þessum bollakökum. En ástæðan fyrir því að ég held því fram að þetta séu Twix bollakökur er einfaldlega út af því að tilfinningin að bíta í þær er eins og að bíta í Twix.
13.nóv. 2017 - 10:00

12 leiðir til að nýta örbylgjuofninn

Flest notum við örbylgjuofninn aðeins til að hita upp afganga og poppa. Það er synd að láta þetta stóra eldhústæki standa óhreyft þess á milli því örbylgjuofnar eru til margra hluta nytsamlegir. Til dæmis er hægt að baka kartöflur, bræða súkkulaði, gufusjóða gulrætur og sitthvað fleira í þessu ágæta tæki.
09.nóv. 2017 - 09:56

Ekki búa til heilsudrykki

Með því að borða nægilega mikið af trefjaríkum mat minnkum við hættu á sjúkdómum eins og sykursýki, hjartasjúkdómum og vissum tegundum krabbameins. Rannsóknir sýna einnig að trefjarík fæða hjálpar til við að halda líkamsþyngdinni í skefjum þar sem hún er mettandi.
08.nóv. 2017 - 18:30

Ekki geyma tómatana í ísskápnum

Tómatar eru ákaflega viðkvæmir fyrir kæliskemmdum og þá má ekki geyma í kæli. Besti geymsluhiti tómata er 10-12°C. Tómatar sem verða fyrir kæliskemmdum verða fljótt linir og bragðlitlir, því er ekki gott að geyma þá í ísskápnum.
05.nóv. 2017 - 14:30

Hin fullkomna bakaða kartafla

1.Þvoðu kartöflurnar vel og vandlega með volgu vatni. Skrúbbaðu öll óhreinindi í burtu og það sem kann að vera laust af hýðinu.

31.okt. 2017 - 17:30 Sælkerapressan

Einfalt og barnvænt hrekkjavöku gotterí

Nú er Hrekkjavakan á næsta leiti og margir sem ég þekki sem halda upp á þá hátíð. Vinkona mín ein sendi mér skilaboð í gær og bað vinsamlegast um hjálp við veitingar í Hrekkjavökuteiti sem hún stendur fyrir.
22.okt. 2017 - 16:00 Sælkerapressan

Þrefaldar súkkulaðibitakökur

Eitt af því sem ég bakaði alltaf fyrir jólin með móður minni þegar ég var yngri voru súkkulaðibitakökur. Einstaklega einfaldar kökur sem standa alltaf fyrir sínu en uppskriftina að þeim má finna hér. Ég mæli hiklaust með þessari uppskrift því hún er afar einföld – alveg eins og gömlu, góðu súkkulaðibitakökurnar.

21.okt. 2017 - 17:00 Sælkerapressan

Snúðar með kærkiberjum og sultu

Jæja. Ég setti það í dóm Snapchat-hersins míns um daginn hvort ég ætti að búa til snúða úr krækiberjunum mínum eða ostaköku. Snúðar höfðu vinninginn þannig að ég gat ekki skorast undan þeirri áskorun.
02.okt. 2017 - 17:00 Sælkerapressan

Krækiberjaís sem hressir, bætir og kætir

Jæja, krakkar. Ég er ekki enn búin með öll krækiberin mín! Ég er samt að reyna eins og ég get að töfra fram dásamlegar krækiberjakræsingar í hverri viku en það er eins og það bætist alltaf við í dunkinn! En, nóg um það. Ég verð að segja ykkur frá þessum krækiberjaís sem ég dúndraði í um helgina!
28.sep. 2017 - 15:00 Sælkerapressan

Snickers-kleinuhringjakaka

Nei þetta er sko ekki grín! Ég bakaði í alvöru kleinuhringjaköku! Þessi kaka er pínu maus en ef ykkur langar að gera svipað en meikið ekki vesenið þá getið þið keypt allt tilbúið út í búð og bara sett hana saman. Hér erum við sem sagt að tala um Snickers-kleinuhringi, súkkulaðibúðing, smjörkrem með súkkulaði og hnetusmjöri, Snickers-sósu og fullt, fullt af Snickers! Eigum við ekki bara að fá uppskriftina? Hún er tryllt!
26.sep. 2017 - 21:30 Sælkerapressan

Unaðslegar og dúnmjúkar krækiberjamúffur

Eins og ég sagði ykkur frá um daginn, þá fór ég í berjamó ekki fyrir svo löngu síðan þar sem týnd voru krækiber. Og nóg af þeim! Ég hef því verið dugleg að láta hugann reika um hvernig ég geti nýtt þessi yndislegu ber í baksturinn. Og þannig fæddust þessar krækiberjamúffur.
22.sep. 2017 - 14:30 Sælkerapressan

Hveitilaus krækiberjakaka

Ég átti afmæli um daginn (til hamingju ég!) og ákvað að skella í eina krækiberjaköku á afmælisdaginn þar sem ég var nýbúin í berjamó. Mál þróuðust þannig að þessi kaka varð hveitilaus. Ekki spyrja mig af hverju en ég var í einhverju heilsustuði þennan dag. Þessi kaka er meira að segja glútenlaus og lítið mál að gera hana vegan!

16.sep. 2017 - 18:00 Akureyri vikublað

Íslendingar sjaldséðir hvítir hrafnar

Fyrirtæki Jökuls Bergmanns, Arctic Heli Skiing, hlaut á dögunum tilnefningu sem besta þyrluskíðafyrirtæki heims. Jökull Bergmann segir hér frá tilnefningunni og deilir um leið uppáhaldsuppskriftunum sínum.
10.sep. 2017 - 18:00 Bleikt

Lífið er of stutt til að borða leiðinlegan mat

„Lífið er of stutt til að borða leiðinlegan mat,“ eru einkunnarorð Jose, sem er 16 ára veganisti. Á Instagram birtir hann myndir af litríkum, fallegum og að því er virðist ljúffengum vegandiskum, morgunmat og eftirréttum. Smoothies og raw ostakökur eru á meðal rétta, frosnir ávextir eru bæði aðalhráefnið og notaðir sem skraut. Rjómalöguð og fersk áferð er aðalsmerkið, auk þess sem réttirnir eru einstaklega litríkir.
10.sep. 2017 - 13:30 Sælkerapressan

Eftirréttur allra eftirrétta

Eins og margir hafa kannski tekið eftir er ég einstaklega veik fyrir rjómaosti. Ég gæti án gríns borðað hann eintóman allan daginn ef ég bara mætti. Þess vegna ákvað ég að ég þyrfti að búa til einhvern trylltan rjómaostaeftirrétt í Mars-þemanum og þannig fæddist þessi réttur. Mig langaði að gera ostaköku í glasi og það tókst stórkostlega. Og svona líka einfalt!
07.sep. 2017 - 18:00 Sælkerapressan

Kaffikaka sem allir elska

Kaffikaka sem allir elska og þrátt fyrir að hún sé stútfull af kaffi þá komst ég að raun um það um daginn þegar ég bauð upp á hana í fjölskylduboði að allir elska þessa köku. Meira að segja börn og unglingar sem snerta ekki kaffi! 
03.sep. 2017 - 17:00 Sælkerapressan

Heilhveitibrauð sem er tilvalið í nestisboxið

Jæja, enn heldur brauðástin mín áfram og nú er komið að geggjuðu heilhveitibrauði sem er ómótstæðilegt nýkomið úr ofninum með nóg af smjöri og osti. Heilhveitibrauð – ég elska þig! Ekki jafn mikið og ég elska taco pönnukökurnar mínar samt!
03.sep. 2017 - 08:00 Akureyri vikublað

Kristín Sóley deilir sínum uppáhalds uppskriftum

Kristín Sóley Björnsdóttir, viðburðastýra hjá MAk deilir sínum uppáhalds uppskriftum með lesendum. Laxabulgur með lime-jógúrtsósu. Fyrir 4. Sósa: 2 dl grísk jógúrt, rifinn börkur af 1 lime, 1–2 tsk. fljótandi hunang, flögusalt.
31.ágú. 2017 - 10:15 Kynning

Brauð & co: Grundvallarforsenda fyrir góðum degi

Eitt heitasta fyrirtækið í bakarísbransanum í dag er Brauð & co. Frá því fyrsta bakaríið var opnað á Frakkastíg í miðbæ Reykjavíkur í fyrra, hafa tvö önnur Brauð & co bakarí risið. Fyrirtækið opnaði þar á meðal nýjan stað í Mathöllinni á Hlemmi á dögunum og hefur staðnum verið afar vel tekið.
30.ágú. 2017 - 16:40 Kynning

Jómfrúin: Kantine smörrebröd og hin heilaga þrenning

„Okkur finnst gaman að leika okkur hér á Hlemmi og spila eftir eyranu. Við erum ekki með neinn matseðil, erum bara með stóran kæli sem við fyllum á og seljum úr. Í smurbrauðsfræðunum heitir þetta kantine smörrebröd, þetta er tilbúið þegar það er keypt, en niðri í Lækjargötu erum við meira að matreiða fyrir hvern og einn viðskiptavin eftir pöntun.“
30.ágú. 2017 - 11:40 Kynning

Þá var kátt í höllinni: Te og kaffi Micro Roast

Það hefur heldur betur verið kátt í Mathöllinni að undanförnu. Þar opnaði Te og kaffi nýjan Micro Roast stað þar sem tilraunagleði og kaffinördismi eru allsráðandi, ásamt hækkuðu þjónustustigi í vali á kaffipökkum og drykkjaúrvali.
29.ágú. 2017 - 16:17 Kynning

Bánh Mí: Ekta víetnamskar samlokur slá í gegn

„Það er frábært að vinna í Mathöllinni. Það er svo einstakt andrúmsloft hérna, tónlistin er frábær og þetta er staður þar sem fólk kemur saman," segir Anna María Trang Davíðsdóttir hjá víetnamska staðnum Bánh Mí.
27.ágú. 2017 - 16:00 Akureyri vikublað

Guðríður Gyða sveppafræðingur notar gjarnan sveppi í matargerð

„Ég ákvað að verða sveppafræðingur á fimm mínútum, vorið 1981, og hef ekki séð eftir því ennþá,“ segir Guðríður Gyða Eyjólfsdóttir, sveppafræðingur hjá Náttúrufræðistofnun Íslands, sem segir mikið úrval sveppa í íslenskri náttúru. 
26.ágú. 2017 - 14:00 Sælkerapressan

Syndsamlega góðar „Subway“-smákökur

Já, þið lásuð rétt. Þessar smákökur eru alveg eins og smákökurnar á Subway sem nánast allir elska! Og þessi uppskrift er svo ofureinföld að það hálfa væri nóg. Úr hverri uppskrift fæ ég ca 30-40 kökur. Ég mæli með því að þið leikið ykkur með það nammi sem þið setjið í þær en ég get sagt ykkur að þessi blanda af hvítu súkkulaði, Braki og lakkrís er dúndur!

25.ágú. 2017 - 08:00 Sælkerapressan

Jógúrtkaka með berjafyllingu

Nú er tilvalið að skella sér í berjaleiðangur og nota uppskeruna í þessa dásamlega mjúku jógúrtköku sem þið munið elska. Fyrir þá sem ekki hafa tök á því þá skellið þið ykkur einfaldlega út í búð og græjið berin fersk eða frosin – valið er ykkar. Njótið vel.
24.ágú. 2017 - 15:00 Sælkerapressan

Nautasteik í gómsætri marineringu

Þessi nautasteik er í svo miklu uppáhaldi enda marineruð í geggjaðri marineringu sem inniheldur ostrusósu, mangó chutney, dijon sinnepi og chilimauki sem setur punktinn yfir i-ið. Frábær steik sem þið hreinlega verðið að prufa.
23.ágú. 2017 - 15:00 Sælkerapressan

Byrjaðu daginn á heilsuskoti: Engifer-, túrmerik og sítrónuskot

Það er fátt betra en að byrja daginn á góðu heilsuskoti. Heilsuskotin eru komin á marga veitingastaði en nú er lítið mál að búa till einn slíkan heima. Hér er á ferðinni drykkur með engifer, túrmerikrót og sítrónum sem er einfaldur í gerð. 
22.ágú. 2017 - 18:00 Bleikt

Svona ræktarðu þitt eigið avókadó tré skref fyrir skref - Myndband

Avókadó, eða lárpera, nýtur sívaxandi vinsælda hér á landi sem og víðar. Fyrir þá sem ekki þekkja er þetta græni ávöxturinn sem bragðast örlítið eins og kartafla. Inni í lárperu er steinn sem flestir henda en margir hafa prófað að setja steinn í mold eða vatn og sjá hann spíra. En hvað svo? Er hægt að rækta sitt eigið avókadó tré?
22.ágú. 2017 - 16:30 Sælkerapressan

Ljúffengar og heimagerðar taco pönnukökur

Ég elska mexíkóskan mat alveg svakalega mikið og gerir eiginmaðurinn ávallt grín að mér þegar við erum hugmyndasnauð korter í kvöldmat og ég fylli körfuna af nachos og grænmeti. Þá veit hann hvað er í vændum. Ég er því svakalega ánægð með að hafa loksins náð að fullkomna vefjurnar mínar með þessum heimagerðu taco pönnukökum. Þessar pönnukökur eru nefnilega algjört æði!
20.ágú. 2017 - 10:30 Sælkerapressan

Pasta með beikoni, döðlum og vínberjum

Enn eina ferðina nálgast helgin og það er kærkomið. Það þýðir að það er kominn tími á helgarréttinn sem að þessu sinni er jafnframt minn uppáhalds pastaréttur.  Beikon og döðlur í þessum rétti eiga vel saman sem endranær, hvort tveggja kröftugt og afgerandi, en vínberin gefa smá sætu og fínleika á móti. Hér er á ferðinni sannkallaður sælkeraréttur, fljótlegur og einfaldur í gerð. 
19.ágú. 2017 - 12:00 Sælkerapressan

Trylltar Flødeboller að hætti Dana

Hver kannast ekki við danskar flødeboller, þessar sem maður þorir ekki að kaupa nema til að deila með öðrum því annars er maður búinn með kassann áður en maður veit af. Ég hef aldrei prufað að baka svona sjálf og því var ég bæði spennt og smá kvíðin þegar það skref var tekið. En það var óþarfi því þessar eru ofureinfaldar í gerð og mjög skemmtilegt að útbúa. 
18.ágú. 2017 - 18:00 Sælkerapressan

Ofnbakaðir ostborgarar með sesamgljáa

Þessir ofnbökuðu ostborgarar eru hin mesta snilld. Frábær tilbreyting frá hinum klassíska borgara, djúsí og bragðgóðir og bornir fram á skemmtilegan hátt. Hinn fullkomni helgarmatur og stórsniðugir í partýið.
17.ágú. 2017 - 21:00 Sælkerapressan

Mexíkósk ramen súpa með kjúklingi

Mexíkóskar súpur eru eitthvað sem langflestir elska og hér kemur ein stórkostlega bragðgóð í skemmtilegri útgáfu með kjúklingi og núðlum. Súpan er matarmikil og ég hef stundum gert hana enn matarmeiri með því að bæta baunum saman við en það er smekksatriði. Njótið vel!
13.ágú. 2017 - 14:52 Sælkerapressan

Banana og döðlubrauð

Þetta dásamlega banana og döðlubrauð er eitt af þessu sem er reglulega bakað á heimilinu – þó það væri bara fyrir ilminn sem kemur upp þegar þetta er í ofninum. Brauðið er elskað af öllum og svo skemmir ekki fyrir að það inniheldur engan sykur og stútfullt af góðir næringu.
13.ágú. 2017 - 13:30 Bleikt

Alvöru réttir sem veitingastaðir hafa borið fram - Myndir

Veitingastaðir ganga sífellt lengra og lengra í að gera réttina nýstárlegri, oft verða til girnilegir réttir og stundum jafnvel svo glæsilegir að maður hálf skammast sín að eyðileggja þá með því að borða þá. Vefsíðan Bored Panda hefur tekið saman nokkur dæmi um einstaklega frumlegar leiðir sem veitingastaðir hafa farið til að bera fram matinn, sum yrði jafnvel hægt að leika eftir í eigin matarboðum.
12.ágú. 2017 - 13:49

Ástríkur: Bruggaður til styrktar Hinsegin dögum

Borg Brugghús sendi fyrst frá sér hinsegin bjórinn Ástrík fyrir gleðigönguna í Reykjavík árið 2013 og hefur bjórinn verið bruggaður árlega síðan.  Óhætt er að segja að Ástríkur hafi slegið í gegn, átt vaxandi vinsældum að fagna ár frá ári, og er nú orðinn fastur þáttur í regnbogadýrðinni sem prýðir Hinsegin daga í Reykjavík og gleðigönguna í fleiri löndum.
09.ágú. 2017 - 18:00 Sælkerapressan

Lakkrískubbar

Uppskriftin af þessum dásemdar lakkrískubbum barst frá einni vinkonu til þeirrar næstu þar til að hún barst mér. Þeir eru hrikalega fljótlegir og einfaldir í gerð en um leið hættulega góðir og ég get ekki annað en leyft ykkur að njóta þeirra líka.
06.ágú. 2017 - 17:00 Bleikt

Einfaldasta bernaise sósan í bænum

Bearnaise sósa er í miklu uppáhaldi heima hjá mér og oftar en ekki verður hún fyrir valinu þegar við grillum gott kjöt. Þegar ég hef lítinn tíma hef ég skellt í bearnaise sósuna á örfáum mínútum og er þessi aðferð snilld þegar maður vill góða sósu á methraða.
04.ágú. 2017 - 01:16 Kynning

Arna ís & kaffibar: Fullkomin leið til þess að enda góðan göngutúr

Arna ís & kaffibar opnaði 5. nóvember í fyrra á Eiðistorgi. „Síðan þá hafa viðskiptin verið að aukast jafnt og þétt, og sérstaklega í sumar. Það eru mjög margir sem fara í kvöldgöngur í kringum nesið enda er þar einstök náttúrufegurð. Svo enda margir á því að fá sér ís eða kaffi hér í Arna ís & kaffibar. Þetta er náttúrulega alveg fullkomin leið til þess að enda góðan göngutúr,“ segir Arna María Hálfdánardóttir, framkvæmdastjóri Arna ís og kaffibar. Þess má geta að alla miðvikudaga er tveir fyrir einn af bragðarefum hjá Arna ís & kaffibar!

03.ágú. 2017 - 18:19 Kynning

Álfurinn í Kopavogi: Góður matur og enn betri ís

Þær eru orðnar sjaldséðar sjoppurnar á Höfuðborgarsvæðinu en ein af þeim eftirstandandi er Álfurinn í Kópavogi. Hann Hákon, eigandi Álfsins til fimm ára, hefur staðið þar vaktina og unnið það þakkláta starf að selja dösuðum sundlaugargestum og nemendum Kársnesskóla dæmigerðan og ljúffengan sjoppuvarning. Þar má fram telja dýrindis SS pylsur, gómsæta hamborgara, sælgæti, snakk, og síðast en ekki síst, klassískan Kjörís með ýmsu girnilegu meðlæti.

03.ágú. 2017 - 17:30 Sælkerapressan

Grillaður eftirréttur með karamellusúkkulaði, berjum og sykurpúðum

Uppskriftin er ofureinföld og eftirrétturinn einn sá besti sem við höfum bragðað. Það má gera hann hollari með fleiri berjum, dökku súkkulaði og hnetukurli.
03.ágú. 2017 - 14:18 Kynning

Ísbúð Vesturbæjar: Á vörum Íslendinga síðan 1971

Ísbúð Vesturbæjar er án efa ein frægasta ísbúð Reykavíkur. Þekktastir eru þeir fyrir „gamla ísinn“ sem hefur verið á vörum landsmanna síðan fyrsti afgreiðslustaðurinn var opnaður árið 1971 á Hagamelnum í Reykjavík. „Í dag eru afgreiðslustaðirnir orðnir hvorki meira né minna en sex, sem ber vitni um gífurlegar vinsældir íssins frá Ísbúð Vesturbæjar. Það er líka alltaf fullt út úr dyrum í öllum veðrum hjá okkur,“ segir Kristmann Óskarsson, framkvæmdastjóri Ísbúðar Vesturbæjar.

03.ágú. 2017 - 14:02 Kynning

Ísbúð Breiðholts: Klassískur ís í Hraunberginu

Í Hraunberginu á milli sundlaugarinnar og Fjölbrautaskólans í Breiðholti er að finna vel staðsetta ísbúð, Ísbúð Breiðholts. Þar má yfirleitt hitta fyrir ferska nýlaugaða sundlaugagesti og svanga menntaskólanema sem úða í sig gómsætum rjómaís í ýmsum útfærslum. „Ætli þetta sé ekki svona stærsti kúnnahópurinn auk fólksins úr hverfinu sem kemur hingað að fá sér ís og annað sem fæst hér,“ segir Linda eigandi Ísbúðar Breiðholts.
30.júl. 2017 - 17:00 Sælkerapressan

Eina kjúklingauppskriftin sem þú þarft að kunna

Ef þú ættir aðeins eina kjúklingauppskrift þá myndir þú eflaust vilja að það væri uppskrift sem slær alltaf í gegn og þú gætir borðað alla virka dag en gætir jafnframt boðið upp á í fínu matarboði fyrir forsetann. Tadararaaaaa…leitið ei lengra – uppskriftin er þessi dásemdar kjúklingur sem er svo safaríkur að hann næstum bráðnar í munni.
29.júl. 2017 - 17:00 Sælkerapressan

Sumardrykkurinn sem slær alltaf í gegn

Mikið sem það er gott þegar sólin lætur loksins sjá sig eftir ansi langa bið. Þá er fátt betra en að skella sér í lautarferð í íslenska náttúru í góðum félagsskap. Taka með sér gott nesti og ekki verra að skála í góðan drykk.

Pressupennar
nýjast
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Davíð Már Kristinsson
Davíð Már Kristinsson - 01.11.2017
Vinstri hægri snú
Þórhallur Heimisson
Þórhallur Heimisson - 31.10.2017
Allra heilagra og Allra sálna messa
Fleiri pressupennar
(1-) Gæludýr.is: Flutingar - nóv