09. des. 2010 - 21:00Gunnar Guðbjörnsson

Forðast að framleiða eins og mjólkurkú - Bergsveinn Birgisson, rithöfundir í viðtali

Frá Bjarti

Rithöfundar okkar búa flestir á Íslandi en Bergsveinn Birgisson hefur um langt árabil verið búsettur í Noregi og skrifað bækur sínar þar.  Yrkisefni  hans er þó alíslenskt en nýjasta bók hans segir af bónda nokkrum sem berst við spurningar um það hvort ákvarðanir sínar haf ekki reynst réttar í lífinu.  Bergsveinn leikur sér af því að flétta sveitalífinu og minningum mannsins við hugrenningarnar.

Ég hef mestan áhuga á tilvistarlegum spurningum .  Ungan  langaði mig  alltaf mest  að læra heimspeki en gerði það nú aldrei.  Ég er norrænufræðingur en í skáldskapnum brýst áhugi minn á þessum ákveðnu málefnum út .

Ekki hefur Bergsveinn nýtt norrænan sagnaheim beint í skrifum sínum en segir ýmislegt þaðan þó oft skjóta upp kollinum.

Það er talsvert gert nú í Skandinavíu að skrifa  um persónur í goðafræðinni.  Það gætir einhverra áhrifa af þeim hjá mér sjálfum en  ég hef hoggið eftir því að það er eins og það sé um að ræða rof milli  heims goðsagnanna og svo okkar nútímamanna.  Þannig geta tilvitnanir í grísku eða latínu verið okkur tamari og nær en í raun þær sem goðafræðin hafa fram að færa.  Þannig notum við gjarnan  skýskotanir úr þeim miðjarðarhafsmálum  en ekki að sama skapi  tilvitnanir úr norrænu fræðunum.   og nær en þær sem norræn goðafræði hefur fram að færa. Við vísum í Sýsifos en ekki í Njörð og Skaða.    Það virðist að þessir hlutir séu ekki lengur til staðar í vitund okkar og daglegu tali.

Svar við bréfi Helgu markast af því að   ég hef  kynnst sagnamönnum bæði  sem strákur á bóndabæ og  síðar sem  sjómaður  á trillu.  Ég lít svolítið á reynslu mína þaðan sem leir sem ég móta inn í þær tilvistarlegu spurningar sem ég er stöðugt  að velta fyrir mér.   Þarna upplífði ég íslenska alþýðumenningu og það virðist hafa orðið mér  mjög mikilvæg. Ég hef gert mér þarna grein fyrir að þar var  hin eiginlega íslenska menning – í raun eina íslenska menningin sem ég  þekki.   Ég er mjög stoltur af þessari menningu og afskaplega þakklátur fyrir að hafa kynnst henni og upplifað .  Ég held ég geti sagt að ég hafi séð í skottið á henni því á þeim tíma sem ég er þarna sem strákur var hún við það að hverfa.  Síðari tímar hafa svo kveikt í mér löngun til að reyna að varðveita þetta og forma það inn í skrif mín.   Þessi vinna hófst í fyrstu sögunni minni , Landslag er aldrei asnalegt sem er frásögn úr gömlu  sjávarplássi.  Þessi nýja  bók mín nú er á vissan hátt andlega tengd henni.

Bergsveinn segist ekki viss um að sú staðreynd að fæstum sé auðið að upplifa drauma sína sé endilega neitt slæm.  Það tæki draumana burtu og þá væri illa fyrir okkur mannfólkinu statt, á einum stað segir líka að ef maður vilji fá Guð til að hlæja er bara að segja honum draumana sína .  Hann telur sjálfan sig gæfuríkan að geta deilt störfum sínum milli fræðistarfa og skrifa.

Sem stendur er ég í leyfi frá Doktorsstöðu minni við Háskólann í Bergen en ég er að vinna að fræðibók  um víkinginn Geirmund Heljarskin .  Norðmenn styrktu mig til starfans svo ég get leyft mér að taka mér frí frá þeim  kennslustörfunum sem ég vanalega fæst við.   Það er nú svo með starf rithöfundarins  að  maður afskaplega sæll ef maður á nokkra mánuði vísa fram í tímann þar sem maður getur reiknað með að  geta  borgað reikningana sína.

Það kemur í ljós að vinna Bergsveins er ekki glíma sem honum hann er  ávalt viss um að sigra.

Það er mér mjög mikilvægt að búa ekki til persónur heldur banka  upp á hjá þeim.   Ég bíð og sé hvort persónurnar eru til í kynnast mér og ég kynnist þeim eins og við kynntumst nú rétt í þessu.   Ég sé mig alls ekki sem einhvern guð sem býr til fólk  heldur reyni ég að vingast við söguhetjur mínar og líta á þær sem manneskjur af holdi og blóði.  Einn  bóndi í sögu hjá mér er hugsanlega samsetning af fjórum eða fimm bændum og ekki lokum skotið fyrir að maður sjálfur leynist í honum einhversstaðar.   Þessi vinskapur við söguhetjurnar færir manni vissan jafnræðisgrundvöll maður stendur til auglitis við persónur sínar en horfir ekki niður á þær.
  
Fyrir  vikið segir Bergsveinn ferlið oft æði  langt og torsótt  að heilli  bók.

Það er ef til vill ástæða þess að ég vinn oft margar sögur samtímis  og flýti mér aldrei við neitt.  Sem dæmi get ég nefnt að ég festist við gerð þessarar sögu  eftir  þrjú  eða  fjögur ár.  Upp kom vandamál sem ég gat engan veginn  leyst.  Ég lét handritið ofan í skúffu og ætla að það  hafi legið þar eitt eða  tvö ár.  Svo var ég eitt sinn að vitja um   silunganet um miðja nótt, það var farið að hvessa úr suð-vestri og þá skildi ég allt í einu hvar lausnina var að finna og gat klárað verkið.  Þetta hef  ég verið  dauðhræddur við.  Fyrir mér eru skrifin einskonar kirkja.  Ég er ekki að gera út á  rithöfundastarfið eitt heldur  þakka  ég  fyrir að hafa bakland sem ég  get leitað í á milli bóka.  Þannig þarf ég ekki að vera sífellt að framleiða eins og hver önnur mjólkurkú.




16.ágú. 2017 - 13:18

Sæmundur gefur út unga og efnilega höfunda

Bókaútgáfan Sæmundur efndi til útgáfuteitis fyrir helgi í tilefnu útkomu tveggja bóka eftir tvo unga og upprennandi höfunda sem voru báðir að gefa út sína fyrstu bók. Teitið fór fram í bókaverslun Eymundssonar í Austurstræti. Þar mætti fjölmenni til að fagna með höfundunum tveimur sem lásu upp úr bókum sínum.

Jóhanna María Einarsdóttir og Björn Halldórsson eru bæði útgefnir rithöfundar sem hafa fengið verk sín birt í ýmsum miðlum. Nú á fimmtudaginn gáfu þau bæði út sína fyrstu bók. Ljósmyndarinn Jóhann A. Kristjánsson smellti nokkrum myndum af höfundunum og gestum.

24.jan. 2017 - 10:20 Kynning

Óhugnaður: Afhöggna fætur rekur á land

Lögreglan í Vestfold í Noregi stendur frammi fyrir óvenjulegri og óhugnanlegri gátu þegar afhöggna mannsfætur tekur að reka á land. Kannað er hvort þessi atburðir tengist mannshvörfum á svæðinu. Aldraðir menn og geðsjúk kona hafa horfið skyndilega. Vissu þau eitthvað sem þau máttu ekki vita?
21.des. 2016 - 08:29

Undarlegar og öðruvísi jólasögur eftir Eirík Brynjólfsson

Hvað gerir lítil, svöng og ísköld berfætt stelpa sem er að selja eldspýtur í hríðarbyl í Kaupmannahöfn á aðfangadag og gengur fram hjá uppljómuðu húsi þar sem allt er til sem hugurinn girnist? Og hvað gerir frelsarinn þegar litla stúlkan fær vonda hugmynd?
12.des. 2016 - 20:00 Ágúst Borgþór Sverrisson

Tjáningarfrelsið á undir högg að sækja: Sigurjón Magnússon, höfundur Sonnettunnar, í viðtali

„Fjölmenningin er mjög fyrirferðarmikil í allri þjóðfélagsumræðu og við hljótum að velta því fyrir okkur hvert hún stefni, hvort hún sé ásættanleg í núverandi mynd. En margir hafa lýst efasemdum sínum um þetta, jafnvel sjálf Angela Merkel. Það er óneitanlega eitthvað mikið að þegar Evrópa stendur frammi fyrir því að trúarbrögð sem setja mark sitt á líf milljóna í álfunni þola ekki eðlilega umfjöllun án þess að menn stefni sér með því í hreinan voða.“

28.nóv. 2016 - 20:00 Ágúst Borgþór Sverrisson

Óskar Magnússon hefur skapað lögmanninn Stefán Bjarnason: „Gáfaðri og myndarlegri en ég“

„Ég er ekki að eltast við að vera fyndinn. Ég stoppa ekki og segi við sjálfan mig að nú verði ég að skrifa eitthvað fyndið. Þetta kemur meira af sjálfu sér og stundum strika ég fyndnina út. Smáatriðafyndni passar sérstaklega vel í smásögur og reyndar gætu sumir kaflarnir í bókinni staðið sem smásögur.“
28.nóv. 2016 - 11:18 Ágúst Borgþór Sverrisson

Litakassinn fræðir börnin um litina og umferðarljósin

Litakassinn er ný barnabók eftir Róbert Marvin. Litirnir í litakassanum fara á stjá. Áður en þeir vita af blandast þeir og upp spretta nýir og spennandi litir. Á sama tíma og börn kynnast litunum fræðast þau um umferðarljósin.
09.nóv. 2016 - 15:18

Raðmorðingi gengur laus í Reykjavík: Nýja Breiðholt birtir ískyggilega framtíðarsýn

Nýja Breiðholt er óvenjuleg spennusaga eftir Kristján Atla Ragnarsson sem gerist í ískyggilegri framtíð í Reykjavík þar sem nær allir innviðir eru hrundir og frumskógarlögmálið ræður ríkjum í samskiptum íbúanna.
05.nóv. 2016 - 19:02

Himnaríki er annað fólk: Sverrir Norland ræðir við sjálfan sig um nýja skáldsögu sína, Fyrir allra augum

Þriðjudagur, 1. nóvember 2016, og ég drösla mér á fætur miklu síðar en ég hafði hugsað mér. Veturinn er framundan og mig langar helst að leggjast í draumsælan dvala næstu mánuðina, ranka ekki við mér fyrr en trén taka aftur að blómgast næsta vor. En mín bíður verkefni, ótrúlega mikilvægt verkefni!
31.ágú. 2016 - 14:00 Kynning

Nýjar bækur: NORN!

Pabbi hefur eignast kærustu. Hún er með sítt hár, sítt, grænt og úfið hár. Og skemmdar tennur. Vörtur. Uppmjóan hatt. Það er brennisteinslykt af henni. Hún er NORN!
08.júl. 2016 - 09:50 Ágúst Borgþór Sverrisson

Glæpasagnahóf í Eymundsson á Skólavörðustíg í dag: Bókin „13 krimmar“ kynnt

Glæpasögur eru vinsæl lesning, ekki síst á sumrin. Í dag er öllum glæpasagnaunnendum boðið til veislu í Eymundsson Skólavörðustíg þegar kynnt verður bókin „13 krimmar“ en hún inniheldur glæpasmásögur eftir hóp höfunda sem hafa fengist töluvert við smásagnagerð undanfarin ár.
21.mar. 2016 - 14:30

Barnabókin sem fær börn til að sofna á nokkrum mínútum komin út á íslensku

Bók sem fær börn til að sofna er þarfaþing. Það kemur því ekki á óvart þó að slík bók, barnabókin Kanínan sem vill fara að sofa, hafi farið sigurför um heiminn. Höfundurinn er sænski sálfræðingurinn Carl-Johan Forssén. Bókin er sérhönnuð til hjálpa börnum að sofna fljótt og vel.
03.mar. 2016 - 12:00 Ágúst Borgþór Sverrisson

Fékk ekki starfslaun eftir útgáfu bókar sem núna hefur verið tilnefnd til Bókmenntaverðlauna Norðurlandaráðs

Bækur Elísabetar Jökulsdóttur og Guðbergs Bergssonar hafa verið tilnefndar af hálfu Íslands til Bókmenntaverðlauna Norðurlandaráðs. Bók Guðbergs er skáldsagan Þrír sneru aftur en bók Elísabetar er ljóðabókin Ástin ein taugahrúga: Enginn dans við Ufsakletta.
01.mar. 2016 - 10:00 Ágúst Borgþór Sverrisson

Einar ósáttur við bók um Breivik: „Skil ekki alveg hvers vegna þarf að sýna fjöldamorðingja og drullusokk þann sóma“

„Ég skil ekki alveg hvers vegna þarf að sýna fjöldamorðingja og drullusokk þann sóma að skrifa um hann bók,“ skrifar Einar Kárason, rithöfundur, á Facebook-síðu sína í tilefni bókar norska rithöfundarins Åsne Seierstad um fjöldaborðingjann Breivik.
20.jan. 2016 - 11:00

Játning Karls Ágústs: Vil vita hvað ég sé fyrir mörgum öryrkjum

„Ég hef lifað af ritlist í um það bil 35 ár. Ég lagði það á mig að mennta mig sérstaklega í þessari grein og ná mér í meistaragráðu. Ég hef meira að segja kennt blásaklausum ungmennum þetta vafasama fag í rúm 15 ár í þremur þjóðlöndum og sumir af nemendum mínum hafa jafnvel náð athygli á ritvellinum, illu heilli eða góðu,“
14.jan. 2016 - 21:30

Mikael óhress

Mikael Torfason, rithöfundur, segir að úthluta eigi listamannalaunum á þann veg að enginn vafi leiki á um að þar ráði ekki annarleg sjónarmið för. Sjálfur hlaut hann ekki náð fyrir nefndarinnar en aðalstjórn Rithöfundasambandsins eins og hún leggur sig fékk 12 mánaða starfslaun.
07.jan. 2016 - 16:03 -

Heimska: Eiríkur Örn Norðdahl skrifar um nánd og firrð í sýnileikaþjóðfélaginu í nýjustu skáldsögu sinni

Heimska, fimmta skáldsaga Eiríks Arnar Norðdahl, er stutt og snörp en barmafull af hugmyndum og þráðum sem leiða djúpt inn í hjarta samtímans. Hrelliklám, játningaviðtöl rithöfunda í jólabókaflóðinu, og listaháskólaverkefni sem fanga athygli þjóðarinnar – allt þetta kemur fyrir í bókinni – en fyrst og fremst fjallar Heimska um sýnileika, það að vera stöðugt sjáanlegur og geta séð aðra, og það hvernig mannskepnan tekst á við tilvist í beinni útsendingu.
02.jan. 2016 - 13:36 Ágúst Borgþór Sverrisson

Auður Jónsdóttir ósátt við Fréttablaðið: „Ljótt gagnvart fjölskyldu minni“

Auður ásamt eiginmanni sínum, Þórarni Leifssyni. Auður Jónsdóttir rithöfundur en óánægð með þá tilhneigingu fjölmiðla að setja sjálfsævisögustimpil á nýjustu bók hennar, Stóra skjálfta, sem hún segir vera hreinræktaða skáldsögu. Í Fréttatímanum var gefið til kynna að höfundur lýsti reynslu sinni af flogaveiki í bókinni og í Fréttablaðinu er bókin sögð sjálfsævisöguleg.
20.des. 2015 - 21:00

Jólasaga Pressunnar 2015 er eftir Róbert Marvin

Fyrir síðustu jól tók Pressan upp þann sið að birta frumsamda jólasögu eftir íslenskan höfund skömmu fyrir jól. Okkur langar til að halda þessu áfram og að þessu sinni birtum við áhrifamikla jólasmásögu eftir rithöfundinn Robert Marvin. Hann hefur getið sér gott orð fyrir smásögur sínar en fyrr á árinu gaf hann einnig út skáldsöguna Konur húsvarðarins, sem er spennusaga. Smásagan sem hér fer á eftir, Gjöf handa mömmu, er í senn hjartnæm og vönduð saga sem heldur lesandanum föngnum. Hún birtist  upphaflega í smásagnasafninu Jólasögur sem kom út í haust og inniheldur jólasmásögur eftir ýmsa höfunda.
02.des. 2015 - 16:03 Kristjón Kormákur Guðjónsson

Hilma hittir í mark

Hilma er fyrsta bók Óskars Guðmundssonar en það er svo sannarlega enginn byrjendabragur á þessari æsispennandi sögu, sem er hörkuvel skrifuð og spunnin af mikilli íþrótt og hugkvæmni.
29.nóv. 2015 - 15:00

Stefán Máni rífst við sjálfan sig: „Þú vilt ekki að hann verði fúll er það?“

Stefán hitti Mána til að rabba við hann um nýjasta verk hans Nautið. Nautið fer vel af stað og blekið var varla þornað þegar Stefán Máni hafði gert samning við Pegasus um að Nautið yrði að sjónvarpsseríu í leikstjórn Baldvins Z. Í lýsingu á verkinu segir meðal annars:
10.nóv. 2015 - 14:00

„Enginn vill láta kalla sig glæpamann:“ Rithöfundurinn Ágúst Borgþór í vandræðum

Ágúst Borgþór er kappsfullur blaðamaður, afkastamikill og hraðvirkur. Hann hefur það orð á sér að vera mjög óþolinmóður.
02.nóv. 2015 - 15:54 RaggaEiríks

Furðulegir atburðir: Ný barnabók Gerðar Kristnýjar fjallar um dularfullar dúkkur

Gerður Kristný hefur sent frá sér nýja barnabók. Hún heitir Dúkka og er spennandi og afar vel skrifuð saga um Kristínu Kötlu sem eignast dúkku sem er ekki eins blíð og góð og í upphafi mætti ætla.
01.nóv. 2015 - 13:00

Má bjóða þér að lesa kafla úr spennusögunni Inn í myrkrið?

Skáldsagan Inn í myrkrið hefur fengið góðar viðtökur og selst prýðilega. Sagan fjallar um venjulegan mann sem fer út af sporinu, leiðist í afbrot og fer að lifa tvöföldu lífi. Sagan fer rólega af stað en magnast eftir því sem á líður.
23.maí 2015 - 08:00

Eika og Eiríki lenti saman: Ekki sammála um Hryðjuverkamaður snýr heim

„Jæja, ertu þá loksins kominn aftur hingað uppeftir?“ sagði Eiki þar sem hann gekk fram á mig sitjandi á rafmagnskassa í Vesturberginu og horfa yfir blokkirnar.
10.maí 2015 - 19:00 Ágúst Borgþór Sverrisson

Játaði á sig ofbeldi og uppskar útskúfun

Ofbeldi er margslungið. Margt af því ofbeldi sem við beitum hvert annað er þannig vaxið að það gerir illt vera að reyna að refsa fyrir það opinberlega, það er þess eðlis að aðrir eru ekki þess umkomnir að dæma og refsa fyrir það, ekki nema við viljum lifa í lögregluríki.
03.maí 2015 - 09:03

Jón Gnarr svarar fyrir sig: „Ekki ætlun mín að halla á Gunnar Jökul“

Jón Gnarr svarar að einhverju leyti gagnrýni sem Egill Helgason beindi að honum í dag fyrir að hafa sett trommuleikarann Gunnar Jökul Hákonarson í hóp bjánapoppara.  Forsaga málsins er grein sem Jón Gnarr birti í laugardagsútgáfu Fréttablaðsins og hörð gagnrýni Egils Helgasonar á greinina á bloggsvæði Egils á Eyjunni.
02.maí 2015 - 22:48

Nýr og óþekktur höfundur að slá í gegn? Fjölmenni í útgáfuteiti HILMU

Spennusagan Hilma hefur vakið töluverða forvitni fólks og fengið frábærar viðtökur þeirra fáu sem enn hafa lesið hana en útgáfuteiti vegna bókarinnar var haldið síðastliðinn fimmtudag í Eymundsson Austurstræti. Útgáfuteitið var afar fjölmennt og mörg eintök seldust af bókinni á staðnum.
20.apr. 2015 - 16:30

HILMA verður bíómynd: Kvikmyndaréttur seldur að splunkunýrri íslenskri spennusögu

Þann 30. apríl næstkomandi kemur út hjá bókaforlaginu Draumsýn spennusagan HILMA eftir Óskar Guðmundsson. Kvikmyndafyrirtækið New Work ehf. sem framleiddi Falskur fugl eftir samnefndri skáldsögu Mikaels Torfasonar, hefur tryggt sér kvikmyndaréttinn að HILMU.
13.apr. 2015 - 17:00 Ágúst Borgþór Sverrisson

Hellisbúinn: Framúrskarandi spennusaga

Af og til lesum við fréttir af andláti fólks sem hefur verið látið í langan tíma á heimilum sínum án þess að nokkur hafi vitjað um það. Slík atvik vekja oft umræðu um einmanaleika í nútímasamfélagi og skort á umhyggju fyrir náunganum
07.apr. 2015 - 14:17

Ummæli Stefáns Mána um Þorgrím Þráinsson vekja gremju

Rithöfundurinn Stefán Máni, sem þessa dagana sendir frá sér ungmennabókina Nóttin langa, var í viðtali við Morgunblaðið um helgina. Þar segir hann meðal annars um unglinga og bóklestur:

Pressupennar
nýjast
Þórhallur Heimisson
Þórhallur Heimisson - 15.12.2017
Með Kebab og kók á Betlehemsvöllum
Jón Steinar Gunnlaugsson
Jón Steinar Gunnlaugsson - 12.12.2017
Dapurleg upprifjun
Hannes Hólmsteinn Gissurarson
Hannes Hólmsteinn Gissurarson - 09.12.2017
Var Laxness gyðingahatari?
Davíð Már Kristinsson
Davíð Már Kristinsson - 07.12.2017
iPhone 8 eða mandarína?
Magnús Þór Hafsteinsson
Magnús Þór Hafsteinsson - 26.11.2017
Trúverðugleiki í húfi
Börkur Gunnarsson
Börkur Gunnarsson - 22.11.2017
Nafnar
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Fleiri pressupennar