Menningarpressan

20. des. 2015 - 21:00

Jólasaga Pressunnar 2015 er eftir Róbert Marvin

Fyrir síðustu jól tók Pressan upp þann sið að birta frumsamda jólasögu eftir íslenskan höfund skömmu fyrir jól. Okkur langar til að halda þessu áfram og að þessu sinni birtum við áhrifamikla jólasmásögu eftir rithöfundinn Robert Marvin. Hann hefur getið sér gott orð fyrir smásögur sínar en fyrr á árinu gaf hann einnig út skáldsöguna Konur húsvarðarins, sem er spennusaga. Smásagan sem hér fer á eftir, Gjöf handa mömmu, er í senn hjartnæm og vönduð saga sem heldur lesandanum föngnum. Hún birtist  upphaflega í smásagnasafninu Jólasögur sem kom út í haust og inniheldur jólasmásögur eftir ýmsa höfunda.

Heimasíða Róberts Marvin

Robert Marvin

 

GJÖF HANDA MÖMMU

            Lyktin af Þorláksmessu barst inn um gluggann. Ég slökkti á tölvunni.
            Það var aðeins hálfur vinnudagur á Þorlák. Mér hefði ekki verið á móti skapi að vinna allan daginn. Jafnvel lengur. Heima var ekkert sem beið mín. Ekkert fólk. Bara húsgögn og sjónvarpið. Svo ef ég var með nógu mikla sjálfspyntingarhvöt þá gat ég kíkt á hvað kunningjarnir voru að gera með fjölskyldunni fyrir jólin. Sem myndi minna mig á það sem ég hefði einu sinni átt en hafði ekki lengur.
            Ef allt væri eins og það ætti að vera, þá myndu bíða mín eiginmaður og dóttir heima. Bæði tilbúin að fara í göngutúr niður Laugaveginn að skoða mannlífið. Laumast í búðir að kaupa jólagjöf á síðustu stundu. Við myndum drekka saman heitt kakó og fylgjast með fólkinu vafra á milli verslana í snjónum. Tala um allt. Tala um ekkert.
            En það var ekki eins og það átti að vera. Ég fann tár myndast og þurrkaði það í burtu af gömlum vana.
            Finnur maðurinn minn og Tara höfðu verið svipt í burtu í einu vetfangi. Það tók ekki nema augnablik, símhringingu frá prestinum. Það sem ég man voru orðin bílslys og dáin.
            Það voru liðin þrjú ár síðan. Ökumaðurinn sem olli slysinu var kona. Hún hafði lifað af slysið á furðulegan hátt. Hún var ekki í bílbelti og þeyttist út um glugga bílsins. Það hafði bjargað henni.
            Mér hafði verið sagt síðar af lögreglunni að hún hafi verið drukkin og ætlað að fremja sjálfsmorð. María Guðbrandsdóttir hét hún.

Ég heimsótti hana einu sinni á sjúkrahúsið, stóð yfir henni og horfði á hana. Ég fann fyrir miklu óréttlæti þar sem ég stóð yfir henni þar sem hún lá. Af hverju hún? Af hverju ekki Tara eða Finnur? Hvers vegna þurftu þau endilega að vera á sama vegi og þessi kona? Þessi eigingjarna kona.
            Yfirþyrmandi hatur fyllti hjarta mitt og ég ákvað að fara áður en ég gerði eitthvað sem ég myndi sjá eftir.
            María Guðbrandsdóttir vaknaði aldrei úr dáinu og dó nokkrum mánuðum síðar. Það veitti mér enga friðþægingu.  

            Mig langaði ekki heim. Ég myndi ekki halda jól í ár frekar en tvö síðustu ár. Það var ekkert að halda upp á. Enginn til að þiggja gjafirnar. Enginn til að óska gleðilegra jóla.
            Annað tár slapp úr hvarminum og rann niður kinnina.
            „Gleðileg jól, Inga.“ Gunni bókari veifaði og lét sig hverfa niður stigann.
            Ég leit undan en lyfti hendinni í kveðjuskyni.
            Ég ákvað að fara ekki heim en þess í stað að labba niður Laugaveginn. Jafnvel fá mér kakó. Ég greip töskuna mína og vafði treflinum um hálsinn og gekk út.

            Ég lagði bílnum á Hverfisgötunni og gekk upp á Laugaveginn. Fólkið streymdi stríðum straumum í báðar áttir.  Stór þykk snjókorn féllu rólega niður á hvíta jörðina og þó fólk væri mikið að flýta sér í jólaösinni fann ég fyrir friðsældinni.
            Hugsanir um fjölskyldu mína læddust að mér frá öllum áttum. Ef ég leit á snjóinn þá hugsaði ég um Töru. Ef ég leit á karlmann þá hugsaði ég um Finn. Það skipti engu máli hvað það var, þau sóttu að mér. Mikið vildi ég óska þess að þau væru komin aftur.
            Ég áttaði mig ekki á því en ég stóð á miðjum Laugaveginum og var eina manneskjan sem stóð í stað á meðan straumurinn af fólki streymdi um í kringum mig.
            Ég byrjaði að ganga niður Laugaveginn og horfði tómum augum á gluggaútstillingar sem vöktu ekki áhuga minn.   
            Kirkjuklukkurnar í Hallgrímskirkju gripu athygli mína. Varla var verið að hringja inn til messu klukkan að verða þrjú.
            Ég var forvitin og ákvað að rölta upp í Hallgrímskirkju. Ég hafði einu sinni litið hana augum innan dyra og þá sem barn.
            Klukkurnar hringdu óreglulega á leið minni upp að kirkjunni og hættu svo alveg um það bil sem ég var komin efst á Skólavörðustíginn.
            Ég opnaði kirkjudyrnar varlega ef ske kynni að ég væri að trufla einhverja athöfn. En það var enginn inni.
            Orgelhljómur ómaði samt um kirkjuna og ég heyrði strax að það var verið að spila Heims um ból.
            Ég settist á bekk aftarlega í kirkjunni til að njóta tónlistarinnar.
            „Heims um ból, helg eru jól.“
            Ég lokaði augunum og texti lagsins flaug í gegnum huga mér þar sem ég söng með innra með mér.
            Ég fann að mér leið betur. Það vottaði jafnvel fyrir jólaskapi. Ég var tilbúin að fara heim núna.
            Ég var að gera mig klára að standa upp og fara þegar ég tók eftir stúlku tveimur bekkjum fyrir framan mig hinum megin á ganginum. Hún hlaut að hafa komið inn á eftir mér þar sem ég mundi ekki eftir að hafa séð hana þegar ég kom inn.
            Stúlkan grét. Ég gat heyrt ekkasogin í gegnum orgelhljóminn.
            Ég velti því fyrir mér hvort ég ætti nokkuð að vera að skipta mér af þessu. En stúlkan leit varla út fyrir að vera meira en tólf ára. Í mesta lagi. Ég lét til skarar skríða.
            „Er allt í lagi, vinan?“ sagði ég og settist hjá henni.
            Hún leit ekki upp í fyrstu og hélt áfram að gráta.
            „Ertu bara ein?“ spurði ég aftur og leit í kringum mig.
            Stúlkan snökti og kinkaði kolli.
            „Hvað er að, elskan?“ spurði ég.
            „Ekkert,“ sagði hún og virti mig fyrir sér á meðan hún þurrkaði tárin úr augunum.
            „Hvar er mamma þín, vinan?“
            Stúlkan leit undan.
            „Dáin,“ sagði hún og brotnaði aftur niður.
            Ég spurði hana um pabba hennar og það var sama svar. Hann var dáinn líka.
            „Hvar áttu heima? Á ég að fylgja þér heim?“ spurði ég.
            Stúlkan kinkaði kolli.
            „Hjá Kollu frænku. En hún er full,“ sagði hún.
            „Full?“ spurði ég.
            „Já, það er partí heima. Þorlákspartí.“

            „Ó.“ Ég vissi ekki alveg hvað til bragðs átti að taka. Ég gat ekki skilið stúlkuna svona eftir.
            „Viltu ís?“ spurði ég.

            Hún leit á mig og ég gat séð brosvipru á vörunum.
            Við fundum ísbúð neðarlega á Skólavörðustígnum og hún valdi sér hræring með fullt af nammi á meðan ég sleikti venjulegan ís í brauði.
            Hún hét Sóley Þórsdóttir. Hún var með ljóst liðað hár og blá augu. Andlitið var smágert.
            Ég spurði hana af hverju hún  hafði farið í kirkjuna.
            „Til að hugsa um mömmu. Ég sakna hennar,“ sagði hún.
            Ég velti fyrir mér að segja henni frá mínum missi. Við áttum nógu mikið sameiginlegt, nema að hún var aðeins barn.
            Hún sagði mér frá pabba sínum sem hafði látist af slysförum á sjó þegar hún var átta ára gömul. Hún klemmdi saman varirnar og horfði niður fyrir sig þegar hún talaði um föður sinn. En það virtist róa hana að tala um þetta þannig að ég hélt áfram að spyrja.
            „En hvað um mömmu þína,“ spurði ég.
            „Hún dó í bílslysi,“ sagði hún.
            Ég fann mikla samúð með þessari stúlku sem átti engan að nema drukkna frænku.
            „Fjölskylda mín dó í bílslysi,“ sagði ég.
            „Ert þú ein líka?“ spurði hún.
            „Já, ég er ein,“ ég kláraði ísinn og henti brauðforminu.
            „Mig langar ekki heim,“ sagði hún.
            Ég vorkenndi stúlkunni. Það var Þorláksmessa og eina fjölskyldan sem hún átti var full frænka.
            „Viltu koma með mér að kaupa jólagjafir?“ spurði ég og var hissa á að ég hafði spurt þessarar spurningar.

            Sóley leit á mig hissa og kinkaði kolli.
            „Er það í lagi?“ spurði hún.
            „Já, en þú verður að láta frænku þína vita hvar þú ert.“
            Hún samsinnti því og við lögðum af stað heim.
            Á Laugaveginum fór ég inn í verslun til að kaupa gjöf handa henni. Sorgin var horfin. Í bili allavega.

            Ég reyndi að hringja heim til stúlkunnar þegar við komum heim en án árangurs. Það svaraði enginn þannig að ég gafst upp.
            „Þetta er handa þér,“ sagði ég og rétti ég henni pakkann.
            Hún virti pakkann fyrir sér.
            „Takk. Þetta er fallegur pakki. Ég vildi að ég gæti gefið mömmu hann.“
            „Þú getur sett merkimiða á hann og opnað hann fyrir hana,“ sagði ég.
            „Geturðu gert það?“ spurði hún og lifnaði öll við.
            „Já, ekkert mál,“ ég átti nokkra merkimiða í kassa upp í skáp og náði í einn.
            „Hvað hét mamma þín?“ spurði ég.
            „María Guðbrandsdóttir. En skrifaðu bara mamma.“

Ég heyrði pennann falla í gólfið. Það var eins og ég hefði verið kýld í magann. Þarna stóð dóttir konunnar sem hafði tekið fjölskyldu mína í burtu og brosti til mín. Ég studdi mig við borðið og settist niður.
            „Er allt í lagi?“ spurði hún.
            Ég leit upp og gat varla greint andlitsdrætti hennar í gegnum tárin.
            „Já, vinan. Það er ekki allt í lagi.“ Ég breiddi út faðminn og benti henni á að koma til mín. Ég tók brosandi stúlkuna í faðminn.
            „Já, það verður allt í lagi.“

 



16.ágú. 2017 - 13:18

Sæmundur gefur út unga og efnilega höfunda

Bókaútgáfan Sæmundur efndi til útgáfuteitis fyrir helgi í tilefnu útkomu tveggja bóka eftir tvo unga og upprennandi höfunda sem voru báðir að gefa út sína fyrstu bók. Teitið fór fram í bókaverslun Eymundssonar í Austurstræti. Þar mætti fjölmenni til að fagna með höfundunum tveimur sem lásu upp úr bókum sínum.

Jóhanna María Einarsdóttir og Björn Halldórsson eru bæði útgefnir rithöfundar sem hafa fengið verk sín birt í ýmsum miðlum. Nú á fimmtudaginn gáfu þau bæði út sína fyrstu bók. Ljósmyndarinn Jóhann A. Kristjánsson smellti nokkrum myndum af höfundunum og gestum.

09.nóv. 2016 - 15:18

Raðmorðingi gengur laus í Reykjavík: Nýja Breiðholt birtir ískyggilega framtíðarsýn

Nýja Breiðholt er óvenjuleg spennusaga eftir Kristján Atla Ragnarsson sem gerist í ískyggilegri framtíð í Reykjavík þar sem nær allir innviðir eru hrundir og frumskógarlögmálið ræður ríkjum í samskiptum íbúanna.
31.ágú. 2016 - 14:00 Kynning

Nýjar bækur: NORN!

Pabbi hefur eignast kærustu. Hún er með sítt hár, sítt, grænt og úfið hár. Og skemmdar tennur. Vörtur. Uppmjóan hatt. Það er brennisteinslykt af henni. Hún er NORN!
08.júl. 2016 - 09:50 Ágúst Borgþór Sverrisson

Glæpasagnahóf í Eymundsson á Skólavörðustíg í dag: Bókin „13 krimmar“ kynnt

Glæpasögur eru vinsæl lesning, ekki síst á sumrin. Í dag er öllum glæpasagnaunnendum boðið til veislu í Eymundsson Skólavörðustíg þegar kynnt verður bókin „13 krimmar“ en hún inniheldur glæpasmásögur eftir hóp höfunda sem hafa fengist töluvert við smásagnagerð undanfarin ár.
14.jún. 2016 - 10:09

Heimsfrægur þrívíddarlistamaður ætlar að kenna Íslendingum: Allir geta lært tæknina

Þrívíddarlistamaðurinn Dru Blair sérhæfir sig í airbrushtækni og er einn sá besti í heimi. Tæknin gengur út á að gera myndirnar sem líkastar því sem gerist í raunveruleikanum og má oft varla greina hvort um er að ræða ljósmynd eða málverk.  Hann þykinn einn færasti realisma airbrush artisti i heimi
18.apr. 2016 - 09:32 Kristín Clausen

Barnamenningarhátíðin hefst á morgun

Barnamenningarhátíðin verður sett í sjötta skipti á morgun 19. apríl kl. 11 með gleðihátíð í Eldborgarsal Hörpu. Í ár er margbreytileikanum fagnað sérstaklega og af því tilefni mun hljómsveitin Pollapönk frumflytja lag sitt Litríkir sokkar og vettlingar  á setningunni.
30.mar. 2016 - 18:55 Kristín Clausen

Píkusögur aftur á svið

Píka er líkamshlutinn sem við nefnum sjaldnast upphátt og helst ekki sínu rétta nafni. Hvers vegna ekki að byrja núna? Píkusögur, eftir bandaríska leikskáldið Eve Ensler, hefur verið kallað mikilvægasta og pólitískasta leikverk síðari ára.
21.mar. 2016 - 14:30

Barnabókin sem fær börn til að sofna á nokkrum mínútum komin út á íslensku

Bók sem fær börn til að sofna er þarfaþing. Það kemur því ekki á óvart þó að slík bók, barnabókin Kanínan sem vill fara að sofa, hafi farið sigurför um heiminn. Höfundurinn er sænski sálfræðingurinn Carl-Johan Forssén. Bókin er sérhönnuð til hjálpa börnum að sofna fljótt og vel.
03.mar. 2016 - 12:00 Ágúst Borgþór Sverrisson

Fékk ekki starfslaun eftir útgáfu bókar sem núna hefur verið tilnefnd til Bókmenntaverðlauna Norðurlandaráðs

Bækur Elísabetar Jökulsdóttur og Guðbergs Bergssonar hafa verið tilnefndar af hálfu Íslands til Bókmenntaverðlauna Norðurlandaráðs. Bók Guðbergs er skáldsagan Þrír sneru aftur en bók Elísabetar er ljóðabókin Ástin ein taugahrúga: Enginn dans við Ufsakletta.
20.jan. 2016 - 11:00

Játning Karls Ágústs: Vil vita hvað ég sé fyrir mörgum öryrkjum

„Ég hef lifað af ritlist í um það bil 35 ár. Ég lagði það á mig að mennta mig sérstaklega í þessari grein og ná mér í meistaragráðu. Ég hef meira að segja kennt blásaklausum ungmennum þetta vafasama fag í rúm 15 ár í þremur þjóðlöndum og sumir af nemendum mínum hafa jafnvel náð athygli á ritvellinum, illu heilli eða góðu,“
14.jan. 2016 - 21:30

Mikael óhress

Mikael Torfason, rithöfundur, segir að úthluta eigi listamannalaunum á þann veg að enginn vafi leiki á um að þar ráði ekki annarleg sjónarmið för. Sjálfur hlaut hann ekki náð fyrir nefndarinnar en aðalstjórn Rithöfundasambandsins eins og hún leggur sig fékk 12 mánaða starfslaun.
12.jan. 2016 - 14:40 Kristín Clausen

Í mínu ástandi -Persónuleg sýning byggð á erfiðri lífsreynslu

Í mínu ástandi nefnist sýning Önnu Hansson á málverkum og teikningum sem verður opnuð í Anarkíu listasal laugardaginn 16. janúar kl. 15-18. 

Verkin á sýningunni eru sjálfsmyndir og skiptast í stór þróttmikil olíumálverk og teikningar þar sem bleki og kolum er blandað saman. Þetta eru tjáningarrík og formsterk málverk, efnis- og litameðferð er djörf og ákveðin og sterkt formskyn Önnu og markviss pensilskrift skila sér vel í þessum kröftugu myndum.  



09.jan. 2016 - 11:18 Kristín Clausen

Justin Bieber tókst hið ómögulega

Mynd: GettyImages Justin Bieber tókst í vikunni að afreka eitthvað sem engum öðrum tónlistarmanni hefur hingað til tekist. Bieber náði fyrsta, öðru og þriðja sæti á breska vinsældarlistanum. Hann er því kominn í hóp stærstu tónlistarmanna sögunnar.
09.jan. 2016 - 08:00

Versta kvikmynd í heimi sýnd á Íslandi: Myndband

The Room er þekkt fyrir að vera ein versta mynd sem gerð hefur verið. Hún kom út árið 2003 og var sýnd við einstaklega dræmar viðtökur í Los Angeles (flestir gestir vildu fá endurgreitt áður en hálftími var liðinn) þar sem ungir kvikmyndaáhugamenn rákust á hana og sáu húmorinn í hörmungunum.
07.jan. 2016 - 16:03 -

Heimska: Eiríkur Örn Norðdahl skrifar um nánd og firrð í sýnileikaþjóðfélaginu í nýjustu skáldsögu sinni

Heimska, fimmta skáldsaga Eiríks Arnar Norðdahl, er stutt og snörp en barmafull af hugmyndum og þráðum sem leiða djúpt inn í hjarta samtímans. Hrelliklám, játningaviðtöl rithöfunda í jólabókaflóðinu, og listaháskólaverkefni sem fanga athygli þjóðarinnar – allt þetta kemur fyrir í bókinni – en fyrst og fremst fjallar Heimska um sýnileika, það að vera stöðugt sjáanlegur og geta séð aðra, og það hvernig mannskepnan tekst á við tilvist í beinni útsendingu.
02.jan. 2016 - 13:36 Ágúst Borgþór Sverrisson

Auður Jónsdóttir ósátt við Fréttablaðið: „Ljótt gagnvart fjölskyldu minni“

Auður ásamt eiginmanni sínum, Þórarni Leifssyni. Auður Jónsdóttir rithöfundur en óánægð með þá tilhneigingu fjölmiðla að setja sjálfsævisögustimpil á nýjustu bók hennar, Stóra skjálfta, sem hún segir vera hreinræktaða skáldsögu. Í Fréttatímanum var gefið til kynna að höfundur lýsti reynslu sinni af flogaveiki í bókinni og í Fréttablaðinu er bókin sögð sjálfsævisöguleg.
22.des. 2015 - 13:00

Lítil stúlka leitar að hamingjunni

Ný íslensk barnabók, Vikkala Sól og hamingjukrúsin eftir Kristínu Margrét Kristmannsdóttir kom út með hvelli fyrir tæpum hálfum mánuði síðan, og rauk upp í annað sæti metsölulista Eymundsson fyrstu vikuna í flokki barnabóka. Þá fór bókin í einnig í sjötta sæti almenna listans. Bókin hefur vakið eftirtekt fyrir bæði göfugan boðskap og heillandi ævintýri sem liggur á mörkum fantasíu og raunveruleika. Tekist er á við það sem við öll viljum og leitumst eftir óháð aldri: sjálfa hamingjuna, sem gleymist stundum að sjá í hinu stóra og smáa.  
17.des. 2015 - 18:29 Kristín Clausen

Þetta eru bestu bækur ársins 2015 að mati íslenskra bóksala

Bókmenntaverðlaun bóksala voru veitt í gær, 16. desember 2015. Alls voru veitt verðlaun í níu flokkum. Líkt og fyrri ár kaus starfsfólk bókaverslana um bestu bók ársins í hverjum flokki.  
15.des. 2015 - 21:03

Allar stelpur ættu að eiga bókina Stelpur -10 skref að sterkari sjálfsmynd

Bókin Stelpur 10 skref að sterkari sjálfsmynd kom út um miðjan nóvember síðastliðinn en Veröld gefur út bókina sem er fimmta bók höfundarins Kristínar Tómasdóttur. Höfundur heldur áfram á sömu braut og hún hefur áður verið, það er, fræðsluefni fyrir unglingsstelpur. Að þessu sinni er bókin miðuð að því að lesandinn sé að vinna með sjálfsmynd sína samhliða lestri til dæmis í gegnum verkefni sem sett eru fram í bókinni.
09.des. 2015 - 16:08

Gunnella með sýningu í Gróskusal

Þessa dagana stendur myndlistarkonan Gunnella fyrir málverkasýningu í Gróskusal á Garðatorgi 1 í Garðabæ. Á sýningunni sýnir Gunnella nýjar glæsilegar myndir í hinum ýmsu stærðum en einnig fá nokkur eldri verk að fylgja með.
02.des. 2015 - 16:03 Kristjón Kormákur Guðjónsson

Hilma hittir í mark

Hilma er fyrsta bók Óskars Guðmundssonar en það er svo sannarlega enginn byrjendabragur á þessari æsispennandi sögu, sem er hörkuvel skrifuð og spunnin af mikilli íþrótt og hugkvæmni.
29.nóv. 2015 - 15:00

Stefán Máni rífst við sjálfan sig: „Þú vilt ekki að hann verði fúll er það?“

Stefán hitti Mána til að rabba við hann um nýjasta verk hans Nautið. Nautið fer vel af stað og blekið var varla þornað þegar Stefán Máni hafði gert samning við Pegasus um að Nautið yrði að sjónvarpsseríu í leikstjórn Baldvins Z. Í lýsingu á verkinu segir meðal annars:
10.nóv. 2015 - 14:00

„Enginn vill láta kalla sig glæpamann:“ Rithöfundurinn Ágúst Borgþór í vandræðum

Ágúst Borgþór er kappsfullur blaðamaður, afkastamikill og hraðvirkur. Hann hefur það orð á sér að vera mjög óþolinmóður.
08.nóv. 2015 - 18:00 Kristján Kristjánsson

Gefur sjálfur út plötuna Draumur um koss og lætur svartsýni stóru útgefendanna ekki hafa áhrif á sig

Karl Hallgrímsson tónlistarmaður. Platan Draumur um koss er nýkomin út en það er tónlistarmaðurinn Karl Hallgrímsson sem á veg og vanda af plötunni. Hann gefur hana út sjálfur og segist ekki láta svartsýni stóru útgefendanna hafa áhrif á sig og telji að geisladiskar/plötur eigi sér enn líf fyrir höndum.
04.nóv. 2015 - 16:31

Kvennakór Garðabæjar hlaut gull- og silfurverðlaun í alþjóðlegri kórakeppni á Spáni

Kvennakór Garðabæjar, skipaður áhugasöngkonum úr Garðabæ og nágrenni, vann til tvennra verðlauna í alþjóðlegri kórakeppni Canta al mar á Spáni sem fór fram dagana 21.- 25. október. Kórinn vann til gullverðlauna í flokki kvennakóra og var sigurvegari þess flokks og í flokki kirkjuverka vann kórinn til silfurverðlauna. Ingibjörg Guðjónsdóttir er kórstjóri og stofnandi Kvennakórs Garðabæjar.
03.nóv. 2015 - 14:15 Kristján Kristjánsson

Meistaraverk! Af hverju fékk Jón Kalman ekki bókmenntaverðlaun Norðurlandaráðs?

Henriette Bacher Lind, bókmenntagagnrýnandi Jótlandspóstsins, á varla til nógu stór lýsingarorð til að lýsa hrifningu sinni á bók Jóns Kalmans Stefánssonar, Fiskarnir hafa enga fætur, sem er nýkomin út á dönsku.  Hún segir bókina vera meistaraverk og gefur henni sex stjörnur af sex mögulegum.
02.nóv. 2015 - 15:54 RaggaEiríks

Furðulegir atburðir: Ný barnabók Gerðar Kristnýjar fjallar um dularfullar dúkkur

Gerður Kristný hefur sent frá sér nýja barnabók. Hún heitir Dúkka og er spennandi og afar vel skrifuð saga um Kristínu Kötlu sem eignast dúkku sem er ekki eins blíð og góð og í upphafi mætti ætla.
01.nóv. 2015 - 13:00

Má bjóða þér að lesa kafla úr spennusögunni Inn í myrkrið?

Skáldsagan Inn í myrkrið hefur fengið góðar viðtökur og selst prýðilega. Sagan fjallar um venjulegan mann sem fer út af sporinu, leiðist í afbrot og fer að lifa tvöföldu lífi. Sagan fer rólega af stað en magnast eftir því sem á líður.
27.okt. 2015 - 10:44

Leiðinlegur hversdagsleiki eða hættuleg glæpabraut

Inn í myrkrið er óvenjuleg spennusaga að því leyti að hún er að mestu sálræn. Þó að vissulega gerist miklir atburðir inn á milli þá er sagan fyrst og fremst raunsæ lýsing á manni sem hefur misst tökin á lífinu og sogast æ lengra inn myrkrið. Helsta togstreitan er á milli þess hvort að aðalpersónan Óskar, sem er fastur í ástlausu hjónabandi sem er ekkert nema vaninn einn, kjósi að halda sig við örugga en leiðinlega hversdagsleikann eða velji hina spennandi en hættulegu óvissu sem fylgir glæpalífinu.
21.okt. 2015 - 21:30

Inn í myrkrið eftir Ágúst Borgþór Sverrisson

Út er komin skáldsagan Inn í myrkrið eftir Ágúst Borgþór Sverrisson, óvenjuleg spennusaga um ferð manns inn í myrkrið í eigin sál og til fundar við myrk öfl í samfélaginu.

03.okt. 2015 - 18:00

Eru Ameríkumenn hættir að gera góðar bíómyndir: Bestu myndirnar eru hundgamlar!

Óhætt mun að segja að bandarísk kvikmyndagerð er sú áhrifamesta í heimi. Og engum blöðum er um það að fletta að amerískar myndir eru þær vinsælustu í heimi. En ætla mætti að Bandaríkjamenn væru hins vegar hættir að gera verulega góðar bíómyndir. Þá ályktun má að minnsta kosti draga af lista sem BBC bjó til með ærnu erfiði og á að sýna 100 bestu bandarísku myndrinar frá upphafi.
17.sep. 2015 - 11:00

Glæsileg dagskrá á RIFF í ár: Hátt í 100 kvikmyndir, matarveisla og sundbíó

Kvikmyndin Tale of Tales verður opnunarmynd RIFF í ár Alþjóðleg kvikmyndahátíð í Reykjavík verður sett í 12. sinn þann 24. september næstkomandi og mun standa til sunnudagsins 4. október. Opnunarmyndin Tale of Tales verður sýnd við sérstaka athöfn í Gamla bíó þann 24. september. Þá verður víðtæk dagskrá í Kópavogi, meðal annars í Gerðasafni, Salnum og Bókasafni Kópavogs. Gert er ráð fyrir að hátt í hundrað erlendir gestir munu sækja hátíðina heim, bæði leikstjórar myndanna, framleiðendur, dreifingaraðilar og blaðamenn.
08.sep. 2015 - 14:21

Hrútar er framlag Íslands til Óskarsverðlaunanna

Meðlimir Íslensku kvikmynda- og sjónvarpsakademíunnar, ÍKSA, völdu kvikmyndina Hrúta sem framlag Íslands til Óskarsverðlaunanna á næsta ári. Hrútar mun því keppa fyrir Íslands hönd um Óskarsverðlaunin fyrir bestu kvikmyndina á erlendu tungumáli.
31.ágú. 2015 - 11:41

Fúsi tilnefndur: Hjartnæm þroskasaga af ljúfum risa

Kvikmyndin  Fúsi  eftir  Dag  Kára  Pétursson er  tilnefnd  til   Kvikmyndaverðlauna Norðurlandaráðs  í  ár. Tilkynnt var í morgun hvaða fimm kvikmyndir eru tilnefndar til hinna eftirsóttu verðlauna sem verða afhent þann 27. október í Hörpu.  
24.ágú. 2015 - 19:00 Ari Brynjólfsson

Grófasta mynd sem sýnd hefur verið í þrívídd hér á landi: Stikla

„Þetta er allavega grófasta mynd sem ég hef séð í bíó og grófasta þrívíddarmynd sem sýnd hefur verið í kvikmyndahúsum á Íslandi,“ segir Hrönn Sveinsdóttir framkvæmdastjóri Bíó Paradís í samtali við Pressuna. Um er að ræða kvikmyndina Love sem vakið hefur mikla athygli þar sem hún sýnir kynlíf á mjög afhjúpandi hátt. Hrönn segir það hafa verið röð út úr dyrum á kvikmyndahátíðinni í Cannes, þar sem myndin var tilnefnd til Queer Palm verðlaunanna:

08.jún. 2015 - 21:00

Þegar tveir ungir menn hurfu í Reykjavík: „Voru þetta bara tveir listrænir strákar á megabömmer yfir lífinu?“

„Handan við hafdjúpin bláu. Hugur minn dvelur hjá þér. Ég vil að þú komir og kyssir. Kvíðann úr hjarta mér,“ eru upphafsorð lagsins Hvítra máva eftir Björn Braga Magnússon, en lagið og höfundurinn var efni pistils Dr.Gunna í tilefni Sjómannadagsins. Hvítir mávar komu út árið 1959 í flutningi Helenu Eyjólfsdóttur, með lagi eftir Walter Lange og texta eftir Björn Braga. Er þetta hans þekktasti texti en hann samdi einnig textann við Allt á floti.
23.maí 2015 - 08:00

Eika og Eiríki lenti saman: Ekki sammála um Hryðjuverkamaður snýr heim

„Jæja, ertu þá loksins kominn aftur hingað uppeftir?“ sagði Eiki þar sem hann gekk fram á mig sitjandi á rafmagnskassa í Vesturberginu og horfa yfir blokkirnar.
12.maí 2015 - 16:30

Sindri Freyr er „Þér við hlið“

Sindri Freyr Guðjónsson

Tónlistarmaðurinn Sindri Freyr Guðjónsson gaf í dag út sitt annað lag á ferlinum en lagið Þér við hlið er nú frjálst til hlustunar á YouTube. Þessi bráðum 21 árs gamli Eyjamaður grípur hér sumarið á lofti með fersku og skemmtilegu „sumarpoppi“.

10.maí 2015 - 19:00 Ágúst Borgþór Sverrisson

Játaði á sig ofbeldi og uppskar útskúfun

Ofbeldi er margslungið. Margt af því ofbeldi sem við beitum hvert annað er þannig vaxið að það gerir illt vera að reyna að refsa fyrir það opinberlega, það er þess eðlis að aðrir eru ekki þess umkomnir að dæma og refsa fyrir það, ekki nema við viljum lifa í lögregluríki.
03.maí 2015 - 09:03

Jón Gnarr svarar fyrir sig: „Ekki ætlun mín að halla á Gunnar Jökul“

Jón Gnarr svarar að einhverju leyti gagnrýni sem Egill Helgason beindi að honum í dag fyrir að hafa sett trommuleikarann Gunnar Jökul Hákonarson í hóp bjánapoppara.  Forsaga málsins er grein sem Jón Gnarr birti í laugardagsútgáfu Fréttablaðsins og hörð gagnrýni Egils Helgasonar á greinina á bloggsvæði Egils á Eyjunni.
02.maí 2015 - 22:48

Nýr og óþekktur höfundur að slá í gegn? Fjölmenni í útgáfuteiti HILMU

Spennusagan Hilma hefur vakið töluverða forvitni fólks og fengið frábærar viðtökur þeirra fáu sem enn hafa lesið hana en útgáfuteiti vegna bókarinnar var haldið síðastliðinn fimmtudag í Eymundsson Austurstræti. Útgáfuteitið var afar fjölmennt og mörg eintök seldust af bókinni á staðnum.
02.maí 2015 - 17:27

Egill gagnrýnir Jón Gnarr harðlega: Gunnar Jökull var veikur, ekki bjáni

Egill Helgason ferð hörðum orðum um grein Jóns Gnarr í Fréttablaðinu í morgun sem fjallar um svokallað bjánapopp. Ástæða gagnrýninnar er sú að Jón Gnarr dregur Gunnar Jökul Hákonarson, fyrrverandi trommuleikara Trúbrots, inn í umræðuna. „Ég segi eins og er – mér finnst það ljótt,“ segir Egill.
02.maí 2015 - 14:00

Listakonan Jonna glímdi við Bakkus og erfiðan skilnað: „Listin bjargaði mér“

„Í rauninni er fótunum kippt undan manni þegar maður lendir í slíkri lífsreynslu. Ég fékk taugaáfall og hefði sennilega verið lögð inn á geðdeild ef ég ætti ekki svona yndislega móður sem tók mig að sér og bjó hjá mér í þrjár vikur.“
02.maí 2015 - 11:41

Gleyma öllu um Hallbjörn, hendir plötu Gylfa í ruslið: Bjánapoppið er dautt

Jón Gnarr, leikari og fyrrverandi borgarstjóri, gerir upp við bjánapoppið sem hann kallar svo í nýjum pistli og segir það dautt, þar sem margar helstu hetjur þess á íslenskum vettvangi hafi gerst sekar um glæpi eða óásættanlega framkomu.
28.apr. 2015 - 19:35

Bubbi: Þingmenn væla yfir saklausum gjörningi á meðan þeir hafa tekið ákvörðun um að nauðga landinu

Líkt og ítrekað hefur komið fram í fréttum hefur uppátæki  hins umdeilda listamanns, Marco Evaristti, að hella bleiku náttúrulegu litarefni í Strokk, vakti hörð viðbrögð hér á landi. Er svo komið að listmaðurinn íhugar að óska eftir vernd vegna hótanna Íslendinga. En Marco segist hafa borist fjölda líflátshótana.
28.apr. 2015 - 10:45

Enginn bað Ólaf Elíasson um að hoppa upp í rassgatið á sér

Uppátæki hins umdeilda listamanns, Marco Evaristti, að hella bleiku náttúrulegu litarefni í Strokk, vakti hörð viðbrögð hér á landi. Kepptust Íslendingar við að úthúða listamanninum á samfélagsmiðlum í kjölfarið. Liturinn var með öllu horfinn úr náttúrunni eftir fjóra klukkutíma. Marco var uppnefndur heimskur glæpamaður sem ætti að drulla sér af Íslandi þegar í stað. Gunnar Lárus Hjálmarsson, eða Dr. Gunni eins og hann er gjarnan kallaður fjallar um málið á Eyjunni.
27.apr. 2015 - 20:48

Alvogen heldur styrktartónleika fyrir börn í Nepal: Retro Stefson, Amabadama og Ylja boðað komu sína

Lyfjafyrirtækið Alvogen hefur ákveðið að halda styrktartónleika í Hörpu þann 6. júní næstkomandi í samstarfi við UNICEF og Rauða krossinn en samtökin standa nú fyrir landssöfnun til styrktar þolendum jarðskjáltans mikla í Nepal. Alvogen mun bera allan kostnað vegna tónleikanna þannig aðgangseyrir renni óskertur til samtakanna vegna neyðaraðstoðar sem þau standa fyrir í kjölfar hamfaranna. Stefnt er að því að safna yfir 5 milljónum króna vegna tónleikanna sem renna óskert til UNICEF og Rauða krossins með stuðningi Alvogen. Andvirði miðasölu verður skipt jafnt á milli samtakanna. Jafnframt mun Alvogen leggja 4 milljónir króna í beinum fjárstuðningi til UNICEF fyrir sama málefni. Með stuðningi Alvogen og beinu fjárframlagi er stefnt að því að 9 milljónir króna renni til UNICEF og Rauða krossins vegna neyðaraðstoðar í Nepal.
27.apr. 2015 - 20:21

Páll Óskar, Dúndurfréttir, Magni og Skítamórall spila á Kótelettunni

Mikil stemmning var á hátíðinni í fyrra Páll Óskar og Dúndurfréttir ásamt Magna Ásgeirssyni munu spila á Kótelettunni BBQ Festival, stærstu grill-tónlistarveislu Íslands sem haldin verður á Selfossi 12-14 júní. Þá munu Skítamórall og Stuðlabandið einnig troða upp á hátíðinni. Unnið er að því að fá fleiri öflug tónlistaratriði á hátíðina og verða þau opinberuð á næstunni að sögn Einars Björnssonar, aðalskipuleggjanda Kótelettunnar.Einar bætir við:
24.apr. 2015 - 04:44

„Fúsi“ valin besta myndin á Tribeca kvikmyndahátíðinni: Gunnar Jónsson valinn besti leikarinn

Kvikmyndin Fúsi eða „Virgin Mountain“  í leikstjórn Dags Kára var valin besta kvikmyndin á Tribeca kvikmyndahátíðinni í New York í gærkvöldi. Gunnar Jónsson, sem fer með aðalhlutverkið í kvikmyndinni, var valinn besti leikarinn og Dagur Kári var valinn besti handritshöfundurinn.