Menningarpressan

10. maí 2015 - 19:00Ágúst Borgþór Sverrisson

Játaði á sig ofbeldi og uppskar útskúfun

Gott fólk eftir Val Grettisson er skáldsaga í listrænum skilningi en ekki í skilningi sem miðar við sanngildi. En skáldsaga er form, tækni og frásagnaraðferð og skilgreinist ekki af því að ekkert sem komi fram í henni eigi sér hliðstæðu í lífinu. Margir hafa ekki þennan skilning á skáldsagnaforminu, sérstaklega ekki þeir sem hafa ekki kafað djúpt í það.

En stundum koma fyrir atvik í skáldsögum sem líkjast raunverulegum atburðum eða endurspegla þá nákvæmlega. Ljóst er að nokkurra ára gamlir atburðir í Reykjavík sem rötuðu í fjölmiðla og voru uppspretta mikilla umræðna og harðvítugra deilna á samfélagsmiðlum eru kveikjan að þessari sögu.

Eflaust hefur höfundur vikið um margt frá raunverulegum atvikum þess máls, þ.e. eins og honum hentaði, enda lýtur skáldsaga ætíð öðrum lögmálum en raunveruleikinn. Hins vegar er ekki betur hægt að sjá en meginatriði þessa máls myndi grunn sögunnar.

Málið snerist um kynferðisbrot og andlegt ofbeldi en þó ekki slíkt í skilningi laganna. Maður steig fram og lýsti því yfir á Facebook að hann hefði gerst sekur um kynferðisbrot. Nokkru síðar sendi hann frá sér aðra yfirlýsingu þar sem hann fordæmdi þá er höfðu fengið hann til að rita sektarviðurkenninguna.

Nokkru eftir þetta birtust viðtöl í DV við meint fórnarlamb mannsins og stuðningsfólk hennar. Hvorki hafði átt sér stað líkamlegt ofbeldi né nauðgun heldur hafði maðurinn gengið yfir mörk konunnar í sambandinu, hafði nýtt sér það að hún var ástfangin af honum til að stunda kynlíf af því tagi sem misbauð henni, auk þess hafði hann niðurlægt hana með framkomu sinni og gert lítið úr henni. Hann sleit síðan sambandinu.

Nokkru síðar heimsóttu vinir konunnar manninn og kynntu fyrir honum það sem þeir kölluðu ábyrgðarferli. Manninum var þá boðið að undirgangast nokkra skilmála: Viðurkenna opinberlega að hann hefði beitt konuna ofbeldi, yfirgefa öldurhús og samkomustaði þar sem hún væri einnig viðstödd, leita sér aðstoðar sálfræðings og skýra frá því á þeim vettvangi þar sem hann starfaði að mannréttindamálum að hann hefði gerst sekur um ofbeldi.

Maðurinn gekkst við þessu. Því miður fyrir hann og alla sem tengdust málinu fór atburðarásin síðan úr böndunum því hann mátti þola mikið slúður og baktal, fólk taldi sig eðlilega vita að hann hefði framið kynferðisbrot en vissi ekki af hvaða tagi og stimplaði hann sem nauðgara; hann mátti þola einhvern verkefnamissi og flúði um tíma land.

Eins og áður segir er ljóst að kjarna þessara atburða er að finna í skáldsögu Vals Grettissonar, Gott fólk, sögu um blaðamanninn, menningarvitann og róttæklinginn Sölva Kárason, ástarsamband hans við Söru og eftirmála þess. Meginsöguþráður bókarinnar er nokkurn veginn sá sami og í ofangreindu. Í sögunni gengur útskúfunin mjög langt og greinarhöfundi er ókunnugt um hvort sú hafi verið raunin í veruleikanum. Vonandi ekki því þetta er hrollvekjandi – þessi múgsefjun, einelti og ofsóknir meðal hámenntaðs fólks sem telur sig þó vera meiri mannvini en aðrir.

Margt er afar vel gert í þessari fyrstu skáldsögu Vals Grettissonar. Kaflar sem lýsa sambandi Sölva og Söru annars vegar og stigmagnandi ofsóknum gegn honum hins vegar eru áhrifamiklir. Siðferðilegar vangaveltur og samtöl um ofbeldi sem söguefnið gefur tilefni til eru frjóar, djúpar og vel skrifaðar.

Þegar Sölvi beitir Söru andlegu ofbeldi í sögunni fyllist lesandinn (þessi lesandi) óbeit á gjörðum hans; að sama skapi vekur ábyrgðarferlið svokallaða óbeit þessa sama lesanda frá upphafi og hún vex eftir því sem útskúfunin og fjandskapurinn magnast.

Ofbeldi er margslungið. Margt af því ofbeldi sem við beitum hvert annað er þannig vaxið að það gerir illt verra að reyna að refsa fyrir það opinberlega, það er þess eðlis að aðrir eru ekki þess umkomnir að dæma og refsa fyrir það, ekki nema við viljum lifa í lögregluríki. Þegar ofbeldi er þess eðlis að þolandinn getur ekki borið hönd fyrir höfuð sér, hvorki varið sig né gengið af hólmi – það er þá sem lögin og lögregluvald þurfa að grípa inn í. Þannig er ofbeldið í sambandi Sölva og Söru ekki. Þetta snýst um samskiptavandamál sem fólk þarf að leysa sjálft án yfirvalds; þetta eru einkamál, hversu sársaukafull sem þau kunna að vera.

En það er áhugavert að greina mörkin. Ofbeldið sem Sölvi beitir Söru flokkast til dæmis klárlega ekki undir heimilisofbeldi. En það er samt ofbeldi.

Sagan hefur nokkra áberandi galla sem þó draga ekki mikið úr lestraránægjunni. Lýsingar á fjölskyldu Sölva virka klisjukenndar og óekta. Lágpunkturinn þar er lýsing á dauða föður hans sem er fáránlega tilfinningasnauð og léttúðug – en getur ekki átt að vera það.

Höfundur lendir þarna í þeim vanda að skáldsaga þarf víst að vera 300 blaðsíður og samkvæmt sama viðhorfi er ekki hægt að tefla fram aðalpersónu án þess að segja frá fjölskyldu hennar. Styttri og beinskeyttari saga með færri aukapersónum og aukaatriðum hefði verið lausnin á þeim vanda höfundarins að þurfa að skrifa um það sem kveikir ekki í honum – eða virðist ekki gera það.

Annar galli snýst um gerð aðalpersónunnar. Út frá því hvernig lesandinn upplifir Sölva er afar erfitt að kaupa það að hann hafi nokkurn tíma verið eldheitur baráttumaður fyrir mannréttindum og aggressífur mótmælandi gegn stjórnvöldum. Persónan sem lifnar á síðum bókarinnar er níhílískur og kaldhæðinn menntamaður sem virðist sama um allt.

Sagan er afbragðsvel uppbyggð, það er flott stígandi í frásögninni; almennt vel skrifuð og víða áhrifamikil; þess á milli dálítið yfirborðsleg og vélræn.

Sem fyrsta skáldsaga höfundar er Gott fólk eftir Val Grettisson klárlega vel heppnuð.





16.ágú. 2017 - 13:18

Sæmundur gefur út unga og efnilega höfunda

Bókaútgáfan Sæmundur efndi til útgáfuteitis fyrir helgi í tilefnu útkomu tveggja bóka eftir tvo unga og upprennandi höfunda sem voru báðir að gefa út sína fyrstu bók. Teitið fór fram í bókaverslun Eymundssonar í Austurstræti. Þar mætti fjölmenni til að fagna með höfundunum tveimur sem lásu upp úr bókum sínum.

Jóhanna María Einarsdóttir og Björn Halldórsson eru bæði útgefnir rithöfundar sem hafa fengið verk sín birt í ýmsum miðlum. Nú á fimmtudaginn gáfu þau bæði út sína fyrstu bók. Ljósmyndarinn Jóhann A. Kristjánsson smellti nokkrum myndum af höfundunum og gestum.

09.nóv. 2016 - 15:18

Raðmorðingi gengur laus í Reykjavík: Nýja Breiðholt birtir ískyggilega framtíðarsýn

Nýja Breiðholt er óvenjuleg spennusaga eftir Kristján Atla Ragnarsson sem gerist í ískyggilegri framtíð í Reykjavík þar sem nær allir innviðir eru hrundir og frumskógarlögmálið ræður ríkjum í samskiptum íbúanna.
31.ágú. 2016 - 14:00 Kynning

Nýjar bækur: NORN!

Pabbi hefur eignast kærustu. Hún er með sítt hár, sítt, grænt og úfið hár. Og skemmdar tennur. Vörtur. Uppmjóan hatt. Það er brennisteinslykt af henni. Hún er NORN!
08.júl. 2016 - 09:50 Ágúst Borgþór Sverrisson

Glæpasagnahóf í Eymundsson á Skólavörðustíg í dag: Bókin „13 krimmar“ kynnt

Glæpasögur eru vinsæl lesning, ekki síst á sumrin. Í dag er öllum glæpasagnaunnendum boðið til veislu í Eymundsson Skólavörðustíg þegar kynnt verður bókin „13 krimmar“ en hún inniheldur glæpasmásögur eftir hóp höfunda sem hafa fengist töluvert við smásagnagerð undanfarin ár.
14.jún. 2016 - 10:09

Heimsfrægur þrívíddarlistamaður ætlar að kenna Íslendingum: Allir geta lært tæknina

Þrívíddarlistamaðurinn Dru Blair sérhæfir sig í airbrushtækni og er einn sá besti í heimi. Tæknin gengur út á að gera myndirnar sem líkastar því sem gerist í raunveruleikanum og má oft varla greina hvort um er að ræða ljósmynd eða málverk.  Hann þykinn einn færasti realisma airbrush artisti i heimi
18.apr. 2016 - 09:32 Kristín Clausen

Barnamenningarhátíðin hefst á morgun

Barnamenningarhátíðin verður sett í sjötta skipti á morgun 19. apríl kl. 11 með gleðihátíð í Eldborgarsal Hörpu. Í ár er margbreytileikanum fagnað sérstaklega og af því tilefni mun hljómsveitin Pollapönk frumflytja lag sitt Litríkir sokkar og vettlingar  á setningunni.
30.mar. 2016 - 18:55 Kristín Clausen

Píkusögur aftur á svið

Píka er líkamshlutinn sem við nefnum sjaldnast upphátt og helst ekki sínu rétta nafni. Hvers vegna ekki að byrja núna? Píkusögur, eftir bandaríska leikskáldið Eve Ensler, hefur verið kallað mikilvægasta og pólitískasta leikverk síðari ára.
21.mar. 2016 - 14:30

Barnabókin sem fær börn til að sofna á nokkrum mínútum komin út á íslensku

Bók sem fær börn til að sofna er þarfaþing. Það kemur því ekki á óvart þó að slík bók, barnabókin Kanínan sem vill fara að sofa, hafi farið sigurför um heiminn. Höfundurinn er sænski sálfræðingurinn Carl-Johan Forssén. Bókin er sérhönnuð til hjálpa börnum að sofna fljótt og vel.
03.mar. 2016 - 12:00 Ágúst Borgþór Sverrisson

Fékk ekki starfslaun eftir útgáfu bókar sem núna hefur verið tilnefnd til Bókmenntaverðlauna Norðurlandaráðs

Bækur Elísabetar Jökulsdóttur og Guðbergs Bergssonar hafa verið tilnefndar af hálfu Íslands til Bókmenntaverðlauna Norðurlandaráðs. Bók Guðbergs er skáldsagan Þrír sneru aftur en bók Elísabetar er ljóðabókin Ástin ein taugahrúga: Enginn dans við Ufsakletta.
20.jan. 2016 - 11:00

Játning Karls Ágústs: Vil vita hvað ég sé fyrir mörgum öryrkjum

„Ég hef lifað af ritlist í um það bil 35 ár. Ég lagði það á mig að mennta mig sérstaklega í þessari grein og ná mér í meistaragráðu. Ég hef meira að segja kennt blásaklausum ungmennum þetta vafasama fag í rúm 15 ár í þremur þjóðlöndum og sumir af nemendum mínum hafa jafnvel náð athygli á ritvellinum, illu heilli eða góðu,“
14.jan. 2016 - 21:30

Mikael óhress

Mikael Torfason, rithöfundur, segir að úthluta eigi listamannalaunum á þann veg að enginn vafi leiki á um að þar ráði ekki annarleg sjónarmið för. Sjálfur hlaut hann ekki náð fyrir nefndarinnar en aðalstjórn Rithöfundasambandsins eins og hún leggur sig fékk 12 mánaða starfslaun.
12.jan. 2016 - 14:40 Kristín Clausen

Í mínu ástandi -Persónuleg sýning byggð á erfiðri lífsreynslu

Í mínu ástandi nefnist sýning Önnu Hansson á málverkum og teikningum sem verður opnuð í Anarkíu listasal laugardaginn 16. janúar kl. 15-18. 

Verkin á sýningunni eru sjálfsmyndir og skiptast í stór þróttmikil olíumálverk og teikningar þar sem bleki og kolum er blandað saman. Þetta eru tjáningarrík og formsterk málverk, efnis- og litameðferð er djörf og ákveðin og sterkt formskyn Önnu og markviss pensilskrift skila sér vel í þessum kröftugu myndum.  



09.jan. 2016 - 11:18 Kristín Clausen

Justin Bieber tókst hið ómögulega

Mynd: GettyImages Justin Bieber tókst í vikunni að afreka eitthvað sem engum öðrum tónlistarmanni hefur hingað til tekist. Bieber náði fyrsta, öðru og þriðja sæti á breska vinsældarlistanum. Hann er því kominn í hóp stærstu tónlistarmanna sögunnar.
09.jan. 2016 - 08:00

Versta kvikmynd í heimi sýnd á Íslandi: Myndband

The Room er þekkt fyrir að vera ein versta mynd sem gerð hefur verið. Hún kom út árið 2003 og var sýnd við einstaklega dræmar viðtökur í Los Angeles (flestir gestir vildu fá endurgreitt áður en hálftími var liðinn) þar sem ungir kvikmyndaáhugamenn rákust á hana og sáu húmorinn í hörmungunum.
07.jan. 2016 - 16:03 -

Heimska: Eiríkur Örn Norðdahl skrifar um nánd og firrð í sýnileikaþjóðfélaginu í nýjustu skáldsögu sinni

Heimska, fimmta skáldsaga Eiríks Arnar Norðdahl, er stutt og snörp en barmafull af hugmyndum og þráðum sem leiða djúpt inn í hjarta samtímans. Hrelliklám, játningaviðtöl rithöfunda í jólabókaflóðinu, og listaháskólaverkefni sem fanga athygli þjóðarinnar – allt þetta kemur fyrir í bókinni – en fyrst og fremst fjallar Heimska um sýnileika, það að vera stöðugt sjáanlegur og geta séð aðra, og það hvernig mannskepnan tekst á við tilvist í beinni útsendingu.
02.jan. 2016 - 13:36 Ágúst Borgþór Sverrisson

Auður Jónsdóttir ósátt við Fréttablaðið: „Ljótt gagnvart fjölskyldu minni“

Auður ásamt eiginmanni sínum, Þórarni Leifssyni. Auður Jónsdóttir rithöfundur en óánægð með þá tilhneigingu fjölmiðla að setja sjálfsævisögustimpil á nýjustu bók hennar, Stóra skjálfta, sem hún segir vera hreinræktaða skáldsögu. Í Fréttatímanum var gefið til kynna að höfundur lýsti reynslu sinni af flogaveiki í bókinni og í Fréttablaðinu er bókin sögð sjálfsævisöguleg.
22.des. 2015 - 13:00

Lítil stúlka leitar að hamingjunni

Ný íslensk barnabók, Vikkala Sól og hamingjukrúsin eftir Kristínu Margrét Kristmannsdóttir kom út með hvelli fyrir tæpum hálfum mánuði síðan, og rauk upp í annað sæti metsölulista Eymundsson fyrstu vikuna í flokki barnabóka. Þá fór bókin í einnig í sjötta sæti almenna listans. Bókin hefur vakið eftirtekt fyrir bæði göfugan boðskap og heillandi ævintýri sem liggur á mörkum fantasíu og raunveruleika. Tekist er á við það sem við öll viljum og leitumst eftir óháð aldri: sjálfa hamingjuna, sem gleymist stundum að sjá í hinu stóra og smáa.  
20.des. 2015 - 21:00

Jólasaga Pressunnar 2015 er eftir Róbert Marvin

Fyrir síðustu jól tók Pressan upp þann sið að birta frumsamda jólasögu eftir íslenskan höfund skömmu fyrir jól. Okkur langar til að halda þessu áfram og að þessu sinni birtum við áhrifamikla jólasmásögu eftir rithöfundinn Robert Marvin. Hann hefur getið sér gott orð fyrir smásögur sínar en fyrr á árinu gaf hann einnig út skáldsöguna Konur húsvarðarins, sem er spennusaga. Smásagan sem hér fer á eftir, Gjöf handa mömmu, er í senn hjartnæm og vönduð saga sem heldur lesandanum föngnum. Hún birtist  upphaflega í smásagnasafninu Jólasögur sem kom út í haust og inniheldur jólasmásögur eftir ýmsa höfunda.
17.des. 2015 - 18:29 Kristín Clausen

Þetta eru bestu bækur ársins 2015 að mati íslenskra bóksala

Bókmenntaverðlaun bóksala voru veitt í gær, 16. desember 2015. Alls voru veitt verðlaun í níu flokkum. Líkt og fyrri ár kaus starfsfólk bókaverslana um bestu bók ársins í hverjum flokki.  
15.des. 2015 - 21:03

Allar stelpur ættu að eiga bókina Stelpur -10 skref að sterkari sjálfsmynd

Bókin Stelpur 10 skref að sterkari sjálfsmynd kom út um miðjan nóvember síðastliðinn en Veröld gefur út bókina sem er fimmta bók höfundarins Kristínar Tómasdóttur. Höfundur heldur áfram á sömu braut og hún hefur áður verið, það er, fræðsluefni fyrir unglingsstelpur. Að þessu sinni er bókin miðuð að því að lesandinn sé að vinna með sjálfsmynd sína samhliða lestri til dæmis í gegnum verkefni sem sett eru fram í bókinni.
09.des. 2015 - 16:08

Gunnella með sýningu í Gróskusal

Þessa dagana stendur myndlistarkonan Gunnella fyrir málverkasýningu í Gróskusal á Garðatorgi 1 í Garðabæ. Á sýningunni sýnir Gunnella nýjar glæsilegar myndir í hinum ýmsu stærðum en einnig fá nokkur eldri verk að fylgja með.
02.des. 2015 - 16:03 Kristjón Kormákur Guðjónsson

Hilma hittir í mark

Hilma er fyrsta bók Óskars Guðmundssonar en það er svo sannarlega enginn byrjendabragur á þessari æsispennandi sögu, sem er hörkuvel skrifuð og spunnin af mikilli íþrótt og hugkvæmni.
29.nóv. 2015 - 15:00

Stefán Máni rífst við sjálfan sig: „Þú vilt ekki að hann verði fúll er það?“

Stefán hitti Mána til að rabba við hann um nýjasta verk hans Nautið. Nautið fer vel af stað og blekið var varla þornað þegar Stefán Máni hafði gert samning við Pegasus um að Nautið yrði að sjónvarpsseríu í leikstjórn Baldvins Z. Í lýsingu á verkinu segir meðal annars:
10.nóv. 2015 - 14:00

„Enginn vill láta kalla sig glæpamann:“ Rithöfundurinn Ágúst Borgþór í vandræðum

Ágúst Borgþór er kappsfullur blaðamaður, afkastamikill og hraðvirkur. Hann hefur það orð á sér að vera mjög óþolinmóður.
08.nóv. 2015 - 18:00 Kristján Kristjánsson

Gefur sjálfur út plötuna Draumur um koss og lætur svartsýni stóru útgefendanna ekki hafa áhrif á sig

Karl Hallgrímsson tónlistarmaður. Platan Draumur um koss er nýkomin út en það er tónlistarmaðurinn Karl Hallgrímsson sem á veg og vanda af plötunni. Hann gefur hana út sjálfur og segist ekki láta svartsýni stóru útgefendanna hafa áhrif á sig og telji að geisladiskar/plötur eigi sér enn líf fyrir höndum.
04.nóv. 2015 - 16:31

Kvennakór Garðabæjar hlaut gull- og silfurverðlaun í alþjóðlegri kórakeppni á Spáni

Kvennakór Garðabæjar, skipaður áhugasöngkonum úr Garðabæ og nágrenni, vann til tvennra verðlauna í alþjóðlegri kórakeppni Canta al mar á Spáni sem fór fram dagana 21.- 25. október. Kórinn vann til gullverðlauna í flokki kvennakóra og var sigurvegari þess flokks og í flokki kirkjuverka vann kórinn til silfurverðlauna. Ingibjörg Guðjónsdóttir er kórstjóri og stofnandi Kvennakórs Garðabæjar.
03.nóv. 2015 - 14:15 Kristján Kristjánsson

Meistaraverk! Af hverju fékk Jón Kalman ekki bókmenntaverðlaun Norðurlandaráðs?

Henriette Bacher Lind, bókmenntagagnrýnandi Jótlandspóstsins, á varla til nógu stór lýsingarorð til að lýsa hrifningu sinni á bók Jóns Kalmans Stefánssonar, Fiskarnir hafa enga fætur, sem er nýkomin út á dönsku.  Hún segir bókina vera meistaraverk og gefur henni sex stjörnur af sex mögulegum.
02.nóv. 2015 - 15:54 RaggaEiríks

Furðulegir atburðir: Ný barnabók Gerðar Kristnýjar fjallar um dularfullar dúkkur

Gerður Kristný hefur sent frá sér nýja barnabók. Hún heitir Dúkka og er spennandi og afar vel skrifuð saga um Kristínu Kötlu sem eignast dúkku sem er ekki eins blíð og góð og í upphafi mætti ætla.
01.nóv. 2015 - 13:00

Má bjóða þér að lesa kafla úr spennusögunni Inn í myrkrið?

Skáldsagan Inn í myrkrið hefur fengið góðar viðtökur og selst prýðilega. Sagan fjallar um venjulegan mann sem fer út af sporinu, leiðist í afbrot og fer að lifa tvöföldu lífi. Sagan fer rólega af stað en magnast eftir því sem á líður.
27.okt. 2015 - 10:44

Leiðinlegur hversdagsleiki eða hættuleg glæpabraut

Inn í myrkrið er óvenjuleg spennusaga að því leyti að hún er að mestu sálræn. Þó að vissulega gerist miklir atburðir inn á milli þá er sagan fyrst og fremst raunsæ lýsing á manni sem hefur misst tökin á lífinu og sogast æ lengra inn myrkrið. Helsta togstreitan er á milli þess hvort að aðalpersónan Óskar, sem er fastur í ástlausu hjónabandi sem er ekkert nema vaninn einn, kjósi að halda sig við örugga en leiðinlega hversdagsleikann eða velji hina spennandi en hættulegu óvissu sem fylgir glæpalífinu.
21.okt. 2015 - 21:30

Inn í myrkrið eftir Ágúst Borgþór Sverrisson

Út er komin skáldsagan Inn í myrkrið eftir Ágúst Borgþór Sverrisson, óvenjuleg spennusaga um ferð manns inn í myrkrið í eigin sál og til fundar við myrk öfl í samfélaginu.

03.okt. 2015 - 18:00

Eru Ameríkumenn hættir að gera góðar bíómyndir: Bestu myndirnar eru hundgamlar!

Óhætt mun að segja að bandarísk kvikmyndagerð er sú áhrifamesta í heimi. Og engum blöðum er um það að fletta að amerískar myndir eru þær vinsælustu í heimi. En ætla mætti að Bandaríkjamenn væru hins vegar hættir að gera verulega góðar bíómyndir. Þá ályktun má að minnsta kosti draga af lista sem BBC bjó til með ærnu erfiði og á að sýna 100 bestu bandarísku myndrinar frá upphafi.
17.sep. 2015 - 11:00

Glæsileg dagskrá á RIFF í ár: Hátt í 100 kvikmyndir, matarveisla og sundbíó

Kvikmyndin Tale of Tales verður opnunarmynd RIFF í ár Alþjóðleg kvikmyndahátíð í Reykjavík verður sett í 12. sinn þann 24. september næstkomandi og mun standa til sunnudagsins 4. október. Opnunarmyndin Tale of Tales verður sýnd við sérstaka athöfn í Gamla bíó þann 24. september. Þá verður víðtæk dagskrá í Kópavogi, meðal annars í Gerðasafni, Salnum og Bókasafni Kópavogs. Gert er ráð fyrir að hátt í hundrað erlendir gestir munu sækja hátíðina heim, bæði leikstjórar myndanna, framleiðendur, dreifingaraðilar og blaðamenn.
08.sep. 2015 - 14:21

Hrútar er framlag Íslands til Óskarsverðlaunanna

Meðlimir Íslensku kvikmynda- og sjónvarpsakademíunnar, ÍKSA, völdu kvikmyndina Hrúta sem framlag Íslands til Óskarsverðlaunanna á næsta ári. Hrútar mun því keppa fyrir Íslands hönd um Óskarsverðlaunin fyrir bestu kvikmyndina á erlendu tungumáli.
31.ágú. 2015 - 11:41

Fúsi tilnefndur: Hjartnæm þroskasaga af ljúfum risa

Kvikmyndin  Fúsi  eftir  Dag  Kára  Pétursson er  tilnefnd  til   Kvikmyndaverðlauna Norðurlandaráðs  í  ár. Tilkynnt var í morgun hvaða fimm kvikmyndir eru tilnefndar til hinna eftirsóttu verðlauna sem verða afhent þann 27. október í Hörpu.  
24.ágú. 2015 - 19:00 Ari Brynjólfsson

Grófasta mynd sem sýnd hefur verið í þrívídd hér á landi: Stikla

„Þetta er allavega grófasta mynd sem ég hef séð í bíó og grófasta þrívíddarmynd sem sýnd hefur verið í kvikmyndahúsum á Íslandi,“ segir Hrönn Sveinsdóttir framkvæmdastjóri Bíó Paradís í samtali við Pressuna. Um er að ræða kvikmyndina Love sem vakið hefur mikla athygli þar sem hún sýnir kynlíf á mjög afhjúpandi hátt. Hrönn segir það hafa verið röð út úr dyrum á kvikmyndahátíðinni í Cannes, þar sem myndin var tilnefnd til Queer Palm verðlaunanna:

08.jún. 2015 - 21:00

Þegar tveir ungir menn hurfu í Reykjavík: „Voru þetta bara tveir listrænir strákar á megabömmer yfir lífinu?“

„Handan við hafdjúpin bláu. Hugur minn dvelur hjá þér. Ég vil að þú komir og kyssir. Kvíðann úr hjarta mér,“ eru upphafsorð lagsins Hvítra máva eftir Björn Braga Magnússon, en lagið og höfundurinn var efni pistils Dr.Gunna í tilefni Sjómannadagsins. Hvítir mávar komu út árið 1959 í flutningi Helenu Eyjólfsdóttur, með lagi eftir Walter Lange og texta eftir Björn Braga. Er þetta hans þekktasti texti en hann samdi einnig textann við Allt á floti.
23.maí 2015 - 08:00

Eika og Eiríki lenti saman: Ekki sammála um Hryðjuverkamaður snýr heim

„Jæja, ertu þá loksins kominn aftur hingað uppeftir?“ sagði Eiki þar sem hann gekk fram á mig sitjandi á rafmagnskassa í Vesturberginu og horfa yfir blokkirnar.
12.maí 2015 - 16:30

Sindri Freyr er „Þér við hlið“

Sindri Freyr Guðjónsson

Tónlistarmaðurinn Sindri Freyr Guðjónsson gaf í dag út sitt annað lag á ferlinum en lagið Þér við hlið er nú frjálst til hlustunar á YouTube. Þessi bráðum 21 árs gamli Eyjamaður grípur hér sumarið á lofti með fersku og skemmtilegu „sumarpoppi“.

03.maí 2015 - 09:03

Jón Gnarr svarar fyrir sig: „Ekki ætlun mín að halla á Gunnar Jökul“

Jón Gnarr svarar að einhverju leyti gagnrýni sem Egill Helgason beindi að honum í dag fyrir að hafa sett trommuleikarann Gunnar Jökul Hákonarson í hóp bjánapoppara.  Forsaga málsins er grein sem Jón Gnarr birti í laugardagsútgáfu Fréttablaðsins og hörð gagnrýni Egils Helgasonar á greinina á bloggsvæði Egils á Eyjunni.
02.maí 2015 - 22:48

Nýr og óþekktur höfundur að slá í gegn? Fjölmenni í útgáfuteiti HILMU

Spennusagan Hilma hefur vakið töluverða forvitni fólks og fengið frábærar viðtökur þeirra fáu sem enn hafa lesið hana en útgáfuteiti vegna bókarinnar var haldið síðastliðinn fimmtudag í Eymundsson Austurstræti. Útgáfuteitið var afar fjölmennt og mörg eintök seldust af bókinni á staðnum.
02.maí 2015 - 17:27

Egill gagnrýnir Jón Gnarr harðlega: Gunnar Jökull var veikur, ekki bjáni

Egill Helgason ferð hörðum orðum um grein Jóns Gnarr í Fréttablaðinu í morgun sem fjallar um svokallað bjánapopp. Ástæða gagnrýninnar er sú að Jón Gnarr dregur Gunnar Jökul Hákonarson, fyrrverandi trommuleikara Trúbrots, inn í umræðuna. „Ég segi eins og er – mér finnst það ljótt,“ segir Egill.
02.maí 2015 - 14:00

Listakonan Jonna glímdi við Bakkus og erfiðan skilnað: „Listin bjargaði mér“

„Í rauninni er fótunum kippt undan manni þegar maður lendir í slíkri lífsreynslu. Ég fékk taugaáfall og hefði sennilega verið lögð inn á geðdeild ef ég ætti ekki svona yndislega móður sem tók mig að sér og bjó hjá mér í þrjár vikur.“
02.maí 2015 - 11:41

Gleyma öllu um Hallbjörn, hendir plötu Gylfa í ruslið: Bjánapoppið er dautt

Jón Gnarr, leikari og fyrrverandi borgarstjóri, gerir upp við bjánapoppið sem hann kallar svo í nýjum pistli og segir það dautt, þar sem margar helstu hetjur þess á íslenskum vettvangi hafi gerst sekar um glæpi eða óásættanlega framkomu.
28.apr. 2015 - 19:35

Bubbi: Þingmenn væla yfir saklausum gjörningi á meðan þeir hafa tekið ákvörðun um að nauðga landinu

Líkt og ítrekað hefur komið fram í fréttum hefur uppátæki  hins umdeilda listamanns, Marco Evaristti, að hella bleiku náttúrulegu litarefni í Strokk, vakti hörð viðbrögð hér á landi. Er svo komið að listmaðurinn íhugar að óska eftir vernd vegna hótanna Íslendinga. En Marco segist hafa borist fjölda líflátshótana.
28.apr. 2015 - 10:45

Enginn bað Ólaf Elíasson um að hoppa upp í rassgatið á sér

Uppátæki hins umdeilda listamanns, Marco Evaristti, að hella bleiku náttúrulegu litarefni í Strokk, vakti hörð viðbrögð hér á landi. Kepptust Íslendingar við að úthúða listamanninum á samfélagsmiðlum í kjölfarið. Liturinn var með öllu horfinn úr náttúrunni eftir fjóra klukkutíma. Marco var uppnefndur heimskur glæpamaður sem ætti að drulla sér af Íslandi þegar í stað. Gunnar Lárus Hjálmarsson, eða Dr. Gunni eins og hann er gjarnan kallaður fjallar um málið á Eyjunni.
27.apr. 2015 - 20:48

Alvogen heldur styrktartónleika fyrir börn í Nepal: Retro Stefson, Amabadama og Ylja boðað komu sína

Lyfjafyrirtækið Alvogen hefur ákveðið að halda styrktartónleika í Hörpu þann 6. júní næstkomandi í samstarfi við UNICEF og Rauða krossinn en samtökin standa nú fyrir landssöfnun til styrktar þolendum jarðskjáltans mikla í Nepal. Alvogen mun bera allan kostnað vegna tónleikanna þannig aðgangseyrir renni óskertur til samtakanna vegna neyðaraðstoðar sem þau standa fyrir í kjölfar hamfaranna. Stefnt er að því að safna yfir 5 milljónum króna vegna tónleikanna sem renna óskert til UNICEF og Rauða krossins með stuðningi Alvogen. Andvirði miðasölu verður skipt jafnt á milli samtakanna. Jafnframt mun Alvogen leggja 4 milljónir króna í beinum fjárstuðningi til UNICEF fyrir sama málefni. Með stuðningi Alvogen og beinu fjárframlagi er stefnt að því að 9 milljónir króna renni til UNICEF og Rauða krossins vegna neyðaraðstoðar í Nepal.
27.apr. 2015 - 20:21

Páll Óskar, Dúndurfréttir, Magni og Skítamórall spila á Kótelettunni

Mikil stemmning var á hátíðinni í fyrra Páll Óskar og Dúndurfréttir ásamt Magna Ásgeirssyni munu spila á Kótelettunni BBQ Festival, stærstu grill-tónlistarveislu Íslands sem haldin verður á Selfossi 12-14 júní. Þá munu Skítamórall og Stuðlabandið einnig troða upp á hátíðinni. Unnið er að því að fá fleiri öflug tónlistaratriði á hátíðina og verða þau opinberuð á næstunni að sögn Einars Björnssonar, aðalskipuleggjanda Kótelettunnar.Einar bætir við:
24.apr. 2015 - 04:44

„Fúsi“ valin besta myndin á Tribeca kvikmyndahátíðinni: Gunnar Jónsson valinn besti leikarinn

Kvikmyndin Fúsi eða „Virgin Mountain“  í leikstjórn Dags Kára var valin besta kvikmyndin á Tribeca kvikmyndahátíðinni í New York í gærkvöldi. Gunnar Jónsson, sem fer með aðalhlutverkið í kvikmyndinni, var valinn besti leikarinn og Dagur Kári var valinn besti handritshöfundurinn.