Girnilegir réttir fyrir fólk á ferðinni

Skyr í hátíðaútgáfu. Mynd: Veisluturninn

Veitingastaðurinn Nítjánda sem er hádegisverðarstaður í Turninum við Smáratorg hefur fært út kvíarnar. Nú er hægt að fá  "take away" frá veitingastaðnum en þeir fast í afgreiðslu Turnsins á annarri hæð.

Að sögn Sigurðar Gíslasonar, meistarakokks og einn af eigendum staðarins, eru réttirnir hugsaðir fyrir fólk sem er á ferðinni en kýs hollan, ferskan og góðan mat. Hann segir að hugmyndin af "take away" réttunum hafi kviknað hjá fólkinu sem vinnur í Turninum.

"Fólk hafði orð á því að það væri gott að geta gripið eitthvað með sér þegar það komst ekki upp á nítjándu til að fá sér hádegisverð. Við vildum þjónusta það og þess vegna fórum við í að gera þetta," segir Sigurður.

Mikið er lagt upp úr fallegum umbúðum utan um "take away" réttina. "Við vorum ákveðinn í því að hafa gegnsæjar umbúðir svo okkar viðskiptavinir sæju nákvæmlega það sem þeir eru að kaupa.  Allir réttirnir eru búnir til samdægurs og eru því eins ferskir og hægt er að hugsa sér. Við vorum búnir að stúdera það í langan tíma hvernig allt útlitið ætti að vera hjá okkur og það kom aldrei neitt annað til greina en að hafa "take away" réttina í sama útliti og veitingastaðurinn sjálfur. Við fengum Ingvar Sverrisson í lið með okkur til að hanna umbúðirnar."

Þegar Sigurður er spurður út í hollustu réttanna segir hann þá vera það en mikið sé lagt upp úr því að þeir bragðist sérlega vel. Sigurður segir að það komi alveg til greina að selja réttina á fleiri stöðum en það verði ekki gert nema undir þeim formerkjum að gæðin haldi sér út í gegn.

"Réttirnir hafa fengið frábærar viðtökur og þess má geta að þann 13.júlí ætlum við að vera með kynningardaga í heila viku og þá veitum við 40% afslátt af öllu sem er í boði hjá okkur," segir hann.