Sæmundur gefur út bókmenntaverk ungra höfunda

Bókaútgáfan Sæmundur gefur um þessar mundir út tvö bókmenntaverk ungra höfunda, Smáglæpi Björns Halldórssonar og Kenopsíu Jóhönnu Maríu Einarsdóttur.

Nýr hljómdiskur Kiriyama Family

Sunnlenska hljómsveitin Kiriyama Family fagnaði útgáfu annarar breiðskífu sinnar sem ber nafnið „ Waiting For“  með veglegum útgáfutónleikum í Tjarnarbíói í Reykjavík  föstudagskvöldið 23. júní sl.

Gunnar minnist gamalla húsa á Selfossi

Gunnar Granz, listmálari, hefur opnað sýningu í gjánni í Bókasafni Árborgar þar sem hann minnist gamallar bygðar sem vék fyrir meðal annars Hótel Selfoss. Sýningin er sérstaklega athyglisverð og þakkarvert að sögunni sé haldið til haga með jafn skilmerkilegum hætti og þarna er gert.

Leikfélag Hveragerðis í Þjóðleikhúsinu

Leikfélagið var valið til að sýna í Þjóðleikhúsinu fimmtudaginn 15. júní og það var hápunktur á ferli margra okkar. Við fengum að æfa í húsinu daginn áður og fyrripart sýningadagsins og það var auðvitað margt öðruvísi eins og t.d. snúningssvið sem þeir hafa,  en ekki við, segir Hjörtur Benediktsson, formaður leikfélagsins í samtali við Suðra um ævintýraferð þeirra í Þjóðleikhúsið. 

Umhverfisráðherra opnaði á Friðheimum

Uppbyggingin á Friðheimum í Bláskógabyggð hefur vakið mikla athygli, enda framúrskarandi vel  að henni staðið hjá þeim Knúti og Helenu. Björt Ólafsdóttir, frá Torfastöðum í Biskupstungum, opnaði nýja viðbót við uppbygginguna fyrir nokkrum dögum. 

SB Skiltagerð færir út kvíarnar„Það er nóg að koma til okkar og við sjáum um málið“

SB Skiltagerð í Unubakkanum í Þorlákshöfn er eitt af elstu starfandi fyrirtækjum á Suðurlandi. Félagið fagnar nú 50 ára starfsemi þegar þriðji ættliður skiltagerðarmanna tekur við fyrirtækinu ásamt konu sinni, þau Smári Birnir Smárason og Katrín Ósk Hannesdóttir. Þau hugsa stórt og byrja á því að færa hressilega út kvíarnar með því að flytja í 300 fermetra húsnæði í Þorlákshöfn og stórbæta tækjakostinn. Ritstjóri Suðra ræddi við Smára um skiltagerðina.

Það er margt sem rekur á fjörur konu

Hreyfivika UMFÍ og boðberar hennar er eitt af því sem sumir finna og njóta. Aðrir sparka í og ryðja úr vegi. Ég hefði getað svarið fyrir að boðberi hreyfingar yrði seint mitt viðfang, hvað þá eitthvað sem ég myndi inna af hendi og vera byrjuð að hugsa, í lok hreyfiviku 2017, um næsta ár. 

Undarleg augnablik og pínlegar uppákomur

Gömul hjón á strípibar í New Orleans, rottur og bækluð börn í Varanasi, himnesk stund með Sophiu Loren, elskendur í blóði sínu í Sarajevo, innmúraður maður í Palestínu, átta smokka nótt í Nata, skítafangari í París, maður sem tapaði fjalli í Armeníu.

Fjármál stjórnmálaflokka upp á yfirborðið

Mikilvægur þáttur í því að kjósendur geti tekið upplýsta afstöðu í kosningum og veitt stjórnmálasamtökum aðhald er að hafa upplýsingar um hvernig stjórnmálasamtök eru fjármögnuð. Opið bókhald stjórnmálasamtaka dregur úr hygli stjórnmálamanna til tengdra aðila og dregur almennt úr líkum á spillingu. Þannig stuðlar aukið gagnsæi í fjármálum hins opinbera og þeirra stjórnmálasamtaka sem fulltrúa eiga á þingi eða í sveitarstjórnum traust á stjórnsýslunni og þeim ákvörðunum sem teknar eru af kjörnum fulltrúum.

Alþjóðadagur á Kirkjubæjarklaustri þann 1. júlí, 2017

Klausturdeild Rauða krossins ásamt hópi vaskra íbúa Skaftárhrepps vinnur að alþjóðadegi á Kirkjubæjarklaustri.

Ari Traust alþingismaður Vinstri grænna: Ekki leiddist mér

Ef til vill sjá nýir þingmenn óljóst hvort eða hvernig störf hafa breyst á nýloknu þingi. Hvað sem því líður tel ég þingstörfin málefnalegri og heldur lausnarmiðaðri en oftast áður. Það kemur helst til í fastanefndum, líkt og Ásmundur Friðriksson hefur minnst á í grein í Suðra. Engu að síður hnykki ég á þeirri staðreynd að einhvers konar samræming, sátt og málamiðlanir í meirihluta þingmála er óraunhæfur kostur. Til þess eru pólitískar áherslur, hugmyndafræði og markmið flokka of ólík. 

Silja Dögg alþingismaður gerir upp þingveturinn: Ástríðulaust samband

Þessi þingvetur hefur verið með þeim skrítnari. Ekki síst vegna þess að til kosninga var boðað í október, sem er óvenjulegt, og síðan tók óratíma að mynda nýja ríkisstjórn. Forseti veitti hverjum formanninum á fætur öðrum stjórnarmyndunarumboðið en skyldi þáverandi forsætisráðherra eftir, sem þó hafði tekið við keflunum á ólgutímum og stýrt ríkisstjórninni í nokkra mánuði með góðum árangri. 

Hin nýja miðja

Árangur Emmanuels Macron í frönsku forsetakosningunum á dögunum var afgerandi sigur umburðarlyndis, klassískrar velferðarstefnu og frjálsyndis yfir þjóðernisöfgum og hægri harðlínu Marine LePen. Hinsvegar er það mikið áhyggjuefni að meira en þriðjungur kjósenda studdi öfgaflokkinn Front National og spurt verður að leikslokum ef Macron lendir í vanda með að uppfylla væntingarnar.

Fyrsta brugghúsið í Evrópu sem notast við jarðgufu við framleiðslu bjórs

Ölverk Pizza & Brugghús opnaði í maí í Hveragerði en veitingastaðurinn er staðsettur við Breiðumörk 2 og hinu megin við hornið í sama húsi og Ölverk, er að finna Álnavörubúðina sem að svo margir kannast við. Ölverk mun sérhæfa sig í eldbökuðum pizzum og sérbrugguðum bjór. Pizzurnar verða bakaðar í sérstökum ítölskum eldofni og matseðillinn verður stuttur og laggóður og breytilegur eftir árstíðum.

„Saga Þuríðar formanns kveikti neistann“

Fyrir einstaka tilviljun byrjaði Margaret Willson, mannfræðingur og prófessor við Washington háskóla í Seattle, að rannsaka sjósókn íslenskra kvenna. Henni var boðið í heimsókn til Íslands árið 1999, sótti Stokkseyri heim og kom við í Þuríðarbúð, sem þá var í raun ekki annað en minnisvarðinn um Þuríði formann. Stórbrotin saga Þuríðar kveikti neistann og teningunum var kastað.

Skaðlegar skattahækkanir

Áform ríkisstjórnarflokkanna um að hækka virðisaukaskatt á ferðaþjónustuna koma illa við greinina, sem á sama tíma glímir við gengisstig krónunnar sem brennir upp ábatann af þessum stærsta atvinnuvegi landsins. Gangi skattahækkanir Sjálfstæðisflokks, Viðreisnar og Bjartrar framtíðar eftir er ört vaxandi grein í viðkvæmri stöðu greitt þungt högg.

Framúrskarandi góðir Fiskar

Jón Ólafsson er einn af snjöllustu lagasmiðum landsins og hefur á löngum ferli komið víða við. Léttir sprettir Jóns fylgdu fyrstu misserum Rásar tvö og þeim tímamótum sem tilkoma popptónlistarstöðvarinnar hafði á tónlistarlíf landsins og aðgengi almennings að dægurtónlist. Á svipuðum tíma kom fyrsta skífa Jóns og félaga hans Stefáns Hjörleifssonar, undir merkjum Possibillities.

Magnea hlaut Umhverfisverðlaun Ölfuss

Magnea Magnúsdóttir, umhverfis- og landgræðslustjóri Orku náttúrunnar, fær Umhverfisverðlaun Ölfuss 2017 fyrir brautryðjendaverkefni við uppgræðslu á Hellisheiði. Hún tók við verðlaununum á sumardaginn fyrsta, 20. apríl, úr hendi Bjartar Ólafsdóttur umhverfisráðherra.

Lífsleikniferð fangavarða

Nú síðla vetrar fóru tíu fangaverðir af Litla-Hrauni í lífsleikniferð um Suðurland og er hópurinn um fimmtungur af starfandi fangavörðum á Litla-Hrauni. Slíkar lífsleikniferðir eru fastur þáttur í félags- sögu- mannlífs og menningarstarfi fangavarða þar og mjög mikilvægar til eflingar liðsheildar.

„Ólýsanleg tilfinning að bíða sólarupprásar á Þingvöllum á páskadag“

Kristján Valur Ingólfsson flutti síðna síðustu morgunmessu sem vígslubiskup í Skálholti kl. 6.00 að páskadagsmorgni. Atli Rúnar Halldórsson náði einstökum myndum af messunni og ritstjóri Suðra tók biskup tali við tímamótin.

Mads Mikkelsen við tökur á Suðurlandi

Mads Mikkelsen er einn fremsti leikari Norðurlandanna þessi misserin og hefur unnið hvert leikafrekið á fætur öðru í fjölda bíómynda og sjónvarpsþátta. Þessi mikli listamaður var við tökur á Suðurlandinu síðustu þrjár vikurnar. Mads og aðstandendur hrakningamyndarinnar Arctic hafa lokið tökum hér á landi. Tökur stóðu í 22 daga og fóru fram við Nesjavelli og Fellsendavatn skammt frá Þórisvatni eins og fram kemur í frétt Klapptrés um málið.

Að vera fyrirmyndar fyrirmynd

Það er eitt mikilvægara en að eiga góða fyrirmynd, það er að vera góð fyrirmynd. Við þurfum að taka eftir góðum fyrirmyndum og vekja athygli á þeim svo að við getum fleiri notið þeirra og lært af. Fólkið sem gerir „meira“ er okkur fyrirmynd. Fólk sem gefur af tíma sínum til verkefna á vegum Rauða Krossins, til kirkjunnar og tekur þátt í ýmsu félagsstarfi.

Lýðræðið og listamenn skrumsins

Í ólgu alþjóðastjórnmálanna í kjölfar fjármálahamfaranna fyrir áratug eru víða blikur á lofti um framtíð og þróun lýðræðisins. Sjálfum grundvelli vestrænna samfélaga. Heimspekin hefur það hlutverk að hugsa gagnrýnið um kjarna hvers máls og greina innstu rök tilverunnar. Sjá í henni merkingu, tilgang og hvað felist á bak við leiktjöld samtímans. Stjórnspekin er þannig einkar mikilvægt tæki til þess að rannsaka hver þróun samfélagsins er hverju sinni.

Ingvar og Eygló aðskilin eftir 59 ára sambúð

,,Við höfum fengið mikil viðbrögð og mjög margir eru hneykslaðir á þessu ástandi, margir eru líka reiðir og greinilegt að okkar saga snertir marga. Sumir hafa líka lent í svipuðum aðstæðum. Við erum ekki að ásaka einn eða neinn í þessu ferli, bara benda á þá ísköldu staðreynt að þetta er heilbrigðisþjónusta eldri borgara í dag,“ segir Lísa Björg Ingvarsdóttir í samtali við Eyjuna.

Baldur leysir Herjólf af

Vestmannaeyjaferjan Herjólfur fer í reglubundna slipptöku í maí. Breiðafjarðarferjan Baldur siglir á milli Vestmannaeyja og Landeyjahafnar á meðan slipptökunni stendur. Herjólfur siglir samkvæmt áætlun frá 1. maí næstkomandi og Baldur til 30. apríl og siglir frá Vestmannaeyjum frá og með 2. Maí. Stefnt að því að því að Baldur verði kominn aftur á áætlun í Breiðafirði sunnudaginn 21. maí. 

Viðskiptahugmynd

Ég er að hugsa um setja saman viðskiptahugmyndir um eitthvað og allskonar, búa til góða beitu, setja upp skyggnur, þrívíddarmyndskeið og síðast en ekki síst gróðaplan. Gæti komið með hugmynd um að byggja golfvöll á svörtum sandi, hótel sem byggir á hugmynd sem ég segi öllum að fáum hafi dottið í hug, jú byggja risa gróðurhús og rækta eitthvað sem fólk um allan heim vill borða og já svo vantar miðbæ í fullt af bæjum um allt land.

Edda Bergsteinsdóttir slær í gegn innan lands og utan

Edda Bergsteinsdóttir, gullsmiður frá Selfossi, hefur vakið mikla athygli innanlands og utan fyrir skartgripahönnun sína sem ber nafnið SEB jewellery. Edda tók þátt í stærstu skartgripasýningu í Evrópu í febrúar og segir ritstjóra Suðra frá ævintýrinu á bak við SEB skartgripina og þær einstöku viðtökur sem hún hefur fengið og hvað sé framundan hjá henni.

Sveitarfélagið Árborg dæmt til að greiða Gámaþjónustunni skaðabætur

Héraðsdómi Suðurlands dæmdi á dögunum Sveitarfélagið Árborg til að greiða Gámaþjónustunni hf. rúmar 18,6 milljónir króna með vöxtum og 5,5 milljón króna málskostnað vegna ákvörðunar sveitarfélagsins að hafna öllum tilboðum í sorpútboði árið 2011. Þáverandi meirihluti Sjálfstæðisflokksins hafnaði tilboðum frá Gámaþjónustunni og Íslenska gámafélaginu á sínum tíma og gaf þá skýringu að formgalli hefði verið á útboðinu, því hefði verið hætt við það.

Glæpur og refsing í Guðmundar- og Geirfinnsmálum

Guðmundar- og Geirfinnsmál eiga sér enga hliðstæðu í íslenskri sögu og hefur harmleikurinn vakið athygli langt úr fyrir landhelgi Íslands. Hysterían sem greip um sig náði langt inní fjölmiðla og stjórnmál landsins á áttunda áratugnum og er sérstakur kapítuli í hörmungarsögunni allri. Eftir því sem lengra líður frá dómunum blasir við hvílíkur skelfingarferill átti sér stað, allt frá handtökum sakborninga þar til dómur gekk í Hæstarétti árið 1980.

Besta bókin um Harry Hole

Löggan  er tíunda bók norska rithöfundarins Jo Nesbö um lögreglumanninn litríka Harry Hole. Þessi magnaða bókaröð hefur farið sigurför um heiminn, og óhætt að segja að Nesbö hafi blásið hressilega í glæður norrænu glæpasögunnar með sögunum um Harry. Ekki hefur höfundur farið neinum silkihönskum um lögguna og bækurnar eru hreint mögnuð lesning á köflum.

Kúldrast í kotbýlum

Í síðasta blaði var ég með eilitla frásögn af upphafsárum byggðar í Hveragerði en hún hverfðist einkum um eitt fyrsta húsið þar í bæ sem nefndist Lindarbrekka. Sagði ég lítillega frá fyrstu húsráðendunum, þeim Guðmundi Einarssyni og Sigríði Guðmundsdóttur, og mun ég nú gera nánari grein fyrir æviferli þeirra sem um margt var dæmigerður fyrir lífsbaráttu alþýðufólks á fyrri hluta síðustu aldar.

 

Lava setrið opnar 1. júní næstkomandi

Tímamót urðu í byggðasögu Rangárþings eystra þegar reisugildi var haldið í Lava eldfjalla- og jarðskjálftasetrinu á Hvolsvelli í lok janúar, en þá var húsið fokhelt. Framkvæmdin hefur gengið vel, fyrsta skóflustungan var tekin í maí 2016, byrjað var að reisa veggi 20. nóvember og fyrirhugað er að setrið opni 1. júní næstkomandi. Lava setrið er mikill búhnykkur fyrir Rangárþing eystra og mun setja svip á bæjarlífið í Hvolsvelli og áreiðanlegt er að þeir sem leggja leið sína um svæðið munu reka augun í hina glæsilegu og sérstæðu byggingu sem nú er risin.

Einelti er samfélagsmein

Einelti er alvarlegt samfélagsmein. Hátt hlutfall þeirra sem á fullorðinsárum glíma við geðræn og félagsleg vandamál eru fórnarlömb eineltis.  Afleiðingar eineltis eru gríðarlega alvarlegar. Til þess að komast í gegnum þá þungbæru reynslu þurfa mörg fórnarlömb eineltis á umfangsmikilli heilbrigðis- og félagsþjónustu að halda til margra ára, með tilheyrandi kostnaði fyrir samfélagið.

Sífellt fleiri sækja Suðurland heim að vetri til

Fjöldi erlendra ferðamanna nú á sér enga hliðstæðu í heimsóknum til landsins og flestir fara um Suðurlandið. Mikil uppbygging hefur átt sér stað í fjórðungnum og æ fleiri staðir eru sóttir heim, utan Gullna hringsins. Mikill sómi er að uppbyggingu ferðaþjónustunnar á Suðurlandi og almennt er vel tekið á móti erlendum gestum.

Ný ferja ekki nóg

Bæjarstjórn Vestmannaeyja segir í nýgerðri bókun að þótt smíði nýrrar Vestmannaeyjaferju sé nauðsynleg forsenda þess að hægt verði að nýta Landeyjahöfn með auknu öryggi allt árið þá sé hún ekki nægjanleg. Mikilvægt sé að fundin verði varanleg lausn á þeim hluta vandans sem snúi að höfninni sjálfri.

Naktir garðyrkjubændur í náttúrunni

Garðyrkjubændur í Hveragerði eru í kröggum og fúlir vegna þess rafmagnsverðið er allt of hátt á meðan þeir glíma við stöðugt harðari samkeppni við innflutt grænmeti. Bændurnir sjá sér þann kost vænstan að drýgja tekjurnar, en hvernig? Jú með því að halda konukvöld þar sem þeir munu fækka fötum – fara alla leið.

Endurbætur á Mjólkurbúinu

Nú standa yfir framkvæmdir við Mjólkurbúið (Breiðamörk 26) sem miða m.a. að því að gera íbúð á 2. hæð hússins íbúðarhæfa. Mjólkurbúið er eitt elsta hús bæjarins, byggt árið 1929 eftir teikningum Guðjóns Samúelssonar, húsameistara ríkisins. Stofnun Mjólkurbús Ölfusinga og bygging hússins markaði upphaf þéttbýlis í Hveragerði. Þetta kemur fram á hveragerdi.is

Ferðaþjónustan tekur flugið

Fjölgun ferðafólks til landsins hefur haft ómæld áhrif á þjóðlífið. Fyrir það fyrsta dró ferðaþjónustan vagninn úr stöðnun og kreppu eftirhrunsáranna, og skóp hagvöxt og gjaldeyri sem dreifir sér um samfélagið allt. Uppbyggingin á sér stað víða um land og skapar mörgum mikil tækifæri við atvinnusköpun af ýmsu tagi. Hvort heldur er í gistingu, veitingasölu eða afþreyingu af ýmsu tagi.

Bjarni íþróttamaður Bláskógabyggðar

Bjarni Bjarnason, hestaíþróttamaður úr Hestamannafélaginu Trausta, var valinn íþróttamaður ársins í Bláskógabyggð árið 2016. Þar fengu fjórir einstaklingar verðlaun fyrir góðan árangur á árinu 2016 þau Anthony Karl Flores, Laugdælum og Laufey Ósk Jónsdóttir, Sigurður Sævar Ásberg Sigurjónsson og Ólafur Magni Jónsson, öll frá Ungmennafélagi Biskupstungna.

Mannauðurinn mikilvægi

Það var hlýlegt og notalegt andrúmsloft sem að mætti mér þegar ég kom á vígslu nýrrar hjúkrunardeildar á dvalarheimilinu Lundi á Hellu núna síðastliðinn föstudag. Boð á þessa athöfn var kærkomið eftir annasama viku í þinginu þar sem ég upplifði svo margt í fyrsta sinn. Jómfrúarræða, formennska í utanríkismálanefnd, fyrsti fundur í velferðarnefnd og fyrsta skiptið í forsetastól Alþingis. Það var því gott að fá tækifæri til að fara út úr bænum og samgleðjast heimilisfólkinu á Lundi og þeim öfluga hópi sem staðið hefur að undirbúningi og framkvæmd við nýbygginguna. Og svo þessi dásamlegi söngur. Það er bara eitthvað við karlakóra sem að bræðir hjartað og Karlakór Rangæinga gerði það sannarlega.

Sautján sunnlensk framúrskarandi fyrirtæki

Sautján sunnlensk fyrirtæki stóðust styrkleikamat Creditinfo og teljast því vera Framúrskarandi fyrirtæki árið 2016. Síðastliðin sjö ár hefur Creditinfo unnið ítarlega greiningu sem sýnir rekstur hvaða íslensku fyrirtækja telst til fyrirmyndar. Að þessu sinni komust 624 fyrirtæki á listann af þeim rúmlega 35.000 sem skráð eru í hlutafélagaskrá. Viðurkenningar til fyrirtækjanna voru veittar í vikunni.

Virðingarleysi við heimilisfólk á Kumbaravogi

Báran stéttarfélag segir það takmarkalaust virðingarleysi við heimilisfólkið á Kumbaravogi að flytja fólkið burt án fyrirvara. Með lokun hjúkrunarheimilisins missi 50 manns vinnuna. Stjórn stéttarfélagsins Bárunnar harmar þá stöðu sem komin er upp varðandi hjúkrunarheimilið á Kumbaravogi, en heimilinu verður lokað á næstunni.

Ferðamannaparadís

Allt sem skiptir máli fyrir þróun ferðaþjónustunnar hér á landi skiptir einnig máli fyrir Suðurland, enda vinsælustu ferðamannastaðirnir á því landssvæði. Ferðaþjónustan er á örfáum árum orðin ein af undirstöðu atvinnugreinum þjóðarinnar en enginn hefur almennilega haldið um stjórnartaumana og stýrt þróun hennar eða metið áhrif umfangs hennar, s.s. á aðrar atvinnugreinar, fasteignaverð og þenslu. Stjórnvöld hafa ekki sinnt því mikilvæga hlutverki að ákvarða hvernig hagkvæmast og best er að ferðaþjónustan þróist til framtíðar, meta kostnað af ágangi ferðamanna og hvað teljast megi æskilegt rekstrarumhverfi atvinnugreinar í miklum vexti. Ef ekki verður gripið strax um taumana er líklegt að orðspor Íslands sem ferðamannastaðar skaðist, ferðamönnum fækki og fjárfestingar í greininni beri sig ekki með slæmum fjárhagslegum afleiðingum.

Sveitarfélögin tryggi tímabundið rekstur Kumbaravogs

Ákvörðun heilbrigðisráðuneytisins um skyndilega lokun dvalar- og hjúkrunarheimilisins á Kumbaravogi á Stokkseyri hefur vakið hörð viðbrögð. Stjórn Félags eldri borgara á Selfossi beinir þeim eindregnu tilmælum í ályktun frá félaginu til framkvæmdastjóra og bæjarstjórnar Árborgar að hefja tafarlaust viðræður við heilbrigðisyfirvöld um að Kumbaravogi verði ekki lokað fyrr en væntanlegt hjúkrunarheimili hefur verið opnað á Selfossi.

Í upphafi árs

Við sérhvert upphaf er við hæfi að staldra við, gera upp liðinn tíma og leggja línur fyrir framtíðina.  Í upphafi árs er hverjum manni hollt að skyggnast með þessum hætti inn í líf sitt og greina hvort ástæða sé til þess að gera breytingar.  Slík skoðun getur snúið að þáttum sem snúa beint að viðkomandi sjálfum, háttsemi gagnvart þeim sem samferða honum eru á lífsgöngunni eða samfélaginu sem hann lifir í.  Þetta er góður tímapunktur til að skoða það hver við erum, hvar við stöndum, hvert við stefnum og hvað við höfum að gefa. Erum við á réttri leið?  Við getum ekki öllum stundum leyft okkur að hugsa um okkur sjálf því við erum hluti af heild, s.s. fjölskyldu, samfélagi, þjóðfélagi eða einhverju þaðan af stærra.  Vissulega verðum við að hugsa vel um okkur sjálf til að geta verið virk innan okkar heildar en væntingar eru gerðar til allra sama hvaða stöðu í samfélaginu þeir gegna.

FAS hlaut Menntaverðlaun Suðurlands

Forseti Íslands, Guðni Th. Jóhannesson, afhenti Menntaverðlaun Suðurlands 2016 við hátíðlega athöfn á hátíðarfundi í Fjölbrautaskóla Suðurlands á Selfossi í síðustu viku.  Við það tækifæri afhenti forsetinn líka tvo peningastyrki til háskólanemenda úr Vísinda- og rannsóknarsjóðs Suðurlands. 

Skin, Uss og Hendur Morðingjans

Guðrún Hannesdóttir sendir nú frá sér  sjöttu ljóðabókina og Sæmundur gefur út. Síðasta bók Guðrúnar Humátt (2015) var tilnefnd til Fjöruverðlaunanna. Um hana segir í röksemdarfærslu dómnefndar m.a.: Humátt er eftirminnileg, innihaldsrík og vönduð ljóðabók sem einkennist af skörpu innsæi, aðdáunarverðum stílbrögðum og óbilandi tilfinningu fyrir möguleikum ljóðsins. Bókin er uppfull af þeim nákvæmu en jafnframt kraftmiklu, óvæntu myndum sem eru eitt höfundareinkenna Guðrúnar Hannesdóttur.

„Þurfum að styðja betur við grunnskólann“

Ísland er á niðurleið í stærðfræðilæsi, lesskilningi og vísindalæsi samkvæmt niðurstöðum nýrrar Pisa-könnunnar. Norðurlöndin öll eru fyrir ofan Ísland í öllum flokkum auk þess sem að Ísland er undir OECD-meðaltali í öllum flokkum. PISA-rannsóknin er framkvæmd á þriggja ára fresti og gefur vísbendingar um breytingar á frammistöðu nemenda yfir tíma ásamt því að meta stöðu þeirra við lok skyldunáms.

Smyril Line Cargo hefur vikulegar siglingar milli Þorlákshafnar og Rotterdam

Færeyska skipafélagið Smyril Line Cargo, sem á og rekur farþega- og vöruflutningaferjuna Norrænu, hefur ákveðið að hefja beinar siglingar milli Þorlákshafnar og Rotterdam. Með tilkomu nýju ferjunnar stóreykst þjónusta Smyril Line Cargo við íslenska markaðinn og tengslin við suðvesturhorn landsins eflast. Siglt verður vikulega á milli Þorlákshafnar og Rotterdam, með viðkomu í Færeyjum á heimleiðinni, og styttist flutningstími fyrir bæði inn- og útflutning frá því sem nú er.

Skógarhögg hafið hjá Kiwanisklúbbnum Ós

Á þessu starfsári heldur Kiwanisklúbburinn Ós upp á 30 ára afmæli. Starfsemin hófst á stjórnarskiptafundi í Pakkhúsinu þar sem Haukur Sveinbjörnsson umdæmisstjóri Kiwanisumdæmisins Ísland-Færeyjar kom og sá um stjórnarskiptin. Honum til aðstoðar var umdæmisritari Sigurður Einar Sigurðsson en báðir eru félagar í Ós. Þess má nefna að það sem af er ári hafa fimm nýir félagar gengið í klúbbinn.