18. nóv. 2016 - 07:00Aðsend grein

Vondir vegir að ferðamannastöðum

Nú á haustdögum komu út tvær forvitnilegar skýrslur á vegum ríkisstofnana sem fjalla um málefni Vestfjarða og Vestfirðinga sem hvorir tveggja hafa verið mér hugleiknir lengi. Önnur skýrslan ber heitið Aðgerðaráætlun fyrir Vestfirði og kom til umfjöllunar á fjórðungsþingi Vestfirðinga nú í haust. Skýrsla þessi sem unnin var af nefnd á vegum forsætisráðuneytisins tekur til ýmissa þátta sem varða hagsmuni Vestfirðinga og er hægt að taka heilshugar undir flest sem í henni stendur. Ástæða er til að hvetja sem flesta til að lesa skýsluna en hún er fremur stutt og auðveld aflestrar svo mjög að húm minnir meira á einhverskonar ágrip af mun lengri skýrslu.

Í kaflanum um samgöngumál eru taldir upp fimm töluliðir sem brýnastir eru á Vestfjörðum. Hægt er að taka undir þá alla en mikið verða samgöngur á Vestfjörðum orðnar góðar þegar farið verður að bora jarðgöng undir Kleifaheiði þar sem nú liggur nýlegur og vel uppbyggður vegur.

Á nefndu fjórðungsþingi virðist sem málefni ferðamanna og fiskeldis hafi verið rædd. Það er að vonum þar sem um er að ræða helstu vaxtarbrodda í atvinnulífinu þar vestra. Varðandi ferðaþjónustuna á sunnanverðum Vestfjörðum þá held ég að hvorki ferðaþjónustuaðilar né ferðamennirnir sjálfir teldu helst vanta jarðgöng undir Kleifaheiði. Það sem helst vantar á þeim stað eru vegir færir fólksbílum að vinsælustu ferðamannastöðunum Bjargtöngum og Selárdal. Á liðnu sumri var ástandið þannig að annarsvegar frá Skápadal á Bjargtanga og hinasvegar frá Bakkadal í Selárdal  voru þessar leiðir .alls ekki færir minni bílum og auðvitað með þeim afleiðingum að útafkeyrslur og bílveltur urðu nokkrar.

Á ástandi þessara vega eru tvær skýringar. Margfaldur umferðarþungi vegna ferðamanna og harkalegur niðurskurður fjármagns til viðhalds þeirra. Í dag er ástand þessara vega óbreytt að því frátöldu að verið er að undirbyggja veginn frá Skápadal að Hvalskeri undir slitlag. Þetta mun vera gert fyrir viðhaldsfé en ekki með sérstakri fjárveitingu. Áætlun mun vera til um lagningu slitlags út í Sauðlauksdal en mér skilst að ekkert sé fast í hendi um fjármögnun þess. Ef við nú í ýtrustu bjartsýni reiknum með að bundið slitlag komist út í Sauðlauksdal eru eftir u.þ.b. 30 km út á Bjarg og vegurinn út í Selárdal sem engar áætlanir eru til um sem ég hef getað fundið.

Prúðmennska og lítillæti

Ég hef ekki séð fundargerð áðurnefnds fjórðungsþings og hef því einungis mína vitneskju úr fjölmiðlum. Eftir þeim að dæma virðast sveitarstjórnarmenn af sunnanverðum Vestfjörðum hafa sýnt  staka prúðmennsku og lítillæti á þessu þingi þar sem mættir voru þeir sem kjötkötlunum ráða. Ég minnist þess frá þeim tíma sem uppbygging bundins slitlags var að hefjast þar vestra að ein helstu rökin fyrir því að ráðast í svo dýra vegalagningu væru að meira fé yrði til viðhalds malarveganna. Ég læt lesendum þessara lína það eftir að dæma um þau gömlu kosningaloforð. Róbert Guðfinnsson hin landskunni athafnamaðu á Siglufirði og lífgjafi sinnar byggðar hefur sagt það í mín eyru að 200 miljarða króna þurfi að lágmarki á næstu árum eigi að gera þjóðvegakerfi landsins í stakk búið til þess að taka við núverandi og vaxandi ferðamannastraum til landsins.  Hann lýsti því yfir við sama tækifæri að hvorki væri þetta fjármagn til í ríkissjóði né heldur virtist vilji til að útvega það´. Því réðst hann í það á eigin vegum að kaupa flugvöllinn á Siglufirði með uppbyggingu í huga. Á sama tíma láta bæjaryfirvöld í Vestyrbyggð það viðgangast að Patreksfjarðarflugvöllur drabbist niður í höndum ríkisfyrirtækisins Isavia. Af þessum flugvelli sem lagður er bundnu slitlagi voru rifin lendingarljós og hin rúmgóða flugstöðvarbygging er látin grotna niður viðhaldslaus og brimvörn við ytri enda flugbrautarinnar rifin burt. Ég tók mér það fyrir hendur að loknu hefðbundnu sumarleyfi á sunnanverðum Vestfjörðum að reyna að leita uppi jafn slæma eða verri malarvegi en þá sem ég hef gert hér að umtalsefni. Í þeim tilgangi fór ég m.a. afleggjarann að vitanum á Öndverðarnesi , veginn um Skógarströnd, veginn um Heydal á Snæfellsnesi, veginn um Snæfjallastönd að Tyrðilmýri og að síðustu norður Kjalveg. Allir voru þessir vegir í þokkalegu eða viðunandi ástandi að frátöldum köflum á Kjalvegi norðan Bláfellsháls sem voru nokkurnveginn á pari við vegina vestra þ.e skynsamlegur hámarkshraði upp á 20 til 25 km á klst. Ég læt þetta nægja í bili um samgöngumál.

Lífgasframleiðsla

Hin skýrslan sem ég nefndi í upphafi heitir Lífgasframleiðsla , hliðarbúgrein fiskeldis á Vestfjörðum og er unnin á vegum Matís og fleiri aðila . Í skýrslunni er vakið máls á mjög áhugaverðu viðfangsefni svo ekki sé meira sagt. Þ.e. orkuframleiðslu úr hráefni frá laxeldinu sem nú virðist urðað með viðeigandi tilkostnaði. Ekki hef ég efnafræðiþekkingu til að tileinka mér vinnsluaðferðina við orkuvinnsluna til hlítar en þó virðist vera svo að lítið framboð á kolefnisríkum afurðum frá landbúnaði á svæðinu verði mjög takmarkandi þáttur við þessa framleiðslu. Jafnvel svo mjög að hugmyndin sé andvana fædd. Ég hef samt grun um að svo þurfi alls ekki að vera. Í nágreni  þorpanna Patreksfjarðar, Tálknafjarðar og Bíldudals eru allvíðáttumikil tún óslegin og falla því í sinu ár hvert. Flatarmál þessara túna skiptir tugum hektara og þau fara stækkandi því miður. Gera má ráð fyrir nokkur hundruð tonna uppskeru af þeim á ári hverju. Stærstur hluti þessara túna er á Rauðasandi og eru þau í einkaeigu og þyrfti að sjálfsögðu að kanna hug eigenda þeirra til verkefnisins. Hugmyndir skýrsluhöfunda um bjórframleiðslu á svæðinu, auðvitað fyrst og fremst til hráefnisöflunar fyrir orkuverið, eru hinsvegar mjög athyglisverðar og ekki er að efa heimamarkaðurinn myndi taka þeirri aukaafurð fagnandi. Hins vegar er rétt að geta þess hér að byggræktun hefur verið stunduð á Rauðasandi um árabil oftast með góðum árangri enda vaxtarstuðull byggs  þar með því besta á landinu. Í æfisögu séra Árna Þórarinssonar á Stóra Hrauni sem skráð var af Þórbergi Þórðarsyni lýsir séra Árni því hvernig biðja skuli til almættisins svo árangur verði að. Hann segir að menn verði að tala við guð eins og óvita sem ekkert viti og ekkert skilji, útskýra fyrir honum aftur og aftur þarfir sínar og hugðarefni. Ég held að affarasælast sé hjá framámönnum á Vestfjörðum að viðhafa ráðleggingar séra Árna í samskiptum sínum við stjórnvöld.

Hilmar Össurarson.

Greinin birtist fyrst í Vestfjörðum. Smelltu hér til að lesa blaðið.

 




21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.
22.okt. 2017 - 15:00 Vestfirðir

Vestfirskir listamenn 2

Jakobína Sigurðardóttir F. 8. júlí 1918 Hælavík Hornströndum. D. 29. janúar 1994 Akureyri. Öndvegisverk: Dægurvísa, 1965, Snaran, 1968, Lifandi vatnið, 1974 Ef þú átt eftir að lesa þessa bók, þá verður þú að hafa í huga að ég ætlaði að skrifa Góða Bók. Þannig hefst síðasta skáldsaga vestfirsku skáldkonunnar Jakobínu Sigurðardóttur, Í sama klefa. Það er varla hægt að byrja sögu betur en þetta. Strax á fyrstu setningu er athygli lesandans vakin. Þetta var einmitt einn af mörgum hæfileikum skáldkonunnar að grípa lesandann strax á fyrstu orðum. Jakobína Sigurðardóttir bóndastúlkan frá Hælavík er sannarlega einn af skáldsnillingum síðustu aldar hér á landi. En hver var hún?
21.okt. 2017 - 18:00 Vestfirðir

Allt þetta fólk

Út er komin bók um Þormóðsslysið eftir sr Jakob Hjálmarsson fyrrverandi sóknarprest á Ísafirði. Þormóðru BA 291 fórst fyrir rúmum sjötíu árum, þann 18. febrúar 1943. Í upphafsorðum bókarinnar segir að Þormóðsslysið sé mesta blóðtaka sem nokkurt íslenskt byggðarlag hafi orðið fyrir.
21.okt. 2017 - 14:00 Vestfirðir

Fiskmarkaður Íslands færir út kvíarnar

Fiskmarkaður Íslands hefur hafið starfsemi í Bolungavík. Fyrirtækið er með starfsemi á 9 stöðum á landinu en höfuðstöðvar þess eru í Ólafsvík. Snorri Harðarson, starfsmaður fyrirtækisins í Bolungavík staðfestir að veitt sé löndunarþjónusta og að aðstaða þess sé í húsnæði Kampa ehf. Snurvoðabátar landa hjá Fiskmarkaði Íslands  og gengið sé frá fiskinum til flutnings til kaupenda. Aron Baldursson, framkvæmdastjóri fyrirtækisins segir að ástæðan sé sú að bátar sem eru í viðskiptum við markaðinn hafi fært útgerð sína til Vestfjarða á ákveðnum tíma ársins og með þessu sé þeim veitt áframhaldani þjónustu þótt þeir landi í annarri verstöð.
21.okt. 2017 - 07:00 Kristinn H. Gunnarsson

Aðskilnaður stjórnmála og viðskipta

Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. 
07.okt. 2017 - 21:30 Vestfirðir

Patreksfjörður: House of creativity

Húsið - House  of  Creativity  opnaði  á  Patreksfirði  í  júní  í  sumar,  nánar  tiltekið  um Hvítasunnuhelgina  með  sýningu  á  verkum  Vasulka  hjóna  í  samstarfi  við  Listasafn  Íslands.  Þau Steina og Woody Vasulka voru einmitt heiðursgestir Skjaldborgarhátíðarinnar þetta árið, en sú hátíð fór  fram sömu  helgi.  Það  eru hjónin  Aron Ingi Guðmundsson  og Julie  Gasiglia  sem stofnuðu og reka Húsið sem er staðsett í Merkisteini, 119 ára gömlu húsi sem þau keyptu í fyrrasumar.
07.okt. 2017 - 08:56

Stundarbilun

Stundin er fréttamiðill sem einbeitir sér að rannsóknarblaðamennsku. Metnaður eigenda og starfsmanna er að kafa ofan í álitamál samtímans og færa lesendum bestu fáanlegu upplýsingar. Til þess þurfa blaðamenn Stundarinnar að vera ódeigir og þora að fletta ofan af upplýsingum og staðreyndum sem verið er að leyna til þess að afvegaleiða almenning.
24.sep. 2017 - 21:00 Eyjan

Fréttaskýring - Teigsskógur: Afleiðing séríslenskra ákvæða

Þegar löggjöf Evrópusambandsins um umhverfismat var innleidd árið 2000 var í nokkrum atriðum vikið frá reglugerð Evrópusambandsins, ESB,  og sett mun strangari lagaákvæði í íslenska löggjöf. Fleiri framkvæmdir eru skyldaðar í umhverfismat hér á landi en í löndum Evrópusambandsins. Eitt atriðið varðar vegagerð. Í ESB reglunum eru nýir fjögurra akreina vegir sem eru lengri en 10 km matsskyldir. Í íslensku útgáfunni eru allir nýir vegir lengri en 10 km matsskyldir.
24.sep. 2017 - 15:00 Vestfirðir

Vestfirskir listamenn

Hver dalur á sína sögu og sínar söguhetjur. Selárdalur í Arnarfirði er sannarlega þar á meðal ef ekki bara á topp tíu listanum yfir mestu sögudali landsins. Enda hafa þar gist margir höfðingjarnir og listamennirnir. Nægir að nefna klerkana Pál Björnsson einhvern lærðasta mann 17. aldar, Jón Þorláksson er einnig var skáld gott og kenndi sig við Bægisá og síðast en ekki síst galdraklerkinn Árum-Kára er sagt er frá í þjóðsögunum.
24.sep. 2017 - 11:00 Vestfirðir

Djúpið: Laxveiði hefst eftir 1930

„Það er ekki vitað að lax hafi gengið í ár við Ísafjarðardjúp fyrr en á allra síðustu árum. Í fyrrasumar veiddust 20 laxar í lagengt silunganet í Ósá við Bolungarvík. Þá hafa veiðst nokkrir laxar í Hvannadalsá í Nauteyrarhreppi, sem er fyrir botni Ísafjarðardjúps. Virðist laxagengdin fara fremur vaxandi. Hefir þetta leitt til þess að nú er farið að setja klakseiði í ár vestra. Verða að þessu sinni flutt 12 þús. klakseiði í Laugardalsá, 25 þús. í Selá hjá Melgraseyri og 10 þús. Í Ísafjarðará, en hún rennur í samnefndan fjörð innst í Djúpinu.“
23.sep. 2017 - 10:30 Vestfirðir

Um áhættumat vegna mögulegrar erfðablöndunar milli eldislaxa og náttúrulegra laxastofna á Íslandi

Á dögunum lagði stafshópur skipaður af ráðherra fram stefnumótandi skýrslu um framtíð og fyrirkomulag fiskeldis á Íslandi. Þar eru ýmsar breytingar og áherslur lagðar til með það markmið að atvinnugreinin geti orðið sterk og öflug en jafnframt að starfsemin verði í sátt við náttúruna og hafi sjálfbærni að leiðarljósi. 
10.sep. 2017 - 09:00 Vestfirðir

Hvalá: ásakanir um blekkingar bornar til baka

Læknarnir Tómas Guðbjartsson og Ólafur Már Björnsson bera fram þungar ásakanir í blaðagrein í Fréttablaðinu þann 30. ágúst síðastliðinn um blekkingar sem þeir telja að viðhafðar hafi verið við samþykkt á Hvalárvirkjun í Rammaáætlun.
07.sep. 2017 - 21:00 Vestfirðir

Act alone á Suðureyri – 14. einleikjahátíðin var haldin í síðasta mánuði

Act alone á Suðureyri – 14. einleikjahátíðin var haldin í síðasta mánuði. Boðið var upp á um 20 viðburði á þriggja daga hátíð. Hátíðin fór að mestu fram í félagsheimili Súgfirðinga sem rúmar um 16—170 manns með góðu móti. Fullt var út úr dyrum á alla einleikina og talið að gestir hafi verið nærri 3000.
27.ágú. 2017 - 14:00 Vestfirðir

Kvíar í Jökulfjörðum: Íbúðarhúsið endurbyggt

Gamla reisulega íbúðarhúsið að Kvíum í Jökulfjörðum hefur undanfarin ár verið algerlega endurbyggt. Byrjað var á verkinu árið 2012 og sér nú fyrir endan á framkvæmdunum. Það er fyrirtækið Borea Adventures sem hefur húsið til afnota og stendur straum af kostnaðinum. Að sögn Rúnars Óla Karlssonar eru komnar rúmar 30 milljónir króna í verkið.
26.jún. 2017 - 20:30 Eyjan/Kristinn H. Gunnarsson

Kvótakerfið veldur hörðum stéttaátökum

Sjómannadagurinn var haldinn hátíðlegur nýverið. Vel viðraði og tókust hefðbundin hátíðahöld með ágætum. Blaðið Vestfirðir sendir sjómönnum og fjölskyldum þeirra góðar kveðjur og þakkir fyrir framlag þeirra til góðra lífskjara landsmanna. Kvótakerfið er eldurinn sem logar undir sjávarútveginum og  hefur valdið hörðum deilum og átökum í þjóðfélaginu síðustu 30 ár. Forystumenn útgerðarinnar gera sér grein fyrir stöðunni og keppast við að bera lofi á kerfið og vara við öllum hugmyndum um breytingar. 
26.jún. 2017 - 17:00 Eyjan/Vestfirðir

Glæfrasókn smábáta

Miklar áhyggjur eru meðal sjómanna vegna stífrar sóknar smábáta á strandveiðum við vond veðurskilyrði. Í fyrra sökk bátur við Vestfirði og einn maður fórst. Í síðustu viku fóru flestir strandveiðibátar á sjó þrátt fyrir afleitt veður. Sjómenn sem hafa komið að máli við blaðið Vestfirði lýsa miklum áhyggjum af áhættusókninni og segja að síðastliðinn fimmtudag hafi mátt litlu muna að ekki fór illa. Þá hagaði svo til að hvasst var og stífur straumur.
26.jún. 2017 - 14:55 Kristinn H. Gunnarsson

Gengishækkun krónunnar er kjarabót fyrir almenning

Undanfarnar vikur hafa hellst yfir landsmenn grátstafir forsvarsmanna í sjávarútvegi og ferðaþjónustu. Það er engu líkara en að hækkandi gengi íslensku krónunnar sé stórfellt efnahagslegt vandamál sem sé við það gera út af við afkomu fyrirtækjanna. Þannig hefur til dæmis framkvæmdastjóri LÍÚ sagt berum orðum að til greina komi að flytja fiskvinnslu til útlanda og forystumenn ferðaþjónustunna bera sig enn verr   yfir því óréttlæti stjórnvalda að ætla þeim að greiða sama virðisaukaskatt og almennt gildir í landinu.
11.jún. 2017 - 20:00 Vestfirðir

Stefán Lárus Pálsson stýrimaður og veiðieftirlitsmaður: „Mamma sagði að enginn réði sínum örlögum og ég hélt áfram á sjónum“

Stefán Lárus á túnfiskveiðum. Hjónin Stefán Lárus Pálsson og Elsa Sigurðardóttir búa í húsinu Klapparholti á Akranesi. Fyrir tæpum tíu árum steig hann loksins alkominn á land eftir hartnær hálfrar aldar starfsferil sem sjómaður. Þau eru bæði fædd hernámsárið 1940 og fylla því 77 ár á þessu ári. Stefán Lárus lítur hér um öxl í tilefni af sjómannadeginum og segir frá ferli sínum á öldum hafsins.
04.jún. 2017 - 17:00 Eyjan

Önnur sýn á stofnanaofbeldi

Snorri Baldursson, áhugamaður um náttúruvernd, skrifar: Kristinn H Gunnarsson skrifar leiðara í blaðið Vestfirði hinn 11. maí sl. undir fyrirsögninni „Stofnanaofbeldi“. Þar húðskammar hann Skipulagsstofnun fyrir það að sinna starfi sínu og benda á veruleg neikvæð áhrif veglínu Þ-H, milli Bjarkarlundar og Skálaness á sunnanverðum Veastfjörðum, óskaveglínu Vegagerðarinnar. 
15.maí 2017 - 07:00 Kristinn H. Gunnarsson

Stofnanaofbeldi

Enn er fyrirhuguð vegarlagning í Gufudalssveit komin í uppnám. Enn er það Skipulagsstofnun sem gerir allt sem í valdi stofnunarinnar er til þess að koma í veg fyrir framkvæmdina. Þetta er orðinn langur tími. Allt frá 2004 hefur verið ljóst að Skipulagsstofnun ætlaði sér að ráða því hvaða leið yrði farin þegar kæmi að því að færa vegakerfið í Austur Barðastrandarsýslu til nútímahorfs.
13.maí 2017 - 14:00 Vestfirðir

Einkavæðing heilbrigðiskerfisins í brennidepli vestfirska vísnahornsins

Um daginn, þegar eitt sinn sem oftar, umsjónarmaður þáttarins og Indriði á Skjaldfönn þurftu að tala saman stóð þannig á að Indriði hringdi inn í miðja kennslu hjá stúdentsefnum í hagfræði. Var hann auðvitað beðinn um góð ráð til hagfræðinemandanna. Um hæl komu þessar vísur með fyrirsögninni ...
02.maí 2017 - 21:00 Vestfirðir

Vestfirska vísnahornið - Ort um Ólaf Ólafsson

Veturinn er ekki alveg á þeim buxunum að hopa af hólmi þótt veðurfarið hafi verið nokkuð gott. Þegar fór að nálgast páska varð vart við gamalkunnugt páskahret. Ólínu Þorvarðardóttur varð litið út um gluggann einn morgunin og við blasti dimmt hríðarkófið. Þá féllu þessu orð.
01.maí 2017 - 21:00 Vestfirðir

Saga knattspyrnunnar á Ísafirði

Nú á vormánuðum kemur út bókin „Knattspyrnan á Ísafirði“. Höfundur er Sigurður Pétursson sagnfræðingur en Hið ísfirska knattspyrnufélag gefur bókina út. Bókin verður um 300 blaðsíður og greinir frá upphafsárum knattspyrnunnar á Ísafirði og aðstæðum sem þá voru og fylgir sögu hennar allt til okkar daga. Á meðal áhugaverðra atriða í bókinni er umfjöllun um fyrsta kvennaknattspyrnufélagið á Íslandi sem var stofnað á Ísafirði fyrir rúmri öld.
28.apr. 2017 - 07:00 Kristinn H. Gunnarsson

Áfram vestur

Fyrir réttri viku var undiritaður formlegur verksamningur um Dýrafjarðargöng. Þar með er í höfn áratugalangt baráttumál Vestfirðinga fyrir greiðum heilsárssamgöngum milli norður og suðursvæðis Vestfjarða. Jarðgöngin verða að öllu forfallalausu tekin í notkun eftir rúm þrjú ár, líklega síðla árs 2020. Vissulega geta enn brugðist góð áform og fögur fyrirheit og jarðgöngunum gæti verið seinkað, en það verður að teljast mjög ólíklegt og ekki eru fordæmi fyrir því að brugðið hafi verið af ásettu ráði frá tímasettri verkáætlun eftir að samningar hafa verið undirritaðir. Því er hér því slegið föstu að Dýrafjarðargöngin séu í höfn.
02.apr. 2017 - 19:00 Vestfirðir

Íbúafjöldi á Vestfjörðum stendur nánast í stað á milli ára

Í byrjun árs 2017 voru landsmenn 338.349 en landsmönnum hefur fjölgað um 5.820 frá sama tíma árið áður eða 1,8% samkvæmt upplýsingum frá Hagstofu Íslands. Í fréttatilkynningu frá Fjórðungsambandi Vestfirðinga kemur fram að íbúafjöldi á Vestfjörðum 1. janúar 2017 hafi verið 6.870 manns eða um 2,03%  af íbúafjölda landsins."Í byrjun árs 2016 voru Vestfirðinga 6.883 og hefur því fækkað um þrettán manns á milli ára er greinilegt að fækkunin á svæðinu er að hægja á sér og er líklega hægt að þakka það mikli uppbyggingu atvinnu á Vestfjörðum, og þá sér í lagi á sunnanverðum Vestfjörðum.
13.mar. 2017 - 07:00 Kristinn H. Gunnarsson

Kjósendur blekktir

Nýjustu axarsköft ríkisstjórnarinnar eru þau að kasta samgönguáætluninni út um gluggann.  Áætlunin var samþykkt fáum vikum fyrir Alþingiskosningarnar á síðasta ári og nú að þeim afloknum  er látið eins og yfirlýsing þingisins til kjósenda hafi verið siðlaus skrípaleikur að því er fjármálaráðherrann lét sig hafa að segja í útvarpsþætti í vikunni.
12.mar. 2017 - 09:00 Vestfirðir

Vilja að fatlaðir selji íbúðir sínar: „Það yrði mikil afturför“

Ísafjarðarbær lagði að aðstandendum tveggja fatlaðra einstaklinga á Ísafirði að skipta á jöfnu við bæjarfélagið á íbúðum sem þeir eiga og fá staðinn íbúðir í Sindragötu 4 sem bærinn á. Guðmundur Halldórsson, Bolungavík, aðstandandi annars einstaklingsins segir að bærinn hafi gengið hart fram og lagt að aðstandendunum að skipta.
11.mar. 2017 - 20:00 Vestfirðir

Skoða þarf Bræðratungu: Fatlaður íbúi stunginn til þess að fá hann til að hlýða

Jón Þorsteinn Sigurðsson, réttargæslumaður fatlaðra á Vesturlandi og Vestfjörðum segir að hann hafi fengið fjölda ábendinga og ýmsar misjafnar sögur af meðferð fatlaðra einstaklinga á Bræðratungu og vill láta athuga hvað þarna hafi átt sér stað á þeim tíma sem hún var í rekstri. Jón Þorsteinn segir að hafi ákveðin atvik í huga sem hann hafi fengið nákvæmar lýsingar á og varðar fatlaða íbúa  á Bræðratungu.
11.mar. 2017 - 15:00 Vestfirðir

Byggja leiguheimili að danskri fyrirmynd

Ísafjarðarbær hefur sótt um stofnframlag hjá Íbúðarsjóði til þess að byggja leiguheimili að danskri fyrirmynd.  Gísli Halldór Halldórsson, bæjarstjóri var spurður um málið. "Já, það er rétt, Ísafjarðarbær hefur sótt um stofnframlag hjá Íbúðarlánasjóði til að byggja leiguheimili og snýr umsókn Ísafjarðarbæjar að 11 íbúðum í 13 íbúða fasteign.
09.mar. 2017 - 14:00 Vestfirðir

Listakonur standa fyrir skemmtilegum viðburði á Vestfjörðum í dag

Fimmtudaginn 9. mars kl. 18 bjóða listakonurnar Ulla Juske og Ella Bertilsson gestum að upplifa hljóðinnsetninguna Órætt efni/Uncertain Matter í ljósaskiptunum. Viðburðurinn er skipulagður í samvinnu við Kjartan Árnason arkitekt og fjölskyldu sem opna heimili sitt að Hnífsdalsvegi 10 á Ísafirði af þessu tilefni. Hljóðverkið tekur 22 mín. í flutningi. Boðið verður upp á léttar veitingar og spjall á eftir. Listakonurnar Ulla Juske og Ella Bertilsson verða á staðnum.
19.feb. 2017 - 17:00 Vestfirðir

„Ég bíð eftir bjartari framtíð“

Sögufélag Barðastrandarsýslu hefur nýlega gefið úr árbók Barðastrandarsýslu fyrir árið 2016. Þetta er 27. árgangur árbókarinnar. Ritstjóri árbókarinnar er Daníel Hansen og aðrir í ritnefnd eru Lilja Magnúsdóttir, Páley Kristjánsdóttir og Rögnvaldur Bjarnason.  Í formála  Daníels Hansen segir að það sé þó nokkuð afrek fyrir fámennt félag að gefa út eina bók á ári, en það sé "allt gert af miklum áhuga á átthögunum, ekki hvað síst hjá þeim sem yngri eru og leita í rætur sínar." Þá vekur Daníel athygli á því að mikið efni sé til þar sem margir forfeðranna hafi haft þörf fyrir að skrifa niður margvíslegt efni og þannig séu til heilu stílabækurnar.
13.feb. 2017 - 07:00 Vestfirðir

Fasteignagjöld ríkisins: 67% til Reykjavíkur

Fjármálaráðuneytið hefur svarað fyrirspurn blaðsins Vestfirðir  um fasteignagjöld sem ríkið greiðir sveitarfélögum af fasteignum í eigu ríkisins.  Ráðuneytið fékk Fjársýslu ríkisins til þess að taka saman svarið og nær það yfir A hluta stofnanir ríkisins.
12.feb. 2017 - 18:00 Vestfirðir

Bryggjuhátíð á Drangsnesi

Bryggjuhátíð á Drangsnesi verður haldin helgina 21. -23. júlí nk. Bryggjuhátíðin var haldin árlega frá árinu 1996-2013 og verður tekinn upp þráðurinn þar sem frá var horfið. Dagskrá er í mótun en  hið sívinsæla sjávarréttasmakk verður á sínum stað þar sem kvenfélagskonur og aðstoðarmenn þeirra matreiða af allkunnri snilld ýmist lostæti úr sjónum. Aðrir fastir liðir verða á sínum stað t.d. verður dorgveiðikeppni og söngvarakeppni fyrir börnin auk þess sem boðið verður upp á listasýningar og kvöldvöku. Stórvinur Bryggjuhátíðar, Raggi Torfa frá Trékyllisvík, sér um stuðið á varðeldi og stórhljómsveitin Stuðlabandið spilar fyrir dansi inn í nóttina
12.feb. 2017 - 17:00 Aðsend grein

Örlagarík sjóferð

Mynd af Hvanneyri frá 1912. „En nú kemur að þeim kafla í sögu vinar míns sem mér er sárt að minnast en segi þó sannleikanum samkvæmt. Þegar leið á sláttinn kom skólastjóri auga á það að Jón var ekki meðal allra fremstu sláttumanna. Það var eðlilegt því hann hafði alltaf á sjó verið. En nú fór það svo að skólastjóri fór fram á það að Jón lækkaði kaup sitt dálítið af þeim sökum. Jón neitaði því að sjálfsögðu og sagði upp vinnunni.“
11.feb. 2017 - 18:00 Vestfirðir

Landsþing ungmennahúsa á Hólmavík

Landsþing ungmennahúsa var haldið á Hólmavík um þarsíðustu helgi. Ungt fólk á aldrinum 16-25 ára og starfsfólk ungmennahúsa komu víða að af landinu ásamt stjórn Samfés. Markmið landsþingsins var að skapa vettvang fyrir ungt fólk til að hittast, móta starfsemi ungmennahúsa landsins, skiptast á hugmyndum, efla samstarfið og ræða málefni ungs fólks á Íslandi og hvað hægt sé að gera til að bæta starfið og tryggja að öll ungmenna á aldrinum 16-25 ára hafi jafnan aðgang að ungmennahúsi í sinni heimabyggð.
10.feb. 2017 - 17:00 Kristinn H. Gunnarsson

Lög á útgerðarmenn

Árum saman hefur ekki tekist að ná kjarasamningum milli sjómanna og útvegsmanna. Síðasti samningur var gerður í janúar 2009 og rann út tveimur árum síðar. Síðan hefur ekki verið  gerður kjarasamningur. Þetta ástand er einsdæmi og þekkist ekki í neinni annarri atvinnugrein. Það sem næst þessu kemst er kjaradeilda útvegsmanna við smábátasjómenn. Þar voru ekki kjarasamningar í gildi í 3 - 4 ár. Samningar náðust um síðir á forsendum útgerðarinnar.  Sjómenn hafa mátt þola verulegar kjararskerðingar þrátt fyrir hlutaskiptakerfið sem á að tryggja að aflahlutir fylgi afurðaverði.
10.feb. 2017 - 10:00 Aðsend grein

Tortola

Heilir og sælir kjósendur góðir. Þið eruð sérlega skemmtilegt fólk. Vitið þið hvað það er sem kosningarétturinn færir ykkur í hendur? Þið gætuð haldið pólitíkusunum í spennitreyju,vegna hugsanlegrar útkomu úr kosningum hverju sinni. Þ.e.a.s. ef ekki væri borðleggjandi í þeirra herbúðum sú staðreynd að kjósendur kjósa alltaf það sama og síðast , á hverju sem veltur. Að loknum kosningum rjúkum við heim  og grenjum þar yfir því að engar breytingar urðu á hinu pólitíska sviði í þessum kosningum. Auðvitað ekki, ég kaus alveg eins og síðast. Stjórnmálamennirnir haga sér nákvæmlega eins og þeim sýnist.
09.feb. 2017 - 13:00 Aðsend grein

Lausn sjómannaverkfallsins, gjörið svo vel

Þegar ríkisstjórn Jóhönnu Sigurðardóttur og Steingríms Sigfússonar afnam einhliða sjómannaafsláttinn svokallaða 2009 eftir að hann hafði gilt nærri hálfa öld þótt ekki væri hann hár varð fjandinn laus og morgunljóst að einn daginn yrði allt í báli. Þegar sjómannaafslátturinn var settur að tilhlutan ríkisstjórnar voru sjómenn eina stétt landsins sem naut fríðinda vegna vinnu fjarri heimili og þótti eðlilegt. Í dag njóta allar stéttir landsins skattfríðinda vegna vinnu fjarri heimili nema sjómenn. Ótrúlegt. Það er náttúrulega fáránlegt og skýtur skökku við að sjómenn skuli þannig látnir sitja á hakanum og það er mikill dónaskapur og mikil valdbeiting gagnvart sjómönnum að slíkt skuli viðgangast.

07.feb. 2017 - 14:00 Vestfirðir

Framlegðin er 45% í þorski - Leiguverðið tvöfalt hærra

Í gögnum veiðigjaldsnefndar um veiðigjald fiskveiðiárið 2016/17, sem byggð eru á gögnum um afkomu í sjávarútvegi 2014  kemur fram að framlegðin af veiðum á 1 kg af þorski er 45% og 46% af ýsu.  Samkvæmt útreikningum nefndarinnar fæst 247 kr. að jafnaði fyrir hvert kg af þorski. Laun og annar breytilegur kostnaður vegna veiðanna eru 132 kr/kg.
01.feb. 2017 - 22:00 Vestfirðir

8% samdráttur í Ísafjarðarbæ

Atvinnutekjur drógust saman um 8,2% frá 2008 til 2015 í Ísafjarðarbæ. Á sama tíma fækkaði íbúum sveitarfélagsins um 8,9%. Annars staðar á Vestfjörðum jukust atvinnutekjur um 5,9% og íbúum fækkaði um 0,1%.  %. Íbúafjölgun varð í Vesturbyggð, í Bolungavík stóð fólksfjöldi í stað en annars staðar varð fækkun.