15. des. 2016 - 18:00Vestfirðir

Umsvif og horfur í Ísafjarðarbæ

Margir glöddust yfir umfjöllun Morgunblaðsins þann 6. desember síðastliðinn þar sem sagt var frá áformum um uppbyggingu á Suðurtanga. Áformin eru það langt komin að búið er að skilgreina stórar iðnaðarlóðir í samstarfi við þau fyrirtæki sem í hlut eiga. Þá er Húsasmiðjan þegar byrjuð að byggja nýtt húsnæði á Suðurtanga undir verslun sína og gera má ráð fyrir að fleiri verslunar- og þjónustufyrirtæki velji sér að vera á sömu slóðum.

Gísli Halldór Halldórsson bæjarstjóri Ísafjarðar.

Við nýjan 500 metra langan Sundabakka er gert ráð fyrir 20 þúsund fermetra lóð fyrir HG, 15 þúsund fermetrum fyrir Arctic Fish, um 7 þúsund fermetrum fyrir Háubrún og um 4 þúsund fermetrum fyrir Keresis. Staðsetning fyrirtækjanna við hafnarbakkann þýðir mikla hagræðingarmöguleika og nálægð verksmiðju Kerecis við fiskvinnsluhús HG er þýðingarmikil í þeirra framleiðslu. Vestar á Suðurtanganum er svo gert ráð fyrir fjölda annarra lóða.

Það er ekki lengra síðan en síðasta vetur að farið var að ræða þessa uppbyggingarkosti við fyrirtækin sem eiga í hlut og því sérstakt gleðiefni hve málið er langt komi. Lóðir voru auglýstar og reyndust umsækjendur margir. Að ósk þeirra fyrirtækja sem sóttu um lóðir var farið í samstarf um þarfagreiningu og endurhönnun byggingarlóða, hófst samráðið með opnum fundi í mars síðastliðnum sem fylgt var eftir með vinnu í skipulagshóp. Nú hefur náðst ágæt niðurstaða um tilhögun þessara lóða, sem á þó enn eftir að hljóta formlegt samþykki.

Nú þarf að láta hendur standa fram úr ermum við að fylla upp á Tanganum, byggja Sundabakka og steypa hafnarþekju. Æskilegt er að verkinu ljúki ekki seinna en árið 2020 miðað við fyrirætlanir þeirra fyrirtækja sem um ræðir. Heildarkostnaður við Sundabakka og uppfyllingar verður um 1,5 milljarður og m.v. hefðbundna uppbyggingu hafnarmannvirkja ætti hlutur Ísafjarðarbæjar að verða um 500 milljónir króna.

Aðkoma stjórnvalda

Mikilvægasta verkefnið á þessu stigi málsins er að afla skilnings hjá stjórnvöldum þannig að fjárframlög ríkisins fáist til verksins, en verkefnið er ekki á samgönguáætlun. Helst er horft til þess að fá sambærilegan samning um uppbyggingu og fékkst vegna Bakka á Húsavík – nema hvað að í okkar tilfelli er ekki verið að biðja um skattaafslátt, sem er rausnarlegur á Bakka, heldur eingöngu uppbyggingu hafnarmannvirkja. Mikil jákvæð hagvaxtaráhrif verða af þessum framkvæmdum fyrir Ísland í heild sinni auk þess að þær munu hafa mjög jákvæð áhrif á uppbyggingu á norðanverðum Vestfjörðum, það er því ólíklegt annað en að ríkisvaldið sé tilbúið að leggjast á árarnar með okkur.

Ástæðurnar fyrir þessari miklu uppbyggingu eru fyrst og fremst miklir vaxtarmöguleikar í fiskeldi og gríðarleg fjölgun skipafarþega á Ísafirði. Auknir tekjumöguleikar af farþegaskipum á Sundabakka munu í raun standa undir því framlagi sem Ísafjarðarbær þarf að leggja til fjárfestinganna – og þá er aðeins verið að tala um þau skip sem nú þegar leggja leið sína hingað.

Frekari uppbygging vegna vaxandi ferðaþjónustu mun einnig verða á næstu árum og sjálfsagt mun eitthvað af þeirri uppbygginu eiga sér stað á Suðurtanga. Möguleikar til uppbyggingar vegna ferðaþjónustu eru þó um allt sveitarfélagið og strax á næsta ári verður ráðist í gerð þjónustuhúss við tjaldsvæðið á Þingeyri, en það hefur gefið Ísafjarðarbæ mestar tekjur af öllum tjaldsvæðum bæjarins.

Góður árangur í fjármálum Ísafjarðarbæjar

Frábær árangur hefur náðst á undanliðnum árum í fjármálum Ísafjarðarbæjar og ef horft er á skuldaviðmið eftirlitsnefndar með fjármálum sveitarfélaga er hlutfall Ísafjarðarbæjar nú komið í um 120%, þrátt fyrir miklar framkvæmdir. Hlutfallið skal vera undir 150% skv. reglum og hefur verið stefnt að því að halda því í kringum 130% á þessu kjörtímabili og núverandi staða því fagnaðarefni. Tekjur sveitarfélagsins hafa farið vaxandi og íbúafjöldi hefur staðið í stað frá ársbyrjun 2014, í stað langvarandi fækkunar íbúa áður. Gera má ráð fyrir að íbúum farið að fjölga upp úr þessu. Engu að síður verður leitað logandi ljósi að öllum þeim úrræðum sem gagnast mega til að snúa við íbúaþróun á Flateyri og Þingeyri, þar sem við erum í mikilli vörn. Samfélagsmiðstöð sem opnuð verður á Þingeyri í febrúar á næsta ári er spennandi tilraun sem vonandi getur verið mikilvægur hlekkur í lausn þessa erfiða viðfangsefnis.

Sérlega ánægjulegur er sá mikli árangur sem náðst hefur í hagræðingu hjá Ísafjarðarbæ í málefnum fatlaðra og það þrátt fyrir að þjónustan hér sé ein sú besta á öllu landinu. Góður árangur hefur einnig náðst í skólamálum og grundvallast hann fyrst og fremst á samstilltu átaki starfsfólks skólanna. Sá árangur mun skila sér í góðu umtali, betri íbúum og betri námsárangri.

Framkvæmdir og viðhald

Á næsta ári er áfram gert ráð fyrir miklum framkvæmdum enda eru þarfirnar margar og víða. En það eru ekki bara fjárfestingarnar sem verða kraftmiklar því að á árinu 2017 er einnig búið að taka til hliðar fjármuni til að sinna viðhaldi í meira mæli en áður hefur verið. Þörfin er víða brýn, svo sem í húsnæði bæjarins, gangstéttum og göngustígum – svo eitthvað sé nefnt. Góð hirða bæjarins er lykillinn að ánægju og framtakssemi íbúanna sjálfra.

Margir vilja sjá meiri framkvæmdir og fjárútlát í málefnum sem þeim tengjast. Götur í nágrenninu, meiri þjónustu í leikskólamálum, betri snjómokstur og svo má lengi telja. Þetta eru réttmætar kröfur, góður árangur á ekki að verða til þess að við sofnum á verðinum og leggjum árar í bát. Við eigum að setja markið hátt og fylgja fyrirheitum eftir með markvissum hætti og þolinmæði og trú að vopni.

Nú er verið að ljúka við framkvæmdir við nýja leikskóladeild á jarðhæðinni í Húsmæðraskólanum Ósk og verður þá hægt að taka inn öll 18 mánaða börn og gott betur en það. Þar sem augljóst er að íbúum mun fjölga hratt á næstu árum er þó þegar búið að setja á áætlun ársins 2018 stækkun leikskólans Eyrarskjóls. Vilji stendur einnig til að lækkar aldur þeirra barna sem komast að á leikskóla, en það er þó risavaxið verkefni fyrir rekstur bæjarins og lætur nærri að lækkun inntökualdurs úr 18 í 12 mánuði kosti nærri 1 milljón króna á barngildi, sem þýðir hækkun rekstrarkostnaðar um nokkra tugi milljóna á hverju ári. Vissulega teljum við fulla þörf á þessari þjónustu fyrir foreldra ungra barna og munum vinna að því að veita hana, engu að síður er nauðsynlegt að sveitarfélög nái samkomulagi við ríkið um tekjustofna til að kosta þessa þjónustu. Fæðingarorlof þarf að lengja í að lágmarki 12-15 mánuði og leikskólinn þarf að geta tekið við börnunum að því loknu.

Búið er að setja 140 milljónir króna á árunum 2017 og 2018 til uppbygginu fótboltamannvirkja og hefur þá helst verið horft til byggingu gervigrasvallar á Tornesi. Hávær umræða er þó enn um að því fé væri betur varið í knattspyrnuhús og er þeirri umræðu ekki lokið.

Samgöngubætur

Nú er loksins farið að ræða opinberlega um að gera rannsóknir á nýrri staðsetningu fyrir flugvöll til að þjóna norðanverðum Vestfjörðum. Núverandi staðsetning Ísafjarðarflugvallar er löngu orðin úrelt og óásættanlegt að ekki sé hægt að reiða sig á flug hálft árið nema með 50-70% líkum. Leita þarf til þrautar að framtíðarlausn ef flugsamgöngur eiga að verða valkostur í ferðamáta hér um slóðir. Ekki er hægt að segja til um það hvaða lausn finnst sem er fullnægjandi en vonandi býðst einhver fýsilegur kostur.

Dýrafjarðargöng hljóta að vera handan við hornið og munu þau verða bylting í samgöngum og vaxtarmöguleikum Vestfjarða til framtíðar. Veita þarf stjórnvöldum gott aðhald svo að þeim áformum verði ekki slegið á frest eina ferðina enn.

Samgöngubætur með uppbyggingu á Ísafjarðarhöfn, Dýrafjarðargöngum og nýjum flugvelli munu gjörbylta möguleikum okkar í efnahagsmálum og íbúaþróun. Með fyrirsjáanlegri uppbyggingu í ferðaþjónustu, fiskeldi og öðrum iðnaði eru möguleikar okkar til sjálfbærs vaxtar samfélaganna á Vestfjörðum góðir og framtíðin björt.

Fjölgun íbúa

Takast þarf á við fjölgun íbúa með margvíslegum hætti á næstu árum. Fyrsta verkefnið er að byggja upp íbúðarhúsnæði í sveitarfélaginu. Nú þegar eru uppi áform um byggingu íbúðarhúsa og leiðir Ísafjarðarbær eitt þeirra verkefna, byggingu fjölbýlishúss við Sindragötu. Bærinn hefur þegar sótt um stofnfjárframlög til Íbúðalánasjóðs vegna þessa verkefnis. Betur má ef duga skal og fram þarf að fara umtalsverð skipulagsvinna og undirbúningur til að finna nýju íbúðarhúsnæði stað.

Fjölgun íbúða þarf svo að fylgja eftir með nauðsynlegum framkvæmdum á borð við skólahúsnæði og leikskólahúsnæði svo það helsta sé nefnt. Þetta verða ekki síður krefjandi viðfangsefni en íbúafækkun liðinna ára en þó mun ánægjulegri.

Hluti af þessari framtíðaruppbyggingu verður að eiga sér stað í þorpunum vestan heiða og reyndar einnig í nágrannasveitarfélögum okkar. Ef til vill er kominn tími til að íhuga frekari sameiningar sveitarfélaga á norðanverðum Vestfjörðum, enda er víst að mikil uppbyggingarverkefni í Bolungarvík og Súðavíkurhreppi geta orðið þeim sveitarfélögum stór biti að kyngja. Miklir hagsmunir liggja t.d. í Ísafjarðardjúpi og strandsvæðum þess og gríðarmikið verkefnið fyrir hinn fámenna Súðavíkurhrepp að gæta hagsmuna þessa víðlenda svæðis með fullnægjandi hætti.

Að lokum

Góður árangur og björt framtíð Ísafjarðarbæjar mun að sjálfsögðu byggja á íbúunum sjálfum, fyrirtækjum þeirra og athöfnum. Sveitarfélagið getur gert þeim lífið auðveldara og ánægjulegra og það á að vera okkar helsta markmið að hjálpa íbúunum að gera sitt besta. Verkefnin er fjölmörg ennþá, þó vel hafi gengið að undanförnu. Við munum ekki skorast undan þeim verkefnum og kosta öllu til sem hægt er þannig að árangur náist.

Birtist fyrst í Vestfjörðum. Smelltu hér til að lesa blaðið.



13.mar. 2017 - 07:00 Kristinn H. Gunnarsson

Kjósendur blekktir

Nýjustu axarsköft ríkisstjórnarinnar eru þau að kasta samgönguáætluninni út um gluggann.  Áætlunin var samþykkt fáum vikum fyrir Alþingiskosningarnar á síðasta ári og nú að þeim afloknum  er látið eins og yfirlýsing þingisins til kjósenda hafi verið siðlaus skrípaleikur að því er fjármálaráðherrann lét sig hafa að segja í útvarpsþætti í vikunni.
12.mar. 2017 - 09:00 Vestfirðir

Vilja að fatlaðir selji íbúðir sínar: „Það yrði mikil afturför“

Ísafjarðarbær lagði að aðstandendum tveggja fatlaðra einstaklinga á Ísafirði að skipta á jöfnu við bæjarfélagið á íbúðum sem þeir eiga og fá staðinn íbúðir í Sindragötu 4 sem bærinn á. Guðmundur Halldórsson, Bolungavík, aðstandandi annars einstaklingsins segir að bærinn hafi gengið hart fram og lagt að aðstandendunum að skipta.
11.mar. 2017 - 20:00 Vestfirðir

Skoða þarf Bræðratungu: Fatlaður íbúi stunginn til þess að fá hann til að hlýða

Jón Þorsteinn Sigurðsson, réttargæslumaður fatlaðra á Vesturlandi og Vestfjörðum segir að hann hafi fengið fjölda ábendinga og ýmsar misjafnar sögur af meðferð fatlaðra einstaklinga á Bræðratungu og vill láta athuga hvað þarna hafi átt sér stað á þeim tíma sem hún var í rekstri. Jón Þorsteinn segir að hafi ákveðin atvik í huga sem hann hafi fengið nákvæmar lýsingar á og varðar fatlaða íbúa  á Bræðratungu.
11.mar. 2017 - 15:00 Vestfirðir

Byggja leiguheimili að danskri fyrirmynd

Ísafjarðarbær hefur sótt um stofnframlag hjá Íbúðarsjóði til þess að byggja leiguheimili að danskri fyrirmynd.  Gísli Halldór Halldórsson, bæjarstjóri var spurður um málið. "Já, það er rétt, Ísafjarðarbær hefur sótt um stofnframlag hjá Íbúðarlánasjóði til að byggja leiguheimili og snýr umsókn Ísafjarðarbæjar að 11 íbúðum í 13 íbúða fasteign.
09.mar. 2017 - 14:00 Vestfirðir

Listakonur standa fyrir skemmtilegum viðburði á Vestfjörðum í dag

Fimmtudaginn 9. mars kl. 18 bjóða listakonurnar Ulla Juske og Ella Bertilsson gestum að upplifa hljóðinnsetninguna Órætt efni/Uncertain Matter í ljósaskiptunum. Viðburðurinn er skipulagður í samvinnu við Kjartan Árnason arkitekt og fjölskyldu sem opna heimili sitt að Hnífsdalsvegi 10 á Ísafirði af þessu tilefni. Hljóðverkið tekur 22 mín. í flutningi. Boðið verður upp á léttar veitingar og spjall á eftir. Listakonurnar Ulla Juske og Ella Bertilsson verða á staðnum.
19.feb. 2017 - 17:00 Vestfirðir

„Ég bíð eftir bjartari framtíð“

Sögufélag Barðastrandarsýslu hefur nýlega gefið úr árbók Barðastrandarsýslu fyrir árið 2016. Þetta er 27. árgangur árbókarinnar. Ritstjóri árbókarinnar er Daníel Hansen og aðrir í ritnefnd eru Lilja Magnúsdóttir, Páley Kristjánsdóttir og Rögnvaldur Bjarnason.  Í formála  Daníels Hansen segir að það sé þó nokkuð afrek fyrir fámennt félag að gefa út eina bók á ári, en það sé "allt gert af miklum áhuga á átthögunum, ekki hvað síst hjá þeim sem yngri eru og leita í rætur sínar." Þá vekur Daníel athygli á því að mikið efni sé til þar sem margir forfeðranna hafi haft þörf fyrir að skrifa niður margvíslegt efni og þannig séu til heilu stílabækurnar.
13.feb. 2017 - 07:00 Vestfirðir

Fasteignagjöld ríkisins: 67% til Reykjavíkur

Fjármálaráðuneytið hefur svarað fyrirspurn blaðsins Vestfirðir  um fasteignagjöld sem ríkið greiðir sveitarfélögum af fasteignum í eigu ríkisins.  Ráðuneytið fékk Fjársýslu ríkisins til þess að taka saman svarið og nær það yfir A hluta stofnanir ríkisins.
12.feb. 2017 - 18:00 Vestfirðir

Bryggjuhátíð á Drangsnesi

Bryggjuhátíð á Drangsnesi verður haldin helgina 21. -23. júlí nk. Bryggjuhátíðin var haldin árlega frá árinu 1996-2013 og verður tekinn upp þráðurinn þar sem frá var horfið. Dagskrá er í mótun en  hið sívinsæla sjávarréttasmakk verður á sínum stað þar sem kvenfélagskonur og aðstoðarmenn þeirra matreiða af allkunnri snilld ýmist lostæti úr sjónum. Aðrir fastir liðir verða á sínum stað t.d. verður dorgveiðikeppni og söngvarakeppni fyrir börnin auk þess sem boðið verður upp á listasýningar og kvöldvöku. Stórvinur Bryggjuhátíðar, Raggi Torfa frá Trékyllisvík, sér um stuðið á varðeldi og stórhljómsveitin Stuðlabandið spilar fyrir dansi inn í nóttina
12.feb. 2017 - 17:00 Aðsend grein

Örlagarík sjóferð

Mynd af Hvanneyri frá 1912. „En nú kemur að þeim kafla í sögu vinar míns sem mér er sárt að minnast en segi þó sannleikanum samkvæmt. Þegar leið á sláttinn kom skólastjóri auga á það að Jón var ekki meðal allra fremstu sláttumanna. Það var eðlilegt því hann hafði alltaf á sjó verið. En nú fór það svo að skólastjóri fór fram á það að Jón lækkaði kaup sitt dálítið af þeim sökum. Jón neitaði því að sjálfsögðu og sagði upp vinnunni.“
11.feb. 2017 - 18:00 Vestfirðir

Landsþing ungmennahúsa á Hólmavík

Landsþing ungmennahúsa var haldið á Hólmavík um þarsíðustu helgi. Ungt fólk á aldrinum 16-25 ára og starfsfólk ungmennahúsa komu víða að af landinu ásamt stjórn Samfés. Markmið landsþingsins var að skapa vettvang fyrir ungt fólk til að hittast, móta starfsemi ungmennahúsa landsins, skiptast á hugmyndum, efla samstarfið og ræða málefni ungs fólks á Íslandi og hvað hægt sé að gera til að bæta starfið og tryggja að öll ungmenna á aldrinum 16-25 ára hafi jafnan aðgang að ungmennahúsi í sinni heimabyggð.
10.feb. 2017 - 17:00 Kristinn H. Gunnarsson

Lög á útgerðarmenn

Árum saman hefur ekki tekist að ná kjarasamningum milli sjómanna og útvegsmanna. Síðasti samningur var gerður í janúar 2009 og rann út tveimur árum síðar. Síðan hefur ekki verið  gerður kjarasamningur. Þetta ástand er einsdæmi og þekkist ekki í neinni annarri atvinnugrein. Það sem næst þessu kemst er kjaradeilda útvegsmanna við smábátasjómenn. Þar voru ekki kjarasamningar í gildi í 3 - 4 ár. Samningar náðust um síðir á forsendum útgerðarinnar.  Sjómenn hafa mátt þola verulegar kjararskerðingar þrátt fyrir hlutaskiptakerfið sem á að tryggja að aflahlutir fylgi afurðaverði.
10.feb. 2017 - 10:00 Aðsend grein

Tortola

Heilir og sælir kjósendur góðir. Þið eruð sérlega skemmtilegt fólk. Vitið þið hvað það er sem kosningarétturinn færir ykkur í hendur? Þið gætuð haldið pólitíkusunum í spennitreyju,vegna hugsanlegrar útkomu úr kosningum hverju sinni. Þ.e.a.s. ef ekki væri borðleggjandi í þeirra herbúðum sú staðreynd að kjósendur kjósa alltaf það sama og síðast , á hverju sem veltur. Að loknum kosningum rjúkum við heim  og grenjum þar yfir því að engar breytingar urðu á hinu pólitíska sviði í þessum kosningum. Auðvitað ekki, ég kaus alveg eins og síðast. Stjórnmálamennirnir haga sér nákvæmlega eins og þeim sýnist.
09.feb. 2017 - 13:00 Aðsend grein

Lausn sjómannaverkfallsins, gjörið svo vel

Þegar ríkisstjórn Jóhönnu Sigurðardóttur og Steingríms Sigfússonar afnam einhliða sjómannaafsláttinn svokallaða 2009 eftir að hann hafði gilt nærri hálfa öld þótt ekki væri hann hár varð fjandinn laus og morgunljóst að einn daginn yrði allt í báli. Þegar sjómannaafslátturinn var settur að tilhlutan ríkisstjórnar voru sjómenn eina stétt landsins sem naut fríðinda vegna vinnu fjarri heimili og þótti eðlilegt. Í dag njóta allar stéttir landsins skattfríðinda vegna vinnu fjarri heimili nema sjómenn. Ótrúlegt. Það er náttúrulega fáránlegt og skýtur skökku við að sjómenn skuli þannig látnir sitja á hakanum og það er mikill dónaskapur og mikil valdbeiting gagnvart sjómönnum að slíkt skuli viðgangast.

07.feb. 2017 - 14:00 Vestfirðir

Framlegðin er 45% í þorski - Leiguverðið tvöfalt hærra

Í gögnum veiðigjaldsnefndar um veiðigjald fiskveiðiárið 2016/17, sem byggð eru á gögnum um afkomu í sjávarútvegi 2014  kemur fram að framlegðin af veiðum á 1 kg af þorski er 45% og 46% af ýsu.  Samkvæmt útreikningum nefndarinnar fæst 247 kr. að jafnaði fyrir hvert kg af þorski. Laun og annar breytilegur kostnaður vegna veiðanna eru 132 kr/kg.
01.feb. 2017 - 22:00 Vestfirðir

8% samdráttur í Ísafjarðarbæ

Atvinnutekjur drógust saman um 8,2% frá 2008 til 2015 í Ísafjarðarbæ. Á sama tíma fækkaði íbúum sveitarfélagsins um 8,9%. Annars staðar á Vestfjörðum jukust atvinnutekjur um 5,9% og íbúum fækkaði um 0,1%.  %. Íbúafjölgun varð í Vesturbyggð, í Bolungavík stóð fólksfjöldi í stað en annars staðar varð fækkun.
01.feb. 2017 - 15:30 Vestfirðir

30% framlegð í sjávarútvegi

Framlegð í sjávarútvegi á árinu varð mun betri en ári áður samkvæmt því sem fram kemur í nýrri skýrslu frá Hagstofu Íslands um hag veiða og vinnslu fyrir árið 2015. Heildartekjur sjávarútvegsins urðu 259 milljarðar króna og þegar tilkostnaður við öflun teknanna  hefur verið dreginn frá stóðu eftir 70 milljarðar króna.
31.jan. 2017 - 14:00 Vestfirðir

Höfuðstólslækkunin: Þeir sem áttu mest fengu mest

Fjármála- og efnahagsráðuneytið birti í síðustu viku skýrslu um dreifingu þeirra 72 milljarða króna sem varið var til lækkunar á höfuðstól íbúðalána á síðasta kjörtímabili. Skýrslan er svar Bjarna Benediktssonar fjármálaráðherra við beiðni 10 alþingismanna frá 15. október 2015 undir forystu Katrínar Jakobsdóttur. 
30.jan. 2017 - 21:00 Vestfirðir

Meðaltekjur sjómanna 1.200 þúsund krónur á mánuði

Heildarmeðaltekjur sjómanna á bátum og skipum félagsmanna Verkalýðsfélags Vestfirðinga vor 1.200 þúsund krónur á mánuði á tímabilinu janúar til júní 2016 samkvæmt upplýsingar sem blaðið Vestfirðir fékk hjá Finnboga Sveinbjörnssyni, formanni félagsins. Finnbogi segir að gert hafi verið úrtak meðal allra sjómanna sem taka laun skv. kjarasamningi VerkVest við SFS fyrir tímabilið janúar til júní 2016.
30.jan. 2017 - 07:00 Vestfirðir

Níðst á þeim, sem verst standa

Ríkisstjórn Framsóknarflokksins,sem var að fara frá, ætlaði að koma á svokölluðu starfsgetumati  fyrir öryrkja og hún ætlaði að hækka eftirlaunaaldurinn.Það átti að hækka aldurinn úr 67 árum í 70 ár í áföngum.Starfsgetumat felst í því að falla frá læknisfræðilegu örorkumati og byggja í staðinn örorkumatið á því hvað hver öryrki geti unnið mikið.Ríkisstjórn Framsóknar hvarf frá hvoru tveggja.
29.jan. 2017 - 17:00 Vestfirðir

Verndun Teigsskógs – Fyrirhyggja í vegagerð

„Brattabrekka ófær“. „Klettsháls ófær“, “beðið með mokstur þar til veðri slotar“. Þannig tilkynningar dynja á okkur þegar vetur konungur heilsar á venjubundinn hátt. Hafa þó verið mildir vetur undanfarin misseri. Ég nefni þess fjallvegi sérstaklega því ég,og margir telja að þar hafi verið gerð mistök að bora ekki göng undir þessa fjallvegi.
28.jan. 2017 - 13:00 Vestfirðir

Hækkar veiðigjaldið um 6 milljarða króna?

Í skýrslu Hagstofu Íslands um hag veiða og vinnslu 2015 eru upplýsingar sem nauðsynlegar eru til þess að ákvarða veiðigjaldið fyrir næsta fiskveiðiár 2017/18. Veiðigjaldið er ákvarðað samkvæmt sérstökum lögum frá Alþingi sem sett voru í júlí 2015. Þar er kveðið nákvæmlega á um hvernig veiðigjaldið skuli reiknað.
28.jan. 2017 - 07:00 Kristinn H. Gunnarsson

Ójöfnuður vex með hnattvæðingunni en sár fátækt minnkar

Hnattvæðingin er umdeild. Alþjóðavæðing kapítalismans hefur á sér ýmsar myndir, sumar hverjar óásættanlegar. Taumlaus græðgi,  vaxandi ójöfnuður í dreifingu eigna og tekna, á köflum yfirgengileg ósvífni og alger firring á samfélagslegri ábyrgð og skyldum hafa valdið óróa og vaxandi vantrú á kapitalismanum sem efnahagskerfi.
15.jan. 2017 - 18:00 Vestfirðir

Aksturskostnaður: Sjúklingar fengu 71,5% minna greitt

Sjúklingar fá aðeins 28,5% af þeirri greiðslu sem ríkisstarfsmenn fá fyrir akstur á eigin bifreið. Ríkisstarfsmenn fá greiddar 110 kr fyrir hvern ekinn km og segir í reglum Fjármálaráðuneytisins að reikna  skuli út "rekstrarkostnaður bifreiðar á heilu ári miðað við 15.000 kílómetra akstur og síðan meðalkostnaður á hvern kílómetra, sem gjaldið tók mið af. Grunnur akstursgjaldsins skiptist í fastan kostnað og breytilegan kostnað. Í föstum kostnaði voru afskriftir, skoðunargjald, bifreiðagjald, ábyrgðartrygging og húftrygging, en í breytilegum kostnaði bensín, smurning og olía, hjólbarðar, varahlutir og viðgerðir."

15.jan. 2017 - 08:00 Vestfirðir

Haldið til Hvanneyrar

Hvanneyri árið 1912 „Hann var gæddur fjölhæfum gáfum, listrænn og nokkuð skapmikill en stillti alltaf í hóf. Öll léttúð var fjarri skapi hans en hann átti gott skopskyn og var góður sögumaður. Hann var mikill náttúruskoðari. Hvað útlitið snerti var hann í hærra lagi meðalmaður á vöxt, þreklega vaxinn. Andlitið dálítið stórskorið en sviphreint og karlmannalegt. Allur var hann mjög traustvekjandi, nokkuð seintekinn, en alúðlegur og skemmtilegur í viðmóti enda hinn besti samstarfsmaður og skólafélagi. Tryggari vin hef ég aldrei átt.“ Svo segir í eftirmælum sem Ingimar Jóhannesson frá Meira-Garði í Dýrafirði skrifaði um æskuvin sinn, Jón Mósesson, en ég hef nokkuð fjallað um fjölskyldu þess síðarnefnda að undanförnu.
14.jan. 2017 - 18:00 Aðsend grein

Kaupmáttur hefur aldrei verið meiri, fyrir suma

Ellen Calmon formaður Öryrkjabandalags Íslands.

„Mikil hækkun kaupmáttar og launa“, „kaupmáttur aldrei verið meiri“, „2015 – ár mikilla launahækkana“. Þetta eru örfá dæmi um yfirskriftir frétta um launahækkanir og kaupmáttaraukningu launa á þessu ári og því síðasta, en fjölmargar fréttir hafa verið fluttar af kaupmáttaraukningu. En hvernig hefur þróun kaupmáttar verið hjá örorkulífeyrisþegum síðustu ár?

13.jan. 2017 - 17:00 Vestfirðir

Viðreisn vantaði 54 atkvæði í Norðvesturkjördæmi

Ef Viðreisn hefði fengið 54 atkvæðum meira í Norðvesturkjördæmi hefði Ísfirðingurinn Gylfi Ólafsson náð kjöri sem jöfnunarþingmaður. Þá hefði Samylkingin misst sitt þingsæti ( Guðjón V. Brjánsson). Til þess að jafna þessi áhrif hefðu Viðreisn misst þingsæti í Reykjavík suður og Samfylkingin hefði hreppt þingsætið. Segja má með nokkrum sanni að Vestfirðingar hefðu getað tryggt Össuri Skarphéðinssyni þingsæti með því að kjósa Viðreisn. Það er óneitanlega skondin niðurstaða sem kemur til af því að úthlutun jöfnunarþingsæta er háð landsfylgi framboðanna og því hverjir hafa náð kjöri þegar kemur að úthlutun jöfnunarsætanna.
20.des. 2016 - 12:30 Vestfirðir

Lionsklúbbur Patreksfjarðar gefur 15 fartölvur

Lionsklúbbur Patreksfjarðar gaf Patreksskóla veglega  gjöf í síðustu í viku, en það eru hvorki meira né minna en 15 DELL fartölvur handa nemendum skólans.  Gústaf Gústafsson, skólastjóri segir  Það  ekki spurningu að þessi gjöf kemur sér einkar vel, enda tölvukostur skólans að ganga úr sér, bæði hvað varðar aldur tölvanna sem og getu þeirra til að fást við nýjustu forritin. En eins og allir vita fleygir tölvutækninni fram og ekki auðvelt fyrir stofnanir eins og grunnskóla að fylgja henni eftir á réttum hraða. Gjöfin  kemur sér því sérlega vel, enda eru nú samræmd próf orðin rafræn og þessi gjöf gerir nemendum auðveldara að vinna prófin, auk þess að auka fjölbreytni.

18.des. 2016 - 22:00 Vestfirðir

Töfrar jólanæturinnar

„Það er kominn vetur, jólin nálgast. Það er von á heimilisföðurnum úr kaupstaðnum. Það gengur á með kafaldsbyljum. Klettaslóðin er hál og glæfraleg, eitt ógætilegt spor gat orðið afdrifaríkt, göngumaðurinn finnur að það er æðri hönd sem leiðir hann og gefur honum kjark og áræði að halda ótrauður áfram ferð sinni. Já, jólin eru í nánd og allir á heimilinu bíða eftir að pabbi komi. Allt í einu heyrist rjálað við útihurðina, það er brugðist fljótt við og hún opnuð; hvílík gleði – pabbi er kominn – móðirinn þakkar Guði og börnin ljóma af gleði og tilhlökkun.“ Svo segir í frásögn sem Sveinn Mósesson ritaðu um æskuár sín eftir að hann var kominn á efri ár.

17.des. 2016 - 22:00 Vestfirðir

Vestfirska vísnahornið - Hæstiréttur, Brúnegg og ólæsi tekið fyrir

Veðrið hefur leikið við landsmenn allt haustið og varla að sjór hafi sest á jörð. Indriði Aðasteinsson, bóndi á Skjaldfönn  setti saman þessa veðurvísu sem mætti kannski bara ganga eftir. Veðrið hefur ekki alltaf verið  svona. Fyrir nærri þremur árum, á útmánuðum 2014 var öðruvísi umhorfs í Súgandafirðinum ein sog þessi vísa eftir Birki Friðbertsson, bónda í Birkihlíð ber með sér.

17.des. 2016 - 12:00 Vestfirðir

Strandabyggð fylgir kjararáði

Strandabyggð er eina sveitarfélagið á Vestfjörðum sem hækkaði laun sveitarstjórnarmanna í samræmi við hækkun Kjararáðs í lok október síðastliðinn. Kjararáð hækkaði laun alþingismanna um nærri 45% og tók hækkunin gildi strax daginn eftir kjördag. Þingfararkaup er nú 1.101.194 kr/mán en var áður 762.940 kr/mán. Hækkunin er um 348 þúsund krónur á mánuði.

11.des. 2016 - 21:00 Vestfirðir

,,Pólitískt lík mitt liggur á Eyjabökkum ef einhver vill leita að því''

Þeir feðgar Ólafur og Haraldur. Mynd: Ragnar Th. Sigurðsson. Flateyringurinn Reynir Traustason hefur gefið út nýja bók Fólk á fjöllum ævintýri í óbyggðum. Sex manns, sem eiga sameiginlegt, að vera náttúrubörn og útivistarfólk segja sögu sína í bókinni. Þetta eru sögur af ævintýrum, svaðilförum og hetjudáðum þar sem ástin á óbyggðunum kemur ævinlega í gegn. Allar söguhetjurnar eru sannar fyrirmyndir þeim sem vilja bæta og auka lífsgæði sín með útivist og átökum á fjöllum og í öræfum.

09.des. 2016 - 02:00 Vestfirðir

Átthagar – Ísfirðingar margra landa segja frá

Í bókinni Átthögum eftir Herdísi Hübner segja níu konur frá jafn mörgum löndum sögu sína en allar hafa þær búið á Íslandi  í fjölda ára (247 ár samtals) og eru búsettar á Ísafirði. Sú elsta er fædd 1945 og yngsta 1970.
07.des. 2016 - 19:00 Vestfirðir

Þarf enn 20% lækkun á olíuverði

Í kjarasamningum sjómanna við samtök útvegsmanna var samið um breytingar á olíuverðsviðmiðun.  Frá aflaverðmæti eru dregin 30%  áður en sjómenn fá reiknað út sin hlut af þeim 70% sem eftir stendur. Er það gert til þess að mæta olíukostnaði útgerðarinnar.
07.des. 2016 - 14:30 Vestfirðir

Sjómannsfjölskylda hleypir heimdraganum

Leifur Reynisson sagnfræðingur. „Elsku systir mín! Innilega óska ég þér gleðilegs sumars. Nú er úti ungmennaskólinn hjá okkur og hefir mér liðið mjög vel þessa tvo vetur sem ég hef verið í honum. Ég veit ekki hvar ég verð í sumar en í vor verð ég á skipi frá Þingeyri. Það biður allt að heilsa þér í kotinu. Okkur líður öllum vel. Vertu blessuð og sæl Maja mín og guð styrki þig í öllu góðu.“ Svo segir í póstkorti sem Finnjón Mósesson sendi Maríu systur sinni vorið 1917 en hann hafði þá nýlokið námi við Núpsskóla í Dýrafirði.
05.des. 2016 - 19:00 Vestfirðir

Kostnaðarhlutdeild til útgerðar er þrefalt hærri en olíukostnaður

Olíukostnaður fiskiskipaflotans er aðeins um þriðjungur af þeirri fjárhæð sem dregin er frá aflaverðmæti áður en aflahlutir sjómanna eru reiknaðir.  Þetta kemur fram við athugun á gögnum Hagstofu Íslands um rekstraryfirlit fiskiskipaflotans 2010-2014. Tölur liggja ekki fyrir um árið 2015.
04.des. 2016 - 14:00 Vestfirðir

Undir Snjáföllum

Engilbert S. Ingvarsson hefur sent frá sér Undir Snjáfjöllum, 2. bók - þætti um búsetu og mannlíf á Snæfjallaströnd. Engilbert fæddist og ólst upp á Snæfjallaströnd og var þar bóndi frá 1953 til 1987, en nokkrum árum síðar fór Ströndin í eyði. Mannmargt var á Snæfjallaströnd áður fyrr, en framundir miðja 20. öld voru atvinnuhættir þar með sama frumstæða hætti og hafði verið um aldir. Þetta var einangrað og afskekkt samfélag og snjóþungt með afbrigðum.
04.des. 2016 - 09:00 Vestfirðir

Ungmennaþing Strandabyggðar

Í síðustu viku var haldið á Hólmavík sérstakt ungmennaþing Strandabyggðar. Alls voru mætt um 35 ungmenni á Kaffi Riis. Sveitarstjórn Strandabyggðar hefur samþykkt að fjórum sinnum a ári verði haldin  ungmennaþing þar sem allir á aldrinum 13 - 25 ára eru velkomnir.
03.des. 2016 - 17:00 Vestfirðir

Reykjavík: lóðaverð 20% af byggingarkostnaði og milljarða króna hagnaður borgarinnar

Íslandsbanki gaf fyrir skömmu út veglega skýrslu um íslenska íbúðamarkaðinn. Þar kemur fram að verð á íbúðarhúsnæði hafi frá 2010 hækkað meira en nemur  byggingarkostnaði. Á þetta við um höfuðborgarsvæðið, Norðurland eystra, Suðurland og Vesturland.  Á þessum svæðum er því hagkvæmara að byggja um þessar mundir en það var á árinu 2010.
03.des. 2016 - 09:00 Vestfirðir

Vantar hundruð milljarða króna í heilbrigðiskerfið frá 2003 - 2015

Allt frá 2003 hefur stöðugur niðurskurður í  fjárveitingum til heilbrigðismála. Það er samfleytt 12 ára tímabil. Landsmenn vörðu árið 2003 10,1% af vergri landsframleiðslu til heilbrigðismála og hefur það aldrei verið hærra. Í fjárlagagerð um haustið 2003 var lagt til í fjárlagafrumvarpi  næsta árs að fjármagn til Landsspítalans yrði skorið niður um 2 milljarða króna á þáverandi verðlagi . Eftir nokkuð harðar umræður um málið utan þings sem innan varð niðurstaðan að taka niðurskurðinn í tveimur skrefum á tveimur árum.  Þar með var hafinn samfelldur niðurskurðartími í heilbrigðismálum.

02.des. 2016 - 19:00 Vestfirðir

Vestfirðir: 1,8 árslaun fyrir 100 m² íbúð

Aðeins þarf að greiða 1,8 árslaun fyrir 100 m² íbúð á Vestfjörðum. Þetta kemur fram í íbúðaskýrslu Íslandsbanka.  Hæst er verðið á Höfuðborgarsvæðinu en þar kostar slík íbúð 6,9 árslaun. Miðað er við árslaun á hvoru svæði um sig.
02.des. 2016 - 07:00 Vestfirðir

Landsbyggðarskattur útgerðarmannanna

Í aðdraganda Alþingiskosninganna mátti enn einu sinni sjá og heyra hræðsluáróður útgerðarauðvaldsins í þeim búningi að veiðigjöldin, sem ríkið innheimtir fyrir veittan einkarétt til veiða á Íslandsmiðum, væru landsbyggðaskattur. Áróðurinn gengur út á að deila álögðum veiðigjöldum niður á kjördæmi landsins og halda því fram að íbúar landsbyggðarinnar séu að greiða þessar fárhæðir suður og sér ekki til gagns.
29.nóv. 2016 - 18:00 Vestfirðir

Hotel West - Opið allt árið

Hotel West er glæsilegt 17 herbergja hótel á Patreksfirði sem opið er allt árið. Hótelið stendur við Aðalstræti og þar voru áður höfuðstöðvar Kaupfélags V- Barðstrendinga. Jóhann Svavarsson framkvæmdastjóri og eigandi sem rekur hótelið ásamt eiginkonu sinni Sigríði Gísladóttur  segir að húsið hafi verið algerlega endurnýjað og eigendur hafi lagt mikið fé í að gera hótelið sem best úr garði.
27.nóv. 2016 - 10:00 Vestfirðir

Kristján Guðmundsson - Sýning í Gallerí Úthverfu

Laugardaginn 29. október 2016, sama dag og kosið var til Alþingis, opnaði Kristján Guðmundsson sýningu í Gallerí Úthverfu á Ísafirði.  Kristján opnaði fyrst sýningu á kosningadegi árið 1987 og síðan þá hefur skapast ákveðin hefð fyrir því að listamaðurinn komi vestur með sýningu þegar kosið er til alþingis. 
24.nóv. 2016 - 09:55 Vestfirðir

Sjómenn munu lækka í launum vegna Páls Pálssonar ÍS

Sjómannasamband Íslands fyrir hönd Verkalýðs- og sjómannafélags Bolungavíkur  og Verkalýðsfélag Vestfirðinga hafa gert kjarasamning  við samtök fyrirtækja í sjávarútvegi. Samið er um að nýsmíðaálagið verði óbreytt næstu 7 árin og falli svo smátt út á næstu 7 árin þar á eftir. Nýsmíðaálagið lækkar skiptaprósentu  sjómanna um 10% í sjö ár eftir að skip er fyrst tekið í noktun með þeim fyrirvara þó að útgerð tryggi að aflahlutir eftir lækkun verði yfirmeðaltali í þeim skipaflokki sem um ræðir.
20.nóv. 2016 - 16:00 Vestfirðir

Synjun um íbúðakaupalán í Bolungavík: Bankarnir neita

Útibússtjórar Landsbanka Íslands og Íslandsbanka á Ísafirði neita báðir að synjað hafi verið um að lána einstaklingi til kaupa á íbúðarhúsnæði í Bolungavík vegna staðsetningar íbúðarinnar. Bæjarfulltrúi í Bolungavík Guðbjörg Stefanía Hafþórsdóttir vakti athygli á málinu í aðsendri grein á bb.is.
19.nóv. 2016 - 09:00 Vestfirðir

Vinstri grænir sigurvegarar í Norðvesturkjördæmi

Vinstri grænir bættu mest við sig í Norðvesturkjördæmi í Alþingiskosningunum í síðasta mánuði. Flokkurinn jók fylgi sitt um 9,6% og gerði meira en að tvöfalda það. Píratar komu næstir og bættu við sig 7,8% atkvæða frá síðustu kosningum. Í þriðja sæti var nýtt framboð, Viðreisn sem hlaut 6,2% atkvæða. Sjálfstæðisflokkurinn jók fylgi sitt um 4,9% og náði aftur því að verða stærsti flokkurinn í kjördæminu. Fylgi Sjálfstæðisflokksins var 29,5%.
19.nóv. 2016 - 07:00 Kristinn H. Gunnarsson

Alþingiskosningarnar: Krafa um breytingar en hikandi þó

Úrslit Alþingiskosninganna í síðasta mánuði eru skýr krafa um breytingar á ýmsum sviðum þjóðlífsins. En kjósendur voru samt hikandi þegar kom að því að velja þá sem hrinda ættu breytingunum í framkvæmd. Fyrir vikið er framhaldið óljóst. Næsta ríkisstjórn getur verið borin uppi af fráfarandi ríkisstjórnarflokki og hún getur líka verið  byggð á stjórnarandstöðunni.
18.nóv. 2016 - 16:00 Austurland

Skemmtiganga á suðurleið

„Það var 24. október að ég lagði af stað heiman frá mér til Reykjavíkur. Klukkan eitt um morguninn lagði ég af stað frá heimili mínu Sjónarhól í Dýrafirði. Bærinn er í miðri sveit norðantil við fjörðinn. Þegar ég kom að bæ þeim er heitir Lækjarás fékk ég mig fluttan yfir fjörðinn. Veðrið var gott og fagurt, ofurlitla morgungolu lagði niður dalinn. Þegar komið var á miðjan fjörðinn sáum við skipið „Gullfoss“ sem ég ætlaði með koma inn fjörðinn.“
18.nóv. 2016 - 07:00 Aðsend grein

Vondir vegir að ferðamannastöðum

Nú á haustdögum komu út tvær forvitnilegar skýrslur á vegum ríkisstofnana sem fjalla um málefni Vestfjarða og Vestfirðinga sem hvorir tveggja hafa verið mér hugleiknir lengi. Önnur skýrslan ber heitið Aðgerðaráætlun fyrir Vestfirði og kom til umfjöllunar á fjórðungsþingi Vestfirðinga nú í haust. Skýrsla þessi sem unnin var af nefnd á vegum forsætisráðuneytisins tekur til ýmissa þátta sem varða hagsmuni Vestfirðinga og er hægt að taka heilshugar undir flest sem í henni stendur.
17.nóv. 2016 - 19:00 Vestfirðir

Orkubússtjóri: Launin 1.511.761 krónur á mánuði

Laun nýráðins Orkubússtjóra Elíasar Jónatanssonar eru liðlega 1,5 milljónir króna á mánuði samkvæmt því sem fram kemur í svari Viðars Helgasonar, stjórnarformanns Orkubús Vestfjarða. Launin eru ákvörðuð í Kjararáði og eru samkvæmt launatöflu 502-136. Það gera 957.294 kr./mán. Til viðbótar eru greiddar 41 einingar á mánuði fyrir yfirvinnu og allt álag sem fylgir starfinu.