29. nóv. 2016 - 18:00Vestfirðir

Hotel West - Opið allt árið

Hotel West er glæsilegt 17 herbergja hótel á Patreksfirði sem opið er allt árið. Hótelið stendur við Aðalstræti og þar voru áður höfuðstöðvar Kaupfélags V- Barðstrendinga. Jóhann Svavarsson framkvæmdastjóri og eigandi sem rekur hótelið ásamt eiginkonu sinni Sigríði Gísladóttur  segir að húsið hafi verið algerlega endurnýjað og eigendur hafi lagt mikið fé í að gera hótelið sem best úr garði. Reksturinn hefur gengið vel í sumar og haust að sögn Jóhanns og verður opið í allan vetur. Hotel West verður eina gistiþjónustan í vetur á Patreksfirði. „Mér líst vel á framtíðina. Mikið hefur verið bókað og hótelið hefur fengið góða þjónustueinkunn á samfélagsmiðlum,“ segir Jóhann.  Erlendir ferðamenn gista mikið á hótelinu og ferðast oft á eigin vegum.  Jóhann segir að verið sé að huga að stækkun og búið er að sækja um leyfi fyrir 30-36 herbergja viðbyggingu við hótelið.

Greinin birtist fyrst í Vestfjörðum. Smelltu hér til að lesa blaðið.




(11-20) Hestar og menn jan 2017
(20-31) Prentvörur: Nýársheiti - jan
(V) DV PS4
Svanhvít - Mottur
15.jan. 2017 - 18:00 Vestfirðir

Aksturskostnaður: Sjúklingar fengu 71,5% minna greitt

Sjúklingar fá aðeins 28,5% af þeirri greiðslu sem ríkisstarfsmenn fá fyrir akstur á eigin bifreið. Ríkisstarfsmenn fá greiddar 110 kr fyrir hvern ekinn km og segir í reglum Fjármálaráðuneytisins að reikna  skuli út "rekstrarkostnaður bifreiðar á heilu ári miðað við 15.000 kílómetra akstur og síðan meðalkostnaður á hvern kílómetra, sem gjaldið tók mið af. Grunnur akstursgjaldsins skiptist í fastan kostnað og breytilegan kostnað. Í föstum kostnaði voru afskriftir, skoðunargjald, bifreiðagjald, ábyrgðartrygging og húftrygging, en í breytilegum kostnaði bensín, smurning og olía, hjólbarðar, varahlutir og viðgerðir."

15.jan. 2017 - 08:00 Vestfirðir

Haldið til Hvanneyrar

Hvanneyri árið 1912 „Hann var gæddur fjölhæfum gáfum, listrænn og nokkuð skapmikill en stillti alltaf í hóf. Öll léttúð var fjarri skapi hans en hann átti gott skopskyn og var góður sögumaður. Hann var mikill náttúruskoðari. Hvað útlitið snerti var hann í hærra lagi meðalmaður á vöxt, þreklega vaxinn. Andlitið dálítið stórskorið en sviphreint og karlmannalegt. Allur var hann mjög traustvekjandi, nokkuð seintekinn, en alúðlegur og skemmtilegur í viðmóti enda hinn besti samstarfsmaður og skólafélagi. Tryggari vin hef ég aldrei átt.“ Svo segir í eftirmælum sem Ingimar Jóhannesson frá Meira-Garði í Dýrafirði skrifaði um æskuvin sinn, Jón Mósesson, en ég hef nokkuð fjallað um fjölskyldu þess síðarnefnda að undanförnu.
14.jan. 2017 - 18:00 Aðsend grein

Kaupmáttur hefur aldrei verið meiri, fyrir suma

Ellen Calmon formaður Öryrkjabandalags Íslands.

„Mikil hækkun kaupmáttar og launa“, „kaupmáttur aldrei verið meiri“, „2015 – ár mikilla launahækkana“. Þetta eru örfá dæmi um yfirskriftir frétta um launahækkanir og kaupmáttaraukningu launa á þessu ári og því síðasta, en fjölmargar fréttir hafa verið fluttar af kaupmáttaraukningu. En hvernig hefur þróun kaupmáttar verið hjá örorkulífeyrisþegum síðustu ár?

13.jan. 2017 - 17:00 Vestfirðir

Viðreisn vantaði 54 atkvæði í Norðvesturkjördæmi

Ef Viðreisn hefði fengið 54 atkvæðum meira í Norðvesturkjördæmi hefði Ísfirðingurinn Gylfi Ólafsson náð kjöri sem jöfnunarþingmaður. Þá hefði Samylkingin misst sitt þingsæti ( Guðjón V. Brjánsson). Til þess að jafna þessi áhrif hefðu Viðreisn misst þingsæti í Reykjavík suður og Samfylkingin hefði hreppt þingsætið. Segja má með nokkrum sanni að Vestfirðingar hefðu getað tryggt Össuri Skarphéðinssyni þingsæti með því að kjósa Viðreisn. Það er óneitanlega skondin niðurstaða sem kemur til af því að úthlutun jöfnunarþingsæta er háð landsfylgi framboðanna og því hverjir hafa náð kjöri þegar kemur að úthlutun jöfnunarsætanna.
20.des. 2016 - 12:30 Vestfirðir

Lionsklúbbur Patreksfjarðar gefur 15 fartölvur

Lionsklúbbur Patreksfjarðar gaf Patreksskóla veglega  gjöf í síðustu í viku, en það eru hvorki meira né minna en 15 DELL fartölvur handa nemendum skólans.  Gústaf Gústafsson, skólastjóri segir  Það  ekki spurningu að þessi gjöf kemur sér einkar vel, enda tölvukostur skólans að ganga úr sér, bæði hvað varðar aldur tölvanna sem og getu þeirra til að fást við nýjustu forritin. En eins og allir vita fleygir tölvutækninni fram og ekki auðvelt fyrir stofnanir eins og grunnskóla að fylgja henni eftir á réttum hraða. Gjöfin  kemur sér því sérlega vel, enda eru nú samræmd próf orðin rafræn og þessi gjöf gerir nemendum auðveldara að vinna prófin, auk þess að auka fjölbreytni.

18.des. 2016 - 22:00 Vestfirðir

Töfrar jólanæturinnar

„Það er kominn vetur, jólin nálgast. Það er von á heimilisföðurnum úr kaupstaðnum. Það gengur á með kafaldsbyljum. Klettaslóðin er hál og glæfraleg, eitt ógætilegt spor gat orðið afdrifaríkt, göngumaðurinn finnur að það er æðri hönd sem leiðir hann og gefur honum kjark og áræði að halda ótrauður áfram ferð sinni. Já, jólin eru í nánd og allir á heimilinu bíða eftir að pabbi komi. Allt í einu heyrist rjálað við útihurðina, það er brugðist fljótt við og hún opnuð; hvílík gleði – pabbi er kominn – móðirinn þakkar Guði og börnin ljóma af gleði og tilhlökkun.“ Svo segir í frásögn sem Sveinn Mósesson ritaðu um æskuár sín eftir að hann var kominn á efri ár.

17.des. 2016 - 22:00 Vestfirðir

Vestfirska vísnahornið - Hæstiréttur, Brúnegg og ólæsi tekið fyrir

Veðrið hefur leikið við landsmenn allt haustið og varla að sjór hafi sest á jörð. Indriði Aðasteinsson, bóndi á Skjaldfönn  setti saman þessa veðurvísu sem mætti kannski bara ganga eftir. Veðrið hefur ekki alltaf verið  svona. Fyrir nærri þremur árum, á útmánuðum 2014 var öðruvísi umhorfs í Súgandafirðinum ein sog þessi vísa eftir Birki Friðbertsson, bónda í Birkihlíð ber með sér.

17.des. 2016 - 12:00 Vestfirðir

Strandabyggð fylgir kjararáði

Strandabyggð er eina sveitarfélagið á Vestfjörðum sem hækkaði laun sveitarstjórnarmanna í samræmi við hækkun Kjararáðs í lok október síðastliðinn. Kjararáð hækkaði laun alþingismanna um nærri 45% og tók hækkunin gildi strax daginn eftir kjördag. Þingfararkaup er nú 1.101.194 kr/mán en var áður 762.940 kr/mán. Hækkunin er um 348 þúsund krónur á mánuði.

15.des. 2016 - 18:00 Vestfirðir

Umsvif og horfur í Ísafjarðarbæ

Margir glöddust yfir umfjöllun Morgunblaðsins þann 6. desember síðastliðinn þar sem sagt var frá áformum um uppbyggingu á Suðurtanga. Áformin eru það langt komin að búið er að skilgreina stórar iðnaðarlóðir í samstarfi við þau fyrirtæki sem í hlut eiga. Þá er Húsasmiðjan þegar byrjuð að byggja nýtt húsnæði á Suðurtanga undir verslun sína og gera má ráð fyrir að fleiri verslunar- og þjónustufyrirtæki velji sér að vera á sömu slóðum.

11.des. 2016 - 21:00 Vestfirðir

,,Pólitískt lík mitt liggur á Eyjabökkum ef einhver vill leita að því''

Þeir feðgar Ólafur og Haraldur. Mynd: Ragnar Th. Sigurðsson. Flateyringurinn Reynir Traustason hefur gefið út nýja bók Fólk á fjöllum ævintýri í óbyggðum. Sex manns, sem eiga sameiginlegt, að vera náttúrubörn og útivistarfólk segja sögu sína í bókinni. Þetta eru sögur af ævintýrum, svaðilförum og hetjudáðum þar sem ástin á óbyggðunum kemur ævinlega í gegn. Allar söguhetjurnar eru sannar fyrirmyndir þeim sem vilja bæta og auka lífsgæði sín með útivist og átökum á fjöllum og í öræfum.

09.des. 2016 - 02:00 Vestfirðir

Átthagar – Ísfirðingar margra landa segja frá

Í bókinni Átthögum eftir Herdísi Hübner segja níu konur frá jafn mörgum löndum sögu sína en allar hafa þær búið á Íslandi  í fjölda ára (247 ár samtals) og eru búsettar á Ísafirði. Sú elsta er fædd 1945 og yngsta 1970.
07.des. 2016 - 19:00 Vestfirðir

Þarf enn 20% lækkun á olíuverði

Í kjarasamningum sjómanna við samtök útvegsmanna var samið um breytingar á olíuverðsviðmiðun.  Frá aflaverðmæti eru dregin 30%  áður en sjómenn fá reiknað út sin hlut af þeim 70% sem eftir stendur. Er það gert til þess að mæta olíukostnaði útgerðarinnar.
07.des. 2016 - 14:30 Vestfirðir

Sjómannsfjölskylda hleypir heimdraganum

Leifur Reynisson sagnfræðingur. „Elsku systir mín! Innilega óska ég þér gleðilegs sumars. Nú er úti ungmennaskólinn hjá okkur og hefir mér liðið mjög vel þessa tvo vetur sem ég hef verið í honum. Ég veit ekki hvar ég verð í sumar en í vor verð ég á skipi frá Þingeyri. Það biður allt að heilsa þér í kotinu. Okkur líður öllum vel. Vertu blessuð og sæl Maja mín og guð styrki þig í öllu góðu.“ Svo segir í póstkorti sem Finnjón Mósesson sendi Maríu systur sinni vorið 1917 en hann hafði þá nýlokið námi við Núpsskóla í Dýrafirði.
05.des. 2016 - 19:00 Vestfirðir

Kostnaðarhlutdeild til útgerðar er þrefalt hærri en olíukostnaður

Olíukostnaður fiskiskipaflotans er aðeins um þriðjungur af þeirri fjárhæð sem dregin er frá aflaverðmæti áður en aflahlutir sjómanna eru reiknaðir.  Þetta kemur fram við athugun á gögnum Hagstofu Íslands um rekstraryfirlit fiskiskipaflotans 2010-2014. Tölur liggja ekki fyrir um árið 2015.
04.des. 2016 - 14:00 Vestfirðir

Undir Snjáföllum

Engilbert S. Ingvarsson hefur sent frá sér Undir Snjáfjöllum, 2. bók - þætti um búsetu og mannlíf á Snæfjallaströnd. Engilbert fæddist og ólst upp á Snæfjallaströnd og var þar bóndi frá 1953 til 1987, en nokkrum árum síðar fór Ströndin í eyði. Mannmargt var á Snæfjallaströnd áður fyrr, en framundir miðja 20. öld voru atvinnuhættir þar með sama frumstæða hætti og hafði verið um aldir. Þetta var einangrað og afskekkt samfélag og snjóþungt með afbrigðum.
04.des. 2016 - 09:00 Vestfirðir

Ungmennaþing Strandabyggðar

Í síðustu viku var haldið á Hólmavík sérstakt ungmennaþing Strandabyggðar. Alls voru mætt um 35 ungmenni á Kaffi Riis. Sveitarstjórn Strandabyggðar hefur samþykkt að fjórum sinnum a ári verði haldin  ungmennaþing þar sem allir á aldrinum 13 - 25 ára eru velkomnir.
03.des. 2016 - 17:00 Vestfirðir

Reykjavík: lóðaverð 20% af byggingarkostnaði og milljarða króna hagnaður borgarinnar

Íslandsbanki gaf fyrir skömmu út veglega skýrslu um íslenska íbúðamarkaðinn. Þar kemur fram að verð á íbúðarhúsnæði hafi frá 2010 hækkað meira en nemur  byggingarkostnaði. Á þetta við um höfuðborgarsvæðið, Norðurland eystra, Suðurland og Vesturland.  Á þessum svæðum er því hagkvæmara að byggja um þessar mundir en það var á árinu 2010.
03.des. 2016 - 09:00 Vestfirðir

Vantar hundruð milljarða króna í heilbrigðiskerfið frá 2003 - 2015

Allt frá 2003 hefur stöðugur niðurskurður í  fjárveitingum til heilbrigðismála. Það er samfleytt 12 ára tímabil. Landsmenn vörðu árið 2003 10,1% af vergri landsframleiðslu til heilbrigðismála og hefur það aldrei verið hærra. Í fjárlagagerð um haustið 2003 var lagt til í fjárlagafrumvarpi  næsta árs að fjármagn til Landsspítalans yrði skorið niður um 2 milljarða króna á þáverandi verðlagi . Eftir nokkuð harðar umræður um málið utan þings sem innan varð niðurstaðan að taka niðurskurðinn í tveimur skrefum á tveimur árum.  Þar með var hafinn samfelldur niðurskurðartími í heilbrigðismálum.

02.des. 2016 - 19:00 Vestfirðir

Vestfirðir: 1,8 árslaun fyrir 100 m² íbúð

Aðeins þarf að greiða 1,8 árslaun fyrir 100 m² íbúð á Vestfjörðum. Þetta kemur fram í íbúðaskýrslu Íslandsbanka.  Hæst er verðið á Höfuðborgarsvæðinu en þar kostar slík íbúð 6,9 árslaun. Miðað er við árslaun á hvoru svæði um sig.
02.des. 2016 - 07:00 Vestfirðir

Landsbyggðarskattur útgerðarmannanna

Í aðdraganda Alþingiskosninganna mátti enn einu sinni sjá og heyra hræðsluáróður útgerðarauðvaldsins í þeim búningi að veiðigjöldin, sem ríkið innheimtir fyrir veittan einkarétt til veiða á Íslandsmiðum, væru landsbyggðaskattur. Áróðurinn gengur út á að deila álögðum veiðigjöldum niður á kjördæmi landsins og halda því fram að íbúar landsbyggðarinnar séu að greiða þessar fárhæðir suður og sér ekki til gagns.
27.nóv. 2016 - 10:00 Vestfirðir

Kristján Guðmundsson - Sýning í Gallerí Úthverfu

Laugardaginn 29. október 2016, sama dag og kosið var til Alþingis, opnaði Kristján Guðmundsson sýningu í Gallerí Úthverfu á Ísafirði.  Kristján opnaði fyrst sýningu á kosningadegi árið 1987 og síðan þá hefur skapast ákveðin hefð fyrir því að listamaðurinn komi vestur með sýningu þegar kosið er til alþingis. 
24.nóv. 2016 - 09:55 Vestfirðir

Sjómenn munu lækka í launum vegna Páls Pálssonar ÍS

Sjómannasamband Íslands fyrir hönd Verkalýðs- og sjómannafélags Bolungavíkur  og Verkalýðsfélag Vestfirðinga hafa gert kjarasamning  við samtök fyrirtækja í sjávarútvegi. Samið er um að nýsmíðaálagið verði óbreytt næstu 7 árin og falli svo smátt út á næstu 7 árin þar á eftir. Nýsmíðaálagið lækkar skiptaprósentu  sjómanna um 10% í sjö ár eftir að skip er fyrst tekið í noktun með þeim fyrirvara þó að útgerð tryggi að aflahlutir eftir lækkun verði yfirmeðaltali í þeim skipaflokki sem um ræðir.
20.nóv. 2016 - 16:00 Vestfirðir

Synjun um íbúðakaupalán í Bolungavík: Bankarnir neita

Útibússtjórar Landsbanka Íslands og Íslandsbanka á Ísafirði neita báðir að synjað hafi verið um að lána einstaklingi til kaupa á íbúðarhúsnæði í Bolungavík vegna staðsetningar íbúðarinnar. Bæjarfulltrúi í Bolungavík Guðbjörg Stefanía Hafþórsdóttir vakti athygli á málinu í aðsendri grein á bb.is.
19.nóv. 2016 - 09:00 Vestfirðir

Vinstri grænir sigurvegarar í Norðvesturkjördæmi

Vinstri grænir bættu mest við sig í Norðvesturkjördæmi í Alþingiskosningunum í síðasta mánuði. Flokkurinn jók fylgi sitt um 9,6% og gerði meira en að tvöfalda það. Píratar komu næstir og bættu við sig 7,8% atkvæða frá síðustu kosningum. Í þriðja sæti var nýtt framboð, Viðreisn sem hlaut 6,2% atkvæða. Sjálfstæðisflokkurinn jók fylgi sitt um 4,9% og náði aftur því að verða stærsti flokkurinn í kjördæminu. Fylgi Sjálfstæðisflokksins var 29,5%.
19.nóv. 2016 - 07:00 Kristinn H. Gunnarsson

Alþingiskosningarnar: Krafa um breytingar en hikandi þó

Úrslit Alþingiskosninganna í síðasta mánuði eru skýr krafa um breytingar á ýmsum sviðum þjóðlífsins. En kjósendur voru samt hikandi þegar kom að því að velja þá sem hrinda ættu breytingunum í framkvæmd. Fyrir vikið er framhaldið óljóst. Næsta ríkisstjórn getur verið borin uppi af fráfarandi ríkisstjórnarflokki og hún getur líka verið  byggð á stjórnarandstöðunni.
18.nóv. 2016 - 16:00 Austurland

Skemmtiganga á suðurleið

„Það var 24. október að ég lagði af stað heiman frá mér til Reykjavíkur. Klukkan eitt um morguninn lagði ég af stað frá heimili mínu Sjónarhól í Dýrafirði. Bærinn er í miðri sveit norðantil við fjörðinn. Þegar ég kom að bæ þeim er heitir Lækjarás fékk ég mig fluttan yfir fjörðinn. Veðrið var gott og fagurt, ofurlitla morgungolu lagði niður dalinn. Þegar komið var á miðjan fjörðinn sáum við skipið „Gullfoss“ sem ég ætlaði með koma inn fjörðinn.“
18.nóv. 2016 - 07:00 Aðsend grein

Vondir vegir að ferðamannastöðum

Nú á haustdögum komu út tvær forvitnilegar skýrslur á vegum ríkisstofnana sem fjalla um málefni Vestfjarða og Vestfirðinga sem hvorir tveggja hafa verið mér hugleiknir lengi. Önnur skýrslan ber heitið Aðgerðaráætlun fyrir Vestfirði og kom til umfjöllunar á fjórðungsþingi Vestfirðinga nú í haust. Skýrsla þessi sem unnin var af nefnd á vegum forsætisráðuneytisins tekur til ýmissa þátta sem varða hagsmuni Vestfirðinga og er hægt að taka heilshugar undir flest sem í henni stendur.
17.nóv. 2016 - 19:00 Vestfirðir

Orkubússtjóri: Launin 1.511.761 krónur á mánuði

Laun nýráðins Orkubússtjóra Elíasar Jónatanssonar eru liðlega 1,5 milljónir króna á mánuði samkvæmt því sem fram kemur í svari Viðars Helgasonar, stjórnarformanns Orkubús Vestfjarða. Launin eru ákvörðuð í Kjararáði og eru samkvæmt launatöflu 502-136. Það gera 957.294 kr./mán. Til viðbótar eru greiddar 41 einingar á mánuði fyrir yfirvinnu og allt álag sem fylgir starfinu.
17.nóv. 2016 - 13:43 Aðsend grein

Örbirgð, einsemd, einelti

Áhrifamikil sýning í Félagsheimilinu á Blönduósi í gærkvöld, einleikurinn Gísli á Uppsölum. Frábær og hnitmiðaður flutningur, góðar umræður eftir sýninguna um örlög þessa einstaklings Gísla á Uppsölum, sem lenti í einelti strax í barnaskóla, missti af ástinni, fannst hann ekki geta brugðist móður sinni, lifði í vernduðu umhverfi allt sitt líf, lét hverjum degi nægja sína þjáningu, og lifði alla ævi í einsemd án nokkurra lífsgæða.
06.nóv. 2016 - 17:00 Vestfirðir

Mun Viðar Helgason sitja áfram sem stjórnarformaður?

Í sérstakri skýrslu Ríkisendurskoðunar til Alþingis um starfshætti stjórnar Orkubús Vestfjarða ohf. segir að af umræðum fjölmiðla megi ráða að ráðning nýs orkubússtjóra fyrr á þessu ári hafi skaðað trúverðugleika stjórnarinnar og orðspor Orkubús Vestfjarða. Ríkisendurskoðun vann skýrsluna að ósk forsætisnefndar Alþingis. Það voru þingflokkar Samfylkingarinnar og Vinstri grænna sem tóku málið upp með formlegu erindi til forsætisnefndar og fóru fram á úttekt á tilgreindum þáttum varðandi ráðningu nýs orkubússtjóra, starfslok fráfarandi orkubússtjóra og skipan varamanna í stjórn Orkubúsins.
06.nóv. 2016 - 15:00 Vestfirðir

Söngstund á Mýrafelli

„Það var haustið 1915 að við hittumst að Núpsskólanum í Dýrafirði. Mér kom Finnjón einkennilega fyrir sjónir fyrst í stað, dulur í skapi, hæglátur og ómannblendinn, svo mér fannst að ekki gætum við átt mikið saman að sælda. En þetta fór nú samt á annan hátt.“ Svo segir í afmælisgrein sem birtist mörgum árum síðar en skólafélaginn sem sendi Finnjóni kveðjuna lét þess ennfremur getið að þó Finnjón hafi verið seintekinn hafi hann reynst traustur vinur og virkur þátttakandi í félagslífi skólans.
04.nóv. 2016 - 19:30 Vestfirðir

Júlíus Geirmundsson: Kauptrygging fyrir Félagsdóm

Það stefnir í það að Verkalýðsfélag Vestfjarða stefni Gunnvöru hf fyrir Félagsdóm vegna ógreiddrar kauptryggingar. Tildrögin eru þau að togarinn Júlíus Geirmundsson ÍS var ekki gerður út í júlímánuði og útgerð skipsins hefur neitað að greiða áhöfninni umsamda kauptryggingu. Finnbogi Sveinbjörnsson, formaður Verkalýðsfélags Vestfjarða segir að málið sé í skoðun hjá lögmönnum félagsins og það muni skýrast fyrir lok vikunnar hvort af málshöfðun verði.
30.okt. 2016 - 14:00 Vestfirðir

Veiðiheimildir á færri hendur

Örn Pálsson, framkvæmastjóri Landssambands smábátaeigenda kom víða við í ræðu sinni á aðalfundi Landssambandsins. Meðal annars vék hann að afleiðingum þess að stjórnvöld ákváðu að breyta stærðarviðmiðun krókaaflamarksbáta úr 15 brt í 30 brt þannig að lengd bátsins næði 15 metrum. Það voru útgerðir einkum á Snæfellsnesi og í Bolungavík sem knúðu á um þessar breytingar á smábátakerfinu.
29.okt. 2016 - 19:00 Vestfirðir

Hafrannsóknarstofnun gagnrýnd

Landssamband smábátaeigenda gagnrýnir Hafrannsóknarstofnun í álytkun sinni um stjórn fiskveiða. Segir þar að stefna stofnunarinnar sé fyrir löngu úr sér gengin. Orðrétt segir í samþykkt aðalfundar Landssambands smábátaeigenda:  "Engu skiptir hversu mikill fiskur gengur á miðin og reynsla veiðimanna einskis metin. Þegar fiskveiðikerfið var leitt í lög árið 1984 var allt talið í kalda koli og gefnar út veiðiheimildir sem eru sambærilegar þeim sem var verið að gefa út í byrjun nýhafins fiskveiðiárs.
29.okt. 2016 - 13:30 Vestfirðir

Landssamband smábátaeigenda: Sjónarmiðum Vestfirðinga hafnað

Landssamband smábátaeigenda tók ekki undir samþykktir Eldingar, félags smábátaeigenda á norðanverðum Vestfjörðum um ráðstöfun auðlindagjalda og úthlutun almenns byggðakvóta.  Elding ályktaði á aðalfundi sínum að öll veiði- og auðlindagjöld skyldu renna til viðkomandi byggðarlaga og sveitarfélaga  með þeim rökstuðningi að sveitarfélögin þyrftu tekjur óháðar eignarhaldi á kvóta til þess að standa undir grunnþjónustu.
28.okt. 2016 - 07:00 Kristinn H. Gunnarsson

Kosið um spillinguna á Íslandi

Í komandi Alþingiskosningum um næstu helgi verður fyrst og fremst gert upp við landlæga spillingu í íslensku þjóðfélagi. Hrun viðskiptabankana haustið 2008 opnaði augu almennings fyrir því að ekki væri allt með felldu. Fram að því voru landsmenn þeirrar skoðunar að bæði stjórnsýsla og stjórnmálin væru nánast óspillt og bæru af flestum öðrum þjóðum.
27.okt. 2016 - 14:30 Vestfirðir

Búrkur, bros og brjóstaskorur

Þegar ég var 15 ára gamall þá fór ég í Háskólabíó að sjá bíómynd um hnattsiglingu ungs manns á seglskútu kringum heiminn.  Það var virkilega góð mynd.  En í hléinu gerðist það, sem aldrei áður hafði komið fyrir mig, ég missti málið.  Ég varð svo málvana að ég gat ekki pantað mér gosflösku.  Gat ekki stunið því upp að ég vildi eina kók takk.  Ástæðan var afar bosmamikil stúlka í hálfgagnsæjum bláum bol, sem stóð hinum megin við borðið og brosti til mín og sagði: Má bjóða þér eitthvað?
17.okt. 2016 - 07:00 Vestfirðir

Bolungavíkurhöfn: 5,3 milljóna króna reikningur

Bolungavíkurhöfn gaf út, samkvæmt heimildum blaðsins Vestfirðir, reikning að upphæð 5,3 milljónir króna fyrir sin hlut í björgun á Finnbirni ÍS sem sökk í Bolungavíkurhöfn um síðustu jól. Vátryggingarfélag bátsins er Sjóvá og hefur það mótmælt reikningnum og telur hluta hans tilhæfulausan. Jón Páll Hreinsson, bæjarstjóri í Bolungavíkur vill ekki gefa upp viðskipti við einstaka aðila, en staðfestir að ágreiningur sé um fjárhæð reikningsins  og segir að viðskiptum við Sjóvá sé ekki lokið. Í skriflegu svari bæjarstjórans segir að reikningurinn sé ýtrasta krafa bæjarins vegna þjónustu slökkviliðsins vegna tjóns sem slökkviliðinu bar ekki skylda til þess að bregðast við.
16.okt. 2016 - 18:00 Kristinn H. Gunnarsson

Stóra byggðastefnan

Í íslensku hagkerfi verða til mikil verðmæti á hverju ári. Hversu mikil hverju sinni má ráða af því hver hagvöxturinn er.  Almennt má segja að með vaxandi kaupmætti almennings hækka ýmis eftirsótt gæði í verði.  Verð á fiskikvóta á Íslandsmiðum fylgir bættum efnahag í viðskiptalöndum íslensks sjávarútvegs.
15.okt. 2016 - 10:00 Vestfirðir

Sjómannaafslátturinn fallinn niður

Sjómannaafslátturinn var afnuminn með lögum skömmu fyrir jólin 2009. Ákveðið var að frá 2011 myndi afslátturinn lækka um 25% á ári næstu fjögur árin og hann féll alveg niður í árslok 2014. Árið 2015 var fyrsta árið sem enginn afsláttur var.

14.okt. 2016 - 18:00 Jón Baldvin Hannibalsson

Kapitalisminn og óvinir hans

KAPITALISMINN – með sinni forhertu skírskotun til eigingirni mannsins og gróðafíknar – verður seint kenndur við siðaboðskap kristninnar. Það er ekkert „sælla-er-að-gefa-en-þiggja“ á hans kokkabókum. Pólskur háðfugl, sem var að lýsa hlutskipti fólks í hinum hráslagalega kapitalisma, sem tók við þar í landi eftir fall kommúnismans – sjokk-þerapía var það kallað – en reyndist vera meira sjokk en þerapía, komst að þeirri niðurstöðu, að svo frumstæður kapítalismi gæti ekki þrifist í himnaríki. Reyndar ætti hann ekkert erindi í helvíti heldur, því að hann væri þar fyrir.
09.okt. 2016 - 12:30 Vesturland

„Sýndi ótrúlegan undirlægjuhátt við ESB“ - Jón Bjarnason í viðtali við Vesturland

Jón Bjarnason fyrrum sjávarútvegsráðherra. Í nýjasta eintaki af Vesturland er viðtal við Jón Bjarnason fyrrverandi sjávarútvegsráðherra þar sem hann ræðir um makrílveiðar Íslendinga og áhrif þeirra á aðildarviðræðurnar við ESB. Hann segir að sú ákvörðun sín að gefa út makrílkvóta fyrir árið 2012 hafi bundið hendur eftirmanna hans í embætti. Sú ákvörðun hans var að eigin sögn ekki vinsæl meðal ESB sinna sem hafi þar séð drauma sína um inngöngu að engu verða.
09.okt. 2016 - 08:30 Vestfirðir

Höfuðborgarsvæðið: 10 milljóna króna eignaaukning á fimm og hálfu ári

Íbúðarhúsnæði á höfuðborgarsvæðinu hefur frá ársbyrjun 2010 hækkað langt umfram almennt verðlag. Þjóðskrá Íslands gefur út vísitölu íbúðaverðs á höfuðborgarsvæðinu.  Í byrjun árs 2010 varð það hvað lægst eftir fall viðskiptabankanna haustið 2008 en síðan þá hefur verðið hækkað úr 303,3 stigum upp í 490,2 stig í ágúst 2016. Hækkunin er 61,6%, sem er gríðarmikil hækkun á aðeins 5½ ári. 
01.okt. 2016 - 16:00 Vestfirðir

Varð hræddur á fundi með Birgittu: „Ég hefði getað jarðað þig“

Birgitta Jónsdóttir, alþingismaður hafði í hótunum við Ágúst Beaumont, ritara Pírata á Vesturlandi, eftir fyrra prófkjör pírata í Norðvesturkjördæmi.  Því hefur Ágúst haldið fram í fjölmiðum. Það mun hafa gerst á fundi sem Birgitta Jónsdóttir og Sigríður Bylgja Sigurjónsdóttir, framkvæmdastjóri Pírata  áttu með Ágústi. Frekari lýsing á hótuninni kemur fram í tölvusamskiptum milli Ágústar og Ísfirðingsins Hafsteins Sverrissonar þann 11. september sl. Hafsteinn ákvað að innan Ágúst eftir því hvort honum hafi verið hótað á fundinum.

01.okt. 2016 - 12:00 Vestfirðir

Sjúklingar fá 33 krónur en ríkisstarfsmenn 110 krónur

Miklu munar á greiðslum frá ríkinu vegna ferðakostnaðar eftir því hvort sjúklingar eiga í hlut eða ríkisstarfsmenn.  Fyrrnefndi hópurinn fær aðeins 33,34 kr fyrir hvert ekinn kílómetra en ríkisstarfsmenn fá greiddar 110 kr fyrir hvern km eða þrefalt hærri greiðslur.

01.okt. 2016 - 09:00 Vestfirðir

Vestfirska Vísnahornið – Indriði Aðalsteinsson yrkir um Sigmund Davíð

Þá leggur vestfirska vísnahornið aftur af stað eftir sumarhlé. Vestfirskir bændur hafa lagt þættinum mest til á þeim tveimur árum sem liðin eru síðan þátturinn hóf göngu sína. Er því vel við hæfi að byrja á yrkisefni úr sveitum landsins. Þegar ekið var um Ísafjarðardjúpið um síðustu helgi og svo aðrar sveitir blöstu víða við bleikar heyrúllur á túnunum. Einhver tískusveifla er greinilega í litnum á heyrúllunum. Hafa þær verð svartar, hvítar og grænar undanfarin ár og ef til vill hefur brugðið fyrir fleiri litum.

01.okt. 2016 - 07:00 Vestfirðir

Rauði bærinn Ísafjörður

Ísafjörður var fyrsti rauði bærinn á Íslandi. Rauðir bæir voru bæir þar sem sósíalistar eða jafnaðarmenn náðu meirihluta með stuðningi verkalýðshreyfingarinnar. Það gerðist víða á Norðurlöndum, í Bretlandi og Þýskalandi og fleiri löndum með uppbyggingu verkalýðsfélaga og kosningarétti almennings á seinni hluta 19. aldar. Margir rauðir bæir urðu til svo sem Hamborg í Þýskalandi og Árósar í Danmörku. Ísafjörður var rauður bær frá árinu 1921 og allt til 1946 og lengi eftir það eimdi af áhrifum jafnaðarmanna í bænum, jafnvel allt til okkar daga.


24.sep. 2016 - 10:30 Vestfirðir

Bon voyage, Pourquoi-Pas? 80 ár liðin frá örlagaríkri sjóferð franska rannsóknarskipsins

Síðasta ljósmyndin sem Helgi Hafliðason tók af Pourquoi-Pas? er sterk heimild. Skipið líður frá landi. Kýr eru á beit í haustblíðunni. Skipverjar, sem allir voru feigir nema einn, eru önnum kafnir við að setja upp segl og gera skip sitt sjóklárt. Þann 15. september 1936 tók 13 ára gamall piltur, Helgi Hafliðason sem bjó á Hverfisgötu 123 í Reykjavík, ljósmynd af svölum hússins út yfir ytri höfnina af hvítmáluðu og fallegu gufuskipi með seglum þar sem það leið út úr Reykjavíkurhöfn í blíðuveðri.
18.sep. 2016 - 13:00 Vestfirðir

Ágúst Bjarni kynnti tillögur nefndar um aðgerðaráætlun fyrir Vestfirði

Á þingi Fjórðungssambands Vestfirðinga um síðustu helgi kynnti Ágúst Bjarni Garðarson, aðstoðarmaður forsætisráðherra,  tillögur nefndar um aðgerðaáætlun fyrir Vestfirði. Nefndin var skipuð í lok maí síðastliðinn. Nefndin starfaði í nánu samstarfi við ráðuneyti og stýrihóp ráðuneytanna um byggðamál. Þegar nefndin var skipuð sagði Sigurður Ingi Jóhannsson, forsætisráðherra að mikilvægt væri að vinna að því að efla atvinnulíf og stuðla að fjölbreyttum atvinnutækifærum um allt land.