12. apr. 2016 - 13:00Reykjavík vikublað

Ólafur Elíasson: Alveg magnaður symbólismi í verkum Bachs

Ólafur Elíasson. Mynd/Sigtryggur Ari

Ólafur Elíasson. Mynd/Sigtryggur Ari

Ólafur Elíasson píanóleikari hefur nú vikulega í heilt ár leikið nokkrar prelódíur og fúgur Johanns Sebastians Bachs á flygilinn í Dómkirkjunni, en um að ræða hluta af hinu mikla verki Bachs Das wohltemperierte Klavier. Tónleikarnir fara fram á hverju þriðjudagskvöldi kl. 20:30 og aðgangur er ókeypis. Ég hlýddi á tónleika Ólafs á dögunum og mér lék forvitni á að fræðast um þetta fræga verk og líka um störf Ólafs í InDefence-hópnum. Við fengum okkur því kaffi saman og ég spurði hann fyrst af öllu að því hvenær tónlistaráhuginn hefði kviknað:

„Ég hafði snemma mikinn áhuga á klassískri tónlist og byrjaði ungur að spila mikið. Ég var mjög heppinn með kennara. Barnakennari minn var Brynja Tryggvadóttir en á unglingsárunum komst ég til Bjarna Jónatanssonar, sem var frábær kennari, og síðar lærði ég hjá Rögnvaldi Sigurjónssyni. Þetta voru mínir helstu kennarar. Ég var alveg heltekinn af klassískri tónlist í gegnum menntaskólann og svo þegar leið undir lok hans ákvað ég að helga mig alveg tónlistinni, lauk burtfararprófi og hélt út í heim að læra. Ég komst þá í nám í hjá Vlado Perlemuter. Hann hafði verið aðalkennari franska konservatorísins í 40 ár. Hann var fæddur 1904 og hafði verið nemandi Ravels, en Perlemuter var orðinn 87 ára þegar ég varð nemandi hans.“

Í læri hjá Perlemuter


Hvernig kom það til að þú gerðist nemandi svo heimsfrægs kennara?

„Það vildi þannig til að ég var á sumarnámskeiði í Dartington á Englandi, sem er sumarskóli fyrir tónlistarnema. Hann var þar meðal kennara, en ég vissi ekkert hver hann var. Ég spilaði verk eftir Debussy í inntökuprófinu sem tókst ágætlega. Hann byrjaði strax að gera athugsemdir við spilið hjá mér og að athuguðu mál fannst mér að það sem hann hefði að segja vera nokkuð sannfærandi. Ég eiginlega missi þá út úr mér: „Heyrðu, mér finnst þú eiginlega bara hafa heilmikið vit á þessu!“ Eftir tímann var ég mjög hugsi og sé að hann situr þarna á kaffistofu nærri í skólanum. Ég labba til hans og segi: „Ég veit nú ekki alveg hver þú ert en veit að þú ert þekktur píanóleikari. Málið er það að ég er frá Íslandi og ég var mjög hrifin af þessu sem við vorum að tala um áðan og nú er ég að hugsa um fara út að læra. Ert þú ekki bara til í að kenna mér næsta vetur?“ – Og hann var alveg til í það. Ég var því allt í einu kominn í nám til Parísar hjá þessum fræga manni.“


Ólafur segir engan annan flokk verka hafa haft meiri áhrif á tónlistarsöguna en Das wohltemperierte Klavier eftir Johann Sebastian Bach.

Við nám og störf í Bretlandi


En þú heldur síðar til náms í Lundúnum?

„Ég hafði verið í einkanámi hjá Perlemuter en Lánasjóðurinn gerði kröfu um að ég lyki formlegu skólanámi svo ég sótti um inngöngu í Royal Academy of Music í London. Ég mætti í skólann í inntökuprófið sem átti að fara fram klukkan eitt um daginn. Yfirleitt eru menn búnir að æfa sig í fjóra tíma á dag í tvö ár fyrir svona próf sem er yfirleitt svona tíu mínútur. Ég vissi að þetta voru bara nokkrar stöður og 200 manns að sækja um. Ég mæti þarna klukkan eitt og þá er enginn á staðnum nema einhver nemandi á dyrunum. Hann segir við mig: „Prófdómararnir eru ekki mættir og enginn inni í salnum. Blessaður byrjaðu að hita upp – vertu kominn í gang þegar þeir koma.“ Ég sest við flygilinn í salnum, byrja að spila og er í svona rosastuði. Ég spilaði þarna nokkur verk, m.a etýðu eftir Chopin á hraða sem ég hafði aldrei prófað áður. Ég byrjaði að hugsa: Nei fjárinn sjálfur, af hverju geta þessir ansans prófdómar ekki verið hérna núna að hlusta þegar ég er á svona rosa flugi! Það er ekkert víst að ég geti þetta svona vel á eftir. Þá lít ég við og þá standa þeir tveir fyrir aftan mig. Þeir höfðu þá komið inn meðan ég var að spila og ég heyri annan þeirra segja: „Við tökum þennan inn.“


Þú dvelur síðan í Bretlandi næstu árin?

„Ég bjó í Bretlandi í tíu ár, rak þar sinfóníuhljómsveit og var í ýmsum tónlistarverkefnum. Ég á mjög marga vini þar í landi og býsna innvinklaður í það samfélag.“

„Við erum ekki hryðjuverkamenn“


Þú lætur síðan til þín taka þegar hrunið verður. Gæturðu sagt mér frá tildrögum þess?

„Þegar hrunið varð beittu Bretar hryðjuverkalögum á Íslendinga. Þá taldi ég mig skilja Bretana ágætlega. Í huga þeirra má allt ef almannahagsmunir krefjast þess. Þetta er ríkt í þeirra þjóðarsál. Þú getur séð þetta í James Bond myndunum sem dæmi. Þar má allt í nafni þjóðarhagsmuna. Til að réttlæta hryðjuverkalögin beittu bresk stjórnvöld mjög ósmekklegri herferð gegn íslensku þjóðinni. Þannig var því haldið fram í fjölmiðlum að Íslendingar bæru ábyrgð á því að ýmis líknarfélög væru að tapa stórfé í Bretlandi.

Mér þótti rétt að þessu yrði svarað. Einhver þyrfti að útskýra málið fyrir Bretum. Ég var á þessum tíma í MBA námi í Háskóla Íslands. Þar voru tveir þingmenn með mér í námi og þegar ég heyrði þá segja að Alþingi væri svo lamað að það yrði ekkert svar við þessu þá var mér svo misboðið að ég fór til Agnars Helgasonar vinar míns sem er doktor í mann- og erfðafræði og spurði hann hvort ekki væri rétt að kalla saman hóp manna sem hefði verið í Bretlandi og skyldi Bretana og héldi uppi viðnámi gegn þessu. Á einum eftirmiðdegi hringdi ég út fjölda fólks og var kominn með ansi öflugan hóp tveimur tímum seinna. Við fórum í herferðina „Við erum ekki hryðjuverkamenn“ þar sem við söfnuðum 80 þúsund undirskriftum gegn aðgerðum Bretanna. Okkur gekk ekkert annað til að búa til málsvörn Íslendinga í þessum málum, en þetta var hópur hámenntaðra manna sem lagði mun meiri tíma og vinnu í málsvörn Íslands en íslenskir embættismenn.“


 
Hinn heimskunni píanóleikari Vlado Perlemuter (1904–2002). Ólafur var nemandi hans um skeið.

Samningnum lekið


Halda átti Svavarssamningnum leyndum, en svo gerist það að honum er lekið til ykkar?

„Já, samningurinn kom frá Magnúsi heitnum Thoroddsen hæstaréttarlögmanni. Það var milliliður sem kom með samninginn til mín en ég var bundinn trúnaði um að samningurinn væri frá Magnúsi kominn. Síðan var upplýst í minningargrein um Magnús að hann hefði komið samningnum á framfæri, svo það er í lagi að segja frá því núna.“

Hefurðu hugmynd um það hvaðan Magnús hafði samninginn?

„Nei, ekki minnstu hugmynd. Ég hafði hringt í Magnús nokkru fyrr. Það samtal varð nokkuð persónulegt, en ég lýsti fyrir honum að baráttan væri erfið. Hann stappaði í mig stálinu og sagði að ég gæti bara látið sannfæringuna ráða för. Ef ég hefði komist að niðurstöðu og hefði sterka sannfæringu þar um þá yrði ég að halda áfram. Það er svo áhugavert að hann skyldi hafa lekið þessu til okkar nokkru síðar, en ég talaði aldrei við hann aftur.

Eftir að Alþingi hafði samþykkt samningana kom ekki annað til greina í okkar huga en fara þess á leit við forsetann að hann synjaði lögunum staðfestingar. Það kom mér nokkuð á óvart þegar í ljós kom að forsetinn hafði kjark til að hafna þessu. Við höfðum átt mjög góðan fund með forsetanum og ég fékk þar gott tækifæri til að útskýra málið eins og það horfði við mér. Ég er mjög stoltur af því hvernig þessi hópur vann og ekki spurning að við lékum lykilhlutverk í því að fá Svavarssamningnum hnekkt.“


Magnús Thoroddsen (1934–2013) hæstaréttarlögmaður lak Icesave-samningnum til Ólafs. Magnús var hæstaréttardómari 1982–1989.

 Áttum að fara gjaldþrotaleiðina

En þið hafið líka gagnrýnt samningana við kröfuhafana.

„Já, við teljum að þar hafi ekki verið valin farsælasta lausnin. Við vildum upphaflega að gjaldþrotaleiðin yrði farin og búin gerð upp samkvæmt íslenskum lögum. Ég hef fullvissu fyrir því að þetta var leið sem var fær, en því miður tókst aðilum að telja stjórnvöld ofan af þessari leið og ég tel mjög alvarlegt að það hafi gerst. Hagsmunirnir voru svo gríðarlegir og margir í vinnu fyrir kröfuhafa. Ekki er óhugsandi að Íslendingar hafi verið í hópi kröfuhafa og að þeir hafi á bakvið tjöldin verið að koma í veg fyrir að þessi leið yrði farin.

Við hefðum getað fallist á stöðugleikaskattinn, en vorum afar ósáttir við þá leið sem valin var, þ.e. að kröfuhafar fengju að fara út á mun lægra gengi og skyldu þar með eftir heilmikið vandamál hér á landi. Fyrir þessu höfum við fært rök með skýrslum og kynnt þessi sjónarmið fyrir Alþingi. En því miður hefur ekki verið áhugi fyrir því í samfélaginu að ræða þetta frekar.“

Mál Sigmundar áfall


Sigmundur Davíð Gunnlaugsson var upphaflega með ykkur í InDefence-hópnum. Nú hefur komið í ljós að hann átti fjármuni í skattaskjólum og kröfur á föllnu bankanna. Hvernig horfa þessar fréttir við þér?

„Sigmundur Davíð var farinn úr hópnum þegar við fórum að berjast á móti Svavarssamningunum. Hann var með okkur áður. Mér þykir óeðlilegt að hann hafi ekki sagt okkur frá þessum tengslum sínum. Hvort það hafi haft áhrif og hversu mikil áhrif skal ég ekki segja, en mér var mjög brugðið þegar ég las þær fréttir að hann hefði verið kröfuhafi í föllnu bönkunum. Þetta var mér nokkuð áfall. Ég var að stýra hópi sem hafði beðið fólkið í landinu um að treysta sér að hann væri óháður hópur sem að hefði engra hagsmuna að gæta annarra en almannahagsmuna en svo kemur í ljós að að einn liðsmanna hópsins er kröfuhafi í bönkunum. Raunveruleikinn er sá að ef þær fréttir sem nú eru uppi hefði komið fram viku fyrir fund okkar með forsetanum í Icesave málinu þá hefði málið verið tapað.“

Tímamótaverk í tónlistarsögunni


En svo við vindum kvæði okkar í kross. Hvað geturðu sagt mér um tónverkið sem þú flytur á hverjum þriðjudegi í Dómkirkjunni?

„48 prelódíur og fúgur Bachs eru tveir flokkar verka sem Bach samdi 1720 og 1740 þar er eitt verk í hverri tóntegund. Þá eru alltaf tvö verk saman, fyrst forleikur, eða prelúdía, og svo fúga, sem er háþróaðasta form fjölröddunar. Á barokktímanum voru menn að átta sig á því hvernig hægt væri að laga ákveðna villu sem er í tónkerfi Vesturlanda, en tónkerfi okkar gengur ekki alveg upp stærðfræðilega. Á þessum tíma hófu menn að stilla hljómborðin þannig að hægt væri að spila í hvaða tóntegund sem er. Það var alveg nýtt og í kjölfarið verður algjör sprenging í tónlistinni.

Ég get fullyrt að ef einhver einn flokkur verka hefur haft mest áhrif á tónlistarsöguna þá eru það þessi verk. Það hafa allir spilað þetta. Mozart var heillaður af þessu, Beethoven sömuleiðis, Liszt, Dubussy, Brahms o.s.frv. Öll alvöru tónskáld hafa stúderað þessi verk í þaula. Nú er ég búinn að vera í eitt ár að spila úr þessu safni verka og er nokkurn veginn á áætlun. Þannig að ég mun ljúka við að spila allar prelúdíurnar og fúgurnar á næstu þremur árum. Hvort ég hætti að þeim tíma liðnum er ekki víst. Það getur vel verið að ég haldi bara áfram. Það gerir eitthvað fyrir sálina að fást við verk Bachs svona reglulega og ég er ekki viss um að ég vilji hætta því.“

Hvað er svona heillandi við þessi verk?

„Þessi verk voru hugsuð sem alfræðiorðabók um tónlist, það er allt þarna, fjölbreytileikinn er gífurlegur. Það er líka alveg magnaður symbólismi í tónlist Bachs. Hann setur upp laglínurnar þannig að þær hafi merkingu. Hann skrifar til dæmis nafn sitt með talnaröð í músíkina. Laglínur höfðu merkingu á barokktímanum, andlega eða tilfinningalega. Í klassískri tónfræði lærum við til dæmis að tónskrattinn var bannaður. Þannig gat það verið heilmikið mál að koma saman fúgustefi sem hafði „rétta“ merkingu.“

 
InDefence hópurinn

Afkastamikill tónlistarkennari


Ég hef heyrt að þú hafir náð miklum árangri með nemendum þínum í píanóleik.

„Ég lagt gríðarlega hart að mér við að kenna nemendum sem hafa staðið sig frábærlega vel og er afar stoltur af nemendum mínum og því tónlistarstarfi sem ég hef staðið fyrir. Ég hef fengið að leiða fjölda nemenda í gegnum burtfararpóf í píanóleik, en margir fyrrum nemendur mínir segja mér seinna að það sé það erfiðasta sem þeir hafi gert í lífinu

Maður er í alveg sérstakri stöðu sem píanókennari. Maður kynnist í rauninni rjómanum af ungu fólki og fær að fylgja þeim eftir í gegnum þau ár sem eru mest mótandi í lífi þeirra. Það er sérlega lærdómsríkt og gefandi.

En þegar ég lít yfir líf mitt þá verður það að segjast að það að hafa komið í veg fyrir Icesave-samningana er augljóslega það verkefni sem ég er langstoltastur af og sérstaklega er ég stoltur af því að hafa kynnst svo skipulögðum og öguðum hópi sem InDefence-hópurinn er.“

Hvaða lærdóma hefurðu dregið af þessari vinnu?

„InDefence-hópurinn sýndi mjög ákveðið hvernig vel samsettur grasrótarhópur með skýrar vinnureglur getur haft áhrif á mál ef hann vinnur heiðarlega og einarðlega og ávinnur sér traust þeirra sem hann er að tala við. Lærdómur minn af þessu öllu er að við þurfum að tala við unga fólkið. Biðja það um að vanda sig og vera heiðarlegar manneskjur. Leggja hart af sér og flækja sig ekki í annarlega hagsmuni og óheiðarlegar fléttur. Lítil þjóð eins og Ísland á eftir að lenda í stormum í framtíðinni. Þá skiptir máli að eiga fólk sem hefur gott mannorð og hefur lifað vönduðu lífi, getur stigið fram og leitt vagninn. Að til sé fólk sem við getum treyst.“

Birtist fyrst í Reykjavík vikublaði.



07.jún. 2016 - 18:30 Reykjavík vikublað

Nýir háskólagarðar HR

Háskólinn í Reykjavík.
Brátt hefjast framkvæmdir við Háskólagarða við rætur Öskjuhlíðar, nærri Háskólanum í Reykjavík. Þar áformar skólinn að reisa 350 nýjar íbúðir og einstaklingsherbergi, auk leikskóla og þjónustusvæðis.

07.jún. 2016 - 15:00 Reykjavík vikublað

Átta brúðhjón sama daginn

Þórhallur Heimisson, sóknarprestur í Breiðholtskirkju.
Séra Þórhallur Heimisson, sóknarprestur í Breiðholtskirkju, bauð sl. laugardag upp á svokallaðan „drop-in“ skírnadag, en þar voru börn skírð án endurgjalds og alls voru sjö börn skírð þennan daginn. Ellefta júní nk. verður síðan boðið upp á „drop-in“ hjónavígslu þar sem pör geta tekið vígslu með litlum fyrirvara sér að kostnaðarlausu. 

06.jún. 2016 - 20:00 Reykjavík vikublað

Anton: „Ég fór á alla heimaleiki Íslands í undankeppni EM og hrópaði: Áfram Ísland!“

Anton Vsevolodovich Vasiliev, sendiherra Rússa hér á landi, er heillandi maður með glæsilega feriskrá. 
04.jún. 2016 - 08:15 Reykjavík vikublað

Davíð Oddsson: Horfum heim

Davíð Oddsson, forsetaframbjóðandi.
Varla hefur farið fram hjá neinum að einn kunnasti Íslendingur okkar samtíðar, Davíð Oddsson, er í kjöri til embættis forseta. Davíð á að baki langan feril sem borgarstjóri, forsætisráðherra, utanríkisráðherra, seðlabankastjóri og ritstjóri Morgunblaðsins. Ég hitti Davíð á dögunum og spurði hann fyrst af öllu hvers vegna hann hefði veitt svo fá viðtöl hin síðari ár.

26.maí 2016 - 15:00 Reykjavík vikublað

Vorverkin, akstur og mengun

Höfundur er Ólafur Kr. Guðmundsson, alþjóðlegur dómari í akstursíþróttum.
Vorið er komið og farið að örla á sumri. Gróðurinn að taka við sér. Þessu fylgja vorverkin. Raka saman laufi, leifum af flugeldum og klippa runna og tré. Allt endar síðan af hrúgum af úrgangi sem þarf að koma til Sorpu.

25.maí 2016 - 19:30 Reykjavík vikublað

Uppskrift vikunnar: Lönguflök að austurlenskum hætti

Úlfar Eysteinsson, matreiðslumeistari. Að þessu sinnu gefur Úlfar Eysteinsson matreiðslumeistari okkur uppskrift að löngu: „Þessi réttur var þróaður hér á Þremur Frökkum og er ávallt vinsæll. Kryddið, sem við notum í réttinn, er frá Miðjarðarhafinu og austar en rétturinn er þeim kostum gæddur að vera fremur hitaeiningasnauður.
25.maí 2016 - 14:00 Reykjavík vikublað

Húsin í bænum: Dugguvogur 2

Húsið í dag.
Lóðinni við Dugguvog nr. 2 var úthlutað til flutningafyrirtækis Gunnars Guðmundssonar (1924–2004) árið 1971 og þar reisti hann iðnaðar- og skrifstofuhús undir starfsemi flutningafyrirtækisins sem bar nafn hans. Uppdrætti að Dugguvogi 2 gerði Karl-Erik Rocksén arkítekt. Guðmundur var ekki alls kostar sáttur með útlit hússins og ræddi málið við kunningjakonu sína, Gerði Helgadóttur myndhöggvara (1928–1975). Úr varð að Gerður kom með tillögu að lágmyndum á útveggi hússins til að fegra það. Innblásturinn sótti hún í form bílavarahluta og undirvagna bíla. 
25.maí 2016 - 11:15 Reykjavík vikublað

Falleg minningar- og sigurhátíð í Fossvogskirkjugarði

Það var fallegur og sólríkur dagur sem rann upp í Reykjavík 9. maí sl. Þann dag halda Rússar hátíðlegan ár hvert til að minnast þeirra mörgu sem féllu í baráttunni við nasisman í seinni heimsstyrjöldinni, en 71 ár er liðið frá lokum hildarleiksins, sem Rússar kalla föðurlandsstríðið mikla. 

24.maí 2016 - 10:00 Hafnarfjörður / Garðabær

Fyrsta hverfið á Íslandi til að fá vistvottun

Gunnar Einarsson bæjarstjóri með vistvottunarskjal Urriðaholts ásamt Cary Buchanan, fulltrúa BREEAM Communities. Urriðaholt í Garðabæ er fyrsta hverfið á Íslandi til að fá vistvottun frá alþjóðlegu samtökunum BREEAM Communities. Vottunin staðfestir að skipulag hverfisins taki mið af sjálfbærri þróun og hafi virðingu fyrir umhverfi og samfélagi að leiðarljósi. Þetta kemur fram á vef Garðabæjar.
23.maí 2016 - 17:00 Reykjavík vikublað

Borgarfulltrúi: Óvissuástand á leikskólum borgarinnar

Ráðhús Reykjavíkur. Fjölmargir foreldrar ungbarna og barna á leikskólaaldri hafa að undanförnu upplifað mikla óvissu um í hvað stefnir varðandi örugga dagvistun barna þeirra.
02.maí 2016 - 17:00 Reykjavík vikublað

Landspítali er og verður við Hringbraut

Stofnfundur Spítalans okkar. Þorkell Sigurlaugsson hefur langa reynslu af fjárfestingastarfsemi og skipulagsmálum. Að loknu námi í viðskiptafræði við Háskóla Íslands (HÍ) starfaði hann lengst af sem framkvæmdastjóri hjá Eimskip og síðan hjá Burðarási, sem var fjárfestingafélag Eimskipafélagsins. Þorkell hefur komið að frumkvöðlastarfi en líka annars konar verkefnum sem stjórnarformaður Framtakssjóðs Íslands.
17.apr. 2016 - 19:00

Litið inn til myndlistarmanns: Sigursveinn H. Jóhannesson tekinn tali

Sigursveinn H. Jóhannesson myndlistarmaður úti í garð við heimili sitt á Lambastaðabraut. Mynd/Sigtryggur Ari
„Ég fæddur uppi á lofti í félagsheimili Fríkirkjunnar í Hafnarfirði árið 1933. Foreldrar mínir voru þá nýflutt í bæinn og þekktu fólkið sem átti húsið. Þá var búið alls staðar. Svo fluttum við í Gunnarssund og þaðan á Selvogsgötu, síðan á Hamarsbraut og svo á Strandgötu 50.“

17.apr. 2016 - 18:00 Reykjavík vikublað

Húsin í bænum: Laugavegur 118

Svona lítur hornhúsið út eftir að tveimur hæðum hafði verið bætt við á áttunda áratugnum.
Í ágústmánuði 1931 fékk Egill Vilhjálmsson leyfi til að byggja hús undir verslun og bifreiðavinnustofu á horni Laugavegar og Rauðarárstígs. Fyrirtæki sitt hafði hann stofnað árið 1929, en hann hafði fyrstur Íslendinga lært bifreiðaviðgerðir í Bandaríkjunum árið 1917.
16.apr. 2016 - 19:00 Reykjavík vikublað

Ragnar Arnalds: Orðinn rammpólitískur innan við fermingu

Ragnar Arnalds. Mynd/Sigtryggur Ari
Ragnar Arnalds er óþarft að kynna. Hann er fæddur í Reykjavík 1938 og nam lögfræði við Háskóla Íslands. Ragnar var þingmaður Alþýðubandalagsins 1963–1999, formaður flokksins um skeið og ráðherra sömuleiðis. Mér lék forvitni á að fræðast meira um þennan reynda stjórnmálamann og settumst við yfir kaffibolla á dögunum. Ég spurði Ragnar í byrjun um uppruna hans:

08.apr. 2016 - 18:00 Reykjavík vikublað

„Okkur rennur blóðið til skyldunnar“

Guðlaugur Gauti Jónsson arkítekt og Ása Steinunn Atladóttir hjúkrunarfræðingur. Mynd: Sigtryggur Ari. Guðlaugur Gauti Jónsson og Ása Steinunn Atladóttir kynntust nýlega í Samtökum um betri spítala á betri stað. Þau eiga það sameiginlegt að þekkja vel til málsins frá ólíkum sjónarhornum og segja að allt beri að sama brunni: Áframhaldandi uppbygging nýs Landspítala á svæði sem afmarkast frá Hringbraut í suðri og Eiríksgötu í norðri geti aldrei endað nema sem skipulagslegt stórslys. Þau eru eldhugar en eiga engra annarra hagsmuna að gæta en innilega ósk um velferð spítalans og þess fólks sem hann á að þjóna.
30.mar. 2016 - 20:00

Sigurði Sigurðssyni, 66 ára atvinnubílstjóra, er nóg boðið 

Sigurður Sigurðsson hefur verið atvinnubílstjóri í 41 ár. Mynd: Sigurlaug Sigurðardóttir

Sigurður Sigurðsson atvinnubílstjóri kom að máli við tíðindamann Reykjavíkur vikublaðs og sagði farir sínar ekki sléttar vegna ástands gatna í Reykjavík, sem að hans sögn hefur aldrei verið verra en í tíð núverandi meirihluta borgarstjórnar. Gefum Sigurði orðið: „Ég er fæddur fyrir 66 árum í Reykjavík og hef borgað mitt útsvar hér alla tíð án þess að mögla við yfirvöld „en svo má brýna deigt járn að bíti“. Ég hef verið atvinnubílstjóri í 41 ár, leiðsögumaður í 14 ár og hjólreiðamaður enn lengur. Þannig þekki ég göturnar í borginni og nágranasveitarfélögunum yfir langt tímabil. Núverandi ástandi verður best lýst með einu orði; eyðileggingu.“


21.feb. 2016 - 19:30

Segir leigulóðir vélabrögð: Vill að borgin afsali sér leigulóðum til húseigenda

Fasteign er í lögum skilgreind sem afmarkaður hluti yfirborðs jarðar ásamt þeim mannvirkjum sem fest eru við jarðarhlutann. Í hugtakinu fasteign er því fólgið annað en bara hús eða óhreyfanlegt mannvirki. Þrátt fyrir þetta hefur Reykjavíkurborg og flest önnur sveitarfélög fylgt þeirri stefnu um árabil að lóðir undir húsum borgaranna séu í eigu sveitarfélagsins en ekki húseigendanna.
21.feb. 2016 - 13:00

„Forsenda skatts getur ekki byggst á viðskiptum sem aðrir stunda!“ - Rætt við nokkra húseigendur um hækkun fasteignagjalda

Borgarbúar hafa nú nýverið fengið senda álagningarseðla vegna fasteignagjalda, en mörgum ofbjóða miklar hækkanir, sér í lagi eigendum verslunarhúsnæðis í miðbænum. Fasteignaskattur reiknast af fasteignamati húss og lóðar. Álagningarprósentan á atvinnuhúsnæði er 1,65%. Ég hitti fyrir nokkra eigendur atvinnuhúsnæðis í miðbænum af þessu tilefni. Við rýndum í álagningarseðlana og skoðuðum þá breytingu sem orðið hefur á gjöldunum milli ára.
20.feb. 2016 - 19:00

Fjármögnun mosku í Sogamýri

Fyrirhugaða mosku í Sogamýri bar á góma á fundi borgarráðs 28. janúar sl. Forsaga málsins er sú að í mars í fyrra bárust af því fregnir að Sádi-Arabar hygðust leggja rúma eina milljón Bandaríkjadala eða 135 milljónir króna til byggingar mosku í Reykjavík. Við það tækifæri var haft eftir Degi B. Eggertssyni borgarstjóra að umrætt fjárframlag þarfnaðist skýringa, m.a. hvort framlagið hefði verið þegið og hvort því fylgdu einhver skilyrði. Sagði borgarstjóri að borgaryfirvöld myndu afla upplýsinga um fjármögnun erlendra aðila varðandi umrædda byggingu.
20.feb. 2016 - 13:30

Rúnturinn í Reykjavík: Viltu ferðast aftur í tímann? - MYNDASYRPA

Öll þekkjum við rúntinn, en hann er í nútímanum gjarnan kenndur við tilteknar ökuleiðir um miðbæinn. Rúnturinn á sér langa og merkilega sögu, en lengst af var um gönguleiðir að ræða. Indriði Einarsson lýsti rúntinum svo um 1865: „Við göngum niður Aðalstræti austur Fortogið [Austurstræti], suður með Austurvelli að austan, vestur Kirkjubrú [Kirkjustræti] inn í Aðalstræti aftur, og höfum þá gengið litla runt ... En við gjörum betur en þetta og göngum stóra runt. Þá göngum við Aðalstræti, Austurgötu [Austurstræti] alveg að læknum, þar förum við suður „Heilagsandastræti“ [Lækjargötu], vestur Kirkjubrúna, og inn Aðalstræti aftur.“
20.feb. 2016 - 13:00

Arnar Darri til liðs við Þrótt

Þróttur Reykjavík heldur áfram að styrkja leikmannahóp sinn fyrir komandi átök í efstu deild karla í knattspyrnu. Að þessu sinni hefur Arnar Darri Pétursson markvörður gengið til liðs við félagið, en hann kemur frá Stjörnunni.
12.jan. 2016 - 11:10 Björn Jón Bragason

Ólafur: Bíllinn er ekkert til að skammast sín fyrir

Ólafur Kr. Guðmundsson er af mörgum kunnur fyrir störf sín að umferðaröryggismálum og hann hefur reglulega skrifað um þau mál hér í blaðið.  Hann er borinn og barnfæddur Reykvíkingur, kvæntur Sigrúnu Konráðsdóttur og saman eiga þau þrjú uppkominn börn og fjögur barnabörn. Hann hefur nú í meira en áratug unnið að öryggisúttektum á íslenskum vegum, en einnig er hann eini Íslendingurinn sem starfar sem alþjóðlegur dómari í akstursíþróttum hjá Alþjóða bílasambandinu (FIA). Þar dæmir hann í ýmsum greinum, þar á meðal Formúlu 1.  Hann hefur um árabil setið í stjórn Félags íslenskra bifreiðaeigenda (FÍB) og verið varaformaður undanfarin ár og tæknistjóri EuroRAP, sem er verkefni sem miðar að öryggisúttektum á vegum. Mér lék forvitni á að vita hvar áhugi Ólafs á sprengihreyflinum og bílum hefði byrjað.
24.des. 2015 - 16:20 Björn Jón Bragason

„Staðarákvörðun ókunn, allir á lífi“ Í haust eru liðin 65 ár frá Geysisslysinu – Björgunarvél festist á Vatnajökli

Geysir, milllandavél Loftleiða, átti að lenda á Reykjavíkurflugvelli tíu mínútum eftir miðnætti föstudaginn 15. september 1950, en vélin hafði haldið frá Lúxemborg klukkan 16:30 að íslenskum tíma. Engir farþegar voru um borð, aðeins sex manna áhöfn. Eðlilegt loftskeyta- og talsamband var við vélina frá Reykjavíkurflugvelli er hún var í nánd við Færeyjar. Þá var klukkan 21:30. Tæpri hálfri klukkustund síðar náðist aftur samband við vélina og taldi flugstjórinn hana nærri landi. Flugvélin yrði á undan áætlun og myndi lenda í Reykjavík klukkan 23:30.
06.des. 2015 - 21:00 Björn Jón Bragason

Lögreglustöðin grýtt og bílum hvolft

Mörgum finnst nóg um sprengingar, ærsl og læti á gamlárskvöld nú til dags. Þau ólæti eru þó ekkert í líkingu við það sem tíðkaðist í höfuðstaðnum á fyrri hluta síðustu aldar. Snemma varð það siður í Reykjavík eftir klukkan 21:00 á gamlárskvöld að fólk safnaðist saman í götum bæjarins til að kasta skoteldum, kínverjum og púðursprengjum. Árið 1924 keyrðu sprengingar í Austurstræti svo fram úr hófi að stórar rúður í búðargluggum sprungu.
18.nóv. 2015 - 13:44 Björn Jón Bragason

Er Grænland íslensk nýlenda?

Líklega þykir flestum spurningin í titli þessa pistils fjarstæðukennd. Á fyrri hluta síðustu aldar kom þetta álitaefni þó reglulega til umræðu hérlendis og samþykktar voru margar tillögur á Alþingi um að kannað yrði þjóðréttarlegt tilkall Íslendinga til Grænlands. Mikil skrif urðu um málið, en enginn af fjallaði þó um það af jafnmiklum lærdóm og dr. juris Jón Dúason.
20.sep. 2015 - 13:32 Björn Jón Bragason

Pólitískir óvitar

Vinstrimeirihluti Dags B. Eggertssonar í borgarstjórn samþykkti á dögunum – að óathuguðu máli – að sniðganga vörur frá Ísrael, svo sem frægt er orðið að endemum. En borgarstjórinn var gerður afturreka með viðskiptabannið þegar ljóst var að hann hafði stórskaðað íslenska hagsmuni. Ætla má að grundvöllur ákvörðunarinnar hafi verið ólögmætur, því „kveðjugjöf“ til borgarfulltrúa Samfylkingar mun seint teljast málefnaleg sjónarmið. Sjálfur hefur borgarstjórinn þegið boðsferðir til Kínverska alþýðulýðveldisins sem á heimsmet í mannréttindabrotum, en ekki hefur hann þó ljáð máls á að borgin leggi viðskiptabann á Kína.
05.sep. 2015 - 13:28 Björn Jón Bragason

Borgarstjóri þolir ekki dagsljósið

Fáir stjórnmálamenn þrá athygli fjölmiðla jafnheitt og Dagur B. Eggertsson, borgarstjóri Samfylkingarinnar. Til marks um það eru 14 manns á launum hjá borgarbúum við að sinna kynningarmálum fyrir borgarstjórann í sérstakri áróðursmáladeild. Þetta gekk meira að segja svo langt í sumar að myndir birtust af borgarstjóranum á strætisvagnaskýlum borgarinnar, þó svo að enn séu þrjú ár til kosninga.
03.júl. 2015 - 09:00 Björn Jón Bragason

Þingmennskan á aldrei að vera fullt starf

Fyrir tæpri hálfri öld deildu þeir um það Bjarni Benediktsson og Eysteinn Jónsson hvort þingmennskan ætti að vera fullt starf eða einungis hlutastarf. Bjarni taldi að þingmennskan ætti aldrei að verða fullt starf; það væri nauðsynlegt fyrir þingmenn að gegna samhliða öðrum störfum úti í þjóðlífinu. Að mati Bjarna mætti ekki rjúfa lífræn tengsl þingsins við atvinnulífið í landinu með því að gera alla þingmenn að atvinnustjórnmálamönnum. Þvert á móti bæri að ýta undir að til þingstarfa veldust menn sem áunnið hefðu sér traust, hver á sínu sviði þjóðlífsins. 
24.jún. 2015 - 18:51 Björn Jón Bragason

Er versluninni að blæða út?

Á umliðnum árum og áratugum hefur sérvöruverslun í miðbæ Reykjavíkur hnignað mjög og fyrir því eru ýmsar ástæður.

Akureyri vikublað
Akureyri vikublað - 14.2.2017
Algjör gaur
Hannes Hólmsteinn Gissurarson
Hannes Hólmsteinn Gissurarson - 18.2.2017
Hvar eru gögnin um spillinguna?
Akureyri vikublað
Akureyri vikublað - 12.2.2017
Brýnt að fjölga leikskólakennurum
Aðsend grein
Aðsend grein - 12.2.2017
Örlagarík sjóferð
Indíana Ása Hreinsdóttir
Indíana Ása Hreinsdóttir - 13.2.2017
Um hvítvín og umhverfissubbur
Hannes Hólmsteinn Gissurarson
Hannes Hólmsteinn Gissurarson - 19.2.2017
Hugleiðingar á 64 ára afmælinu
Indíana Ása Hreinsdóttir
Indíana Ása Hreinsdóttir - 17.2.2017
Taktu afstöðu og dansaðu
Vesturland
Vesturland - 17.2.2017
Verkfall sjómanna – til umhugsunar
Akureyri vikublað
Akureyri vikublað - 17.2.2017
Hin dásamlegu mistök
Aðsend grein
Aðsend grein - 19.2.2017
Kúldrast í kotbýlum
Aðsend grein
Aðsend grein - 18.2.2017
Einelti er samfélagsmein
Björgvin G. Sigurðsson
Björgvin G. Sigurðsson - 18.2.2017
Trump og tónarnir frá þriðja ríkinu
Magnús Þór Hafsteinsson
Magnús Þór Hafsteinsson - 19.2.2017
Verkfallið
Ingrid Kuhlman
Ingrid Kuhlman - 20.2.2017
Orð hafa mátt – vöndum valið
Fleiri pressupennar