06. des. 2015 - 21:00Björn Jón Bragason

Lögreglustöðin grýtt og bílum hvolft

Pressan/Gunnar

Gamlárskvöld á árum áður

Mörgum finnst nóg um sprengingar, ærsl og læti á gamlárskvöld nú til dags. Þau ólæti eru þó ekkert í líkingu við það sem tíðkaðist í höfuðstaðnum á fyrri hluta síðustu aldar. Snemma varð það siður í Reykjavík eftir klukkan 21:00 á gamlárskvöld að fólk safnaðist saman í götum bæjarins til að kasta skoteldum, kínverjum og púðursprengjum. Árið 1924 keyrðu sprengingar í Austurstræti svo fram úr hófi að stórar rúður í búðargluggum sprungu. Sama kvöld kviknaði í húsi við Bankastræti er sprengju var kastað þar inn um glugga og þá missti maður sjón á öðru auga og er sprengju var fleygt að honum. Á gamlárskvöld 1925 hófst sá ljóti ósiður að hvolfa bifreiðum, en það kvöld voru fjórar aldraðar konur í bifreið á Bókhlöðustíg á leið til aftansöngs í Dómkirkjunni er „óspektarmönnum“ tókst að stöðva bifreiðina og velta henni út á hlið. Hugðust þeir þvínæst velta henni niður brekkuna. Lögreglu tókst að afstýra þessu með því að „berja óspektarmennina með kylfum“ eins og segir í frásögn Erlings Pálssonar af þessum atburði í Vísi.

Óspektir voru með svipuðu sniði næstu árin, en á gamlárskvöld 1935 var óvenju mikið ölæði í bænum. Unglingar reyndu víða að kveikja bál úr kassarusli, en einnig var gerð tilraun til að bera eld að jólatré Hjálpræðishersins á Austurvelli. Fór svo að lögregla fjarlægði tréð. Unglingspiltar brugðu þá á það ráð að sækja grjót niður í fjöru og hófu að grýta lögreglustöðina. Brotnuðu alls sex rúður í húsinu.

Árið eftir varð íkveikjuæði í bænum á gamlárskvöld og víða lá við stórtjóni. Þá var veist að lögreglumanni með eggvopni og hann sviptur klæðum. Aðsúgur var gerður að fleiri lögreglumönnum og reynt að kveikja í búningum þeirra.

 

Bareflum beitt og grjóti kastað

Árið 1943 var lögreglu nóg boðið og efndi hinn 28 ára gamli lögreglustjóri, Agnar Kofoed-Hansen, til blaðamannafundar fyrir gamlársdag þar sem birt var skýrsla Erlings Pálssonar yfirlögregluþjóns um skrílslæti á gamlárskvöldum fyrri ára. Agnar nefndi á fundinum að venjulega færu óspektirnar fram með þeim hætti að óróaseggir söfnuðust saman á götuhornum og hæfu „óp og ergilæti“. Fólk safnaðist þá saman og héldi að eitthvað væri um að vera. „Síðan teymdu strákapésarnir allan múginn á eftir sér,“ eins og það var orðað. Foreldrum var ráðlagt að halda börnum sínum innandyra „ef hægt væri“ og fullorðið fólk sem vildi forðast ryskingar var hvatt til að vera ekki á ferli í miðbænum.

Í skýrslu yfirlögregluþjóns voru ýmsir atburðir fyrri gamlárskvölda rifjaðir upp. Búðargluggar höfðu verið brotnir, kveikt í klæðum stúlku, bifreiðum með farþegum velt og brotnar í þeim rúður. Eitt sinn var bifreið borin úr Veltusundi niður á hafnarbakka og átti að kasta henni í sjóinn með bílstjóranum, en lögreglu tókst að afstýra því. Þá hafði lögregla lent í bardögum við flokka óspektarmanna, sem beitt höfðu bareflum og grjóti og hér er aðeins fátt eitt nefnt úr upptalningu yfirlögregluþjónsins.

 

Látlaus ófriður alla nóttina

Meiri róstur urðu á gamlárskvöld 1946, en árin á undan. En frá klukkan 20:00 að kvöldi gamlársdags og fram til klukkan 3:30 á nýársmorgun átti lögregla í látlausum ófriði við „götulýðinn“ eins og það var orðað í fréttum.

Ólætin hófust snemma kvölds með því að mannfjöldi safnaðist saman í Austurstræti og Pósthússtræti. Urðu þar sprengingar og „alls konar ólæti“. Víða var kveikt í rusli og öðru sem logað gat og við hús Fiskifélagsins við Ingólfsstræti (nú Hótel Arnarhvoll) var kveikt mikið bál. Atlögur voru gerðar að jólatrénu á Austurvelli og víðar reynt að kveikja elda.

Hús Búnaðarbankans í Austurstræti var þá í byggingu og vinnupallar utan á húsinu. Nokkrir drengir klifruðu upp pallana og þrír lögreglumenn á eftir. Einum drengjanna tókst að komast alla leið upp á þak, en var þar handsamaður af lögreglu, sem batt hann í kaðal og lét renna honum þannig niður með hlið hússins. Er hann var kominn til móts við neðsta vinnupallinn skar einhver á kaðalinn og reyndi drengurinn að forða sér, en lögregla náði honum brátt. Mannfjöldinn æstist við þetta og réðst á lögreglumennina sem höfðu handsamað drenginn. Beitti lögregla kylfum á mannfjöldann og tókst að flytja drenginn á lögreglustöðina.

Svæði fyrir framan lögreglustöðina hafði verið afmarkað með kaðli, en um miðnætti var skorið á kaðalinn og í kjölfarið ráðist með grjótkasti á stöðina og brotnuðu alls átta rúður í húsinu. Einnig var kraftmiklum sprengjum fleygt að stöðinni. Víða var rusli kastað í bíla þessa nótt og gerð tilraun til að hvolfa nokkrum. Sömuleiðis var reynt að kveikja í bílum með því að setja sprengjur við bensíngeyminn. Lögreglu tókst þó að afstýra þessu. Þegar klukkan var farin að ganga fjögur um nóttina urðu mikil átök fyrir aftan verslunina Vísi á Laugavegi, en þar hafði verið kveikt heilmikið bál. Margir menn komu á lögreglustöðina og lögðu fram kærur vegna áverka af völdum lögreglu þessa nótt, en í nokkur skipti var kylfum beitt. Kjallari lögreglustöðvarinnar var eins og gefur að skilja yfirfullur þessa nótt „af drukknum óróaseggjum“.

 

„Skemmdarfísn og skrílsæði“

Ekki tók betra við að ári og þóttu orðin „skemmdarfísn og skrílsæði“, lýsa vel gamlárskvöldi 1947. Er talið að það kvöld hafi um eitt þúsund manns verið á ferli í miðbænum. Það kvöld var sprengjum varpað á Hótel Borg og margar rúður sprungu í veitingasalnum. Bílum var hvolft að vanda og tilraunir gerðar til að stöðva umferð með því að bera rusl og tunnur út á götur. Sagt var að hópar manna hafi farið um með „öskrum og óhljóðum“ og jafnvel reynt að trufla guðþjónustu í Dómkirkjunni, auk þess sem rúða sprakk í kirkjunni er kínverja var kastað að henni. Þá var flugeldum skotið að mannfjölda og reynt að kveikja í skúr við olíuport Shell þar sem geymt var sprengiefni. Mikil mildi var að það tókst ekki.

Þrír lögreglumenn slösuðust þetta kvöld, þar af var einn laminn í höfuðið með barefli og annar lenti í þvögu og var „keyrður undir af mannfjöldanum“ eins og það var orðað. Lögreglan sprautaði vatni til að dreifa fólki og þótti það gefast vel. Sigurjón Sigurðsson lögreglustjóri sagði við blaðamenn af þessu tilefni að lögregla hefði þrátt fyrir mikil skrílslæti haft yfirhöndina og hygðist hann gera tillögur sem myndu miða að því að koma í veg fyrir ámóta ærsl á gamlárskvöld framvegis.

 

Ró færist yfir

Segja má að Sigurjóni lögreglustjóra hafi tekist að ná tökum á ástandinu og árið eftir var gamlárskvöld í Reykjavík „með kyrrara móti“ samkvæmt fréttum Vísis, en „aðeins“ voru um 30 til 40 handteknir. Helst bar til tíðinda að stór sprengja var sprengd í ljósstaur við Alþingishúsið um klukkan 22:00, en líklega var þar um dýnamítsprengju að ræða. Brot úr staurnum þeyttust í allar áttir og brotnuðu rúður í Alþingishúsinu. Fólksbifreið átti leið hjá á sama andartaki og komu í hana fjögur göt og hlutu tveir farþegar hennar áverka.

Fyrir gamlárkvöld þetta ár hafði lögreglustjóri bannað framleiðslu og sölu sprengiefna til að sporna við óspektum. Í staðinn reyndu menn víða að kveikja í rusli og öðru efni hér og þar í húsagörðum í miðbænum. Lögreglu tókst að mestu af afstýra slíkum brennum þetta kvöld og kom einnig í veg fyrir að bílum væri velt, eins og svo mjög hafði verið í tísku árin á undan.

Þegar komið var fram á sjötta áratuginn varð enn rólegra á gamlárskvöld. Þess er getið í fréttum Vísis í ársbyrjun 1955 að gamlárskvöld hafi verið „mjög rólegt að þessu sinni og ölvun lítil á almannafæri“. Á næstu árum var ekki mikið um óspektir á gamlárskvöld og 1966 var þess getið í blaðagrein að nú væri liðin tíð „að börn og unglingar höfuðborgarinnar hópuðust saman í miðborginni og skemmtu sér við að skemma eignir borgaranna og gera aðsúg að lögreglunni“. Síðan þá hefur þjóðin líka setið við sjónvarpstækin á gamlárskvöld, haldið á skipulegar brennur og sprengt flugelda við heimili sín. Ólæti gamlárskvölda seinni ára eru ekkert í líkingu við það sem áður þekktist. Sem betur fer.




07.jún. 2016 - 18:30 Reykjavík vikublað

Nýir háskólagarðar HR

Háskólinn í Reykjavík.
Brátt hefjast framkvæmdir við Háskólagarða við rætur Öskjuhlíðar, nærri Háskólanum í Reykjavík. Þar áformar skólinn að reisa 350 nýjar íbúðir og einstaklingsherbergi, auk leikskóla og þjónustusvæðis.

07.jún. 2016 - 15:00 Reykjavík vikublað

Átta brúðhjón sama daginn

Þórhallur Heimisson, sóknarprestur í Breiðholtskirkju.
Séra Þórhallur Heimisson, sóknarprestur í Breiðholtskirkju, bauð sl. laugardag upp á svokallaðan „drop-in“ skírnadag, en þar voru börn skírð án endurgjalds og alls voru sjö börn skírð þennan daginn. Ellefta júní nk. verður síðan boðið upp á „drop-in“ hjónavígslu þar sem pör geta tekið vígslu með litlum fyrirvara sér að kostnaðarlausu. 

06.jún. 2016 - 20:00 Reykjavík vikublað

Anton: „Ég fór á alla heimaleiki Íslands í undankeppni EM og hrópaði: Áfram Ísland!“

Anton Vsevolodovich Vasiliev, sendiherra Rússa hér á landi, er heillandi maður með glæsilega feriskrá. 
04.jún. 2016 - 08:15 Reykjavík vikublað

Davíð Oddsson: Horfum heim

Davíð Oddsson, forsetaframbjóðandi.
Varla hefur farið fram hjá neinum að einn kunnasti Íslendingur okkar samtíðar, Davíð Oddsson, er í kjöri til embættis forseta. Davíð á að baki langan feril sem borgarstjóri, forsætisráðherra, utanríkisráðherra, seðlabankastjóri og ritstjóri Morgunblaðsins. Ég hitti Davíð á dögunum og spurði hann fyrst af öllu hvers vegna hann hefði veitt svo fá viðtöl hin síðari ár.

26.maí 2016 - 15:00 Reykjavík vikublað

Vorverkin, akstur og mengun

Höfundur er Ólafur Kr. Guðmundsson, alþjóðlegur dómari í akstursíþróttum.
Vorið er komið og farið að örla á sumri. Gróðurinn að taka við sér. Þessu fylgja vorverkin. Raka saman laufi, leifum af flugeldum og klippa runna og tré. Allt endar síðan af hrúgum af úrgangi sem þarf að koma til Sorpu.

25.maí 2016 - 19:30 Reykjavík vikublað

Uppskrift vikunnar: Lönguflök að austurlenskum hætti

Úlfar Eysteinsson, matreiðslumeistari. Að þessu sinnu gefur Úlfar Eysteinsson matreiðslumeistari okkur uppskrift að löngu: „Þessi réttur var þróaður hér á Þremur Frökkum og er ávallt vinsæll. Kryddið, sem við notum í réttinn, er frá Miðjarðarhafinu og austar en rétturinn er þeim kostum gæddur að vera fremur hitaeiningasnauður.
25.maí 2016 - 14:00 Reykjavík vikublað

Húsin í bænum: Dugguvogur 2

Húsið í dag.
Lóðinni við Dugguvog nr. 2 var úthlutað til flutningafyrirtækis Gunnars Guðmundssonar (1924–2004) árið 1971 og þar reisti hann iðnaðar- og skrifstofuhús undir starfsemi flutningafyrirtækisins sem bar nafn hans. Uppdrætti að Dugguvogi 2 gerði Karl-Erik Rocksén arkítekt. Guðmundur var ekki alls kostar sáttur með útlit hússins og ræddi málið við kunningjakonu sína, Gerði Helgadóttur myndhöggvara (1928–1975). Úr varð að Gerður kom með tillögu að lágmyndum á útveggi hússins til að fegra það. Innblásturinn sótti hún í form bílavarahluta og undirvagna bíla. 
25.maí 2016 - 11:15 Reykjavík vikublað

Falleg minningar- og sigurhátíð í Fossvogskirkjugarði

Það var fallegur og sólríkur dagur sem rann upp í Reykjavík 9. maí sl. Þann dag halda Rússar hátíðlegan ár hvert til að minnast þeirra mörgu sem féllu í baráttunni við nasisman í seinni heimsstyrjöldinni, en 71 ár er liðið frá lokum hildarleiksins, sem Rússar kalla föðurlandsstríðið mikla. 

24.maí 2016 - 10:00 Hafnarfjörður / Garðabær

Fyrsta hverfið á Íslandi til að fá vistvottun

Gunnar Einarsson bæjarstjóri með vistvottunarskjal Urriðaholts ásamt Cary Buchanan, fulltrúa BREEAM Communities. Urriðaholt í Garðabæ er fyrsta hverfið á Íslandi til að fá vistvottun frá alþjóðlegu samtökunum BREEAM Communities. Vottunin staðfestir að skipulag hverfisins taki mið af sjálfbærri þróun og hafi virðingu fyrir umhverfi og samfélagi að leiðarljósi. Þetta kemur fram á vef Garðabæjar.
23.maí 2016 - 17:00 Reykjavík vikublað

Borgarfulltrúi: Óvissuástand á leikskólum borgarinnar

Ráðhús Reykjavíkur. Fjölmargir foreldrar ungbarna og barna á leikskólaaldri hafa að undanförnu upplifað mikla óvissu um í hvað stefnir varðandi örugga dagvistun barna þeirra.
02.maí 2016 - 17:00 Reykjavík vikublað

Landspítali er og verður við Hringbraut

Stofnfundur Spítalans okkar. Þorkell Sigurlaugsson hefur langa reynslu af fjárfestingastarfsemi og skipulagsmálum. Að loknu námi í viðskiptafræði við Háskóla Íslands (HÍ) starfaði hann lengst af sem framkvæmdastjóri hjá Eimskip og síðan hjá Burðarási, sem var fjárfestingafélag Eimskipafélagsins. Þorkell hefur komið að frumkvöðlastarfi en líka annars konar verkefnum sem stjórnarformaður Framtakssjóðs Íslands.
17.apr. 2016 - 19:00

Litið inn til myndlistarmanns: Sigursveinn H. Jóhannesson tekinn tali

Sigursveinn H. Jóhannesson myndlistarmaður úti í garð við heimili sitt á Lambastaðabraut. Mynd/Sigtryggur Ari
„Ég fæddur uppi á lofti í félagsheimili Fríkirkjunnar í Hafnarfirði árið 1933. Foreldrar mínir voru þá nýflutt í bæinn og þekktu fólkið sem átti húsið. Þá var búið alls staðar. Svo fluttum við í Gunnarssund og þaðan á Selvogsgötu, síðan á Hamarsbraut og svo á Strandgötu 50.“

17.apr. 2016 - 18:00 Reykjavík vikublað

Húsin í bænum: Laugavegur 118

Svona lítur hornhúsið út eftir að tveimur hæðum hafði verið bætt við á áttunda áratugnum.
Í ágústmánuði 1931 fékk Egill Vilhjálmsson leyfi til að byggja hús undir verslun og bifreiðavinnustofu á horni Laugavegar og Rauðarárstígs. Fyrirtæki sitt hafði hann stofnað árið 1929, en hann hafði fyrstur Íslendinga lært bifreiðaviðgerðir í Bandaríkjunum árið 1917.
16.apr. 2016 - 19:00 Reykjavík vikublað

Ragnar Arnalds: Orðinn rammpólitískur innan við fermingu

Ragnar Arnalds. Mynd/Sigtryggur Ari
Ragnar Arnalds er óþarft að kynna. Hann er fæddur í Reykjavík 1938 og nam lögfræði við Háskóla Íslands. Ragnar var þingmaður Alþýðubandalagsins 1963–1999, formaður flokksins um skeið og ráðherra sömuleiðis. Mér lék forvitni á að fræðast meira um þennan reynda stjórnmálamann og settumst við yfir kaffibolla á dögunum. Ég spurði Ragnar í byrjun um uppruna hans:

12.apr. 2016 - 13:00 Reykjavík vikublað

Ólafur Elíasson: Alveg magnaður symbólismi í verkum Bachs

Ólafur Elíasson. Mynd/Sigtryggur Ari
Ólafur Elíasson píanóleikari hefur nú vikulega í heilt ár leikið nokkrar prelódíur og fúgur Johanns Sebastians Bachs á flygilinn í Dómkirkjunni, en um að ræða hluta af hinu mikla verki Bachs Das wohltemperierte Klavier. Tónleikarnir fara fram á hverju þriðjudagskvöldi kl. 20:30 og aðgangur er ókeypis. Ég hlýddi á tónleika Ólafs á dögunum og mér lék forvitni á að fræðast um þetta fræga verk og líka um störf Ólafs í InDefence-hópnum. Við fengum okkur því kaffi saman og ég spurði hann fyrst af öllu að því hvenær tónlistaráhuginn hefði kviknað:

08.apr. 2016 - 18:00 Reykjavík vikublað

„Okkur rennur blóðið til skyldunnar“

Guðlaugur Gauti Jónsson arkítekt og Ása Steinunn Atladóttir hjúkrunarfræðingur. Mynd: Sigtryggur Ari. Guðlaugur Gauti Jónsson og Ása Steinunn Atladóttir kynntust nýlega í Samtökum um betri spítala á betri stað. Þau eiga það sameiginlegt að þekkja vel til málsins frá ólíkum sjónarhornum og segja að allt beri að sama brunni: Áframhaldandi uppbygging nýs Landspítala á svæði sem afmarkast frá Hringbraut í suðri og Eiríksgötu í norðri geti aldrei endað nema sem skipulagslegt stórslys. Þau eru eldhugar en eiga engra annarra hagsmuna að gæta en innilega ósk um velferð spítalans og þess fólks sem hann á að þjóna.
30.mar. 2016 - 20:00

Sigurði Sigurðssyni, 66 ára atvinnubílstjóra, er nóg boðið 

Sigurður Sigurðsson hefur verið atvinnubílstjóri í 41 ár. Mynd: Sigurlaug Sigurðardóttir

Sigurður Sigurðsson atvinnubílstjóri kom að máli við tíðindamann Reykjavíkur vikublaðs og sagði farir sínar ekki sléttar vegna ástands gatna í Reykjavík, sem að hans sögn hefur aldrei verið verra en í tíð núverandi meirihluta borgarstjórnar. Gefum Sigurði orðið: „Ég er fæddur fyrir 66 árum í Reykjavík og hef borgað mitt útsvar hér alla tíð án þess að mögla við yfirvöld „en svo má brýna deigt járn að bíti“. Ég hef verið atvinnubílstjóri í 41 ár, leiðsögumaður í 14 ár og hjólreiðamaður enn lengur. Þannig þekki ég göturnar í borginni og nágranasveitarfélögunum yfir langt tímabil. Núverandi ástandi verður best lýst með einu orði; eyðileggingu.“


21.feb. 2016 - 19:30

Segir leigulóðir vélabrögð: Vill að borgin afsali sér leigulóðum til húseigenda

Fasteign er í lögum skilgreind sem afmarkaður hluti yfirborðs jarðar ásamt þeim mannvirkjum sem fest eru við jarðarhlutann. Í hugtakinu fasteign er því fólgið annað en bara hús eða óhreyfanlegt mannvirki. Þrátt fyrir þetta hefur Reykjavíkurborg og flest önnur sveitarfélög fylgt þeirri stefnu um árabil að lóðir undir húsum borgaranna séu í eigu sveitarfélagsins en ekki húseigendanna.
21.feb. 2016 - 13:00

„Forsenda skatts getur ekki byggst á viðskiptum sem aðrir stunda!“ - Rætt við nokkra húseigendur um hækkun fasteignagjalda

Borgarbúar hafa nú nýverið fengið senda álagningarseðla vegna fasteignagjalda, en mörgum ofbjóða miklar hækkanir, sér í lagi eigendum verslunarhúsnæðis í miðbænum. Fasteignaskattur reiknast af fasteignamati húss og lóðar. Álagningarprósentan á atvinnuhúsnæði er 1,65%. Ég hitti fyrir nokkra eigendur atvinnuhúsnæðis í miðbænum af þessu tilefni. Við rýndum í álagningarseðlana og skoðuðum þá breytingu sem orðið hefur á gjöldunum milli ára.
20.feb. 2016 - 19:00

Fjármögnun mosku í Sogamýri

Fyrirhugaða mosku í Sogamýri bar á góma á fundi borgarráðs 28. janúar sl. Forsaga málsins er sú að í mars í fyrra bárust af því fregnir að Sádi-Arabar hygðust leggja rúma eina milljón Bandaríkjadala eða 135 milljónir króna til byggingar mosku í Reykjavík. Við það tækifæri var haft eftir Degi B. Eggertssyni borgarstjóra að umrætt fjárframlag þarfnaðist skýringa, m.a. hvort framlagið hefði verið þegið og hvort því fylgdu einhver skilyrði. Sagði borgarstjóri að borgaryfirvöld myndu afla upplýsinga um fjármögnun erlendra aðila varðandi umrædda byggingu.
20.feb. 2016 - 13:30

Rúnturinn í Reykjavík: Viltu ferðast aftur í tímann? - MYNDASYRPA

Öll þekkjum við rúntinn, en hann er í nútímanum gjarnan kenndur við tilteknar ökuleiðir um miðbæinn. Rúnturinn á sér langa og merkilega sögu, en lengst af var um gönguleiðir að ræða. Indriði Einarsson lýsti rúntinum svo um 1865: „Við göngum niður Aðalstræti austur Fortogið [Austurstræti], suður með Austurvelli að austan, vestur Kirkjubrú [Kirkjustræti] inn í Aðalstræti aftur, og höfum þá gengið litla runt ... En við gjörum betur en þetta og göngum stóra runt. Þá göngum við Aðalstræti, Austurgötu [Austurstræti] alveg að læknum, þar förum við suður „Heilagsandastræti“ [Lækjargötu], vestur Kirkjubrúna, og inn Aðalstræti aftur.“
20.feb. 2016 - 13:00

Arnar Darri til liðs við Þrótt

Þróttur Reykjavík heldur áfram að styrkja leikmannahóp sinn fyrir komandi átök í efstu deild karla í knattspyrnu. Að þessu sinni hefur Arnar Darri Pétursson markvörður gengið til liðs við félagið, en hann kemur frá Stjörnunni.
12.jan. 2016 - 11:10 Björn Jón Bragason

Ólafur: Bíllinn er ekkert til að skammast sín fyrir

Ólafur Kr. Guðmundsson er af mörgum kunnur fyrir störf sín að umferðaröryggismálum og hann hefur reglulega skrifað um þau mál hér í blaðið.  Hann er borinn og barnfæddur Reykvíkingur, kvæntur Sigrúnu Konráðsdóttur og saman eiga þau þrjú uppkominn börn og fjögur barnabörn. Hann hefur nú í meira en áratug unnið að öryggisúttektum á íslenskum vegum, en einnig er hann eini Íslendingurinn sem starfar sem alþjóðlegur dómari í akstursíþróttum hjá Alþjóða bílasambandinu (FIA). Þar dæmir hann í ýmsum greinum, þar á meðal Formúlu 1.  Hann hefur um árabil setið í stjórn Félags íslenskra bifreiðaeigenda (FÍB) og verið varaformaður undanfarin ár og tæknistjóri EuroRAP, sem er verkefni sem miðar að öryggisúttektum á vegum. Mér lék forvitni á að vita hvar áhugi Ólafs á sprengihreyflinum og bílum hefði byrjað.
24.des. 2015 - 16:20 Björn Jón Bragason

„Staðarákvörðun ókunn, allir á lífi“ Í haust eru liðin 65 ár frá Geysisslysinu – Björgunarvél festist á Vatnajökli

Geysir, milllandavél Loftleiða, átti að lenda á Reykjavíkurflugvelli tíu mínútum eftir miðnætti föstudaginn 15. september 1950, en vélin hafði haldið frá Lúxemborg klukkan 16:30 að íslenskum tíma. Engir farþegar voru um borð, aðeins sex manna áhöfn. Eðlilegt loftskeyta- og talsamband var við vélina frá Reykjavíkurflugvelli er hún var í nánd við Færeyjar. Þá var klukkan 21:30. Tæpri hálfri klukkustund síðar náðist aftur samband við vélina og taldi flugstjórinn hana nærri landi. Flugvélin yrði á undan áætlun og myndi lenda í Reykjavík klukkan 23:30.
18.nóv. 2015 - 13:44 Björn Jón Bragason

Er Grænland íslensk nýlenda?

Líklega þykir flestum spurningin í titli þessa pistils fjarstæðukennd. Á fyrri hluta síðustu aldar kom þetta álitaefni þó reglulega til umræðu hérlendis og samþykktar voru margar tillögur á Alþingi um að kannað yrði þjóðréttarlegt tilkall Íslendinga til Grænlands. Mikil skrif urðu um málið, en enginn af fjallaði þó um það af jafnmiklum lærdóm og dr. juris Jón Dúason.
20.sep. 2015 - 13:32 Björn Jón Bragason

Pólitískir óvitar

Vinstrimeirihluti Dags B. Eggertssonar í borgarstjórn samþykkti á dögunum – að óathuguðu máli – að sniðganga vörur frá Ísrael, svo sem frægt er orðið að endemum. En borgarstjórinn var gerður afturreka með viðskiptabannið þegar ljóst var að hann hafði stórskaðað íslenska hagsmuni. Ætla má að grundvöllur ákvörðunarinnar hafi verið ólögmætur, því „kveðjugjöf“ til borgarfulltrúa Samfylkingar mun seint teljast málefnaleg sjónarmið. Sjálfur hefur borgarstjórinn þegið boðsferðir til Kínverska alþýðulýðveldisins sem á heimsmet í mannréttindabrotum, en ekki hefur hann þó ljáð máls á að borgin leggi viðskiptabann á Kína.
05.sep. 2015 - 13:28 Björn Jón Bragason

Borgarstjóri þolir ekki dagsljósið

Fáir stjórnmálamenn þrá athygli fjölmiðla jafnheitt og Dagur B. Eggertsson, borgarstjóri Samfylkingarinnar. Til marks um það eru 14 manns á launum hjá borgarbúum við að sinna kynningarmálum fyrir borgarstjórann í sérstakri áróðursmáladeild. Þetta gekk meira að segja svo langt í sumar að myndir birtust af borgarstjóranum á strætisvagnaskýlum borgarinnar, þó svo að enn séu þrjú ár til kosninga.
03.júl. 2015 - 09:00 Björn Jón Bragason

Þingmennskan á aldrei að vera fullt starf

Fyrir tæpri hálfri öld deildu þeir um það Bjarni Benediktsson og Eysteinn Jónsson hvort þingmennskan ætti að vera fullt starf eða einungis hlutastarf. Bjarni taldi að þingmennskan ætti aldrei að verða fullt starf; það væri nauðsynlegt fyrir þingmenn að gegna samhliða öðrum störfum úti í þjóðlífinu. Að mati Bjarna mætti ekki rjúfa lífræn tengsl þingsins við atvinnulífið í landinu með því að gera alla þingmenn að atvinnustjórnmálamönnum. Þvert á móti bæri að ýta undir að til þingstarfa veldust menn sem áunnið hefðu sér traust, hver á sínu sviði þjóðlífsins. 
24.jún. 2015 - 18:51 Björn Jón Bragason

Er versluninni að blæða út?

Á umliðnum árum og áratugum hefur sérvöruverslun í miðbæ Reykjavíkur hnignað mjög og fyrir því eru ýmsar ástæður.

Vilhjálmur Birgisson
Vilhjálmur Birgisson - 14.6.2017
Þetta rugl sem er í kringum lífeyrissjóðina
Brynjar Nielsson
Brynjar Nielsson - 17.6.2017
Reiði og hefnd
Davíð Már Kristinsson
Davíð Már Kristinsson - 17.6.2017
Úrslitaleikur á móti Úkraínu
Sigurður G. Guðjónsson
Sigurður G. Guðjónsson - 18.6.2017
Glórulaus hugmynd hjá forsetanum
Hannes Hólmsteinn Gissurarson
Hannes Hólmsteinn Gissurarson - 17.6.2017
Kammerherrann fær fyrir kampavíni
Þórhallur Heimisson
Þórhallur Heimisson - 17.6.2017
Independence day - free from Icelandic
Brynjar Nielsson
Brynjar Nielsson - 20.6.2017
Blaðabarnið gleymir
Hannes Hólmsteinn Gissurarson
Hannes Hólmsteinn Gissurarson - 24.6.2017
Auðjöfur af íslenskum ættum
Fleiri pressupennar