22. okt. 2017 - 15:00Vestfirðir

Vestfirskir listamenn 2

Jakobína Sigurðardóttir F. 8. júlí 1918 Hælavík Hornströndum. D. 29. janúar 1994 Akureyri. Öndvegisverk: Dægurvísa, 1965, Snaran, 1968, Lifandi vatnið, 1974

Jakobína Sigurðardóttir F. 8. júlí 1918 Hælavík Hornströndum. D. 29. janúar 1994 Akureyri. Öndvegisverk: Dægurvísa, 1965, Snaran, 1968, Lifandi vatnið, 1974

Ef þú átt eftir að lesa þessa bók, þá verður þú að hafa í huga að ég ætlaði að skrifa Góða Bók. Þannig hefst síðasta skáldsaga vestfirsku skáldkonunnar Jakobínu Sigurðardóttur, Í sama klefa. Það er varla hægt að byrja sögu betur en þetta. Strax á fyrstu setningu er athygli lesandans vakin. Þetta var einmitt einn af mörgum hæfileikum skáldkonunnar að grípa lesandann strax á fyrstu orðum. Jakobína Sigurðardóttir bóndastúlkan frá Hælavík er sannarlega einn af skáldsnillingum síðustu aldar hér á landi. En hver var hún?

Bókauppeldi

Fædd og uppalin í hinni afskekktu Hælavík á Hornströndum 18. júlí 1918. Frumburður sinna foreldra en síðan bættust ein 12 stykki við þar á meðal annað skáld nefnilega Fríða Á. Sigurðardóttir. Bókauppeldi var enda gott á æskuheimilinu bæði var aðgangur að bókverkum ágætur sem og miklar umræður um bækur. Enda er ekki nóg að lesa heldur þarf einnig að ræða verkin. Oft var talsverður hiti í umræðunum og sitt sýndist hverjum. Verk Þorsteins Erlingssonar voru þó almennt mest í metum enda tók hann allajafna málstað litla mannsins sem sannarlega var víða á Hornströndum. Æskan þá og nú sækir í menntun og þá liggur leiðin oftar en ekki suður á mölina. Árið 1935, þegar Jakobína er 17 ára flytur hún suður til að afla sér menntunnar. En það var ekki auðvelt fyrir fátæka bóndadóttur frá hinum nyrstu Hornströndum og var því skólagangan styttri en lagt var upp með. Rúmum 10 árum síðar, árið 1949 flutti hún allaleið í Mývatnssveit og tók þá tók upp búskap við eiginmann sinn Þorgrím Starra Björgvinsson að Garði 2. Börn þeirra urðu fjögur, þrjár stúlkur og einn drengur. Að Garði bjó Jakobína allt í æviloka en hún andaðist á Akureyri 29. janúar 1994. 



Skáldin mega ekki standa of nærri fjallinu

Þó mörg væru verkin hjá húsfreyjunni og bóndanum Jakobínu sendi hún frá sér 10 einstök bókverk. Fjórar skáldsögur hvar Dægurvísa er líklega þeirra þekktust, þrjú smásagnasöfn, barnabók sem er nú samt ekki alltaf flokkuð sem slík enda er um þrælpólitískt verk að ræða, kvæðabók og loks endurminningarbók. Hvernig fann hún tíma til að rita öll þessi snildarverk? Jú, á nóttunni. Þegar börnin voru komin í háttinn þá datt þakið af húsinu og ró komst á. Þá var tími skáldkonunnar og líklega oft seint gengið til náða sérlega þegar skáldaandinn tók völdin. Jakobína sagði í viðtali að til þess að geta skrifað bækur þyrfti ritari að hafa farið og dvalið 
víða. Eða einsog hún orðaði svo listilega að maður: Standi ekki of nærri fjallinu.
   
Fyrsta bók Jakobínu var hið beitta og pólitíska ævintýri Sagan af Snæbjörtu Eldsdóttur og Ketilríði Kotungsdóttur og kom út 1959. Myndskreytir bókarinnar er hin einstaka listakona Barbara Árnason en einhverra hluta vegna hefur alltof hljótt farið um þetta lista ævintýri. Til gamans má geta þess að ritara hefur ávallt dreymt um að sjá ævintýrið sem balletverk. Kannski einhver láti þann draum verða að veruleika því ritari er með taktlausustu mönnum. Strax árið eftir, 1960, kemur út Kvæði en það var einmitt í ljóðinu sem skáldkonan Jakobína fæddist fyrir alvöru. Bókin var aukin og endurútgefin 1983. Í ljóðum sínum yrkir hún um æskuna, erfi og afmæliskvæði fylgja með og síðast en ekki síst flugbeitt ádeilukvæði og þá ekki helst um hersetuna hér á fróni. 

Fjögur ár liðu þar til næsta bókverk kom frá Jakobínu en það var smásagnasafnið Púnktur á skökkum stað, 1964, og með því verki vakti hún fyrst verulega athygli í hinum íslenska skáldaheimi. Alls ritaði Jakobína 23 smásögur er birtust í 3 söfnum. Auk Púnktins, Sjö vindur gráar, 1970, og Vegurinn upp á fjallið, 1990. Smásögur hennar eru um margt einstakar og sumar eru hreint eintal, samtal einnar persónu. Hún hafði einstakt lag á að skapa persónur sem birtast ljóslifandi fyrir lesandanum. Það er mikil list. Fyrsta skáldsaga Jakobínu er Dægurvísa, 1967, sem gerist á einum degi einsog titillinn gefur til kynna. Ekki bara það heldur gerist hún í sama húsinu og aðalpersónurnar eru hvorki fleiri né færri en 10. Sumar þeirra búa í húsinu aðrar eru gestir er þangað koma. Dægurvísa flokkast þannig til hópsagna þar sem aðalpersónur eru svo margar. 

Næsta skáldsaga hennar Snaran, 1968,  var hinsvegar af allt öðrum toga. Þar setur höfundur sig í spástellingar því sagan gjörist 20 árum eftir að hún er rituð er sumsé framtíðarsaga. Þræl pólitísk ádeila og vilja margir meina að margt hafi þar ræst. Fjórða og síðasta skáldsaga hennar er hin tragíkómíska Í sama klefa. Hvar rithöfundurinn reynir að fást við að rita Góða bók sem falli að hugum lesenda sem bókmenntapáfa. Eða það sem þarf til að fá ávísun frá launasjóði rithöfunda. Sannarlega fast skotið að hinum umdeildu listamannalaunum. Síðasta bókverk Jakobínu er skáldævisagan Í barndómi, 1994. 

Elfar Logi Hannesson
Aðalheimild: 



20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 19:30 Vesturland

Bókarkafli: Svartur þriðjudagur

Í Fugley Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.
23.okt. 2017 - 15:35

Ekkert stress í Hrísey

Linda María Ásgeirsdóttir Linda María Ásgeirsdóttir er eigandi Verbúðar 66, veitingastaðar í Hrísey. Linda, sem opnaði staðinn í tilefni fimmtugsafmælis síns, deilir hér uppáhaldsuppskriftunum sínum með lesendum Akureyri Vikublaðs.
Linda María er uppalin í Hrísey. Maðurinn hennar vinnur á Akureyri og tekur ferjuna á morgnana og heim aftur á kvöldin.
23.okt. 2017 - 07:00 Akureyri vikublað

Ást í verki

Við sýnum ást okkar í verki á misjafnan hátt. Ég er til dæmis alveg ótrúlega sjálfhverf og geri mér vel grein fyrir því, að það er ekki alltaf auðvelt að sjá hvenær ég er að sýna ást í verki. Stundum er það dulbúið í snyrtivörukaupum fyrir sjálfa mig, því þegar mér líður vel, líður manninum mínum vel. Ég er yfirleitt skapbetri þegar ég er í endorfínvímu eftir eyðslu. 

(15-2) Húðfegrun: Gelísprautun - nóv/des