05. okt. 2017 - 12:00Akureyri vikublað

Þorvaldur Bjarni missti fótanna: „Þetta bjargaði hjónabandinu og var mjög gott á mig og fyrir mig“

Þorvaldur Bjarni Þorvaldsson flutti til Akureyrar árið 2015 til að taka við starfi tónlistarstjóra MAk. Í einlægu viðtali ræðir Þorvaldur um ómannblenda Akureyringa, tónlistarferilinn, sem er bæði langur og fjölbreyttur, ástina, sinfóníuhljómsveitina, sem þykir allt í einu orðin svöl, og tímabilið þegar hann missti fótanna og lét egóið ráða för.

Þar sem okkur hjónum var báðum boðið að koma og vinna að þessu nýja „projecti“, sem er menningarfélagið, var það engin spurning. Kröfur voru gerðar um að við myndum setjast hér að og við sögðum bara „ókei flott“, kýldum á það og höfum ekki litið til baka síðan. Framleiðslan hjá MAk er öflug og það er svo mikið að gera að við höfum varla náð því ennþá að við séum flutt út á land. Upplifun okkar er að við höfum farið úr borg í enn meiri borg, út af starfseminni í Hofi. Við fjölskyldan höfðum alltaf verið hrifin af Akureyri og í fyrri heimsóknum okkar hingað, sem hafa verið tíðar vegna tónleikaferða og vinnu við leikhús, fannst okkur þetta líkt því þegar við skjótumst í helgarferð, rétt eins og maður skýst til London. Hér er allt pínulítið öðruvísi en í Reykjavík. Veitingastaðirnir og menningin er önnur – það er til dæmis enginn Grænn hattur í borginni. 


Mynd/Sigtryggur Ari

Ómannblendir bæjarbúar 

Þorvaldur Bjarni segir sitthvað til í þeirri þrálátu mýtu að Akureyringar geti verið ómannblendir og hleypi aðkomufólki ekki svo glatt inn í hópinn. 

Það getur vel verið að þetta sé svona í öllum bæjum og alveg eins fyrir þá sem flytja suður að norðan? Mín upplifun er sú að Akureyringar eru kannski ekkert mikið að sækjast eftir því að kynnast manni að fyrra bragði. Aftur á móti ef maður leyfir sér að opna á kunningsskap sjálfur að fyrra bragði er allt í sómanum. En það eru ekki allir með burði í það á nýjum stað. Það var mun auðveldara fyrir okkur hjónin að aðlagast, út af starfi okkar í Hofi vegna þess hvað við hittum þar margt listafólk sem við höfum þekkt síðustu áratugina, heldur en fyrir stelpurnar okkar. Þær áttu í upphafi báðar erfitt með að aðlagast í skólanum, sem voru mikil viðbrigði þar sem þær höfðu verið afar vinmargar í Reykjavík. Þetta hefur lagast og í dag eru þær báðar sáttar en þetta var á tímabili erfitt. Sú eldri er reyndar nýflutt að heiman en það er ekki til að flýja Akureyri heldur fann hún menntaskóla sem hentar henni best til að klára stúdentinn á sem stystum tíma til þess að fara í háskólanám í myndlist. Grunninn að því hefur hún numið í mikilli sátt, við Myndlistarskólann á Akureyri síðustu tvö árin, nú vill mikil meira.

Pönkið í kjallaranum

Þorvaldur er alinn upp í Vesturbænum og Árbænum í Reykjavík. 

Hjartað slær í Árbænum þótt í árum talið hafi ég mest verið í Vesturbænum. Ég er Fylkismaður, því verður ekki breytt, 

segir hann og bætir við að hann hafi snemma fengið áhuga á tónlist. 

Pabba dreymdi um að verða tónskáld og átti flott klassískt plötusafn sem ég var ungur farinn að hlusta á. Eins átti ég eldri systkini og var heppinn að kynnast betri helmingi af rokkinu; eins og David Bowie, Pink Floyd, Led Zeppelin aðeins fimm, sex ára. Ég ætlaði mér alltaf að verða myndlistarmaður en þegar ég lærði fyrstu gripin á gítar og uppgötvaði að ég gæti sjálfur búið til lög, varð ekki aftur snúið og hef ég ekki gert neitt annað síðan, 

segir hann og bætir við að á unglingsárunum hafi hann mikið dvalið í kjallara foreldra sinna með tónlistarfólki sem síðar átti eftir að gera það gott.

Þarna var suðupottur pönksins, progsins og nýrómantíkurinnar, allt á sama tíma á mögnuðu tímabili. Foreldrar mínir heyrðu ekkert í sjónvarpinu þegar við vorum að æfa en leyfðu það samt í fjölda ára. Þarna mætti Vesturbærinn Árbænum og úr þessum suðupotti varð margt spennandi til, sem átti eftir að gerjast næstu áratugina.

Táknmynd poppsins

Þorvaldur hefur starfað sem lagasmiður, upptökustjóri og gítarleikari en á meðal hljómsveita hans eru Exodus, Pax Vobis, Todmobile og Tweety. Todmobile, sem var stofnuð árið 1988 af Þorvaldi, Andreu Gylfadóttur og Eyþóri Arnalds, tók aftur til starfa eftir nokkurra ára hlé árið 1996. 

Sveitin hefur líklega aldrei spilað meira en núna. Við erum líka miklu meira en bara hljómsveit. Við erum að flytja inn erlenda listamenn sem við fílum og virðum og spilum með þeim þeirra og okkar tónlist. Auk þess er Todmobile, þá sem TMB viðburðir, í viðburðabransanum og framleiðir sýningar á borð við War of the Worlds, Súperstar, Phantom of the Opera og Halloween Horror Show, 

segir hann og bætir við að hann hafi lítinn áhuga á því að setja sjálfan sig og tónlist sína í ákveðinn ramma. 

Ég hef farið úr því að vera kallaður „sinfóníukallinn“ yfir í það að vera mesta „sell out“ í heimi, þegar við Selma „unnum“ í Eurovision með All out of Luck og ég var táknmynd poppsins sem yfirdómari í Idol-stjörnuleit. Það átti prýðilega vel við mig, enda finnst mér skemmtilegast að blanda þessu öllu saman. Ég verð samt alltaf ólæknandi prog-rokkari grunninn.

Vinsæl sinfónía

Hann segir verkefni MAk flókin en alltaf spennandi. 

Menningarfélagið er farið að framleiða meira en margar af stærstu menningarstofnunum Íslands. Bara í september tók SinfoniaNord þátt í átta viðburðum sem er um helmingi meira en gert var á einu ári síðustu 25 árin sem voru um 5–8 viðburðir á ári. Það er næstum alltaf uppselt, nú síðast á LA-Perlurnar og alla viðburði síðasta árs fyrir utan einn, sem gekk þó vel. Ég heyrði einn Norðlending hér á hæðinni hjá okkur um daginn segja: „Hver hefði trúað því að Sinfóníuhljómsveit Norðurlands yrði einhvern tímann töff?“ Þessi áhugi á sinfónískri tónlist hefur komið mér stórkostlega á óvart enda höfðu margir varað mig við því að Akureyringar væru lélegir að mæta á klassíska tónleika. Það var öðru nær og við hjá MAk erum afar þakklát fyrir þennan áhuga og lofum að leggja okkur áfram fram við að standa að áhugaverðum tónleikum sem fólk vill koma og hlusta á.

Vinnur gjarnan með konum

Hann segir ekki flókið að vinna með konunni sinni. 

Við fengum góða æfingu í Þjóðleikhúsinu þar sem hún var skipulagsstjóri og yfirmaður sýningarstjóradeildar á sama tíma og ég stjórnaði og samdi fjölmarga söngleiki. Það var ágætis aðlögun. Annars hef ég á mínum ferli mest unnið með konum. Andrea Gylfa var og er minn nánasti samstarfsmaður í Todmobile, við Selma Björns vorum samlokur í um tíu ár og unnum að fjölda sýninga saman eins og Vesalingunum, Grease og Spamalot. Nú er Greta Salóme einn af mínum nánustu samstarfsmönnum og svona mætti lengi telja. Þessi reynsla hjálpar en auðvitað getur þetta stundum verið flókið fyrir heimilislífið, þegar við erum á sama tíma í burtu, en það góða er að boðleiðin er stutt.

Bæði krúnurökuð

Þórunn ólst upp í Svíþjóð en þau Þorvaldur kynntust á barnum Óliver árið 1997 þegar þau voru fyrir tilviljun sett hlið við hlið við borð á vegum sýningarinnar Evíta. Saga þeirra er falleg því þótt þau hafi ekki kynnst fyrr en á Óliver höfðu þau rekist á hvort annað af og til síðustu árin á undan. 

Ég sá þessa fallegu, brosmildu stúlku á kaffihúsi fyrir margt löngu og losnaði ekki við hana úr huganum. Svo seinna hitti ég hana annars staðar. Þá leit hún allt öðruvísi út, en ég varð alveg jafn hrifinn, án þess að vita einu sinni hvað hún hét. Það var svo ekki fyrr en við hittumst á Óliver sem við spjölluðum saman. Það var eins og Guð væri að beina okkur saman. Á Óliver var hún krúnurökuð, eins og ég, og „pikk-up“ lína mín var: „hei! Við erum með alveg eins hárgreiðslu.“ og þá varð ekki aftur snúið. Þetta gerðist mjög hratt hjá okkur og síðan hefur verið mikið stuð, 

segir hann og bætir við að það hafi verið viðeigandi að þau skyldu kynnast í tengslum við leikhús þar sem meirihluti heimilislífsins í dag fari í spjall um slík verkefni.

Fleygiferð á framabraut

Þorvaldur er tvíkvæntur en hann var orðinn 32 ára þegar þau Þórunn fóru að rugla saman reytum. Á sama tíma og hann viðurkennir að það hafi verið gott að finna sér maka orðinn þetta þroskaður, segir hann að það hafi verið erfiðara fyrir Þórunni sem er sex árum yngri. Þarna var hann á fertugsaldri á fleygiferð á framabraut en hún enn í námi og óviss um framtíðina. 

Þetta var á All out of Luck-tímabilinu. Það var allt að gerast hjá mér, ég var pródúserandi þrjár til sex plötur á ári, Todmobile, Eurovision, rekandi Tónvinnsluskólann og í sjónvarpinu í Idol-stjörnuleit.Þegar maður er í miðju hringiðu og athygli fer maður að trúa því að allt snúist í kringum mann. Ég var orðinn óttalegt „prick“. Ég var aldrei heima og eitt kvöldið, þegar Þórunn sá mig híma yfir barnarúmi yngri dóttur okkar, brá henni mikið því hún hélt að ég væri draugur. Þá var ljóst að ég þyrfti að hugsa minn gang, en lausnin var óvænt; Þórunn gerðist flugfreyja sem þýddi að ég varð að vera til staðar. Maður segir ekki bara við Icelandair að maður komist ekki í flug því karlinn komist ekki úr vinnunni. Ég sat þá stundum einn uppi með heimilið og það var alveg sama hvað var að gerast – ef hún var í flugi varð ég að sjá um uppvaskið, gluggapóstinn og vera til staðar fyrir börnin. Fyrir vikið komst ég að því hversu mikilli dellu ég hafði verið haldinn, að trúa því að ég væri ómissandi, 

segir hann og viðurkennir að hafa haft gott af því að vera kastað í djúpu laugina. 

Þetta hefði getað farið illa en flugfreyjustarfið var eins og heftiplástur sem var rifinn af; ég hélt að ég væri aðal númerið, en flugið og Þórunn tóku af mér völdin og kenndu mér að það sem ég var að gera var ekkert merkilegra en það sem hún var að gera. Samstarf okkar síðar í atvinnuleikhúsi hefur kennt mér þetta enn betur. Það skiptir ekki máli hversu mikið maður er í hringiðunni, maður verður alltaf að sinna því sem stendur manni næst. Þetta bjargaði hjónabandinu og var mjög gott á mig og fyrir mig.

Nærgætnari í samskiptum

Hann segir egóið einnig hafa bólgnað á þessum tíma. 

Ég missti svolítið fæturna af jörðinni eins og gerst getur þegar maður dettur svona inn í hringiðuna, verður áberandi í fjölmiðlum og fær jafnvel aðra meðhöndlun en næsti maður varðandi fyrirgreiðslu og þjónustu. Það er ekki sanngjarnt, en þannig er það samt. Stundum lét ég eins og það sama ætti ekki við um mig og aðra, gat verið vanþakklátur og tók hlutunum sem sjálfsögðum. Fyrir vikið fór ég að reka mig á, enda býður alheimslögmálið, hvað sem það er, ekki upp á slíkt vanþakklæti. Ég vona að ég sé nærgætnari í samskiptum í dag,

segir hann en neitar því aðspurður að hafa minnkað kröfurnar. 

Ekki þegar kemur að kröfum í listsköpun og framleiðslu viðburða sem fólk er að borga sig inn á. Þar verða að vera ákveðnar kröfur svo hlutirnir gangi upp en ég tel mig hafa lært, í gegnum konuna mína og þá listamenn sem ég hef fengið að vinna með, betri aðferðir en ég notaði þegar ég var að stíga mín fyrstu skref sem stjórnandi.

List ótengd aldri

Þorvaldur nýtur sín á Akureyri en eru þau hjónin komin til að vera? 

Ég þekki ekki þá tilfinningu og hef hvergi lagt hattinn frá mér og hugsað; nú er ég kominn heim, ekki nema hjá hjá mömmu og pabba í gamla daga. Ég er klárlega kominn til að klára það sem ég byrjaði á og sé ekki annað en að við verðum hér áfram á næstunni. Hér er gott að vera, en við hjónin höfum oft hugsað um að vinna erlendis og einhvern tímann á næstu 15 árum munum við taka flugið. Að vinna í list er svo ótengt aldri og það er hægt að semja tónlist hvar sem er. Mér líkar mjög vel við þetta starf eins og er en það getur vel verið að maður fari að sækja í einfaldara líf einhvern tímann og finni þá betur hvernig það er að búa úti á landi og læra að njóta hægðarinnar. En núna kann ég því vel hvað þetta er „intense“. Klukkan er alltaf orðin fimm og það hlýtur að þýða að það er gaman í vinnunni.

Viðtalið birtist upphaflega í Akureyri Vikublað.




22.okt. 2017 - 07:00 Indíana Ása Hreinsdóttir

#églíka

Í vikunni sáum við svart á hvítu hversu gífurlega umfangsmikil kynferðisáreitni og/eða -ofbeldi er gagnvart konum. Í herferð þar sem konur, sem hafa einhvern tímann orðið fyrir áreitni eða ofbeldi, settu stöðufærsluna #metoo á samfélagsmiðla kom sú ógnvekjandi staðreynd í ljós að næstum allar konur hafa upplifað kynferðislega áreitni eða ofbeldi, og jafnvel iðulega allt frá barnæsku.
21.okt. 2017 - 21:00 Akureyri vikublað

Níels Hafstein í yfirheyrslu

Níels Hafstein
Níels Hafstein er sjötugur myndlistarmaður og safnstjóri Safnasafnsins á Svalbarðsströnd. Fullt nafn, aldur og starfstitill: „Níels Hafstein, 70 ára, myndlistarmaður og safnstjóri.“ Nám? „Myndlistar- og handíðaskóli Íslands.“ Fjölskylduhagir: „Kvæntur, á einn son, tengdadóttur og þrjá sonarsyni.“
21.okt. 2017 - 18:00 Vestfirðir

Allt þetta fólk

Út er komin bók um Þormóðsslysið eftir sr Jakob Hjálmarsson fyrrverandi sóknarprest á Ísafirði. Þormóðru BA 291 fórst fyrir rúmum sjötíu árum, þann 18. febrúar 1943. Í upphafsorðum bókarinnar segir að Þormóðsslysið sé mesta blóðtaka sem nokkurt íslenskt byggðarlag hafi orðið fyrir.
21.okt. 2017 - 16:30 Reykjanes

Leikskólakennarar framtíðarinnar

Hluti nema í leikskólakennarafræðum ásamt Helga Arnarsyni sviðsstjóra Fræðslusviðs og Ingibjörgu Bryndísi Hilmarsdóttur leikskólafulltrúa Alls 18 starfsmenn Reykjanesbæjar stunda nú nám í leikskólakennarafræðum. Stór hluti nemenda hefur starfað lengi í leikskólum og er hópurinn mjög fjölbreyttur. Þar sem umræðan hefur lengi verið á þá leið að fjölga þurfi karlmönnum í stéttinni þá er ánægjulegt til þess að vita að tveir karlmenn eru í nemendahópnum.
21.okt. 2017 - 14:00 Vestfirðir

Fiskmarkaður Íslands færir út kvíarnar

Fiskmarkaður Íslands hefur hafið starfsemi í Bolungavík. Fyrirtækið er með starfsemi á 9 stöðum á landinu en höfuðstöðvar þess eru í Ólafsvík. Snorri Harðarson, starfsmaður fyrirtækisins í Bolungavík staðfestir að veitt sé löndunarþjónusta og að aðstaða þess sé í húsnæði Kampa ehf. Snurvoðabátar landa hjá Fiskmarkaði Íslands  og gengið sé frá fiskinum til flutnings til kaupenda. Aron Baldursson, framkvæmdastjóri fyrirtækisins segir að ástæðan sé sú að bátar sem eru í viðskiptum við markaðinn hafi fært útgerð sína til Vestfjarða á ákveðnum tíma ársins og með þessu sé þeim veitt áframhaldani þjónustu þótt þeir landi í annarri verstöð.
21.okt. 2017 - 09:00 Akureyri vikublað

Útvega hreinar nálar

Rauði krossinn við Eyjafjörð undirbýr þessa dagana verkefni sem hefur þann tilgang að ná til fólks sem sprautar sig í æð og útvega því hreinar nálar, sprautur og nálabox. Verkefnið er unnið að fyrirmynd verkefnisins Frú Ragnheiðar á höfuðborgarsvæðinu sem hófst árið 2009. Gunnar Frímannsson, formaður Rauða krossdeildarinnar við Eyjafjörð, staðfestir að verkefnið sé í undirbúningi og segir þörfina vissulega fyrir hendi.
21.okt. 2017 - 07:00 Kristinn H. Gunnarsson

Aðskilnaður stjórnmála og viðskipta

Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. 
20.okt. 2017 - 11:00 Sigurður Jónsson

Hagsmunamál eldri borgara voru ekki ofarlega á forgangslistanum hjá Katrínu og Vinstri grænum

Nú styttist í það að landsmenn gangi að kjörborðinu og velji sér þingmenn til að sitja á Alþingi. Athyglisvert er að fylgjast með málflutningi Katrínar Jakobsdóttur formanns VG. Loforðin flæða úr munni hennar
19.okt. 2017 - 21:00 Akureyri vikublað

Guðjón Brjánsson alþingismaður í yfirheyrslu

„Lauk stúdentsprófi frá MA, félagsráðgjafarnámi frá Sosialhøgskolen í Stavanger, Noregi, stundaði um eins árs skeið stjórnunarnám á öldrunarsviði í Flórída og lauk masternámi í lýðheilsufræðum (MPH) við Nordiska högskolan for folkhälsovetenskap í Gautaborg.“
19.okt. 2017 - 20:30 Vesturland

Minntust 125 ára afmælis Innra-Hólmskirkju

Sunnudaginn 1. október var þess minnst í hátíðarguðþjónustu að í ár eru 125 ár síðan kirkjan var vígð að Innra-Hólmi. Hún stendur við mynni Hvalfjarðar nokkru vestan við nyrðri mynni Hvalfjarðarganga. Á Innra-Hólmi er landnámsjörð og hugsanlega elsti kirkjustaður landsins.
19.okt. 2017 - 18:44 Vesturland

Skógarperla undir Akrafjalli

„Margir höfðu áhuga á skógrækt en líka félagslífinu sem fylgdi. Þetta var í reynd eins konar ungmennafélag og því fylgdi starfsemi með mannamótum svo sem leiksýningar, böll og þess háttar,“ segir Bjarni Þóroddsson formaður Skógræktarfélags Skilmannahrepps.
19.okt. 2017 - 12:10 Akureyri vikublað

Ásta Rún:„Mikilvægt að viðhalda fordómaleysi barnanna"

Mér fannst vanta bók sem gæti hjálpað foreldrum, kennurum og öðrum að ræða um mismunandi fjölskyldur á þægilegan hátt og ákvað að bæta úr því. Sjálf er ég gift konu og saman eigum við einn son og annað barn á leiðinni. Mig langar að stuðla að því að okkar fjölskylduform sé álitið jafn eðlilegt og önnur.
17.okt. 2017 - 18:00 Austurland

Alvaran framundan

Veturinn tiplar á tánum og hvíttar fjallstoppa einn daginn, en sól og skuggar vekja enn með sjónarspili árrisula Ausfirðinga, líkt og haustið ætli að halda þetta út. Fyrsti vetrardagur er á næsta leiti og bjartsýnin samt í kortunum; enda ekki annað að gera fyrir stjórnmálamenn og kjósendur en að halda haus og kúrs og stefna að settu marki. Enginn nær árangri með bölmóði og afglapar einir segja engu megi breyta. Myndasmiðurinn og plötusnúðurinn Maríamey á stemningsmynd dagsins, það er alvaran framundan; samspil ljóss og skugga, átaka og afslöppunnar. Dagar myrkurs eru svo á döfinni, strax eftir kosningar. Ertu tilbúin?
17.okt. 2017 - 16:00 Suðri

Brennið þið vitar Elfars Guðna Þórðarsonar 15 ára

12. október 2002 á hátíðarsamkomunni í Menningarverstöðinni Hólmaröst á Stokkseyri Útgáfudagur Suðra að þessu sinni er 12. október 2017. Fyrir Stokkseyringa og reyndar Sunnlendinga alla er 12. október einn af stóru dögum menningarsögu svæðisins. 12. október 1893 var fæðingardagur Páls Ísólfssonar, tónskálds á Stokkseyri. Nú horfum við til baka um 15 ár eða til 12. október 2002 en á þeim degi var afhjúpað og vígt listaverk Elfars Guðna Þórðarsonar -Brennið þið vitar- í Menningarverstöðinni Hólmarsöst á Stokkseyri.
16.okt. 2017 - 20:00 Suðri

Sæki efnivið í kynlega kvisti æskuáranna

Tímagarðurinn er ný skáldsaga frá Guðmundi Brynjólfssyni, rithöfundi á Eyrarbakka, en bækur hans hafa vakið verðskuldaða athygli frá þessum úrvals rithöfundi. Suðri tók Guðmund tali um nýju bókina, Tímagarðinn, sem Sæmundur bókaútgáfa á Selfossi gefur út.
16.okt. 2017 - 17:30 Suðri

Listrými - Myndlist fyrir alla

Myndlistarnámskeið Listrýmis í Listasafni Árnesinga hófust haustið 2015 og hafa verið ístöðugri þróun til að koma til móts við óskir og þarfir samfélagsins á Suðurlandi. Markmiðiðer að bjóða upp á námskeið í hinum ýmsu greinum myndlistar, í heimabyggð og fyrir alla.
16.okt. 2017 - 16:00 Austurland

Glæsilegur tæknidagur

Eins og venjulega tók Síldarvinnslan þátt og var gestum boðið að njóta góðra veitinga sem unnar voru úr hráefni úr hafinu. Þarna mátti gæða sér á unnum loðnuhrognum (masago), reyktri grálúðu, reyktum og niðursoðnum makríl,sölum,harðfiski og gómsætri síld Tæknidagur fjölskyldunnar fór fram í Verkmenntaskóla Austurlands sl. laugardag en það er Verkmenntaskólinn ásamt Austurbrú sem standa fyrir honum. Þetta er í fimmta sinn sem tæknidagurinn er haldinn en á honum efna fyrirtæki og stofnanir til kynningar á starfsemi sinni og er þá ekki síst lögð áhersla á að kynna ýmsar nýjungar. Eins má kynnast hinu fjölbreytta námsframboði Verkmenntaskólans á þessum degi. Sannast sagna er dagurinn sífellt glæsilegri ár frá ári og ljóst er að Austfirðingar kunna vel að meta það sem boðið er upp á þennan dag. Sérstök áhersla er lögð á að dagurinn höfði til allra aldurshópa og þá ekki síst til barna.
14.okt. 2017 - 18:00 Suðri

Kínverjar kynna sér framleiðslutækni Set

Í liðinni viku kom hópur Kínverja til landsins til viðræðna við stjórnendur Set um samvinnu á sviði fjarvarmalagna. Þetta er önnur heimsókn þeirra á árinu. Það sem aðallega vekur áhuga þeirra er að Set hefur yfir að ráða tækni í framleiðslu á einangruðum plaströrum í löngum einingum. Þetta kemur fram á heimasíðu fyrirtækisins set.is.
08.okt. 2017 - 18:00 Reykjanes

Ráðist verði í nauðsynlegar samgönguframkvæmdir

Aðalfundur Sambands sveitarfélaga á Suðurnesjum, haldinn 29.-30. september 2017 leggur áherslu á að ráðist verði í nauðsynlegar samgönguframkvæmdir á Suðurnesjum og felur stjórn sambandsins að funda með nýjum ráðherra samgöngumála við fyrsta mögulega tækifæri til að fara yfir áhersluatriði Suðurnesjamanna í samgöngumálum.
08.okt. 2017 - 16:30 Akureyri vikublað

Femínismi með teskeið

Geta tveir miðaldra karlar gert femíníska sýningu? Svarið er já. Ég verð að viðurkenna að ég hafði efasemdir en svo kom í ljós að tveir miðaldra karlar geta gert grjótharða femíníska grínsýningu sem fær bæði harðkjarna femínista og styttra komna til að veltast um af hlátri og tárfella svo af geðshræringu í lokaatriðinu.

08.okt. 2017 - 15:00 Reykjanes

Dragnótaveiði feikilega góð

September mánuður er á enda kominn og geta sjómenn nokkuð vel við unað. Þótt enginn mokveið hafi verið, nema kanski hjá togurnum. Ísfiskstogarnir tveir voru reyndar ekki mikið að. Berglín GK var í slipp svo til allan september og Sóley Sigurjóns GK var á rækjuveiðum og landaði 138 tonn í 3 löndunum og af því þá var rækja um 58 tonn.
08.okt. 2017 - 09:15 Akureyri vikublað

Senda jólagjafir til Úkraínu

Við höfum gert þetta undanfarin ár og vanalega byrjum við að safna gjöfum á vorin. Við erum óvenju seinar á ferðinni í ár og þess vegna leitum við til fólks um aðstoð, segir Ragnheiður Sigurgeirsdóttir sem, ásamt nokkrum konum úr Laut – athvarfi fyrir fólk með geðraskanir, óskar eftir jólagjöfum handa munaðarlausum börnum í Úkraínu. Konurnar í Laut – athvarfi setja gjafirnar í litla skókassa og senda börnunum
08.okt. 2017 - 07:00 Sigurður Jónsson

Kosningarnar snúast um upplausn eða stöðugleika

Landsmenn ganga að nýju að kjörborðinu laugardaginn 28.október n.k. til að kjósa fulltrúa á Alþingi Íslendinga. Það bjóst varla nokkur maður við því síðasta haust að við þyrftum aftur að mæta til að kjósa svo stuttu seinna. Nú þegar aðeins fáir dagar eru til kosninga ríkir algjört upplausnarástand.
07.okt. 2017 - 21:30 Vestfirðir

Patreksfjörður: House of creativity

Húsið - House  of  Creativity  opnaði  á  Patreksfirði  í  júní  í  sumar,  nánar  tiltekið  um Hvítasunnuhelgina  með  sýningu  á  verkum  Vasulka  hjóna  í  samstarfi  við  Listasafn  Íslands.  Þau Steina og Woody Vasulka voru einmitt heiðursgestir Skjaldborgarhátíðarinnar þetta árið, en sú hátíð fór  fram sömu  helgi.  Það  eru hjónin  Aron Ingi Guðmundsson  og Julie  Gasiglia  sem stofnuðu og reka Húsið sem er staðsett í Merkisteini, 119 ára gömlu húsi sem þau keyptu í fyrrasumar.
07.okt. 2017 - 18:00 Aðsend grein

Skilyrðislaus ást

Alfa Jóhannsdóttir Við vinkonurnar vorum að ræða það um daginn, hver við myndum vilja vera ef við mættum vera hver sem er í einn sólarhring. Einhver sagðist vilja vera Donald Trump bara til að skilja hvernig hann hugsar og önnur sagðist vilja vera Kylie Jenner í einn dag.
07.okt. 2017 - 16:30 Reykjanes

Heilsugæslan augljóslega undirmönnuð

Aðalfundur Sambands sveitarfélaga á Suðurnesjum, haldinn 29.-30. september 2017 skorar á Heilbrigðisráðherra að auka fjármuni til Heilbrigðisstofnunar Suðurnesja, sérstaklega til heilsugæslusviðs.
07.okt. 2017 - 13:30 Reykjanes

Sameining já eða nei

Hér höldum við áfram að blaða í skýrslu um kosti og galla sameiningar Garðs og Sandgerðis.Kjósendur í þessum sveitarfélögum greiða atkvæði 11.nóvember 2017 hvort þeir vilji að sveitarfélögin eða hvort þeir vilja að sveitarfélögin verði áfram sjálfstæð sveitarfélög.
07.okt. 2017 - 08:56

Stundarbilun

Stundin er fréttamiðill sem einbeitir sér að rannsóknarblaðamennsku. Metnaður eigenda og starfsmanna er að kafa ofan í álitamál samtímans og færa lesendum bestu fáanlegu upplýsingar. Til þess þurfa blaðamenn Stundarinnar að vera ódeigir og þora að fletta ofan af upplýsingum og staðreyndum sem verið er að leyna til þess að afvegaleiða almenning.
06.okt. 2017 - 20:00 Akureyri vikublað

Stelpurnar sem sameinuðu Akureyringa

„Íslandsmeistarar á fimmtudaginn, vörutalning í dag og þrjár aðrar í vikunni,“skrifaði landsliðskonan og fyrirliði Þórs/KA, Sandra María Jessen, á Twitter á sunnudaginn undir mynd af leikmönnum liðsins í vörutalningu fyrirtækis hér í bæ. Síðasta fimmtudag lauk Þór/KA frábæru sumri með Íslandsmeistaratitli eftir 2-0 sigur á FH. Eftir nánast óstöðvandi sigurgöngu varð spennan þó óþarflega mikil að mati flestra áhangenda liðsins, en svona er víst fótboltinn.
06.okt. 2017 - 17:00 Reykjanes

Hafsteinn kokkur ársins

Hafsteinn Ólafsson, Sumac Grill + Drinks er Kokkur ársins 2017, þetta er í fjórða sinn sem Hafsteinn tekur þátt í keppninni og fyrsti sigur hans í keppninni. Hann hefur þegar unnið þrenn silfurverðlaun í sömu keppni.
06.okt. 2017 - 11:30

Hulda Björg Hannesdóttir í yfirheyrslu

Knattspyrnukonan Hulda Björg Hannesdóttir spilar með Íslandsmeisturum Þórs/KA. Hulda Björg er uppalin í 603 en segir Grímsey aðal staðinn.
01.okt. 2017 - 18:00 Akureyri vikublað

Ólafur Jóhann í yfirheyrslu

Ólafur Jóhann Magnússon er 25 ára handboltamaður sem er kominn heim til KA. Fyrirmyndir Ólafs eru foreldrar hans og handboltakappinn Andri Snær Stefánsson. Fullt nafn, aldur og starfstitill: „Ólafur Jóhann Magnússon, 25 ára sjómaður og handboltamaður.“
01.okt. 2017 - 16:30 Arnaldur Máni Finnsson

Skjótt skipast veður

Því er oft haldið fram að hverju innihaldi hæfi ákveðið form best - en auðvitað fer það eftir aðstæðum hverju sinni hversu afstæð sú hugsun verður. Við viljum ekki „rangt form“ á ögurstundu - heitan drykk í þrúgandi gufubaði eða álíka. Þið skiljið.
01.okt. 2017 - 16:30 Austurland

Ég hata ruslatunnur

Í umræðunni hefur oft komið upp að aðilar ætla að fara að rukka fyrir bílastæði við ferðamannaperlur og er það vel, ef þjónusta er til staðar. Þá er oft nefnt að stefnt sé að því að koma upp ruslatunnum á bílastæðunum. Ég hef hins vegar gersamlega óbeit á ruslatunnum á bílastæðum, enda gera þær ekkert nema að fyllast, hvort sem þær eru á Glerártorgi eða Teigarhorni.
01.okt. 2017 - 10:30 Suðri

Sigþrúður Jónsdóttir hlaut Náttúruverndarviðurkenningu Sigríðar í Brattholti

Frá afhendingu verðlaunanna: F.v. Steinar Kaldal, aðstoðarmaður ráðherra, Ævar Þór Benediktsson, Sigþrúður Jónsdóttir og Sigríður Auður Arnardóttir, ráðuneytisstjóri í umhverfis- og auðlindaráðuneyti.
Ævar Þór Benediktsson hlaut fjölmiðlaverðlaun umhverfis- og auðlindaráðuneytisins og Sigþrúður Jónsdóttir fékk Náttúruverndarviðurkenningu Sigríðar í Brattholti í dag. Verðlaunin voru veitt í tengslum við Dag íslenskrar náttúru, þann  14. september.
01.okt. 2017 - 09:00 Akureyri vikublað

Ófrísk í crossfit

Vigdís Arna er í hörkuformi og mætir enn fjórum sinnum í viku á æfingu þótt hún sé kominn á steypirinn. Vigdís Arna, sem er 23 ára þriðja árs nemi í viðskiptafræði við Háskólann á Akureyri, á von á sínu fyrsta barni 5. október. Hún hefur æft crossfit í nokkur ár og gefur lítið eftir þótt hún sé komin á steypirinn. „Ég hef gott forskot. Það er ekki eins og ég hafi verið að byrja þegar ég varð ólétt,“ segir Vigdís sem tekur tvöfalt sipp, „burpees“ og handstöðupressur nánast án þess að blása úr nös. 
01.okt. 2017 - 07:00 Björgvin G. Sigurðsson

Uppnám og óvissa korteri fyrir kosningar

Upplausnarástand íslenskra stjórnmála áratuginn eftir hrun nær nýjum hæðum í aðdraganda skyndikosninganna í lok október. Nýtt framboð fyrrverandi formanns Framsóknarflokksins setur hægri vænginn í uppnám og er líklegt til að hafa veruleg áhrif á úrslit kosninga. Takist Sigmundi Davíð og félögum að fá öflugt fólk til liðs við sig getur flokkur hans orðið skæður keppinautur bæði Sjálfstæðisflokksins og Flokks fólksins, auk þess að sundra framsóknarmönnum kljúfa flokkinn í tvennt.
30.sep. 2017 - 18:00 Vesturland

Ellý kveður Akranes

„Ég var nýbúin í Listaháskóla Íslands og mig langaði að breyta til. Við bjuggum í Breiðholti í Reykjavík. Hverfið var að taka miklum breytingum og ég var ekki viss um að það væri gott fyrir börnin mín að alast þar upp. Eiginlega langaði mig til að búa í sveit, í ró og næði, og geri það reyndar enn. Ég sá að það var auglýst eftir forstöðumanneskju í unglingamiðstöð á Akranesi, sótti um og fékk starfið.“
30.sep. 2017 - 15:00 Austurland

Óbærilegur léttleiki dauðans

Ég hugsa mikið um dauðann. Mér finnst gott að hugsa mikið um dauðann. Það er vegna þess að ef ég get hugsað um dauðann þá þýðir það að ég sé lifandi (held ég) – og meðvitundin um að dauðinn gæti bankað upp á hvenær sem er og kíkt í kaffi gefur hverju augnabliki ákveðna fegurð.
30.sep. 2017 - 13:30 Suðri

Klaustur og Kötlugos á netinu

Í síðasta tbl. Suðra var birt grein um Kötlu og Kötlugos sem er af vefnum eldsveitir.is. Það láðist að geta þess hvaðan greinin var og að höfundur hennar er Lilja Magnúsdóttir. Lilja sagði Suðra frá þessum fyrirtaks góða vef sem hún heldur úti um eldsveitirnar.
30.sep. 2017 - 10:30 Austurland

Krummi gerir sig heimakominn

Hrafninn Vopni/Mynd; vopnafjardarhreppur.is / MMÞ Hrafn einn hefur gert sig heimakominn við Selárlaug í Vopnafirði. Hrafninn hefur löngum þótt athyglsiverður fugl, af honum fara þjóðsögur í íslenskum og erlendum þjóðsagnasöfnum og ritum um þjóðlegan fróðleik. Eru flestar tengdar spásagnargáfu hrafnsins og fjalla um hann sem feigðarboða.
30.sep. 2017 - 07:00 Indíana Ása Hreinsdóttir

Samfélagið er okkar

Argaþrasið í samfélaginu nær nú nýjum og áður óþekktum hæðum. Óvæntar kosningar nálgast óðfluga og skoðanaglatt fólk fær sína útrás á kaffistofum og/eða samskiptamiðlum. Nú skal segja sína skoðun og meira að segja umræðuefni sem við vonuðumst til að þurfa aldrei að ræða aftur, Icesave, er komið í orðræðuna.
29.sep. 2017 - 18:00 Vesturland

Ný bók Magnúsar Þórs um þátt Vesturlands í stríðinu

Nú er verið að prenta nýja bók á sviði sögu Íslands í seinni heimsstyrjöld eftir Magnús Þór Hafsteinsson ritstjóra Vesturlands. Titill bókarinnar er „Vargöld á vígaslóð – Frásagnir tengdar Íslandi úr seinni heimsstyrjöldinni.“ 
29.sep. 2017 - 07:00 Theodór Ingi Ólafsson

Munið að kjósa

Ritstjórinn bað mig um að skrifa baksíðupistill. Ég sagði „ekkert mál“. Svo hrúguðust inn fréttir af stjórnarslitum, leyndarhyggju, þingrofi, yfirhylmingu, ábyrgð, ábyrgðarleysi og allir urðu brjálaðir. Flestir voru reiðir út í Sjálfstæðisflokkinn, þar á meðal ég, og svo voru um 25% landsmanna brjáluð út í þá sem voru brjálaðir út í Sjálfstæðisflokkinn.
28.sep. 2017 - 21:00 Suðri

Kalak eftir Kim Leine

Út er komin hjá Sæmundi bókin Kalak eftir Kim Leine. Kim Leine hlaut Bókmenttaverðlaun Norðurlandaráðs fyrir Spámennina í Botnleysufirði sem var afar vel tekið af íslenskum lesendum þegar hún kom út í þýðingu Jóns Halls Stefánssonar haustið 2015. Kalak sem Jón Hallur hefur nú þýtt er ekki síður athyglisvert verk og jafnfram til skilningsauka á Spámönnunum og Morten Falk, aðalpersónu þeirrar bókar.
28.sep. 2017 - 18:00 Austurland

Fróðleiksmoli um jarðfræði Austurlands: Zeólítar – geislasteinar

Stilbít og sykurberg, eintak í steindasafni Teigarhorns Á Teigarhorni við Berufjörð má finna margar tegundir geislasteina. Tegundir geislasteina í heiminum eru alls 48, en 20 þeirra eru þekktar hér á landi. Zeólítar eru gjarnan greindir eftir lögun þ.e. eftir því hvort þeir eru geislóttir, blaðlaga eða teningslaga.
28.sep. 2017 - 13:30 Vesturland

Krókakarlar vilja netaveiðar

Handfæraþorskur dregst úr sjó. Nú vilja sumir frekar fá að taka hann í net. Aðalfundur Snæfells – félags smábátaeigenda á Snæfellsnesi var haldinn 17. september í Grundarfirði. Þar var Örvar Már Marteinsson frá Ólafsvík kosinn nú formaður félagsins.  Hann tók við af Guðlaugi Gunnarssyni sem gaf ekki kost á sér áfram eftir tveggja ára formennsku. 
28.sep. 2017 - 12:00 Akureyri vikublað

Halla Ólöf kærði Róbert Downey: „Að hann hafði fengið uppreist æru ýtti mér yfir brúnina“

Akureyringurinn Halla Ólöf Jónsdóttir er ein þeirra kvenna sem kærðu lögmanninn Róbert Árna Hreiðarsson fyrir kynferðisbrot. Í einlægu viðtali segir Halla Ólöf frá ofbeldinu sem mótaði líf hennar, leit hennar að viðurkenningu, áfallinu sem hún fékk þegar níðingur hennar fékk uppreist æru og atburðarásinni sem varð til þess að ríkisstjórn Íslands riðaði til falls.
24.sep. 2017 - 21:00 Eyjan

Fréttaskýring - Teigsskógur: Afleiðing séríslenskra ákvæða

Þegar löggjöf Evrópusambandsins um umhverfismat var innleidd árið 2000 var í nokkrum atriðum vikið frá reglugerð Evrópusambandsins, ESB,  og sett mun strangari lagaákvæði í íslenska löggjöf. Fleiri framkvæmdir eru skyldaðar í umhverfismat hér á landi en í löndum Evrópusambandsins. Eitt atriðið varðar vegagerð. Í ESB reglunum eru nýir fjögurra akreina vegir sem eru lengri en 10 km matsskyldir. Í íslensku útgáfunni eru allir nýir vegir lengri en 10 km matsskyldir.
24.sep. 2017 - 18:00 Akureyri vikublað

„Draumar geta orðið að veruleika“

„Ég var ekki tilbúin til að hætta í dansinum en ég vildi bæta einhverju öðru við,“ segir danskennarinn og snyrtifræðingurinn Elín Halldórsdóttir sem, eftir að hafa skellt sér í snyrtinám, opnaði á dögunum Snyrtistofuna Sveitasælu í ferðaþjónustunni Öngulsstöðum í Eyjafjarðarsveit.