22. jan. 2017 - 10:00Suðri

Sveitarfélögin tryggi tímabundið rekstur Kumbaravogs

Kumbaravogur á Stokkseyri. Mynd: Björn Ingi Bjarnason.

Kumbaravogur á Stokkseyri. Mynd: Björn Ingi Bjarnason.

Ákvörðun heilbrigðisráðuneytisins um skyndilega lokun dvalar- og hjúkrunarheimilisins á Kumbaravogi á Stokkseyri hefur vakið hörð viðbrögð. Stjórn Félags eldri borgara á Selfossi beinir þeim eindregnu tilmælum í ályktun frá félaginu til framkvæmdastjóra og bæjarstjórnar Árborgar að hefja tafarlaust viðræður við heilbrigðisyfirvöld um að Kumbaravogi verði ekki lokað fyrr en væntanlegt hjúkrunarheimili hefur verið opnað á Selfossi.

Eggert Valur Guðmundsson, bæjarfulltrúi S-lista, tekur  undir með það og vill láta reyna á hvort sveitarfélögin á Suðurlandi stígi fram, þar sem þetta varði þetta svæðið allt, og tryggi lágmarksúrbætur á staðnum í samstarfi við rekstraraðila, svo hægt verði að halda heimililnu í rekstri þar til nýtt hjúkrunarheimili verður tekið í notkun á Selfossi.

Eggert Valur Guðmundsson

Eggert segir það hafa verið sinn skilning eftir yfirferð með rekstaraðila Kumbaravogs að ekki yrði gripið til svo harkalegra aðgerða að svo stöddu, að minnsta kosti ekki fyrr en nýtt hjúkrunarheimili yrði tekið í notkun á Selfossi. „Þessi ákvörðun er reiðarslag fyrst og fremst fyrir heimilisfólkið sem fjarlægt er af heimili sínu með valdboði og mikilvægur hlekkur í samfélaginu hér er lagður af með einu pennastriki og er það áfall fyrir alla sem að koma. Því vil ég láta reyna á aðkomu sveitarfélaganna að því að tryggja reksturinn  tímabundið,“ segir Eggert Valur.

Ásta S. Stefánsdóttir, framkvæmdastjóri Árborgar, segir í grein í Suðra í dag að bæjarráð Árborgar hafi ályktað á þá leið að það harmi að ekki skyldi vera unnt að halda Kumbaravogi í rekstri þar til nýtt heimili væri tilbúið. „Kumbaravogur er stór vinnustaður í sveitarfélaginu og er miður að til lokunar hafi komið og vonast bæjarráð til þess að starfsfólki gangi vel að finna önnur störf. Bæjarráð hefur einnig óskað eftir því að byggingu nýs heimilis verði flýtt svo sem unnt er og bent á að heimilið þyrfti að vera með 60 rými með möguleika á stækkun í 80 rými“, segir Ásta.

Ásta S. Stefánsdóttir

Birtist fyrst í Suðra. Smelltu hér til að lesa blaðið í heild sinni.




27.maí 2017 - 20:00 Akureyri vikublað

Halla Bergþóra: „Gerendurnir nærast á þögninni“

Á laugardaginn var var haldin ráðstefnan Einn blár strengur, í Háskólanum á Akureyri, sem fjallaði um kynferðisofbeldi gegn drengjum. Einn blár strengur er vitundarvakning um kynferðislegt ofbeldi gegn drengjum en samkvæmt erlendum rannsóknum er talið að einn af hverjum sex drengjum verði fyrir kynferðisofbeldi fyrir 18 ára aldur. Einn strengur í gítar vísar því til þess.
27.maí 2017 - 18:00 Akureyri vikublað

Íris Rún: „Mér finnst mjög skemmtilegt að baka en ekki jafn skemmtilegt að elda“

„Mér finnst mjög skemmtilegt að baka en ekki jafn skemmtilegt að elda,“ segir Íris Rún Gunnarsdóttir sem var einmitt að undirbúa sig fyrir bakstur á franskri súkkulaðiköku með karmellusósu fyrir fermingarveislu frænku sinnar þegar blaðamaður náði tali á henni. Hún segist heppin að því leytinu að eiginmaður hennar hafi gaman af því að elda.
27.maí 2017 - 11:30 Akureyri vikublað

„Búinn að bíða eftir þessu í 13 ár“

„Þetta var alveg frábært, stemmingin góð og vel mætt. Þetta var leikurinn hans Fredda, Friðfinns Hermannssonar, sem lést á dögunum eftir harða baráttu við krabbamein. Það var gaman að sjá fólk koma og heiðra minningu hans og gleðjast á vellinum yfir sigri,“ segir Gunnar Níelsson, einn af harðari KA-mönnum bæjarins, um leik KA og Fjölnis á sunnudaginn fyrir viku þar sem heimamenn fóru með 2-0 sigur af hólmi.
27.maí 2017 - 08:00 Austurland

„Ekkert er ómögulegt“


26.maí 2017 - 18:00 Reykjanes

Netabátunum hefur fækkað mikið

Samkvæmt dagatalinu þá var 11.maí síðastliðinn lokadagur vetrarvertíðarinnar árið 2017. Áður fyrr þá var nú oft mikil spennan undir lokin hver yrði aflahæstur og eins og t.d í Vestmannaeyjum þá fékk aflakóngur viðkomandi vertíðar bikar sem var þá afhentur á sjómannadeginum. Þá voru þetta að langmestu leyti netabátar. Í dag er þetta allt öðru vísi.
26.maí 2017 - 07:00 Björgvin G. Sigurðsson

Hin nýja miðja

Árangur Emmanuels Macron í frönsku forsetakosningunum á dögunum var afgerandi sigur umburðarlyndis, klassískrar velferðarstefnu og frjálsyndis yfir þjóðernisöfgum og hægri harðlínu Marine LePen. Hinsvegar er það mikið áhyggjuefni að meira en þriðjungur kjósenda studdi öfgaflokkinn Front National og spurt verður að leikslokum ef Macron lendir í vanda með að uppfylla væntingarnar.
25.maí 2017 - 18:00 Akureyri vikublað

„Það tekur margar ferðir að sækja einn kaffibolla þegar athyglin brestur“

Ég sat í sófanum og var að spila tölvuleik með fartölvuna í fanginu þegar ég fann fyrir kaffiþorstanum. Ég lagði frá mér tölvuna á stofuborðið, lagði músina við hlið hennar, tók niður heyrnartólin, stóð upp og gekk inn í eldhúsið þar sem sjálfvirka kaffivélin beið og ég vaskaði upp. Ég fór aftur inn í stofu og settist niður, tók tölvuna aftur í fangið, setti upp heyrnartólin, lagði músina við hlið mér og hélt áfram að spila og fann aftur fyrir kaffiþorstanum.
25.maí 2017 - 16:00 Suðri

Fyrsta brugghúsið í Evrópu sem notast við jarðgufu við framleiðslu bjórs

Ölverk Pizza & Brugghús opnaði í maí í Hveragerði en veitingastaðurinn er staðsettur við Breiðumörk 2 og hinu megin við hornið í sama húsi og Ölverk, er að finna Álnavörubúðina sem að svo margir kannast við. Ölverk mun sérhæfa sig í eldbökuðum pizzum og sérbrugguðum bjór. Pizzurnar verða bakaðar í sérstökum ítölskum eldofni og matseðillinn verður stuttur og laggóður og breytilegur eftir árstíðum.
25.maí 2017 - 08:00 Akureyri vikublað

Sunna Dóra: „Lífið getur verið svo sérstakt“

Sunna Dóra Möller prestur ólst upp í Árbænum í Reykjavík en nýtur sín í sveitinni Laufási. Sunna Dóra ræðir hér um æskuna, föðurinn sem ættleiddi hana og söguna sem endurtók sig þegar Bolli, maðurinn hennar, ættleiddi hennar elsta son, veikindin sem mamma hennar berst við, trúna og guð, ömmuhlutverkið og lífið í Laufási.
25.maí 2017 - 07:00 Indíana Ása Hreinsdóttir

Um fjallageitur og samfélagsmiðlamont

Það virðast allir vera í útlöndum, vera nýkomnir heim eða á leiðinni í spennandi utanlandsferð. Það er líka fátt jafn notalegt og að sitja með kokteil á sundlaugarbakka nærri suðrænni strönd, og eftir sólarlandaferðina sem undirrituð fór í upphafi árs hefur hugurinn dvalið við drauma um næsta ferðalag. Um helgina prófaði ég hins vegar svolítið allt annað – fjallgöngu – og fetaði þar með í fótspor annars hvers landsmanns sem virðist vera uppi á hálendi Íslands ef hann er á annað borð staddur á landinu.
21.maí 2017 - 21:00 Akureyri vikublað

Rósa lætur drauminn rætast

„Þetta er fyrsta hótelið sem ég fæ að stýra,“ segir Rósa Matthíasdóttir, jógakennari og nýr hótelstjóri Hótel Dalvíkur, sem lætur gamlan draum um hótelrekstur rætast. „Mig hefur alltaf langað til að reka eigið hótel á daginn og kenna jóga á kvöldin og þótt ég eigi ekki þetta hótel fæ ég að setja minn svip á það. Ég hef verið spurð hvernig ég þori þessu og svara því til að annaðhvort sé ég svona klár og hugrökk eða svona klikkuð. Eitt er víst; að svona tækifæri fær maður ekki oft.“
21.maí 2017 - 18:00 Akureyri vikublað

Samskipti

Mér verður oft hugleikið þetta orð – samskipti. Í þá gömlu góðu þurfti að senda bréf eða taka upp símtól til að vera í samskiptum utan heimilis. Maður jafnvel beið fram yfir kvöldmat með að hringja á milli landshluta því það var þó ódýrara. Í dag er ekkert vandamál að hafa samskipti við fólk um allan heim, og það á sömu sekúndu og maður finnur þörf fyrir að heyra í einhverjum.
21.maí 2017 - 18:00 Akureyri vikublað

Sandra María: „Ég get ekki annað en verið ánægð með stöðuna“

Landsliðskonan Sandra María Jessen, sem sleit krossband í byrjun mars, kom inn á í leik Þórs/KA gegn Haukum og var fagnað innilega þegar hún hljóp inn á völlinn. Aðspurð segir Sandra bataferlið hafa gengið vel. „Þegar ég lít til baka get ég ekki ímyndað mér að vera komin jafn langt á þessum tímapunkti og ég er núna. Ég gaf allt í endurhæfinguna og sjúkraþjálfarar hafa verið til fyrirmyndar. Ég get ekki verið annað en ánægð með stöðuna,“ segir Sandra María.
21.maí 2017 - 16:00 Austurland

Stelpum í tæknigeiranum fjölgar

Síðastliðinn þriðjudag fór fram viðburðurinn Stelpur og tækni en þetta er í fyrsta skipti sem hann er haldinn í Fjarðabyggð. Markmiðið er að vekja áhuga stelpna á fjölbreyttum möguleikum í tækninámi og störfum, kynna þær fyrir fyrirmyndum í tæknigeiranum og brjóta niður staðalímyndir en Háskólinn í Reykjavík stendur að viðburðinum í samstarfi við SKÝ og Samtök iðnaðarins.
21.maí 2017 - 13:00 Austurland

Að slá í takt

Af samtali við skólastjórnendur á Seyðisfirði má draga þá ályktun að það sé verið að stofna hljómsveit, og að allir bæjarbúar hafi hlutverk í þeim gjörningi. Svandís Egilssdóttir skólastjóri Seyðisfjarðarskóla og Benedikt Hermann Hermannson deildarstjóri listadeildar skólans eru sest við trommusettið og farin að finna taktinn. „Sjálfbærni, sköpun, þekking, framtíð“ drynur í græjunum.
21.maí 2017 - 11:00 Austurland

Arngrímur Viðar: „Við erum öll í brothættri stöðu varðandi búsetuskilyrði og lífsgæði“

Oft á ferðum mínum í öðrum landshlutum er ég spurður um hvernig staðan sé fyrir austan. Oftast svara ég, bara góð! en síðan reyni ég að koma með dæmi um gott gengi einhvers staðar og nefni eitthvað nýtt sem er að gerast á svæðinu. Þá er ég tilfinnanlega meðvitaður um það að svar mitt er ekki byggt á miklum rökum heldur frekar tilfinningu og er í versta falli rangt.
20.maí 2017 - 21:00 Akureyri vikublað

Frjálsíþróttamenn á Akureyri ósáttir: „Kemur niður á árangrinum“

„Þetta kemur klárlega niður á árangrinum,“ segir frjálsíþróttamaðurinn Bjarki Gíslason sem segist hafa fengið nóg af takmörkuðu aðgengi frjálsíþróttamanna að íþróttamannvirkjum á Akureyri. Bjarki, sem hefur stundað frjálsar íþróttir frá sex ára aldri, segir umgjörð íþróttarinnar til skammar en kornið sem fyllti mælinn var þegar hann og félagar hans voru reknir út úr áhaldageymslu við Þórsvöllinn um helgina.
20.maí 2017 - 17:00 Austurland

Samvinna í litlu samfélagi

Að búa í litlu samfélagi með mikilli nánd krefst oft samvinnu, trausts og þolinmæði gagnvart náunganum. Oftar en ekki þegar ég spyr fólk úr fjölmennari samfélögum hvað það haldi að sé stærsti ókosturinn við að búa á minni stað, þá minnist það á þessa nánd. „Að allir viti hvað maður sé að gera og tali um það sín á milli.“ Ég held þetta sé nú ekkert endilega svo alvarlegt, og hefur maður eitthvað að fela?
20.maí 2017 - 15:00 Austurland

Aukin þjónusta við þolendur

Eins og allir vita eiga kynferðisbrot sér stað allstaðar á landinu en færri átta sig á því að þjónusta við þolendur er ekki eingöngu bundin við Reykjavík. Að sögn Önnu Bentínu Hermansen sem vinnur á vegum Stígamóta hér fyrir austan gerist það enn að þolendur að austan leyti beint til þeirra í Reykjavík en Stígamót hafa verið með reglulegar heimsóknir frá því í mars 2012.
20.maí 2017 - 13:00 Austurland

Stefanía þarf að keyra í klukkutíma til að hitta makann

Það er mikil gæfa í lífinu að halda heilsu lengi og hennar hefur Eskfirðingurinn Steinn Jónsson notið hingað til og verður 99 ára gamall í ár. Á síðasta ári veiktist hann þó af lungnabólgu og lagðist á Umdæmissjúkrahúsið á Norðfirði, en í kjölfar sjúkravistarinnar og lítillegrar endurhæfingar fékk kona hans, Stefanía Árnadóttir, þær upplýsingar að engin pláss væru í Hulduhlíð á Eskifirði og hefðu ekki losnað síðan snemma á árinu.
20.maí 2017 - 11:00 Reykjanes

Gjaldfrjáls námsgögn í grunnskólum Reykjanesbæjar

Bæjarráð Reykjanesbæjar samþykkti á fundi á dögunum að veita grunnskólum Reykjanesbæjar fjárveitingu á næsta skólaári til kaupa á námsgögnum til grunnskólanna. Fræðsluráð lagði til á fundinum sínum 21. apríl sl. að Reykjanesbær myndi veita öllum börnum í grunnskólum Reykjanesbæjar nauðsynleg námsgögn frá og með næsta hausti.
20.maí 2017 - 09:00 Austurland

Löng bið eftir hjúkrunarrýmum

Á Austurlandi sem annarsstaðar á landinu er löng bið eftir rýmum á hjúkrunarheimilum fyrir aldraða og hafa yfirvöld vakið máls á ástandinu á síðustu misserum. Í flestum stærri byggðarkjörnum eru starfrækt heimili og eru biðlistar á þau öll að lengjast en ferlið sem bíður eftir að óskað er eftir plássi er nokkuð langt. Aðstandendur eru þá oft í erfiðri stöðu og þurfa jafnvel að sætta sig við að ástvinir þeirra fái aðeins pláss fjarri sinni heimabyggð vegna takmarkaðs pláss á hverjum stað.
19.maí 2017 - 21:00 Akureyri vikublað

Hólmkell Hreinsson í yfirheyrslu

Hólmkell Hreinsson er amtsbókavörður og Bítlaaðdáandi. Fullt nafn, aldur og starfstitill: „Hólmkell Hreinsson, 56 ára, amtsbókavörður.“ Nám: „BA í bókasafns- og upplýsingafræði og bókmenntafræði og er nú í námi í opinberri stjórnsýslu.“ Fjölskylduhagir: „Kvæntur Kristínu Sóleyju Sigursveinsdóttur og eigum við tvö uppkomin börn, Svein og Huldu.“ Fæddur og uppalinn? „Fæddur á Akureyri en alinn upp í Sunnuhlíð á Svalbarðsströnd.“
19.maí 2017 - 18:00 Arnaldur Máni Finnsson

Umbreytingavorin

Stundum finnst manni eins og vorið sé ekki árstíð sem hægt sé að ræða í fleirtölu. Það er bara eitt vor og það er einhvernveginn eilíft. Það er í hausnum á manni. Umhleypingarnar á mörkum veturs og sumars, ár frá ári, falla inní þetta stóra vor sem er umbreytingatíminn sjálfur. Vorið er meira svona hugarástand. Það er afstaða til lífsins. Það er realísk bjartsýni. Eða það þykir mér, enda þykist ég vera vormaður. Vormenn Íslands hafa einhvernveginn alltaf talað til mín.
19.maí 2017 - 07:00 Indíana Ása Hreinsdóttir

Mikilvæg fyrirmynd

„Það er erfitt að rifja þetta upp en ég vil minna á að við eigum ekki að dæma fólk eða stimpla það þótt það sé öðruvísi,“ segir Matthías Rögnvaldsson, framkvæmdastjóri og forseti bæjarstjórnar Akureyrar, sem prýðir forsíðu blaðsins að þessu sinni. Ástæða þess að ég bað Matthías um forsíðuviðtal er hversu áberandi í atvinnulífinu og bæjarpólitíkinni hann hefur verið síðustu árin.
18.maí 2017 - 20:00 Akureyri vikublað

Matthías var geymdur í óskilamunum: „Þegar þú hefur verið laminn er ekkert svigrúm fyrir mistök“

Þótt Matthías Rögnvaldsson sé hamingjusamlega kvæntur fimm barna faðir, framkvæmdastjóri farsæls fyrirtækis og forseti bæjarstjórnar Akureyrar hefur líf hans ekki alltaf verið dans á rósum. Í einlægu viðtali ræðir Matthías um erfiðleikana í æsku, eineltið og niðurrifið sem mótuðu hann, ástina, fjölskylduna og heilsuna og allt þar á milli.
18.maí 2017 - 18:00 Sigurður Jónsson

Er allt sem byrjar á einka rosalega slæmt?

Miklu moldviðri er nú þyrlað upp af mörgum vinstri mönnum og reynt að telja okkur trú um að allt sé best til þess fallið ríkið sjái um rekstur þess. Hefur reynslan sýnt það að ríkisvaldið sé best til þess fallið að allt sé undir forsjá þess? Ætla vinstri menn virkilega að halda því fram að skattpeningur almennings sé best nýttur með því að ríkið sjái um allan rekstur í landinu.
17.maí 2017 - 17:00 Reykjanes

Mikil togaraveiði

Hrygningarstoppið var núna í apríl og veiði bátanna fyrir stoppið var frekar treg. Enn eftir að veiðar voru leyfðar aftur þá hefur verið mjög góð veiði , sérstaklega í net og dragnót. Hjá dragnótabátunum þá er Sigurfari GK hæstur með 144 tn í 10 og mest 28,4 tonn. Hann er í þriðja sæti yfir landið. Siggi Bjarna GK kemur þar rétt á eftir með 128 tn í 9 og mest 24 tonn.
15.maí 2017 - 07:00 Kristinn H. Gunnarsson

Stofnanaofbeldi

Enn er fyrirhuguð vegarlagning í Gufudalssveit komin í uppnám. Enn er það Skipulagsstofnun sem gerir allt sem í valdi stofnunarinnar er til þess að koma í veg fyrir framkvæmdina. Þetta er orðinn langur tími. Allt frá 2004 hefur verið ljóst að Skipulagsstofnun ætlaði sér að ráða því hvaða leið yrði farin þegar kæmi að því að færa vegakerfið í Austur Barðastrandarsýslu til nútímahorfs.
14.maí 2017 - 21:00 Akureyri vikublað

Karl deilir uppskriftinni að heimsins besta rúgbrauði

„Ég hef starfað við fjölmiðlun í rúmlega tvo áratugi, alltaf hérna fyrir norðan. Sjálfsagt má halda því fram að fjölmiðlun sé lífsstíll, ég hef áhuga á fólki og málefnum líðandi stundar og sennilega hef ég þess vegna verið svona lengi í þessu,“ segir Karl Eskil Pálsson, sem stýrir Atvinnupúlsinum á N4, en hann féllst á að gefa lesendum sínar uppáhaldsuppskriftir.
14.maí 2017 - 18:00 Magnús Þór Hafsteinsson

Umskiptingarnir

Í íslenskum þjóðsögum má finna margar frásagnir af hinum svokölluðu umskiptingum. Slíkt fyrirbæri er vera sem oftast mun vera gamall álfur. Honum hefur verið komið í stað mannsbarns sem álfar hafa rænt. Gamli álfurinn í hlutverki barnsins er hið versta greppitrýni, ódælt og vart húsum hæft. Vesalings foreldrar barnsins sem numið hefur verið á brott skilja ekki neitt í neinu um það hvernig hið ljúfa og fallega barn gat umturnast svona.
14.maí 2017 - 17:00 Suðri

„Saga Þuríðar formanns kveikti neistann“

Fyrir einstaka tilviljun byrjaði Margaret Willson, mannfræðingur og prófessor við Washington háskóla í Seattle, að rannsaka sjósókn íslenskra kvenna. Henni var boðið í heimsókn til Íslands árið 1999, sótti Stokkseyri heim og kom við í Þuríðarbúð, sem þá var í raun ekki annað en minnisvarðinn um Þuríði formann. Stórbrotin saga Þuríðar kveikti neistann og teningunum var kastað.
14.maí 2017 - 13:00 Akureyri vikublað

„Spenningurinn er mikill“

Í tilefni Gleðidaganna stendur nú yfir leit að einstaklingum sem vilja hjálpa til við að fylla Hlíð af gleði og skemmtun. „Við höldum í vonina um að veðrið leiki við okkur þessa daga og skottsala, pylsur og ís í görðunum verði möguleiki. Svo viljum við vera með gleðibingó og reyna að skapa markaðsstemmingu og reyna að fá einhverja til að selja sumarblóm, pottaplöntur og kryddjurtir.“
14.maí 2017 - 11:00 Akureyri vikublað

Dæmalaus landsbyggðarskattur

Það er nánast pínlegt að hlýða á fjármálaráðherrann okkar réttlæta þá ákvörðun að hækka virðisaukaskatt á ferðaþjónustuna. Frá honum hafa heyrst fullyrðingar um að greinin hafi fengið „skattaívilnanir“, eigi að sitja við sama borð og aðrar atvinnugreinar, og sé búin að slíta barnsskónum, sem er bara fyndin framsetning. Þetta virðast vera lykilhugtökin í rökstuðningi ráðherrans ásamt því að hægja eigi á vexti atvinnugreinarinnar.
14.maí 2017 - 07:00 Akureyri vikublað

Sumarið er tíminn

Mér hefur alltaf fundist skrýtið að sumardagurinn fyrsti skuli vera haldinn í apríl hér á Íslandi. Á þeim tíma erum við yfirleitt enn að eiga við snjó og frost og veldur dagurinn því alltaf vonbrigðum, ár eftir ár – að ekki sé hægt að fagna fyrsta sumardeginum á stuttbuxum og ermalausum bol. Til gamans má geta þess að víðast hvar annars staðar er sumardagurinn fyrsti í kringum sumarsólstöður.
13.maí 2017 - 19:00 Akureyri vikublað

Átak gegn plastmengun

Akureyringar tóku þátt í Norræna strandhreinsideginum á laugardaginn þegar um 50 manns tóku sig saman og hreinsuðu Leirurnar og Drottningarbrautina. Skátar og aðrir dugnaðarforkar létu hendur standa fram úr ermum og söfnuðu heilmiklu magni af plasti og öðru rusli sem var síðan flokkað og skilað til endurvinnslu. Við strendurnar fannst ógrynni af eyrnapinnum og öðru einnota plasti. Á vef Landverndar kemur fram að mörgum tonnum af rusli, aðallega plasti, hafi verið safnað um land allt í átakinu.
13.maí 2017 - 17:00 Vesturland

Bókarkafli: Undur Mývatns – um fugla, flugur, fiska og fólk

Unnur Jökulsdóttir sendi þessa bók frá sér nú í vor. Hér er fjallað um náttúru Mývatnssveitar og Mývatns með afar skemmtilegum, áhugaverðum og lærdómsríkum hætti. Þessi bók á hiklaust erindi við íbúa Vesturlands því landshlutinn geymir ótal náttúperlur og mikil verðmæti í lífríki vatna og áa. Nú á dögum er sótt að þessum djásnum með ýmsum hætti. Bókin „Undur Mývatns“ er tilvalið lesefni nú þegar lífríkið hefur lifnað eftir vetrardvala. Hér fer hluti af kafla úr henni:
13.maí 2017 - 14:00 Vestfirðir

Einkavæðing heilbrigðiskerfisins í brennidepli vestfirska vísnahornsins

Um daginn, þegar eitt sinn sem oftar, umsjónarmaður þáttarins og Indriði á Skjaldfönn þurftu að tala saman stóð þannig á að Indriði hringdi inn í miðja kennslu hjá stúdentsefnum í hagfræði. Var hann auðvitað beðinn um góð ráð til hagfræðinemandanna. Um hæl komu þessar vísur með fyrirsögninni ...
13.maí 2017 - 12:00 Akureyri vikublað

Unnur Hafstað: „Einnota plast er óþarft“

„Það eru allir ótrúlega hrifnir af þessu og pokarnir stoppa stutt við,“ segir Unnur Hafstað á Dalvík, sem stendur að Pokastöðinni Dalvíkurbyggð/Tröllaskaga ásamt Emmi Kalinen og Bryndísi Brynjólfsdóttur í Arta.is. Pokastöðin hefur komið með 70 fjölnota poka í matvöruverslun á Dalvík en að sögn Unnar er karfan með pokunum oftast tóm.
13.maí 2017 - 11:00 Akureyri vikublað

Margrét Sverrisdóttir í yfirheyrslu

Margrét Sverrisdóttir er fertug leikkona og grjóthleðslumaður sem verður brátt tveggja barna móðir.
 Fullt nafn, aldur og starfstitill? „Margrét Sverrisdóttir, fertug leikkona og grjóthleðslumaður.“ Stjörnumerki? „Ég er septemberbarn svo samkvæmt flestum stjörnuspám er ég meyja. Samkvæmt nokkrum er ég vog.“
12.maí 2017 - 20:00 Vesturland

Flatus lifir enn: „Þetta eru svona prumpuský út um allt“

Líklega kannast allir landsmenn við steinsteypuvegginn við gömlu malarvinnsluna við þjóðveg númer 1 undir Esjurótum í Kollafirði. Heimildir herma að árið 1991 hafi orðin „FLATUS LIFIR!“ verið máluð á hann. Þessi orð á veggnum hafa lifað allt fram á þennan dag og orðið tilefni heilabrota vegfarenda. Hver er Flatus og hvaðan kom hann? Lifir hann enn?
12.maí 2017 - 16:00 Reykjanes

Listaverk eftir Erró afhjúpað í tilefni 30 ára afmælis Flugstöðvar Leifs Eiríkssonar

Í síðustu viku var haldin afmælishátíð í Flugstöð Leifs Eiríkssonar á Keflavíkurflugvelli. Nú eru 30 ár liðin frá því flugstöðin var vígð og tekin í notkun. Saga flugstöðvarinnar er nokkuð merkileg og var uppbygging hennar á sínum tíma nokkuð umdeild. Í hönnunarferlinu þótti mörgum mannvirkið allt of stórt og mikið, úr varð að dregið var verulega úr stærð flugstöðvarinnar áður en bygging hófst.
12.maí 2017 - 07:00 Indíana Ása Hreinsdóttir

Eurovision og stóra vöfflumálið

„Ég er svo þakklát fyrir að hafa fæðst í landi þar sem heitustu umræður dagsins í dag snúast um vöfflur,“ skrifaði vinkona mín í stöðufærslu á Facebook í vikunni. Tilefnið var fjaðrafok á samfélagsmiðlum og fréttaskrif í kjölfarið um peningaplokk og túrisma eftir að fjölmiðlamaður nokkur hafði verið rukkaður um rúmar sjö þúsund krónur fyrir kaffi og þrjár vöfflur með rjóma.
11.maí 2017 - 20:00 Akureyri vikublað

Sara greindist 34 ára með krabbamein: „Það er nánast búið að jarða mann við greiningu“

Síðustu mánuðir og ár hafa verið afar viðburðarík hjá Söru Ómarsdóttur og fjölskyldu hennar. Eftir margra ára árangurslausar tilraunir til að eignast annað barn sneru Sara og eiginmaður hennar sér að fósturkerfinu. Ári seinna fengu þau sex daga gamla stúlku í fangið. Ári síðar greindist Sara með krabbamein. Í einlægu viðtali ræðir Sara um baráttuna við ófrjósemina, dótturina sem er komin í varanlegt fóstur, veikindin og hvað þetta allt saman hefur kennt henni.
11.maí 2017 - 18:00 Björgvin G. Sigurðsson

Skaðlegar skattahækkanir

Áform ríkisstjórnarflokkanna um að hækka virðisaukaskatt á ferðaþjónustuna koma illa við greinina, sem á sama tíma glímir við gengisstig krónunnar sem brennir upp ábatann af þessum stærsta atvinnuvegi landsins. Gangi skattahækkanir Sjálfstæðisflokks, Viðreisnar og Bjartrar framtíðar eftir er ört vaxandi grein í viðkvæmri stöðu greitt þungt högg.
11.maí 2017 - 17:00 Suðri

Framúrskarandi góðir Fiskar

Jón Ólafsson er einn af snjöllustu lagasmiðum landsins og hefur á löngum ferli komið víða við. Léttir sprettir Jóns fylgdu fyrstu misserum Rásar tvö og þeim tímamótum sem tilkoma popptónlistarstöðvarinnar hafði á tónlistarlíf landsins og aðgengi almennings að dægurtónlist. Á svipuðum tíma kom fyrsta skífa Jóns og félaga hans Stefáns Hjörleifssonar, undir merkjum Possibillities.
07.maí 2017 - 21:00 Akureyri vikublað

Oddfellowstúkan Sjöfn fagnar 100 afmæli með rausnarlegri gjöf

Oddfellowreglan hefur gert upp að fullu tvær raðhúsaíbúðir við Öldrunarstofnun Akureyrarbæjar, sem ætlaðar eru aðstandendum heimilisfólks stofnunarinnar sem og aðstandendum sjúklinga Sjúkrahússins á Akureyri, sem þurfa að dveljast á Akureyri vegna nákomins ættingja.
07.maí 2017 - 15:00 Reykjanes

Nemendur Grunnskóla Grindavíkur smökkuðu á engisprettum

Nemendur í Grunnskóla Grindavíkur fengu áskorun frá náttúrugreinakennaranum sínum að borða þurrkaðar krybbur (engisprettur). Fyrst þurftu þau að skoða þær í smásjá og borða síðan eina krybbu. Til að gera þetta enn skemmtilegra fengu þau sem borðuðu krybbuna þrjú m&m að launum. Krybburnar eru í sjálfu sér ekki með bragð svo þær eru kryddaðar með bbq bragði.
07.maí 2017 - 12:00 Akureyri vikublað

Gegnumslag Vaðlaheiðarganga: „Stór og mikil samgöngubót“

„Við áttum að vera vinnufélagar, en við vorum liðsheild. Þetta átti að vera verkefni, en þetta varð áskorun,“ stendur á Facebook-síðu Vaðlaheiðarganga í tilefni gegnumslags síðasta föstudag. Mikill fjöldi mætti á opið hús í göngunum á föstudaginn en þar hittust meðal annarra sveitarstjórar Svalbarðsstrandarhrepps og Þingeyjarsveitar á hreppamörkunum inni í fjallinu.
07.maí 2017 - 09:00 Akureyri vikublað

Embla Sól sigraði í sínum flokki í Dragkeppni Norðurlands: „Það dulræna heillar“

„Úlfur Máni er varúlfur skástrik „fox spirit“ en ég fékk innblástur úr Grimm-þáttunum. Hann yfirnáttúruleg vera og byggður að hluta til á karakterunum Blutbad og Fuchsbau,“ segir Embla Sól Pálsdóttir, 16 ára nemandi í 10. bekk Brekkuskóla, sem sigraði í sínum flokki í Dragkeppni Norðurlands sem haldin var af Hin – Hinsegin Norðurland um helgina.