04. sep. 2017 - 19:00Suðri

Svartidauði - Bókarkafli úr bók Kim Kimselius Svartidauði

5. kafli 

Hafi daunninn í húsinu verið vondur var hann ekkert samanborið við sæta og kæfandi fnykinn sem nú lagði á móti þeim. Þau stigu ósjálfrátt nokkur skref aftur á bak til að forðast þessa hræðilegu lykt sem kom þeim til að kúgast. Ramóna horfði á Minette sem hélt rósinni þétt við vitin og skildi nú hvers vegna stúlkan sleppti ekki blóminu. Hún notaði rósina til þess að ilmurinn af henni kæfði dauninn. Þar hafði Ramóna rangt fyrir sér. 

Minette trúði því að ef hún væri með góða lykt við vitin hlyti hún ekki sömu örlög og Filippó móðurbróðir hennar sem lá þarna í herberginu.„Hvað hefur gerst?“ másaði Theó og reyndi að forðast að anda með munninum eins og það hjálpaði til við að útiloka lyktina. Minette yppti öxlum og horfði raunamædd á þau.„Nákvæmlega það sama og hjá öllum öðrum,“ sagði hún og gekk að næstu dyrum, opnaði þær og beið eftir að Ram¬óna og Theó litu inn.  

Þau fóru ófús á eftir henni og litu inn í herbergið en sáu ekkert, ekki frekar en í hinu herberginu. Gluggahlerarnir voru lokaðir og dimmt var í herberginu en þarna var sami ógeðslegi fnykurinn. „Af hverju er þessi daunn?“ spurði Ramóna hóstandi og sneri sér frá dyrunum. „Í þessu herbergi?“ spurði Minette. Theó og Ramóna vildu fá að vita hvað lyktaði svona illa. Annaðhvort hlaut það að vera eitthvað sem var í herberginu eða einhvers staðar annars staðar í húsinu. Þau kinkuðu bæði kolli og herptu varirnar til að verjast ógleðinni sem helltist yfir þau. „Lyktin í þessu herbergi...“ hélt Minette áfram, „er af Ísabellu frænku minni. 

Í hinu herberginu var hún af Filippó frænda mínum og í þessu...“ Hún færði sig að næstu dyrum og opnaði þær, „er hún af herra Guiseppó, og hér...“ Hún færði sig að þar næstu dyrum. „ÞETTA ER NÓG!“ hrópaði Theó og færði sig að veggnum hinum megin við ganginn. Hann vissi að á fjórtándu öld hafði fólk ekki alltaf lagt mikla áherslu á hreinlæti en gat ekki skilið að svona vond lykt gæti verið að nokkurri manneskju ef hún væri ekki... væri ekki dauð! 

Varla gat þó þetta fólk verið dáið? Minette hafði sagt að allir hefðu verið í veislu kvöldið áður, étið, drukkið, sungið og verið glaðir. Hvernig gat þá fólkið verið dáið? Hrikaleg hugsun læddist að honum og hann leit skelfingu lostinn á Minette. Hvernig gat Minette verið á lífi ef allir aðrir voru dánir? Eina skýringin sem honum kom til hugar var að HÚN hefði drepið allt fólkið. En hvers vegna? 

Ramóna hafði dregið sömu ályktun og starði óttaslegin á Minette. Hún flýtti sér að grípa fyrir vitin til að útiloka þennan hræðilega óþef og vissi að annars færi hún bráðum að gubba.Minette stundi, gekk að stiganum og benti þeim að elta sig. Ramóna og Theó litu hvort á annað. Þau vildu en vildu þó ekki fara inn í eitt herbergið og kanna aðstæður en þorðu það hreinlega ekki. Augljóst var að Minette var dauðhrædd við það sem var í herbergjunum. Mikinn kjark hafði þurft til að sýna þeim þetta, en hún þorði ekki heldur að fara inn í herbergin.

 Og nú hljóp hún næstum niður stigann og kallaði til þeirra:„Flýtið ykkur niður! Ekki vera þarna lengur! Komið!“ Theó og Ramónu flýttu sér að fara að ráðum hennar. Þau hlupu á eftir henni og lá allt í einu svo mikið á að komast í burtu frá því sem var í þessum herbergjum að þau flæktust hvort fyrir öðru og voru næstum dottin niður stigann. Hrollur fór um þau þegar þau hugsuðu um að þau höfðu ætlað að fara inn í þessi herbergi til að kanna þau. 

Minette hvarf inn í eldhúsið og skellti á eftir sér. Theó og Ramóna eltu hana og flýttu sér jafn mikið og hún að skella á eftir sér. Theó hallaði sér upp að hurðinni eins og hann væri hræddur um að eitthvað ógeðslegt hefði elt þau og reyndi að komast inn í eldhúsið. Ramóna lét fallast niður á stól og grúfði andlitið í höndunum en kíkti út á milli fingranna á Minette sem stóð með bakið upp við skáp og horfði á þau. „Hvað er á efri hæðinni?“ spurði Ramóna. „Ég sagði ykkur það. Móðurbróðir minn, frænka mín og...“ „Nei! Nei! NEI!,“ hrópaði Ramóna. „Ég er að tala um dauninn, þessa hrikalegu sætu og kæfandi lykt...“ Minette greip fram í. „Eins og ég sagði ykkur eru það frændi minn, frænka mín og...“„Minette?“ greip Theó fram í. „Áttu við að lyktin sé af þessu fólki?“ Minette kinkaði kolli, leit svo niður og starði niður á gólfið. 

Theó náði að sjá að tár blikuðu í augum hennar á bak við svarta lokkaflóðið. Axlirnar hristust. Hún grét. Theó hraðaði sér til hennar, tók í hugsunarleysi utan um axlir hennar og dró hana til sín. Hann strauk blíðlega yfir hár hennar og hélt henni fast þegar hún reyndi að losa sig. „Svona, svona,“ sagði hann lágt eins og hann væri að tala við lítið barn. „Gráttu bara.“„Slepptu mér!“ æpti Minette og reif sig lausa úr greipum Theós. „Slepptu henni!“ sagði Ramóna sem skyndilega fann til afbrýði og var um leið óróleg yfir framkomu stúlkunnar. 

Theó sleppti stúlkunni sem andaði ótt og títt og færði sig frá honum. „Æ, hvað hefurðu gert, hvað hefurðu gert!“ hrópaði hún. „Við höfum greinilega mismunandi skoðun á því, að öðrum kosti værirðu ekki svona hrædd. Nú finnst mér að þú ættir að segja okkur alla söguna,“ sagði Theó. Hann fór til Ramónu, settist hjá henni og tók í höndina sem hún rétti honum. 

Minette þurrkaði tárin af kinnunum og gekk að borðinu. Þar settist hún andspænis Theó og Ramónu og horfði hvasst á þau. „Ég hef engu logið og bara sagt ykkur sannleikann. En þið hafið ekki skilið það sem ég sagði.“ „Nei, augljóslega ekki,“ sagði Ramóna og hnyklaði brýnnar. „Vertu nú svo elskuleg að segja okkur hvað það er sem við höfum ekki skilið,“ sagði Theó. Hann sleppti hönd Ramónu, lagðist fram á olnbogana og horfði rannsakandi á grátbólgið andlit Minette. 

Þótt Minette virtist halda eldhúsinu tandurhreinu var augljóst að hún hugsaði ekki jafn mikið um eigið hreinlæti. Theó sá á taumunum eftir tárin að hörundslitur hennar var töluvert ljósari en hann hafði haldið. „Þarna uppi,“ sagði Minette og kinkaði kolli upp í loftið til að sýna að hún væri að tala um efri hæðina. „Þarna uppi liggja margir ættingjar mínir og vinir frænda míns og frænku. Það er vond lykt af þeim. Já, það er mikill óþefur af þeim, en hann er ekki verri en daunninn annars staðar í borginni. 

Þið segist hafa flust til í tíma og það er nokkuð sem ég á erfitt með að trúa. Ég verð þó að láta mér þá skýringu nægja og telja hana trúverðuga vegna þess að þá skil ég að ykkur gafst ekki tími til að sjá hvað er að gerast í borginni áður en ég dró ykkur inn um dyrnar. Er það rétt?“ Vá, hugsaði Theó, allt í einu virðist hún svo róleg og yfirveguð. Hann kinkaði kolli og sá útundan sér að Ramóna gerði það líka. „Þá vitið þið ekki að alvarleg farsótt geisar í borginni. Haugar af líkum liggja á götunum, fólk gengur um og pískar sig, krýpur á kné, ber krossa sem eru svo þungir að það skríður næstum, syngur sálma og lofar Guð og biður hann að fyrirgefa mannkyninu syndir þess og...“ Minette þagnaði og horfði á Theó og Ramónu. „Það biður Guð að taka farsóttina frá okkur. 

En ég held að Guð hafi yfirgefið okkur. Við hljótum að hafa gert eitthvað viðurstyggilegt fyrst hann sendi okkur svona hræðilega farsótt. Í gær var veisla og allir hlógu og voru glaðir. Í dag liggja þeir allir dánir í rúmum sínum og daun leggur af þeim. Þeir eru með stóra dökka bletti á þeim líkamshlutum sem ég hef séð. En ég hef ekki snert þá. Jú... ég snerti frænda minn í morgun þegar hann vildi ekki vakna. 

Ég fór inn til hans eins og venjulega og opnaði rifu á gluggahlerana til að 38 39 fá birtu inn í herbergið. Hann er vanur að vakna við það. Hann vill ekki að ég opni hlerana alveg, þá skammar hann mig. Hann... hann vill vakna mjúklega og varlega. Þess vegna tiplaði ég á tám að rúminu hans þegar hann vaknaði ekki við dagsbirtuna. Ég lagði höndina á handlegg hans, strauk hann varlega og hvíslaði nafnið hans. Hann var svo kaldur. Ég snerti vanga hans en hann var líka kaldur. Og þá sá ég... þá sá ég að augun voru galopin og störðu á mig án þess að sjá. 

Ég hljóp inn til Ísabellu frænku til að vekja hana og segja henni þessi hörmulegu tíðindi. Ég gaf mér ekki einu sinni tíma til að opna gluggahlerana. Sama ógeðslega lyktin var í herberginu hennar og ég þurfti ekki að snerta hana til að vita að hún væri líka dáin. Ég fór inn í hvert herbergið á fætur öðru og allir lágu jafn kaldir og stirðir í rúmunum með dökka bletti á húðinni. Óþef lagði af öllum og allir voru dánir... allir nema ég. 

Ég varð dauðhrædd og flýtti mér að loka öllum dyrunum aftur. Svo fór ég í eldhúsið sem var fullt af óhreinu leirtaui frá því í gærkvöld. Ég hef þvegið og skrúbbað í allan morgun því ég vissi ekki hvað annað ég gæti gert. En rétt áðan heyrði ég áköf hróp að utan. Það voru ekki venjulegu sársauka- og örvæntingarópin sem nú heyrast alls staðar. Ég varð forvitin og opnaði dyrnar. Þá sá ég ykkur koma hlaupandi fyrir hornið eins og kanínur á flótta undan veiðimanni. 

Ég veit ekki hvað kom mér til að stinga handleggnum út og draga ykkur hingað inn...en eitthvað kom mér til að gera það og ég vona af öllu hjarta að ég hafi gert rétt og að þið getið hjálpað mér. En... ég trúi því ekki að neina hjálp sér að fá, hvorki fyrir mig né ykkur. Allra síst eftir að þú tókst utan um mig, Theó. 

Sá sem hefur verið nálægt einhverjum sem dó úr sóttinni deyr líka eftir nokkra daga. Ég ber sennilega smit og mun örugglega deyja. Mér þykir þetta leitt ykkar vegna því nú eruð þið sennilega bæði smituð. Ef þið segið satt um að hafa flust til í tíma gátuð þið ekki valið óheppilegra tíma til að koma hingað. Hér bíður ykkar ekkert nema dauðinn!“

Kaflinn birtist fyrst í Suðri. Smelltu hér til að lesa. 



23.sep. 2017 - 18:00 Akureyri vikublað

„Aðstaða á heimsmælikvarða“

Í síðustu viku léku 35 íslenskir tónlistarmenn tónsmíð kvikmyndatónskáldsins Trevors Morris inn á nýja seríu The Vikings í nýrri aðstöðu í Hofi undir stjórn tónskáldsins Atla Örvarssonar. Trevor er tvöfaldur Emmy-verðlaunahafi og þykir afar kröfuharður. Aðspurður hvernig það kom til að hann valdi Hof til að taka tónlist sjónvarpsseríunnar upp segir Atli hugmyndina hafa komið upp í matarboði um daginn. 
23.sep. 2017 - 15:00 Reykjanes

Lítið um að vera í höfnunum

Makrílinn er ansi sérstakur fiskur.  Í ágúst þá var allt vitlast að vera í Keflavík og bátar voru að tví og jafnvel þrílanda sama daginn.  Síðan kemur 1.september og þá bara púff fiskurinn svo til horfin og veiðinn hrynur niður.
23.sep. 2017 - 10:30 Vestfirðir

Um áhættumat vegna mögulegrar erfðablöndunar milli eldislaxa og náttúrulegra laxastofna á Íslandi

Á dögunum lagði stafshópur skipaður af ráðherra fram stefnumótandi skýrslu um framtíð og fyrirkomulag fiskeldis á Íslandi. Þar eru ýmsar breytingar og áherslur lagðar til með það markmið að atvinnugreinin geti orðið sterk og öflug en jafnframt að starfsemin verði í sátt við náttúruna og hafi sjálfbærni að leiðarljósi. 
23.sep. 2017 - 07:00 Sigurður Jónsson

Ætla Logi og Oddný líka að skipta um nafn

Eins og allir vita sem fylgjast eitthvað með stjórnmálum þá þurrkaðist Samfylkingin nánast út í síðustu alþingiskosningum. Flokkurinn rétt skreið yfir 5% og hefur nú aðeins 3 þingmenn. Samfylkingin var einu sinni stór og ætlaði sér stórt hlutverk í stjórnmálum landsins. Samfylkingin fékk tækifæri á að stjórna landinu í fjögur ár en setti Evrópumet í fylgistapi eftir það.
22.sep. 2017 - 20:00 Akureyri vikublað

Dr. Gísli Kort í yfirheyrslu

Dr. Gísli Kort Kristófersson er nýr deildarformaður Hjúkrunarfræðideildar Háskólans á Akureyri.„Dr. Gísli Kort Kristófersson, sérfræðingur í geðhjúkrun, lektor í geðhjúkrun við Heilbrigðisvísindasvið Háskólans á Akureyri. Deildarformaður Hjúkrunarfræðideildar Háskólans á Akureyri.“
21.sep. 2017 - 21:00 Akureyri vikublað

Í nafni öryggis

Dýrleif Skjóldal skrifar: Það hefur kraumað í mér í viku. Það sem veldur má rekja til íbúafundar og deiliskipulagsbreytinga við Síðuskóla. Á fundinum kom fram tillaga Akureyrarbæjar um að innkeyrslan að Síðuskóla verði færð til norðausturs um svo sem eina bíllengd. 
21.sep. 2017 - 12:00 Akureyri vikublað

Skýldi sér á bak við nafnið

„Mig langar að koma skrokknum mínum í lag eftir meðgöngu og bílslys,“ segir Heiðrún Sigurðardóttir, betur þekkt sem Heiðrún Fitness, sem hefur ákveðið að leyfa áhugasömum að fylgjast með vegferð sinni að heilbrigðari lífsstíl á Snapchat-reikningnum heidrunfitness.
21.sep. 2017 - 11:30 Indíana Ása Hreinsdóttir

Allsherjarhreingerning samfélags

Atburðarás síðustu daga hefur verið lyginni líkust. Alþingi Íslendinga hafði varla verið sett þegar ríkisstjórnin féll. Orð geta ekki lýst viðbrögðum mínum þegar ég heyrði að ýmislegt benti til þess að ráðamenn hefðu reynt að þagga niður þá staðreynd að faðir forsætisráðherra hefði veitt barnaníðingi meðmæli svo hann gæti sótt um uppreist æru. Er samfélag okkar í alvöru svo rotið að það kói með níðingum, sama hversu sjúkir þeir eru?
17.sep. 2017 - 18:00 Akureyri vikublað

Brynhildur Pétursdóttir í yfirheyrslu

Mynd: Sigtryggur Ari Brynhildur Pétursdóttir er best í að stjórnast í öðrum en lökust í eldamennsku.
17.sep. 2017 - 16:00 Reykjanes

Er hægt að byggja fyrir enga peninga?

Eldri borgurum fer fjölgandi á næstu árum. Þrátt fyrir betra heislufar og lengri aldur er það svo að sumir þurfa á því að halda að dvelja á hjúkrunarheimilum. Þrátt fyrir að við viljum öll stefna á að aldraðir geti búið sem lengst á sínu heimili verður ekki hjá því komist að hafa framboð á hjúkrunarrýmum.
17.sep. 2017 - 13:00 Reykjanes

Íslenskt lambakjöt í fyrsta sinn markaðssett til erlenda ferðamanna í matvöruverslunum

Í kjölfar mikillar fjölgunar erlendra ferðamanna á Íslandi hefur þörfin fyrir aðgengilegri framsetningu á íslensku lambakjöti í verslunum verið aðkallandi. Í samvinnu við Krónuna, Kjarval og Norðlenska hefur Icelandic lamb nú brugðist við og kynnir nýja vörulínu. Ætlunin er að ná til þeirra ferðamanna sem kjósa að elda sjálfir í stað þess að borða á veitingastöðum.
17.sep. 2017 - 11:00 Reykjanes

Undirbúningur að heilsu- og forvarnarviku hafinn

Heilsu- og forvarnarvika verður nú í fyrsta sinn haldin sameiginlega á Suðurnesjum og fer hún fram 2. – 8. október nk. Markmiðið með heilsu og forvarnarviku er að draga úr þeim áhættuþáttum sem einstaklingar geta staðið frammi fyrir á lífsleiðinni og hlúa að verndandi þáttum með þátttöku allra bæjarbúa.
17.sep. 2017 - 10:00 Björgvin G. Sigurðsson

Mannúð í stað miskunnarleysis

Miskunnarlaus afstaða stjórnvalda í málefnum hælisleitenda hefur gengið fram af mörgum. Steininn tók úr þegar flóttastúlkunum Mary frá Niegeríu og Haniye, sem er af afgönskum ættum, var vísað frá landi í skjóli Dyflinar reglugerðarinnar, sem heimilar slíka brottvísun en fjarri því að skyldi stjórnvöld til þess. Það er ísköld pólitísk ákvörðun að vísa stúlkunum úr landi, út í óvissuna.
17.sep. 2017 - 09:00 Reykjanes

Sameining Garðs og Sandgerðis Já eða Nei

Þann 11.nóvember n.k. ganga íbúar Garðs og Sandgerðis að kjörborðinu og ákeða hvort sveitarfélögin eigi að sameinast í eitt sveitarfélag. Hér er um ansi stórt mál að ræða sem íbúar sveitarfélaganna þurfa að kynna sér vel. Verði sameining samþykkt verður ekki aftur snúið.
17.sep. 2017 - 07:00 Akureyri vikublað

Hamingjustormurinn

Ég fylgdist gáttuð með athugasemdastorminum sem hófst í kjölfar skráningar Stefaníu Töru Þrastardóttur í Ungfrú Ísland. Ég hneppti fljótt að mér ímyndaða vindjakkanum, dró húfuna niður fyrir eyru og klæddi mig í pollastígvélin.
16.sep. 2017 - 18:00 Akureyri vikublað

Íslendingar sjaldséðir hvítir hrafnar

Fyrirtæki Jökuls Bergmanns, Arctic Heli Skiing, hlaut á dögunum tilnefningu sem besta þyrluskíðafyrirtæki heims. Jökull Bergmann segir hér frá tilnefningunni og deilir um leið uppáhaldsuppskriftunum sínum.
16.sep. 2017 - 07:00 Akureyri vikublað

Eðli máls og stuðningur við KFA

Síðustu daga hefur átt sér stað umræða m.a. á vefmiðlum um samskipti Akureyrabæjar og Kraftlyftingarfélags Akureyrar (KFA) og hefur sú umræða ekki verið byggð á málefnalegum grunni en málið snýst í stuttu máli um óánægju KFA vegna þess stuðnings sem Akureyrarbær er tilbúinn til að veita félaginu.
15.sep. 2017 - 16:00 Suðri

Lýðheilsugöngur Ferðafélags Íslands

Alla miðvikudaga í september mun Ferðafélag Íslands standa fyrir lýðheilsugöngum um allt land. Göngurnar eru hluti af afmælisdagskrá FÍ en félagið fagnar 90 ára afmæli á árinu.
13.sep. 2017 - 16:30 Reykjanes

Eins og Palli var einn í heiminum - Aflafréttir

Það má segja að það séu tvenn áramót ár hvert. Hið fyrra er hið klassíska áramót í lok hver árs 31.desember. Og hin áramótin eru 31.ágúst, því að 1.september ár hver þá hefst nefnilega nýtt fiskveiði ár, og þegar þessi pistll er skrifaður þá er nýtt fiskveiði ár hafið. Það mun þýða að allur flotinn fer á fullt og stóru línubátarnir munu flakka norður og austur um landið til veiða og landa þar afla. Þetta þýðir líka að vörubílstjórarni og þá sérstaklega hjá Jón og Margeir ehf í Grindavík munu hafa nóg að gera við að flytja fisk til Grindavíkur.
09.sep. 2017 - 13:30 Akureyri vikublað

Hestar, myndlist og kaffi

Einar Gíslason býður upp á kaffi, hesta- og myndlistarsýningar hjá Brúnir Horse. Einar féllst á að gefa lesendum Akureyri Vikublaðs uppáhaldsuppskriftirnar sínar. „Það er mjög mikill áhugi á íslenska hestinum,“ segir Einar Gíslason hjá ferðaþjónustufyrirtækinu Brúnir Horse í Eyjafirði þar sem hann og eiginkona hans, Hugrún Hjörleifsdóttir, bjóða upp á hestasýningar, kaffisölu og myndlistarsýningar.
08.sep. 2017 - 07:00 Indíana Ása Hreinsdóttir

Um ósérhlífna viðmælendur

Sem blaðamaður hef ég fengið tækifæri að hitta og ræða við fólk úr öllum áttum og það sem betra er; haft gilda afsökun til að spyrja nærgöngulla og oft furðulegra spurninga sem ég myndi annars ekki endilega leggja í að spyrja. Það kemur mér alltaf jafn ánægjulega á óvart hversu margir eru tilbúnir til að deila sinni sögu, ekki fyrir athyglina, heldur til þess að opna á umræðu um oft á tíðum viðkvæm málefni og hjálpa þannig þeim sem á eftir koma.
07.sep. 2017 - 20:00 Akureyri vikublað

Særún Magnúsdóttir: „Ég hef fengið nýtt tækifæri“

Særún Magnúsdóttir, kennari á Akureyri, hefur öðlast nýtt líf eftir ristilbrottnám. Særún, sem greindist með sáraristilbólgu þegar hún var 18 ára, segir hér frá skömminni sem hún upplifði í kjölfar sjúkdómsins, aðgerðinni sem hún barðist fyrir, áhrifum veikindanna á lífið, og hvernig það er að vera með stóma.
07.sep. 2017 - 12:00 Akureyri vikublað

Stefanía Tara í yfirheyrslu

Akureyringurinn Stefanía Tara Þrastardóttir er stundum of hreinskilin. Fullt nafn, aldur og starfstitill? „Stefanía Tara Þrastardóttir, 22 ára og ég vinn sem förðunarfræðingur í Lyfju Smáratorgi.“ Stjörnumerki?„Steingeit fyrir allan peninginn.“ Nám? „Er ekki í námi eins og er, en draumurinn er að klára hárgreiðslunámið og mennta mig frekar í förðun.“
06.sep. 2017 - 07:00 Magnús Þór Hafsteinsson

Sauðfjárræktin í landinu glímir við verðfall og offramleiðslu

Sauðfjárræktin í landinu glímir við verðfall og offramleiðslu á sama tíma og ferðamenn til Íslands hafa aldrei verið fleiri. Hið meinta „kjötfjall“ sem á að vera til í landinu virðist þó ekki vera stærra en einhver 1.300 tonn. Það er einn loðnufarmur. Þetta er nú allt og sumt.
05.sep. 2017 - 15:14 Björgvin G. Sigurðsson

Átakavetur í aðsigi

Átök og óvissa einkenna stjórnmálin í aðdraganda sveitarstjórnarkosninga. Nýir flokkar reyna fyrir sér og stilla strengina til framtíðar og þeir gömlu freista þess að finna traust land undir fótum sér.
03.sep. 2017 - 19:00 Akureyri vikublað

Sonur Katrínar er langveikur: „Börn hætta ekki bara að vera flogaveik“

Móðir langveiks, fatlaðs drengs á Akureyri er ósátt við að lyfið Orfiril í mixtúruformi sé ófáanlegt álandinu en samkvæmt upplýsingum frá apótekum er lyfið væntanlegt um miðjan september. Gunnlaugur Vilberg er sex ára flogaveikur drengur sem þarf að taka Orfiril í formi mixtúru kvölds og morgna til að halda flogum niðri. 
03.sep. 2017 - 18:00 Eyjan

Stækkun friðlandsins í Þjórsárverum

Þjórsárver eru eitt af þeim svæðum Íslands sem er ómetanlegt hvað varðar náttúrufar og lífríki. Þau eru til að mynda víðáttumesta gróðurvin miðhálendisins, í yfir 600 metra hæð yfir sjávarmáli og þar á þriðjungur allra heiðagæsa heimsins varpstöðvar sínar. Hluti Þjórsárvera var friðlýstur árið 1981 og er á alþjóðlegri skrá Ramsarsamningsins sem dýrmætt votlendissvæði, sérstaklega vegna auðugs fuglalífs.
03.sep. 2017 - 14:00 Eyjan

Flugvöllur á Akranesi

Frá ofanverðum fimmta áratugnum og fram á áttunda áratuginn reyndu nokkrir minni flugrekendur fyrir sér með áætlunarflug og leiguflug á milli Reykjavíkur og Akraness en þessar tilraunir gengu heldur brösuglega.
03.sep. 2017 - 09:30 Eyjan

Guðni góður prestur

Guðni Ágústsson, f.v. landbúnaðarráðherra og heiðursforseti Hrútavinafélagsins Örvars á Suðurlandi, prédikaði við messu hjá séra Hjálmari Jónssyni í Dómkirkjunni í Reykjavík í vor. Það var á uppstigningardegi sem jafnframt var dagur aldraðra.
03.sep. 2017 - 08:00 Akureyri vikublað

Kristín Sóley deilir sínum uppáhalds uppskriftum

Kristín Sóley Björnsdóttir, viðburðastýra hjá MAk deilir sínum uppáhalds uppskriftum með lesendum. Laxabulgur með lime-jógúrtsósu. Fyrir 4. Sósa: 2 dl grísk jógúrt, rifinn börkur af 1 lime, 1–2 tsk. fljótandi hunang, flögusalt.
02.sep. 2017 - 17:00 Akureyri vikublað

Stephany Mayor í yfirheyrslu

Stephany Mayor er markahæsti leikmaður toppliðs Þórs/KA. Stephany er frá Mexíkó og saknar mest matarins heiman frá. Fullt nafn, aldur og starfstitill? „Stephany Mayor, 25 ára, atvinnumaður í fótbolta.“
02.sep. 2017 - 08:00 Akureyri vikublað

Bókmenntahátið í Hofi

„Það er mjög spennandi ár framundan og ég get engan veginn gert upp á milli,“ segir Kristín Sóley Björnsdóttir, viðburðastýra hjá Menningarfélagi Akureyrar, þegar hún er beðin um að velja þann viðburð MAk í vetur sem hún er spenntust fyrir. 
01.sep. 2017 - 13:43 Akureyri vikublað

Alþjóðlegi sjálfsvígsforvarnardagurinn nálgast

Á ári hverju falla um 40 manns fyrir eigin hendi. Milli 500 til 600 manns til viðbótar gera til þess tilraun. Geðhjálp og Rauði krossinn hófu átakið Útmeða fyrir tveimur árum. Átakið beindist að sjálfsskaða og sjálfsvígum ungra karlmanna en sjálfsvíg eru algengasta dánarorsök karlmanna á aldrinum 18 til 25 ára. Ljóst er að það vantar meiri peninga í forvarnir, líkt og umferðarforvarnir sem bjargað hafa mannslífum. Geðhjálp og Rauði krossinn eiga þakkir skildar fyrir sitt framtak. Öll umræða er af hinu góða. Fólk verður að geta talað um sína vanlíðan og vita hvert hægt er að leita.
27.ágú. 2017 - 22:00 Akureyri vikublað

Erna Kristín í yfirheyrslu

Fullt nafn, aldur og starfstitill? „Erna Kristín Kristjánsdóttir, 43 ára, afleysingakennari í grunnskóla í augnablikinu en annars í starfsleit.“ Fjölskylduhagir: „Gift Sveini Heiðari Sveinssyni sjómanni, við eigum tvö börn saman og svo fylgdu honum Sveini mínum fimm flott ungviði.“
27.ágú. 2017 - 19:00 Akureyri vikublað

Náttúran og tengsl hennar og mannsins

Íslenskir og bandarískir listamenn sýna saman í sýningunni Hverfing sem stendur yfir í Verksmiðjunni á Hjalteyri. Umfjöllunarefni sýningarinnar er hnattræn hlýnun og ágangur manna á náttúruauðlindir. 
„Sýningin hefur verið í farvatninu í tæp tvö ár,“ segir Þórdís A. Sigurðardóttir sem, ásamt Önnu Eyjólfsdóttur, Rúrí og Ragnhildi Stefánsdóttur, stendur að sýningunni Hverfing/Shapeshifting sem nú stendur yfir í Verksmiðjunni á Hjalteyri.
27.ágú. 2017 - 16:00 Akureyri vikublað

Guðríður Gyða sveppafræðingur notar gjarnan sveppi í matargerð

„Ég ákvað að verða sveppafræðingur á fimm mínútum, vorið 1981, og hef ekki séð eftir því ennþá,“ segir Guðríður Gyða Eyjólfsdóttir, sveppafræðingur hjá Náttúrufræðistofnun Íslands, sem segir mikið úrval sveppa í íslenskri náttúru. 
27.ágú. 2017 - 14:00 Vestfirðir

Kvíar í Jökulfjörðum: Íbúðarhúsið endurbyggt

Gamla reisulega íbúðarhúsið að Kvíum í Jökulfjörðum hefur undanfarin ár verið algerlega endurbyggt. Byrjað var á verkinu árið 2012 og sér nú fyrir endan á framkvæmdunum. Það er fyrirtækið Borea Adventures sem hefur húsið til afnota og stendur straum af kostnaðinum. Að sögn Rúnars Óla Karlssonar eru komnar rúmar 30 milljónir króna í verkið.
27.ágú. 2017 - 07:00 Akureyri vikublað

Bónusgreiðslur

Hvað myndi ég gera ef ég ætti von á bónusgreiðslu upp á milljónir króna vegna þess að börnunum sem ég hef kennt hefur vegnað svo vel? Að vinnan mín hafi lagt grunninn að velgengni þeirra og þess vegna eigi ég von á sérstakri aukagreiðslu upp á milljónir jafnvel þótt það þýði að ekki sé hægt að hækka laun annarra kennara, kaupa kennslubúnað og það sem verst er, að rukka þurfi nemendur og foreldra þeirra um skólagjöld?
26.ágú. 2017 - 18:00 Akureyri vikublað

Söfnun og meðhöndlun sveppa

Nú er rétti tíminn til sveppatínslu. Samkvæmt sveppafræðingnum Guðríði Gyðu er nauðsynlegt að kunna réttu handtökin þegar safna skal sveppum. Hér eru ráðleggingar Guðríðar Gyðu. Það er fremur fljótlegt að safna lerkisvepp og mjög fljótlegt að safna furusvepp. Áður en aldin eru sett í körfuna þá er lítill, beittur skrælihnífur notaður til að skrapa og skera af mesta ruslið og moldina sem loðir við aldinið

26.ágú. 2017 - 10:00 Akureyri vikublað

„Þær verða Íslandsmeistarar“

Stelpurnar í Þór/KA eru enn ósigraðar í efsta sæti Pepsi-deildar kvenna með 38 stig eftir 3-0 sigur á KR á þriðjudaginn. Næsta lið er ÍBV með 28 stig og leik til góða. Fyrir leikinn við KR sagði Donni mikilvægt að halda einbeitingu. „Við erum á góðri leið en það er mun auðveldara að klúðra þessu, halda að þetta sé komið og hætta. Á meðan allir hinir eru á 100 prósent fókus að reyna að ná okkur megum við ekki slaka á eina sekúndu. Þá einfaldlega náum við ekki þessu markmiði okkar,“ sagði Donni við Þór TV.
26.ágú. 2017 - 07:00 Sigurður Jónsson

Fylgi Flokks fólksins á fleygiferð upp

Í síðustu skoðunakönnunum hefur það birst okkur að Flokkur fólksins er að bæta verulegu fylgi við sig. Takist flokknum áfram að ná eyrum kjósenda er örugg að hér mun koma nýtt afl í sali Alþingis. Nú segja menn þetta eru nú bara skoðunakannanir en ekki alvöru kosningar og því getum við í hinum flokkunum verið alveg róleg. Þetta mun breytast. Þau ná aldrei þessu fylgi. En er það svo? Geta gömlu flokkarnir verið alveg vissir um að halda í sína kjósendur.

25.ágú. 2017 - 07:00 Indíana Ása Hreinsdóttir

Áfram stelpur

Stelpurnar í Þór/KA sitja á toppi Pepsi-deildarinnar. Forskotið er það gott að með bjartsýni má halda því fram að tímaspursmál sé hvenær Akureyringar geti farið að fagna sigri í deildinni.
24.ágú. 2017 - 20:00 Akureyri vikublað

Siggi pönk: „Það trúðu allir öllu slæmu um mig enda átti ég að vera algjör brjálæðingur“

Eflaust muna flestir betur eftir Sigurjóni Baldvinssyni, Sigga pönk. Siggi býr á meðal glæpagengja í sambúi í Danmörku og fékk fyrst rafmagn í húsið sitt í fyrra. Í einlægu viðtali segir Siggi frá ástæðu þess að hann flutti frá Akureyri, eineltinu í æsku, sögusögnunum, rimmunum við lögregluna, anarkismanum, foreldrunum sem hafa alltaf staðið með honum, pönkinu sem hann segir enn á lífi og af hverju hann ætlar sér aldrei að verða fullorðinn.
31.júl. 2017 - 19:00 Austurland

Endurskoðun á úthlutunarreglum Byggðakvóta

Starfshópur sjávarútvegsráðherra hefur farið um landið síðustu viku og kynnt hugmyndir að nýju fyrirkomulagi á úthlutun byggðakvótans, bæði almenns og sértæks. Í grunninn væri verið að tala um eitt kerfi í framtíðinni og mun lengra tímabil, sem ætti að geta tryggt grundvöll fyrir uppbyggingu vinnslu í minni plássum. Að sögn nefndarmanna er tilhneigingin sú í tillögunum að úthlutanir færast frá stærri plássum til þeirra minni en reiknireglan sem notuð er miðast við fækkun íbúa, frekar en fiskveiðireynslu síðustu ára eins og verið hefur. 
31.júl. 2017 - 15:00 Austurland

ROKK-Hostel að HAVARÍ

Það hefur ekki verið slegið slöku við að Karlsstöðum í sumar og tónlistarveislan verið vel sótt. „Þetta er búið að vera ævintýri líkast,“ segir Berglind Häsler bóndi og bústýra en bætir við um leið að enn sé nóg eftir og dúndurdagskrá alveg út ágúst. „Hingað hefur streymt fólk af öllu landinu og öllum heimshornum ef út í það er farið. Það hefur verið húsfyllir á öllum viðburðum hingað til og stemningin nánast verið draumkennd á köflum því gestirnir okkar eru svo þakklátir og skemmtilegir. Þannig að við erum nokkuð viss um að seinni hluti sumarsins verði ekki síðri. Sérílagi Hæglætishátíðin um verslunarmannahelgina.“
31.júl. 2017 - 11:50 Arnaldur Máni Finnsson

Vinir í næsta bæ

Arnaldu Máni Finnsson Hvaða hraðferð er þetta alltaf á þér, spurði ég sjálfan mig á dögunum. Sumar og sól, hvalur að veifa sporði úti á firði, fuglasöngur og börnin í fullkominni þörf fyrir að teygja úr sér; seturnar í bílstólum á heitum sumardögum síður en svo besta líkamsræktin. Fannst samt eins og það væri einhver tími sem ég væri að missa, hafði ætlað mér að vera á þessum stað klukkan þetta og hinum svo klukkan hitt. Og það truflaði mig í raun, að maður er alltaf að skipuleggja ferðir og meirasegja fríið sitt í slíka þaula að óvæntu atvikin – sem einmitt breyta hversdögunum í minningarstundir – verða að útúrdúr sem tekur tíma. Mætti sleppa. Ekki ætti – en mætti.
30.júl. 2017 - 15:00

Jurtasápur og baðsölt frá Sólheimum í Rammagerðinni

Jurtasápurnar og baðsöltin frá Sólheimum fást nú í verslun Rammagerðar á Skólavörðustíg 12. Uppistaðan í vörunum eru líffrænt ræktaðar lækningajurtir úr blóma- og jurtagörðum Sólheima. Jurtirnareru tíndar þegar virkni þeirra stendur sem hæst. Útkoman er kraftmikil, gefandi og einstaklega nærandivörulína sem stenst samanburð við það allra besta sem í boði er.
29.júl. 2017 - 14:00

Skaginn 3X stóreflir tölvustýrða framleiðslu sína

Ingólfur Árnason framkvæmdastjóri Skagans, Jean Marc Fort svæðisstjóri Amada Europe SA og Hjörtur Pálmi Jónsson framkvæmdastjóri Iðnvéla handsala samninginn.
Tækni- og framleiðslufyrirtækið Skaginn hf., sem nýverið hlaut bæði Nýsköpunarverðlaun Íslands og Útflutningsverðlaun forseta Íslands, hefur nú tekið forystu í tölvustýrðri plötuvinnslu hér á landi með því að fjárfesta í sjálfvirkum vélbúnaði til plötuvinnslu. Vélbúnaðinum verður komið upp í nýbyggingu Skagans 3X á Akranesi. Fyrirtækið heldur þannig áfram uppbygginu sinni á Skaganum.
16.júl. 2017 - 22:00

Ferskt hráefni er lykillinn

Fáir veitingastaðir á Austurlandi hafa vakið jafn mikla athygli og sushistaðurinn Norð Austur á Seyðisfirði. Þrátt fyrir að vera aðeins tveggja ára gamall hefur hann nú þegar komist á hinn virta og heimsþekkta „White Guide Nordic“ (Norræni veitingastaðalistinn) sem tiltekur athyglisverðustu og bestu veitingastaðina á Norðurlöndunum. Austurland.is hafði á dögunum samband við Davíð Kristinsson, sem á og rekur staðinn ásamt vini sínum og mági Dýra Jónssyni. 
16.júl. 2017 - 17:00

Sæmundur gefur út bókmenntaverk ungra höfunda

Bókaútgáfan Sæmundur gefur um þessar mundir út tvö bókmenntaverk ungra höfunda, Smáglæpi Björns Halldórssonar og Kenopsíu Jóhönnu Maríu Einarsdóttur.

 SushiSocial: Volcano  rulla  2017