10. mar. 2017 - 20:00Akureyri vikublað

Svanfríður saknar ekki stjórnmálanna: „Ég verð aldrei manneskja sem situr hjá“

Svanfríður Inga Jónasdóttir á Dalvík á langan feril í stjórnmálum að baki. Svanfríður ræðir hér um reynslu sína sem ung kona á þingi á tímum þegar fáar konur voru í stjórnmálum, uppeldið hjá ömmu og afa á Dalvík, eiginmanninn sem styður hana í einu og öllu, öfgar og þjóðernispopúlisma, sem hún óttast, og jafnréttisbaráttuna, sem hún segir enn eiga langt í land.

Umdeildari á yngri árum Svanfríður segir umræðuna oft hafa verið óvægna þegar hún var að stíga sín fyrstu skref. Hún vonar að samfélagsumræðan sé ekki jafn grimm í dag. Mynd: Sigtryggur Ari

Ég sakna aldrei neins sem er liðið,

segir Svanfríður Inga Jónasdóttir innt eftir því hvort hún sakni skarkala stjórnmálanna en hún sat um árabil á Alþingi Íslendinga og einnig sem bæjarstjóri á Dalvík.

Óhrædd við ákvarðanir

Svanfríður tekur á móti blaðamanni í Menningarhúsinu Bergi á Dalvík en hún hefur setið í stjórn hússins frá upphafi. „Mér finnst mikilvægt að hafa alltaf eitthvað nýtt og spennandi að gera, eitthvað sem reynir á mig. Ég vil alltaf vera að læra eða lesa; halda hausnum gangandi. Kannski þarf ég alltaf að vera að sanna eitthvað fyrir sjálfri mér – ég veit það ekki. Hins vegar er ég alltaf snögg að loka dyrunum og finnst framtíðin ávallt áhugaverðust. Stundum velti ég jafnvel fyrir mér hvort ég sé of fljót að skella á eftir mér því auðvitað er gott að fara vel yfir hlutina. Ég hef alltaf verið fljót að taka ákvarðanir og eftir því sem maður eldist og öðlast meiri reynslu verður maður óhræddari. Ég skynja það gjarnan í stjórnmálum að reynslulítið fólk er oft hrætt við ákvarðanir – eins og þær séu eitthvað óendanlegt. Það kemur alltaf nýr dagur. Lífið veltur áfram og umhverfið breytist látlaus.“

Ung á þingi

Svanfríður kom fyrst inn sem varamaður á Alþingi árið 1984, á tímum þegar fáar konur sátu á þingi.

Ég var mjög ung en mér var í sjálfu sér vel tekið. Þarna voru margir rosknir karlmenn, hoknir af reynslu, sem tóku mér föðurlega og fannst í lagi að klappa mér á öxlina og segja mér til. Það var notalegt en ég held að þeir hafi ekki átt von á því að ég færi að derra mig um sjávarútveg strax á þriðja degi. Ég hafði skynjað í sveitarstjórn að ef maður vildi vera marktækur væru sjávarútvegsmálin eitt af því sem maður yrði að kunna skil á og þar að auki kom ég úr sjómannafjölskyldu á Dalvík. Það lá beinast við að maður setti sig inn í þau mál.

Gaspur og upphrópanir

Hún segir vinnubrögð þingmanna í ræðustól hafa valdið henni vonbrigðum. Menn hafi látið gamminn geisa án þess að hafa endilega eitthvað marktækt að segja. „Þetta gekk fram af mér þá en í dag skil ég hvað mönnum gekk til. Þetta er leið til að koma höggi á andstæðinginn en er leiðinda málflutningur. Ég kom síðan aftur sem varamaður inn á þing um 1990, og þá sem stjórnarþingmaður sem er svolítið annað en að vera í stjórnarandstöðu. Þegar ég kom síðan aftur inn á þing, árið 1995, og þá sem kjörinn þingmaður, hafði konum fjölgað og umræðan batnað. Konur vönduðu oftar málflutning sinn. Þær vildu vera öruggar með það sem þær voru að segja og tóku ekki þátt í svona löguðu. Síðan hafa þær sýnist mér margar runnið inn í þessa menningu. Það eru alltaf fleiri konur sem taka þátt í þessu gaspri og upphrópunum, því miður, því þetta skilar engu, hvorki fyrir mann sem einstakling né fyrir samfélagið.“

Lífið með ömmu

Svanfríður býr á Dalvík ásamt eiginmanni sínum, Jóhanni Antonssyni, en Dalvík hefur alltaf átt stóran hluta af hjarta hennar. Þar bjuggu móðurforeldrar hennar og þar var hún öllum stundum þegar hún var ekki í skóla.

Faðir minn lést þegar ég var ung. Mamma giftist aftur og ég ílengdist hjá ömmu Svanfríði. Ef amma hefði ekki farið á vertíð reglulega hefði ég að öllum líkindum líka farið í skóla á Dalvík. Hún hafði hins vegar reynslu af því að vera með barn á vertíð og vissi að það var enginn staður fyrir barn. Þess vegna fór ég í skóla í Kópavogi þar sem mamma bjó. Mér leið best í rólegheitunum hjá ömmu. Við vorum mjög hændar hvor að annarri,

segir hún og viðurkennir að líklega hafi það haft mótandi áhrif á hana að alast upp hjá eldri kynslóð. „Amma og afi höfðu sérstakar uppeldisaðferðir. Manni var algjörlega treyst og það eina sem þau voru ekki sátt við var ef ég stóð mig ekki í vinnu. Ég held að það hafi verið mjög gott veganesti sem hefur fylgt mér. Að vera elsta systir hefur líka mótað mig. Ég hef alltaf gert kröfur til mín og er mjög óánægð ef ég klára ekki verkefni sem ég byrja á.“

Önnum kafin amma

Þótt hún hafi langtímum verið með annan fótinn á höfuðborgarsvæðinu hefur hún alltaf átt lögheimili fyrir norðan. „Dalvík er heima. Héðan finnst mér gott að gera út. Nú búa tveir af strákunum mínum í Reykjavík og einn á Akureyri en ég er ekki viss um að það færi eitthvað betur um okkur þótt við byggjum öll á sama stað. Kannski maður myndi hitta barnabörnin oftar en það væri öðruvísi. Ég kann þessu fyrirkomulagi vel. Strákarnir mínir koma milli jóla og nýárs, á páskum og kannski á Fiskideginum og þá erum við öll saman. Það finnst okkur frábært. Þá gista allir, eru saman á náttfötunum og gera eitthvað skemmtilegt og þá er gott að eiga stórt hús,“ segir Svanfríður sem býr í gamla húsi ömmu sinnar og nöfnu. Synirnir eru þrír og ömmubörnin sjö.

Ég á orðið tíu afkomendur. Það finnst mér vel af sér vikið. Ömmuhlutverkið gerir ákveðna kröfu til manns og ég hef oft velt fyrir mér hvað það er að vera hefðbundin amma. Ég er amman sem er alltaf önnum kafin, eins og líklega flestar ömmur í dag.

Áköf ung kona

Svanfríður lét jafnréttismál sig varða mjög snemma. „Ég var mjög áköf ung kona og hef alltaf verið þótt aðstæður hafi breyst. Stundum liggur manni meira á hjarta en á öðrum tíma. Ég hef legið andvaka margar nætur yfir því hversu misréttið er mikið í raun og veru. Það getur hreinlega verið átakanlegt að vita og hugsa um það. Við konur af minni kynslóð vorum ekki eins öruggar með okkur og ungar konur í dag. Við höfðum ekki þessar fyrirmyndir og þurftum virkilega á því að halda að það væri stappað í okkur stálinu. Ég hef verið virkilega heppin með manninn minn, sem hefur alltaf bakkað mig upp og ögrað mér ef ég hef hikað. Hann hefur alltaf haft trú á mér og stundum mun meiri trú en ég sjálf. Það er ekkert sjálfgefið og sér í lagi ekki á þeim tíma sem fyrstu konurnar voru að gera sig gildandi í pólitík. Margir eiginmenn áttu hreinlega erfitt með það.“

Dalvíkingur Svanhildur býr í gamla húsi ömmu sinnar og nöfnu. Mynd: Sigtryggur Ari

Ætlaði að verða blaðamaður

Hún segist ekki hafa haft hugmyndaflug í æsku til að eiga drauma um að láta að sér kveða í pólitík. „Þegar við vinkonurnar í gagnfræðaskóla vorum að pæla í hvað við ætluðum að verða þegar við yrðum stórar markaðist val okkar af umhverfinu og þeim konum sem við litum upp til. Við vorum að rifja þetta upp vinkonurnar um daginn og þótt þær haldi því fram að ég hafi ætlað að verða stjórnmálamaður er ég klár á því að ég ætlaði að verða blaðamaður en giftast stjórnmálamanni. Þetta hefur eitthvað skolast til hjá þeim. Mér fannst of langsótt að ætla sjálf í stjórnmálin. Þótt Hulda [Jakobsdóttir, fyrsta konan til að verða bæjarstjóri] hefði verið bæjarstjóri í Kópavogi dugði það ekki til.“

Femínismi nauðsynlegur

Aðspurð segir hún ungar konur í dag upp til hópa kraftmiklar. „Stelpur eru orðnar svo miklu öruggari, eins og inni á þingi þar sem eru margar flottar ungar konur sem eru svo frjálsbornar og æðislegar. Ég er einnig ánægð með elsta barnabarnið mitt en hann stofnaði femínistafélag með vinum sínum í tíunda bekk. Það er svo gaman að sjá nýja hópa taka við keflinu. Í dag vitum við að femínismi er nauðsynlegur. Það er líka nauðsynlegt að einhverjir séu virkilega agressífir til að kalla fram viðbrögð og skerpa á umræðunni því það gerist lítið ef við ætlum öll að vera „mainstream“. Það þarf einhver að færa út mörkin. Þannig skapast rými fyrir fleiri. Það er enn langt í land. Baráttan er ekki orðin sjálfbær. Við þurfum enn að hafa fyrir henni á hverjum degi. Um leið og baráttufólk slakar á kemur bakslag. Þess vegna verðum við öll að vera meðvituð um það hvað við erum að gera, segja og hvernig við viljum haga lífinu.“

Umræðan erfið

Hún viðurkennir að það hafi stundu reynt á að standa í fæturna sem ung kona sem lét sig málin varða.

Sérstaklega hér á Dalvík þegar ég var að byrja í bæjarpólitíkinni. Umræðan gat orðið erfið og ég veit að strákarnir mínir fengu stundum að heyra það. Fólk var að sletta í þá en sagði kannski ekkert við mig. Ég held að slíkt sé ekki jafn algengt í dag. Samfélagið hefur mildast. Við erum ekki jafn grimm. Ég vona allavega að samskiptin séu orðin betri en kannski fær fólk bara sína útrás á netinu í staðinn. Ég var umdeildari þegar ég var yngri en sem betur fer hef ég haft mikla aðlögunarhæfni og átt gott með að laga mig að aðstæðum. Það hjálpaði líka hvað ég hef alltaf haft gaman af öllu sem ég tek mér fyrir hendur, ef ekki strax þá þegar ég er farin að lesa mér til. Ég er yfirleitt fljót að átta mig á hlutunum.

Hreifst af rauðsokkum

Svanfríður var fyrsta konan sem leiddi lista í pólitík á Dalvík og fyrsta konan sem varð aðstoðarmaður fjármálaráðherra og síðan fyrsta konan sem var bæjarstjóri á Dalvík, sem reyndar var þá orðin Dalvíkurbyggð. „Oftar en ekki hugsaði ég ekki einu sinni út í það. Mér fannst svo sjálfsagt að taka þessi verkefni að mér. Ég hef aldrei skorast undan áskorunum og hreifst strax, sem ung kona, af málflutningi rauðsokka. Það var alltaf ljóst að ég myndi skapa minn eigin starfsframa. Ég ætlaði að vinna fyrir mínum tekjum, eins og amma og mamma.“

En kom aldrei til greina að ganga í Kvennalistann?

Á litlum stað eins og Dalvík var ekki grundvöllur fyrir Kvennalista en mikið ofboðslega fannst mér málflutningur þeirra spennandi. Ég var samt meiri rauðsokka en þær og herskárri, sem kemur líklega úr mínu uppeldi. Afi var sósíalisti og hér var mikið rætt um þjóðmálin og mamma mín lá ekki á skoðunum sínum.

Klofningarsaga jafnaðarmanna

Hún segir slæmt gengi Samfylkingarinnar í síðustu kosningum áhyggjuefni. „Einhverra hluta vegna hefur hreyfing jafnaðarmanna klofnað látlaust alla síðustu öld, þetta er ein klofningarsaga, því miður. Vonandi bera menn gæfu til að stilla saman strengi. Ég óttast þær öfgar og þjóðernispopúlisma sem nú virðist vaða uppi í pólitíkinni, ekki síst á alþjóðavísu. Ég vona að við sjáum það breytast og held að veröldin þurfi á því að halda að vera með sterka hreyfingu jafnaðarmanna,“ segir hún og bætir aðspurð við að henni lítist vel á Loga Einarsson, núverandi formann Samfylkingar.

Hann er ferskur og óttalaus – réttur maður á réttum tíma.

En hver er skýringin á slæmu gengi gamla flokksins hennar?

„Samfylkingin átti að verða breytingarafl sem flokkurinn náði svo ekki að sýna þegar hann var kominn í ríkisstjórn, en þá voru aðstæður líka fordæmalausar. Þar með glataðist það eina sem stjórnmálaflokkur þarf að hafa – traustið. Það mun taka tíma að vinna það til baka. Ég er samt alltaf bjartsýn. Vonandi kemur að því að menn átta sig á því hvað sterkur jafnaðarmannaflokkur er mikil nauðsyn og láti af persónulegum hégóma og valdastreitu.“

Leiddist í stjórnarandstöðu

Eftir tvö ár í stjórnarandstöðu á þingi ákvað Svanfríður að hætta og snúa sér að öðrum málum. „Ég geri mér grein fyrir mikilvægi stjórnarandstöðu, bæði í sveitarstjórn og á Alþingi, en ég vil miklu frekar vera þar sem valdið er. Eftir tvö kjörtímabil var mér farið að leiðast,“ segir Svanfríður sem steig af þingi og hellti sér út í nám. Ekki leið þó á löngu þar til hún var aftur komin á kaf í bæjarpólitíkina. „Mér finnst erfitt að segja nei þegar eftir kröftum mínum er leitað. Þegar maður býr á svona stað er sjálfsagt og eðlilegt að maður taki þátt og nýti reynslu sína í þágu annarra. Að sama skapi finnst mér jafn eðlilegt að maður stígi til hliðar. Það getur verið skaðlegt að sitja of lengi á sömu póstum,“ segir hún og játar því að hennar afskiptum af stjórnmálum sé nú lokið.

Allavega með beinum hætti en ég tek ennþá að mér verkefni og þess háttar. Ég verð aldrei manneskja sem situr hjá.

Viðtal Indíönu Ásu Hreinsdóttur birtist fyrst í Akureyri Vikublaði. Smelltu hér til að lesa blaðið.




29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.

SushiSocial: jól 2017