24. ágú. 2017 - 20:00Akureyri vikublað

Siggi pönk: „Það trúðu allir öllu slæmu um mig enda átti ég að vera algjör brjálæðingur“

Eflaust muna flestir betur eftir Sigurjóni Baldvinssyni, Sigga pönk. Siggi býr á meðal glæpagengja í sambúi í Danmörku og fékk fyrst rafmagn í húsið sitt í fyrra. Í einlægu viðtali segir Siggi frá ástæðu þess að hann flutti frá Akureyri, eineltinu í æsku, sögusögnunum, rimmunum við lögregluna, anarkismanum, foreldrunum sem hafa alltaf staðið með honum, pönkinu sem hann segir enn á lífi og af hverju hann ætlar sér aldrei að verða fullorðinn.


Siggi pönk. Mynd: Guðrún Þórs.

Þetta er allt mömmu að kenna – hún er og var „rebel“ og hefur aldrei látið segja sér hvernig hún á að vera eða hvað hún á að gera. Ætli þetta sé ekki bara ættgengt? Eins og amma sagði, loksins hitti skrattinn ömmu sína, þegar mamma eignaðist mig. Hvorugt okkar hefur tekið í mál að vera sett í einhvern kassa. Við erum bara eins og við erum og látum engan segja okkur fyrir,

segir Sigurjón Baldvinsson, Siggi pönk líkt og flestir Akureyringar muna eftir honum. Siggi flutti frá Akureyri um 1993 en eflaust muna margir eftir honum á mótorhjóli, með hanakamb spilandi í pönk- og rokksveitum bæjarins.

Rekinn úr fyrsta bandinu

Frá 2005 hefur Siggi alið manninn í Danmörku en hann kom heim í sumar til að fagna gullbrúðkaupi foreldra sinna. Tónlistin á ennþá stóran sess í hjarta hans en hann syngur með hljómsveit sinni, Conspiracy Blood, um lífið og pólitík, en sveitin kom meðal annars fram á tónlistarhátíð fyrr í sumar.

Ætli þetta flokkist ekki sem „new metal“. Senan er stór úti og er að færast í aukana ef eitthvað er. Danir eru allt öðruvísi en Íslendingar þegar kemur að tónlist. Hér á Íslandi kaupir fólk sér gítar og byrjar að spila en í Danmörku er fyrst farið í tónlistarskóla, svo er keypt hljóðfæri og loks farið út að spila. Þar er ekki þessi tilraunastarfsemi og allt er meira niður njörvað, sem á ekki við mig – enda var ég rekinn úr fyrsta bandinu. Ég læt ekki vel að stjórn og sérstaklega ekki þegar kemur að tónlist þar sem allt á að vera frjálst,

segir Siggi sem safnar hljóðfærum. „Ég á allt; bassa, gítar, trommur – ef það kemur hljóð úr því get ég spilað á það, sama hvort það eru glös, járnarusl eða hljóðfæri. Ég byrjaði að semja þegar ég var tólf ára, líklega það sem flokkast sem pönk. Þá bjó ég mér til minn fyrsta gítar og fékk frábært rokk „sound“ úr honum.“

Lagður í einelti í æsku

Siggi fæddist í Vestmannaeyjum en fjölskyldan flúði í land í gosinu. Eftir það fluttu þau til Reykjavíkur, síðan Reyðarfjarðar og Njarðvíkur áður en þau komu sér fyrir á Akureyri. Hann segir æskuna hafa verið góða en viðurkennir að hafa goldið fyrir að vera öðruvísi. 

Mér gekk ágætlega í skólanum en skilaði þó aldrei inn verkefni eða mætti í próf. Ég fór strax að berjast við kassana; brjóta þá niður. Samt sem áður útskrifaðist ég með einkunn yfir meðallagi. Ég hef aldrei fallið í kramið hjá meirihlutanum, passaði ekki í hópinn og var lagður í einelti af krökkum úr eldri bekkjunum. Ég hafði mikla réttlætiskennd, var að passa þá sem voru minni máttar sem varð til þess að ég var alltaf að slást og fljótlega varð ég skotmarkið og var sjálfur lagður í einelti. Það situr hins vegar hvorki í mér eða er eitthvað sem ég hugsa um. Ég er fyrir löngu búinn að gera það upp enda læt ég ekki berja mig út af sporinu – þótt margir hafi reynt það.

Stungið inn tólf ára

Hann segist hafa stungið í stúf strax sem barn. „Ellefu, tólf ára var ég sá eini á Akureyri sem gekk um í leðurjakka og götóttum fötum og með hanakamb. Tólf ára var ég tekinn af löggunni sem sakaði mig um að selja dóp. Mér var stungið inn og ég látinn dúsa í klefa sem var náttúrlega kolólöglegt því ég var langt undir lögaldri. Eftir yfirheyrslu var mér bara hent út og eftir það var löggan á eftir mér þar til ég flutti úr bænum. Löggan hafði horft á of margar Hollywood-myndir og hafði brenglaðar hugmyndir og dæmdi mig eftir „koverinu“, ekki innihaldinu. Foreldrar mínir geta vitnað um að ég var ekki svo slæmur þrátt fyrir að hafa oft verið í vandræðum. Ég var góður þar til illa var komið fram við mig og þá svaraði ég af hörku. Sögurnar um mig voru hins vegar rosalegar. Það trúðu allir öllu slæmu um mig enda átti ég að vera algjör brjálæðingur. Mamma sagði oft við mig að það væri ekki sama hvort það væri Jón eða Sigurjón. Ef eitthvað gerðist var mér eða bróður mínum kennt um – líka þegar við vorum ekki á staðnum.“


Siggi stakk í stúf á sínum æskuárum á Akureyri. Mynd úr einkasafni.

Heppinn með foreldra

Foreldrar Sigga eru Anna Scheving og Baldvin Baldvinsson sem búa á Laugabakka. 

Pabbi hefur alltaf verið rólyndismaður og síðan ég fattaði hvað við mamma erum lík höfum við verið góðir vinir. Við erum til dæmis með svipaðan tónlistarsmekk. Mamma og pabbi stóðu alltaf með mér og ég gat sagt þeim allt enda hafði ég enga ástæðu til að ljúga eða fela neitt. Ég vissi að ég ætti alltaf stuðning þeirra vísan. Ég er einstaklega heppinn með foreldra og hef greinilega valið þá af kostgæfni.

Fellur í fjöldann

Í dag býr Siggi býr í 25 fermetra húsi í „kolonihave“ í Danmörku en garðurinn í kringum húsið er 500 fermetrar og ekki kom rafmagn í húsið fyrr en í fyrra. 

Þetta er ódýrasti mátinn til að lifa. Í garðinum er mikið af eplatrjám og berjarunnum og svo hef ég möguleika á að rækta grænmeti. Slíkt krefst hins vegar mikillar viðveru og ég hef annað að gera. Þarna ríkir hálfgerð Kristjaníustemning þótt andrúmsloftið sé óðum að breytast. Það er að verða algengara að fólk sé að byggja stór hús og leigja áfram. Flestir í minni götu eru frá Miðausturlöndum og svo þeir sem tengjast inn í þetta gengjarugl eins og Black Army, innflytjendaklíkuna sem er í stríði við Hells Angels, Banditos og hvað sem þetta heitir. Fyrir mig er stærsti munurinn á Íslandi og Danmörku sá að ég fell í fjöldann í Danmörku. Á Íslandi líður mér eins og það sé alltaf stækkunargler á mér sem var þó ekki ástæðan fyrir því að ég fór. Mig langaði bara að prófa eitthvað nýtt. Ég nennti ekki að standa í þessu rugli lengur og var orðinn þreyttur á lífsgæðakapphlaupinu.

Strauk úr sveitinni

Hann segist alltaf hafa verið duglegur í vinnu. „Ég byrjaði að vinna sem vinnumaður í sveit þegar ég var átta ára og var á nokkrum bæjum í Skagafirði og í Húnavatnssýslu. Það átti vel við mig að vera innan um dýrin. Hins vegar strauk ég þegar ég var tíu ára þar sem bóndinn notaði mig sem boxpúða. Ég sætti mig ekki við það, hoppaði berfættur í stígvél og húkkaði mér far heim á bolnum. Ég sagði mömmu og pabba að ég færi ekki til baka og þar við sat. Þau töldu víst að það væri góð ástæða fyrir því að ég væri kominn. Þau trúðu mér alltaf,“ segir hann og bætir við að hann hafi unnið ýmiss konar vinnu yfir ævina. 

Um tíma vann ég á dönsku barnaheimili og sá um börn frá tíu mánaða aldri til tveggja ára. Nú tala mörg af dönskum börnum með íslenskum hreim. Ég gæti vel hugsað mér að vinna meira með börn. Þau gera engan mannamun,

segir Siggi sem er í dag að jafna sig eftir vinnuslys. „Ég hafði verið að skipta um dekk á bílum frá morgni til kvölds og svo fór að hendurnar á mér þoldu það ekki. Ég hristi laus á mér beinin í úlnliðnum og er loksins að jafna mig.“


Siggi segir pönkið enn lifa góðu lífi o gsé meðal annars að finna í rokki og jafnvel poppi. Mynd: Guðrún Þórs

Pönkið lifir

Hljómsveitirnar sem hann hefur komið nálægt eru ótal margar en stoltastur er hann af Hún andar og Lost. „Allar þessar sveitir voru skemmtilegar á sinn hátt. Maður var á kafi í þessu því það var ekkert annað að gera. Þetta var gaman og fékk blóðið til að þjóta um æðar. Þetta var líka svo frábær félagsskapur. Ég var bara að hanga með vinunum.“

En er pönkið dautt? 

Þeir sem halda því fram eru bara bjánar sem vilja koma öllu fyrir í kössum til að selja það á góðan pening. Pönk er ekki bara öskur og læti heldur líka reggí, rokk og jafnvel út í hálfgert popp,

segir hann og viðurkennir að vera ennþá pönkari. „Ég er bara Siggi en ræturnar eru í pönki, anarkisma og hippamenningu; ætli ég kallist ekki anarkistahippi. Ég gengst upp í dýra- og náttúruvernd og er gegn öllu oki stjórnvalda og því rugli sem þau standa fyrir. Ég trúi ekki á kerfið en veit að ég þarf fyrst og fremst að breyta sjálfum mér og hafa þannig áhrif á fólk. Ég trúi á „love and peace“ enda rennur varla í mér blóðið líkt og pabba þótt ég hafi ýmislegt frá mömmu líka.“

Stórt píramídakerfi

Hann segir meirihluta fólks fylgja straumnum í blindni. „Það er óttalegur sofandaháttur í fólki. Það sitja allir á kaffistofunni í vinnunni og kvarta og væla undan ástandinu en svo koma kosningar og hvað gerist? Það kjósa allir sama liðið. Ég skil þetta ekki. Næ engan veginn upp í þetta,“ segir hann og hristir hausinn. 

Ég trúi á sjálfan mig og frelsi einstaklingsins til að gera það sem hann vill. Ég vil skipta um kerfi, burt með kapítalismann. Við erum að hylla risastórt píramídakerfi sem gengur út á að það situr einn á toppnum og hirðir allt. Svoleiðis virkar þetta. Peningar eru bara peningar og hafa aldrei drifið mig áfram. Kannski var það ástæðan fyrir því að ég varð snemma utangarðs, ég vildi ekki gangast upp í þessu lífsgæðakapphlaupi. Ég virka ekki í slíku umhverfi, verð eins og fíll í keramíkbúð eða jakkafataklæddur maður í frumskógi. Ég er náttúrubarn og veit fátt verra en þegar fólk gengur illa um náttúruna og hika ekki við að láta heyra í mér ef ég verð vitni að slíku,

segir hann og bætir við að hann hafi farið út í aktívisma í Danmörku. „Ég setti í gang herferð og fékk fólk mér mér til að merkja genabreyttar matvörur en sjálfur hætti ég að borða kjöt fyrir löngu.“

Verður aldrei fullorðinn

Siggi verður fimmtugur á næsta ári og neitar því staðfastlega aðspurður að það sé kominn tími til að verða fullorðinn. 

Aldrei. Að verða fullorðinn er gildra sem kerfið leggur fyrir mann til að hafa betri stjórn á manni. Ég ætla ekki að verða fastur í kassa og skulda allt, fötin mín, bílinn, sjónvarpið og nýja örbylgjuofninn en fá svo ógeð á öllu en komast ekki neitt. Ég skulda ekkert – ekki eina krónu. Einhvern tímann skuldaði ég meðlag en það er langt síðan. Ég hef gert margt í lífinu en mun aldrei hætta að læra og leika mér. Ég vil fá enn meira út úr þessu lífi – meira rokk og meira pönk.



21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 19:30 Vesturland

Bókarkafli: Svartur þriðjudagur

Í Fugley Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.

(15-2) Húðfegrun: Gelísprautun - nóv/des