27. okt. 2017 - 19:40Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama. Við erum nokkrar seiðkonurnar í fjölskyldunni. Hjá mér hófst þetta þegar ég fór að vinna í mér, mínum tilfinningum, vandamálum og meðvirkni. Ég fór að hreinsa út þar til ég fann kjarnann minn; hver ég er,“ segir Sigga en neitar því að vera skyggn. 

„Ég er næm en ég sé ekki. Ég skynja hlutina. Oft fæ ég skilaboð á ensku og í eitt skiptið heyrði ég greinilega rödd segja; „your name is Sunlight“, og þaðan er nafnið komið,“ segir hún brosandi.

Skrítni Íslendingurinn

Sigga, sem vekur gjarnan athygli fyrir frjálslega framkomu og öðruvísi klæðaburð, hefur litlar áhyggjur af því að stinga í stúf.

„Ég fór að vera opin með áhuga minn á andlegum málefnum þegar ég bjó í Noregi og var þar þekkt sem skrítni Íslendingurinn. Hér heima var þetta erfiðara en eftir því sem ég þekki mig betur og stend sterkar í mínum eigin styrk því minna máli skiptir mig hvað öðrum finnst. Einhverjum finnst ég kannski forvitnileg og það skilja mig ekki allir,“ segir hún og bætir við að það sé dásamlegt fyrir hana að búa í Eyjafjarðarsveit. 


„Það sem drífur mig áfram í minni sjálfsþekkingarleit er krafturinn og frelsið í því að vera ég sjálf,“ segir seiðkonan Sigríður Ásný Ketilsdóttir sem einnig er þekkt sem Sigga Sólarljós.

„Þar fæ ég að vera ég sjálf án fordóma. Ég er bara hún Sigga, Sólarljósið þeirra,“ segir hún brosandi og heldur áfram: „Eflaust halda einhverjir að þetta sé athyglissýki og ég vil athygli til að hvetja til vakningar um málefni sem þarf að minna á, svo sem virðingu fyrir náttúrunni og að fólk vakni og finni sjálft sig og sjái að það er í lagi að vera öðruvísi, en ég vil ekki að fólk upplifi mig skrítna, ég vil bara vera ég sjálf,“ segir hún en viðurkennir þó að hún hafi gaman af því að ögra. 

„En í starfi mínu sem seiðkona snýst þetta ekki um ögrun. Þetta nýst einungis um að vera ég sjálf, óhrædd. Ég er ekki að reyna að vera neitt. Ég bara er. Ég er seiðkona, shaman, norn. Ég er heldur ekki bara eitthvað eitt heldur svo margt. Minn heimur er úti um allt; ég er formaður kvenfélagsins, ég er í kirkjukórnum, vinn í afleysingu í leikskóla, starfa í fjósi og ég er þessi seiðkona en það mikilvægasta fyrir mig er að standa með mér og því sem ég stend fyrir í jafnvægi.“

Stress og áreiti mikið

Hún segir mikla vakningu í andlegum málefnum. 

„Þessi áhugi er alltaf að aukast af því að ójafnvægið í samfélaginu er að aukast. Maður sér það alls staðar; í stjórnmálunum, skólum, heilsu fólks. Það eru allir að leita fyrir sér í von um að finna jafnvægi. Sumir þurfa kannski aðeins að laga mataræðið, aðrir stunda jóga og hugleiðslu til að losna við stress en enn aðrir þurfa að kafa djúpt til að skapa sér betri líðan. Það má kannski segja að þetta sé í tísku en samt sem áður er þetta svo lífsnauðsynlegt fyrir marga. Stressið og áreitið er orðið svo mikið að margir höndla ekki lengur að lifa í þessu samfélagi,“ segir hún og bætir aðspurð við að sjálfsvinna snúist um að fara inn á við, fyrirgefa öðrum og sætta sig við sjálfan sig eins og maður er. 

„Maður þarf að sætta sig við veikleika sína en ekki síst sætta sig við styrkleikana, sem oft er erfiðara. Við erum oft hrædd við styrkleikana og ýtum þeim í burtu en einblínum á veikleikana. Hins vegar verðum við ekki sterkari en veikasti hlekkurinn og því þurfum við að fara inn í veikleikana líka og sætta okkur við þá til þess að verða heilsteypt og heil í því sem við erum.“

Lærði umburðarlyndi

Sigga er fædd árið 1969 og uppalin á Finnastöðum í Eyjafjarðarsveit. Faðir hennar, Ketill Helgason, er bóndi og ellilífeyrisþegi en móðir hennar, Erna G. Jóhannesdóttir, býr á Suðurlandsundirlendinu og er, að Siggu sögn, seiðkona líkt og hún. 

„Ég hef alltaf verið sveitastelpa en foreldrar mínir skildu þegar ég var níu, tíu ára. Þetta var á þeim tíma sem skilnaðir í sveitum voru ekki algengir en ég varð eftir hjá pabba og fékk stjúpmóður, yndislega konu. Samt sem áður upplifði ég engan stuðning né skilning og var alltaf að leita eftir ást. Pabbi er yndislegur maður en hann er alkóhólisti. Hann hefur kennt mér ofboðslega margt en það mikilvægasta er umburðarlyndi. Mér fannst ég ekki elskuð og á unglingsárunum var ég í sífelldri leit að einhverjum sem elskaði mig og fór um leið að brjóta mig niður. Ég fór að sofa hjá í von um að finna nánd sem ég uppgötvaði seinna að verður ekki fundin utan frá, hún verður að koma að innan. Ég leitaði til karlmanna eftir kærleika en á sama tíma treysti ég þeim ekki. Það var ekki fyrr en í hugleiðslu fyrir tveimur árum að ég upplifði stuðning frá karlmanni þegar faðir minn, frá fyrra lífi, sýndi mér hvað karlmaður, karlorka og stuðningur föður er. Þetta var ákaflega áhrifarík og sérstök upplifun sem gerði það að verkum að ég gat unnið úr sambandi mínu við karlmenn.“

Ófrísk 16 ára

Sigga á fjögur börn en elsti sonur hennar fæddist þegar hún var 17 ára. „Þegar ég varð ófrísk var ég bara 16 ára unglingur á slæmum stað í lífinu. Ég var gjörsamlega brotin og í niðurníðslu af drykkju en fann bremsuna þegar ég varð ólétt. Sonur minn bjargaði lífi mínu. Í honum fékk ég mannveru sem ég gat elskað skilyrðislaust og hann elskaði mig til baka skilyrðislaust,“ segir hún en bætir við að hún hafi líklega þjáðst af fæðingarþunglyndi eftir fæðinguna þótt hún hafi ekki gert sér grein fyrir því á sínum tíma. 

„Ég hugsaði um barnið en klæddi mig ekki og fór ekki á fætur. Það hafði enginn skilning á því sem var í gangi og ég skildi það ekki sjálf. Þegar sonurinn var þriggja, fjögurra ára þróuðust málin þannig að hann flutti til pabba og stjúpu minnar og ólst þar upp eins og tvíburabróðir litlu systur minnar sem er þremur vikum yngri en hann. Ég bjó í gamla húsinu okkar og var alveg týnd. Ég vann mikið og gat ekki tekist á við sársaukann og var á fullkomnum flótta.“

Enginn mórall

Hún segist ekki hafa samviskubit yfir því að sonurinn skyldi ekki alast upp hjá henni. 

„Ég fæ aldrei móral. Ekki heldur þegar ég var á fylleríum. Ég hef það bara ekki í mér. Svona var þetta bara, þetta gerðist og ég sé ekki eftir neinu. Ég veit ekki af hverju ég er svona, því það er ekki eins og mér sé ekki sama. Mér er alls ekki sama um son minn en svona þróuðust hlutirnir og við unnum út frá þeim. Hins vegar, þegar ég eignaðist strák númer tvö, fór ég í gegnum mikinn ótta við að missa hann líka. Það var ekkert mál að eignast stelpurnar en með drenginn þurfti ég að vinna mig í gegnum mikinn ótta,“ segir hún og bætir aðspurð við að tenging mæðginanna hafi ekki beðið hnekki. 

„Ég upplifði strax sterka tengingu við hann þegar hann fæddist og sú tenging hefur aldrei slitnað hjá mér en ég get auðvitað ekki svarað fyrir hann. Vissulega var erfitt að láta hann frá mér en hann var alltaf velkominn til baka. Honum leið hins vegar vel þar sem hann var.“

Þarfnast trausts

Sigga bjó með barnsföður þriggja yngri barna sinna í 17 ár en þau skildu árið 2012. „Allt í einu gat ég ekki meira og síðan við skildum höfum við bæði blómstrað. Mér þykir vænt um hann ennþá en ég er ekki ástfangin,“ segir hún og neitar því að hún sé að leita að manni. 

„Ég er ekki tilbúin að fara í samband því ég hef ekki enn náð að treysta karlmanni fyrir líkama mínum. Ég treysti því ekki að karlmaður beri virðingu fyrir mér og leyfi mér að vera ég sjálf. Ég verð að geta gengið að vini mínum og knúsað hann án þess að allt fari í háaloft og ég verð að fá að geisla mínu ljósi án þess að makinn verði afbrýðisamur og vilji eignast ljósið. Ég vil mann sem er nógu sterkur til að styðja mig í því að ég sé ég. Ég þarf þetta traust en þar til ég finn það er ég ekki tilbúin. En svo veit maður aldrei, kannski kemur hann fljótlega þessi elska.“

Frelsið mikilvægast

Fyrir Siggu er frelsið mikilvægast. „Ég þarf frelsi til að vera ég sjálf. Það er frelsið sem dregur mig áfram í öllu sem ég geri. Ég þoli ekki þegar eitthvað stjórnar mér; ég sjálf, matur, fíkn eða annað fólk,“ segir hún en neitar því aðspurð hvort leit hennar að frelsinu sé ef til vill bara flótti. 

„Frelsi felst í því að taka ábyrgð á eigin lífi en flótti er meðvirkni og afsakanir. Í flótta förum við að ásaka aðra og förum inn í fíkn okkar, sem getur verið hvað sem er, sígarettur, áfengi, ástarsögur eða eitthvað allt annað. Mín fíkn er ástarsögur og Harry Potter. Ég funkera ekki þegar ég les þessar bækur. Þá fer allt á hliðina og ég hugsa ekki um börnin eða heimilið. Bara ligg og geri ekkert annað. Ég borða ekki einu sinni. Ég vil vera kærleiksboltinn sem ég upplifði mig árið 2004. Þá sá ég mig fyrir mér sem geislandi, brennandi heita sól. Ég þekkti tilfinninguna frá því ég var barn og hef hægt og sígandi reynt að finna hana aftur en til þess þarf ég að losna við öll litlu höftin mín, öll litlu fangelsin sem ég bý mér til. Ég þarf að þora og taka á móti gagnrýni og sérstaklega í samskiptum við mína nánustu því þeir sem maður elskar mest eiga auðveldast með að særa mann en bara ef maður leyfir það.“

Endalausir möguleikar

En hvernig sér hún framtíðina fyrir sér? „Það eina sem ég veit er að halda áfram á þessari andlegu braut. Það er hægt að lifa hinu venjulega lífi á óvenjulegan hátt. Ég veit að það mun ýmislegt gerast en hvað og hversu stórt það verður veit ég ekki ennþá. Ég hef lengi verið að ganga upp brekkuna og loksins er ég komin alveg upp. Hér uppi er alveg flatt og möguleikarnir óendanlegir. Þetta ferðalag hefur ekki verið auðvelt en ofboðslega gefandi og það er þrjósku minni að þakka. Framtíðarsýn mín er að blómstra meira, vera aðeins meira ég, hvernig sem það verður fyrir ykkur hin,“ segir Sigga Sólarljós hlæjandi að lokum.




29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.