20. mar. 2017 - 19:00Austurland

„Sá aðili sem kemur inn í þetta þarf að brenna fyrir þetta starf“

Í ljósi nýsamþykktrar menningarstefnu Fjarðabyggðar mun aðkoma sveitarfélagsins að stuðningi við hvers kyns menningarstarfsemi stóreflast með tilkomu nýrrar menningarstofu. Að sögn Páls Björgvins Guðmundssonar, bæjarstjóra Fjarðabyggðar mun Menningarstofa Fjarðabyggðar ekki endilega verða staður með kaffistofu og móttöku enda getur eðli slíkrar starfsemi vart gengið upp í fjölkjarna bæjarfélagi eins og Fjarðabyggð ef hún er staðbundin. Helstu nýmælin í stefnunni eru fyrrnefnd stofnsetning Menningarstofu og ráðning forstöðumanns hennar en á meðal verkefna viðkomandi verður að hrinda í framkvæmd viðamikilli aðgerðaráætlun sveitarfélagsins til 2018.

Ekki staður heldur hugmyndafræði

„Menningarstofan er ekki einhver sérstök baðstofa þar sem tekið verður á móti fólki heldur heiti sem nær yfir þá hugmyndafræði og verkefni sem við höfum ákveðið að sinna af auknum krafti í ljósi hinnar nýsamþykktu stefnu. Þó starfsmaður hennar falli undir stjórnkerfi bæjarins og fari með forstöðu Tónlistarmiðstöðvar Austurlands þá verður þetta ekki heldur einhver kontór hér á bæjarskrifstofunum heldur bindum við vonir við að í þetta starf fáum við öflugan og áhugasaman einstakling sem sé tilbúinn til að vera þar sem hlutirnir eru að gerast hverju sinni. Það spilar mjög stóran hluta af menningarstefnunni að vel takist til með ráðningu í þetta starf. Þessi einstaklingur er sá sem á að hafa yfirsýn og drifkraft til að tengja saman allt það ólíka sem fer fram á mörgum stöðum; frábæra starfsemi Sköpunarmiðstöðvarinnar á Stöðvarfirði í suðri, öflugt frumkvöðlastarf og tónlistarmenningu í Neskaupsstað til norðurs og svo kjarnastarfsemi Tónlistarmiðstöðvarinnar og áherslur bæjarfélagsins í þróun þessara mála í samræmi við aðgerðaráætlunina sem var sett fram.“

Að brenna fyrir fjölbreytt starf

„Sá aðili sem kemur inn í þetta þarf að brenna fyrir þetta starf, því þetta eru fjölbreytt verkefni og ekki síst það að viðhalda heilbrigðri þróun í því hvaða verkefni verða til, “ segir Páll en hann telur það styrk í þessu starfi að það er ekki einhæft eða innilokað í einum bæjarkjarna. Þessi aðili mun hafa svona „hvatningarhlutverk“ á höndum að sögn bæjarstjórans, til að styðja við menningarstarfið á hverjum stað. „Það er ekki öllum gefið að ná árangri í svona verkefni og hvernig til tekst ræðst af því hvort einstaklingurinn hefur hæfileika til að vinna með ólíku fólki og fá fólk með sér á hverjum stað. Það þýðir um leið að viðkomandi þarf að hafa innsýn í menningu hvers staðar og geta unnið útfrá sérkennum og áhuga fólks á hverjum stað.“

Tólf milljón króna aukaframlag

Framlög sveitarfélagsins til menningarmála og menningarstarfs hafa í gegnum árin verið umtalsverð ef allt er talið, ein málaflokkurinn nær vissulega yfir vítt svið. Fyrir utan ýmsa dreifða styrki og rekstur þriggja tónlistarskóla hafa fjórar milljónir á ári verið settar í rekstur Tónlistamiðstöðvar Austurlands og að meðaltali um 8-9 milljónir til Uppbyggingasjóðs Austurlands samkvæmt samningi SSA þar um. Páll Björgvin telur heimtur úr þeim sjóði hafa að meðaltali verið ásættanlegar í gegnum árin. Nýmælið sem felist í rekstri Menningarstofu og framkvæmd menningarstefnunnar feli í sér ákvörðun um að veita 12 milljónum aukalega af ráðstöfunartekjum sveitarfélagsins til málaflokksins, án þess að skera önnur framlög niður á móti. „Það er verið að taka hluta af skattfé borgaranna til að efla menningarstarfið, og það er aðalmálið. Við erum stolt af því að geta þannig stutt við grasrótarstarf og hugmyndir íbúanna áfram eins og dæmin sýna að geta skipt verulegu máli. Við getum litið til þess kraftaverks sem Sköpunarmiðstöðin á Stöðvarfirði er sem dæmi,“ segir Páll Björgvin en hann telur tilkomu miðstöðvarinnar hafa skipt sköpum fyrir bæjarfélagið. Fjórðungi þeirrar aukningar sem áætluð er, 3 milljónum af 12, verður veitt til verkefna á Stöðvarfirði; tveim milljónum til Sköpunarmiðstöðvarinnar en einni til fornleifauppgraftarins á Stöð. Áætlað er að forstöðumaður og rekstur Menningarstofunnar kosti hinar níu milljónirnar.

Upphafið að draumnum um Tónlistarmiðstöð Austurlands

„Á sínum tíma hugsaði ég með mér að það gæti verið gaman að geta boðið upp á almennilegt hús til tónlistarflutnings hér á Austurlandi,“ segir Davíð Baldursson prófastur á Eskifirði en Tónlistarmiðstöð Austurlands er með nokkrum hætti órjúfanlegur hluti af þeirri menningarmiðstöð sem Eskifjarðarkirkja er. Þar sé langsamlega besta húsnæðið og aðstaðan til flutnings klassískrar tónlistar, enda kirkjan sérhönnuð með tónlistarflutning í huga. Davíð, sem starfaði einnig sem tónlistarskólastjóri á Eskifirði frá 1977-1990, segir að starf kirkjunnar og tónlistarmenningin á landsbyggðinni hafi alltaf verið samofin og verði það áfram með einhverjum hætti þar sem bæði fagfólkið í tónlistinni og hinn öflugi hluti tónlistarstarfsins sem tengist söng og kórastarfi, sé hluti af kjarnastarfi kirkjunnar sem menningarstofnunar.

Talað fyrir daufum eyrum um vægi organistanna

Davíð rekur sögu tónlistarflutnings á Austurlandi til baka í tveimur þráðum frá því að hann tók til starfa sem prestur á Eskifirði á sjöunda áratugnum. Þar sé um að ræða balltónlist og popp sem hafi átt heima í félagsheimilum og á skemmtistöðum, þar sem margir frábærir tónlistarkennarar hafi örvað tónlistarlífið með sinni aðkomu. Flutningur þeirrar tegundar tónlistar sé oft tengdur skemmtanahaldi og víndrykkju en það sé menning sem sé nauðsynleg og þrífist vel. Hún sé aftur á móti aðeins möguleg vegna öflugs starfs tónlistarskólanna sem hafi að markmiði að þeir sem hafi hæfileikana geti þroskað sig sem tónlistarfólk í hæsta gæðaflokki. „Maður fann oft fyrir því þegar maður var að bjóða hámenntuðu og frábæru tónlistarfólki hingað austur í gamla daga til að flytja tónlist, að maður skammaðist sín fyrir aðstæðurnar sem voru fyrir hendi. Það þurfti að spila norpandi í köldum kirkjum og hýrast inná klósettum fyrir tónleika að bíða eftir því að þeir hefðust,“ rifjar sr. Davíð upp.

Bakland Tónlistarskólanna

Með tilkomu Tónlistarmiðstöðvarinnar sé aðstaðan allt önnur og það verði alltaf hlutverk hennar að vera sterkt bakland Tónlistarskólanna í Fjarðabyggð og á Austurlandi, nú sem fyrr. „Það vilja margir horfa framhjá því þegar tónlistarlífið eflist að í gegnum tíðina hefur kirkjan hefur verið öflugasti liðsmaður tónlistarinnar á Austurlandi, eins og á landsbyggðinni almennt. Ég hef talað fyrir daufum eyrum þegar ég bendi á að fyrir tónlistarskólana hefur það verið lífsnauðsynlegt til að fá frjótt, hámenntað og hæfileikaríkt fólk til starfa að tónlistarstarfið í kirkjunni er það sem hefur haldið slíku fólki áfram á staðnum. Störfum organistanna hefur verið sinnt af fólki sem hefur verið þvílíkur fengur fyrir samfélagið hér eystra tónlistarlega séð.“ Davíð segir þau störf hafa fest fólkið í sessi og boðið uppá fjölbreytnina sem skapandi fólk þurfi til örvunar og til þess að skapa stöðuga samfellu í starfi hæfileikaríks fólks sem nægi ekki að bíða árlegra tónleika skólanna til að sjá árangur. „Í kirkjunni eru tónleikar hálfsmánaðarlega þar sem eru ný verkefni og áskoranir. Okkar besta fólk og það sem hefur haft hvað mest áhrif á tónlistarlífið eystra hefur starfað í kirkjunni og verið annt um hana,“ bætir Davíð við og nefnir til dæmis þau Gillian Haworth, Sunčana Slamnig og Charles Ross, sem hafi komið austur til að starfa sem organistar. Ágúst Ármann á Norðfirði og Thorvald Gjerde á Egilsstöðum séu einnig dæmi um gríðarlega áhrifamikla organista sem hafi lyft menningarlífinu á starfssvæði sínu.

Davíð segir það fagnaðarefni að sveitarfélagið sæki fram með því að leggja til forstöðumann Menningarstofu, sem sinni verkefnum Tónlistarmiðstöðvar Austurlands enda hafi það verið mikill barningur að halda starfsemi hennar á floti síðustu ár, þar sem rekstrarumhverfi hennar hafi verið erfitt frá hruni. Langt sé síðan Tónlistarmiðstöðin hafi notið þess að hafa starfsmann í fullu starfi við að sinna málefnum hennar þó hann sjálfur hafi gert sitt besta við að afla henni fjár til að sinna menningarlegu hlutverki sínu. Það sé fyrst og fremst það að vera vettvangur hvatningar og örvunar á starfi tónlistarskólanna, þar sem leitast hefur verið við að sinna ákveðinni endurmenntun tónlistarkennaranna með námskeiðahaldi og flottum tónleikum á klassískum nótum. Fagráð tengt FÍH og Listaháskólanum muni eflaust efla starfsemi Tónlistarmiðstöðvarinnar og hún gegna hlutverki sínu til framtíðar með sóma.

Birtist fyrst í Austurlandi. Smelltu hér til að lesa blaðið í heild sinni.

 




28.apr. 2017 - 20:00 Akureyri vikublað

Atli flutti heim eftir rúma tvo áratugi í Hollywood: „Það var eitthvað sem vantaði“

Kvikmyndatónskáldið Atli Örvarsson flutti heim til Akureyrar frá Hollywood á hátindi ferils síns. Í einlægu viðtali ræðir Atli um ástæðu flutninganna, æskuna sem var á köflum erfið, stopult sambandið við föður sinn, föðurhlutverkið, tónlistina og tónleikana í Hofi, glamúrinn í Hollywood og hjónabandið en Atli segir að það hafi verið ást við fyrstu sýn þegar hann leit fyrst konu sína augum.
28.apr. 2017 - 18:00 Suðri

Að vera fyrirmyndar fyrirmynd

Það er eitt mikilvægara en að eiga góða fyrirmynd, það er að vera góð fyrirmynd. Við þurfum að taka eftir góðum fyrirmyndum og vekja athygli á þeim svo að við getum fleiri notið þeirra og lært af. Fólkið sem gerir „meira“ er okkur fyrirmynd. Fólk sem gefur af tíma sínum til verkefna á vegum Rauða Krossins, til kirkjunnar og tekur þátt í ýmsu félagsstarfi.
28.apr. 2017 - 07:00 Kristinn H. Gunnarsson

Áfram vestur

Fyrir réttri viku var undiritaður formlegur verksamningur um Dýrafjarðargöng. Þar með er í höfn áratugalangt baráttumál Vestfirðinga fyrir greiðum heilsárssamgöngum milli norður og suðursvæðis Vestfjarða. Jarðgöngin verða að öllu forfallalausu tekin í notkun eftir rúm þrjú ár, líklega síðla árs 2020. Vissulega geta enn brugðist góð áform og fögur fyrirheit og jarðgöngunum gæti verið seinkað, en það verður að teljast mjög ólíklegt og ekki eru fordæmi fyrir því að brugðið hafi verið af ásettu ráði frá tímasettri verkáætlun eftir að samningar hafa verið undirritaðir. Því er hér því slegið föstu að Dýrafjarðargöngin séu í höfn.
16.apr. 2017 - 12:00 Austurland

Nútíma seiðmeistari í sínu náttúrulega umhverfi

Síðustu tuttugu ár hefur Austurland öðlast meiri og dýpri merkingu fyrir próf. Guðmund Odd Magnússon—Godd—og telur hann sig ekki geta komist g egnum árið án þess að komast austur. Því oftar því betra. Goddur er alinn upp á Akureyri en rekur ættir sínar í Breiðafjörð og á suðurfirði Vestfjarðakjálkans og býr í Reykjavík. Hann telur að þar sem hann beri þennan bagga sé mest um vert fyrir hann að sinna þv í vel að tappa á sig reglulega af orku og undrum Austurlands.
15.apr. 2017 - 20:00 Austurland

Anya Hrund vann sig í gegnum einelti með hjálp tónlistarinnar

Anya Hrund Shaddock frá Fáskrúðsfirði er fyrsti einstaklingurinn til að vera bæði handhafi aðalverðlauna Nótunnar, tónlistarkeppni tónlistarskóla landsins, og sigurvegari Söngvakeppni Samfés, á sama tíma. Þessi fjórtán ára tónlistarsnillingur er að sögn kunnugra jafnvíg á popp og klassík en kennarar hennar eru vissulega í skýjunum yfir árangrinum. Jón Hilmar Kárason gítarleikari segir það mjög óvanalegt að svo ung manneskja sé að semja jafn þroskaða tónlist og raun ber vitni og eigi jafn mikið af frumsaminni tónlist í sínum fórum á þessum aldri.
15.apr. 2017 - 08:00 Arnaldur Máni Finnsson

Hvað viltu verða?

Það er spurning hvort nokkur spurning er stærri en þessi þegar allt kemur til alls; og líf okkar er litað af henni á svo mörgum sviðum og mismunandi æviskeiðum. Hún boðar svo margt. Fyrst og síðast snýr hún að okkur sjálfum, þó hún l áti lítið yfir sér og hún sé kannski sú fyrsta sem börn minnast að hafa fengið, því hún fjallar í raun ekki um það hvort að við speglum væntingar annarra til okkar heldur hvaða vonir við sjálf berum í brjósti. Hvaða hugmyndir við höfum mátað við hugsjónir okkar og drauma til þess að verða að gagni. Og á mismunandi æviskeiðum mætir hún okkur á mismunandi hátt því að áskoranirnar breytast. Eins og hugmyndirnar sem hver og einn gengur með um sig sjá lfan. Hverju getur ákvörðun mín í dag breytt um það hver ég er í raun og veru? Göngum við ekki flest í þau verkefni sem við mætum án þess að velta því sérstaklega fyrir okkur hvort um áskorun sé að ræða sem breyti einhverju til frambúðar? Hvenær verðum við það sem við verðum, og hvenær erum við orðin það sem við erum? Eru til algildir mælikvarðar sem færa okkur fullvissu um það?
14.apr. 2017 - 07:00 Austurland

Samkeppnishæfni trúarinnar

Síðastliðinn vetur var ég í námsleyfi frá prestsstörfum á Vopnafirði. Ég ákvað að venda kvæði mínu í kross og innritaðist í viðskipta- og hagfræðideild Háskóla Íslands í stjórnun og stefnumótun. Í náminu lærði ég að besta leiðin fyrir fyrirtæki til að ná samkeppnisforskoti er að vera opin fyrir samvinnu og samstarfi. Að hjálpa öðrum stuðlar að aukinni nýsköpun og gefur tækifæri á nýjum mörkuðum. Nýjar kenningar í stjórnun byggja á að hvetja fólk til að gefa af sér, hjálpa hvert öðru og horfa á sameiginlega hagsmuni umfram sína eigin. Þetta er það sem kristin trú hefur boðað í nær 2000 ár, að listin að lifa er að treysta og hjálpa í samstarfi, elska Guð og náungann eins og sjálfan sig. Nú er þessi kenning orðin að opinberun í viðskiptalífinu.
13.apr. 2017 - 10:00 Austurland

Kortlagning, sáning og uppskera

Hönnuðir og listafólk frá Austurlandi lagði land undir fót í síðastliðnum mánuði og fann sér griðarstað á Kex Hostel við Skúlagötuna í Reykjavík . Það var hátíð í bæ, yfir hundrað hönnunarsýningar fylltu öll möguleg og ómöguleg sýningarrými borgarinnar. Útsendari Austurlands fylgdist með og tók púlsinn þar sem austfirskir hönnuður sýndu verk sín, auk þess sem dagskrá örfyrirlestra og austfirskur biti var á borðum. Föstudagurinn 24. mars var einnig formlegur frumsýningardagur áfangastaðarvefsins austurland.is en hann hafði verið opnaður tveimur dögum fyrr á Egilsstöðum að viðstöddu fjölmenni. Aðsókn að sýningunni og dagskránni á KEX var góð og margir spennandi fyrirlesarar komu fram.
12.apr. 2017 - 22:00 Austurland

Helgistund með sjálfum sér - Síðasta kvöldmáltíðin sýnd á morgun

Síðasta kvöldmáltíðin verður flutt á fjórum stöðum á Skírdag, 13. aprí l 2017: Á Raufarhöfn, Bolungarvík, Höfn í Hornafirði og í Keflavík og er opið endurgjaldslaust frá sólarupprás til sólarlags. Segja má að verk Steinunnar Knútsdóttur hafi á síðustu árum stefnt í þá átt að skapa rými og tíma þar sem áhorfandinn fer í gegnum ferli þar sem hann á í samræðu við sjálfan sig, eða skoðar sjálfan sig fyrir hvatningu verksins. Það er því gleðiefni að nú um páskana mun verk á vegum hennar, Rebekku Ingimarsdóttur og Halls Ingólfssonar tónlistarmanns, fara fram á fjórum stöðum á landinu, þar sem hver og ein reynsla er unnin útfrá viðkomandi stað.
09.apr. 2017 - 18:00 Akureyri vikublað

Mötuð afþreying

Hermaðurinn stendur fyrir framan heilt lið af óvinunum. Hann er sá eini sem stendur, allir vinir hans liggja eftir. Það er enginn séns að hann geti sigrað þá. En hermaðurinn lætur það ekki stoppa sig, hann er hetjan. Hann flýgur upp, sækir tunglið og kastar því í átt til óvinanna. Hann sigraði þá. Hann er hetjan… Mamma kallar og leikurinn stöðvast.
09.apr. 2017 - 15:00 Akureyri vikublað

Hulda: „Ég er manneskja en ekki rándýr“

Kraftlyftingakonan Hulda B. Waage borðar hvorki kjöt, fisk né aðrar dýraafurðir. Hulda féllst á að gefa lesendum Akureyri Vikublaðs sínar uppáhaldsuppskriftir. „Ég gerðist fyrst vegan þegar ég var 15 ára. Svo tók ég langa pásu þar til ég byrjaði aftur á þessu fyrir þremur árum,“ segir kraftlyftingakonan Hulda B. Waage sem af siðferðisástæðum borðar ekki kjöt, fisk eða aðrar dýraafurðir.
09.apr. 2017 - 12:00 Reykjanes

Hættulegasti þjóðvegur landsins

Stjórn Pírata á Suðurnesjum vill stefna að traustum og öruggum vegasamgöngum á Suðurnesjum. Mikið mæðir á enda fara hér um svæðið vel yfir milljón ferðamenn á ári, auk allra Íslendinganna sem keyra um Reykjanesbrautina á leið sinni í og úr millilandaflugi. Allt þetta fólk þarf að aka brautina sem er einn fjölfarnasti en um leið hættulegasti þjóðvegur landsins eins og dæmin sanna.
09.apr. 2017 - 09:00 Akureyri vikublað

Ekki bara rennibrautir

Það hefur ekki farið fram hjá bæjarbúum að nú standa yfir miklar framkvæmdir við Sundlaug Akureyrar. En um hvað snýst framkvæmdin? Um er að ræða bæði nýframkvæmdir og viðhald. Þegar framkvæmdum lýkur í sumar verður komin ný og stærri lendingarlaug, tvískiptur pottur verður kominn á svæðið sem er annars vegar nuddpottur og hins vegar vaðlaug.
09.apr. 2017 - 07:32 Sigurður Jónsson

Hvers vegna var ekki hlustað á Vilhjálm Bjarnason?

Merkilegt mál hefur verið á dagskrá að undanförnu. Mál sem mörgum virðist koma nú mjög á ávart enda liðin meira en áratugur frá því gengið var frá sölu Búnaðarbankans. Nú hefur komið í ljós að þýskur banki, sem sagður vera einn af kaupendum bankans var það aldrei. Bankinn var notaður til að blekkja og rugla ríkisvaldið og fleiri í ríminu. S-hópurinn svokallaði með ólaf Ólafsson í fararbroddi náði að blekkja nánast alla.
08.apr. 2017 - 20:00 Akureyri vikublað

Gunnar I. Birgisson: „Það er nóg eftir í mér ennþá“

Gunnar I. Birgisson hefur gegnt starfi bæjarstjóra Fjallabyggðar í rúm tvö ár. Í opinskáu viðtali ræðir Gunnar um erfiðleika bernskunnar, skólagönguna, ástina sem hann fann á hestbaki, lífið úti á landi, viðburðaríkan stjórnmálaferilinn og ástæðu þess að hann hætti í pólitík. „Þetta hefur verið skemmtilegur tími og okkur hjónum hefur verið vel tekið. Það væsir ekki um okkur,“ segir Gunnar I. Birgisson en rúm tvö ár eru síðan hann tók við starfi bæjarstjóra Fjallabyggðar.
08.apr. 2017 - 18:00 Reykjanes

Aflafréttir: Mikið um að vera í Sandgerði

Mars mánuður sem hefur iðulega verið með stærstu aflamánuður ársins búinn og eins og við var að búast þá var mjög góð veiði báta frá Suðurnesjunum.  Dragnótabátarnir fiskuðu mjög vel.  Og Siggi Bjarna GK endaði með 210 tonn í 13 róðrum og mest 22,5 tonn í róðri.  Var Siggi Bjarna GK næst aflahæstur yfir landið.  Sigurfari GK kom þar rétt á eftir með 209 tonn í 14 og mest 23 tonn.  Benni Sæm GK 194 tn í 24 og mest 24 tonn.  Arnþór GK 164 tn í 13 og mest 19,6 tonn. 
08.apr. 2017 - 16:40 Akureyri vikublað

Elsku líkami

Úr auglýsingum, bíómyndum, sjónvarpsþáttum og öðrum miðlum fáum við endalaus skilaboð um það hvernig líkamar okkar eigi að líta út, hvað þeir eigi að geta gert, hvernig þeir eigi að eldast og svo framvegis.
08.apr. 2017 - 15:00 Akureyri vikublað

Sesselía Ólafsdóttir í yfirheyrslu

Sesselía Ólafsdóttir er 30 ára leikkona og Vandræðaskáld. Hún er best í forvitni um mannlegt eðli en lökust í sykurbindindi. Fullt nafn, aldur og starfstitill? „Sesselía Ólafsdóttir, 30 ára, leikkona og Vandræðaskáld.“ Stjörnumerki? „Fiskar.“ Nám? „Málabraut í Menntaskólanum á Akureyri, leiklist og leikstjórn í Kogan Academy of Dramatic Arts í London.“
08.apr. 2017 - 12:00 Þorvarður Pálsson

„Það gekk vel í Kópavogi og einhverjir þurftu að losna við mig“ - Gunnar I. Birgisson

Gunnar I. Birgisson er bæjarstjóri Fjallabyggðar en hann var áður bæjarstjóri Kópavogs og þingmaður. Hann fer yfir pólítískan feril sinn og framtíðina í viðtali við Akureyri vikublað og er ekki sáttur við þá meðferð sem hann fékk í Kópavogi um árið þegar hann var látinn segja af sér embætti bæjarstjóra.
08.apr. 2017 - 07:37 Indíana Ása Hreinsdóttir

Níðingurinn nýtur vafans

Fréttir af barnaníðingi sem gengur laus eftir að hafa fengið skilorðsbundinn dóm hafa skiljanlega vakið mikla reiði í samfélaginu. Það er gjörsamlega óskiljanleg ákvörðun að sleppa þekktum níðingi með skilorð og leyfa honum þannig að njóta vafans en ekki börnunum okkar. Fyrir liggur skýlaus játning, um það bil 50 þúsund ljósmyndir og tæplega 500 hreyfimyndir sem sýna börn á kynferðislegan og klámfenginn hátt og sú opinbera staðhæfing níðingsins að hann sé haldinn ólæknandi barngirnd. Skítt með það. Málið dróst á langinn og því skal skilorðsbinda. Þetta er svo fáránlegt að það nær engri átt.
03.apr. 2017 - 20:00 Akureyri vikublað

Jonna er ástfangin af listinni: „Það fengu margir áfall þegar ég setti mynd af kjötpíku á Facebook“

Listakonan Jónborg Sigurðardóttir, eða Jonna líkt og hún er alltaf kölluð, hefur verið uppreisnargjörn frá unglingsaldri. Í einlægu viðtali ræðir Jonna um listina sem á það til að stuða, endalausa plastnotkun mannsins, feimnina sem hrjáði hana í æsku, börnin fimm, alkóhólismann, ástina og taugaáfallið sem kenndi henni svo margt.
03.apr. 2017 - 07:00 Magnús Þór Hafsteinsson

Fyrst voru skipin rauð og þeir máluðu þau blá

Húsin voru líka rauð og þeir máluðu þau grá. Svona hefur þetta gengið allar götur síðan flutningafyrirtækið Eimskip keypti meirihlutann í HB hf. árið 2003. Þá misstu Akurnesingar yfirráðin á nær öllum nýtingarrétt sínum á fiskimiðunum við Ísland.
02.apr. 2017 - 19:00 Vestfirðir

Íbúafjöldi á Vestfjörðum stendur nánast í stað á milli ára

Í byrjun árs 2017 voru landsmenn 338.349 en landsmönnum hefur fjölgað um 5.820 frá sama tíma árið áður eða 1,8% samkvæmt upplýsingum frá Hagstofu Íslands. Í fréttatilkynningu frá Fjórðungsambandi Vestfirðinga kemur fram að íbúafjöldi á Vestfjörðum 1. janúar 2017 hafi verið 6.870 manns eða um 2,03%  af íbúafjölda landsins."Í byrjun árs 2016 voru Vestfirðinga 6.883 og hefur því fækkað um þrettán manns á milli ára er greinilegt að fækkunin á svæðinu er að hægja á sér og er líklega hægt að þakka það mikli uppbyggingu atvinnu á Vestfjörðum, og þá sér í lagi á sunnanverðum Vestfjörðum.
02.apr. 2017 - 18:00 Vesturland

Rýnt í gömul herkort á Kjalarnesi

Kjalnesingarnir (f. v.) Elías Pétursson núverandi sveitarstjóri Langanessbyggðar, Sigþór Magnússon fyrrv. skólastjóri Klébergsskóla, Guðni Ársæll Indriðason frá Melum og bræðurnir Ólafur og Björn Jónssynir frá Brautarholti virða fyrir sér gömul kort. Sögufélagið Steini á Kjalarnesi hélt á dögunum aðalfund sinn í félagsheimilinu Fólkvangi á Kjalarnesi. Félagið er áhugamannafélag um sögu og menningu á Kjalarnesi og hefur meðal annars staðið fyrir bygginu útialtaris við Esjuberg. Þar er einn fyrsti kirkjustaður á Íslandi og er bygging altarisins nú langt komin.
02.apr. 2017 - 18:00 Akureyri vikublað

Hamingjuperlurnar mínar

Þetta með hamingjuna. Strax í æsku heyrir maður að það sem skipti mestu máli sé að vera hamingjusamur. Öll ævintýri enda á þá leið; og þau lifðu hamingjusöm upp frá því. Endir. Þannig að ég lagði af stað í hamingjuleit. Leitaði úti um allt. Þessi brennandi innri þörf fyrir að vera hamingjusöm. Upplifa þá dásamlegu tilfinningu að vera „happy ever after“. Þegar ég yrði grönn yrði ég sko hamingjusöm, eignaðist draumabílinn, draumahúsið, fengi draumavinnuna, þá yrði ég sko hamingjusöm.
02.apr. 2017 - 10:00 Akureyri vikublað

Sindri Snær í yfirheyrslu

Sindri Snær er 21 árs nemandi á listnámsbraut í Verkmenntaskólanum á Akureyri. Sindri segist bestur í sviðslistum en slakastur í skipulagi. Fullt nafn, aldur og starfstitill: „Sindri Snær Konráðsson Thorsen, 21 árs, lista- og námsmaður.“ Nám? „Er á listnámsbraut.“
02.apr. 2017 - 09:00 Vesturland

Reisugildi hjá SÁÁ í Vík - Myndir

Hendrik Berndsen (Binni blómasali), Marta Guðjónsdóttir borgarfulltrúi, Þórarinn Tyrfingsson og Björgólfur Þór Guðmundsson í reisugildinu á Vík. Haldið var svokallað reisugildi í nýrri meðferðarstöð SÁÁ í Vík á Kjalarnesi. Þar var því fagnað að nú er búið að reisa nýbyggingar og loka þeim þannig að allt er orðið fokhelt og rúmlega það. Þessi mannvirki eru vísast mestu fjárfestingar í einstökum heilbrigðisbyggingaframkvæmdum á dreifingarsvæði blaðsins Vesturlands síðan sjúkrahúsin voru byggð á Akranesi og í Stykkishólmi.
01.apr. 2017 - 20:00 Akureyri vikublað

Umdeildur söluvagn við Glaumbæ: „Bæta ekki minjagildi þjóðargersema“

Skipulags- og byggingarnefnd Skagafjarðar hefur samþykkt að veita tímabundið stöðuleyfi fyrir söluvagn við Byggðasafnið í Glaumbæ þrátt fyrir yfirlýsta andstöðu byggðasafnsins og Þjóðminjasafns Íslands. Í umsögn Þjóðminjasafnsins segir að matarvagn samræmist ekki þeirri ásýnd og upplifun sem lagt er upp með að skapa í byggðasafninu.
01.apr. 2017 - 18:00 Akureyri vikublað

Kolbeinn Höður: „Er að gera það sem ég elska“

Akureyringurinn Kolbeinn Höður Gunnarsson býr í Bandaríkjunum þar sem hann stundar háskólanám á íþróttastyrk. Kolbeinn, sem er afreksmaður í hlaupi, féllst á að gefa lesendum Akureyri Vikublaðs eina af sínum uppáhaldsmataruppskriftum.
01.apr. 2017 - 15:00 Suðri

Ingvar og Eygló aðskilin eftir 59 ára sambúð

Ingvar Daníel Eiríksson og Eygló Jóna Gunnarsdóttir. ,,Við höfum fengið mikil viðbrögð og mjög margir eru hneykslaðir á þessu ástandi, margir eru líka reiðir og greinilegt að okkar saga snertir marga. Sumir hafa líka lent í svipuðum aðstæðum. Við erum ekki að ásaka einn eða neinn í þessu ferli, bara benda á þá ísköldu staðreynt að þetta er heilbrigðisþjónusta eldri borgara í dag,“ segir Lísa Björg Ingvarsdóttir í samtali við Eyjuna.
01.apr. 2017 - 07:00 Indíana Ása Hreinsdóttir

Áskorun á stjórnvöld

Líkt og Jónborg Sigurðardóttir, viðmælandi blaðsins, betur þekkt sem listakonan Jonna, er ég með plast á heilanum. Tilhugsunin um að sjórinn sé að fyllast af plasti fyllir mig óhug og ég reyni að gera mitt svo verði ekki.
31.mar. 2017 - 09:26 Akureyri vikublað

Gömlum söluturni á Akureyri breytt í fallega íbúð – Sjáðu myndirnar

Gamli söluturninn við Norðurgötu 8 á Akureyri er fyrir löngu orðinn sögufrægt hús. „Turninn“, sem var byggður árið 1933 eftir teikningum Tryggva Jónatanssonar byggingarfulltrúa, hefur hýst ýmsar verslanir á borð við Esjuna, Eyrarbúðina og Hreiðrið. Í dag er í húsinu glæsileg íbúð og miðað við myndirnar virkar rýmið mun stærra að innan en utan eða eins og einhver sagði; húsið er lítið og krúttlegt að utan en stórt og himneskt að innan.
30.mar. 2017 - 14:00 Akureyri vikublað

Jonna missti tökin á drykkjunni: „Hélt að ég væri bara djammari“

„Ég var veik í heilt ár og uppgötvaði fyrir vikið hvað heilsan er mikilvæg. Þegar maður missir heilsuna missir maður svo mikið,“ segir listakonan Jónborg Sigurðardóttir, kölluð Jonna. Í opinskáu viðtali við Akureyri vikublað ræðir hún meðal annars um baráttu sína við alkóhólisma, ofvirknina og taugaáfall sem hún fékk fyrir fjórum árum. Þessa reynslu segir hún hafa haft mótandi áhrif á hana.
30.mar. 2017 - 08:00 Austurland

Hýsir listamenn frá öllum heimshornum í gömlu frystihúsi

„Á síðasta ári stækkaði listamannadvalar-hlutinn hjá okkur um rúmlega helming en það þýðir að við erum með sjö manns á hverjum tíma í stað þriggja áður,“ segir Una Sigurðardóttir en hún er ein þremenninganna sem eru í forsvari fyrir Sköpunarmiðstöðina á Stöðvarfirði. Ásamt henni eru það Rosa Valtingojer og Vincent Wood sem eru í forsvari fyrir þetta listamannarekna samvinnufélag sem tók yfir rekstur gamla frystihússins á staðnum.
29.mar. 2017 - 09:00 Austurland

77 milljónir í framkvæmdir á ferðamannastöðum

Austfirsk verkefni hlutu alls um 77 milljónir króna. Alls var úthlutað 610 milljónum til verkefna víðs vegar um landið. Styrkflokkarnir eru þrír, til ríkisstofnana, til sveitarfélaga og til einkaaðila en hæsti styrkurinn í flokki einkaaðila á landsvísu, tæpar 5,9 milljónir, fer til Highland Hostel ehf., sem rekur ferðaþjónustu að Laugarfelli á Fljótsdalsheiði.
28.mar. 2017 - 19:00 Austurland

„Stærsta hindrunin var auðvitað að fara að vinna saman í raun og veru“

Ferðamönnum sem komu til Íslands fjölgaði um 39% milli ára í fyrra, og voru tæplega 1,8 milljónir. Arion banki spáir því að á þessu ári fjölgi þeim um 25%, en Íslandsbanki spáir enn meiri fjölgun, 30%. Ef það gengur eftir koma 2,3 milljónir ferðamanna til landsins í ár, með enn meira álagi á flugvelli, vegi, gististaði og náttúru landsins.
27.mar. 2017 - 22:00 Austurland

Þorsteinn sló Íslandsmet með gífurlegum mun - Glæstur árangur í bogfimi

Frábær árangur allra þriggja keppendanna frá Skaust, bogfimideild Skotfélags Austfjarða, á Íslandsmótinu í bogfimi sem fram fór síðustu helgi vakti verðskuldaða athygli. Öll kræktu þau sér í verðlaunapeninga og yngsti keppandinn, Þorsteinn Ivan Bjarkason sló Íslandsmetið í sínum flokki með gífurlegum mun ásamt því að ná Íslandsmeistaratitlinum í sveigboga karla undir 15 ára frábærri frammistöðu á föstudeginum en Guðný Gréta Eyþórsdóttir frá Fossá í Berufirði varð Íslandsmeistari í opnum flokki sveigboga kvenna og þurfti bráðabana til að skera úr um úrslitin þar.
27.mar. 2017 - 18:00 Austurland

Vetrartúrisminn bíður: „Nauðsynlegt til að ferðaþjónustan verði hér heilsárs atvinnugrein“

Eins og fram hefur komið í fréttum gengur neikvæð umræða í bylgjum yfir þjóðfélagið um þenslu og óraunhæfar væntingar um arðsemi í ferðaþjónustugeiranum. Í viðtali við Ívar Ingimarsson framar í blaðinu er fjallað um þennan vanda en eitt dæmi um það hvernig fjárfestar eru byrjaðir að halda að sér höndum er að þenslu ástand í Reykjavík veldur því að minni trú er á þessum geira almennt.
26.mar. 2017 - 21:30 Austurland

Ívar: Óumdeilt að „ferðamaðurinn” hafa bjargað okkur eftir hrun

„Græðgistalið er ein hliðin á peningnum en við megum ekki gleyma því að það eru margar hliðar á hverjum pening, allavega ef maður er að tala um íslensku krónuna, “ segir Ívar Ingimarsson gistihúsaeigandi á Egilsstöðum. Hann segir aftur á móti að það sé óumdeilt að „ferðamaðurinn” hafa bjargað okkur eftir hrun.
26.mar. 2017 - 20:00 Akureyri vikublað

Helena er þakklát fyrir hvert ár: „Ég er jafn hissa og aðrir að ég skuli enn halda röddinni“

Þótt Helena Eyjólfsdóttir sé orðin 75 ára gömul heldur hún enn tónleika fyrir fullu húsi. Eftir 60 ára feril gaf Helena út sína fyrstu plötu undir eigin nafni í fyrrahaust. Í einlægu viðtali ræðir söngkonan um lífið með Finni Eydal, skemmtanamenningu landans og tónlistina sem heldur henni ungri.
26.mar. 2017 - 15:00 Akureyri vikublað

Engin sjúkrabílavakt: „Ég geri ekki ráð fyrir að þessari ákvörðun verði breytt“

Sjúkrabílavakt á Ólafsfirði verður lögð niður í sumar. Að sögn forstjóra Heilbrigðisstofnunar Norðurlands eru verkefni teymisins ekki nægilega mörg til að halda uppi viðunandi gæðum faglegrar þjónustu. Bæjarráð Fjallabyggðar mótmælir harðlega ákvörðun framkvæmdastjórnar Heilbrigðisstofnunar Norðurlands um að leggja niður sjúkrabílavakt á Ólafsfirði.
26.mar. 2017 - 12:00 Austurland

Dagný Erla: „Með opnum og jákvæðum hug þá koma tækifærin til manns“

Ég er Austfirðingur í húð og hár. Á reyndar ættir að rekja á vestur á firði en á Austurlandi hef ég búið allt mitt líf. Eða, já næstum því. Eins og svo margir þá hélt ég til Reykjavíkur í nám. Þar lærði ég að standa á eigin fótum, lærði að rata um götur borgarinnar með símaskrána að vopni og kynntist fólki sem eru bestu vinir mínir í dag.
26.mar. 2017 - 11:00 Akureyri vikublað

Grétar segir fordóma í garð kraftlyftinga: „Þetta nýja lyftingafólk veit ekki einu sinni hvað sterar eru“

Grétar Skúli Gunnarsson, formaður stjórnar Kraftlyftingafélags Akureyrar, segir óvissuástand í húsnæðismálum félagsins ólíðandi. „Ég vona að fólk sé að vakna og við fáum húsnæði til frambúðar,“ segir Grétar Skúli Gunnarsson, formaður stjórnar Kraftlyftingafélags Akureyrar, sem hefur fengið sig fullsaddan á því sem hann kallar óvissuástand varðandi húsnæðismál félagsins.
26.mar. 2017 - 07:00 Arnaldur Máni Finnsson

Að kunna að skammast sín

„Það er sjónarspilið víða og óréttur, yfirgangur og hroki allstaðar upp vaðandi,“ sagði við mig kona, komin til ára sinna og hafði verið að fylgjast með fréttum. Hér á landi er blásið í herlúðra af öllum sortum þessa dagana og nánast að manni þyki að það séu allir að verða heyrnarlausir; jafnt þeir hinir sem hrópa hægri og vinstri og snúsnúsnú, eins og skáldið sagði.
25.mar. 2017 - 21:00 Akureyri vikublað

Kristinn Gísli er nýkrýndur Íslandsmeistari í matreiðslu: „Hakk og spaghettí hjá mömmu í uppáhaldi“

„Áhuginn á matargerð kviknaði snemma. Pabbi minn er kokkur og var alltaf í eldhúsinu þegar ég var lítill. Hann kenndi mér heilmargt og lét mig sjá um uppvaskið og að skræla kartöflur. Það þurfa allir að kunna grunnatriðin líka,“ segir Kristinn Gísli Jónsson matreiðslunemi sem sigraði keppinauta sína í matreiðslu á Íslandsmeistaramóti í iðn- og verkgreinum sem haldið var í Laugardalshöllinni um síðustu helgi.
25.mar. 2017 - 13:00 Akureyri vikublað

Stærsti aðdáendaklúbbur heims: „Hvar væri fjörið ef ekki væri fyrir aðdáendurna“

Þegar búið er að pakka jóladótinu og það slokknar á síðustu jólaseríunni í upphafi janúarmánaðar er strax hægt að fara að hlakka til næstu hátíðar. Jú, nefnilega Eurovision! Strax í upphafi árs, jafnvel aðeins fyrr, fara Evrópulöndin að kynna lögin sem verða líklega send fyrir hönd þeirrar þjóðar, flytjendur eru valdir og upplýsingar um keppnir og lög streyma inn á veraldarvefinn.
25.mar. 2017 - 07:00 Sigurður Jónsson

Hverjir eiga lífeyrissjóðina?

Lífeyrissjóðir í landinu eiga gífurlega miklar eignir. Staðan er sú að sjóðirnir hafa yfir að ráða 3500 milljörðum. Lífeyrissjóðirnir hafa fjárfest mikið í innlendum fyrirtækjum og eiga nú stóran hluta í öllum stærstu fyrirtækjum landsins. Framundan eru svo fjárfestingar erlendis.
24.mar. 2017 - 22:00 Akureyri vikublað

Guðný Zoëga í yfirheyrslu

Guðný Zoëga er deildarstjóri fornleikfangadeildar Byggðasafns Skagfirðinga. Guðný segist best í beinum en slökust í hannyrðum. Fullt nafn, aldur og starfstitill? „Guðný Zoëga, 48 ára, fornleifafræðingur.“ Stjörnumerki? „Fiskarnir.“ Nám? „Fornleifa- og mannabeinafræðingur.“
24.mar. 2017 - 18:00 Reykjanes

Nóg um að vera á loðnuvertíðinni

Í síðasta pistli þá endaði ég að tala um loðnubræðslunni í Sandgerði sem því miður hætti starfsemi. Grindvíkingar sitja svo til við sama borð og Sandgerðingar gagnvart loðnunni. Loðnuverksmiðja var rekin í Grindavík undir nafinu Fiskimjöl og Lýsi og árið 1997 þá keypti Samherji Albert GK og jafnframt verksmiðjuna. Albert GK fékk nafnið Oddeyrin og í hönd fóru miklar framkvæmdir í Grindavík og var verksmiðjunni svo til byggð upp alveg frá grunni og þegar upp var staðið þá var hún orðin 1500 tonna verksmiðja, og það kláraðist árið 2003. Til að mynda þá voru tekin á móti 97 þúsund tonnum af uppsjávarfiski í Grindavík árið 2003, og af því þá var loðna 68 þúsund tonn.
23.mar. 2017 - 18:00 Austurland

Make it happen again - Ávextir austfirskrar hönnunar

Föstudaginn 24.mars kynnir Austurland áfangastaðaverkefni sitt og austfirska hönnun í víðu tilliti með viðburði á KEX Hostel í Reykjavík, sem fram fer undir merkjum HönnunarMars. Garðar og Eva hjá STUDIO EYJOLFSSON kynna verkefni sem þau hafa verið að vinna með franska hönnuðinum Thomas Vailly og ber heitið Vidar – Woody en Elísabet og Ágústa hjá ALVÖRU kynna vörulínu úr hreindýraleðri sem ber heitið USELESS.