19. nóv. 2017 - 10:00Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. Sjúkdómurinn er  svo bráður, að fyrstu skepnurnar finnast oftast dauðar, uppblásnar og blætt hefur frá öllum vitum. Blóðið er dökkt, lítt storkið og  dauðastjarfi á kroppnum er lítill sem enginn. Í hverjum blóðdropa er  að jafnaði aragrúi sýkla, sem mögnuð smithætta fylgir. Ef grunur er um miltisbrand skal taka blóðsýni í sprautu til þess að staðfesta gruninn  en ekki kryfja. Krufning á slíkum skepnum er óráðleg vegna þess að þá  myndast fleiri dvalargró, þegar súrefni kemst að sýklunum og smithætta verður enn meiri og varanlegri.

Sjúkdómsorsökin er miltisbrunasýklar ,,Bacillus anthracis", sem mynda  dvalargró. Gróin eru ótrúlega lífseig. Á jörðinni dofnar  smitkrafturinn á fáum mánuðum líklega fyrir áhrif sólarljóssins og veðrunar, en ofan í jörðinni lifir smitefnið nær endalaust. Sýklarnir  bárust til Íslands frá Danmörku með stórgripahúðum frá Afríku. Það  vantaði leður til skógerðar og í sjóklæði. Stórgripahúðir voru einnig notaðar til hlífðar á dragnótir.  Einnig eru dæmi um að mengað fóður hafi borið sjúkdóminn til landsins.  Innflutningur á húðum byrjaði 1864. Þær voru fluttar um allt land og sjúkdómurinn kom upp í kjölfar þeirrar dreifingar.



Fyrsta tilfelli var  staðfest árið 1866 á bænum Miðdal í Mosfellssveit. Það ár drápust 20  stórgripir auk 3ja lamba og 2ja hunda sem snuðruðu í hræjum gripanna. Næsta ár drápust 8 stórgripir í Miðdal. Þegar mönnum varð ljóst, hvernig smitið hafði borist til landsins og dreifst um landið var með lögum loksins tekið fyrir  innflutninginn 1904 og þá tók að mestu  fyrir  ný miltisbrunatilfelli. Sjúkdómurinn hélt áfram að bæra á sér  ef raskað var jarðvegi þar sem grafið var. Það er því nauðsyn að vita  um alla staði þar sem smithætta er og fara með gát þegar jörð er  hreyfð, ef upp koma dýrabein eða aðrar líkamsleifar dýra. Komist hefur  á prent, að miltisbrandur hafi fyrst komið upp árið 1865 á Skarði á  Skarðsströnd og drepið á annað hundrað fjár. Það er ekki rétt. Önnur  ástæða dauðsfallanna en miltisbrandur fannst síðar.  Algengast er að skepnur smitist við að eta fóður, gras og vatn mengað  miltisbrunasýklum. Afleiðingin er miklar blæðingar og drep í meltingarvegi og öðrum líffærum, saurinn verður blóðugur. Smit getur  líka orðið við að anda að sér ryki sem er mengað af sýklum. Algengasta  sýking hjá fólki og stundum hjá skepnum er, þegar sýklar berast í sár  eða fleiður á húð. Þá myndast svokölluð drepkýli, sem eru svört og þar  af er nafnið dregið (Anthrax eða kol). Ef sýklar berast í sár á hálsi  eða andliti er lífshætta á ferð vegna heiftarlegrar bólgu. Slík mein eru læknanleg með penicillíni.  Öllu skiptir að grípa nógu fljótt til lækninga.

Við Ólöf Erla kona mín höfum í sumar farið um landið til að huga að  merkjum, sem byrjað var að setja niður á miltisbrunagröfum árið 2005. Þetta eru hvítir staurar, sívalir 50 cm háir og 7 cm í þvermál. Þessi  merki hafa týnt tölunni sum hver, flest vegna þess að þau hafa verið  óvarin fyrir nuddi og nagi hrossa og kinda en einstaða hafa horfið af  mannavöldum því miður. Flest merkjanna standa þó. Alls höfum við  skrásett og merkt á ný, þar sem þurfti tæplega 150 grafir og svæði á 
 næstum 100 stöðum, þar sem miltisbrunahætta er til staðar. Merkingin  nú er varanlegri en fyrr. Plötur úr ryðfríu stáli með áletruðum  númerum eru festar á staurana með draghnoðum og borði með endurskini  límdur á þá. Borðarnir eiga að endast í 20 ár en plöturnar í 100 ár. Af 150 stöðum eru grafin hræ af skepnum, sem dáið hafa úr miltisbrandi  eða rökstuddur grunur er um slíkan sjúkdóm. Þar af eru 11 á Vestfjarðakjálka.

Miltisbrunagrafir á skrá á Vestfjarðakjálka eru þessar:

A170 Gillastaðir á árunum 1910-1920
Tjón: 2 hestar (eða fleiri).
Hnit:   65°31 306  N,   22°01 183 W  51.9  m.y.h.
Gömul hesthústóft 5x8m er á túni Gillastaða neðan vegar að bænum um  90m frá íbúðarhúsi, 56m suður frá vegi heim að bænum og um 60 m  suðvestur af fjárhúsi. Rústirnar eru frá 1910-20. Í húsinu voru  brenndir 2 eða fleiri hestar  sem veiktust og drápust úr miltisbrandi.  Húsin voru svo felld yfir hestana. Ekki er vitað hvernig smit barst á bæinn.

A171 Barmar  um 1900
Tjón: 1 kýr .
Hnit: 65°28 474 N,  22°09 116 W  60.9 m.y.h.
Ofarlega í brekkunni beint upp af torfbænum á Börmum og um 20 metrum  neðan við veginn að Reykhólum eru greinileg merki um gröf stórgrips.  Þar var grafin kýr frá Ólafi Þorlákssyni bónda á Börmum upp úr aldamótum 1900.  Oddur Jónsson læknir í Miðhúsum áleit að um miltisbruna væri að ræða  og ráðlagði að grafa hana djúpt. Óþekkt er, hvernig smit barst á staðinn.  Lilja Þórarinsdóttir á Grund vísaði á staðinn þar sem kýrin hafði  verið grafin.

A272 Reykhólar.
Tjón: allar kýrnar á bænum (6 eða fleiri) – nóv. 1882.
Hnit:  65°26 54.3 N,  022°12 19.7 W.  38 m.y.h Í bókinni ,,Burt og  meira en bæjarleið", sem hefur að geyma brot úr dagbókum fólks, sem   flutti vestur um haf, útg. 2001 segir skv. Bréfi Jóns frá Steinadal: Kýrnar á Reykhólum fóru af miltisbrandi. Kennt um danskri húð,er lögð  hafði verið í bleyti. Ekki er vitað hvar hræin voru grafin. Í bókinni  Öldin okkar mun vera sagt frá því að allar kýrnar á Reykhólum hafi  drepist úr miltisbrandi 1882  eftir að hafa drukkið vartn, sem danskar  húðir voru lagðar í. Hjörtur Þórarinsson, sem ólst upp á Reykhólum  telur líklegast að þær hafi verið grafnar í brekkunni sem er fram af kirkjunni.  Þar var merkið sett um 70 metrum vestan við kirkjudyr.

A180 Saurbær á Rauðasandi
Tjón:  menn eða maður (líklega tveir menn) -
Hnit: 65°28 732 N,  024 °00 250 W   11.8 m.y.h
Ívar Ívarsson í Kirkjuhvammi á Rauðasandi varaði við stað í  kirkjugarðinum í Saurbæ, þar sem hann sagði að lægju menn(maður), sem  dáið hefðu úr miltisbrandi. Því var kennt um, að rekið hefði 
stórgripshúð, sem losnað hefði af trolli og mennirnir hefðu sýkst,  þegar þeir fengust við húðina, sem nota átti til skógerðar.  Fyrir  nokkru var lagður rafstrengur út í kirkju. Þá var komið niður á 
kistulok. Kona Tryggva Eyjólfssonar á Lambavatni vissi þetta og varaði  við framkvæmdum. Gunnar Eyjólfsson sjómaður og svo starfsmaður í  Álverinu var fæddur á Lambavatni á Rauðasandi. Hann hefur eftir Ívari  í Kirkjuhvammi að vesturhorn í kirkjugarðinum í Saurbæ til hægri (sunnan megin) megi alls ekki hreyfa. Ekki er vitað með vissu hvenær þetta var.

A181 Birnustaðir í Laugardal, Ögurhreppi (Súðavíkurhreppi) -
Tjón:  Þrjár kýr nálægt aldamótum 1900
Hnit: 65°57 888  N,  22° 39 157   90.7 m.y.h
Um 30 metrum ofan við íbúðarhúsið á Birnustöðum er skurðar, sem  grafinn hefur verið í stefnu hússins og dalsins. Þar var á milli  hússins og skurðarins örlítil mishæð eða blettur með aðra áferð eða 
lit á jörð, heldur en á umhverfinu, þegar gras var snöggt.  Á þessum  stað voru að sögn grafnar djúpt 3 kýr, sem dóu úr miltisbrandi um  1900. Óvíst er hvernig veikin barst á bæinn. Þá var bóndi þar Jónas 
Bjarnason, f. um 1850. Sonur hans Jón Jónasson f. 1882 bjó þar eftir 
hann. Hann bannaði börnum sínum vegna miltisbrunahættu að leika sér eða hreyfa við nokkru á þessum bletti.  Upplýsingar um þetta gaf dóttir Jóns, Guðrún f. 1916, sem bjó á  Birnustöðum eftir föður sinn. Hún seldi jörðina en hélt eftir bletti,  þar sem hún byggði sumarhús. Núverandi eigandi byggði stóra skemmu  milli Kýrhólsins og sumarhúss Guðrúnar árið 2005. Guðrún óttaðist að 
 bygging skemmunnar myndi raska gröf kúnna undir Kýrhóli og hafði  samband við undirritaðan um að staðurinn yrði merktur og hnit tekin,  áður en það yrði um seinan. Það var gert 15. ágúst 2005. Byggingin  hafði ekki raskað greftrunarsvæðinu á Kýrhóli. Merkið var sett utan  Kýrhóls um 2 metra frá skurðbakkanum. Guðrún hafði þráð að koma á  framfæri þessari vitneskju föður síns og afa. Hún vísaði undirrituðum  á staðinn. Að því loknu hné hún niður og var flutt samdægurs á  sjúkrahús á Ísafirði og andaðist skömmu síðar.

Eigandinn nýi sagðist ekki trúa því að kýrnar hefðu verið grafnar þar  sem faðir Guðrúnar og afi sögðu henni. Saga þeirra er þó  trúverðugari  en óskhyggju nýja eigandans, sem sýndi þá ógætni, sem ekki er til eftirbreytni að bylta jörð á Kýrhóli. Hann sagði mér sjálfur í júní  2017, að hann hafi fengið Sigurjón á Hrafnabjörgum til þess og engin  merki séð um gröf. Hugsanlegt er að hann hafi verið svo heppinn, að plógurinn hafi ekki rist nógu djúpt til þess að opna gröfina, þar sem kýrnar voru grafnar a.m.k. 2 metra í jörð.

A182 Lágidalur í Nauteyrarhreppi – árið 1901
Tjón: Allir nautgripir á bænum nema 2 kálfar
Hnit:  65° 50 645 N,  022° 17 846 W  126 m.y.h Bóndinn í Lágadal hafði  keypt útlenda, herta húð upp úr 1900 og lagt hana í bleyti í  bæjarlæknum og dregið hana síðan inn í heyhlöðu, þar sem hey handa kúnum var tekið. Á stuttum tíma drap sjúkdómurinn mestallan nautpening  bóndans. Tveir kálfar, sem fengu hey úr annarri heygeymslu veiktust  ekki. Skrokkar gripanna, sem drápust voru grafnir með húð og hári og  fjósið og umhverfið sótthreinsað vandlega. Bóndinn keypti aftur kýr í  fjósið og bar ekki á veikindum eftir það. Hinn 11/1 2005 hringdi Elías  Ketilsson í Bolungarvík. Hann var sem unglingur á bænum hjá Elísi  Vigfússyni og Ragnheiði Bjarnadóttur. Bærinn fór í eyði um 1940. Elís var fóstursonur Valdimars Björnssonar og Sigríðar sem bjuggu þar um aldamótin.  Hann sagði fjósið hafa verið framan við bæinn. Kýrnar voru líklega  grafnar neðan við það. Lögð var rík áhersla á það að róta ekkert við haugnum.  Önnur sögn segir, að hræin hafi verið grafin ofan við bæinn. Vera kann að hvort tveggja sé rétt. Merkið var sett niður skammt ofan við  tóftirnar um  20 m austan þeirra. Sumarið 2007 var Sig.Sig. á ferð um Lágadal og sá, að áin hafði breytt  farvegi sínum og lá nú upp að tóftunum og byrjuð að naga út þeim. Við  nánari skoðun kom í ljós, að lærleggur úr nautgrip stóð úr úr brotinu.  Hann var tekinn og fluttur að Keldum til ræktunar á miltisbrunasýklum.  Jafnframt var tilkynnt um þetta til skrifstofu Hólmavíkurhrepps og  mælst til þess, að reynt yrði að bægja straumnum frá tóftunum með því  að ýta til í farveginum. Þetta var ekki komið til framkvæmda í september 2010. Rætt var þá við fulltrúa vegagerðarinnar Jón Elíasson  á Drangsnesi og hann beðinn um að sjá til þess að farveginum yrði  breytt. Rætt einnig sama sinn við oddvita Kaldrananeshrepps Jennýju  Jensdóttur á Drangsnesi. Vegagerðin taldi sig ekki hafa heimild til  slíkrar aðstoðar. Ég óskaði eftir fundi með Ögmundi Jónassyni  samgönguráðherra skömmu síðar. Þar var vegamálastjóra falið að framkvæma þessar aðgerðir og breyta rennsli á Lágadalsánni. Það var  gert. Athugun í júlí 2017 sýnir að aðgerðin heppnaðist fullkomlega.  Undir Áramót 2010 var ræktað frá Lágadalsbeininu á Keldum. Það gerði Eggert Gunnarsson dýral. Miltisbrunasýklar fundust ekki.

A190 Drangsnes, Stekkjarvík um eða fyrir 1900
Tjón: Drangsnes ,,kirkjugarður" –  Líklega fleiri en ein kýr.
Hnit:   65°41 276 N,  021°28 504 W   - 23.8 m.y.h.
Upp af Stekkjarvík í landi Gautshamars  um 2 km sunnan Drangsness er  girðing um ræktað land, þar sem farið er upp úr víkinni að kirkjugarðinum.  Girðingin er um 50 metra ofan vegarins með firðinum til Drangsness og  umlykur land á að giska 40 m breitt og 120 m langt. Allar þessar tölur  eru áætlaðar. Innan þessarar girðingar er kirkjugarðurinn eða  grafreitur án kirkju, en kirkja er hjá Drangsnesi. Vegurinn að  girðingunni liggur að henni að sunnan, en kirkjugarðurinn er innst eða  nyrst í girðingunni. Utar er ræktað tún sem hefur verið slegið. Hér er  miltisbrunagröfin strax innan og neðan við hliðið á túngirðingu  þessari. Grafarsvæðið, sem er dálítil hæð eða hóll í túninu syðst og neðst er á að giska 20-30 metrar á kant.  Það má ekki slá og hefur ekki verið gert að sögn Þráins Elíassonar. 
 Hér eiga að hafa verið grafnar kýr, líklega fleiri en ein. Skriflegar  heimildir fyrir þessu eru ekki fundnar. Merki rekið niður syðst, strax  neðan við hliðið á girðingunni, hvítur staur sívalur, 50 cm hár. 
 Áletrun A190. Oddviti Kaldrananesshrepps, Jenny Jensdóttir Kvíabala 4  á Drangsnesi, s. 451 3215, 865 2164, veit um merkinguna. Maður hennar  Jón Elíasson, yngri bróðir Þráins ökukennara á Selfossi sögumanns  míns, man ekki eftir þessu umtali um miltisbrandinn.

A192 Grund  - í landi Grundar, Grundarstíg 5 á Drangsnesi:
Tjón: 7 ? kýr (allar kýrnar á bænum)
Hnit: 65° 41 322 N,  021° 41 091 W  7.3 m.y.h m.y.h Miltisbrandur kom  fyrir á Drangsnesi í landi Grundar(nafn á húsi) við Grundarstíg 5. Þar  bjó þá:  Guðmundur Guðmundsson f. 1872,sem síðar bjó í Bæ, d. 1942.  Miltisbrandur kom upp í fjósi sem stóð fyrir innan kerlinguna, sem er  klettur niður undir sjó og Drangsnes er kennt við.  Gripahúsin stóðu við og í kring um kerlinguna (Dranginn, sem Drangsnes  er kennt við). Fjósið var fellt yfir  dauðu kýrnar en er nú horfið  eftir að lagður var vegur. Allar kýrnar eða nautgripirnir 7 talsins,  áttu að hafa dáið úr miltisbrandi. Helga Bjarnadótir Stekkholti 3,  Selfossi er fædd á Drangsnesi. Hún staðfestir þessa sögu. Móðursystir  hennar Guðbjörg Einarsdóttir brýndi fyrir krökkunum að leika sér ekki  á blettinum, þar sem grafið var og láta hænurnar alls ekki róta þar.   Nokkur óvissa ríkti um staðinn og sögðu sumir, að miltisbrandurinn 
 hafi verið á Bæ en ekki Drangsnesi. Upplýsingarnar frá Drangsnesi  virðast trúverðugri, nema veikin hafi verið á báðum bæjum.  Merkið er sett niður við kassa frá Rafveitunni eftir tilsögn 
 húsfreyjunnar við Grundarstíg 5.

A191  Ófeigsfjörður 1930-1940 á Sýrárdal
Tjón: Ein kýr á árunum 1930-1940
Hnit:  66° 02 731.5 N,  021° 41 091
Ein kýr drapst skyndilega uppi á Sýrárdal  á árunum 1930-1940.  Sveinbjörn Guðmundsson búfræðingur var þá í Ófeigsfirði og taldi allar  líkur á því að um miltisbruna hefði verið að ræða. Hann lagði til að  kýrin væri grafin, þar sem hún drapst. Sigurgeir Pétursson var alinn  upp í Ófeigsfirði og þekkti þessa sögu. Hann sagði Pétri Guðmundssyni  frænda sínum,  frá Ófeigsfirði,  en hann hefur þar aðsetur að sumrinu.  Pétur er sögumaður minn. Hann býr að Digranesvegi 70 í Kópavogi sími: 
 852 2629

A193 Smiðjuhús í Húsadal fyrir 1900
Tjón:  Óviss fjöldi, tegundir óþekktar
65° 014 314 N,   021° 43 808  W   79.9 m.y.h.
 Hjalti Ingimundur Þórðarson frá Hólmavík, f. 20. maí 1941 heyrði sem  ungur hjá móður sinni Fanneyju, f. 14.nóv. 1913, Hjaltadóttur  skipsjóra á Hólmavík, Steingrímssonar, að upp með Víðidalsá sunnan við  Hólmavík, u.þ.b. 1 km ofan Þverárvirkjun í svokölluðum Húsadal sé kot  ( Smiðjuhús) , þar sem fólk var að vinna við innfluttar húðir? Í  tengslum við þá vinnu veiktust skepnur, sem drápust úr miltisbrandi og  voru grafnar. Á þessum bæ eru rústir þar sem þessi hætta er til  staðar. Hér má ekki hreyfa við jörð og var krökkum bannað með öllu að  hafa þar uppi gáttlæti. Óvíst er um tímasetningu og ekki vitað um  fjölda gripa eða tegund, sem drápust úr miltisbrandi. Merkt var í  hæsta stað á tóftunum í Smiðjuhúsum eftir tilvísan Matthíasar Lýðssonar á Húsavík í Tungusveit.

A194 Brunngil í Bitru 1890-1900
Tjón:  2 reiðhestar Jóns bónda Jónssonar á Þórustöðum  Hnit: (65°26 364 N,  021°28 086) við afleggjara á Strandavegi Brunngil  er í Bitru, innan við Þórustaði. Þar bjó um aldamótin 1900 Jón Jónsson  föður-faðir Gísla í Gröf Gíslasonar – föður Rögnvaldar bónda í Gröf í  Bitru og Stefáns, sem um skeið var sveitarstjóri Hólmavíkurhrepps og  síðar umhverfisfræðingur. Bróðir þeirra er Hallgrímur Gíslason á  Akureyri. Kjartan á Sandhólum upplýsir mig um gamla sögn, sem amma  hans Ingunn Helga Gísladóttir kona Einars Ólafssonar bónda á  Þórustöðum sagði honum, að á Brunngili hefði Jón Jónsson misst 2 hesta  úr miltisbrandi um aldamótin 1900.  Þeir duttu  niður dauðir með  stuttu millibili inni í Brunngili. Hestarnir voru grafnir í  Brunngilsleiti og þar var merkt  2008 eftir tilvísan Ingþórs bónda á  Þórustöðuma 1 km vestan við bæinn Þórustaði.  Annar þeirra var  höttótur, góður reiðhestur Jóns. Ekki er vitað, hvernig smit barst að.

(A183 Gemlufall í Dýrafirði: - fellt út af miltisbrunaskrá)  
Talið var  að miltisbrandur hafi drepið unga kind frá ungum manni, sem var á  bænum Gemlufalli á árabilinu 1950-1952. Hún drapst skyndilega en  óljóst var um einkenni að öðru leyti og ekkert sem styrkir þetta hefur fundist.  Ekki veiktust aðrar skepnur með sama móti og ekkert sem skýrir, 
hvernig smit hefði borist á bæinn. Þessi tilgáta er því felld niður.)

Sigurður Sigurðsson, dýralæknir.




29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.

SushiSocial: jól 2017