18. nóv. 2017 - 12:00Akureyri vikublað

Kristín finnur ánægju í því einfalda

„Hér er margt gott fólk, sögur og líf. Þegar ég svo fékk þessa hugmynd dreif ég í að láta hana verða að veruleika,“ segir Kristín Aðalsteinsdóttir prófessor sem eftir 30 ára búsetu í Innbænum á Akureyri, skrifaði 105 bréf til nágranna sinna þar sem hún kynnti fyrir þeim hugmynd sína um bók um íbúa þessa elsta hverfis Akureyrar. Afraksturinn er fallega bókin Innbær. Húsin og fólkið sem Kristín ritaði eftir spjall við nágranna sína en hún tók einnig allar myndirnar í bókinni. 

„Í bréfinu bað ég fólk að láta mig vita hvort það vildi vera með og alls höfðu 76 manns samband, sem mér fannst ótrúlegt. Aðeins einn hringdi í mig og spurði af hverju hann hefði ekki fengið að vera með, hann var leiður, en hann hafði ekki svarað bréfinu frá mér.“

Heillaðist af Innbænum

Innbærinn er Kristínu hugleikinn en þangað kom hún fyrst árið 1964 þegar hún, 18 ára, réð sig sem ráðskona hjá fjölskyldu í Aðalstræti 62. 

„Ég heillaðist af þessu hverfi og reyndar af Akureyri. Svo gerðist það fjórum dögum eftir að ég kom að sunnan, að nokkrir piltar voru að fara í ferð upp að Öskju. Ég hafði aldrei farið upp á hálendi og vildi með en báðir bílarnir voru fullir. Daginn eftir var bankað og þegar ég fór til dyra, í Hagkaupsslopp með rúllur í hárinu, stóð þar ungur piltur sem sagðist hafa frétt af því að mig langaði að fara upp að Öskju og þar sem hann hefði svo oft farið þangað mætti ég fá hans sæti. Næsta dag hafði hann útvegað þriðja bílinn og kom líka með,“ 

segir hún brosandi en ungi almennilegi pilturinn átti eftir að verða eiginmaður hennar; skógræktarfræðingurinn Hallgrímur Þór Indriðason.

Lífið breyttist við skilnað

Kristín er fædd í Kelduhverfi og uppalin þar, í Keflavík og Kópavogi. Hún minnist æskuáranna hjá móðurömmu sinni og afa í Kelduhverfinu með mikilli hlýju. „Ég var hjá þeim öll sumur og man aðeins eftir sól og blíðu. Þar var gott að vera.“ Lífið breyttist hins vegar þegar hún var tólf ára, þegar foreldrar hennar skildu. 

„Þá fluttum við systkinin úr góðu einbýlishúsi í Keflavík með mömmu í litla kjallaraíbúð við Ránargötu í Reykjavík. Pabbi spurði mig hjá hvoru þeirra ég vildi vera, en þannig á auðvitað ekki að spyrja, en ég sagðist vilja vera hjá mömmu, hún gæti saumað á mig föt,“ 

segir Kristín sem þremur mánuðum seinna var komin til föður síns. 

„Eitt kvöldið var ég að lesa fyrir mannkynssögupróf en mamma og ástmaður hennar voru hlæjandi í eldhúsinu. Ég sagði þeim að halda kjafti svo ég gæti lært en þá kom þessi maður og lamdi mig býsna harkalega þannig að ég kastaðist í gólfið. Ég man mjög greinilega þar sem ég lá á gólfinu að ég hugsaði um að næst væri landafræðipróf, svo dönskupróf, hljóp svo inn í næsta herbergi, sótti bækurnar og hljóp skólaus út svo þau næðu mér ekki, og hljóp alla leið niður á Hagamel til pabba.“

Sat í tukthúsi

Faðir Kristínar, Aðalsteinn Gíslason, lést árið 2005, þá 91 árs. 

„Pabbi reyndist okkur systkinunum eins vel og einn maður getur. Daginn áður en hann lést hringdi hann í mig og sagðist vilja láta grafa sig á Akureyri, ekki í sama garði og mamma. Svo sagði hann mér af hverju hann hefði aldrei talað við mömmu. Það var vegna þess að þegar ég kom hlaupandi til hans, grátandi og berfætt, fór hann beint niður á Ránargötu en mamma hringdi þá í lögregluna og hann, þessi sómamaður, var látinn sitja í tukthúsi alla nóttina. Hann gat ekki fyrirgefið henni. Fólk kunni ekki að tala saman á þessum árum og það bitnaði á börnunum.“

Þrettán ára húsfreyja

Eftir þetta var Kristín hjá föður sínum og tók við hlutverki húsfreyju. 

„Ég fór 13 ára gömul í búsáhaldaverslun við Laugaveginn til að kaupa í búið handa okkur pabba. Frá þeim tíma og til tvítugs sá ég um að kaupa inn, elda, þrífa, þvo þvotta, og allt sem þurfti að gera á heimilinu, fór í skólann og var á kafi í skátastarfi. Ég hafði aldrei séð karlmann gera annað en að lesa í bók og það hvarflaði ekki að mér annað en að ég ætti að sjá um þessi verk. Ég man ekki að þetta hafi vaxið mér í augum, ég bara gerði þetta af því að svona átti þetta að vera,“

segir hún en tvítug og nýútskrifuð sem kennari ákvað hún að breyta til. „Ég gerði mér grein fyrir að ég yrði að flytja frá pabba svo ég yrði ekki bundin yfir honum alla tíð. Það var þá sem ég ákvað að fara norður, enda hafði ég verið þar tveimur árum áður og fallið vel. Ég man eftir því þegar ég sagði fólki að að ég væri að fara til Akureyrar, þá sögðu fleiri en einn og fleiri en tveir að Akureyringar væru leiðinlegt fólk. Sannleikurinn var hins vegar sá að kennararnir sem ég vann með, börnin og foreldrar þeirra tóku mér einstaklega vel.“



Áfallið fylgdi henni

Hún segir skilnað foreldra hennar og lætin í kringum hann hafi fylgt henni langt fram á fullorðinsaldur. 

„Lengi var ég verulega hugsi þegar ég heyrði að fólk var að skilja því skilnaður bitnar á börnum. Þegar foreldrar mínir skildu var ekkert útskýrt. Áfallið sem þetta olli mér fylgdi mér einkennilega lengi en ég held að þessi reynsla hafi auðveldað mér, sem kennara, að skilja betur börn sem áttu erfitt. Það hjálpaði mér í kennslunni að hafa fundið til, af því að ég þoldi það. Mér fannst ég þurfa að vera sérstaklega góð við þau börn sem áttu erfitt,“ 

segir Kristín sem skrifaði einnig hluta af ritgerð í doktorsnámi sínu um það hvernig kennarar gætu mætt nemendum sínum og nýtt til þess mannlegt innsæi. 

„Skilningsleysið sem ég mætti á unglingsárunum hafði sín áhrif.“

Flókið samband

Hún segir samband sitt við móður sína alltaf hafa verið flókið. 

„Á milli okkar mömmu var aldrei kærleikssamband. Ég veit ekki af hverju, en það var eitthvað; mig hefur lengi grunað að einhver reynsla hafi gert hana mjög tilfinningalega lokaða. Ég átti oft erfitt með að umgangast mömmu en við náðum þó góðum tíma saman skömmu áður en hún lést – án þess þó að minnst væri á liðna tíð,“ 

segir Kristín en móðir hennar, Áslaug Jónsdóttir, lést árið 2001. 

„Rétt áður en hún lést, um páska, hringdi hún í mig og var óánægð. Ég hvatti hana að koma norður til okkar. Daginn eftir var hún komin, sem var óvanalegt. Hún dvaldi hjá okkur í viku og allan þann tíma gerðum við allt til að gera henni lífið bærilegt. Ég fékk handa henni fótsnyrtingu, fór með henni út að ganga og bauð ættingjum í heimsókn. Ég á svo fallega mynd af henni í huganum standandi í eldhúsinu mínu. Hún var mjög falleg kona og alltaf svo smekklega klædd. Einn þessara daga spurði hún mig hvort við gætum ekki bara gleymt öllu því gamla. Því gat ég ekki svarað. Þegar hún var komin suður sendi hún mér gjöf; fallega útsaumsmynd, sem var sérstakt þar sem hún hafði sjaldan gefið mér gjafir. Þremur vikum seinna var hún látin. Að við skyldum eiga þessa viku saman var mikil gæfa.“ 

Kristín viðurkennir að samband þeirra mæðgna hafi haft áhrif á það hvernig móðir hún sjálf varð. „Ég hef verið ansi upptekin af því að gera mitt besta fyrir börnin mín, en svo hef ég líka verið sjálfselsk og farið mínar leiðir.“

Ein út með börnin

Árið 1968 gengu þau Hallgrímur Þór í það heilaga. 

„Eftir sex ár í hjónabandi sagði ég við Hallgrím að ég vissi ekki hvaða ár væri númer tvö eða fjögur í þessu hjónabandi; þau væru öll eins. Við yrðum að gera eitthvað! Þarna hafði ég lokið fyrsta ári í sérkennslufræðum við Kennaraskólann og datt samt ekki í hug fara sjálf í áframhaldandi nám í útlöndum. Hallgrímur yrði að fara í nám.“ 

Svo varð úr að fjölskyldan flutti til Noregs og bjó við frumstæðar aðstæður í hálfgerðum kofa úti í skógi á meðan Hallgrímur stundaði í nám í landnýtingarfræðum. Árið eftir flutti fjölskyldan til Óslóar þar sem Kristín tók seinna árið í sérkennslufræðum en meistarapróf tók hún nokkrum árum síðar í sömu borg. 

„Ég var að mestu ein í Ósló þegar ég lauk þessu meistaranámi, en þá leitaði sterkt á mig sú hugsun að ég yrði að komast til Bretlands í nám, meðal annars til að ná betri tökum á ensku. Fimm árum seinna fékk ég óvænt eins árs kennaraorlof og sótti strax um meistaranám í Bristol og Cambridge og komst inn á báðum stöðum. Þá var ekkert annað í stöðunni en að fara,“ 

segir hún en bætir við að Hallgrími hafi ekki litist á uppátækið. „Vegna vinnu sinnar hafði hann ekki tök á fara frá og honum fannst áhætta að ég færi með börnin í óþekkt umhverfi. Það fannst mér ekki, svo ég fór ein með börnin. Þetta er það eina sem mér finnst ég hafa afrekað í lífinu; að fara ein út með þrjú börn í strangt nám.“

Lauk doktorsnámi í Bristol

„Þessi reynsla breytti lífssýn minni og börnin mín höfðu gott af þessu, sérstaklega strákarnir sem voru átta og tíu ára. Dóttir mín var eldri og stuðningur hennar var ómetanlegur. Þetta kenndi mér að það er óhætt að breyta til. Þetta var samt erfitt og sérstaklega af því að Hallgrímur stóð ekki með mér í upphafi, eins og hann hafði alltaf gert en það var eitthvað sem gerði að verkum að mér fannst ég yrði að fara til Bretlands. Það var í mörg horn að líta og ég var alls ekki viss um að ég réði við þennan pakka en það tókst ágætlega,“ 

segir Kristín sem lauk einnig doktorsnámi nokkrum árum seinna frá háskólanum í Bristol.

Ánægjan í því einfalda

Kristín á langan og farsælan feril að baki sem kennari en hún var fyrsti kvenprófessor kennaradeildar Háskólans á Akureyri. Árið 2014, þegar hún var 68 ára, hætti hún að vinna. 

„Síðustu þrjú ár hafa verið dásamleg. Það er svo óendanlega gott að geta bara ráðið mér sjálf. Ég hef alltaf mikið að gera og ég hef tíma til að gera það sem mig langar til – eins og að skrifa þessa bók um Innbæinn. Mér finnst mikilvægt að njóta hversdagslífsins og á auðvelt með að finna ánægju í því einfalda, eins og að hnoða brauð, hengja upp þvott, vinna heimilisstörfin og hafa tíma til að lesa og sauma. Ég lít á það sem gæfu að geta glaðst yfir litlu. Bara það að horfa ofan í sósupott og sjá hvað sósan er falleg og góð getur glatt mig. Þetta hljómar kannski heimskulega en þetta er raunveruleg tilfinning. Að ég tali ekki um gleðina ef öðrum finnst sósan góð,“ 

segir Kristín og hlær. Hún segist alls engan tómleika hafa upplifað síðan hún hætti að vinna. „Ég hef heyrt af fólki sem kvíðir því en mér fannst hefjast nýtt tímabil og hef notið þessa fram í fingurgóma. Ég fer út í náttúruna, tek myndir, hitti fólk, býð í mat, fer á fundi og svo er stór þáttur bara að vera ein með sjálfri mér. Það er líka ágætis félagsskapur.“

Hallgrímur bjargvætturinn

Hallgrímur er nýlega hættur að vinna. „Það spyrja margir hvernig honum finnist að vera hættur að vinna en það spyr mig enginn hvernig mér finnst að hafa hann heima allan daginn,“ segir hún, en svarar því sjálf að sem betur fer líði þeim hjónum vel saman. 

„Hann finnur sér alltaf eitthvað að gera auk þess sem hann er í því mesta jafnvægi sem ein manneskja getur verið. Hann verður aldrei leiður og aldrei reiður. Það er ekki hægt að hugsa sér betri maka. Hallgrímur er minn bjargvættur og sá sem hefur alltaf sýnt mér skilning – nema þegar ég fór til Englands í meistaranámið. Það var í eina skiptið sem hann hefur ekki stutt mig. Hann bara skildi mig ekki og fannst ég vera að fara í gin ljónsins með börnin, en þegar hann kom til okkar og sá að allt var í besta lagi varð hann sáttur. Ég átti hins vegar erfiðara með að sætta mig við að hann hefði ekki staðið með mér.“

Mikilvægt að hlæja saman

Kristín og Hallgrímur eiga 50 ára brúðkaupsafmæli á næsta ári. En hver er galdurinn að baki svona löngu hjónabandi? 

„Að sjá til þess að hvort um sig fái að njóta sín sem manneskja. Við erum ólík en pössum að hvort um sig geri það sem okkur langar að gera. Við sjáum saman um heimilið. Það er ótrúlega mikilvægt að geta hlegið saman og það getum við svo sannarlega því þótt ég sé ekki fyndin finnst mér hann mjög oft fyndinn. Svo er um að gera að hafa lífið ekki of flókið og standa með hvort öðru þegar á reynir. Við erum mjög góðir vinir og þótt ég eigi góðar vinkonur sem eru mér afar dýrmætar er Hallgrímur einfaldlega minn besti vinur. Hann er svo ágætur.“

Brengluð viðhorf til kvenna

Kristín tók þátt í kvennaframboði til sveitarstjórnar árið 1982. Eftir úrslit alþingiskosninganna núnaí október, þar sem konum fækkaði úr 30 í 24 á Alþingi, hefur mögulegt kvennaframboð verið rætt. Aðspurð segir Kristín þörfina því miður enn vera til staðar. 

„Þetta gengur svo hægt. Viðhorf til kvenna eru víða brengluð og röng og við þurfum að standa saman til að fá viðurkenningu. Eftir 1982 urðu miklar breytingar en nú er lægð. Viðhorfin eru þannig að konum er ekki treyst.“ 

Fyrir Kvennaframboðið hafði hún unnið með Framsóknarflokknum. 

„Ég gekk í þann flokk af því að hann var stærstur í bænum og ég taldi að þar gæti ég helst haft áhrif. Þegar ég var með dóttur mína eins árs fékk ég hvergi pössun og varð að sitja á tröppum matvöruverslunar í tvo daga og virða fyrir mér konurnar í hverfinu með það í huga hver væri mildust og þægilegust og hverri ég gæti treyst til að passa barnið mitt. Loksins sá ég hana Láru sem passaði fyrir okkur í tvö ár. Ég gekk í Framsóknarflokkinn til að hafa áhrif á barnamálin. Í tvö til þrjú ár talaði ég gjörsamlega fyrir daufum eyrum. Þarna sátu milli 20–30 karlar og tvær konur, ég var önnur þeirra. Þriðja konan var í eldhúsinu að hella upp á kaffi. Ég náði ekki einu sinni augnsambandi við þessa karla, þeir litu aldreiá mig og á endanum gafst ég upp. Þetta var dapurleg lífsreynsla. Ég tók þátt í starfi Kvennaframboðsins af lífi og sál, var á kafi í starfinu í fimm ár sem er lygilegt eftir á að hyggja miðað við þær árásir sem við urðum fyrir. Ég var til dæmis slegin niður á veitingahúsi bara fyrir það að vera „kvennaframboðskelling“. Við höfum margar svona sögur að segja. Viðhorfið til okkar var oft niðurlægjandi en samt náðum við miklum árangri og komum tveimur konum inn í bæjarstjórn.“

Þakklát fyrir heilsuna

Aðspurð segir hún að sínu pólitíska brölti sé endanlega lokið. Þessa dagana sé hún ákveðin í að njóta lífsins. 

„Mér fannst skrítið að komast á áttræðisaldur því samkvæmt öllu ætti ég að vera orðin svo gömul. Mér finnst ég alltaf sama manneskjan þótt ég líti kannski út fyrir að vera gömul. Ég er frísk og finn hvergi til og er mjög þakklát fyrir heilsuna og lífið. Það er alltaf hægt að finna eitthvað gleðilegt eða uppbyggilegt í þessu lífi. Ég geri ýmislegt til að halda heilsu, ég hreyfi mig, geng og syndi og borða hollan mat. Ég hvíli mig vel, umgengst fólk, loka mig ekki af. Ellin á kannski eftir að dembast yfir mig, hver veit,“ 

segir Kristín hlæjandi sem vill að lokum minnast á opið hús í Aðalstræti 52 helgina 17. og 18. nóvember þar sem bókin Innbær. Húsin og fólkið verður til sölu.
iáh



29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.