04. nóv. 2017 - 12:00Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

„Lífið er rysjótt, eins og þar stendur, stundum er það gott og stundum slæmt,“ segir Jóhanna Jónasdóttir á Skagaströnd sem fagnaði 100 ára afmælinu sínu þann 15. október síðastliðinn. Jóhanna tekur á móti blaðamanni Akureyri Vikublaðs í rúmgóðu og hlýlegu herbergi sínu á Dvalarheimilinu Sæborg á Skagaströnd. Hjá henni eru dætur hennar tvær, Guðrún og Dagný, sem koma daglega til hennar í heimsókn en þær eru einnig búsettar á Skagaströnd. Systurnar sitja og prjóna við borð sem prýtt er blómvöndum eftir afmælið en móðir þeirra hefur lagt handavinnuna á hilluna.


Jóhanna var 100 ára þann 15. október

Lítið afmælisbarn

Jóhanna vill ekki gera mikið úr stórafmælinu og segir athyglina sem hún hefur fengið óþarfa og allt of mikla. „Það er ekkert öðruvísi að vera 100 ára. En fólkið mitt hélt veislu,“ segir Jóhanna sem segist ekki vera mikið fyrir að halda upp á afmæli. „Ég er ekkert afmælisbarn og hef aldrei verið. Og verð líklega aldrei,“ segir hún og hlær.

Fæddi tvíbura

Jóhanna fæddist árið 1917 á Fjalli í Skagabyggð en bærinn er fyrir margt löngu kominn í eyði. Hún ólst upp á Fjalli og var yngst í hópi fimm systkina. Hún giftist Angantý Jónssyni og eignaðist með honum tvíburana Guðrúnu og Sigurbjörgu, sem nú er látin, og Bylgju áður en þau skildu. Jóhanna eignaðist svo dótturina, Dagnýju, og yngsta barnið, Gísla. Hún segist ekki hafa vitað að hún bæri tvö börn undir belti fyrr en hún fór af stað með tvíburana. „Ekki fyrr en barnið kom. Mér fannst voðalegt að þegar fyrra barnið var fætt ætti ég eftir að fæða það seinna.“

Missti heimilið í bruna

Tengdamóðir hennar, móðir Angantýs, var engin önnur en rithöfundurinn Guðrún frá Lundi. Fjölskyldan bjó hjá tengdaforeldrum hennar á Mallandi á Skaga um tíma en þaðan fluttu þau að Fjalli. Þegar tvíburarnir voru um það bil fjögurra ára brann húsið á Skaga ofan af fjölskyldunni. „Það var ömurlegt ár. Það var allt ónýtt,“ segir hún en fjölskyldan hafðist við í hlöðunni fram að hausti þegar hún fékk hús á Skagaströnd. 

Tengdadóttir Guðrúnar frá Lundi

Jóhanna talar fallega um tengdamóður sína. „Hún var góð kona. Hún var mér voða góð að minnsta kosti.“ Jóhanna viðurkennir að hafa lesið bækur Guðrúnar en þær fjalla að mestu leyti um íslenskt sveitalíf. Aðspurð segist Jóhanna kannast við margt sem þar er talað um. Enn fremur segist hún varla muna eftir tengdamóður sinni öðruvísi en skrifandi. „Hún varla sá né heyrði svo maður varð að kalla á hana. Maðurinn hennar kunni ekki að meta að hún sæti og skrifaði. Hann vildi geta komið heim í mat og að maturinn væri tilbúinn en þá var kannski eldurinn dauður. Það gerðist víst stundum og þá þurfti hann að byrja á því að kveikja eldinn og var ekki sáttur.“


Guðrún frá Lundi Jóhanna bjó um tíma með fjölskyldu sína heima hjá tengdaforeldrum
sínum en tengdamamma hennar var skáldkonan Guðrún frá Lundi.

Sat og skrifaði

Nafna rithöfundarins, dóttir Jóhönnu, kannast við að afi hennar hafi ekki verið hrifinn af skrifum konu sinnar. „Hann var frekar ör í skapi en hún fremur hæglát. Hún var mér afskaplega góð. Ég sá hana aldrei skipta skapi,“ segir Guðrún og Dagný systir hennar tekur undir: „Þótt hún væri ekki amma mín var hún mér afskaplega góð, það litla sem ég kynntist henni. Hún gaf mér jólagjafir, eins og hinum systrunum,“ segir Dagný. Fyrsta bók Guðrúnar kom ekki út fyrr en árið 1946 þegar hún var orðin 59 ára. Nafna hennar og ömmubarn segir það rétt að bækurnar hafi ekki verið vinsælar til að byrja með. „En það kom ekki í veg fyrir að þær væru mikið lesnar en þetta þóttu engar bókmenntir, nema þá kerlingabókmenntir. Í dag þykja þær flottar.“

Brenndi skrifin

Mæðgurnar eru sammála um að Guðrún frá Lundi hafi verið á undan sinni samtíð. „Hún ætlaði ekki að gefa þetta út og brenndi allt sem hún skrifaði en hélt þó eftir slitrum af Dalalífi,“ segir Guðrún sem hefur lesið allar bækurnar og það oft og mörgum sinnum. „Mér hefur alltaf þótt vænt um hann Jón í Dalalífinu, þótt hann væri svona mikið upp á kvenhöndina,“ segir hún en Dagný systir hennar hristir hausinn og segir Jón bölvaðan drullusokk. „Mér þykir nú samt vænt um hann, eins og hann er. Hann er breyskur maður,“ bætir Guðrún við.

Lífið betra í gamla daga

Jóhanna hefur lifað tímana tvenna. Hæglega má halda því fram að aldrei hafi orðið jafn miklar breytingar á íslensku samfélagi og öldina sem hún hefur upplifað. Hún segist sakna lífsins eins og það var í gamla daga. „Ætli manni finnist ekki lífið hafa verið betra þá. Ég skil ekkert í þessari tækni,“ segir hún en neitar að hún hafi áhyggjur af framtíðinni eða hvert heimurinn sé að fara. „Það fer sem fer ef vill, eins og þar stendur. Ég hef engar áhyggjur.“


Mæðgur Guðrún og Dagný heimsækja móður sína alla morgna.

Saknar vinnunnar

Hún segist ekki muna mikið eftir stríðinu enda hafi áhrifa þess lítið gætt í sveitinni. Hún stundaði búskap lengst af en stóð svo vaktina í frystihúsinu þar til hún var að nálgast áttrætt. Hins vegar segist hún aldrei hafa haft áhuga á heimilisstörfum. „Ég var mikil sveitakona og náði vel til dýranna. Ég kunni betur við mig í útihúsunum,“ segir hún og játar að hún sakni stundum vinnunnar. „Svona öðru hverju. Ég vann í frystihúsinu þar til því var lokað. Það er stundum einmanalegt.“

Blómarækt og kindur

En hvað með áhugamál? „Ég hef aldrei átt nein áhugamál. Ekki til,“ segir hún en dætur hennar grípa inn í og nefna blómarækt. „Hún hefur alltaf haft áhuga á blómum. Alls staðar sem hún bjó kom hún upp blómagarði. Og svo hefur hún alltaf elskað kindur.“ Jóhanna samsinnir því að hún hafi líklega talist hafa græna fingur. „Ætli það ekki, en blómaáhuginn hefur minnkað. Ég er orðin svo löt að ég nenni ekki að hugsa um þau.“

Reykt kjöt í uppáhaldi

Þrátt fyrir háan aldur er Jóhanna vel ern. Hún er fín til fara og er nýkomin úr klippingu. „Það hefur alltaf skipt mig máli að líta vel út,“ segir hún og viðurkennir að hún hafi fylgst með tískunni í gegnum tíðina. „Kannski ekki beint, en óbeint. Það er aldrei hægt að lifa í sveit algjörlega í tísku,“ segir Jóhanna sem fer reglulega út að ganga þegar veðrið er gott. 

En hverju þakkar þú góða heilsu? 

„Ætli það sé ekki góður og hollur íslenskur matur og hreyfing. Ætli ég hafi ekki verið talin hraust alla ævi. Mér finnst reykt kjöt best. Ég veit að það er ekki það hollasta. Ný soðin ýsa finnst mér líka voðalega góð, með smjöri og kartöflum þótt það hafi ekki alltaf verið til smjör,“ segir hún en hafnar því að fjölskyldan hafi einhvern tímann liðið skort. „Ég man ekki eftir því. Við höfðum alltaf nóg.“

Stjórnmál eru vitleysa

En hvað með dægurmálaþrasið, fylgist hún eitthvað með stjórnmálunum? „Allt slíkt fer alveg fram hjá mér. Ég er ekki í svoleiðis vitleysu. Uss. Nei ég pæli ekki í slíku. Ég hef aldrei verið pólitísk. Ég veit ekki hvað það er,“ segir Jóhanna sem þó horfir alltaf á fréttir í sjónvarpinu en að sögn dætra hennar eru fréttir það eina sem hún horfir á. En hvað er það sem hún veit í dag sem hún hefði viljað vita fyrr. „Það er æði margt. Það mikilvægasta í lífinu er forvitni. Það held ég,“ segir hún og játar að hún sé forvitin. Dóttir hennar skýtur inn í brosandi að það kallist ekki forvitni heldur fróðleiksfýsn. „Það viljið þið kalla það,“ segir Jóhanna og brosir.



Aldrei í flugvél

Þrátt fyrir langa ævi hefur Jóhanna lítið ferðast um heiminn. „Ég hef aldrei farið út fyrir landsteinana og langar ekki til þess. Því fer fjarri. Ég hafði gaman hér áður fyrr af að ferðast innanlands og fór gjarnan í orlofsferðir. Ég hef ekki heldur farið í flugvél og langar það ekki.“ En hvað með sólarströnd? „Nei. Það er næg sól hér,“ segir hún og bætir við að þótt hún hafi búið fyrir sunnan þegar hún var ung hafi það ekki átt við hana. „Alls ekki. Það er langt síðan ég hef farið til Reykjavíkur og sem betur fer,“ segir hún ákveðin. Að sama skapi segist hún aldrei hafa verið mikið fyrir böll og skemmtanir. „Ég hef aldrei drukkið. Ég hata það eins og pestina, áfengið. Það er mikið böl,“ segir hún en viðurkennir að hafa á tímabili reykt sígarettur. „Það gerði ég einhvern tímann en mig langar ekki til að byrja á því aftur.“

Óttaleg þvæla í dag

Aðspurð segir hún unglingsaldurinn skemmtilegasta aldursskeiðið. „Þá var ég að fást við búskap,“ segir hún og samsinnir því að hennar unglingsskeið hafi verið töluvert frábrugðið því sem unglingar í dag upplifi. „Mér fannst miklu skemmtilegra í gamla daga. Þetta er óttaleg þvæla í dag. Það er helst engin kyrrð,“ segir hún og neitar að hún vilji vera yngri en hún er. Ég vil bara vera 100 ára. Samt líður mér ekki eins og ég sé svona gömul en ég hugsa bara ekkert út í það.“

Ástin skiptir máli

En hvað með ástina? Skiptir ástin miklu máli í lífinu? „Hún hlýtur að skipta miklu máli en ég hef aldrei verið mikið fyrir svoleiðis.“ En þú hefur orðið ástfangin? „Já, en það hefur ekki verið meira,“ segir hún og tekur fyrir að hún hafi gaman af körlunum á dvalarheimilinu. „Það held ég ekki. Ég hef ekkert með karla að gera,“ segir hún og hlær.

Hittast daglega

Mæðgurnar hittast á hverjum degi. Drekka saman kaffi og spjalla á meðan systurnar prjóna en Jóhanna segist löngu hætt allri handavinnu. Hún viðurkennir að það sé notalegt að fá þær. „Ég held að ég saknaði þeirra ef þær kæmu ekki,“ segir hún og játar því að þær séu góðar vinkonur. Systurnar segjast koma alla morgna um klukkan 10.30. „Við erum orðnar svo gamlar, erum báðar orðnar ekkjur, og höfum ekkert annað að gera. Við sitjum hjá henni með prjónana til hádegis.“

Óttast ekki dauðann

Jóhanna kann vel við sig á Sæborg en þangað kom hún fyrir þremur árum. Fram að því hafði hún séð um sig sjálf. Hún segir lífið líða mishratt. „Stundum er lífið snöggt og stundum seinlátt. Tíminn líður sæmilega núna,“ segir hún og bætir við að það sé langt síðan hún var ung kona í sveitinni. 
En hvað ætlar þú þér að verða gömul? „Ég pæli ekkert í því. Ég sofna bara þegar þar að kemur.“ En óttast þú dauðann? „Ég kvíði honum ekkert. Hvers vegna ætti ég að kvíða honum? Mér er bara spurn,“ segir hin 100 ára Jóhanna Jónasdóttir að lokum.
                                                                                                                                                           iáh




20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 19:30 Vesturland

Bókarkafli: Svartur þriðjudagur

Í Fugley Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.
23.okt. 2017 - 15:35

Ekkert stress í Hrísey

Linda María Ásgeirsdóttir Linda María Ásgeirsdóttir er eigandi Verbúðar 66, veitingastaðar í Hrísey. Linda, sem opnaði staðinn í tilefni fimmtugsafmælis síns, deilir hér uppáhaldsuppskriftunum sínum með lesendum Akureyri Vikublaðs.
Linda María er uppalin í Hrísey. Maðurinn hennar vinnur á Akureyri og tekur ferjuna á morgnana og heim aftur á kvöldin.
23.okt. 2017 - 07:00 Akureyri vikublað

Ást í verki

Við sýnum ást okkar í verki á misjafnan hátt. Ég er til dæmis alveg ótrúlega sjálfhverf og geri mér vel grein fyrir því, að það er ekki alltaf auðvelt að sjá hvenær ég er að sýna ást í verki. Stundum er það dulbúið í snyrtivörukaupum fyrir sjálfa mig, því þegar mér líður vel, líður manninum mínum vel. Ég er yfirleitt skapbetri þegar ég er í endorfínvímu eftir eyðslu. 
22.okt. 2017 - 15:00 Vestfirðir

Vestfirskir listamenn 2

Jakobína Sigurðardóttir F. 8. júlí 1918 Hælavík Hornströndum. D. 29. janúar 1994 Akureyri. Öndvegisverk: Dægurvísa, 1965, Snaran, 1968, Lifandi vatnið, 1974 Ef þú átt eftir að lesa þessa bók, þá verður þú að hafa í huga að ég ætlaði að skrifa Góða Bók. Þannig hefst síðasta skáldsaga vestfirsku skáldkonunnar Jakobínu Sigurðardóttur, Í sama klefa. Það er varla hægt að byrja sögu betur en þetta. Strax á fyrstu setningu er athygli lesandans vakin. Þetta var einmitt einn af mörgum hæfileikum skáldkonunnar að grípa lesandann strax á fyrstu orðum. Jakobína Sigurðardóttir bóndastúlkan frá Hælavík er sannarlega einn af skáldsnillingum síðustu aldar hér á landi. En hver var hún?

(15-2) Húðfegrun: Gelísprautun - nóv/des