28. sep. 2017 - 12:00Akureyri vikublað

Halla Ólöf kærði Róbert Downey: „Að hann hafði fengið uppreist æru ýtti mér yfir brúnina“

Akureyringurinn Halla Ólöf Jónsdóttir er ein þeirra kvenna sem kærðu lögmanninn Róbert Árna Hreiðarsson fyrir kynferðisbrot. Í einlægu viðtali segir Halla Ólöf frá ofbeldinu sem mótaði líf hennar, leit hennar að viðurkenningu, áfallinu sem hún fékk þegar níðingur hennar fékk uppreist æru og atburðarásinni sem varð til þess að ríkisstjórn Íslands riðaði til falls.


Mynd: Guðrún Þórs.

Síðustu mánuðir hafa verið rosalegir og vakið upp alls kyns tilfinningar. Ég næ varla að fylgjast með umræðunni og stundum get ég ekki meira. Þessi barátta hefur verið erfið en samt algjörlega þess virði,

segir Halla Ólöf Jónsdóttir, ein þeirra kvenna sem kærðu lögmanninn Róbert Árna Hreiðarsson fyrir kynferðisbrot.

Uppreist æra níðings 

Róbert Árni, sem í dag gengur undir nafninu Robert Downey, tældi Höllu Ólöfu í gegnum samfélagsmiðla þegar hún var unglingur og braut á henni á tjaldsvæði á Akureyri. Árið 2008 var hann dæmdur fyrir barnaníð en fékk uppreist æru í september í fyrra. „Ég sá fyrirsögnina og vissi strax um hvern fréttin var,“ segir Halla Ólöf sem segir ótrúlegt að barnaníðingar geti fengið uppreist æru.

Kerfið getur ekki átt að virka svona. Það eru afar litlar líkur á að hann hafi breyst og lifi bara eðlilegu lífi núna. Þetta var svo skipulagt hjá honum. Ég var líka misnotuð í æsku og þeim manni datt í hug að hringja í mig á afmælisdeginum mínum, 17 árum seinna, eins og það væri eðlilegasti hlutur í heimi. Mín skoðun er að svona menn breytast ekkert. 

Áberandi gerendur 

Maðurinn sem misnotaði Höllu Ólöfu í æsku var barnaníðingurinn Roy Svanur Shannon, en bæði hann og Róbert hafa verið áberandi í umfjöllun fjölmiðla síðustu árin. 

Það er mjög erfitt að sjá myndir af þeim í blöðunum. Ég fæ alltaf sömu ógeðs tilfinninguna og þótt mig langi að lesa fréttirnar, mynda mér skoðun og láta í mér heyra er það oft of erfitt,

segir Halla Ólöf sem steig fram í viðtali í Stundinni eftir að upp komst að Róbert hefði fengið uppreist æru. „Það hafði blundað í mér í smá tíma að stíga fram með mína sögu en þótt ég hefði unnið í mínum málum fannst mér það erfið tilhugsun. Hins vegar þegar ég sá að hann hafði fengið uppreist æru ýtti það mér yfir brúnina. Ég gat ekki þagað lengur.“

Ótrúleg atburðarás 

Það hefur líklega ekki farið fram hjá mörgum að ríkisstjórnin féll í kjölfar umræðu um uppreist æru dæmdra barnaníðinga. Millumerkið #höfumhátt hefur verið áberandi í umræðunni þar sem leikstjórinn Bergur Þór Ingólfsson hefur verið í forsvari fyrir brotaþola. 

Bergur sagði þetta fyrst í morgunútvarpinu í júní; „við ætlum að hafa hátt“. Út frá því fórum við að nota þetta og þegar kynnarnir í Druslugöngunni töluðu um að við brotaþolar ætluðum að tala fyrir hönd #höfumhátt, hugsaði ég með mér að þetta væri orðið að einhverju. Þetta hefur verið ótrúleg atburðarás,

segir Halla Ólöf sem var að fara að sofa þegar hún frétti að upp úr ríkisstjórnarsamstarfinu hefði slitnað. „Ég hugsaði með mér hvað við værum eiginlega búin að gera. Það var erfitt að sofna það kvöld. Þó áreitið og streitan hafi verið mikil finn ég fyrir svo miklu stolti, vanlíðanin sem fylgir nær ekki að drepa það niður. “ 


Halla Ólöf upplifði sig lengi utanveltu, óttaðist höfnun og hafði lítið sjálfstraust. Mynd: Guðrún Þórs.

Lokað réttarhald 

Mál Höllu gegn Róberti var rúm tvö ár að velkjast um í kerfinu svo hún var farin að halda að það yrði ekki tekið fyrir. „En sem betur fer voru nægar sannanir svo hann var dæmdur sekur. Hann sat inni á meðan réttarhöldin fóru fram og var ekki gerð nein auka refsing fyrir brotið á mér. Mér fannst því lítið vera gert úr mínu máli,“ segir hún og bætir við að henni hafi oft fundist sem hans hagsmunir hafi verið settir ofar hennar. 

Það sem hvatti mig hvað mest til að kæra hann var að hjálpa öðrum því ég var sannfærð um að það væru enn fleiri stelpur sem hefðu orðið fyrir barðinu á honum, sem kom svo í ljós þegar ég sagði frá. Réttarhaldið var hins vegar lokað og ég upplifði að það væri vegna hans en ekki vegna mín. Þetta mál var aldrei nefnt í fjölmiðlum. Ég vildi halda þessari umræðu gangandi en upplifði að það mætti helst ekkert tala um þetta,

segir hún og bætir við að hún hafi lengi kennt sér um það sem gerðist. „Ég skammaðist mín þótt ég vissi innst inni að þetta væri ekki mér að kenna. Um leið og ég hætti að ásaka mig fannst mér ég frjálsari.“ 

Missti föður sinn 

Áföllin í lífi Höllu Ólafar hafa verið af stærri gerðinni en faðir hennar lést þegar hún var fjögurra ára auk þess sem báðar systur hennar hafa misst börn. 

„Ég lokaði á fullorðnar manneskjur eftir að pabbi dó. Allt í einu var hann horfinn og eftir að ég byrjaði að vinna í mínum málum hef ég horft á þessa litlu stúlku sem ég var og ég held að ósjálfrátt hafi ég ekki getað treyst fullorðnu fólki vegna missisins sem ég varð fyrir þegar pabbi dó. Eftir að ég varð eldri óttaðist ég höfnun meira en allt. Svo kemur þessi maður sem misnotaði mig, hann leigði í kjallaranum heima og varð einhvers konar föðurímynd, hann passaði mig oft þegar mamma var að vinna og við vorum góðir vinir og ég var saklaust barn sem þótti vænt um hann. Svo hverfur hann líka og ég skildi það ekki. Það útskýrði enginn neitt fyrir mér og ég fékk ekki neina sálfræðiaðstoð. Ég hugsa að líf mitt hefði orðið öðruvísi ef ég hefði fengið að vinna eitthvað úr þessu í stað þess að þetta yrði bara þaggað niður. Ég veit samt að það voru allir að gera sitt besta. Svona voru bara hlutirnir á þessu tíma. Ég hef lært að lifa með því sem gerðist og náð að vinna ansi vel úr því á síðustu árum. Ég horfi bjartsýn fram á veginn og geri mitt besta til þess að láta reynsluna hjálpa mér frekar en draga mig niður.


Halla Ólöf missti föður sinn þegar hún var fjögurra ára. Á myndinni er hún þriggja ára með honum. Mynd úr einkasafni.

Þráði viðurkenningu 

Hún segist ekki muna eftir að hafa upplifað reiði í æsku, kannski meira sorg en reiði. 

Ég upplifði sorg yfir því að eiga ekki pabba eins og allir hinir og ég velti oft fyrir mér hvernig lífið hefði orðið ef ég hefði átt pabba, en í staðinn fyrir að láta þetta bitna á fólkinu í kringum mig og tala um hvernig mér leið fór ég þá leið að standa mig vel í öllu í von um að fá viðurkenningu. Ég þráði viðurkenningu, frá vinum, mömmu, systrum mínum og lærði eins og páfagaukur og gekk mjög vel í námi. Félagslega upplifði ég mig samt utanveltu, passaði ekki inn í hópa og upplifði sektarkennd og meðvirkni þótt ég vissi ekkert hvaða tilfinningar það voru. Ég átti þó alltaf tvær til þrjár góðar vinkonur, en sjálfsvirðingin var engin og sjálfstraustið ekkert. Ég var alltaf að reyna að passa einhvers staðar inn en fann mig hvergi, ofsalega hrædd við höfnun og treysti engum,

segir hún en bætir við að sem betur fer hafi hún aldrei leiðst út í drykkju eða fíkniefnaneyslu. „Sú leið sem ég fór hefur líklega verið það sem bjargaði mér.“

Tilgangur með öllu

Hún segist hafa fengið góð viðbrögð við því að stíga fram með sína sögu. „Auðvitað er þetta svakaleg opinberun fyrir mig enda ekki margir sem vissu af því sem hafði gerst, en ég hef alltaf átt mjög auðvelt með að fela það ef eitthvað er að hjá mér nema kannski fyrir mínum allra nánustu. Sumum brá eflaust aðeins við að sjá allar þessar upplýsingar en þrátt fyrir það eru allir voðalega stoltir af mér. Ég hef svo fengið skilaboð frá fólki sem ég kannast og kannast ekki við, jafnvel um að ég hafi hjálpað því, en það var alltaf aðal markmið mitt í byrjun. Slík skilaboð gefa mér mikið og sanna að það er tilgangur með öllu, sama hversu slæmt og ósanngjarnt það er. Tilgangurinn með þessari baráttu okkar brotaþola og aðstandenda er að breyta lögum um uppreist æru og þótt við höfum ekki enn fengið breytingarnar í gegn erum við vonandi langt komin. Þetta hefur verið eins og hin versta lygasaga, að svona lagað geti gerst yfirhöfuð. Lögin eru bara barn síns tíma og ekki eitthvað sem á við í dag.“

Ofbeldið rót vandans 

Þótt hún hafi unnið mikið í sér með hjálp Aflsins viðurkennir hún að eiga ennþá slæma daga. 

Eins og allir. Það er hins vegar ekki að marka þetta sumar. Það hefur reynt meira á en mig hefði nokkurn tímann grunað. Ég á mína erfiðu daga en er miklu meðvitaðri um mína líðan nú en ég var áður en ég hóf sjálfsvinnuna. Áður leið mér illa en ég vissi ekki af hverju. Í dag veit ég af hverju. Ég hélt að ofbeldið hefði ekki haft nein áhrif á líf mitt en það rétta er að það hefur yfirleitt verið rótin að öllum mínum vanda, ástæða vanlíðanarinnar og það sem hefur gert allt annað erfiðara. Það koma dagar sem ég er bara ofsalega sár og einstaka sinnum reið en ég hef alltaf stjórn á mér. Það var til að mynda margt sem mig langaði að skrifa þegar ég frétti af uppreist æru Róberts en ég gerði það ekki heldur beið þar til ég var í betra jafnvægi. Ég hef aldrei verið sérstaklega hávær manneskja, það er alveg nýtt fyrir mér að koma svona opinberlega fram fyrir þjóðina og ég hræddist það í fyrstu, en þau góðu viðbrögð og hvatning sem ég og við höfum fengið er algjörlega ólýsanleg og gefur manni kraft í að halda áfram.

Mikil vakning 

Halla Ólöf vonast til þess að umræðan um kynferðisbrot haldi áfram. „Opinská umræða hefur fælingarmátt og er nauðsynleg svo brotaþolar geti sagt frá og fengið viðeigandi hjálp. Það hefur svo ótrúlega margt gerst síðustu misserin og vakningin er mikil. Það höfðu margir reynt að segja mér að leita mér hjálpar en ég var ekki tilbúin fyrr en fyrir um sex árum. Maður verður að vilja það sjálfur. Stuðningurinn sem ég hef fengið hjá Aflinu hefur verið ótrúlegur. Ég hef lært svo margt af ráðgjöfunum þar og enn meira af þeim konum sem ég hef kynnst í sjálfshjálparhópum. Það sem mér fannst ótrúlegt er að þótt maður treysti sér ekki til að tala mikið í svona hóp þá lærir maður margt af því að hlusta og fá speglunina frá öðrum. Það hjálpar að vita að maður er ekki einn að takast á við þessar tilfinningar vegna þess að alveg sama hvers konar ofbeldi og hversu miklu maður er beittur, þá eru afleiðingarnar alltaf þær sömu. Í dag er ég loksins að læra að treysta fólki. Mörk mín voru brotin og það tekur tíma að læra að setja þau upp á nýtt. Hér áður fyrr átti ég til að hleypa fólki of nálægt og varð svo fyrir höfnun eða hleypti engum að mér af ótta við höfnun. Ég hef líka þjáðst af kvíða og meðvirkni en er smám saman að læra að standa með sjálfri mér í stað þess að hlaupa á eftir því sem aðrir vilja. Ég þreifst á viðurkenningu annarra því ég veitti mér hana ekki sjálf og var alltaf að leita að einhverjum eða einhverju til að gera mig hamingjusama.“

Framtíðin björt 

Ef einhver hefði sagt mér fyrir nokkrum árum að ég ætti eftir að vera á þeim stað sem ég er á í dag hefði ég hlegið að viðkomandi, ég hefði aldrei látið mig dreyma um þennan árangur og að líða eins og mér líður í dag,

segir Halla Ólöf sem horfir björtum augum fram á við. „Það er mikið framundan en ég er þokkalega bjartsýn.“





29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.

SushiSocial: jól 2017