02. mar. 2017 - 20:00Akureyri vikublað

Gunna Dís og Kristján hamingjusöm fyrir norðan: „Þetta var allt stórt samsæri til að koma Húsavík enn betur á kortið“

Fjölmiðlakonan Guðrún Dís Emilsdóttir og eiginmaður hennar, Kristján Þór Magnússon, fluttu frá höfuðborginni fyrir þremur árum þegar Kristján var ráðinn sveitarstjóri Norðurþings. Hjónin ræða hér um lífið úti á landi, fjölskylduna og fólkið sem er það mikilvægasta í þeirra lífi, tilhugalífið og ástina sem þau fundu á Broadway.

Við erum mjög sátt hérna. Lífið er gott – þótt það hljómi eins og klisja,

segir fjölmiðlakonan Guðrún Dís Emilsdóttir sem flutti frá höfuðborginni til Húsavíkur árið 2014 þegar eiginmaður hennar, Kristján Þór Magnússon, var ráðinn sveitarstjóri Norðurþings.

Í fæðingarorlofi

Hjónin hafa mælt sér mót við blaðamann Akureyri Vikublaðs á glæsilegum veitingastað Fosshótels á Húsavík. Með í för er yngsta daman, Blædís Borg, hálfs árs, en Gunna Dís er í fæðingarorlofi. „Ég tók ekki nema þrjá mánuði síðast og var farin að vinna þegar strákurinn var fjögurra mánaða. Nú ætla ég að njóta og vera heima í eitt ár,“ segir hún en eldri börnin, Aðalheiður Helga og Magnús Hlíðar, eru átta og þriggja ára.

Það er frábært að vera með börn úti á landi og ég skil ekki af hverju fleiri skoða ekki þann kost. Nýir atvinnuhættir og samskipti í formi nettengsla hafa opnað mikla möguleika. Þótt þjónustustigið hér sé lægra en í borginni höfum við allt sem við þurfum. Það sést best á eldri krökkunum sem eru alsáttir.

Fólkið mikilvægast

Guðrún Dís ólst upp á Vopnafirði en Kristján Þór er fæddur og uppalinn á Húsavík. „Við búum á ská á móti foreldrum mínum og amma býr á efri hæðinni hjá þeim og kíkir reglulega í kaffi til okkar. Við ólumst bæði upp í mikilli nálægð við ömmu og afa og finnst frábært að geta gefið börnunum okkar það sama,“ segir Kristján. Gunna Dís viðurkennir þó að hafa haft sínar efasemdir um að flytja út á land. „Ég var skíthrædd enda leið okkur vel í borginni. Ég var í góðri vinnu og við höfðum komið okkur vel fyrir en svo ákváðum við að láta slag standa. Ég var sannfærð um að Kristján myndi sinna sínu vel og mér bauðst að flytja starfið mitt norður. Það sem vó auðvitað líka þungt var nálægðin við fólkið okkar. Hans fólk er hér og svo er mitt fólk á Egilsstöðum og Vopnafirði og það er stutt að fara.“

Frá kaupfélagi í ferðaþjónustu

Kristján segir Húsavík hafa breyst mikið frá því að hann var patti.

„Það eru miklar breytingar í farvatninu, núna sérstaklega. Það sem hefur mest breyst er að þegar ég var barn var að kaupfélagið hér allt í öllu. Í dag er ferðaþjónustan mjög áberandi sem er frábært og ekki síst fyrir íbúana því blómstrandi ferðaþjónustu fylgja aukin lífsgæði.“

Þýska fyrirtækið PCC vinnur að því að reisa kísilverksmiðju á Bakka sem mun að sögn Kristjáns hafa jákvæð áhrif á svæðið. „Framkvæmdirnar munu gjörbreyta samfélaginu og renna stoðum undir atvinnulífið til frambúðar. Stóra verkefnið er svo að ná að sauma þetta saman, uppganginn á Bakka og áframhaldandi góða stemmingu í ferðaþjónustunni,“ segir Kristján sem segir meðbyr í garð uppbyggingarinnar á meðal íbúa. „Hér í sveitarfélaginu og í Þingeyjarsýslum heilt yfir er velvilji til að nýta orkuna sem fyrir er á staðnum en eins og alltaf, þegar um miklar breytingar er að ræða, er einhver efi. Sjálfur er ég viss um að í grunninn sé þessi niðurstaða mun skynsamlegri en til dæmis fyrri hugmyndir um uppbyggingu stórs álvers á Bakka. Þetta er hins vegar eins og lífið sjálft, ein stór málamiðlun. Hér hafa menn horft á fækkun íbúa sökum færri atvinnutækifæra og hver eru þá viðbrögðin? Hér verður að vera atvinna og gleðilegt að nú sé að bætast við fjöldi nýrra starfa í flóruna sem fyrir er.“

Kynntust á Broadway

Kristján og Gunna Dís kynntust á balli á Broadway árið 2007 og hafa verið saman síðan. Aðspurð segjast þau deila svipuðum gildum.

Ætli það sé ekki mikið út af því að við erum bæði uppalin úti á landi. Við erum samt mjög ólík. Hann er mjög rólegur, skiptir varla skapi og ígrundar hlutina vel á meðan ég er óþolinmóð með skapgerð eins og íslenska veðrið,

segir Gunna Dís hlæjandi og Kristján tekur undir: „Ég held að við ýkjum upp persónuleika hvort annars. Ég verð enn yfirvegaðri til mótvægis við það að Guðrúnu liggur svo mikið á hjarta. Annars tala allir mikið í fjölskyldunni, bæði við og börnin okkar, hátt og mikið.“ Gunna Dís samsinnir því og segir: „Við höfum alltaf verið dugleg að ræða saman og ætli það hafi ekki haldið okkur saman. Það myndast ekki nein gremja því það fær ekkert að gerjast. Hjá mér er enginn filter, það flæðir bara allt út, og ef það er eitthvað að hrjá hann næ ég því út líka.“

Sjálfsöryggi kynþokkafullt

Gunna Dís stjórnaði um árabil útvarpsþættinum vinsæla Virkum morgnum ásamt fjölmiðlamanninum Andra Frey. Hún hefur auk þess kynnt Söngvakeppni sjónvarpsins undanfarin árin en ætlar nú að njóta keppninnar heima í sófa. Aðspurður segist Kristján ekkert hafa þekkt til Guðrúnar þegar þau kynntust. „Ég var nýkominn heim úr námi og vissi ekkert hver hún var. Hins vegar sást langar leiðir að þarna var einhver karakter. Hún geislaði af sjálfsöryggi og ef eitthvað er kynþokkafullt þá er það sjálfsöryggi. Konan mín hefur yfirleitt nóg af því.“

Taka Stjána á hlutina

En hvað í fari hans heillaði hana?

Hann var einhvern veginn bara … allt öðruvísi. Mér fannst hann náttúrlega myndarlegur en aðallega var það fasið; hvað hann var rólegur og klár. Svo hringdi hann í mig strax daginn eftir. Ég fílaði það að hann var ekkert hræddur við að láta vaða.

Kristján bætir við að hann veigri sér sjaldan við að sækja það sem honum lítist á. „Ég hef oft átt kost á að gera magnaða hluti og hef aldrei séð eftir að hafa gripið tækifærið. Ég er alltaf til í að prófa,“ segir hann brosandi en hún bætir við að þess vegna sé óþolandi að senda hann út í búð. Hann komi ávallt með eitthvað skringilegt til baka sem enginn vilji borða. „Á meðan ég er vanaföst og vil hafa mínar reglur og rútínu drífur hann mig áfram og út fyrir kassann. Það er líka til orðatiltæki í vinahópnum um „að taka Stjána á eitthvað,“ segir hún og þau hlæja bæði.

Ekki rúðustrikaður

Hann segir að nám hafi alltaf legið vel fyrir honum. „Ég var örugglega nörd,“ segir hann en Guðrún grípur fram í: „Elskan, ekkert örugglega, þú varst og ert nörd!“

„Gunnu finnst ég stundum of háfleygur og líklega er ég það. Ég held samt að ég sé alls ekkert rúðustrikaður og ég skorast sjaldnast undan stórum áskorunum. En eins og tengdapabbi segir, þá hefur það verið mín stærsta áskorun í lífinu að búa með Guðrúnu. Ég reyni að klára þau verkefni sem ég tek að mér; enda er ég ekkert að fara að skila henni,“ segir hann og glottir.

Tilbúin í pakkann

Guðrún Dís og Kristján Þór voru nálægt þrítugu þegar þau fóru að vera saman. „Ég held að þetta hefði ekki gengið ef við hefðum kynnst viku fyrr. Þarna var hann búinn að búa úti og ég búin að upplifa mín ævintýri og rasa út. Við vorum því bæði tilbúin þegar við hittumst og fórum í „pakkann“. Við erum í grunninn bæði jarðbundin og viljum eyða sem mestum tíma með fjölskyldu okkar. Fólkið okkar skiptir okkur mestu máli,“ segir hún og hann bætir við:

Maður er alltaf að heyra um fólk sem glímir við alls konar veikindi og er sleginn niður við fregnirnar. Við viljum einbeita okkur að því sem skiptir máli og erum samstíga í því að reyna að standa okkur betur í dag en í gær. Lífið er ekki sjálfsagður hlutur og við erum dugleg að minna hvort annað á það.

Óráðin framtíð

Kristján er 38 ára doktor í íþrótta- og heilsufræðum og hefur sinnt starfi sveitarstjóra í þrjú ár. Hann segist ekki eiga drauma um frama í pólitík. „Ég hef ekki metnað til þess í dag. Ég sinni starfi sveitarstjóra í augnablikinu og er mjög sáttur við þá stöðu,“ segir hann og bætir við að framtíðin sé óráðin. „Hvort við séum komin hingað til að vera verður tíminn að leiða í ljós. Það er erfitt að segja, í ljósi hvers eðlis mín vinna er. Ég hef gaman af starfinu en það eru kosningar á fjögurra ára fresti og sveitarstjóri starfar í umboði sveitarstjórnar hverju sinni. Okkur líður vel hér en við erum ekki heldur hrædd við breytingar.“

Allir gera mistök

En myndi hann taka fjögur ár í viðbót ef það stæði til boða? „Ef ég yrði að svara í dag myndi ég líklega segja já. Mér finnst þetta afar skemmilegt starf og líður vel í vinnunni. Ég hef lært mikið á síðustu þremur árum og það tekur tíma að komast inn í hlutina. En ég ætla mér ekki að verða ellidauður í þessu. Eins og er finnst mér hlutirnir ganga vel. Auðvitað hafa komið tímabil sem ég hef spurt mig hvað ég sé að gera en sem betur fer á ég auðvelt með að leita ráða og viðurkenna ef ég hef ekki gert hlutina rétt. Mér finnst mikilvægt að reyna að búa til andrúmsloft þar sem mistök eru hluti af lífinu. Það gera allir mistök og allt í góðu lagi með það ef við lærum af þeim. Ég vil ekki taka mig of alvarlega eða setja mig á háan hest og reyni að koma fram við alla af virðingu og auðmýkt. Við erum öll ósköp svipuð í grunninn, en með mismunandi hlutverk á mismunandi tímum. Núna er það mitt að stjórna sveitarfélagi.“

Einfalt og rólegt líf

Þrátt fyrir þrjú börn og krefjandi starf segja þau heimilislífið afslappað. Sveitarstjórnarstörfin mættu þó vera fjölskylduvænni. „Mikil vinnan fer fram eftir fjögur á daginn og það er undantekning ef hann er kominn heim fyrir átta á kvöldin. Hann er að vinna 12 tíma á dag en samt er þetta rólegt líf og það skrifa ég á umhverfið. Við þurfum ekki að eyða 40 mínútum á dag í bíl né að vera að stressa okkur á því að þurfa að skutla börnunum hingað og þangað. Hér er lífið einfalt og laust við æsing, þó að vinnuálag hafi líklega aldrei verið meira,“ segir hún og bætir við að bæjarbúar hafi tekið henni opnum örmum. „Ég hef ekki upplifað neitt annað en gott í minn garð,“ segir hún en hann grípur hlæjandi fram í:

Ég held að ég hafi verið ráðinn hingað vegna þess að ég er maðurinn þinn. Þetta var allt stórt samsæri til að koma Húsavík enn betur á kortið.

Viðtal Indíönu Ásu Hreinsdóttur við Gunnu Dís og Kristján birtist fyrst í Akureyri Vikublaði. Smelltu hér til að lesa blaðið.




24.mar. 2017 - 18:00 Reykjanes

Nóg um að vera á loðnuvertíðinni

Í síðasta pistli þá endaði ég að tala um loðnubræðslunni í Sandgerði sem því miður hætti starfsemi. Grindvíkingar sitja svo til við sama borð og Sandgerðingar gagnvart loðnunni. Loðnuverksmiðja var rekin í Grindavík undir nafinu Fiskimjöl og Lýsi og árið 1997 þá keypti Samherji Albert GK og jafnframt verksmiðjuna. Albert GK fékk nafnið Oddeyrin og í hönd fóru miklar framkvæmdir í Grindavík og var verksmiðjunni svo til byggð upp alveg frá grunni og þegar upp var staðið þá var hún orðin 1500 tonna verksmiðja, og það kláraðist árið 2003. Til að mynda þá voru tekin á móti 97 þúsund tonnum af uppsjávarfiski í Grindavík árið 2003, og af því þá var loðna 68 þúsund tonn.
23.mar. 2017 - 18:00 Austurland

Að hafa ekki skoðun

Á tímum samfélagsmiðla og kommentakerfa er hægt að hneykslast, tuða og vera brjálaður 24 tíma dagsins 7 daga vikunnar. Ananas á pizzur, ókeypis túrtappar í bíóum og áfengi í verslanir (þreytt dæmi, afsakið). Það er hægt að hafa skoðun á öllu og öllum og það er auðvelt að reyna troða skoðunum sínum uppá aðra. Treystið mér ég hef alveg reynt það.
23.mar. 2017 - 18:00 Austurland

Make it happen again - Ávextir austfirskrar hönnunar

Föstudaginn 24.mars kynnir Austurland áfangastaðaverkefni sitt og austfirska hönnun í víðu tilliti með viðburði á KEX Hostel í Reykjavík, sem fram fer undir merkjum HönnunarMars. Garðar og Eva hjá STUDIO EYJOLFSSON kynna verkefni sem þau hafa verið að vinna með franska hönnuðinum Thomas Vailly og ber heitið Vidar – Woody en Elísabet og Ágústa hjá ALVÖRU kynna vörulínu úr hreindýraleðri sem ber heitið USELESS.
23.mar. 2017 - 14:13 Reykjanes

Mannmergð á safnahelgi

Það var mikill straumur af fólki sem sótt Ásgeir Hjálmarsson heim í Braggann um Safnahelgina. Ásgeir hefur í gegnum tíðina safnað alls konar hlutum sem geyma vel söguna. Ásgeir átti hugmyndina að því að koma upp Byggðasafni Garðs fyrst í þröngum húsakynnum á Garðskaga en síðar var byggt myndarlegt hús undir munina. Ásgeir er nú kominn á eftirlaunaaldur en heldur samt ótrauðu áfram við að safna.
23.mar. 2017 - 13:00 Akureyri vikublað

Helena er þakklát fyrir hvert ár: „Ég er jafn hissa og aðrir að ég skuli enn halda röddinni“

Þótt Helena Eyjólfsdóttir sé orðin 75 ára gömul heldur hún enn tónleika fyrir fullu húsi. Eftir 60 ára feril gaf Helena út sína fyrstu plötu undir eigin nafni í fyrrahaust. Í einlægu viðtali ræðir söngkonan um lífið með Finni Eydal, skemmtanamenningu landans og tónlistina sem heldur henni ungri.
23.mar. 2017 - 13:00 Akureyri vikublað

Helena Eyjólfs: Fullorðið fólk er orðið of vant að sitja bara heima og horfa á sjónvarpið

Helena Marín Eyjólfsdóttir söngkona segir allt öðruvísi að koma fram í dag en í gamla daga. Í einlægu viðtali segir hún að margt hafi breyst á 60 ára ferli í tónlistarheiminum. „Þetta er allt annar heimur. Hér áður fyrr voru haldin böll og fólk kom til að dansa. Þá hafði fólk ekki afþreyinguna úr sjónvarpinu.“
20.mar. 2017 - 19:00 Austurland

„Sá aðili sem kemur inn í þetta þarf að brenna fyrir þetta starf“

Í ljósi nýsamþykktrar menningarstefnu Fjarðabyggðar mun aðkoma sveitarfélagsins að stuðningi við hvers kyns menningarstarfsemi stóreflast með tilkomu nýrrar menningarstofu. Að sögn Páls Björgvins Guðmundssonar, bæjarstjóra Fjarðabyggðar mun Menningarstofa Fjarðabyggðar ekki endilega verða staður með kaffistofu og móttöku enda getur eðli slíkrar starfsemi vart gengið upp í fjölkjarna bæjarfélagi eins og Fjarðabyggð ef hún er staðbundin. Helstu nýmælin í stefnunni eru fyrrnefnd stofnsetning Menningarstofu og ráðning forstöðumanns hennar en á meðal verkefna viðkomandi verður að hrinda í framkvæmd viðamikilli aðgerðaráætlun sveitarfélagsins til 2018.
20.mar. 2017 - 17:00 Reykjanes

Aflafréttir - Loðnu landað í Helguvík

Jæja það fór þá þannig að verkfallið sem hafði staðið siðan um miðjan desember leystist og allur flotinn fór á sjóinn. Og það var eins og við mannin mælt. Tvennt gerðist. Mokveiði var og fiskverð á fiskmörkuðum hrundi niður. Það gerði það að verkum að smábátasjómenn héldu að sér höndum þegar mesta mokið var.
19.mar. 2017 - 22:00 Akureyri vikublað

Sigtryggur Bjarni í yfirheyrslu

Sigtryggur Bjarni Baldvinsson myndlistarmaður ætlaði alltaf að verða listmálari þegar hann yrði stór. Sigtryggur Bjarni heldur sýningu þessa dagana í Listasafninu á Akureyri. Fullt nafn, aldur og starfstitill: „Sigtryggur Bjarni Baldvinsson, 51 árs, myndlistarmaður.“ Skólaganga? „Oddeyrarskóli, Barnaskóli Akureyrar, Gagnfræðaskóli Akureyrar, Menntaskólinn á Akureyri, Myndlista- og handíðaskóli Íslands, Ecole des Arts Decoratifs, Strasbourg, Frakklandi.“
19.mar. 2017 - 20:00 Vesturland

Arna var prestur í hruninu: „Eftir á að hyggja þá var þetta svakalegt“

Séra Arna Grétarsdóttir tók við sem nýr sóknarprestur á Reynivöllum í Kjós þann 1. júlí í fyrra. Áður hafði séra Gunnar Kristjánsson setið staðinn í hartnær 38 ár. Áður en Arna hóf störf sem nýr prestur á Reynivöllum hafði hún starfað í ein níu ár sem prestur íslenska safnaðarins í Noregi. Það var mikil reynsla. Aðeins um ári eftir að hún hélt til Noregs ásamt fjölskyldu sinni árið 2007 dundi efnahagshrunið mikla yfir haustið 2008.
19.mar. 2017 - 17:00 Akureyri vikublað

Sandra María: „Þetta fór betur en á horfði

Landsliðskonan Sandra María Jessen stefnir á að komast aftur inn á völlinn í sumar. Sandra lenti í slæmu samstuði í leik Íslands og Noregs en meiðslin eru ekki jafn alvarleg en hún óttaðist. „Þetta fór betur en á horfðist,“ segir Akureyringurinn og landsliðskonan í knattspyrnu, Sandra María Jessen, sem meiddist á leik Íslands og Noregs á Algarve-æfingarmótinu þann 1. mars.
18.mar. 2017 - 18:00 Akureyri vikublað

Katrín og Jóhann opna Lemon á Akureyri: „Skiptir máli að hugsa um heilsuna“

Katrín Ósk Ómarsdóttir og maður hennar, Jóhann Stefánsson, opna veitingastaðinn Lemon á Akureyri í vor. Katrín féllst á að gefa lesendum Akureyri Vikublaðs sínar uppáhaldsuppskriftir. „Við erum orðin mjög spennt og miðað við hvað við erum að fá góð viðbrögð sýnist mér að eftirvæntingin í bænum sé umtalsverð. Það virðist vera markhópur fyrir svona stað,“ segir Katrín Ósk Ómarsdóttir sem mun opna Lemon veitingastað á Akureyri í maí ásamt manninum sínum, Jóhanni Stefánssyni.
18.mar. 2017 - 13:00 Akureyri vikublað

Sigríður Ingibjörg berst fyrir réttindum fatlaðra barna í Tansaníu

Síðastliðinn september fór ég í sjálfboðastarf til Moshi sem er í Tansaníu. Moshi er staðsett undir rótum Kilimanjaro-fjallsins sem er hæsta fjall Afríku. Þar starfaði ég sem iðjuþjálfi með samtökunum Building a Caring Community (BCC) sem bjóða upp á þjónustu fyrir börn með færniskerðingar og fjölskyldur þeirra.
17.mar. 2017 - 13:48 Suðri

Baldur leysir Herjólf af

Vestmannaeyjaferjan Herjólfur fer í reglubundna slipptöku í maí. Breiðafjarðarferjan Baldur siglir á milli Vestmannaeyja og Landeyjahafnar á meðan slipptökunni stendur. Herjólfur siglir samkvæmt áætlun frá 1. maí næstkomandi og Baldur til 30. apríl og siglir frá Vestmannaeyjum frá og með 2. Maí. Stefnt að því að því að Baldur verði kominn aftur á áætlun í Breiðafirði sunnudaginn 21. maí. 


17.mar. 2017 - 13:00 Akureyri vikublað

Gagnrýni: „Rómantík, spenna og gaman“

Freyvangsleikhúsið frumsýndi föstudaginn 10. mars gamanleikinn Góðverkin kalla. Verkið er eftir Ármann Guðmundsson, Sævar Sigurgeirsson og Þorgeir Tryggvason og var skrifað árið 1993. Leikstjórar eru Margrét Sverrisdóttir og Oddur Bjarni Þorkelsson, en tónlistarstjóri er Jóhann Axel Ingólfsson.
16.mar. 2017 - 20:00 Akureyri vikublað

Kristján Pétur lifði og hrærðist í sukkinu: „Þetta var helvítis basl og læti en mjög skemmtilegt“

Tónlistarmaðurinn Kristján Pétur Sigurðsson hefur spilað með ótal hljómsveitum frá fimmtán ára. Hann fagnar brátt 66 ára afmæli sínu og segist hafa jafn gaman að því að koma fram með hljómsveitum í dag. „Þess vegna er ég enn að,“ segir Kristján sem tjáir sig um lífið, rokkið og sukkið í viðtali við Akureyri vikublað.
16.mar. 2017 - 12:35 Indíana Ása Hreinsdóttir

Tímaþjófurinn Facebook

Þeir gerast ekki verri tímaþjófarnir en Facebook. Sjálf á ég til að hanga á samskiptasíðunni í einhverri óskiljanlegri leiðslu, skrollandi upp og niður, njósnandi um hinn og þennan, „lækandi“ færslur og myndir eins og mér sé borgað fyrir það, sér í lagi þegar ég þyrfti sérstaklega að vera dugleg að vinna. Aldrei horfi ég til dæmis á fleiri fyndin eða krúttleg myndbönd af kisum eða smábörnum eins og þegar ég er undir álagi í vinnunni.
16.mar. 2017 - 12:00 Akureyri vikublað

Kristján Pétur – reis upp frá dauðum

Tónlistarmaðurinn Kristján Pétur Sigurðsson hefur verið í ótal hljómsveitum sem eru jafn ólíkar og þær eru margar. Í einlægu viðtali ræðir Kristján Pétur um tónlistina og myndlistina, sem hann gerir engan greinarmun á, sukkið í Kristjaníu, brauðstritið, fjölskylduna og sér í lagi afasoninn sem hefur haldið honum ungum, skapið sem á til að hlaupa með hann í gönur, ástina sem er enn jafn heit og hún var fyrir 20 árum og hjartaáfallið sem breytti lífinu.
16.mar. 2017 - 12:00 Akureyri vikublað

Kristján rifjar upp augnablikið sem hann dó: „Þessu var bara tekið með húmor“

Kristján Pétur Sigurðsson tónlistarmaður fékk hjartaáfall fyrir nokkrum árum og hné niður.  Hann dó í stutta stund en var vakinn aftur til lífsins þegar sjúkrabíll kom á vettvang. Kristján Pétur var staddur í Pennanum Eymundsson þegar hann fann fyrir undarlegri tilfinningu. Í viðtali við Akureyri vikublað rifjar Kristján upp þetta augnablik sem hefði getað verið hans síðasta og afleiðingar þess.
13.mar. 2017 - 07:00 Kristinn H. Gunnarsson

Kjósendur blekktir

Nýjustu axarsköft ríkisstjórnarinnar eru þau að kasta samgönguáætluninni út um gluggann.  Áætlunin var samþykkt fáum vikum fyrir Alþingiskosningarnar á síðasta ári og nú að þeim afloknum  er látið eins og yfirlýsing þingisins til kjósenda hafi verið siðlaus skrípaleikur að því er fjármálaráðherrann lét sig hafa að segja í útvarpsþætti í vikunni.
12.mar. 2017 - 23:00 Akureyri vikublað

Vaðlaheiðar-Valgeir ætlaði að verða lögreglu- eða slökkviliðsmaður

Valgeir Bergmann Magnússon er framkvæmdastjóri Vaðlaheiðarganga. Valgeir ætlaði að verða lögreglu- eða slökkviliðsmaður þegar hann yrði stór og ef hann væri einræðisherra myndi hann banna sígarettur. Fullt nafn, aldur og starfstitill: „Valgeir Bergmann Magnússon, 43 ára, framkvæmdastjóri Vaðlaheiðarganga hf.“
12.mar. 2017 - 19:00 Austurland

Ást og friður á Eistnaflugi

Tónlistarhátíðin Eistnaflug er haldin í Neskaupstað fyrstu helgina júlí ár hvert. Eistnaflug verður haldið í þrettánda sinn sumarið 2017. Hátíðin hefur þróast mikið og stækkað jafnt og þétt frá árinu 2005, þegar Eistnaflug var fyrst haldið, en þá rúmuðust allir hátíðargestir utan Neskaupstaðar í eina rútu. Síðustu ár hafa hátíðargestir verið 2000-2500. Í ár hlaut hátíðin bæði Eyrarrósina og var valin Tónlistarhátíð ársins á Íslensku tónlistarverðlaununum.
12.mar. 2017 - 13:30 Akureyri vikublað

Alexander Jósep er í úrvalshópi nemenda: „Þessi heiður skiptir mig mjög miklu máli“

„Þessi heiður skiptir mig mjög miklu máli,“ segir Alexander Jósep Blöndal, nemandi í tölvunarfræði í Háskólanum á Akureyri, sem er í úrvalshópi nemanda á forsetalista tölvunarfræðideildar Háskólans í Reykjavík en nemendur á listanum hafa náð bestum árangri á prófatímabilinu og fá þar með skólagjöld niðurfelld.
12.mar. 2017 - 12:00 Akureyri vikublað

Eva Pandora var ólétt í kosningabaráttinni: „Ég myndi ekkert endilega mæla með þessu“

„Maðurinn minn eldar oftast á heimilinu. Ég er ekki sérstaklega góður kokkur sem er frekar leiðinlegt þar sem mér finnst voðalega gaman að borða góðan mat. Það væri skemmtilegt að geta eldað hann sjálf,“ segir Eva Pandora Baldursdóttir á Sauðárkróki sem féllst á að gefa lesendum Akureyri Vikublaðs sínar uppáhaldsuppskriftir.
12.mar. 2017 - 09:00 Vestfirðir

Vilja að fatlaðir selji íbúðir sínar: „Það yrði mikil afturför“

Ísafjarðarbær lagði að aðstandendum tveggja fatlaðra einstaklinga á Ísafirði að skipta á jöfnu við bæjarfélagið á íbúðum sem þeir eiga og fá staðinn íbúðir í Sindragötu 4 sem bærinn á. Guðmundur Halldórsson, Bolungavík, aðstandandi annars einstaklingsins segir að bærinn hafi gengið hart fram og lagt að aðstandendunum að skipta.
12.mar. 2017 - 07:00 Austurland

Bjartsýni í bakið

Við vorum býsna bjartsýn á haustdögum þegar verðandi þingmenn riðu um héruð og boðuðu betri tíma. Staða ríkissjóðs var góð og þess að vænta að nú væri hægt að ráðast í brýnar framkvæmdir, sem dregist höfðu um árabil. Í október var samþykkt samgönguáætlun 2015 – 2018 sem beðið hafði verið eftir. Áætlunin var samþykkt mótatkvæðalaust en reyndar voru aðeins tæplega 40 þingmenn viðstaddir atkvæðagreiðsluna.

11.mar. 2017 - 20:00 Vestfirðir

Skoða þarf Bræðratungu: Fatlaður íbúi stunginn til þess að fá hann til að hlýða

Jón Þorsteinn Sigurðsson, réttargæslumaður fatlaðra á Vesturlandi og Vestfjörðum segir að hann hafi fengið fjölda ábendinga og ýmsar misjafnar sögur af meðferð fatlaðra einstaklinga á Bræðratungu og vill láta athuga hvað þarna hafi átt sér stað á þeim tíma sem hún var í rekstri. Jón Þorsteinn segir að hafi ákveðin atvik í huga sem hann hafi fengið nákvæmar lýsingar á og varðar fatlaða íbúa  á Bræðratungu.
11.mar. 2017 - 18:00 Sigurður Jónsson

Vegatollur, komugjöld eða borga bílaeigendur nóg í skatta?

Það var skynsamlegt hjá ASÍ og SA að samþykkja að kjarasamningur muni gilda ár til viðbótar þrátt fyrir forsendubrest. Það liggur fyrir að samningar margra opinberra stéttar eru lausir á næstunni. Yfirleitt hefur það verið þannig að félagar ASÍ hafa riðið á vaðið og gert sína samninga. Hærra launaðar stéttir hafa svo komið á eftir og krafist mun meiri hækkunar og yfirleitt náð því markmiði. Höfrungahlaupið hefur verið á fullu. Þegar upp er staðið sitja svo hinir lægst launuðu eftir með sárt ennið. Það er því skynsamlegt hjá ASÍ að bíða og sjá hvað margar hærra launaða stéttir ná í sinn hlut. Allt tal um hógværar launahækkunar verða að ná til allra hópa þjóðfélagsins. Að öðrum kosti gengur það aldrei og enginn friður verður á vinnumarkaðnum.
11.mar. 2017 - 18:00 Akureyri vikublað

Á tímum samskiptamiðla

Ég er svo ljónheppin að umgangast unglinga flesta daga vikunnar. Unglingar eru skemmtilegt fólk, þeim fylgir einhver fölskvalaus gleði og tilhlökkun fyrir lífinu sem margir þeim eldri hafa týnt í annríki hversdagsins. Það er þó annað sem fylgir unglingum nútímans og það eru samfélagsmiðlar.
11.mar. 2017 - 15:00 Vestfirðir

Byggja leiguheimili að danskri fyrirmynd

Ísafjarðarbær hefur sótt um stofnframlag hjá Íbúðarsjóði til þess að byggja leiguheimili að danskri fyrirmynd.  Gísli Halldór Halldórsson, bæjarstjóri var spurður um málið. "Já, það er rétt, Ísafjarðarbær hefur sótt um stofnframlag hjá Íbúðarlánasjóði til að byggja leiguheimili og snýr umsókn Ísafjarðarbæjar að 11 íbúðum í 13 íbúða fasteign.
11.mar. 2017 - 08:00 Austurland

Upprennandi útvarpsstjörnur

Líflegt útvarpsnámskeið fór fram síðastliðna helgi á vegum Okkar Eigin og KrakkaRÚV í Sláturhúsinu á Egilsstöðum. Aðalleiðbeinandi á námskeiðinu var Sigyn Blöndal en hún er umsjónarmaður Stundarinnar Okkar en Karna Sigurðardóttir og Arnaldur Máni voru henni til halds og trausts í kennslunni ásamt leiðbeinendum sem fylgdu tæplega 30 krökkum á aldrinum 10-16 ára á námskeiðið. Krakkarnir komu víðsvegar að eða frá Seyðisfirði, Norðfirði, Borgarfirði eystra, Eskifirði, Egilsstöðum og Fellabæ.
11.mar. 2017 - 07:00 Arnaldur Máni Finnsson

Gustar af Austfirðingum

Það virðast mörg hitamál í loftinu og ekki ólíklegt að við minnumst þessara tíma sem ólgutíma þegar fram líða stundir. Hver hugsar sitt. Vantraust á stjórnmálunum er ekki nýtt af nálinni og sjaldan hefur ríkisstjórn tekist að missa tiltrú almennings á jafn stuttum tíma frá kosningum og raunin er.
10.mar. 2017 - 20:00 Akureyri vikublað

Svanfríður saknar ekki stjórnmálanna: „Ég verð aldrei manneskja sem situr hjá“

Svanfríður Inga Jónasdóttir á Dalvík á langan feril í stjórnmálum að baki. Svanfríður ræðir hér um reynslu sína sem ung kona á þingi á tímum þegar fáar konur voru í stjórnmálum, uppeldið hjá ömmu og afa á Dalvík, eiginmanninn sem styður hana í einu og öllu, öfgar og þjóðernispopúlisma, sem hún óttast, og jafnréttisbaráttuna, sem hún segir enn eiga langt í land.

09.mar. 2017 - 14:00 Vestfirðir

Listakonur standa fyrir skemmtilegum viðburði á Vestfjörðum í dag

Fimmtudaginn 9. mars kl. 18 bjóða listakonurnar Ulla Juske og Ella Bertilsson gestum að upplifa hljóðinnsetninguna Órætt efni/Uncertain Matter í ljósaskiptunum. Viðburðurinn er skipulagður í samvinnu við Kjartan Árnason arkitekt og fjölskyldu sem opna heimili sitt að Hnífsdalsvegi 10 á Ísafirði af þessu tilefni. Hljóðverkið tekur 22 mín. í flutningi. Boðið verður upp á léttar veitingar og spjall á eftir. Listakonurnar Ulla Juske og Ella Bertilsson verða á staðnum.
06.mar. 2017 - 07:00 Indíana Ása Hreinsdóttir

Lífið úti á landi

Það er öðruvísi að búa úti á landi en í borginni. Ekki betra eða verra. Bara öðruvísi. Hér er takturinn hægari og líkur á að sitja fastur í umferðarteppu litlar og því meiri tími sem hægt er að nýta í eitthvað skemmtilegt.

05.mar. 2017 - 21:00 Reykjanes

Merkir Suðurnesjamenn: Jóhann Benedikt Pétursson

Jóhann Benedikt Pétursson fæddist í Áreyjum í Reyðarfirði 28. apríl 1920. Hann andaðist árið 2013.Hann hafði lifað tímana tvenna. Spánska veikin geisaði og heimskreppan mikla var í aðsigi. Móðir hans féll frá ung að áðum frá 6 börnum.
05.mar. 2017 - 19:00 Akureyri vikublað

Andy flutti til landsins til að kenna lögreglufræði: „Þetta starf snýst um fólk“

Dr. Andrew Paul Hill er lektor í lögreglufræðum við Háskólann á Akureyri. Andy kemur frá Englandi þar sem hann á að baki farsælan feril sem lögreglumaður og seinna í háskólaumhverfi en Andy hefur tekið virkan þátt í uppbyggingu á lögreglufræðum. Andy féllst á að svara nokkrum spurningum frá Akureyri Vikublaði.

05.mar. 2017 - 18:00 Akureyri vikublað

Nafnaveislan

Ég fór í nafnaveislu um daginn. Barnið var þó ekki nýfætt heldur á sjötta ári. Barnið hefur líka átt strákanafn allan þann tíma, en hefur í nokkur ár upplifað sig sem stelpu. Því varð að velja nýtt nafn sem passaði og af því tilefni var slegið upp veislu.

05.mar. 2017 - 17:00 Vesturland

Ýsan virðist skyndilega alveg horfin

Mjög góð þorskveiði er nú í Faxaflóa og veður afar hagstætt. Sárafáir bátar róa þó frá Akranesi. Einn þeirra er línubáturinn Eskey ÓF. „Við erum með 12 tonn í þessum róðri. Þetta er nánast allt stór þorskur. Það er búin að vera mjög góð veiði hjá okkur undafarið,“
05.mar. 2017 - 10:00 Vesturland

Markar tímamót: Tvö skemmtiferðaskip til Akraness í sumar

Von er á tveimur skemmtiferðaskipum til Akraness í sumar. Þetta sætir tíðindum sem marka tímamót því slík skip hafa til þessa ekki vanið komur sínar til bæjarins. Annað skipið og það stærra mun koma einu sinni. Hitt skipið sem er miklu minna er bókað í 14 komur. Mikil spenna og eftirvænting er bundin við komu skipanna til Akraness. Það gæti haft mikla þýðingu
05.mar. 2017 - 08:00 Vesturland

Hann er sagður dökkur og ljótur, með mongólska andlitsdrætti

Bókaútgáfan Bjartur hefur endurútgefið bókina Leitin að svarta víkingnum eftir Bergsvein Birgisson í kiljuformi. Bókin sló rækilega í gegn fyrir síðustu jól, hlaut frábærar viðtökur bæði almennings og gagnrýnenda og varð algjörlega uppseld dagana fyrir jólin.
04.mar. 2017 - 20:00 Vesturland

Að heyra hluti eins og „Helvítis útlendingar!“ Fordómar og rembingur er með því versta sem ég veit

Fyrir jól kom út bókin „Heiða – fjalldalabóndinn“ eftir Steinunni Sigurðardóttur. Þessi bók greinir frá lífi Heiðu Ásgeirsdóttur sauðfjárbónda á Ljótarstöðum í Skaftártungu. Bókin vakti mikla athygli. Hér er með góðfuslegu leyfi útgefanda birtur stuttur kafli úr henni.
04.mar. 2017 - 17:00 Akureyri vikublað

Seðjandi sjávarréttasúpa

Eftir óhollustu vikunnar er tilvalið að skella í holla súpu. Afhýðið lauk og hvítlauk og saxið smátt. Skrælið gulrót og sneiðið hana þunnt. Hitið kókosolíu í stórum potti. Steikið laukinn og hvítlaukinn. Notið vatn ef vantar meiri vökva. Bætið gulrótinni út í ásamt kryddi (óreganó, basil, sítrónupipar, svartur pipar, karrí og fish masala).

04.mar. 2017 - 15:00 Vesturland

Loðnufrysting hafin á Akranesi

Glæsiskipið Venus nýkomin að bryggju á Akranesi laust fyrir miðnætti á mánudagskvöld. Eins og sjá má sér lítið á skipinu þó um borð sé tvö þúsund tonna loðnufarmur.

Frysting og hrognataka á loðnu er hófst aðfararnótt þriðjudagsins á Akranesi. Seint á mánudagskvöld kom Venus NS, uppsjávarveiðiskip HB Granda með farm þangað.  „Við erum með um tvö þúsund tonn upp úr sjó. Við fengum þennan afla út af Þorlákshöfn. Þetta er mjög góð loðna

04.mar. 2017 - 08:00 Vesturland

Frumkvöðullinn Frederick Howell – ferðagarpur og ljósmyndari

Árið 1890 steig 33 ára gamall breskur skólastjóri á land í Reykjavík. Þetta var í fyrsta sinn sem hann kom til Íslands. Maðurinn hét fullu nafni Frederick William Warbeck Howell, fæddur 1857 í Norður-Wales. Hann hafði lesið bækur eftir breska ferðalanga sem höfðu fyrr á 19. öldinni haldið í eins konar pílagrímsferðir til Íslands.
04.mar. 2017 - 07:00 Magnús Þór Hafsteinsson

Veðurblíðan varir áfram

Snjókoman sem féll síðustu helgina í febrúar hefur ekki farið fram hjá neinum. Loksins kom snjórinn á vetri sem hefur verið fádæma blautur og snjóléttur. Víða féllu ríflega hálfrar aldar gamlar metatölur um þykkt á jafnföllnum snjó.
04.mar. 2017 - 07:00 Suðri

Viðskiptahugmynd

Ég er að hugsa um setja saman viðskiptahugmyndir um eitthvað og allskonar, búa til góða beitu, setja upp skyggnur, þrívíddarmyndskeið og síðast en ekki síst gróðaplan. Gæti komið með hugmynd um að byggja golfvöll á svörtum sandi, hótel sem byggir á hugmynd sem ég segi öllum að fáum hafi dottið í hug, jú byggja risa gróðurhús og rækta eitthvað sem fólk um allan heim vill borða og já svo vantar miðbæ í fullt af bæjum um allt land.

03.mar. 2017 - 20:00 Suðri

Edda Bergsteinsdóttir slær í gegn innan lands og utan

Edda Bergsteinsdóttir Edda Bergsteinsdóttir, gullsmiður frá Selfossi, hefur vakið mikla athygli innanlands og utan fyrir skartgripahönnun sína sem ber nafnið SEB jewellery. Edda tók þátt í stærstu skartgripasýningu í Evrópu í febrúar og segir ritstjóra Suðra frá ævintýrinu á bak við SEB skartgripina og þær einstöku viðtökur sem hún hefur fengið og hvað sé framundan hjá henni.
03.mar. 2017 - 09:00 Suðri

Sveitarfélagið Árborg dæmt til að greiða Gámaþjónustunni skaðabætur

Héraðsdómi Suðurlands dæmdi á dögunum Sveitarfélagið Árborg til að greiða Gámaþjónustunni hf. rúmar 18,6 milljónir króna með vöxtum og 5,5 milljón króna málskostnað vegna ákvörðunar sveitarfélagsins að hafna öllum tilboðum í sorpútboði árið 2011. Þáverandi meirihluti Sjálfstæðisflokksins hafnaði tilboðum frá Gámaþjónustunni og Íslenska gámafélaginu á sínum tíma og gaf þá skýringu að formgalli hefði verið á útboðinu, því hefði verið hætt við það.

03.mar. 2017 - 07:00 Björgvin G. Sigurðsson

Glæpur og refsing í Guðmundar- og Geirfinnsmálum

Guðmundar- og Geirfinnsmál eiga sér enga hliðstæðu í íslenskri sögu og hefur harmleikurinn vakið athygli langt úr fyrir landhelgi Íslands. Hysterían sem greip um sig náði langt inní fjölmiðla og stjórnmál landsins á áttunda áratugnum og er sérstakur kapítuli í hörmungarsögunni allri. Eftir því sem lengra líður frá dómunum blasir við hvílíkur skelfingarferill átti sér stað, allt frá handtökum sakborninga þar til dómur gekk í Hæstarétti árið 1980.