06. júl. 2017 - 20:00Akureyri vikublað

Guðrún Pálína í opinskáu viðtali: Hitti aldrei föður sinn - Fann ástina í Hollandi

Guðrún Pálína Guðmundsdóttir myndlistakona og kennari. Mynd: Guðrún Þórsdóttir.

Guðrún Pálína Guðmundsdóttir myndlistakona og kennari. Mynd: Guðrún Þórsdóttir.

http://fotspor.is/wordpress/wp-content/uploads/2017/07/akureyri_6jul_web.pdfMyndlistakonan Guðrún Pálína Guðmundsdóttir, sem ólst upp á Akureyri og í Bárðardal hjá ömmu sinni og afa, segir myndlistina sækja stöðugt í sig veðrið sem menning. Ritlistinni sé þó enn gert hærra undir höfði og sérstaklega í menntakerfinu. Í einlægu viðtali ræðir Guðrún Pálína um æskuna, listina, ástríðuna, fjölskylduna og örlögin sem gripu í taumana og beindu henni heim til Íslands eftir langa dvöl í útlöndum.

Æskan í sveitinni

Guðrún Pálína er uppalin á Akureyri og í sveit móðurforeldra sinna, Bólstað í Bárðardal, þar sem hún dvaldi frá tveggja til tíu ára aldurs.

Mömmu fannst dapurlegt til þess að hugsa að ég væri ein með henni á Akureyri og vildi frekar að ég væri í sveitinni hjá ömmu og afa innan um önnur börn. Bróðir mömmu bjó í sama húsi svo það var hópur af frændsystkinum í sveitinni. Vissulega var oft erfitt að vera fjarri mömmu en við búum í sama húsinu í dag.

Átta ára í heimavist

Guðrún Pálína var send átta ára í heimavistarskóla.

„Við vorum í tvær vikur í skólanum í senn og svo í mánuð heima. Mér leið mjög vel í skólanum enda frábær skóli á allan hátt þar sem menningu var gert hátt undir höfði. Ég geri mér grein fyrir að heimavistarskólar geta verið flóknir fyrir börn en mér leið mjög vel og hafði gaman af náminu. Það var frekar að ég upplifði að ég hefði gert mistök þegar ég skipti yfir í skóla á Akureyri. Þá tóku við þrjú ár af leiðindum og hálfgerðri depurð. Mér fannst eitthvað vanta og missti allan námsmetnað en svo batnaði það þegar ég fór í gagnfræðaskólann.“

Skorti ekki föðurímynd

Guðrún Pálína hitti aldrei föður sinn en hann lést þegar hún var fimm ára. Þótt föðurleysið hafi eflaust haft sín áhrif skorti hana ekki föðurímynd.

Afi og þrír bræður mömmu voru allir sem mínir bestu feður. Mér þykir rosalega vænt um þessa móðurbræður mína og eiginkonur þeirra. Eflaust mótar það persónuleikann að hafa ekki átt líffræðilegan pabba en ég vil frekar einbeita mér að því sem er gott og nýtist og reyni að vera þakklát fyrir það sem ég hef.

Mynd: Guðrún Þórsdóttir

Myndlist í fósturstellingu

Þegar hún var 18 ára flutti hún ein til Svíþjóðar.

„Ég vildi finna út hvað ég vildi verða, lærði sænsku, las mikið og hafði áhuga á tungunni. Mig langaði að læra myndlist en þorði ekki en var að hugsa um að gerast rithöfundur. Í Svíþjóð, eins og á Íslandi, skoraði ritlist mjög hátt sem menning á meðan myndlist var einhvers staðar í fósturstellingu og ekki á nokkurn hátt komin á sama stað og ritlistin. Á einhverjum tímapunkti, þar sem ég stóð og beið eftir sporvagni, ákvað ég að það væri ómögulegt að verða rithöfundur með svo lítil tök á tungumálinu og því væri best að verða listamaður. Listin væri tungumál og sá tjáskiptamiðill sem allir gætu skilið,“

segir Guðrún Pálína sem svo hélt til Hollands til náms.

Hollensku meistararnir

Hún segir myndlistinni hafa verið gert hærra undir höfði í Hollandi en í Svíþjóð.

„Þar var myndlistin framar og Hollendingum einhvern veginn í blóð borin. Það er fátt sem trompar klassísku hollensku meistarana,“

segir hún og bætir aðspurð við að myndlist á Íslandi sé hægt og bítandi að sækja í sig veðrið.

Ég vitna í Gunnar B. Kvaran, safnstjóra í Astrup Fearnley-samtímasafninu í Ósló, sem segir að þótt miklar rannsóknir hafi farið fram í bókmenntum, og ýmsu þeim tengdu, er slíkt á frumstigi í myndlist. Ritlist er sérstaklega gert hærra undir höfði í menntakerfinu og hér í bæ eru börn sem hafa aldrei farið á listasafnið, sem er dapurlegt. Ég vona að öll börn fái að fara á bókasafnið, Listasafnið og á Minjasafnið.

Joris uppáhaldsmyndlistamaðurinn

Árið 1989 útskrifaðist Guðrún Pálína úr framhaldsnámi í myndlist frá Jan van Eyck Akademie í Maastricht í Hollandi en þar í landi fann hún einnig ástina í lífi sínu, hollenska listamanninn og myndlistarkennarann Joris Rademaker.

Joris er uppáhaldsmyndlistamaðurinn minn,

segir hún brosandi, en þau Joris kynntust árið 1986 og giftu sig þremur árum seinna.

Deila ástríðunni: Guðrún Pálína og Joris starfa bæði sem kennarar og listamenn og hafa alltaf eitthvað að ræða um. Myndin er tekin árið 1987 í Amsterdam. Mynd úr einkasafni.

„Þá vorum við bæði búin að hlaupa af okkur hornin. Við vorum í sama skóla og vinnustofur okkar lágu hlið við hlið. Það var því auðvelt fyrir okkur að kynnast. Strax og ég sá hann fannst mér ég þekkja hann. Það var alltaf svo gaman hjá honum, hann var síbrosandi og ávallt með hóp af stúlkum í kringum sig. Seinna skildi ég það betur þegar ég uppgötvaði að hann ætti sex systur og kunni því vel á stelpurnar, þau samskipti voru honum svo eðlileg.“

Ólík í listinni

Hún segir ekki flókið að vera í sambandi með öðrum listamanni.

„Við höfum verið gift lengi og eigum þetta sameiginlega áhugamál; listina. Hins vegar erum við ólík í listinni og erum ekki að apa upp eftir hvort öðru, eins og stundum gerist hjá þeim sem eru mikið saman. Við gagnrýnum hvort annað, bæði á jákvæðan og neikvæðan hátt, og tölum mikið um list. Svo erum við á sama bási; seljum nánast aldrei verk og vinnum bæði sem kennarar. Ég gæti trúað að það myndi valda röskun ef annað hefði miklar tekjur af listinni og nyti velgengni en þar sem við lifum alveg eins; höfum bæði verið bæjarlistamenn og bæði fengið einu sinni listamannalaun, hefur það ekki áhrif. Við hjálpum hvort öðru mikið. Hann er lítið tölvutengdur svo það er ég sem sé um það en hann er sérlega góður að setja upp sýningar og keyrir bíl en ekki ég.“

Fann lífsorkuna

Eftir níu ár í Hollandi gripu örlögin í taumana og leiddu Guðrúnu Pálínu aftur heim.

„Ég hafði alltaf séð mig fyrir mér búa í útlöndum og við höfðum komið okkur vel fyrir í Hollandi. Hins vegar var ég astmaveik og það bætti ekki úr skák að vera innan um terpentínu og olíuliti alla daga. Þegar ég var ófrísk komum við til Íslands í frí og fórum í sveitina þar sem ég fann hvernig lífsorkan kom til mín aftur. Ég ákvað að eiga barnið hér og fara svo aftur til Hollands en þegar vinkona mín hringdi og bauð mér að taka að mér myndlistakennslu á Dalvík þáði ég það. Um leið og ég gekk inn í skólastofuna fann ég að kennslan var fyrir mig. Mér fannst strax æðislegt að vera kennari,“

segir hún, en seinna flutti fjölskyldan til Akureyrar og Joris hóf kennslu í Brekkuskóla.

Og hér höfum við verið.

Kennsla og fastar tekjur

Hún segir þau sakna fjölskyldu Jorisar.

„En það á vel við okkur að hafa þennan rytma sem fylgir kennslunni og föstum tekjum. Okkur finnst ekki aðlaðandi að vera bundin galleríi sem segir manni hvernig listin á að vera. Þetta frelsi, að skapa listina á okkar forsendum, er svo mikilvægt. Í Hollandi bauðst okkur ekki föst vinna og fastar tekjur. Við vorum á háum atvinnuleysisbótum en mér fannst vanta orkuna sem fylgir vinnu og var orðin þreytt á að fá bætur án þess að þurfa að vinna fyrir peningunum. Ég hef ekki nokkra skoðun á öðrum, en þegar ég hef val um það hvort ég sé hér og með vinnu eða einhvers staðar annars staðar án vinnu en á bótum þá fer ég þangað sem vinnan er.“

Mynd: Guðrún Þórsdóttir.

Frelsið mikilvægt

Hjónin eiga einn son, Samúel Lúkas. „Ég fékk hann næstum því í 35 ára afmælisgjöf,“ segir hún brosandi en segir aðspurð að einkasonurinn sé ekki í myndlist líkt og foreldrarnir. Enn fremur segir hún þau Joris hafa kunnað of vel að meta frelsið til að eignast fleiri börn.

Mig langaði ekki degi fyrr en drengurinn okkar fæddist að eignast barn. Þessi drengur er okkar líf en við höfðum hvorki tíma né orku fyrir fleiri börn og svo, á einhverjum tímapunkti, var maður orðinn of gamall til að gefa honum systkini. En ég er alsátt.

Bæði miðjubörn

En hver er galdurinn að baki svo löngu hjónabandi?

„Sameiginlegar ástríður sem maður hefur ánægju af að tala um, spegla sig í og lifa fyrir. Við höfum alltaf eitthvað til að tala um,“

segir hún brosandi og bætir við að þau séu góðir vinir.

Við lendum ekki í rifrildi út af list þótt við séum ekki alltaf sammála. Við erum líka eins að því leytinu til að við erum bæði miðjubörn. Þótt ég sé einkabarn móður minnar var ég miðjubarn í frændsystkinahópnum.

Listin víðfeðm

Guðrún Pálína hefur lengi verið viðloðandi menningarlífið á Akureyri og stjórnaði meðal annars Listasumri á Akureyri í tvö ár. Í dag starfar hún samhliða listinni sem fræðslufulltrúi Listasafnsins á Akureyri. Aðspurð segir hún Akureyringa duglega að mæta á listviðburði.

Ég veit ekki hvaðan þeir eru sem mæta á Listasafnið en við reynum, með safnafræðslu, að fá eins mikið inn af skólabörnum og mögulegt er. Það er svo gott fyrir börn að fá að kynnast listum og fá að læra að skilja sjálf sig og umhverfið út frá listinni. Listin er víðfeðm og það má tileinka sér hana á svo margvíslegan hátt.

Fékk listamannalaun sextug

Hún segist ekki finna fyrir því að kyn hennar skipti máli þegar kemur að listinni

„Þetta er að breytast og það að hafa fengið listamannalaun sextug en ekki þegar ég var á fertugsaldri fyllir mig bjartsýni. Ég las einhvern tímann grein þar sem sagt var að eldri konur væru mjög klókar á Wall Street og gengi þar vel án formlegrar menntunar, bara út frá innsæinu sópuðu þær til sín fúlgum fjár. Ég var að lesa grein á netinu sem var ekki ósvipuð að því leyti að eldri listakonur væru að taka sitt pláss í listheiminum og ýta jafnvel körlunum í burtu, þótti þetta furðum sæta. Annars veit maður ekkert hver raunveruleikinn er og hann er örugglega ekki eins og ég held að hann sé en ég ætla að vera bjartsýn og tel að maður sé og lifi á þeim tímum sem henta manni best. Ég hef ekki verið uppiskroppa með vinnu og upplifi ekki að mér sé ýtt til hliðar á vinnumarkaðnum.“

Jafnara lundafar

Hún segir fínt að vera komin á sjötugsaldurinn. „Hver aldur hefur sinn sjarma og þetta er bara gaman. Ég er þakklát fyrir lífsandann og að geta gert það sem mig langar til. Þegar maður var yngri voru meiri hormónasveiflur sem höfðu áhrif á skapið en þegar maður er kominn á þennan aldur er maður löngu kominn yfir það. Lundarfarið er jafnara og ég hef áhyggjur af færri hlutum,“

segir hún og bætir við að hún reyni að taka ábyrgð á eigin heilsu.

Mér getur verið alveg ægilega illt í líkamanum en hef tekið þá ákvörðun að reyna að nýta mér heilbrigðiskerfið sem minnst. Ég lít á það sem áskorun að halda mér hraustri. Þegar maður var yngri tengdist líkamsrækt útliti og að einhverju leyti vellíðan, en í dag er þetta spurning um lífsgæði og hvaða ákvarðanir maður tekur. Svo ef ég fer að heyra illa æpi ég bara, og segi ha? Viltu endurtaka þetta? Ég læt það ekkert trufla mig.

Birtist fyrst í Akureyri Vikublað - Smelltu hér til að lesa blaðið í heild sinni.




24.sep. 2017 - 21:00 Eyjan

Fréttaskýring - Teigsskógur: Afleiðing séríslenskra ákvæða

Þegar löggjöf Evrópusambandsins um umhverfismat var innleidd árið 2000 var í nokkrum atriðum vikið frá reglugerð Evrópusambandsins, ESB,  og sett mun strangari lagaákvæði í íslenska löggjöf. Fleiri framkvæmdir eru skyldaðar í umhverfismat hér á landi en í löndum Evrópusambandsins. Eitt atriðið varðar vegagerð. Í ESB reglunum eru nýir fjögurra akreina vegir sem eru lengri en 10 km matsskyldir. Í íslensku útgáfunni eru allir nýir vegir lengri en 10 km matsskyldir.
24.sep. 2017 - 18:00 Akureyri vikublað

„Draumar geta orðið að veruleika“

„Ég var ekki tilbúin til að hætta í dansinum en ég vildi bæta einhverju öðru við,“ segir danskennarinn og snyrtifræðingurinn Elín Halldórsdóttir sem, eftir að hafa skellt sér í snyrtinám, opnaði á dögunum Snyrtistofuna Sveitasælu í ferðaþjónustunni Öngulsstöðum í Eyjafjarðarsveit.
24.sep. 2017 - 15:00 Vestfirðir

Vestfirskir listamenn

Hver dalur á sína sögu og sínar söguhetjur. Selárdalur í Arnarfirði er sannarlega þar á meðal ef ekki bara á topp tíu listanum yfir mestu sögudali landsins. Enda hafa þar gist margir höfðingjarnir og listamennirnir. Nægir að nefna klerkana Pál Björnsson einhvern lærðasta mann 17. aldar, Jón Þorláksson er einnig var skáld gott og kenndi sig við Bægisá og síðast en ekki síst galdraklerkinn Árum-Kára er sagt er frá í þjóðsögunum.
24.sep. 2017 - 11:00 Vestfirðir

Djúpið: Laxveiði hefst eftir 1930

„Það er ekki vitað að lax hafi gengið í ár við Ísafjarðardjúp fyrr en á allra síðustu árum. Í fyrrasumar veiddust 20 laxar í lagengt silunganet í Ósá við Bolungarvík. Þá hafa veiðst nokkrir laxar í Hvannadalsá í Nauteyrarhreppi, sem er fyrir botni Ísafjarðardjúps. Virðist laxagengdin fara fremur vaxandi. Hefir þetta leitt til þess að nú er farið að setja klakseiði í ár vestra. Verða að þessu sinni flutt 12 þús. klakseiði í Laugardalsá, 25 þús. í Selá hjá Melgraseyri og 10 þús. Í Ísafjarðará, en hún rennur í samnefndan fjörð innst í Djúpinu.“
23.sep. 2017 - 18:00 Akureyri vikublað

„Aðstaða á heimsmælikvarða“

Í síðustu viku léku 35 íslenskir tónlistarmenn tónsmíð kvikmyndatónskáldsins Trevors Morris inn á nýja seríu The Vikings í nýrri aðstöðu í Hofi undir stjórn tónskáldsins Atla Örvarssonar. Trevor er tvöfaldur Emmy-verðlaunahafi og þykir afar kröfuharður. Aðspurður hvernig það kom til að hann valdi Hof til að taka tónlist sjónvarpsseríunnar upp segir Atli hugmyndina hafa komið upp í matarboði um daginn. 
23.sep. 2017 - 15:00 Reykjanes

Lítið um að vera í höfnunum

Makrílinn er ansi sérstakur fiskur.  Í ágúst þá var allt vitlast að vera í Keflavík og bátar voru að tví og jafnvel þrílanda sama daginn.  Síðan kemur 1.september og þá bara púff fiskurinn svo til horfin og veiðinn hrynur niður.
23.sep. 2017 - 10:30 Vestfirðir

Um áhættumat vegna mögulegrar erfðablöndunar milli eldislaxa og náttúrulegra laxastofna á Íslandi

Á dögunum lagði stafshópur skipaður af ráðherra fram stefnumótandi skýrslu um framtíð og fyrirkomulag fiskeldis á Íslandi. Þar eru ýmsar breytingar og áherslur lagðar til með það markmið að atvinnugreinin geti orðið sterk og öflug en jafnframt að starfsemin verði í sátt við náttúruna og hafi sjálfbærni að leiðarljósi. 
23.sep. 2017 - 07:00 Sigurður Jónsson

Ætla Logi og Oddný líka að skipta um nafn

Eins og allir vita sem fylgjast eitthvað með stjórnmálum þá þurrkaðist Samfylkingin nánast út í síðustu alþingiskosningum. Flokkurinn rétt skreið yfir 5% og hefur nú aðeins 3 þingmenn. Samfylkingin var einu sinni stór og ætlaði sér stórt hlutverk í stjórnmálum landsins. Samfylkingin fékk tækifæri á að stjórna landinu í fjögur ár en setti Evrópumet í fylgistapi eftir það.
22.sep. 2017 - 20:00 Akureyri vikublað

Dr. Gísli Kort í yfirheyrslu

Dr. Gísli Kort Kristófersson er nýr deildarformaður Hjúkrunarfræðideildar Háskólans á Akureyri.„Dr. Gísli Kort Kristófersson, sérfræðingur í geðhjúkrun, lektor í geðhjúkrun við Heilbrigðisvísindasvið Háskólans á Akureyri. Deildarformaður Hjúkrunarfræðideildar Háskólans á Akureyri.“
21.sep. 2017 - 21:00 Akureyri vikublað

Í nafni öryggis

Dýrleif Skjóldal skrifar: Það hefur kraumað í mér í viku. Það sem veldur má rekja til íbúafundar og deiliskipulagsbreytinga við Síðuskóla. Á fundinum kom fram tillaga Akureyrarbæjar um að innkeyrslan að Síðuskóla verði færð til norðausturs um svo sem eina bíllengd. 
21.sep. 2017 - 12:00 Akureyri vikublað

Skýldi sér á bak við nafnið

„Mig langar að koma skrokknum mínum í lag eftir meðgöngu og bílslys,“ segir Heiðrún Sigurðardóttir, betur þekkt sem Heiðrún Fitness, sem hefur ákveðið að leyfa áhugasömum að fylgjast með vegferð sinni að heilbrigðari lífsstíl á Snapchat-reikningnum heidrunfitness.
21.sep. 2017 - 11:30 Indíana Ása Hreinsdóttir

Allsherjarhreingerning samfélags

Atburðarás síðustu daga hefur verið lyginni líkust. Alþingi Íslendinga hafði varla verið sett þegar ríkisstjórnin féll. Orð geta ekki lýst viðbrögðum mínum þegar ég heyrði að ýmislegt benti til þess að ráðamenn hefðu reynt að þagga niður þá staðreynd að faðir forsætisráðherra hefði veitt barnaníðingi meðmæli svo hann gæti sótt um uppreist æru. Er samfélag okkar í alvöru svo rotið að það kói með níðingum, sama hversu sjúkir þeir eru?
17.sep. 2017 - 18:00 Akureyri vikublað

Brynhildur Pétursdóttir í yfirheyrslu

Mynd: Sigtryggur Ari Brynhildur Pétursdóttir er best í að stjórnast í öðrum en lökust í eldamennsku.
17.sep. 2017 - 16:00 Reykjanes

Er hægt að byggja fyrir enga peninga?

Eldri borgurum fer fjölgandi á næstu árum. Þrátt fyrir betra heislufar og lengri aldur er það svo að sumir þurfa á því að halda að dvelja á hjúkrunarheimilum. Þrátt fyrir að við viljum öll stefna á að aldraðir geti búið sem lengst á sínu heimili verður ekki hjá því komist að hafa framboð á hjúkrunarrýmum.
17.sep. 2017 - 13:00 Reykjanes

Íslenskt lambakjöt í fyrsta sinn markaðssett til erlenda ferðamanna í matvöruverslunum

Í kjölfar mikillar fjölgunar erlendra ferðamanna á Íslandi hefur þörfin fyrir aðgengilegri framsetningu á íslensku lambakjöti í verslunum verið aðkallandi. Í samvinnu við Krónuna, Kjarval og Norðlenska hefur Icelandic lamb nú brugðist við og kynnir nýja vörulínu. Ætlunin er að ná til þeirra ferðamanna sem kjósa að elda sjálfir í stað þess að borða á veitingastöðum.
17.sep. 2017 - 11:00 Reykjanes

Undirbúningur að heilsu- og forvarnarviku hafinn

Heilsu- og forvarnarvika verður nú í fyrsta sinn haldin sameiginlega á Suðurnesjum og fer hún fram 2. – 8. október nk. Markmiðið með heilsu og forvarnarviku er að draga úr þeim áhættuþáttum sem einstaklingar geta staðið frammi fyrir á lífsleiðinni og hlúa að verndandi þáttum með þátttöku allra bæjarbúa.
17.sep. 2017 - 10:00 Björgvin G. Sigurðsson

Mannúð í stað miskunnarleysis

Miskunnarlaus afstaða stjórnvalda í málefnum hælisleitenda hefur gengið fram af mörgum. Steininn tók úr þegar flóttastúlkunum Mary frá Niegeríu og Haniye, sem er af afgönskum ættum, var vísað frá landi í skjóli Dyflinar reglugerðarinnar, sem heimilar slíka brottvísun en fjarri því að skyldi stjórnvöld til þess. Það er ísköld pólitísk ákvörðun að vísa stúlkunum úr landi, út í óvissuna.
17.sep. 2017 - 09:00 Reykjanes

Sameining Garðs og Sandgerðis Já eða Nei

Þann 11.nóvember n.k. ganga íbúar Garðs og Sandgerðis að kjörborðinu og ákeða hvort sveitarfélögin eigi að sameinast í eitt sveitarfélag. Hér er um ansi stórt mál að ræða sem íbúar sveitarfélaganna þurfa að kynna sér vel. Verði sameining samþykkt verður ekki aftur snúið.
17.sep. 2017 - 07:00 Akureyri vikublað

Hamingjustormurinn

Ég fylgdist gáttuð með athugasemdastorminum sem hófst í kjölfar skráningar Stefaníu Töru Þrastardóttur í Ungfrú Ísland. Ég hneppti fljótt að mér ímyndaða vindjakkanum, dró húfuna niður fyrir eyru og klæddi mig í pollastígvélin.
16.sep. 2017 - 18:00 Akureyri vikublað

Íslendingar sjaldséðir hvítir hrafnar

Fyrirtæki Jökuls Bergmanns, Arctic Heli Skiing, hlaut á dögunum tilnefningu sem besta þyrluskíðafyrirtæki heims. Jökull Bergmann segir hér frá tilnefningunni og deilir um leið uppáhaldsuppskriftunum sínum.
16.sep. 2017 - 07:00 Akureyri vikublað

Eðli máls og stuðningur við KFA

Síðustu daga hefur átt sér stað umræða m.a. á vefmiðlum um samskipti Akureyrabæjar og Kraftlyftingarfélags Akureyrar (KFA) og hefur sú umræða ekki verið byggð á málefnalegum grunni en málið snýst í stuttu máli um óánægju KFA vegna þess stuðnings sem Akureyrarbær er tilbúinn til að veita félaginu.
15.sep. 2017 - 16:00 Suðri

Lýðheilsugöngur Ferðafélags Íslands

Alla miðvikudaga í september mun Ferðafélag Íslands standa fyrir lýðheilsugöngum um allt land. Göngurnar eru hluti af afmælisdagskrá FÍ en félagið fagnar 90 ára afmæli á árinu.
13.sep. 2017 - 16:30 Reykjanes

Eins og Palli var einn í heiminum - Aflafréttir

Það má segja að það séu tvenn áramót ár hvert. Hið fyrra er hið klassíska áramót í lok hver árs 31.desember. Og hin áramótin eru 31.ágúst, því að 1.september ár hver þá hefst nefnilega nýtt fiskveiði ár, og þegar þessi pistll er skrifaður þá er nýtt fiskveiði ár hafið. Það mun þýða að allur flotinn fer á fullt og stóru línubátarnir munu flakka norður og austur um landið til veiða og landa þar afla. Þetta þýðir líka að vörubílstjórarni og þá sérstaklega hjá Jón og Margeir ehf í Grindavík munu hafa nóg að gera við að flytja fisk til Grindavíkur.
09.sep. 2017 - 13:30 Akureyri vikublað

Hestar, myndlist og kaffi

Einar Gíslason býður upp á kaffi, hesta- og myndlistarsýningar hjá Brúnir Horse. Einar féllst á að gefa lesendum Akureyri Vikublaðs uppáhaldsuppskriftirnar sínar. „Það er mjög mikill áhugi á íslenska hestinum,“ segir Einar Gíslason hjá ferðaþjónustufyrirtækinu Brúnir Horse í Eyjafirði þar sem hann og eiginkona hans, Hugrún Hjörleifsdóttir, bjóða upp á hestasýningar, kaffisölu og myndlistarsýningar.
08.sep. 2017 - 07:00 Indíana Ása Hreinsdóttir

Um ósérhlífna viðmælendur

Sem blaðamaður hef ég fengið tækifæri að hitta og ræða við fólk úr öllum áttum og það sem betra er; haft gilda afsökun til að spyrja nærgöngulla og oft furðulegra spurninga sem ég myndi annars ekki endilega leggja í að spyrja. Það kemur mér alltaf jafn ánægjulega á óvart hversu margir eru tilbúnir til að deila sinni sögu, ekki fyrir athyglina, heldur til þess að opna á umræðu um oft á tíðum viðkvæm málefni og hjálpa þannig þeim sem á eftir koma.
07.sep. 2017 - 20:00 Akureyri vikublað

Særún Magnúsdóttir: „Ég hef fengið nýtt tækifæri“

Særún Magnúsdóttir, kennari á Akureyri, hefur öðlast nýtt líf eftir ristilbrottnám. Særún, sem greindist með sáraristilbólgu þegar hún var 18 ára, segir hér frá skömminni sem hún upplifði í kjölfar sjúkdómsins, aðgerðinni sem hún barðist fyrir, áhrifum veikindanna á lífið, og hvernig það er að vera með stóma.
07.sep. 2017 - 12:00 Akureyri vikublað

Stefanía Tara í yfirheyrslu

Akureyringurinn Stefanía Tara Þrastardóttir er stundum of hreinskilin. Fullt nafn, aldur og starfstitill? „Stefanía Tara Þrastardóttir, 22 ára og ég vinn sem förðunarfræðingur í Lyfju Smáratorgi.“ Stjörnumerki?„Steingeit fyrir allan peninginn.“ Nám? „Er ekki í námi eins og er, en draumurinn er að klára hárgreiðslunámið og mennta mig frekar í förðun.“
06.sep. 2017 - 07:00 Magnús Þór Hafsteinsson

Sauðfjárræktin í landinu glímir við verðfall og offramleiðslu

Sauðfjárræktin í landinu glímir við verðfall og offramleiðslu á sama tíma og ferðamenn til Íslands hafa aldrei verið fleiri. Hið meinta „kjötfjall“ sem á að vera til í landinu virðist þó ekki vera stærra en einhver 1.300 tonn. Það er einn loðnufarmur. Þetta er nú allt og sumt.
05.sep. 2017 - 15:14 Björgvin G. Sigurðsson

Átakavetur í aðsigi

Átök og óvissa einkenna stjórnmálin í aðdraganda sveitarstjórnarkosninga. Nýir flokkar reyna fyrir sér og stilla strengina til framtíðar og þeir gömlu freista þess að finna traust land undir fótum sér.
04.sep. 2017 - 19:00 Suðri

Svartidauði - Bókarkafli úr bók Kim Kimselius Svartidauði

Varla gat þó þetta fólk verið dáið? Minette hafði sagt að allir hefðu verið í veislu kvöldið áður, étið, drukkið, sungið og verið glaðir. Hvernig gat þá fólkið verið dáið? Hrikaleg hugsun læddist að honum og hann leit skelfingu lostinn á Minette. Hvernig gat Minette verið á lífi ef allir aðrir voru dánir?
03.sep. 2017 - 19:00 Akureyri vikublað

Sonur Katrínar er langveikur: „Börn hætta ekki bara að vera flogaveik“

Móðir langveiks, fatlaðs drengs á Akureyri er ósátt við að lyfið Orfiril í mixtúruformi sé ófáanlegt álandinu en samkvæmt upplýsingum frá apótekum er lyfið væntanlegt um miðjan september. Gunnlaugur Vilberg er sex ára flogaveikur drengur sem þarf að taka Orfiril í formi mixtúru kvölds og morgna til að halda flogum niðri. 
03.sep. 2017 - 18:00 Eyjan

Stækkun friðlandsins í Þjórsárverum

Þjórsárver eru eitt af þeim svæðum Íslands sem er ómetanlegt hvað varðar náttúrufar og lífríki. Þau eru til að mynda víðáttumesta gróðurvin miðhálendisins, í yfir 600 metra hæð yfir sjávarmáli og þar á þriðjungur allra heiðagæsa heimsins varpstöðvar sínar. Hluti Þjórsárvera var friðlýstur árið 1981 og er á alþjóðlegri skrá Ramsarsamningsins sem dýrmætt votlendissvæði, sérstaklega vegna auðugs fuglalífs.
03.sep. 2017 - 14:00 Eyjan

Flugvöllur á Akranesi

Frá ofanverðum fimmta áratugnum og fram á áttunda áratuginn reyndu nokkrir minni flugrekendur fyrir sér með áætlunarflug og leiguflug á milli Reykjavíkur og Akraness en þessar tilraunir gengu heldur brösuglega.
03.sep. 2017 - 09:30 Eyjan

Guðni góður prestur

Guðni Ágústsson, f.v. landbúnaðarráðherra og heiðursforseti Hrútavinafélagsins Örvars á Suðurlandi, prédikaði við messu hjá séra Hjálmari Jónssyni í Dómkirkjunni í Reykjavík í vor. Það var á uppstigningardegi sem jafnframt var dagur aldraðra.
03.sep. 2017 - 08:00 Akureyri vikublað

Kristín Sóley deilir sínum uppáhalds uppskriftum

Kristín Sóley Björnsdóttir, viðburðastýra hjá MAk deilir sínum uppáhalds uppskriftum með lesendum. Laxabulgur með lime-jógúrtsósu. Fyrir 4. Sósa: 2 dl grísk jógúrt, rifinn börkur af 1 lime, 1–2 tsk. fljótandi hunang, flögusalt.
02.sep. 2017 - 17:00 Akureyri vikublað

Stephany Mayor í yfirheyrslu

Stephany Mayor er markahæsti leikmaður toppliðs Þórs/KA. Stephany er frá Mexíkó og saknar mest matarins heiman frá. Fullt nafn, aldur og starfstitill? „Stephany Mayor, 25 ára, atvinnumaður í fótbolta.“
02.sep. 2017 - 08:00 Akureyri vikublað

Bókmenntahátið í Hofi

„Það er mjög spennandi ár framundan og ég get engan veginn gert upp á milli,“ segir Kristín Sóley Björnsdóttir, viðburðastýra hjá Menningarfélagi Akureyrar, þegar hún er beðin um að velja þann viðburð MAk í vetur sem hún er spenntust fyrir. 
01.sep. 2017 - 13:43 Akureyri vikublað

Alþjóðlegi sjálfsvígsforvarnardagurinn nálgast

Á ári hverju falla um 40 manns fyrir eigin hendi. Milli 500 til 600 manns til viðbótar gera til þess tilraun. Geðhjálp og Rauði krossinn hófu átakið Útmeða fyrir tveimur árum. Átakið beindist að sjálfsskaða og sjálfsvígum ungra karlmanna en sjálfsvíg eru algengasta dánarorsök karlmanna á aldrinum 18 til 25 ára. Ljóst er að það vantar meiri peninga í forvarnir, líkt og umferðarforvarnir sem bjargað hafa mannslífum. Geðhjálp og Rauði krossinn eiga þakkir skildar fyrir sitt framtak. Öll umræða er af hinu góða. Fólk verður að geta talað um sína vanlíðan og vita hvert hægt er að leita.
27.ágú. 2017 - 22:00 Akureyri vikublað

Erna Kristín í yfirheyrslu

Fullt nafn, aldur og starfstitill? „Erna Kristín Kristjánsdóttir, 43 ára, afleysingakennari í grunnskóla í augnablikinu en annars í starfsleit.“ Fjölskylduhagir: „Gift Sveini Heiðari Sveinssyni sjómanni, við eigum tvö börn saman og svo fylgdu honum Sveini mínum fimm flott ungviði.“
27.ágú. 2017 - 19:00 Akureyri vikublað

Náttúran og tengsl hennar og mannsins

Íslenskir og bandarískir listamenn sýna saman í sýningunni Hverfing sem stendur yfir í Verksmiðjunni á Hjalteyri. Umfjöllunarefni sýningarinnar er hnattræn hlýnun og ágangur manna á náttúruauðlindir. 
„Sýningin hefur verið í farvatninu í tæp tvö ár,“ segir Þórdís A. Sigurðardóttir sem, ásamt Önnu Eyjólfsdóttur, Rúrí og Ragnhildi Stefánsdóttur, stendur að sýningunni Hverfing/Shapeshifting sem nú stendur yfir í Verksmiðjunni á Hjalteyri.
27.ágú. 2017 - 16:00 Akureyri vikublað

Guðríður Gyða sveppafræðingur notar gjarnan sveppi í matargerð

„Ég ákvað að verða sveppafræðingur á fimm mínútum, vorið 1981, og hef ekki séð eftir því ennþá,“ segir Guðríður Gyða Eyjólfsdóttir, sveppafræðingur hjá Náttúrufræðistofnun Íslands, sem segir mikið úrval sveppa í íslenskri náttúru. 
27.ágú. 2017 - 14:00 Vestfirðir

Kvíar í Jökulfjörðum: Íbúðarhúsið endurbyggt

Gamla reisulega íbúðarhúsið að Kvíum í Jökulfjörðum hefur undanfarin ár verið algerlega endurbyggt. Byrjað var á verkinu árið 2012 og sér nú fyrir endan á framkvæmdunum. Það er fyrirtækið Borea Adventures sem hefur húsið til afnota og stendur straum af kostnaðinum. Að sögn Rúnars Óla Karlssonar eru komnar rúmar 30 milljónir króna í verkið.
27.ágú. 2017 - 07:00 Akureyri vikublað

Bónusgreiðslur

Hvað myndi ég gera ef ég ætti von á bónusgreiðslu upp á milljónir króna vegna þess að börnunum sem ég hef kennt hefur vegnað svo vel? Að vinnan mín hafi lagt grunninn að velgengni þeirra og þess vegna eigi ég von á sérstakri aukagreiðslu upp á milljónir jafnvel þótt það þýði að ekki sé hægt að hækka laun annarra kennara, kaupa kennslubúnað og það sem verst er, að rukka þurfi nemendur og foreldra þeirra um skólagjöld?
26.ágú. 2017 - 18:00 Akureyri vikublað

Söfnun og meðhöndlun sveppa

Nú er rétti tíminn til sveppatínslu. Samkvæmt sveppafræðingnum Guðríði Gyðu er nauðsynlegt að kunna réttu handtökin þegar safna skal sveppum. Hér eru ráðleggingar Guðríðar Gyðu. Það er fremur fljótlegt að safna lerkisvepp og mjög fljótlegt að safna furusvepp. Áður en aldin eru sett í körfuna þá er lítill, beittur skrælihnífur notaður til að skrapa og skera af mesta ruslið og moldina sem loðir við aldinið

26.ágú. 2017 - 10:00 Akureyri vikublað

„Þær verða Íslandsmeistarar“

Stelpurnar í Þór/KA eru enn ósigraðar í efsta sæti Pepsi-deildar kvenna með 38 stig eftir 3-0 sigur á KR á þriðjudaginn. Næsta lið er ÍBV með 28 stig og leik til góða. Fyrir leikinn við KR sagði Donni mikilvægt að halda einbeitingu. „Við erum á góðri leið en það er mun auðveldara að klúðra þessu, halda að þetta sé komið og hætta. Á meðan allir hinir eru á 100 prósent fókus að reyna að ná okkur megum við ekki slaka á eina sekúndu. Þá einfaldlega náum við ekki þessu markmiði okkar,“ sagði Donni við Þór TV.
26.ágú. 2017 - 07:00 Sigurður Jónsson

Fylgi Flokks fólksins á fleygiferð upp

Í síðustu skoðunakönnunum hefur það birst okkur að Flokkur fólksins er að bæta verulegu fylgi við sig. Takist flokknum áfram að ná eyrum kjósenda er örugg að hér mun koma nýtt afl í sali Alþingis. Nú segja menn þetta eru nú bara skoðunakannanir en ekki alvöru kosningar og því getum við í hinum flokkunum verið alveg róleg. Þetta mun breytast. Þau ná aldrei þessu fylgi. En er það svo? Geta gömlu flokkarnir verið alveg vissir um að halda í sína kjósendur.

25.ágú. 2017 - 07:00 Indíana Ása Hreinsdóttir

Áfram stelpur

Stelpurnar í Þór/KA sitja á toppi Pepsi-deildarinnar. Forskotið er það gott að með bjartsýni má halda því fram að tímaspursmál sé hvenær Akureyringar geti farið að fagna sigri í deildinni.
24.ágú. 2017 - 20:00 Akureyri vikublað

Siggi pönk: „Það trúðu allir öllu slæmu um mig enda átti ég að vera algjör brjálæðingur“

Eflaust muna flestir betur eftir Sigurjóni Baldvinssyni, Sigga pönk. Siggi býr á meðal glæpagengja í sambúi í Danmörku og fékk fyrst rafmagn í húsið sitt í fyrra. Í einlægu viðtali segir Siggi frá ástæðu þess að hann flutti frá Akureyri, eineltinu í æsku, sögusögnunum, rimmunum við lögregluna, anarkismanum, foreldrunum sem hafa alltaf staðið með honum, pönkinu sem hann segir enn á lífi og af hverju hann ætlar sér aldrei að verða fullorðinn.
31.júl. 2017 - 19:00 Austurland

Endurskoðun á úthlutunarreglum Byggðakvóta

Starfshópur sjávarútvegsráðherra hefur farið um landið síðustu viku og kynnt hugmyndir að nýju fyrirkomulagi á úthlutun byggðakvótans, bæði almenns og sértæks. Í grunninn væri verið að tala um eitt kerfi í framtíðinni og mun lengra tímabil, sem ætti að geta tryggt grundvöll fyrir uppbyggingu vinnslu í minni plássum. Að sögn nefndarmanna er tilhneigingin sú í tillögunum að úthlutanir færast frá stærri plássum til þeirra minni en reiknireglan sem notuð er miðast við fækkun íbúa, frekar en fiskveiðireynslu síðustu ára eins og verið hefur. 
31.júl. 2017 - 15:00 Austurland

ROKK-Hostel að HAVARÍ

Það hefur ekki verið slegið slöku við að Karlsstöðum í sumar og tónlistarveislan verið vel sótt. „Þetta er búið að vera ævintýri líkast,“ segir Berglind Häsler bóndi og bústýra en bætir við um leið að enn sé nóg eftir og dúndurdagskrá alveg út ágúst. „Hingað hefur streymt fólk af öllu landinu og öllum heimshornum ef út í það er farið. Það hefur verið húsfyllir á öllum viðburðum hingað til og stemningin nánast verið draumkennd á köflum því gestirnir okkar eru svo þakklátir og skemmtilegir. Þannig að við erum nokkuð viss um að seinni hluti sumarsins verði ekki síðri. Sérílagi Hæglætishátíðin um verslunarmannahelgina.“