27. ágú. 2017 - 16:00Akureyri vikublað

Guðríður Gyða sveppafræðingur notar gjarnan sveppi í matargerð

„Ég ákvað að verða sveppafræðingur á fimm mínútum, vorið 1981, og hef ekki séð eftir því ennþá,“ segir Guðríður Gyða Eyjólfsdóttir, sveppafræðingur hjá Náttúrufræðistofnun Íslands, sem segir mikið úrval sveppa í íslenskri náttúru. 

Hér á landi hafa yfir 2.000 tegundir verið skráðar, sem er fleira en í flestum lífveruflokkum. Sveppir eru nauðsynlegur hluti lífríkisins en þeir sem mest eru notaðir til matar, lerkisveppur, furusveppur og kúalubbi, eru allir svepprótarsveppir og vaxa með trjám,

segir Guðríður Gyða.



Æxlunarfærin borðuð

Guðríður Gyða féllst á að gefa lesendum Akureyri Vikublaðs uppáhaldsuppskriftirnar sínar en hún notar gjarnan sveppi í matargerð. 

Ég reyni að eiga birgðir af frosnum lerki- og furusveppum en í starfi mínu safna ég svo alls konar óætum sveppum í sveppasafn Náttúrufræðistofnunar, lýsi þeim, greini og þurrka til varðveislu, 

segir hún og bætir aðspurð við að uppáhaldssveppur hennar til átu sé furusveppur. 

Ég finn hann þar sem furan vex. Svepprótarsveppir eru jafn langt frá trénu og ræturnar ná og þegar þeir æxlast koma upp aldin, sem er það sem við köllum sveppi. Við borðum því aldin sveppsins, æxlunarfærin ásamt þeim hlífðar- og dreifibúnaði sem aldinið er. Mörg aldin eru eins og regnhlíf og hlífa afkomendunum sem eru í framleiðslu undir hattinum.

Best að byrja smátt

Guðríður Gyða mælir eindregið með því að fólk lesi sér til áður en það heldur til sveppatínslu. „Maður þarf að vita hvað maður er að gera. Það er best að byrja smátt, læra á tvær, þrjár tegundir af góðum matarsveppum. Þegar maður er að prófa sveppategund í fyrsta skiptið þarf að byrja rólega, jafnvel þótt um góðan matsvepp sé að ræða. Sumir bregðast öðruvísi við, eru kannski með ofnæmi eða þola af einhverjum ástæðum ekki sveppinn. Því er best að borða lítið og aðeins eina tegund í einu. Ef allt gengur vel er hægt að borða meira næst,“ segir hún og bætir við að sveppirnir þurfi að vera ungir og ferskir þegar þeir eru tíndir. 

Maður vill ekki borða gamla sveppi sem farið er að slá í. Sveppir endast í nokkra daga í náttúrunni. Fyrst kemur upp lítið aldin sem er þétt í sér, svo þroskast það og býr til gróin en best er að ná aldininu áður en það verður of stórt, sérstaklega þegar við erum með lerki- og furusveppi. Ungir sveppir eru með hlutfallslega meira þurrefni en bæta í sig vatni þegar þeir stækka og þá verða aldinin mjúk, 

segir Guðríður Gyða sem segir enn fremur best að tína sveppi nokkrum dögum eftir rigningu. „Það er best að tína þá í þurru veðri svo þeir séu ekki blautir og slímugir því þá er mun erfiðara að fást við þá.“

Sveppir óútreiknanlegir

Hún segir sveppi afar gott hráefni í matargerð. Þeir séu hins vegar ansi óútreiknanlegir. 

Það er erfitt að fastsetja daga fyrir sveppaskoðunarleiðangra með löngum fyrirvara því maður veit aldrei hvort eitthvað hafi sprottið af aldinum eða hvort þau komi upp viku seinna. Í þurrkasumrum kemur kannski ekki nokkur sveppur fyrr en þeir koma allir í einu í byrjun september. Maður vill helst ná sveppum sem fyrst á sveppatímanum, seinnipart júlí og byrjun ágúst, til að lenda ekki í næturfrosti. En svo veit maður aldrei hvernig haustið verður.

En hvað með eitraða sveppi á Íslandi? 

„Hér er slatti af eitruðum sveppum og því á maður aldrei að borða sveppi sem maður þekkir ekki. Aldrei,“ ítrekar Guðríður Gyða að lokum.
iáh

Söfnun og meðhöndlun sveppa

Það er fremur fljótlegt að safna lerkisvepp og mjög fljótlegt að safna furusvepp. Áður en aldin eru sett í körfuna þá er lítill, beittur skrælihnífur notaður til að skrapa og skera af mesta ruslið og moldina sem loðir við aldinið. Sé furusveppur rakur getur þurft að kippa af honum brúnni og slímugri hatthúðinni áður en hann er settur í körfuna. Þegar heim er komið eru sveppirnir hreinsaðir. Skemmdir skornar burtu og athugað hvort sveppurinn hafi maðkað. Alltaf skal fjarlægja hatthúð furusvepps og vilji menn minna af slími þá er hatthúð lerkisvepps fjarlægð, en annars má þurrka óhreinindi af með rökum klút. Óhreinindi skafin af staf og ef stafur er orðinn gamall er hann skorinn af. Hreinsuð aldin eru skorin langsum í sneiðar sem eru 2–3 mm þykkar og lagðar á grindur grænmetisþurrkara og þurrkaðar við 40°C volgan blástur þar til þær verða þurrar og stökkar. Í lok þurrkunar má hækka hitann í 50°C.

Sveppi sem á að frysta er best að skera í bita og setja á pönnu eða í víðbotna pott og kveikja svo undir þessu og hræra stöðugt í meðan sveppirnir hitna. Bæta má ögn af vatni út í ef sveppirnir eru þurrir en venjulega gefa sveppirnir frá sér vökva sem þeir fljóta svo í og hitinn er svo lækkaður og þessi sveppagrautur látinn malla í 15 mínútur. Þá er hann settur í skál og látinn kólna þar til hann verður meðfærilegur en þá er honum ausið í hæfilegum skömmtum í plastpoka. Hver poki er svo lagður flatur og loft sogið út og bundið fyrir opið með appelsínugulu baðmullargarni fyrir lerkisvepp og brúnu bandi fyrir furusvepp. Til að frosinn sveppamassinn fari vel í frysti raða ég 5–6 pokum í plastkassa og frysti sem klump. Þegar efnið er frosið er klumpurinn tekinn og settur í plastpoka, hann merktur með ártali og settur neðst í frystikistuna.



Kássa Guðríðar Gyðu
  • Sveppir, furu- eða lerkisveppir, sem ég hef fryst árið áður og passa í eina máltíð
  • Smjör
  • Rif af hvítlauk
  • Salt og pipar
  • Kjöthakk/gúllasbitar
  • Laukur
  • Sojasósa (Kikkoman) og salt, en mikið salt er í sojasósunni
  • Krydd eftir smekk, t.d. Hedebogaard original spaghetti bolognese mix og smávegis af original indisk karry, krydd sem fást í búðinni Tiger
  • Gulrætur, sellerírót, kúrbítur, grænkál
Ég sker frosna sveppamassann í litla teninga á meðan smérið hitnar á pönnunni. Steiki svo frosinn sveppamassann rólega ásamt hvítlauk í smérinu ásamt salti og pipar. Sveppirnir þiðna á pönnunni og vökvi úr þeim gufar upp. Ef þetta ætlar að festast við pönnuna þá skal dreypa vatni út í. Þegar sveppirnir eru orðnir þokkalega steiktir er laukur, krydd, sojasósa, salt og kjöt sett út í og eldað áfram þar til það er orðið nokkuð steikt og síðan það grænmeti sem ég kýs að nota hverju sinni í þeirri röð að það sem þarf lengsta suðu fer fyrst og kúrbítur og grænkál síðast. Allt grænmeti sneitt í bita. Þegar allt hefur soðið saman er kominn þessi fíni pottréttur. Með þessari kássu með villisveppum er ágætt að borða kartöflustöppu eða hýðishrísgrjón.

Algerlega sveppalaust salat
  • Sellerí, stönglar sneiddir í rifjárni sem gerir sneiðar, einn hluti.
  • Gulrætur, rifnar, tveir hlutar.
  • Epli, grænt eða jonagold, rifið, 1 epli eða tveir hlutar.
  • Blandað vel saman. Gott með ýmsu t.d. fiskréttum.




21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 19:30 Vesturland

Bókarkafli: Svartur þriðjudagur

Í Fugley Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.

(15-2) Húðfegrun: Gelísprautun - nóv/des