23. nóv. 2017 - 20:00Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra. 

Umræðan um geðsjúkdóma er að opnast en samt lifa fordómarnir ennþá. Mér finnst ég dæmd fyrir að vera veik á geði og upplifi höfnun vegna þess. Það er hins vegar ekkert öðruvísi að vera andlega veik heldur en að vera með krabbamein. Það kýs enginn að vera með geðsjúkdóm, þetta er ekki eitthvað sem ég valdi mér,

segir Hafdís M. Sæmundsdóttir, öryrki á Akureyri, sem hefur gengið í gegnum ýmislegt á sínum 44 árum.

Hafdís hefur meðal annars átt við þunglyndi að stríða sem og þráhyggju- og áráttuhegðun, ofsakvíða og ofsahræðslu og stígur hér fram með sína sögu í von um að opna umræðuna um andleg veikindi enn frekar og eyða fordómum í garð þeirra sem berjast við geðræna sjúkdóma.

Einelti í æsku

Hafdís ólst upp í Reykjavík hjá móður sinni og stjúpföður en eyddi mörgum sumrum á Þórshöfn á Langanesi hjá föður sínum. Henni gekk vel í námi en leið ekki vel í skóla.

Fyrstu sex ár ævi minnar var ég mikið veik. Ég borðaði nánast ekkert og þreifst ekki. Það vissi enginn hvað var að mér fyrr en ég var opnuð og í ljós kom að garnirnar voru vafðar hver inn í aðra. Annars man ég lítið úr æskunni og hef lokað á margar minningarnar,

segir hún og útskýrir að hún hafi verið lögð í einelti í skóla. Hún segist ekki bera kala til þeirra sem ofsóttu hana í æsku.

Sú reynsla gerði mig að því sem ég er í dag. Ég er sterkari fyrir vikið.

Synirnir langveikir

Hafdís á þrjá syni sem allir eru langveikir en á misjafnan hátt. Þegar sá elsti fæddist bjó hún með föður hans á Þórshöfn.

Hann fæddist sex vikum fyrir tímann. Hann var töluvert veikur og er ennþá. Hann fæddist með klumbufætur og ekkert ónæmiskerfi. Við vorum alltaf að fara með hann til Reykjavíkur á spítala vegna fótanna og annarra veikinda og á endanum ákváðum við að flytja inn á Akureyri. Hann var í gifsi fyrsta hálfa árið og í spelkum og sérsmíðuðum skóm til fjögurra ára aldurs og þarf enn í dag alltaf að nota sérsmíðuð innlegg,

segir Hafdís sem skildi við föður drengsins árið 2005, sama ár og hún kynntistnúverandi eiginmanni sínum, Akureyringnum Andrési Jónssyni.


Hjónin Hafdís og Andrés

Fyrirburar og fæðingarþunglyndi

Eldri sonur þeirra Andrésar kom í heiminn fimm vikum fyrir tímann en sá yngri átta vikum.

Meðgangan með þann yngsta gekk brösuglega og þegar ég fór af stað á 30. viku var ég send suður með sjúkraflugi og var hann svo tekinn með bráðakeisara á 32. viku og settur beint í öndunarvél. Hann fæddist með vatnshöfuð. Strákurinn grét allan sólarhringinn fyrstu níu mánuði ævi sinnar, og það réð enginn við hann nema ég, ekki einu sinni pabbi hans. Hann var níu mánaða upp á dag þegar hann svaf í fyrsta skiptið ekki í fanginu á mér,

segir Hafdís sem þróaði mér sér meðgöngusykursýki á meðgöngunni sem hún hefur ekki enn losnað við.

Strákurinn er ekki með sykursýki en samt var hann að fá sykurföll fyrstu árin. Í eitt skiptið tókst mér ekki að vekja hann og fór með hann á bráðamóttökuna þar sem hann komst ekki til meðvitundar fyrr en eftir að hafa fengið tvo poka af sykurvatni. Þá hafði hann verið án fullrar meðvitundar í 17 tíma. Þetta var mjög erfiður tími og ég fékk tvisvar taugaáfall sökum álags og svefnleysis,

segir Hafdís sem fékk einnig slæmt meðgönguþunglyndi á hverri meðgöngu.

Ég fékk hálfgerða fæðingarsturlun eftir fæðingu elsta sonarins sem olli því að ég treysti mér oft ekki til að vera ein með barnið á tímabili. Sem betur fer hafði ég góðan lækni sem hugsaði vel um mig.


Fjölskyldan/Hafdís lifir fyrir strákana sína fjóra

Erfið jól framundan

Elsti strákurinn hennar hefur einnig verið mikið veikur.

Árið 2010 missti hann hálfan vetur úr skóla vegna mikilla veikinda. Læknar vissu ekkert hvað amaði að honum fyrr en barnalæknir ákvað að senda hann í höfuðmyndatöku þar sem kom í ljós að hann var kominn með vatnshöfuð. Hann var með stíflu á hættulegum stað og varð að undirgangast hættulega aðgerð. Þessi strákur, sem er líka með ADHD, hefur gengið í gegnum svo margt en er svo duglegur og þroskaður,

segir Hafdís sem segir soninn hafa upplifað mikinn missi þegar stjúpfaðir hennar lést óvænt á jólunum í fyrra.

Hann var maðurinn sem ól mig upp og þeir tveir voru bestu vinir. Hann hné niður þann 19. desember og var á milli heims og helju næstu daga. Á Þorláksmessu var slökkt á vélunum en hann var þrjóskari en andskotinn og ákvað að fara ekki frá móður minni fyrr en eftir aðfangadagskvöld. Hann kvaddi því á jóladagsmorgun. Andlát hans hefur reynst okkur alveg ofsalega erfitt og það eru erfið jól framundan. Ég fór ofsalega langt niður, lokaði á alla og einangraði mig fyrstu mánuðina. Það var ekki fyrr en mamma benti mér á að þetta gæti ekki gengið svona strákanna vegna að ég talaði við sálargæsluliða sem hjálpaði mér mjög mikið.

Síþreyta og brjóstakrabbamein

Auk geðrænna kvilla, síþreytu og sykursýki 2 er Hafdís afar slæm í skrokknum sökum vefja- og slitgigtar og í apríl í fyrra greindist hún með brjóstakrabbamein.

Ég veit ekki hvað varð til þess að ég ákvað að ég yrði að fara í brjóstamyndatöku. Ég fann ekki fyrir neinu en það var eitthvað sem sagði mér að það væri ekki allt í lagi. Sem betur fer var meinið að mestu leyti staðbundið en aðeins farið út í mjólkurgöngin. Ég gat valið um að fara í fleygskurð og lyfja- og geislameðferð eða láta taka allt brjóstið, sem ég valdi. Ég vildi bara losna við þetta. Sólarhring eftir brjóstnámið fór ég í bráðaaðgerð því það fór að blæða innvortis í brjóstinu og ég missti mikið blóð. Tveggja daga dvöl á sjúkrahúsi varð því að tíu daga sjúkrahúslegu,

segir Hafdís sem hefur nú einnig látið fjarlægja hitt brjóstið.

Nokkrum mánuðum eftir aðgerðina fór að vella gröftur úr því brjósti. Við ómskoðun fannst ekkert en vegna minnar sögu var ákveðið að taka það líka.

Myglusveppur í íbúðinni

Eins og veikindin hafi ekki verið nóg greindist nýlega myglusveppur í íbúð fjölskyldunnar og hafði mikil áhrif á heilsufarið.

Ég var búin að vera sérstaklega slöpp og þreytt og strákarnir voru alltaf með stíflað nef og óþægindi í öndunarfærum, sérstaklega tveir yngstu en þeir deildu herbergi saman. Mig fór að gruna myglusvepp og fékk smið sem tók þrjú sýni. Eitt sýnanna sýndi myglusvepp, inni í herbergi strákanna, beint fyrir ofan höfuðið á þeim sem var mest stíflaður á morgnana. Við drifum okkur strax út úr íbúðinni og, eftir að hafa fengið ráðleggingar frá sérfræðingi, hentum öllu dótinu sem var inni í herberginu. Sængur, rúm, koddar, hillur, dót, þetta var allt ónýtt. Það eina sem við gátum bjargað voru föt sem hægt var að þvo upp úr Rodaloni. Þetta varð talsvert fjárhagslegt tjón – fyrir utan allt heilsutjónið,

segir Hafdís og bætir við að um leið og þau fluttu út hafi heilsa þeirra farið að batna.

Erfið íbúðaleit

Fjölskyldunni gekk hins vegar illa að finna aðra íbúð og litlu mátti muna að þau lentu á götunni.

Þetta hefur verið erfiður tími og sérstaklega fyrir strákana mína. Það sem bjargaði okkur var mín yndislega mágkona sem hefur heldur betur reynst okkur vel í gegnum árin. Hún flutti úr sinni íbúð til foreldra sinna svo við gætum fengið íbúðina hennar,

segir Hafdís og bætir við að leitin að íbúð og höfnunin sem þau fengu aftur og aftur hafi tekið á andlega.


Heppin með fólkið sitt/ Hér eru hjónin ásamt Svandísi, mágkonu Hafdísar

Fyrir vikið var ég farin að glíma aftur við ofsakvíða og var verulega svartsýn og vissi ekkert hvað yrði um okkur. Maður var farinn að sjá fram á að lenda á götunni með strákana en þá hringdi yndisleg kona sem bauð okkur að koma og skoða íbúð sem sonur hennar á. Eftir endalausa höfnun var sjálfstraustið ekki meira en svo að ég braut mig stanslaust niður og var orðin alveg viss um að hún og maðurinn hennar myndi hætta við að leigja okkur um leið og þau myndu hitta mig. En það gerðist ekki og við flytjum inn í íbúð sonar þeirra um mánaðamótin,

segir hún þakklát og brosir.

Heppin með barnsfeður

Röð áfalla hefur orðið til þess að Hafdís hefur barist við ofsakvíða og ofsahræðslu og hefur tvisvar þurft að leggjast inn á geðdeild vegna vanlíðunar.

Þetta kemur bara upp úr þurru. Maðurinn minn segir að ég sé bara geðveik og ég segi það sjálf. Maður er snarklikkaður. Það er bara okkar leið til að funkera í lífinu. Þetta er endalaus barátta,

segir hún og bætir við að Andrés sé hennar mesta lukka í lífinu.

Hann er algjör gleðigjafi og sá eini sem getur fengið mig til að brosa í gegnum tárin. Hann hefur staðið við bakið á mér eins og klettur og ég er nokkuð viss um að ég væri ekki hér í dag ef ég hefði hann ekki. Hann, ásamt drengjunum mínum, er klárlega það besta sem hefur komið fyrir mig í lífinu. Við förum saman í gegnum lífið á fíflagangi, einfaldlega til að komast af,

segir hún og bætir við að samband hennar við fyrrverandi sambýlismann sinn sé einnig gott.

Við höfðum verið sundur og saman í tólf ár þegar við skildum endanlega og fyrst um sinn var sambandið á milli okkar ekki gott. Með Andrésar hjálp og þroska hjá okkur hefur það stórbatnað. Við viljum öll það besta fyrir börnin og höfum til að mynda verið öll saman á jólunum síðustu fjögur jól og áramót. Hann og Andrés eru þar að auki orðnir góðir vinir. Ég gæti ekki verið heppnari með barnsfeður.

Ekki auðveld tengdadóttir

Hún segist einnig heppin með tengdafjölskyldu.

Þau þekktu ekki svona mikið til andlegra veikinda fyrr en ég kom inn í fjölskylduna og þótt þau skilji mig ekki alltaf og hafi gengið í gegnum ýmislegt með mér hafa þau reynst mér mjög vel. Strákarnir okkar geta alltaf leitað til þeirra og það kom sér heldur betur vel þegar ég var send suður með sjúkraflugi þegar sá yngsti var að koma í heiminn. Við urðum að dvelja fyrir sunnan í mánuð og fótunum því algjörlega kippt undan strákunum. Sem betur fer stigu tengdaforeldrar mínir inn í og hugsuðu um þá allan tímann. Það var ótrúlega gott að vita af þeim í þeirra höndum. Ég geri mér grein fyrir því að ég er ekki auðveldasta tengdadóttir í heimi. Ég er ákveðin, hreinskilin og ef ég bít eitthvað í mig hætti ég ekki fyrr en takmarkinu er náð. Líf mitt hefur ekki alltaf verið dans á rósum og þótt þau skilji ekki alltaf mín veikindi reyna þau sitt besta.

Gefst aldrei upp

Eins og áður sagði stígur Hafdís fram með sína sögu í von um að opna umræðuna um geðsjúkdóma.

Ég vil fræða fólk svo það dæmi ekki án þess að vita um hvað málið snýst. Það eiga allir sína sögu og það er alltaf ástæða fyrir hlutunum,

segir hún og bætir við að hennar saga sé kannski ótrúlegri en margra.

Ég hef verið ansi óheppin. Ef eitthvað getur mögulega farið úrskeiðis gerist það nánast alltaf. Mér er bara ætlað að hafa mikið fyrir þessu lífi en þótt ég sé með ansi breiðar og þykkar herðar finnst mér stundum eins og það hljóti að vera komið nóg. Ég veit í raun ekki hversu mikið meira ég get þolað. Hins vegar gefst ég aldrei upp og mun berjast áfram fyrir strákana mína og Andrés. Þeir veita mér tilgang. Ég held líka áfram fyrir móður mína sem hefur gengið í gegnum ýmislegt fyrir okkur systkinin. Það minnsta sem ég get gert er að sýna henni og pabba sálugum þá virðingu að vera til staðar fyrir mín börn.

Nýtt upphaf á nýjum stað

Þótt hún kvíði jólunum segist hún ávallt hafa verið mikið jólabarn.

Ég hef verið þekkt fyrir að vera búin að skreyta og setja upp seríur 1. nóvember enda sagði pabbi sálugi að það væri eins og að koma í jólaland að koma heim til mín. Þessi jól verða erfið en maður verður að hugsa um börnin. Ég er ekki enn búin að skreyta enda er öll okkar búslóð í gámi, en þegar við komum í nýju íbúðina munum við skapa okkur nýjar hefðir og hefja nýjan kafla í lífi okkar. Nú byrjum við upp á nýtt á nýjum stað. Það er draumurinn. Maður verður að vera þakklátur fyrir það sem maður hefur og ég hef aldrei skammast mín fyrir það hvernig ég er. Geðræn veikindi eru ekkert til að skammast sín fyrir. Svona er ég bara.

Greinin birtist upphaflega í Akureyri vikublað.



29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.

SushiSocial: jól 2017